Тʹәмамийа дьнйайеда ньһерʹандьна мәрийа сәр ичке щурʹә-щурʹә йә. Мәсәлә, һьнә мәрьв сафи дькьн щар-щара вәхԝьн чахе тʹәви һәвалед хԝә тʹоп дьбьн. Һьнәк сафи дькьн ԛә вәнәхԝьн. Һәнә йед ӧса жи, кӧ һаԛас вәдьхԝьн һʹәта сәрхԝәш дьбьн. Ле Кʹьтеба Пироз дәрһәԛа ичке чь дьбежә?

1. Гәло ичкәвәхԝарьн хьраб ә?

Кʹьтеба Пироз ичкевәхԝарьне ԛәдәхә накә. Ле дәԝсе әԝ дьбежә, ԝәки жь гәләк пʹешкʹешед баш, кʹижан кӧ Хԝәде дайә мә, йәк шәрав ә, «кӧ ша дькә дьле инсен» (Зәбур 104:14, 15). Һьм жи Кʹьтеба Пирозда те готьне, ԝәки һьнә кʹӧлфәт у меред амьн жи, ичкә вәдьхԝарьн (1 Тимотʹейо 5:23).

2. Кʹьтеба Пироз чь ширәте дьдә ԝан мәрийа, йед кӧ ичке вәдьхԝьн?

Йаһоԝа ԛәдәхә дькә, кӧ зәʹф ичке вәхԝьн у сәрхԝәш бьн (Галати 5:21). Хәбәра ԝида те готьне: «Нәчә нава вәхԝарийа» (Мәтʹәлок 23:20). Ләма жи чахе әм сафи дькьн вәхԝьн, фьрԛи тʹӧнә әм тʹәне нә йан тʹәви мәрийа нә, йәкә гәрәке әм һаԛас вәнәхԝьн, кӧ зийане бьдьнә сьһʹәт-ԛәԝата хԝә, хәбәрдан у кьред хԝә контрол нәкьн у нькарьбьн зәлал бьфькьрьн. Һәрге әм нькарьн контрол кьн, кӧ чьԛас ичкә вәхԝьн, ԝе баш бә ԛә вәнәхԝьн.

3. Әм ча дькарьн ԛәдьре сафикьрьна мәрийа һьндава ичкеда, бьгьрьн?

Һәр кәс гәрәке хԝәха сафи кә, ичке вәхԝә йан на. Әм гәрәке сущдар нәкьн ԝи мәрьви, йе кӧ һьндьки вәдьхԝә, у нә жи гәрәке зоре бьдьнә кәсәки, йе кӧ нахԝазә вәхԝә (Рʹомайи 14:10). Һәрге ичкәвәхԝарьна мә дькарә мәрьварʹа бьбә проблем, һьнге әм сафи дькьн вәнәхԝьн (Бьхунә Рʹомайи 14:21.) Ӧса әм әве тʹәмийе тиньн сери: «Нәбә кӧ йәк кʹара хԝә бьгәрʹә, ле йа һәвале хԝә» (Бьхунә 1 Корьнтʹи 10:23, 24.)

КʹУР ЛЕКОЛИН КӘ

4. Сафи кә, ичке вәхԝи йан на

Ньһерʹандьна Иса сәр ичкәвәхԝарьне чь щурʹәйи бу? Сәва кӧ щаба ве пьрсе бьстини, пебьһʹәсә дәрһәԛа кʹәрәмәта Исайә пешьн. Бьхунә Йуһʹәнна 2:1-11, у паше ван пьрса шеԝьр кә:

• Жь ве кʹәрәмәте әм чь дькарьн һин бьн дәрһәԛа ньһерʹандьна Иса сәр ичкәвәхԝарьне у сәр ԝан, йед кӧ ичке вәдьхԝьн?

• Һәрге Иса ичкәвәхԝарьн сущдар нәдькьр, демәк Мәсиһи чаԝа гәрәке бьньһерʹә сәр ԝи мәрьви, йе кӧ ичке вәдьхԝә?

Рʹаст ә азайа Мәсиһийа һәйә кӧ ичке вәхԝьн, ле әв найе һʹәсабе, кӧ әв йәк тʹьме кʹар ә. Бьхунә Мәтʹәлок 22:3, у паше шеԝьр кә, кӧ чаԝа әв дәрәщед кӧ жере һатьнә дайине, дькарьн сәр сафикьрьна тә дәрһәԛа ичкәвәхԝарьне һʹӧкӧм бьн:

• Тӧ гәрәке әʹрәбе бажойи йан сәр макʹине бьхәбьти.

• Тӧ һʹәмлә йи.

• Дохдьр ширәте дьдә тә, ԝәки ичке вәнәхԝи.

