• Жь Бьре Иса Мәсиһ йе Бьчʹук Һин бә
    Бьрща Ԛәрәԝьлийе (Бона Һинбуне) — 2022 | Чьлә

    • МИНА АԚУБ МЬЛУК БӘ

      Иса Мәсиһ паши рʹабуна жь мьрьне Аԛубрʹа хӧйа дьбә.

      Гава Иса Аԛубрʹа хӧйа бу, Аԛуб әԝ ча Мәсиһ ԛәбул кьр у һьнгеда әԝ бу шагьрте Исайи амьн (Абзаса 5 һʹәта 7 бьньһерʹә)

      5. Чахе Иса жь мьрьне рʹабу у хԝә нишани Аԛуб кьр, әв йәк ча сәр Аԛуб һʹӧкӧм кьр?

      5 Гәло Аԛуб кʹәнге бу шагьрте Иса? Чахе Иса жь мьрьне рʹабу, әԝ «Аԛубва хӧйа бу, пәйрʹа һʹәму шандийава» (1 Корьнтʹи 15:7). Паши ве йәке, Аԛуб бу шагьрте Иса Мәсиһ. Гава шандийед Иса одәкә жорьнда ль Оршәлиме һивийа рʹӧһʹе пироз бун, Аԛуб жи ԝедәре бу (Кʹаред Шандийа 1:13, 14). Паше, Аԛуб бу әндәме кʹома рʹебәрийе йа ԛьрʹна йәке (Кʹаред Шандийа 15:6, 13-22; Галати 2:9). Чәндәк пешийа сала 62 Д.М., әԝи жь бина бәр Хԝәде шагьртед бь рʹӧһʹ кʹьфшкьрирʹа нәʹмә ньвиси. Һевийа мә чь бә жи, жийина ль әʹзмана йан ль сәр әʹрде, әв нәʹмә бона мә керһати йә (Аԛуб 1:1). Ль гора тʹәрихзан бь наве Усьве Флавиус, Аԛуб пе фәрмана Сәрәккʹаһин Һананийа Бьчʹук, һатә кӧштьне. Бәле, Аԛуб һʹәта хьлазийа жийина хԝә Йаһоԝарʹа амьн ма.