• Һәр Фькьра кӧ Мьԛабьли Занәбуна Хԝәде Дәрдькʹәвә, Ԝеран кьн
    Бьрща Ԛәрәԝьлийе (Бона Һинбуне) — 2019 | Һʹәзиран

    • 1. Паԝлосе шанди чь ширәт да Мәсиһийед бь рʹӧһʹе пироз бьжарти?

      ПАԜЛОС гот: «Нәкʹәвьнә кьрасе бәнде ве дьнйайе» (Рʹом. 12:2). Әԝи әԝ гьли Мәсиһийед ԛьрʹна йәкерʹа гот. Ле гәло чьрʹа әԝи ширәтәкә ӧса сәрт да ԝан, йед кӧ хьзмәткʹаред Хԝәде бун у бь рʹӧһʹе пироз бьжарти бун? (Рʹом. 1:7).

      2-3. Шәйтʹан чь дькә сәва мә жь Йаһоԝа дур хә, ле әм чаԝа дькарьн ԝан тьштед кӧ кʹур нав мәда рʹуньштьнә, жь һʹьше хԝә дәрхьн?

      2 Паԝлос бәрхԝә дькʹәт, чьмки тедәрдьхьст ԝәки шеԝьр у философийа дьнйа Шәйтʹан сәр һьнә Мәсиһийа һʹӧкӧм дькә (Әфәс. 4:17-19). Әԝ йәк тʹәви мә һәр кәси жи дькарә бьԛәԝьмә. Шәйтʹан кӧ сәрԝере ве дьнйайе йә, щурʹә-щурʹә метода дьдә хәбате, сәва әм пьшта хԝә бьдьнә Йаһоԝа. Мәсәлә, һәрге әм дьхԝазьн хԝә бьльнд кьн, йан жи дьхԝазьн бьбьнә нав у дәнг, Шәйтʹан әве хԝәстьна мә ԝе бьдә хәбате, сәва мә жь Йаһоԝа дур хә. Әԝ һәла һе жи дькарә ԝан тьшта бьдә хәбате, кʹижан кӧ әм малда, нав мьләте хԝәда йан мәкʹтәбеда һин бунә, сәва фькьрандьна мә бьгӧһезә у бькә мина йа хԝә.

  • Һәр Фькьра кӧ Мьԛабьли Занәбуна Хԝәде Дәрдькʹәвә, Ԝеран кьн
    Бьрща Ԛәрәԝьлийе (Бона Һинбуне) — 2019 | Һʹәзиран

    • «ҺʹЬШ-АԚЬЛЕ ХԜӘ НУ КЬН»

      4. Жь мә гәләка чь гӧһастьн кьрьн, чахе дәрһәԛа рʹастийе пеһʹәсийан?

      4 Биньн бира хԝә, чахе һун пеһʹәсийан кӧ Хәбәра Хԝәде чь һин дькә у ԝә сафи кьр Йаһоԝарʹа хьзмәт кьн, ԝә чь гӧһастьн кьр. Гәләка жь мә тʹәрька кьред хьраб дан (1 Корн. 6:9-11). Әм чьԛас жь Йаһоԝа рʹази нә, ԝәки әԝи али мә кьр ԝан тьштед хьраб бьтʹәрʹькиньн!

      5. Ль гора Рʹомайи 12:2, әм гәрәке кʹижан дӧ тьшта бькьн?

      5 Ле йәкә әм тʹӧ щар гәрәке хԝәрʹази нибьн у нәфькьрьн, ԝәки мәрʹа ида тʹӧ тьштида нәлазьм ә бенә гӧһастьне. Рʹаст ә әм ида гӧнед мәзьн накьн, кʹижан мә бәре пешийа ньхӧмандьне дькьр, ле йәкә әм гәрәке жь һәр тьшти кӧ дькарә мә диса бьвә бәрбь ԝан шьхӧла, дур бьн. Ча ве йәке бькьн? Паԝлос гот: «Нәкʹәвьнә кьрасе бәнде ве дьнйайе, ле һʹьш-аԛьле хԝә ну кьн у бь ве йәке ԝәрьн гӧһастьн» (Ром. 12:2, ДТʹ). Демәк, әм дӧ тьшта гәрәке бькьн. Йа пешьн, әм гәрәке «нәкʹәвьнә кьрасе бәнде» ве дьнйайе, демәк нәкʹәвьнә бәр байе ве дьнйайе. Йа дӧда, әм гәрәке һʹьш-аԛьле хԝә ну кьн у бь ве йәке бенә «гӧһастьн».

      6. Әм чь педьһʹәсьн жь гьлийед Иса Кʹьтеба Мәтта 12:43-45-да?

      6 Чахе Паԝлос дәрһәԛа гӧһастьне хәбәр да, әԝи нә тʹәне дәрһәԛа гӧһастьна рʹува гот, ле дьгот ԝәки әм гәрәке һʹәму алийада бенә гӧһастьне (Бьньһерʹә чаргошә «Гӧһастьна бь Тʹәмами йан Гӧһастьна Рʹува?»). Әм гәрәке һʹьш-аԛьле хԝә ну кьн, кӧ бь тʹәмами бенә гӧһастьне, демәк ньһерʹандьнед кӧ кʹурайа дьле мәда һәнә, ӧса жи һәст у хԝәстьнед хԝә бьгӧһезьн. Ләма һәр кәс жь мә гәрәке пьрсе бьдә хԝә: «Гәло әԝ гӧһастьн кӧ әз нав хԝәда дькьм, тʹәне рʹува йә, йан әз бь рʹасти кʹурайа дьле хԝәда дьбьмә Мәсиһи?». Бь рʹасти фьрԛи гәләк ә. Мәтта 12:43-45-да, Иса да кʹьфше кӧ чь гәрәке бе кьрьне. (Бьхунә.) Әԝ гьли рʹастийа гәләк фәрз әʹйан дькә: Бәс нинә тʹәне фькьред хьраб жь һʹьше хԝә дәрхьн, ле әм гәрәке ӧса жи һʹьше хԝә пе фькьред Хԝәде тʹьжә кьн.