Чь Те Һʹәсабе Тʹәвнәбуйине Хԝәй Кьн

Иса гот кӧ пәйчуйед ԝи гәрәке «нә пʹара дьнйайе» бьн (Йуһʹәнна 15:19). Әв те һʹәсабе, ԝәки тʹәви шьхӧлед политике у шәрʹа нәбьн. Бь рʹасти һәргав һеса нинә тʹәвнәбуйине хԝәй кьн, чьмки щарна жь бо ве йәке мәрьв дькарьн ԛәрфе хԝә мә бькьн. Гәло әм ча дькарьн тʹәвнәбуйине хԝәй кьн, һьм жи Йаһоԝа Хԝәдерʹа амьн бьминьн?

1. Ньһерʹандьна Мәсиһийед рʹаст сәр сәрԝертийа мәрьва чь щурʹәйи йә?

Мәсиһи ԛәдьре сәрԝертийе дьгьрьн. Әм ӧса дькьн чаԝа кӧ Иса гот: «Йед Ԛәйсәр ьн бьдьнә Ԛәйсәр». Демәк әм ԛанунед дәԝләте тиньн сери, мәсәлә хәрще дәԝләте дьдьн (Марԛос 12:17). Кʹьтеба Пироз дьбежә, ԝәки мәрьв сәрԝертийе дькьн, чьмки Йаһоԝа изьне дьдә (Рʹомайи 13:1). Ләма жи әм фәʹм дькьн, ԝәки сәрԝертийа мәрьва синоркьри йә у нагьһижә һʹӧкӧмәтийа Йаһоԝа. Һевийа мә тʹәне сәр Хԝәде у сәр Пʹадшатийа ԝийә әʹзмани йә, кʹижан кӧ ԝе проблемед инсанәте сафи кә.

2. Әм ча дькарьн бьдьнә кʹьфше, кӧ тʹәвнәбуйине хԝәй дькьн?

Мина Иса әм жи накʹәвьнә нав шьхӧлед политикайе. Чахе мәрьва кʹәрәмәтәкә Иса дит у хԝәстьн ԝи хԝәрʹа бькьн пʹадша, әԝ рʹази нәбу (Йуһʹәнна 6:15). Гәло чьма? Иса гот: «Пʹадшатийа мьн нә жь ве дьнйайе йә» (Йуһʹәнна 18:36). Әм жи ча шагьртед Иса, тʹәвнәбуйине хԝәй дькьн. Мәсәлә, әм начьн шәрʹ (Бьхунә Миха 4:3.) Рʹаст ә әм ԛәдьре симболед мьләтийе дьгьрьн, мәсәлә бәйрәԛе, ле әм һʹӧрмәте надьне (1 Йуһʹәнна 5:21). Әм нә жи пьшта кәсәки дьгьрьн, йе кӧ мьԛабьли партийәкә политике йан жи әндәмед ԝе йә. Ԝан дәрәщада ӧса жи дәрәщед дьнда әм дьдьнә кʹьфше, ԝәки бь тʹәмами Пʹадшатийа Хԝәдерʹа амьн ьн.

КʹУР ЛЕКОЛИН КӘ

3. Мәсиһийед рʹаст тʹәвнәбуйине хԝәй дькьн

Иса у шагьртед ԝи бона мә мәсәлә нә. Бьхунә Рʹомайи 13:1, 5-7 у 1 Пәтрус 2:13, 14. Паше, вехә ВИДЕО, у ван пьрса шеԝьр кә:

ВИДЕО: «Мәсиһийед Рʹаст Тʹәвнәбуйине Хԝәй Дькьн»; Пʹара 1 (4:28)

• Чьма әм гәрәке ԛәдьре сәрԝертийа мәрьва бьгьрьн?

• Кʹижан һьнә дәрәщада әм гӧрʹа сәрԝертийа мәрьвада ньн?

Ԝәʹде шәрʹ һьнә ԝәлат хԝә ӧса дьдьнә кʹьфше, йанчь тʹәвнәбуйине хԝәй дькьн, ле хԝәха пьштгьрийа һәрд алийа жи дькьн. Гәло бь рʹасти чь те һʹәсабе тʹәвнәбуйине хԝәй кьн? Бьхунә Йуһʹәнна 17:16. Паше, вехә ВИДЕО у әве пьрсе шеԝьр кә:

ВИДЕО: «Мәсиһийед Рʹаст Тʹәвнәбуйине Хԝәй Дькьн»; Пʹара 2 (3:11)

• Чь те һʹәсабе тʹәвнәбуйине хԝәй кьн?

Тӧйе чь бьки, һәрге һʹӧкӧмәти жь тә дәʹԝа дькә, кӧ тьштәки ӧса бьки, чь кӧ мьԛабьли ԛануна Хԝәде йә? Бьхунә Кʹаред Шандийа 5:28, 29. Паше, вехә ВИДЕО у ван пьрса шеԝьр кә:

ВИДЕО: «Мәсиһийед Рʹаст Тʹәвнәбуйине Хԝәй Дькьн»; Пʹара 3 (1:18)

• Һәрге ԛануна дәԝләте мьԛабьли ԛануна Хԝәде нә, һьнге тӧйе гӧрʹа ԛануна кʹе бьки?

• Кʹижан дәрәщада, Мәсиһи дькарә гӧрʹа һʹӧкӧмәтийа дәԝләте нәкә?

4. Фькьр у рʹабун-рʹуньштьна хԝәда тʹәвнәбуйине хԝәй кә

Бьхунә 1 Йуһʹәнна 5:21. Паше, вехә ВИДЕО у ван пьрса шеԝьр кә:

ВИДЕО: «Чьрʹа Лазьм ә, ԝәки Мәсиһийед Рʹаст Мерхас Бьн; Ԝәки Тʹәвнәбуйине Хԝәй Кьн» (2:49)

• Ча жь видеойе һатә кʹьфше, чьма Айенге нәхԝәст бьбә әндәме партийәкә политике, у нә жи тʹәви шьхӧлед ԝан бу, мәсәлә һӧрмәт нәда бәйрәԛе?

• Ча тӧ дьфькьри сафикьрьна ԝи рʹаст бу йан на?

Кʹижан дәрәщед дьнда дькарә тʹәвнәбуйина мә бе щерʹьбандьне? Вехә ВИДЕО, у паше ван пьрса шеԝьр кә:

ВИДЕО: «Дәрсед Ԛимәт жь ‹Бьрща Ԛәрәԝьлийе›; Дьнйа Бетʹьфаԛда Тʹәвнәбуйине Хԝәй кьн» (5:16)

• Әм ча дькарьн тʹәвнәбуйине хԝәй кьн, чахе листькед спортед һʹәмдьнйайе дьньһерʹьн, гава әԝана һәврʹа дькʹәвьнә ләще?

• Әм ча дькарьн тʹәвнәбуйине хԝәй кьн, чахе сафикьрьнед мәрьвед политикайе, сәр мә һʹӧкӧм дькьн?

• Чаԝа дәнг-бәʹс у мәрьвед дәр-дор дькарьн сәр тʹәвнәбуйина мә һʹӧкӧм кьн?

ТʹӘМАМКЬРЬН

Мәсиһи һʹәму тьшти дькьн, ԝәки бь фькьр, зар-зьман у кьред хԝә, пьштгьрийа политике нәкьн.

Ԝәкʹьландьн

• Әм чьда бәр дәԝләте борщдар ьн?

• Әм чьма тʹәвнәбуйине хԝәй дькьн?

• Кʹижан дәрәщада тʹәвнәбуйина мә дькарә бе щерʹьбандьне?

ҺЕ ЗЕДӘ ПЕБЬҺʹӘСӘ

Дьбәкә мәрʹа чь лазьм бә бькьн, сәва кӧ тʹәвнәбуйине хԝәй кьн?

«Йаһоԝа Тʹьме Те Һәԝара Мә» (3:14)

Малбәт ча дькарьн пешда хԝә һазьр кьн, сәва кӧ тʹәвнәбуйине хԝәй кьн, гава бькʹәвьнә щерʹьбандьна?

«Тʹьме Һазьр ьн Тʹәвнәбуйине Хԝәй кьн» (4:25)

Әм чьрʹа дькарьн бежьн, кӧ парастьна ԝәлат, һӧрмәтәкә лапә мәзьн нинә кӧ мәрьв дькарә ԛазанщ кә? Ле тьштәки дьһа фәрз һәйә.

«Хԝәде Дькарә Һәр Тьшти Бькә» (5:19)

Пебьһʹәсә, кӧ әм ча дькарьн нәбьнә пʹара «ве дьнйайе», гава сафикьрьнед хәбатева гьредайи дькьн.

«Һәр Кәсе Хӧрща Хԝә Һьлгьрә» («Бьрща Ԛәрәԝьлийе», 15 Адаре, 2006)

Зу йан дәрәнг ԝе һʹәму Мәсиһийа бьзериньн йан жи пәй ԝан кʹәвьн. Ле гәло жь бо ве йәке әм гәрәке бьтьрсьн?

1. Әм чьма әʹщебмайи наминьн, кӧ тенә зерандьне?

Кʹьтеба Пироз зәлал дьбежә: «Һәр кәсе кӧ дьхԝазә йәктийа Мәсиһ Исада бь хԝәденаси бьжи ԝе бе зерандьне» (2 Тимотʹейо 3:12). Иса һатә зерандьне, чьмки әԝ пʹара дьнйа Мире-щьна нибу. Әм жи пʹара ве дьнйайе ниньн, ләма жи әм әʹщебмайи наминьн, ԝәки сәрԝеред дәԝләте йан жи һьнә религийа, мә дьзериньн (Йуһʹәнна 15:18, 19).

2. Әм ча дькарьн хԝә бона зерандьн у пәйкʹәтьна һазьр кьн?

Тӧ гәрәке ида ньһада итʹбарийа хԝә һьндава Йаһоԝа ԛәԝи ки. Һәр рʹож хԝәрʹа ԝәʹдә бьвинә, кӧ дӧа бьки, Хәбәра Хԝәде бьхуни у чьԛас дькари щьвата бәрнәдә. Әв һʹәму тьшт ԝе ԛәԝате бьдьнә тә, кӧ бькарьби бь мерхаси һʹәму зерандьн у пәйкʹәтьнада тәйах ки, һәла һе жи һәрге нәфәред мала тә, мьԛабьли тә дәртен. Паԝлосе шанди, кʹижан кӧ гәләк щар дьһатә зерандьне, ӧса ньвиси: «Хӧдан пьштоване мьн ә у әз натьрсьм» (Ибрани 13:6).

Чахе әм һәргав мьзгинийа хере бәла дькьн, әв йәк жи мерхасийа мә зедә дькә. Бәлакьрьна мьзгинийе мә һин дькә, ԝәки итʹбарийа хԝә Йаһоԝа биньн у тьрса хԝәйә жь мәрьва, бьдьнә һьлдане (Мәтʹәлок 29:25). Һәрге ньһада тӧ мерхасийе нав хԝәда пешда тини, кӧ мьзгинийе бәла ки, ӧса тӧйе хԝә рʹьнд һазьр ки, ԝәки бәрдәԝам ки һьнге жи мьзгинийе бәла ки, гава сәрԝеред дәԝләте шьхӧле мә ԛәдәхә кьн (1 Тʹесалоники 2:2).

3. Әм чь кʹаре дьстиньн, чахе нава зерандьнада Йаһоԝарʹа амьн дьминьн?

Һәмьки әм нахԝазьн бенә зерандьне, ле чахе әм нава зерандьнада амьн дьминьн, баԝәрийа мә дьһа ԛәԝи дьбә. Әм дьһа незики Йаһоԝа дьбьн, чьмки әм ԛәԝата Йаһоԝа сәр хԝә тʹәхмин дькьн, илаһи чахе дьфькьрьн кӧ әме ида нькарьбьн тәйах кьн (Бьхунә Аԛуб 1:2-4.) Дьле Йаһоԝа дешә гава дьвинә кӧ әм ча дьчәрчьрьн, ле чахе әԝ дьвинә, кӧ әм амьн дьминьн, дьле ԝи ша дьбә. Кʹьтеба Пироз дьбежә: «Һәгәр һун бона ԛәнщикьрьне щәфе бьбиньн у сәбьр кьн, һун ль бәр Хԝәде бәхтәԝар ьн» (1 Пәтрус 2:20). Һәрге әм Йаһоԝарʹа амьн бьминьн, әԝ ԝе мә бь жийина һʹәта-һʹәтайе хәлат кә. Һьнге һʹәмуйед кӧ дьнйа тʹәзәда бьжин, ԝе Йаһоԝарʹа хьзмәт кьн, у тʹӧ кәс ԝе мьԛабьли ԝан дәрнәйе (Мәтта 24:13).

КʹУР ЛЕКОЛИН КӘ

4. Тӧйе бькарьби тәйах ки, гава нәфәред мала тә мьԛабьли тә дәрен

Иса заньбу, кӧ дьбәкә нәфәред мала мә хԝәш нәйе, ԝәки әм Йаһоԝарʹа хьзмәт кьн. Бьхунә Мәтта 10:34-36, у паше әве пьрсе шеԝьр кә:

• Чахе кәсәк дәстпедькә Йаһоԝарʹа хьзмәт кә, нәфәред мала ԝи дьбәкә ча хԝә бьдьнә кʹьфше?

