Йаһоԝа ԝе зутьрәке бь сайа Пʹадшатийа хԝә һʹәму проблемед мә бьдә һьлдане. Әв мьзгини шабунәкә мәзьн тинә у һʹәму мәрьв гәрәке әве мьзгинийе бьбьһен. Иса дьхԝазә ԝәки пәйчуйед ԝи әве мьзгинийе һʹәму мәрьварʹа бәла кьн (Мәтта 28:19, 20). Шәʹдед Йаһоԝа ча әве тʹәмийа Иса тиньн сери?

1. Ча рʹожа иро гьлийед жь Мәтта 24:14 тенә сери?

Иса гот: «Әв Мьзгинийа Пʹадшатийе ԝе ль нав тʹәмамийа дьнйайе бе даннасинкьрьне» (Мәтта 24:14). Шәʹдед Йаһоԝа бь шабуне ԝи шьхӧле фәрз тиньн сери. Әм әве мьзгинийе нав тʹәмамийа дьнйайе сәр 1 000 зьмана зедәтьр бәла дькьн! Сәва кӧ әви шьхӧле мәзьн биньн сери, лазьм ә ԛәԝат у тʹәрбәти. Әԝ шьхӧл бе аликʹарийа Йаһоԝа ԝе нәһата сери.

2. Әм чь дькьн ԝәки мәрьварʹа мьзгинийе бәла кьн?

Әм мьзгинийе һʹәму дәра бәла дькьн, кʹидәре кӧ мәрьв һәнә. Мина Мәсиһийед ԛьрʹна йәке, әм мал бь мал хьзмәт дькьн (Кʹаред Шандийа 5:42). Әв метод али мә дькә кӧ һәр сал бь милйона мәрьварʹа мьзгинийе бәла кьн. Щара мәрьв малда ниньн, ләма әм ԝан щийа жи мьзгинийе бәла дькьн, кʹидәре кӧ гәләк мәрьв тʹоп дьбьн. Әм тʹьме мәщала дьгәрʹьн, ԝәки мәрьварʹа дәрһәԛа Йаһоԝа у нетед ԝи гьли кьн.

3. Кʹи щабдар ә мьзгинийа хере бәла кә?

Һʹәму Мәсиһийед рʹаст щабдар ьн мәрьварʹа мьзгинийе гьли кьн. Әԝ щабдари гәләк фәрз ә. Әм чьԛас дькарьн, хьзмәт дькьн, чьмки заньн кӧ әʹмьре мәрьва ве йәкева гьредайи йә (Бьхунә 1 Тимотʹейо 4:16.) Әм бона ԝи шьхӧли пʹәра настиньн, чьмки Кʹьтеба Пирозда те готьне: «Ԝә беһәԛ стандийә, беһәԛ жи бьдьн» (Мәтта 10:7, 8). Нә һʹәму мәрьв әве мьзгинийе ԛәбул дькьн. Ле йәкә әм насәкьньн у әԝи шьхӧли бәрдәԝам дькьн, чьмки бь ԝе йәке әм гӧрʹа Йаһоԝа дькьн у дьле ԝи ша дькьн.

КʹУР ЛЕКОЛИН КӘ

4. Чь дәсте мә те әм дькьн, ԝәки һʹәму мәрьварʹа мьзгинийе гьли кьн

ВИДЕО: Бәлакьрьна Мьзгине «Һʹәта Сәре Дьне» (7:33)

• Чь тә хԝәш те ве йәкеда, кӧ Шәʹдед Йаһоԝа чь дькьн ԝәки мьзгинийе бәла кьн?

Бьхунә Мәтта 22:39 у Рʹомайи 10:13-15, у паше ван пьрса шеԝьр кә:

• Хьзмәтийа мә ча дьдә кʹьфше, ԝәки әм бона мәрьва хәм дькьн?

• Йаһоԝа ча дьньһерʹә сәр ԝан мәрьва, йед кӧ мьзгинийа хере бәла дькьн? (Бьньһерʹә рʹеза 15.)

