Йаһоԝа Хԝәдейе тʹәрбәтийе йә (1 Корьнтʹи 14:33). Ләма щьмәʹта ԝи жи гәрәке бь организә бә. Щьвата Мәсиһийа ча организәкьри йә? Әм ча дькарьн ве йәкеда хԝәха жи аликʹарийе бьдьн?

1. Кʹе рʹебәрийе щьвате дькә?

Кʹьтеба Пирозда те готьне ԝәки «Мәсиһ . . . сәре щьвине йә» (Әфәси 5:23). Иса Мәсиһ жь әʹзмана сәр тʹәмамийа дьнйайе рʹебәрийе шьхӧле щьмәʹта Йаһоԝа дькә. Әԝи «хӧламе амьн у сәрԝахт» кʹьфш кьр, демәк кʹомәкә бьчʹукә щерʹьбанди, кʹижан кӧ әʹйан ьн ча Кʹома Рʹебәрийе (Бьхунә Мәтта 24:45-47.) Әԝ кʹом мина шагьрт у рʹуспийед ԛьрʹна йәке, рʹебәрийе дьдә һʹәму щьвата (Кʹаред Шандийа 15:2). Ле әԝ мер сәрԝеред тʹәшкиләта мә ниньн. Әԝана Кʹьтеба Пироз леколин дькьн, ԝәки пебьһʹәсьн кӧ Йаһоԝа чь жь ԝана дәʹԝа дькә. Әԝана ