7. Ԛанунед Пʹадшатийа Хԝәде лапи баш ьн

Дәԝләт ԛануна саз дькьн, ԝәки әԝ ԛанун бьнәлийед ԝан хԝәй кьн. Ӧса жи ԛанунед Пʹадшатийа Хԝәде һәнә, у ләма жи бьнәлийед ве Пʹадшатийе гәрәке ԝан ԛануна биньн сери. Бьхунә 1 Корьнтʹи 6:9-11, у паше ван пьрса шеԝьр кә:

• Бь тʹәхмина тә, һʹале дьнйайе ԝе чаԝа бә чахе һʹәму мәрьв ԛанунед Хԝәде бьԛәдиньн?a

• Тӧ ча дьфькьри, әԝ йәк бь һәԛи у бь билани йә, кӧ Йаһоԝа дьхԝазә ԝәки бьнәлийед Пʹадшатийа ԝи ԛанунед ԝи биньн сери? Шьровәкә.

• Чь дьдә кʹьфше ԝәки мәрьвед кӧ әԝ ԛанун нәдьанин сери, дькарьн бенә гӧһастьне? (Бьньһерʹә рʹеза 11.)

Гәләк мәрьв шәрм дькьн дәрһәԛа сексе хәбәр дьн. Ле Кʹьтеба Пироз әшкәрә у бь мәʹрифәти бәʹса ве йәке дькә. Кʹьтеба Пироз чь кӧ дьбежә, тʹәмам бона кʹара мә йә. Әв тьштәки логики йә, чьмки Йаһоԝа Әʹфьрандаре мә йә у занә чь бона мә һәрә баш ә. Әԝ мәрʹа әʹйан дькә, ԝәки чаԝа кьред мә дькарьн дьле ԝи ша кьн у чь ԝе али мә бькә, кӧ әм һʹәта-һʹәтайе жийинерʹа ша бьн.

1. Ньһерʹандьна Йаһоԝа сәр сексе чь щурʹәйи йә?

Секс пʹешкʹеша жь Йаһоԝа йә. Йаһоԝа дьхԝазә, ԝәки мер у жьнед кӧ бь ԛануни һәв стандьнә, жь ве һәләԛәтийе шабуне бьстиньн. Әв пʹешкʹеш мәщале дьдә мер у жьн, ԝәки нә кӧ тʹәне зарʹ ԝанарʹа бьбьн, ле ӧса жи кӧ бь щурʹе тʹәбийәти һʹьзкьрьне һьндава һәвда бьдьнә кʹьфше. Хәбәра Хԝәде ӧса дьбежә: «Ша бә тʹәви жьна хԝәйә щаһьлтийе (ДТʹ)» (Мәтʹәлок 5:18, 19). Йаһоԝа жь Мәсиһийед зәԝьщи дәʹԝа дькә, ԝәки әԝана һьндава жьн йан мере хԝәда амьн бьн у тʹӧ щар бенамусийе нәкьн (Бьхунә Ибрани 13:4.)

2. Чь йә бенамуси?

Кʹьтеба Пироз дьбежә, ԝәки йед «бенамус . . . Пʹадшатийа Хԝәде ԝе ԝар» нәбьн (1 Корьнтʹи 6:9, 10). Ньвискʹаред Кʹьтеба Пироз, йед кӧ сәр зьмане Йунани дәрһәԛа һәләԛәтийа сексуали дьньвисин, хәбәра «порнейа» дьданә хәбате. Әв хәбәр те һʹәсабе (1) һәләԛәтийа сексуалa ортʹа дӧ мәрьва, йед кӧ бь ԛануни һәв нәстандьнә, (2) һомосексуали, у (3) һʹәрʹьмандьн тʹәви һʹәйԝана. Чахе әм «жь ԛавийе» дьрʹәвьн, ӧса әм һьм дьле Йаһоԝа ша дькьн, һьм жи зийане надьнә хԝә (1 Тʹесалоники 4:3).