5. Әм һәвалкʹаред Хԝәде нә

Гәләк мәсәлә һәнә, кʹижан кӧ дьдьнә кʹьфше ԝәки хьзмәтийеда Йаһоԝа рʹебәрийе мә дькә. Мәсәлә, Зәланда Нуда, бьраки мә наве кʹижани Паул ә, чахе мал бь мал хьзмәт дькьр, рʹасти кʹӧлфәтәке һат. Һәма ве рʹоже шәбәԛе, әве кʹӧлфәте наве Хԝәде, Йаһоԝа, һьлдабу у жерʹа дӧа кьрьбу. Дӧада әԝе жь Хԝәде һиви кьрьбу, ԝәки кәсәк бе тʹәсәлийа ԝе бькә. Паул дьбежә, «һәма се сьһʹәт паши дӧайе ԝе кʹӧлфәте, мьн дәре ԝе хьст».

Бьхунә 1 Корьнтʹи 3:9, у паше әве пьрсе шеԝьр кә:

• Мәсәлед мина мәсәла Паул жь Зәланда Ну, ча дьдьнә кʹьфше, ԝәки Йаһоԝа рʹебәрийа шьхӧле бәлакьрьна мьзгинийе дькә?

Бьхунә Кʹаред Шандийа 1:8, у паше әве пьрсе шеԝьр кә:

• Чьрʹа мәрʹа аликʹарийа Йаһоԝа лазьм ә, ԝәки хьзмәтийа хԝә һʹәта хьлазийе биньн сери?

Ԝә заньбу?

Әм һәр һʹәфти щьватеда, рʹебәрийе бона хьзмәткьрьне дьстиньн. Һәрге тӧ чуйи ве щьвате, гьли кә тӧ чь дьфькьри дәрһәԛа ве һинкьрьне.

6. Әм тʹәмийа Хԝәде тиньн сери

Ԛьрʹна йәкеда мәрьвед мьԛабьл дьхԝәстьн пәйчуйед Иса бьдьнә сәкьнандьне, ԝәки әԝана мьзгинийе бәла нәкьн. Ле ԝана бь ԛануни изьна хԝә дьпʹараст, кӧ мьзгинийа хере бәла кьн (Филипи 1:7). Иро жи Шәʹдед Йаһоԝа ӧса дькьн.a

ВИДЕО: «Бь Ԛануни Мьзгинийа Хере Дьпарезьн» (2:28)

Бьхунә Кʹаред Шандийа 5:27-42, у паше әве пьрсе шеԝьр кә:

• Чьрʹа әме нәсәкьньн мьзгинийе бәла кьн? (Бьньһерʹә рʹезед 29, 38 у 39.)

ТʹӘМАМКЬРЬН

Иса тʹәми да пәйчуйед хԝә ԝәки һʹәму мьләтарʹа мьзгинийе бәла кьн. Йаһоԝа али щьмәʹта хԝә дькә, ԝәки әԝи шьхӧли биньн сери.

Ԝәкʹьландьн

• Ча мьзгинийа хере нав тʹәмамийа дьнйайеда те бәлакьрьне?

• Хьзмәтийа мә ча дьдә кʹьфше ԝәки әм бона мәрьва хәм дькьн?

• Тӧ ча дьфькьри, бәлакьрьна мьзгинийе дькарә шабуне мәрʹа бинә? Чьрʹа?

ҺЕ ЗЕДӘ ПЕБЬҺʹӘСӘ

Бьньһерʹә кӧ Шәʹдед Йаһоԝа шәһәред мәзьнда ча хьзмәт дькьн.

«Хьзмәткьрьна Париседа ль Ԝан Щийа, Кʹидәре кӧ Гәләк Мәрьв Һәнә» (5:11)

Шәʹдед Йаһоԝа чь дькьн, ԝәки али ԝан хәриба бькьн, йед кӧ жь ԝәлатед хԝә рʹәви нә?

«Рʹәвийа жь Тʹибуна Рʹӧһʹани Хьлаз Дькьн» (5:59)

Бьньһерʹә кӧ ча хьзмәтийа һәртʹьм жийина мәрийа бәхтәԝар дькә.

«Ша мә кӧ Мьн Рʹийа Рʹаст Бьжартийә» (6:29)

Пебьһʹәсә кӧ ча бь аликʹарийа һьнә сафикьрьнед диԝане хьзмәти һеса бу.

