Чьрʹа Һаԛас Зӧлми Һәйә у Мәрьв Дьчәрчьрьн?

Чахе тьштәки хьраб дьԛәԝьмә, тʹәбийәти йә кӧ пьрсәкә ӧса пешда те: «Чьрʹа ӧса ԛәԝьми?» Әм чьԛас ша нә кӧ Кʹьтеба Пироз щаба ве пьрсе дьдә!

1. Мире-щьна чь кьр ԝәки зӧлми кʹәтә нав дьне?

Мире-щьна мьԛабьли Хԝәде рʹабу. Әԝи дьхԝәст сәрԝертийе сәр әʹфринед Хԝәде бькә, ләма әԝи сәр мәрьвед пешьн, демәк сәр Адәм у Һеԝайе һʹӧкӧм кьр, ԝәки әԝана жи тʹәви ԝи бьбьнә рʹабәр. Әԝи пе дәрәԝийе хԝәст бьгьһижә нета хԝә (Дәстпебун 3:1-5). Әԝи Һеԝа да баԝәркьрьне ԝәки Хԝәде тьштәки баш жь ԝана вәдьшерә. Бь готьна ԝи ӧса дәрдькʹәт, ԝәки мәрьв ԝе дьһа бәхтәԝар бьн, һәрге гӧрʹа Хԝәде нәкьн. Дәрәԝийа Мире-щьна йа әʹԝльн әԝ бу, кӧ әԝана ԝе нәмьрьн. Ләма жи Кʹьтеба Пирозда дәрһәԛа ԝи те готьне «әԝ дәрәԝин ә у баве дәрәԝа йә» (Йуһʹәнна 8:44).

2. Адәм у Һеԝайе сафи кьрьн кӧ чь бькьн?

Йаһоԝа гәләк мәрʹд бу һьндава Адәм у Һеԝайе. Әԝи готьбу ԝан, кӧ әԝана дькарьн бәред һʹәму баха бьхԝьн, хенщи бахәки (Дәстпебун 2:15-17). Ле йәкә ԝана сафи кьр, кӧ бәре ԝе баха ԛәдәхәкьри бьхԝьн. Һәԝайе «дәст авитә бәре ԝе хԝар». Паше Адәм жи «хԝар» (Дәстпебун 3:6). Ԝана һәрда жи гӧрʹа Хԝәде нәкьрьн. Адәм у Һеԝа кʹамьл бун, ԝанрʹа чәтьн нибу гӧрʹа Хԝәдеда бьмана. Ле ԝана нәхԝәст гӧрʹа Хԝәде бькьн, гӧнә кьрьн у сәрԝертийа ԝи инкʹар кьрьн. Әв сафикьрьна ԝанә нәрʹаст, кӧл-дәрдед гьран ԝанрʹа ани (Дәстпебун 3:16-19).

3. Сафикьрьна Адәм у Һеԝайе ча сәр мә һʹӧкӧм бу?

Чахе Адәм у Һеԝайе гӧнә кьрьн, ԝана беԛьсуртийа хԝә ӧнда кьр у бунә мәрьвед гӧнәкʹар у әԝ гӧнә дәрбази сәр һʹәму зӧрʹәтед ԝан бу. Кʹьтеба Пирозда те готьне: «Чаԝа бь мәрьвәки гӧнә кʹәтә дьне у жь гӧнә жи мьрьн һат, ӧса жи мьрьн сәр һʹәму мәрьва бәла бу» (Рʹомайи 5:12).

Әм жь бо щурʹә-щурʹә мәʹнийа дьчәрчьрьн. Щара әм жь бо сафикьрьнед хԝәйә нәрʹаст дьчәрчьрьн. Щара жь бо сафикьрьнед мәрьва. Щара жи ԝәʹдә у ԛәԝьмандьн дьбьнә мәʹнийа кӧл-дәрдед мә (Бьхунә Ԝаиз 9:11.)

КʹУР ЛЕКОЛИН КӘ

4. Мәʹнийа һʹәму чәтьнайа

Гәләк мәрьв дьфькьрьн, ԝәки дьнйа бьн сәрԝертийа Хԝәдеда нә. Гәло әԝ йәк рʹаст ә? Вехә ВИДЕО.