• Тәрʹа чәтьн ә контрол ки, кӧ чьԛас ичкә вәхԝи.

• Ԛанун изьне надә, ԝәки ичке вәхԝи.

• Тӧ тʹәви ԝи мәрьви йи, йе кӧ хԝә жь ичке дур дьгьрә, чьмки әԝ бәре ичкева гредайи бу у нькарьбу ле бьԛәтийа.

Гәло тӧ дькари сәр дәʹԝата йан жи сәр ԝәʹдәдәрбазкьрьнед бьчʹук, ичке дайни сәр сьфре? Сәва кӧ пебьһʹәси ча сафикьрьне бьки, вехә ВИДЕО.

ВИДЕО: «Гәло Һежа йә Ичке Дайньм бәр Мевана?» (2:41)

Бьхунә Рʹомайи 13:13 у 1 Корьнтʹи 10:31, 32. Паши хԝәндьна рʹеза, әве пьрсе шеԝьр кә:

• Чаԝа әв принсип дькарә али тә бькә, кӧ сафикьрьна ӧса бьки, ԝәки дьле Йаһоԝа хԝәш бе?

5. Сафи кә чьԛас ичкә вәхԝи

Һәрге тӧ сафи дьки ичке вәхԝи, бир нәкә кӧ Йаһоԝа сәрхԝәшбуне ԛәдәхә дькә. Чьма? Бьхунә Һосәйа 4:11, 18, у паше әве пьрсе шеԝьр кә:

• Чь дькарә бьԛәԝьмә, һәрге бәндә гәләки вәхԝә?

Чь дькарә али мә бькә, ԝәки гәләки вәнәхԝьн? Әм гәрәке хԝә ԛӧрʹә нәкьн у синоред хԝә бьзаньбьн. Бьхунә Мәтʹәлок 11:2, у паше әве пьрсе шеԝьр кә:

• Чьма баш ә хԝәрʹа синора дайни, кӧ чьԛас вәхԝи?

6. Нете дайнә кӧ гәләк вәнәхԝи

ВИДЕО: «Әз жь Жийина Хԝә Вәстийам» (6:32)

• Ичкә ча сәр рʹабун-рʹуньштьна Дмитри һʹӧкӧм бу?

• Әԝи карьбу дәрберʹа тʹәрка ичке бьда?

• Ахьрийеда әԝи ча карьбу тʹәрка ичке бьдә?

Бьхунә 1 Корьнтʹи 6:10, 11, у паше ван пьрса шеԝьр кә:

• Сәрхԝәшбун чьԛас хоф ә?

• Чь дьдә кʹьфше, ԝәки мәрьве кӧ тʹьме сәрхԝәш дьбә, демәк гәләк вәдьхԝә, дькарә бе гӧһастьне?

Бьхунә Мәтта 5:30, у паше әве пьрсе шеԝьр кә:

• Мәсәла жекьрьна дәст дьдә кʹьфше, ԝәки лазьм ә тьштәки ԛӧрбан кьн, сәва дьле Йаһоԝа ша кьн. Тӧ чь дькари бьки, һәрге тәрʹа чәтьн ә тʹәрка ичке бьди?a

Бьхунә 1 Корьнтʹи 15:33, у паше әве пьрсе шеԝьр кә:

• Һәвалед тә ча дькарьн сәр ве йәке һʹӧкӧм кьн, кӧ тӧ чьԛаси вәхԝи?

ТʹӘМАМКЬРЬН

Йаһоԝа дьхԝазә ԝәки әм жь ичке шабуне бьстиньн, ле әԝ ԛәдәхә дькә сәрхԝәшбуне у вәхԝарьна бе контрол.

Ԝәкʹьландьн

• Кʹьтеба Пироз дәрһәԛа ичке чь дьбежә?

• Вәхԝарьна зедә чьда хоф ә?

• Әм чаԝа дькарьн ԛәдьре сафикьрьна мәрийа бьгьрьн, кʹижан кӧ вәхԝарьна ичкева гьредайи йә?

ҺЕ ЗЕДӘ ПЕБЬҺʹӘСӘ

Щаһьл чаԝа дькарьн дәрһәԛа ичке бь билани сафикьрьна бькьн?

«Пешийа кӧ Вәхԝи Бьфькьрә» (2:31)

Пебьһʹәсә, ԝәки тӧ чь дькари бьки, кӧ проблемед ичкәвәхԝарьнева гьредайи сафи ки.

«Нәбьнә Диле Ичке» («Бьрща Ԛәрәԝьлийе», 1 Чьләйе, 2010)

Гәло Мәсиһи дькарә салхийа һьлдә?

«Пьрсед Хԝәндәвана» («Бьрща Ԛәрәԝьлийе», 15 Сьбате, 2007)

Жь ве сәрһатийе «Мьн Бе Һʹәмде Хԝә Ичкә Вәдьхԝар» пебьһʹәсә, кӧ чаԝа мәрьвәки карьбу тʹәрка ичке бьдә.