ВИДЕО: «Йаһоԝа Әм Ԛәбул Кьрьн» (5:13)

• Тӧйе чь бьки, һәрге пьсмам йан һәваләки тә бьхԝазә тә жь хьзмәткьрьна Йаһоԝа дур хә?

Бьхунә Зәбур 27:10 у Марԛос 10:29, 30. Паши хԝәндьна һәр рʹезәке, әве пьрсе шеԝьр кә:

• Чаԝа әв рʹез дькарә али тә бькә, һәрге нәфәред тә йан һәвалед тә мьԛабьли тә дәртен?

5. Бәрдәԝам кә нава пәйкʹәтьнада жи Йаһоԝарʹа хьзмәт кә

ВИДЕО: «Мерхаси Ԝәʹде Пәйкʹәтьна» (6:27)

• Ве видеойеда чь тӧ ԛәԝи кьри?

Бьхунә Кʹаред Шандийа 5:27-29 у Ибрани 10:24, 25. Паши хԝәндьна һәр рʹезәке, әве пьрсе шеԝьр кә:

• Чьма фәрз ә бәрдәԝам ки һьнге жи Йаһоԝарʹа хьзмәт ки, чахе шьхӧле бәлакьрьна мьзгинийе у щьват тенә ԛәдәхәкьрьне?

6. Йаһоԝа ԝе али тә бькә тәйах ки

ВИДЕО: «Йаһоԝа ԝе Мьн Ԛәԝи кә» (3:40)

• Ча жь ве видеойе һатә кʹьфше, чь али ԝан Шәʹдед Йаһоԝа кьр, ԝәки тәйах кьн?

Бьхунә Рʹомайи 8:35, 37-39 у Филипи 4:13. Паши хԝәндьна һәр рʹезәке, әве пьрсе шеԝьр кә:

• Ча әв рʹез тә дьдә баԝәркьрьне, ԝәки тӧйе бькарьби һʹәму пәйкʹәтьнада тәйах ки?

Бьхунә Мәтта 5:10-12, у паше әве пьрсе шеԝьр кә:

• Тӧ чьма дькари нава пәйкʹәтьнада жи шабуна хԝә ӧнда нәки?

ТʹӘМАМКЬРЬН

Йаһоԝа гәләк ша дьбә, чахе дьвинә, кӧ әм нава пәйкʹәтьнада жи тʹәрка хьзмәтийе надьн!

Ԝәкʹьландьн

• Әм чьма әʹщебмайи наминьн, кӧ тенә зерандьне?

• Тӧ ида ньһада чь дькари бьки, сәва кӧ бона пәйкʹәтьна һазьр би?

• Чь дькарә али тә бькә, ԝәки баԝәр би, кӧ тӧйе бькарьби нава һʹәму чәтьнайада амьн бьмини?

ҺЕ ЗЕДӘ ПЕБЬҺʹӘСӘ

Бьньһерʹә, кӧ ча Йаһоԝа али бьраки кьр, ԝәки амьн бьминә, кʹижан кӧ жь бо тʹәвнәбуйине кьрьбунә кәле.

«Ԝәʹде Пәйкʹәтьна Тәйах Дькьн» (2:34)

Пебьһʹәсә, кӧ чь али жьн-мерәки кьр, ԝәки нава гәләк салада ԝәʹде пәйкʹәтьнада жи Йаһоԝарʹа амьн ман.

«Ԝәʹде Гӧһастьна, Йаһоԝарʹа Хьзмәт Дькьн» (7:11)

Пебьһʹәсә, кӧ чаԝа тӧ дькари нава зерандьнада жи мерхасийа хԝә ӧнда нәки.

«Ида Ньһада бона Зерандьне Һазьр бьн» («Бьрща Ԛәрәԝьлийе», Тирмәһ, 2019)

Әм чь дькарьн бькьн, ԝәки тʹәви нәфәред мала хԝә, йед кӧ мьԛабьли мә дәртен, әʹдьлайеда бьн, һьм жи Йаһоԝарʹа амьн бьминьн?

«Рʹасти нә кӧ Әʹдьлайе Тинә, ле ‹Шур›» («Бьрща Ԛәрәԝьлийе», Щотмәһ, 2017)