3. Рʹастийа дәрһәԛа һʹале мьрийа

Нав тʹәмамийа дьнйайе баԝәрийа мәрьва дәрһәԛа һʹале мьрийа, щурә-щурә йә. Һәмьки жь ван баԝәрийа һʹәму рʹаст ниньн.

• Щийе тӧ дьжийи, дәрһәԛа һʹале мьрийа кʹижан баԝәри бәлабуйи йә?

ВИДЕО: «Мьри Чь Һʹалида ньн?»; Пʹарәк (1:19)

Бьхунә Ԝаиз 3:20, у паше ван пьрса шеԝьр кә:

• Ль гора ве рʹезе, паши мьрьне чь дьԛәԝьмә?

• Гәло паши мьрьне мәрьв диса бәрдәԝам дькә бьжи йан на?

Кʹьтеба Пирозда дәрһәԛа мьрьна Лазар, досте Исайи незик, те гьликьрьне. Бьхунә Йуһʹәнна 11:11-14, у бьньһерʹә кӧ Иса чь гот дәрһәԛа һʹале Лазар чахе әԝ мьри бу. Паше ван пьрса шеԝьр кә:

• Иса мьрьн бәрамбәри чь кьр?

• Әв йәк мә чь һин дькә дәрһәԛа һʹале мьрийа?

• Тӧ чь дьфькьри сәр ԝе йәке, кӧ Кʹьтеба Пирозда дәрһәԛа һʹале мьрийа чь те готьне?

4. Иса избат кьр кӧ әԝ дькарә мьрийа жь мьрьне рʹакә

Һе зедә пебьһʹәсә, кӧ Иса бона һәвале хԝә Лазар, чь кьр. Бьхунә Йуһʹәнна 11:14, 38-44, у паше ван пьрса шеԝьр кә:

• Әм жь кʹӧ заньн кӧ Лазар бь рʹасти мьри бу? (Бьньһерʹә рʹеза 39.)

• Ча тӧ дьфькьри, һәрге Лазар паши мьрьне бьчуйа сәр әʹзмана, Иса ԝе пашда ԝи вәгәрʹанда сәр әʹрде?

Вехә ВИДЕО.

ВИДЕО: «Иса Лазар Сах Дькә» (1:16)