Кʹьтеба Пирозда тʹема сәрәкә, дәрһәԛа Пʹадшатийа Хԝәде йә. Хԝәде ԝе бь сайа ве Пʹадшатийе, нета хԝәйә әʹԝльн бинә сери. Ле чь йә Пʹадшатийа Хԝәде? Әм жь кʹӧ заньн ԝәки ньһа әԝ Пʹадшати сәрԝертийе дькә? Әве Пʹадшатийе чь ида анийә сери у ахьрийеда ԝе чь бинә сери? Әме щабед ван пьрса ве дәрседа у дӧ дәрсед дьнда пебьһʹәсьн.

1. Чь йә Пʹадшатийа Хԝәде у Пʹадше ве кʹе йә?

Пʹадшатийа Хԝәде әԝ сәрԝерти йә, кʹижан кӧ Йаһоԝа саз кьрийә. Ве Пʹадшатийеда Иса йә пʹадша, йе кӧ жь әʹзмана сәрԝертийе дькә (Мәтта 4:17; Йуһʹәнна 18:36). Кʹьтеба Пирозда дәрһәԛа Иса те готьне: «Әԝе һʹәта-һʹәтайе пʹадшатийе . . . бькә» (Луԛа 1:32, 33). Иса чаԝа Пʹадше Пʹадшатийа Хԝәде, ԝе сәр тʹәмамийа әʹрде сәрԝертийе бькә.

2. Кʹе ԝе тʹәви Иса сәрԝертийе бькә?

Иса тʹәне сәрԝертийе накә. Ԝе мәрьвед жь «һәр бәрәке, жь һәр зьмани, жь һәр щьмәʹте у жь һәр мьләти . . . ль сәр дьнйайе пʹадшатийе бькьн» (Әʹйанти 5:9, 10). Йед кӧ тʹәви Иса сәрԝертийе бькьн, ԝе чьԛас бьн? Чахе Иса сәр әʹрде бу, һьнгеда бь милйона мәрьв бунә пәйчуйед ԝи. Ле тʹәне 144 000 мәрьв ԝе сәр әʹзмана тʹәви Иса сәрԝертийе бькьн (Бьхунә Әʹйанти 14:1-4.) Ле һʹәму Мәсиһийед сәр әʹрде, ԝе бьн ве Пʹадшатийеда бьн (Зәбур 37:29).

3. Чьрʹа Пʹадшатийа Хԝәде жь сәрԝертийа мәрьва четьр ә?

Һәнә сәрԝер кʹижан кӧ дьхԝазьн мәрьварʹа кʹаре биньн, ле ԛәԝата ԝан нагьһиже һʹәму тьшти ӧса бькьн, чаԝа дьхԝазьн. Сәрԝер тенә гӧһастьне, у дьбәкә йед пәй ԝанрʹа хԝәһʹьз бьн, у нә жи бьхԝазьн али мәрьва бькьн. Ле тʹӧ кәс дәԝса сәрԝере Пʹадшатийа Хԝәде, демәк дәԝса Иса, ԝе нәгьрә, чьмки Пʹадшатийа кӧ Хԝәде кʹьфш кьрийә, «ԝе тʹӧ щар кʹӧта нәбә» (Данийел 2:44, ДТʹ). Иса ԝе сәр тʹәмамийа әʹрде сәрԝертийе бькә у ԝе фьрԛийе нәкә ортʹа мәрьва. Әԝ бь һʹьзкьрьн ә, ԛәнщ ә у һәԛ ә, у мәрьва һин дькә, ԝәки әԝана жи һьндава һәвда ӧса бьн (Бьхунә Ишайа 11:9.)

4. Сәрԝертийа ԛәԝи ԝе сәр тʹәмамийа дьнйайе сәрԝертийе бькә

Тʹәрихийеда ԛәԝата тʹӧ кәси сәрԝертикьрьнеда нагьһижә ԛәԝата Иса Мәсиһ. Бьхунә Мәтта 28:18, у паше әве пьрсе шеԝьр кә:

• Чь фьрԛи һәйә ортʹа Иса у сәрԝеред ве дьнйайе?

Сәрԝер зу тенә гӧһастьне у һәр йәк тʹәне сәр пʹарәкә әʹрде сәрԝертийе дькә. Ле әм чь дькарьн бежьн дәрһәԛа Пʹадшатийа Хԝәде? Бьхунә Данийел 7:14, у паше ван пьрса шеԝьр кә:

• Чьрʹа гәләк баш ә кӧ «пʹадшатийа [Хԝәде] ԝе тʹӧ щара һьлнәшә»?