ВИДЕО: «Дьнйа бьн Контрола Кʹеда нә?» (1:24)

Бьхунә Аԛуб 1:13 у 1 Йуһʹәнна 5:19, у паше әве пьрсе шеԝьр кә:

• Гәло Хԝәде нәһәԛ ә ԝе йәкеда, кӧ дьнйайеда зӧлми һәйә у мәрьв дьчәрчьрьн?

5. Гава Мире-щьна дәстпекьр сәрԝертийе сәр дьнйайе бькә, һьнгеда дьнйа чь һʹалида нә?

ВИДЕО: «Чьма Хԝәде Дьһелә Ԝәки Әм Бьчәрчьрьн?»; Пʹарәк (3:07)

Бьхунә Дәстпебун 3:1-6, у паше ван пьрса шеԝьр кә:

• Мире-щьна чь дәрәԝ гот? (Бьньһерʹә рʹезед 4 у 5.)

• Мире-щьна ча Һеԝа да баԝәркьрьне, кӧ Хԝәде тьштәки баш жь ԝана вәдьшерә?

• Бь гьлийе Мире-щьна, гәло мәрьв дькарьн бе сәрԝертийа Йаһоԝа бәхтәԝар бьн?

Бьхунә Ԝаиз 8:9, у паше әве пьрсе шеԝьр кә:

• Бе сәрԝертийа Йаһоԝа дьнйа кʹәтә чь һʹали?

1. А. Адәм у Һеԝа беԛьсур бун у сәр әʹрде, Щьнәтеда дьжитьн. Ле ԝана гӧрʹа Мире-щьна кьр у мьԛабьли Хԝәде дәркʹәтьн

2. Б. Паши мьԛабьлибуне дьнйа бь гӧнә, кӧл-дәрда у мьрьне тʹьжә бу

3. Щ. Йаһоԝа ԝе гӧнә, кӧл-дәрда у мьрьне бьдә һьлдане. Мәрьв ԝе диса беԛьсур бьн у Щьнәтеда бьжин

6. Дьле Йаһоԝа дешә чахе әм рʹасти кӧл дәрда тен

Гәло дәрдед мә дьле Йаһоԝа дешиньн? Пебьһʹәсә кӧ Даԝьд Пʹадша у Пәтрусе шанди чь ньвисин. Бьхунә Зәбур 31:7 у 1 Пәтрус 5:7, у паше әве пьрсе шеԝьр кә:

• Тӧ ча хԝә тʹәхмин дьки гава зани, ԝәки Йаһоԝа дәрде мә дьвинә у бона мә хәм дькә?

ТʹӘМАМКЬРЬН

Мире-щьна у һәрд мәрьвед пешьн сәбәбед зӧлмийе у кӧл-дәрда нә. Дьле Йаһоԝа дешә чахе дәрде мә дьвинә, ләма жи әԝе зутьрәке зӧлмийе бьдә һьлдане.

Ԝәкʹьландьн

• Мире-щьна Һеԝайерʹа чь дәрәԝ гот?

• Рʹабәрибуна Адәм у Һеԝайе ча сәр һʹәму мәрьва һʹӧкӧм бу?

• Әм жь кʹӧ заньн кӧ дьле Йаһоԝа дешә гава һʹале мәйи хьраб дьвинә?

ҺЕ ЗЕДӘ ПЕБЬҺʹӘСӘ

Пебьһʹәсә кӧ Кʹьтеба Пирозда дәрһәԛа гӧнә чь те готьне.

«Гӧнә Чь йә?» (Готара жь малпәре)

Һе зедә пебьһʹәсә дәрһәԛа ԝе йәке, кӧ Мире-щьна бахче Еденеда чь пьрс пешда ани.

«Гәло Чьрʹа Хԝәде Дьһелә кӧ Әм Бьчәрчьрьн?» («Бьрща Ԛәрәԝьлийе», 1 Чьләйе, 2014)

Пебьһʹәсә щаба ве пьрсе, кʹижан кӧ бал гәләк мәрьва пешда те.

«Чьрʹа Һолокост Ԛәԝьми? Чьрʹа Хԝәде Әв Йәк Нәда Сәкьнандьне?» (Готара жь малпәре)

Бьньһерʹә кӧ ча мерькәк пеһʹәсийа, ԝәки сәбәбе зӧлмийе кʹи йә.