«Мьзгинванед Пʹадшатийе Шьхӧл Дьдьнә Диԝане» («Пʹадшатийа Хԝәде Сәрԝертийе Дькә!», сәре 13)

Иса гот ԝәки Мәсиһи гәрәке бенә ньхӧмандьне (Бьхунә Мәтта 28:19, 20.) Ле ньхӧмандьн чь йә? Мәрьв гәрәке чь бькә, ԝәки бьгьһижә ве нете?

1. Ньхӧмандьн ча гәрәке бе кьрьне?

Хәбәра Йунани кʹижан кӧ һатийә ԝәлгәрʹандьне ча «ньхӧмандьн», те һʹәсабе «бькьнә бьн аве». Чахе Иса Чʹәме Урдӧнеда һатә ньхӧмандьне, аве бь тʹәмами бәдәна ԝи дада у паше Иса «жь аве дәркʹәт» (Марԛос 1:9, 10). Һʹәма ӧса иро жи Мәсиһийед рʹаст чахе тенә ньхӧмандьне, бь тʹәмами дькʹәвьнә бьне аве.

2. Ньхӧмандьн чь дьдә кʹьфше?

Чахе мәрьв те ньхӧмандьне, әԝ дьдә кʹьфше ԝәки әԝи иди хԝә тʹәсмили Йаһоԝа Хԝәде кьрийә. Ле мәрьв ча хԝә тʹәсмили Хԝәде дькә? Пешийа кӧ мәрьв бе ньхӧмандьне, әԝ дӧада Йаһоԝарʹа дьбежә, кӧ дьхԝазә тʹәмамийа әʹмьре хԝә Ԝирʹа хьзмәт кә. Әԝ соз дьдә кӧ ԝе тʹәне Йаһоԝа бьһʹәбинә у әʹмьре хԝәда ԛьрара Ԝи бьдә сәр щийе пешьн. Әԝ сафи дькә «хԝә инкʹар кә» у пәй Иса һәрʹә (Мәтта 16:24). Тʹәсмилбуйин у ньхӧмандьн мәщале дьдә ԝи мәрьви, ԝәки тʹәви Йаһоԝа бьбә досте незик у ӧса жи тʹәви ԝан, йед кӧ Хԝәдерʹа хьзмәт дькьн.

3. Мәрьв чь гәрәке бькә пешийа кӧ бе ньхӧмандьне?

Сәва кӧ бейи ньхӧмандьне, гәрәке Йаһоԝа нас бьки у баԝәрийа хԝә һьндава ԝи ԛәԝи ки (Бьхунә Ибрани 11:6.) Чьԛас занәбуна тә дәрһәԛа Йаһоԝа зедә бә у баԝәрийа тә ԛәԝи бә, һаԛас һе зедә тӧйе Йаһоԝа һʹьз бьки. Бешьк, һьнге тӧйе бьхԝази мәрьварʹа дәрһәԛа Ԝи гьли ки у пе принсипед ԝи бьжийи (2 Тимотʹейо 4:2; 1 Йуһʹәнна 5:3). Гава мәрьв «чаԝа лайиԛи Хӧдан ә, һәр алийава ль ԝи хԝәш» бе, әԝ иди дькарә сафи кә хԝә тʹәсмили Хԝәде кә у бе ньхӧмандьне (Колоси 1:9, 10).a

КʹУР ЛЕКОЛИН КӘ

4. Әм жь ньхӧмандьна Иса чь һин дьбьн

Сәва кӧ дәрһәԛа ньхӧмандьна Иса һе зедә пебьһʹәси, бьхунә Мәтта 3:13-17. Паше ван пьрса шеԝьр кә:

• Гәло Иса зарʹа бьчʹук бу чахе һатә ньхӧмандьне?

• Әԝ ча һатә ньхӧмандьне? Тʹәне һьнә ав рʹәшандьнә сәр ԝи, йан әԝ бь тʹәмами кʹәтә бьн аве?

Иса паши ньхӧмандьне дәстпекьр ԝи шьхӧли бинә сери, кʹижан кӧ Хԝәде тʹәсмили ԝи кьрьбу. Бьхунә Луԛа 3:21-23 у Йуһʹәнна 6:38, у паше әве пьрсе шеԝьр кә:

• Чахе Иса һатә ньхӧмандьне кʹижан шьхӧл бона ԝи лапә фәрз бу?