• Чьрʹа баш ә кӧ әԝ Пʹадшати ԝе сәр тʹәмамийа әʹрде сәрԝертийе бькә?

5. Сәрԝертийа мәрьва гәрәке бе гӧһастьне

Чьрʹа дәԝса сәрԝертийа мәрьва, гәрәке Пʹадшатийа Хԝәде сәрԝертийе бькә? Вехә ВИДЕО, у паше әве пьрсе шеԝьр кә:

ВИДЕО: «Чь йә Пʹадшатийа Хԝәде?»; Пʹарәк (1:41)

• Сәрԝертийа мәрьва чь ахьри анийә?

Бьхунә Ԝаиз 8:9, у паше әве пьрсе шеԝьр кә:

• Ча тӧ дьфькьри, лазьм ә ԝәки дәԝса сәрԝертийа мәрьва, Пʹадшатийа Хԝәде сәрԝертийе бькә? Шьровәкә.

6. Пʹадшатийа Хԝәдеда сәрԝеред ӧса ньн, кʹижан кӧ һʹале мә фәʹм дькьн

Пʹадше мә Иса һʹале мә фәʹм дькә у дьле ԝи сәр мә дьшәԝьтә, чьмки әԝ хԝәха жи мәрьв бу (Ибрани 4:15). Хенщи ве йәке, Йаһоԝа 144 000 мәрьвед амьн «жь һәр бәрәке, жь һәр зьмани, жь һәр щьмәʹте у жь һәр мьләти» бьжарт, ԝәки тʹәви Иса сәрԝертийе бькьн (Әʹйанти 5:9).

• Тӧ дьлбинийе дьстини жь занәбуна ве йәке, кӧ Иса у йед кӧ тʹәви ԝи пʹадшатийе дькьн, һʹале мәрьва фәʹм дькьн? Чьрʹа тӧ ӧса дьфькьри?

7. Ԛанунед Пʹадшатийа Хԝәде лапи баш ьн

Дәԝләт ԛануна саз дькьн, ԝәки әԝ ԛанун бьнәлийед ԝан хԝәй кьн. Ӧса жи ԛанунед Пʹадшатийа Хԝәде һәнә, у ләма жи бьнәлийед ве Пʹадшатийе гәрәке ԝан ԛануна биньн сери. Бьхунә 1 Корьнтʹи 6:9-11, у паше ван пьрса шеԝьр кә:

• Бь тʹәхмина тә, һʹале дьнйайе ԝе чаԝа бә чахе һʹәму мәрьв ԛанунед Хԝәде бьԛәдиньн?a

• Тӧ ча дьфькьри, әԝ йәк бь һәԛи у бь билани йә, кӧ Йаһоԝа дьхԝазә ԝәки бьнәлийед Пʹадшатийа ԝи ԛанунед ԝи биньн сери? Шьровәкә.

• Чь дьдә кʹьфше ԝәки мәрьвед кӧ әԝ ԛанун нәдьанин сери, дькарьн бенә гӧһастьне? (Бьньһерʹә рʹеза 11.)

ТʹӘМАМКЬРЬН

Пʹадшатийа Хԝәде сәрԝертийа сәр әʹзмана йә, кʹижан кӧ ԝе сәр тʹәмамийа әʹрде сәрԝертийе бькә.

Ԝәкʹьландьн

• Сәрԝеред Пʹадшатийа Хԝәде кʹе нә?

• Пʹадшатийа Хԝәде чьда жь сәрԝертийа мәрьва баштьр ә?

• Йаһоԝа жь бьнәлийед Пʹадшатийа хԝә чь дәʹԝа дькә?

ҺЕ ЗЕДӘ ПЕБЬҺʹӘСӘ

Пебьһʹәсә кӧ Иса чь гот дәрһәԛа ве йәке, кӧ Пʹадшатийа Хԝәде кʹидәре йә.

«Гәло Пʹадшатийа Хԝәде Дьле Мәрьвада нә?» (Готара жь малпәре)

Чьрʹа бона Шәʹдед Йаһоԝа дьһа фәрз ә Пʹадшатийа Хԝәдерʹа амьн бьминьн, нә кӧ сәрԝертийа мәрьварʹа?

«Пʹадшатийа Хԝәдерʹа Амьн ьн» (1:43)

Пебьһʹәсә кӧ Кʹьтеба Пирозда чь те готьне дәрһәԛа 144 000 мәрьва, йед кӧ һатьнә бьжартьне, ԝәки тʹәви Иса сәрԝертийе бькьн.