«Әз Ида Тʹәне Ниньм» (5:09)

Әм гӧна дькьн, дьчәрчьрьн у дьмьрьн, чьмки мәрьвед пешьн Адәм у Һеԝайе гӧрʹа Хԝәде нәкьрьн.a Ле әм бе һеви ниньн, Йаһоԝа мәрʹа чʹарәк дит. Әԝи сафи кьр ԝәки бь мьрьна Кӧрʹе хԝә Иса Мәсиһ мә жь гӧнә у мьрьне хьлаз кә. Кʹьтеба Пирозда те готьне кӧ Иса бь сайа мьрьна хԝә әм жь гӧнә кʹьрʹин. Кʹьрʹин әԝ ԛимәт ә, кʹижан кӧ те дайине, ԝәки кәсәк бе азакьрьне. Һәԛе кӧ Иса да, әԝ һәбу ԛимәте әʹмьре ԝийи беԛьсур (Бьхунә Мәтта 20:28.) Иса чахе сәр әʹрде бу, әԝи дькарьбу һʹәта-һʹәтайе бьжита, ле әԝи әʹмьре хԝә бона мә да. Бь сайа ве йәке мәрʹа мәщал вәбу, кӧ диса бьстиньн ԝи әʹмьри, кʹижан Адәм у Һеԝайе ӧнда кьрьн. Иса пе ве йәке да кʹьфше, ԝәки әԝ у Йаһоԝа мә гәләк һʹьз дькьн. Әв дәрс ԝе али мә бькә, ԝәки әм һе зедә бьшекьриньн ве йәке, чь кӧ Иса бона мә кьр.

1. Мьрьна Иса чь кʹар мәрʹа ани?

Әм гӧнәкʹар ьн ләма жи әм гәләк тьштед ӧса дькьн, кʹижан дьле Йаһоԝа хԝәш найен. Ле чахе әм бь дьл у щан гӧне хԝә тиньн рʹуйе хԝә у жь Йаһоԝа һиви дькьн, ԝәки бь сайа ԛӧрбанбуна Иса бьбахшинә мә, у һәрге әм һʹәму тьшти дькьн ԝәки диса ԝан шашийа нәкьн, һьнге Йаһоԝа мә ча досте хԝә һʹәсаб дькә (1 Йуһʹәнна 2:1). Кʹьтеба Пирозда те готьнә: «Мәсиһ щарәке бона һәр тʹьм бона гӧна щәфа кʹьшанд, йе һәԛ бона нәһәԛа, ԝәки мә незики Хԝәде кә» (1 Пәтрус 3:18).

2. Бь сайа мьрьна Иса әме ахьрийеда чь кʹәрәма бьстиньн?

Йаһоԝа Иса шандә сәр әʹрде сәва кӧ әʹмьре хԝәйи беԛьсур бькә ԛӧрбан, «ԝәки һәр кәсе кӧ [Иса] баԝәр бькә ӧнда нәбә, ле жийина ԝийә һʹәта-һʹәтайе һәбә» (Йуһʹәнна 3:16). Зутьрәке Йаһоԝа ԝе һʹәму хьрабийе, кӧ рʹуйе нәгӧһдарийа Адәмда пешда һат, кʹӧта кә. Әԝ йәк ԝе бь сайа ԛӧрбанбуна Иса бе сери. Әԝ те һʹәсабе кӧ һәрге әм баԝәрийа хԝә ԛӧрбана Иса биньн, мәщала мә ԝе һәбә әʹмьре һʹәта-һʹәтайерʹа сәр әʹрде ша бьн (Ишайа 65:21-23).

КʹУР ЛЕКОЛИН КӘ

3. Ԛӧрбанбуна Иса мә жь гӧнә у мьрьне аза дькә

ВИДЕО: «Чьма Иса Мьр?»; Пʹара 1 (2:01)

• Адәм чахе гӧрʹа Хԝәде нәкьр, әԝи чь мәщал ӧнда кьр?

Бьхунә Рʹомайи 5:12, у паше әве пьрсе шеԝьр кә:

• Гӧне Адәм ча сәр әʹмьре тә һʹӧкӧм кьрийә?

Бьхунә Йуһʹәнна 3:16, у паше әве пьрсе шеԝьр кә:

• Йаһоԝа чьрʹа Кӧрʹе хԝә шандә сәр әʹрде?