КʹУР ЛЕКОЛИН КӘ

3. Жь бенамусийе бьрʹәвә

Усьв мәрьвәки амьн бу у хԝә жь бенамусийе хԝәй дькьр. Бьхунә Дәстпебун 39:1-12, у паше ван пьрса шеԝьр кә:

• Чь Усьв һелан кьр, кӧ жь бенамусийе бьрʹәвә? (Бьньһерʹә рʹеза 9)

• Бь тʹәхмина тә сафикьрьна Усьв рʹаст бу? Чьма тӧ ӧса дьфькьри?

ВИДЕО: «Жь Бенамусийе Бьрʹәвьн» (5:06)

Йаһоԝа дьхԝазә, ԝәки һәр кәс жь мә жь бенамусийе бьрʹәвә. Бьхунә 1 Корьнтʹи 6:18, у паше щаба ван пьрса бьдә:

• Кʹижан дәрәщә дькарьн һьнәка бьвьн бәрбь бенамусийе?

• Тӧ чаԝа дькари жь бенамусийе бьрʹәви?

4. Тӧ дькари хԝә жь бенамусийе дур бьгьри

ВИДЕО: «Хԝәндьна Кʹьтеба Пироз ԝе Али Тә Бькә, кӧ Щерʹьбандьнада Ԛәԝи Бьсәкьни» (3:02)

• Бьраки чь кьр чахе тедәрхьст, ԝәки жь бо фькьр у кьред хԝә әԝ дькарә жьна хԝәрʹа нәамьн бә?

Щарна Мәсиһийед амьн жи мьԛабьли фькьред бенамус шәрʹ дькьн. Тӧ чаԝа дькари фькьред бенамуси жь һʹьше хԝә дәрхи? Бьхунә Филипи 4:8, у паше ван пьрса шеԝьр кә:

• Әм гәрәке һʹьш-аԛьле хԝә бьдьнә сәр чь?

• Хԝәндьна Кʹьтеба Пироз у хьзмәткьрьн Йаһоԝарʹа, ча дькарә али мә бькә, ԝәки әм гӧна нәкьн?

5. Нормед Йаһоԝа мәрʹа кʹаре тиньн

ВИДЕО: «Сәрԝахт бьн» (9:31)

• Хортәки чаԝа хԝә кьрә хәтайе? (Бьньһерʹә Мәтʹәлок 7:8, 9.)

• Ль гора Мәтʹәлок 7:23, 26, бенамуси дькарә ахьрийа хьраб пәй хԝә бинә. Һәрге әм нав-намус бьминьн, әме хԝә жь чь проблема хԝәйи кьн?

• Чаԝа нав-намуси дькарә али мә бькә, кӧ һʹәта-һʹәтайе жийинерʹа ша бьн?

Һьнә мәрьв дьфькьрьн, ԝәки ньһерʹандьна Кʹьтеба Пироз сәр һомосексуалийе сәрт ә. Ле Йаһоԝа Хԝәдайе һʹьзкьрьне йә, у әԝ дьхԝазә ԝәки һәр кәс жь жийина һʹәта-һʹәтайе шабуне бьстинә. Сәва кӧ әм лайиԛи жийина һʹәта-һʹәтайе бьн, әм гәрәке ль гора нормед Хԝәде бьжин. Бьхунә 1 Корьнтʹи 6:9-11, у паше әве пьрсе шеԝьр кә:

• Ль гора ньһерʹандьна Хԝәде тʹәне һомосексуали нәрʹаст ә?

Сәва кӧ Хԝәде жь мә рʹази бә, һәр кәс жь мә гәрәке әʹмьре хԝәда гӧһастьна бькә. Гәло һежа йә бона ԝе йәке ԛәԝате бьдьнә хәбате? Бьхунә Зәбур 19:8, 11, у паше ван пьрса шеԝьр кә:

• Ча тӧ дьфькьри нормед Йаһоԝа дәрһәԛа нав-намусийе бь билани нә? Чьрʹа тӧ ӧса дьфькьри?

ТʹӘМАМКЬРЬН

Йаһоԝа һәләԛәтийа сексуали ча пʹешкʹеш да жьн-мера, ԝәки жь ве йәке шабуне бьстиньн.