«Кʹе Дьчә Сәр Әʹзмана?» (Готара жь малпәре)

Чь кʹӧлфәтәке да баԝәркьрьне, ԝәки тʹәне Хԝәде дькарә һʹале дьнйайе баш кә?

«Әз Пеһʹәсийам кӧ Нәһәԛи ԝе бе Һьлдане» («Һʹьшйар Бьн!», Мьждар, 2011)

Иса гот кӧ пәйчуйед ԝи гәрәке «нә пʹара дьнйайе» бьн (Йуһʹәнна 15:19). Әв те һʹәсабе, ԝәки тʹәви шьхӧлед политике у шәрʹа нәбьн. Бь рʹасти һәргав һеса нинә тʹәвнәбуйине хԝәй кьн, чьмки щарна жь бо ве йәке мәрьв дькарьн ԛәрфе хԝә мә бькьн. Гәло әм ча дькарьн тʹәвнәбуйине хԝәй кьн, һьм жи Йаһоԝа Хԝәдерʹа амьн бьминьн?

1. Ньһерʹандьна Мәсиһийед рʹаст сәр сәрԝертийа мәрьва чь щурʹәйи йә?

Мәсиһи ԛәдьре сәрԝертийе дьгьрьн. Әм ӧса дькьн чаԝа кӧ Иса гот: «Йед Ԛәйсәр ьн бьдьнә Ԛәйсәр». Демәк әм ԛанунед дәԝләте тиньн сери, мәсәлә хәрще дәԝләте дьдьн (Марԛос 12:17). Кʹьтеба Пироз дьбежә, ԝәки мәрьв сәрԝертийе дькьн, чьмки Йаһоԝа изьне дьдә (Рʹомайи 13:1). Ләма жи әм фәʹм дькьн, ԝәки сәрԝертийа мәрьва синоркьри йә у нагьһижә һʹӧкӧмәтийа Йаһоԝа. Һевийа мә тʹәне сәр Хԝәде у сәр Пʹадшатийа ԝийә әʹзмани йә, кʹижан кӧ ԝе проблемед инсанәте сафи кә.

2. Әм ча дькарьн бьдьнә кʹьфше, кӧ тʹәвнәбуйине хԝәй дькьн?

Мина Иса әм жи накʹәвьнә нав шьхӧлед политикайе. Чахе мәрьва кʹәрәмәтәкә Иса дит у хԝәстьн ԝи хԝәрʹа бькьн пʹадша, әԝ рʹази нәбу (Йуһʹәнна 6:15). Гәло чьма? Иса гот: «Пʹадшатийа мьн нә жь ве дьнйайе йә» (Йуһʹәнна 18:36). Әм жи ча шагьртед Иса, тʹәвнәбуйине хԝәй дькьн. Мәсәлә, әм начьн шәрʹ (Бьхунә Миха 4:3.) Рʹаст ә әм ԛәдьре симболед мьләтийе дьгьрьн, мәсәлә бәйрәԛе, ле әм һʹӧрмәте надьне (1 Йуһʹәнна 5:21). Әм нә жи пьшта кәсәки дьгьрьн, йе кӧ мьԛабьли партийәкә политике йан жи әндәмед ԝе йә. Ԝан дәрәщада ӧса жи дәрәщед дьнда әм дьдьнә кʹьфше, ԝәки бь тʹәмами Пʹадшатийа Хԝәдерʹа амьн ьн.

КʹУР ЛЕКОЛИН КӘ

3. Мәсиһийед рʹаст тʹәвнәбуйине хԝәй дькьн

Иса у шагьртед ԝи бона мә мәсәлә нә. Бьхунә Рʹомайи 13:1, 5-7 у 1 Пәтрус 2:13, 14. Паше, вехә ВИДЕО, у ван пьрса шеԝьр кә:

ВИДЕО: «Мәсиһийед Рʹаст Тʹәвнәбуйине Хԝәй Дькьн»; Пʹара 1 (4:28)

• Чьма әм гәрәке ԛәдьре сәрԝертийа мәрьва бьгьрьн?

• Кʹижан һьнә дәрәщада әм гӧрʹа сәрԝертийа мәрьвада ньн?

Ԝәʹде шәрʹ һьнә ԝәлат хԝә ӧса дьдьнә кʹьфше, йанчь тʹәвнәбуйине хԝәй дькьн, ле хԝәха пьштгьрийа һәрд алийа жи дькьн. Гәло бь рʹасти чь те һʹәсабе тʹәвнәбуйине хԝәй кьн? Бьхунә Йуһʹәнна 17:16. Паше, вехә ВИДЕО у әве пьрсе шеԝьр кә:

ВИДЕО: «Мәсиһийед Рʹаст Тʹәвнәбуйине Хԝәй Дькьн»; Пʹара 2 (3:11)

• Чь те һʹәсабе тʹәвнәбуйине хԝәй кьн?