1. А. Адәм мәрьвәки кʹамьл бу, ле әԝи гӧнә кьр, ләма һʹәму мәрьв бунә диле гӧнә у мьрьне

2. Б. Иса мәрьвәки кʹамьл бу, йе кӧ гӧрʹа Хԝәдеда ма, у бь сайа ве йәке мәщал мәрьварʹа вәбу, ԝәки беԛьсур бьн у һʹәта-һʹәтайе бьжин

4. Мьрьна Иса дькарә һʹәму мәрьварʹа кʹаре бинә

ВИДЕО: «Чьма Иса Мьр?»; Пʹара 2 (2:00)

• Мьрьна мәрьвәки ча дькарә һʹәму мәрьварʹа кʹаре бинә?

Бьхунә 1 Тимотʹейо 2:5, 6, у паше әве пьрсе шеԝьр кә:

• Адәм мәрьвәки беԛьсур бу, ле әԝи гӧнә кьр, ләма һʹәму мәрьв бунә диле гӧнә у мьрьне. Иса жи мина Адәм мәрьвәки беԛьсур бу. Ле әԝи чь кьр?

5. Кʹьрʹин пʹешкʹеша Йаһоԝа йә бона тә

Достед Йаһоԝа кʹьрʹине һʹәсаб дькьн ча пʹешкʹеша жь Йаһоԝа хут бона хԝә. Мәсәлә, бьхунә Галати 2:20, у паше әве пьрсе шеԝьр кә:

• Паԝлосе шанди ча да кʹьфше, ԝәки әԝ кʹьрʹине һʹәсаб дькә ча пʹешкʹеш хут бона хԝә?

Чахе Адәм гӧнә кьр, әԝи у һʹәму зӧрʹәтед ԝи, әʹмьре һʹәта-һʹәтайе ӧнда кьрьн. Ле Йаһоԝа Кӧрʹе хԝә шанд, сәва әԝ әʹмьре хԝә бьдә, ԝәки тӧ жийина һʹәта-һʹәтайерʹа ша би.

Бьхунә Йуһʹәнна 19:1-7, 16-18, у бьдә бәр чʹәʹве хԝә, ԝәки Йаһоԝа чь сәр хԝә тʹәхмин дькьр, гава Кӧрʹе ԝи дьчәрчьри, у паше әве пьрсе шеԝьр кә:

• Тӧ чь сәр хԝә тʹәхмин дьки чахе дьфькьри, ԝәки Йаһоԝа у Иса бона тә чь кьрьнә?

ТʹӘМАМКЬРЬН

Мьрьна Иса мәщале дьдә ԝәки Йаһоԝа гӧне мә бьбахшинә, у ӧса жи мәщале дьдә мә кӧ жийина һʹәта-һʹәтайерʹа ша бьн.

Ԝәкʹьландьн

• Иса чьрʹа мьр?

• Чь щурʹәйи әʹмьре Исайи беԛьсур һатә дайине ча кʹьрʹин?

• Мьрьна Иса чь кʹаре дькарә тәрʹа бинә?

ҺЕ ЗЕДӘ ПЕБЬҺʹӘСӘ

Пебьһʹәсә кӧ чьрʹа әʹмьре Исайи беԛьсур кӧ әԝи да ча ԛӧрбан, те навкьрьне кʹьрʹин.

«Ԛӧрбанбуна Иса Ча Дькарә ‹Гәләка Бькʹьрʹә›?» (Готара жь малпәре)

Пебьһʹәсә кӧ әм чь гәрәке бькьн, сәва жь гӧнә у мьрьне хьлаз бьн.

«Чь Щурʹә Иса Хьлазкʹаре Мә йә?» (Готара жь малпәре)

Гәло Йаһоԝа гӧнед гьран жи дьбахшинә?

«Пьрсед Кʹьтеба Пирозва Гьредайи» («Бьрща Ԛәрәԝьлийе», 1 Гӧлане, 2013)

Пебьһʹәсә кӧ ча фькьрандьна дәрһәԛа ԛӧрбанбуна Иса, али мерькәки кьр, кӧ хәйсәте хԝә бьгӧһезә.

«Мьн Тʹәрка Зордарийе кьр» (Готара жь малпәре)