Ԝәкʹьландьн

• Чь дькʹәвә нава бенамусийе?

• Чь ԝе али мә бькә, кӧ хԝә жь бенамусийе дур бьгьрьн?

• Чахе әм хԝә нормед Йаһоԝайә дәрһәԛа нав-намусийе дьгьрьн, әм чь кʹаре дьстиньн?

ҺЕ ЗЕДӘ ПЕБЬҺʹӘСӘ

Пебьһʹәсә чьма бона Хԝәде фәрз ә ԝәки жьн-мер бь ԛануни зәԝащеда бьн.

«Кʹьтеба Пироз Чь Дьбежә Дәрһәԛа Жийина Тʹәвайә бе Зәԝащ?» (Готара жь малпәре)

Рʹаст ә Кʹьтеба Пироз һомосексуалийе ԛәдәхә дькә, ле пебьһʹәсә кӧ чьрʹа әм гәрәке мәрьвед һомосексуал нәфрʹәт нәкьн.

«Гәло Һомосексуали Тьштәки Нормал ә?» (Готара жь малпәре)

Пебьһʹәсә, чаԝа ԛанунед Хԝәде дәрһәԛа бенамусийе мә дьпарезьн.

«Гәло Секса Орали бь Рʹасти Секс ә?» (Готара жь малпәре)

Жь ве сәрһатийе «Әԝана Һьндава Мьнда бь Ԛәдьр Бун» тӧйе пебьһʹәси чь али мәрьвәки һомосексуал кьр, ԝәки әʹмьре хԝә бьгӧһезә, сәва Хԝәде хԝәш бе.

«Кʹьтеба Пироз Жийина Мәрьва Дьгӧһезә» («Бьрща Ԛәрәԝьлийе», 1 Нисане, 2011)

Тʹәмамийа дьнйайеда ньһерʹандьна мәрийа сәр ичке щурʹә-щурʹә йә. Мәсәлә, һьнә мәрьв сафи дькьн щар-щара вәхԝьн чахе тʹәви һәвалед хԝә тʹоп дьбьн. Һьнәк сафи дькьн ԛә вәнәхԝьн. Һәнә йед ӧса жи, кӧ һаԛас вәдьхԝьн һʹәта сәрхԝәш дьбьн. Ле Кʹьтеба Пироз дәрһәԛа ичке чь дьбежә?

1. Гәло ичкәвәхԝарьн хьраб ә?

Кʹьтеба Пироз ичкевәхԝарьне ԛәдәхә накә. Ле дәԝсе әԝ дьбежә, ԝәки жь гәләк пʹешкʹешед баш, кʹижан кӧ Хԝәде дайә мә, йәк шәрав ә, «кӧ ша дькә дьле инсен» (Зәбур 104:14, 15). Һьм жи Кʹьтеба Пирозда те готьне, ԝәки һьнә кʹӧлфәт у меред амьн жи, ичкә вәдьхԝарьн (1 Тимотʹейо 5:23).

2. Кʹьтеба Пироз чь ширәте дьдә ԝан мәрийа, йед кӧ ичке вәдьхԝьн?

Йаһоԝа ԛәдәхә дькә, кӧ зәʹф ичке вәхԝьн у сәрхԝәш бьн (Галати 5:21). Хәбәра ԝида те готьне: «Нәчә нава вәхԝарийа» (Мәтʹәлок 23:20). Ләма жи чахе әм сафи дькьн вәхԝьн, фьрԛи тʹӧнә әм тʹәне нә йан тʹәви мәрийа нә, йәкә гәрәке әм һаԛас вәнәхԝьн, кӧ зийане бьдьнә сьһʹәт-ԛәԝата хԝә, хәбәрдан у кьред хԝә контрол нәкьн у нькарьбьн зәлал бьфькьрьн. Һәрге әм нькарьн контрол кьн, кӧ чьԛас ичкә вәхԝьн, ԝе баш бә ԛә вәнәхԝьн.

3. Әм ча дькарьн ԛәдьре сафикьрьна мәрийа һьндава ичкеда, бьгьрьн?