5. Ньхӧмандьн нетәкә реали йә

Дьԛәԝьмә серида тʹәсмилбуйин у ньхӧмандьн тәрʹа ча баре гьран бе кʹьфше. Ле дьбәкә тӧ бейи сәр ве нете, кӧ әве гаве бавежи у дӧдьли нәби. Сәва кӧ бьвини ча һьнә мәрьва әв гав авитьнә, вехә ВИДЕО.

ВИДЕО: «Бьбьнә Достед Йаһоԝайи Незик» (1:11)

Бьхунә Йуһʹәнна 17:3 у Аԛуб 1:5, у паше әве пьрсе шеԝьр кә:

• Чь дькарә али тә бькә ԝәки бона ньхӧмандьне һазьр би?

1. А. Әм хԝә тʹәсмили Йаһоԝа дькьн чахе ԝирʹа соз дьдьн, кӧ әме тʹәмамийа әʹмьре хԝә ԝирʹа хьзмәт кьн

2. Б. Чахе әм тенә ньхӧмандьне, бь ԝе йәке әм дьдьнә кʹьфше кӧ мә хԝә тʹәсмили Хԝәде кьрийә

6. Чахе әм тенә ньхӧмандьне, әм дьбьнә пʹара малбәта Йаһоԝа

Чахе әм тенә ньхӧмандьне, әм дьбьнә пʹара малбәта Йаһоԝайә һʹәмдьнйайе. Һʹәму һинкьрьнед Шәʹдед Йаһоԝа у принсипед жийина ԝан йәк ьн, фьрԛи тʹӧнә әԝана жь кʹидәре нә йан чь мьләти нә. Бьхунә Зәбур 25:14 у 1 Пәтрус 2:17, у паше әве пьрсе шеԝьр кә:

• Ньхӧмандьн ча һʹӧкӧм дькә сәр һәләԛәтийа мерьв тʹәви Йаһоԝа у ӧса жи тʹәви баԝәрмәндед Ԝи?

ТʹӘМАМКЬРЬН

Ль гора һинкьрьнед Иса, һʹәму Мәсиһи гәрәке бенә ньхӧмандьне. Ле сәва кӧ бьгьһижьнә ве нете, гәрәке баԝәрийа хԝә һьндава Йаһоԝа ԛәԝи кьн, пе принсипед ԝи бьжин у хԝә тʹәсмили ԝи кьн.

Ԝәкʹьландьн

• Ньхӧмандьн чь йә у чьрʹа әԝ йәк гәләк фәрз ә?

• Тʹәсмилбуйин у ньхӧмандьн ча һәвва гьредайи нә?

• Мәрьв чь гәрәке бькә, пешийа кӧ хԝә тʹәсмили Хԝәде кә у бе ньхӧмандьне?

ҺЕ ЗЕДӘ ПЕБЬҺʹӘСӘ

Пебьһʹәсә ньхӧмандьн чь те һʹәсабе.

«Ньхӧмандьн Чь Те Һʹәсабе?» (Готара жь малпәре)

Пебьһʹәсә кӧ мәрьв гәрәке чь бькә, ԝәки бе ньхӧмандьне.

«Һʹьзкьрьна Һьндава Йаһоԝа Бәрбь Ньхӧмандьне Һелан Дькә» («Бьрща Ԛәрәԝьлийе», Адар, 2020)

Бьхунә дәрһәԛа мерькәки кʹижани сафи кьрьбу бе ньхӧмандьне, ле сафикьрьна ԝи тʹәне сәр емосийа нибу.

«Ԝана Дьхԝәст ԝәки Әз Хԝәха Рʹастийеда Баԝәр бьм» («Бьрща Ԛәрәԝьлийе», 1 Сьбате, 2013)

Пебьһʹәсә кӧ чьрʹа һежа йә бейи ньхӧмандьне, у ве йәкеда чь ԝе али тә бькә?

«Гәло Һежа йә Бемә Ньхӧмандьне?» («Пьрсед Щаһьла у Ширәтед Керһати», Пʹара 2, сәре 37)