«Кʹьтеба Пироз Жийина Мәрьва Дьгӧһезә» («Бьрща Ԛәрәԝьлийе», 1 Гӧлане, 2012)

Мә һʹәмуйа хԝәш те, ԝәки кʹьнща бьжберьн у сафи кьн, кӧ чь хԝә кьн у ча хԝә чекьн. Һәрге әм һьнә принсипед Кʹьтеба Пироз һьлдьн һʹәсаб, әв йәк ԝе али мә бькә, ԝәки кʹьнщед ӧса хԝәрʹа бьжберьн, кӧ һьм мә хԝәш бен, һьм жи дьле Йаһоԝа ша бә. Ԝәрә әм һьнә принсипа шеԝьр кьн.

1. Кʹижан принсип али мә дькьн, кӧ сафи кьн чь хԝә кьн у ча хԝә чекьн?

Әм гәрәке «бь кʹьнщед лайиԛ, шәрме у бәрбьһерийе хԝә бьхәмьлиньн», у тʹәмьзайе хԝәй кьн, сәва әшкәрә бә, кӧ әм «рʹийа Хԝәдеда дьчьн» (1 Тимотʹейо 2:9, 10). Ԝәрә әм ван чар принсипа шеԝьр кьн: (1) Кʹьнщед мә гәрәке «лайиԛ» бьн. Дьԛәԝьмә тә сәр щьвата дитийә, кӧ Шәʹдед Йаһоԝа щурʹә-щурʹә кʹьнща хԝә дькьн. Ле кʹьнщхԝәкьрьн у хԝәчекьрьна мә, тʹьме ԛәдьр һьндава Хԝәде дьдә кʹьфше. (2) Кʹьнщхԝәкьрьна бь «шәрме» те һʹәсабе, ԝәки кʹьнщед ӧса хԝә нәкьн, бь кʹижана дина мәрийа зәʹф бькʹьшә сәр мә, жь бо чь жи әԝана бь тәме хьраб мә бьньһерʹьн. (3) Әм бь «бәрбьһерийе» кʹьнща хԝә дькьн, чахе әм пәй һәр стиләкә тʹәзә йан модәйе начьн, кʹижан кӧ зәʹф бәлабуйи дьбьн. (4) Пе кʹьнщхԝәкьрьн у хԝәчекьрьна мә, гәрәке тʹьме мәрийарʹа әʹйан бә, кӧ әм «рʹийа Хԝәдеда дьчьн» у Хԝәдайе рʹаст дьһʹәбиньн (1 Корьнтʹи 10:31).

2. Чаԝа кʹьнщхԝәкьрьн у хԝәчекьрьна мә дькарә сәр хушк-бьра һʹӧкӧм бә?

Һәмьки кʹьнщхԝәкьрьнеда азайа бьжартьна мә һәйә, ле әм гәрәке тʹьме фәсал бьн, кӧ мәрьварʹа нәбьнә лькʹӧмандьн. Жь мә һәр кәс һәр тьшти дькә, кӧ мәрьва әʹщьз нәкә, ле «алийе ԛәнщийеда ль һәвале хԝә хԝәш бе, кӧ баԝәрийеда бьшьдә» (Бьхунә Рʹомайи 15:1, 2.)

3. Чаԝа кʹьнщхԝәкьрьн у хԝәчекьрьна мә дькарә дина мәрийа бькʹьшинә бәрбь һʹәбандьна рʹаст?

Әм тʹьме дьхәбьтьн, кӧ кʹьнщед мә лайиԛ бьн, илаһи чахе дьчьнә щьвата у мьзгинийе бәла дькьн. Әм нахԝазьн, кӧ дина мәрьва жь мьзгинийа фәрз бькʹьшиньн сәр хԝә. Ле дәԝсе әм дьхԝазьн, кӧ бь кʹьнщхԝәкьрьна хԝә «һинкьрьна бона Хьлазкьре мә Хԝәде, һәр алийава бьхәмьлиньн», ԝәки мәрьв бьхԝазьн һе зедә дәрһәԛа рʹастийе пебьһʹәсьн (Тито 2:10).

КʹУР ЛЕКОЛИН КӘ

4. Пе кʹьнщхԝәкьрьна хԝәйә баш әм ԛәдьр һьндава Йаһоԝа дьдьнә кʹьфше

Мәʹнийа һәрә фәрз кʹижан ә, ԝәки әм бона кʹьнщхԝәкьрьна хԝә хәм бькьн? Бьхунә Зәбур 47:2, у паше ван пьрса шеԝьр кә:

• Чаԝа әв йәк кӧ наве Йаһоԝа сәр мә йә, гәрәке сәр кʹьнщхԝәкьрьна мә һʹӧкӧм бә?