Һәр кәс гәрәке хԝәха сафи кә, ичке вәхԝә йан на. Әм гәрәке сущдар нәкьн ԝи мәрьви, йе кӧ һьндьки вәдьхԝә, у нә жи гәрәке зоре бьдьнә кәсәки, йе кӧ нахԝазә вәхԝә (Рʹомайи 14:10). Һәрге ичкәвәхԝарьна мә дькарә мәрьварʹа бьбә проблем, һьнге әм сафи дькьн вәнәхԝьн (Бьхунә Рʹомайи 14:21.) Ӧса әм әве тʹәмийе тиньн сери: «Нәбә кӧ йәк кʹара хԝә бьгәрʹә, ле йа һәвале хԝә» (Бьхунә 1 Корьнтʹи 10:23, 24.)

КʹУР ЛЕКОЛИН КӘ

4. Сафи кә, ичке вәхԝи йан на

Ньһерʹандьна Иса сәр ичкәвәхԝарьне чь щурʹәйи бу? Сәва кӧ щаба ве пьрсе бьстини, пебьһʹәсә дәрһәԛа кʹәрәмәта Исайә пешьн. Бьхунә Йуһʹәнна 2:1-11, у паше ван пьрса шеԝьр кә:

• Жь ве кʹәрәмәте әм чь дькарьн һин бьн дәрһәԛа ньһерʹандьна Иса сәр ичкәвәхԝарьне у сәр ԝан, йед кӧ ичке вәдьхԝьн?

• Һәрге Иса ичкәвәхԝарьн сущдар нәдькьр, демәк Мәсиһи чаԝа гәрәке бьньһерʹә сәр ԝи мәрьви, йе кӧ ичке вәдьхԝә?

Рʹаст ә азайа Мәсиһийа һәйә кӧ ичке вәхԝьн, ле әв найе һʹәсабе, кӧ әв йәк тʹьме кʹар ә. Бьхунә Мәтʹәлок 22:3, у паше шеԝьр кә, кӧ чаԝа әв дәрәщед кӧ жере һатьнә дайине, дькарьн сәр сафикьрьна тә дәрһәԛа ичкәвәхԝарьне һʹӧкӧм бьн:

• Тӧ гәрәке әʹрәбе бажойи йан сәр макʹине бьхәбьти.

• Тӧ һʹәмлә йи.

• Дохдьр ширәте дьдә тә, ԝәки ичке вәнәхԝи.

• Тәрʹа чәтьн ә контрол ки, кӧ чьԛас ичкә вәхԝи.

• Ԛанун изьне надә, ԝәки ичке вәхԝи.

• Тӧ тʹәви ԝи мәрьви йи, йе кӧ хԝә жь ичке дур дьгьрә, чьмки әԝ бәре ичкева гредайи бу у нькарьбу ле бьԛәтийа.

Гәло тӧ дькари сәр дәʹԝата йан жи сәр ԝәʹдәдәрбазкьрьнед бьчʹук, ичке дайни сәр сьфре? Сәва кӧ пебьһʹәси ча сафикьрьне бьки, вехә ВИДЕО.

ВИДЕО: «Гәло Һежа йә Ичке Дайньм бәр Мевана?» (2:41)

Бьхунә Рʹомайи 13:13 у 1 Корьнтʹи 10:31, 32. Паши хԝәндьна рʹеза, әве пьрсе шеԝьр кә:

• Чаԝа әв принсип дькарә али тә бькә, кӧ сафикьрьна ӧса бьки, ԝәки дьле Йаһоԝа хԝәш бе?

5. Сафи кә чьԛас ичкә вәхԝи

Һәрге тӧ сафи дьки ичке вәхԝи, бир нәкә кӧ Йаһоԝа сәрхԝәшбуне ԛәдәхә дькә. Чьма? Бьхунә Һосәйа 4:11, 18, у паше әве пьрсе шеԝьр кә:

• Чь дькарә бьԛәԝьмә, һәрге бәндә гәләки вәхԝә?