Тӧйе чь бьки, һәрге һʹӧкӧмәти жь тә дәʹԝа дькә, кӧ тьштәки ӧса бьки, чь кӧ мьԛабьли ԛануна Хԝәде йә? Бьхунә Кʹаред Шандийа 5:28, 29. Паше, вехә ВИДЕО у ван пьрса шеԝьр кә:

ВИДЕО: «Мәсиһийед Рʹаст Тʹәвнәбуйине Хԝәй Дькьн»; Пʹара 3 (1:18)

• Һәрге ԛануна дәԝләте мьԛабьли ԛануна Хԝәде нә, һьнге тӧйе гӧрʹа ԛануна кʹе бьки?

• Кʹижан дәрәщада, Мәсиһи дькарә гӧрʹа һʹӧкӧмәтийа дәԝләте нәкә?

4. Фькьр у рʹабун-рʹуньштьна хԝәда тʹәвнәбуйине хԝәй кә

Бьхунә 1 Йуһʹәнна 5:21. Паше, вехә ВИДЕО у ван пьрса шеԝьр кә:

ВИДЕО: «Чьрʹа Лазьм ә, ԝәки Мәсиһийед Рʹаст Мерхас Бьн; Ԝәки Тʹәвнәбуйине Хԝәй Кьн» (2:49)

• Ча жь видеойе һатә кʹьфше, чьма Айенге нәхԝәст бьбә әндәме партийәкә политике, у нә жи тʹәви шьхӧлед ԝан бу, мәсәлә һӧрмәт нәда бәйрәԛе?

• Ча тӧ дьфькьри сафикьрьна ԝи рʹаст бу йан на?

Кʹижан дәрәщед дьнда дькарә тʹәвнәбуйина мә бе щерʹьбандьне? Вехә ВИДЕО, у паше ван пьрса шеԝьр кә:

ВИДЕО: «Дәрсед Ԛимәт жь ‹Бьрща Ԛәрәԝьлийе›; Дьнйа Бетʹьфаԛда Тʹәвнәбуйине Хԝәй кьн» (5:16)

• Әм ча дькарьн тʹәвнәбуйине хԝәй кьн, чахе листькед спортед һʹәмдьнйайе дьньһерʹьн, гава әԝана һәврʹа дькʹәвьнә ләще?

• Әм ча дькарьн тʹәвнәбуйине хԝәй кьн, чахе сафикьрьнед мәрьвед политикайе, сәр мә һʹӧкӧм дькьн?

• Чаԝа дәнг-бәʹс у мәрьвед дәр-дор дькарьн сәр тʹәвнәбуйина мә һʹӧкӧм кьн?

ТʹӘМАМКЬРЬН

Мәсиһи һʹәму тьшти дькьн, ԝәки бь фькьр, зар-зьман у кьред хԝә, пьштгьрийа политике нәкьн.

Ԝәкʹьландьн

• Әм чьда бәр дәԝләте борщдар ьн?

• Әм чьма тʹәвнәбуйине хԝәй дькьн?

• Кʹижан дәрәщада тʹәвнәбуйина мә дькарә бе щерʹьбандьне?

ҺЕ ЗЕДӘ ПЕБЬҺʹӘСӘ

Дьбәкә мәрʹа чь лазьм бә бькьн, сәва кӧ тʹәвнәбуйине хԝәй кьн?

«Йаһоԝа Тʹьме Те Һәԝара Мә» (3:14)

Малбәт ча дькарьн пешда хԝә һазьр кьн, сәва кӧ тʹәвнәбуйине хԝәй кьн, гава бькʹәвьнә щерʹьбандьна?

«Тʹьме Һазьр ьн Тʹәвнәбуйине Хԝәй кьн» (4:25)

Әм чьрʹа дькарьн бежьн, кӧ парастьна ԝәлат, һӧрмәтәкә лапә мәзьн нинә кӧ мәрьв дькарә ԛазанщ кә? Ле тьштәки дьһа фәрз һәйә.

«Хԝәде Дькарә Һәр Тьшти Бькә» (5:19)

Пебьһʹәсә, кӧ әм ча дькарьн нәбьнә пʹара «ве дьнйайе», гава сафикьрьнед хәбатева гьредайи дькьн.

«Һәр Кәсе Хӧрща Хԝә Һьлгьрә» («Бьрща Ԛәрәԝьлийе», 15 Адаре, 2006)