• Бь тʹәхмина тә бь билани йә, кӧ әм бона кʹьнщхԝәкьрьна хԝә хәм бькьн, гава дьчьнә щьвата у мьзгинийе бәла дькьн? Чьма әре, у чьма на?

5. Чь ԝе али мә бькә, ԝәки рʹаст сафи кьн, чь хԝә кьн у ча хԝә чекьн?

Вехә ВИДЕО.

ВИДЕО: «Һәр Тьшти бона Шькьрдайина Хԝәде Бькьн» (10:18)

Фьрԛи тʹӧнә кʹьнщед мә бьһа йан әрʹзан бьн, әм гәрәке һʹәму дәрәщада тʹәмьз у лайиԛ бьн. Бьхунә 1 Корьнтʹи 10:24 у 1 Тимотʹейо 2:9, 10. Паше шеԝьр кә, кӧ әм чьма кʹьнщед ӧса хԝә накьн, йед кӧ . . .

• лайиԛ у маԛули ниньн

• гәләк тәнг ьн, вәкьри нә, у тәме хьраб пешда тиньн

Рʹаст ә иро Мәсиһи бьн Ԛануна Мусада ниньн, ле дькарьн жь ԝан ԛануна гәләк тьшт дәрһәԛа ньһерʹандьна Йаһоԝа һин бьн. Бьхунә Ԛануна Дӧщари 22:5, у паше әве пьрсе шеԝьр кә:

• Чьма әм гәрәке хԝә жь кʹьнщхԝәкьрьн у хәмьландьна ӧса дур бьгьрьн, кӧ мера дькә мина жьна, жьна жи дькә мина мера?

Бьхунә 1 Корьнтʹи 10:32, 33 у 1 Йуһʹәнна 2:15, 16, у паше ван пьрса шеԝьр кә:

• Чьма әм гәрәке хәм бькьн бона ԝе йәке, кӧ кʹьнщхԝәкьрьн у хәмьландьна мә, мәрьвед дор-бәре мә у щьвате әʹщьз нәкә?

• Кʹижан щурʹе кʹьнщхԝәкьрьн йан хәмьландьне, мьһала тәда дьһа тʹәбийәти йә?

• Бь тʹәхмина тә һьнә жь ԝан щурʹе кʹьнщхԝәкьрьн у хәмьландьне, дькарьн бона Мәсиһийа нәлайиԛ бьн? Шьровәкә.

ТʹӘМАМКЬРЬН

Чахе әм дәрһәԛа кʹьнщхԝәкьрьн у хәмьландьна хԝә сафикьрьнед баш дькьн, ӧса әм ԛәдьр һьндава Йаһоԝа у мәрийа дьдьнә кʹьфше.

Ԝәкʹьландьн

• Чьма кʹьнщхԝәкьрьн у хәмьландьна мә бона Йаһоԝа фәрз ә?

• Әм гәрәке кʹижан принсипа һьлдьн һʹәсаб, чахе сафи дькьн кӧ чь ль хԝә кьн у ча хԝә бьхәмьлиньн?

• Чь щурʹәйи кʹьнщхԝәкьрьн у хәмьландьна мә дькарә һʹӧкӧм бә сәр ньһерʹандьна мәрийа дәрһәԛа һʹәбандьна рʹаст?

ҺЕ ЗЕДӘ ПЕБЬҺʹӘСӘ

Бьньһерʹә кӧ мәрьв чь дькарьн бьфькьрьн, гава кʹьнщхԝәкьрьна тә бьвиньн.

«Гәло Әз Рʹува Ча Темә Хане?» (Готара жь малпәре)

Пебьһʹәсә, кӧ чьма бь билани йә пешийа кӧ тату бькьн, бьфькьрьн.

«Гәло Кʹьтеба Пирозда Дәрһәԛа Тату Чь Те Готьне?» (Готара жь малпәре)

Пебьһʹәсә дәрһәԛа һьнә принсипед дьн жи, йед кӧ дькарьн али тә бькьн, ԝәки сафикьрьнед баш бьки.

«Тӧ бь Кʹьнщхԝәкьрьна Хԝә, Хԝәде Рʹумәт Дьки?» («Бьрща Ԛәрәԝьлийе», Илон, 2016)

Чаԝа кʹӧлфәтәке карьбу ньһерʹандьна рʹаст нав хԝәда пешда бинә, һьндава кʹьнщхԝәкьрьна мәрьвед дьн?

«Кʹьнщ у Хәмьландьн бона Мьн Кәвьре Лькʹӧмандьне Бун» («Һʹьшйар Бьн!», 22 Кануна Пешьн, 2003)