Чь дькарә али мә бькә, ԝәки гәләки вәнәхԝьн? Әм гәрәке хԝә ԛӧрʹә нәкьн у синоред хԝә бьзаньбьн. Бьхунә Мәтʹәлок 11:2, у паше әве пьрсе шеԝьр кә:

• Чьма баш ә хԝәрʹа синора дайни, кӧ чьԛас вәхԝи?

6. Нете дайнә кӧ гәләк вәнәхԝи

ВИДЕО: «Әз жь Жийина Хԝә Вәстийам» (6:32)

• Ичкә ча сәр рʹабун-рʹуньштьна Дмитри һʹӧкӧм бу?

• Әԝи карьбу дәрберʹа тʹәрка ичке бьда?

• Ахьрийеда әԝи ча карьбу тʹәрка ичке бьдә?

Бьхунә 1 Корьнтʹи 6:10, 11, у паше ван пьрса шеԝьр кә:

• Сәрхԝәшбун чьԛас хоф ә?

• Чь дьдә кʹьфше, ԝәки мәрьве кӧ тʹьме сәрхԝәш дьбә, демәк гәләк вәдьхԝә, дькарә бе гӧһастьне?

Бьхунә Мәтта 5:30, у паше әве пьрсе шеԝьр кә:

• Мәсәла жекьрьна дәст дьдә кʹьфше, ԝәки лазьм ә тьштәки ԛӧрбан кьн, сәва дьле Йаһоԝа ша кьн. Тӧ чь дькари бьки, һәрге тәрʹа чәтьн ә тʹәрка ичке бьди?a

Бьхунә 1 Корьнтʹи 15:33, у паше әве пьрсе шеԝьр кә:

• Һәвалед тә ча дькарьн сәр ве йәке һʹӧкӧм кьн, кӧ тӧ чьԛаси вәхԝи?

ТʹӘМАМКЬРЬН

Йаһоԝа дьхԝазә ԝәки әм жь ичке шабуне бьстиньн, ле әԝ ԛәдәхә дькә сәрхԝәшбуне у вәхԝарьна бе контрол.

Ԝәкʹьландьн

• Кʹьтеба Пироз дәрһәԛа ичке чь дьбежә?

• Вәхԝарьна зедә чьда хоф ә?

• Әм чаԝа дькарьн ԛәдьре сафикьрьна мәрийа бьгьрьн, кʹижан кӧ вәхԝарьна ичкева гьредайи йә?

ҺЕ ЗЕДӘ ПЕБЬҺʹӘСӘ

Щаһьл чаԝа дькарьн дәрһәԛа ичке бь билани сафикьрьна бькьн?

«Пешийа кӧ Вәхԝи Бьфькьрә» (2:31)

Пебьһʹәсә, ԝәки тӧ чь дькари бьки, кӧ проблемед ичкәвәхԝарьнева гьредайи сафи ки.

«Нәбьнә Диле Ичке» («Бьрща Ԛәрәԝьлийе», 1 Чьләйе, 2010)

Гәло Мәсиһи дькарә салхийа һьлдә?

«Пьрсед Хԝәндәвана» («Бьрща Ԛәрәԝьлийе», 15 Сьбате, 2007)

Жь ве сәрһатийе «Мьн Бе Һʹәмде Хԝә Ичкә Вәдьхԝар» пебьһʹәсә, кӧ чаԝа мәрьвәки карьбу тʹәрка ичке бьдә.

«Кʹьтеба Пироз Жийина Мәрьва Дьгӧһезә» («Бьрща Ԛәрәԝьлийе», 1 Гӧлане, 2012)

Рʹаст ә тӧ Йаһоԝа гәләк һʹьз дьки у хԝә дур дьгьри жь ԝан тьшта, чь кӧ дькарьн дьле ԝи бешиньн, ле йәкә щарна тӧйе шашийа бьки. Һәмьки һьнә гӧнә гәләк гьран ьн (1 Корьнтʹи 6:9, 10). Һәрге тӧ гӧнәки гьран бьки, бир нәкә, кӧ Йаһоԝа диса жи тә һʹьз дькә, у һазьр ә бьбахшинә тә у али тә бькә.

1. Әм чь гәрәке бькьн, сәва кӧ бахшандьна Йаһоԝа бьстиньн?

Әԝед кӧ Йаһоԝа һʹьз дькьн, чахе фәʹм дькьн кӧ ԝана гӧне гьран кьрийә, гәләк бәрхԝә дькʹәвьн. Ле әԝана жь созе Йаһоԝа дьлбиникә мәзьн дьстиньн, чьмки Әԝи гот, кӧ һәрге гӧнед ԝан мина соре-гәвәз бьн жи, «ԝе мина бәрфе сьпи бьбьн» (Ишайа 1:18). Гава әм жь дьл тʹобә дькьн, Йаһоԝа бь тʹәмами дьбахшинә мә. Чь те һʹәсабе тʹобә кьн? Әв те һʹәсабе, кӧ әм гәләк пʹошман дьбьн бона кьред хԝә, у сәр хԝә дьхәбьтьн, ԝәки щарәкә дьн ви тьшти нәкьн у лавайа Йаһоԝа дькьн, кӧ бьбахшинә мә. Хенщи ԝе йәке әм хԝә дур дьгьрьн жь фькьр у хәйсәтед ӧса, йед кӧ бәрбь гӧнә дьбьн. Һьм жи әм һәр тьшти дькьн, ԝәки ль гора нормед Йаһоԝа бьжин (Бьхунә Ишайа 55:6, 7.)

2. Йаһоԝа ча бь сайа рʹуспийа али мә дькә?

Һәрге мә гӧне гьран кьрийә, гәрәке гази рʹуспийед щьвате бькьн, у аликʹарийе жь ԝана бьхԝазьн (Бьхунә Аԛуб 5:14, 15.) Әв рʹуспи Йаһоԝа у щьмәʹта ԝи һʹьз дькьн. Әԝана һатьнә һинкьрьне, кӧ али мә бькьн, сәва кӧ әм диса жи һәләԛәтийа хԝә тʹәви Йаһоԝа баш кьн (Галати 6:1).

Рʹуспи чаԝа али мә дькьн, чахе әм гӧнәки гьран дькьн? Дӧ рʹуспи йан жи сьсе, рʹезед жь Кʹьтеба Пироз дьдьнә хәбате, сәва кӧ мәрʹа нишан кьн, ԝәки әв кьре мә нәрʹаст ә. Әԝана ӧса жи рʹебәри у ширәтед керһати дьдьнә мә, чь кӧ али мә дькьн, ԝәки диса гӧнә нәкьн. Һәрге мәрьве кӧ гӧнәки гьран кьрийә тʹобә накә, рʹуспи сафи дькьн, ԝи жь щьвате дәрхьн, сәва кӧ әԝ сәр щьвате хьраб һʹӧкӧм нәбә.

КʹУР ЛЕКОЛИН КӘ

3. Тʹобәкьрьн али мә дькә, кӧ диса һәләԛәтийа мә тʹәви Йаһоԝа баш бә

Һʹәму гӧнед кӧ әм дькьн, дьле Йаһоԝа дешиньн, ләма жи әм гӧнед хԝә тʹобә дькьн. Бьхунә Зәбур 32:1-5, у паше әве пьрсе шеԝьр кә:

• Чьрʹа бона мә кʹар ә бахшандьне жь Йаһоԝа бьхԝазьн дәԝса кӧ гӧнед хԝә вәшерьн?

ВИДЕО: «Хӧдан Кʹе Һʹьз Дькә, Ԝи Ширәт Дькә» (3:01)

• Ча жь видеойе һатә кʹьфше, рʹуспи ча али Кенон кьрьн, ԝәки вәгәрʹә бал Йаһоԝа?

Сәва кӧ рʹуспи бькарьбьн али мә бькьн, әм гәрәке дәрһәԛа гӧнед хԝә ԝанрʹа рʹаст у зәлал гьли кьн. Әԝана һазьр ьн али мә бькьн. Бьхунә Аԛуб 5:16, у паше әве пьрсе шеԝьр кә:

• Чьрʹа рʹуспийарʹа һеса дьбә али мә бькьн, чахе әм дәрһәԛа гӧнед хԝә тʹӧ тьшти жь ԝана вәнашерьн?

4. Йаһоԝа һьндава гӧнәкʹара рʹәʹм ә

Һәрге мәрьве кӧ гӧне гьран кьрийә, инкʹар дькә нормед Йаһоԝа бинә сери, әԝ жь щьвате те дәрхьстьне, у ләма тʹӧ һәләԛәтийа мә тʹәви ԝи ида ԝе тʹӧнә бә. Бьхунә 1 Корьнтʹи 5:6, 11, у паше әве пьрсе шеԝьр кә:

• Һьнә һәвиртьрʹшк тʹәмамийа һәвир һьлтинә. Ль гора ве мәсәле, һәләԛәти тʹәви мәрьве кӧ гӧне хԝә тʹобә накә, ча дькарә сәр щьвате һʹӧкӧм кә?

Һәләԛәтийа Йаһоԝа һьндава гӧнәкʹара, чь щурʹәйи сәрԝахти, рʹәʹмти у һʹәзкьрьна ԝи әʹйан дькә?

5. Йаһоԝа дьбахшинә мә, чахе әм тʹобә дькьн

Мәсәла Иса али мә дькә кӧ фәʹм бькьн, ԝәки Йаһоԝа чь сәр хԝә тʹәхмин дькә, гава мәрьв тʹобә дькә. Бьхунә Луԛа 15:1-7, у паше әве пьрсе шеԝьр кә:

• Әв йәк дәрһәԛа Йаһоԝа чь тә һин дькә?

Бьхунә Һәзәԛел 33:11, у паше әве пьрсе шеԝьр кә:

• Чь дькʹәвә нава тʹобәкьрьне?

ТʹӘМАМКЬРЬН

Һәрге мә гӧне гьран кьрийә, ле бь дьл гӧне хԝә тиньн рʹуйе хԝә у ида тьштед нәрʹаст накьн, һьнге Йаһоԝа ԝе бьбахшинә мә.

Ԝәкʹьландьн

• Чьма бона мә кʹар ә, ԝәки гӧнед хԝә бәр Йаһоԝа тʹобә кьн?

• Әм чь гәрәке бькьн, сәва кӧ Йаһоԝа гӧнед мә бьбахшинә мә?

• Әм чьрʹа гәрәке аликʹарийе жь рʹуспийа бьхԝазьн, һәрге мә гӧне гьран кьрийә?

ҺЕ ЗЕДӘ ПЕБЬҺʹӘСӘ

Пебьһʹәсә, кӧ мәрьвәки ча дьлрʹәʹмийа Йаһоԝа сәр хԝә тʹәхмин кьр, дәрһәԛа кʹижани кӧ Ишайа 1:18-да ньвисар ә.

«Дьлрʹәʹмийа Йаһоԝада Тʹӧ Щар Дӧдьли Нәбә» (5:02)

Чаԝа рʹуспи али ԝан дькьн, йед кӧ гӧне гьран кьрьнә?

«Һʹәзкьрьн у Рʹәʹмти Һьндава Кәсед кӧ Гӧнә Кьрьнә» («Бьрща Ԛәрәԝьлийе», Тʹәбах, 2024)

Дина хԝә бьдьнә, кӧ чаԝа һʹәзкьрьн у рʹәʹмти һьндава гӧнәкʹаред кӧ тʹобә нәкьрьнә те нишанкьрьне.

«Аликʹарийа бона Ԝан, Йед кӧ жь Щьвате Һатьнә Дәрхьстьне» («Бьрща Ԛәрәԝьлийе», Тʹәбах, 2024)

Жь ве сәрһатийе «Мьн Фәʹм кьр кӧ Гәрәке Вәгәрʹьм бал Йаһоԝа», пебьһʹәсә, ԝәки ча мәрьве кӧ жь рʹастийе дур кʹәтьбу, фәʹм кьр кӧ Йаһоԝа ԝи пашда вәгәрʹандә щәм хԝә.

«Кʹьтеба Пироз Жийина Мәрьва Дьгӧһезә» («Бьрща Ԛәрәԝьлийе», 1 Нисане, 2012)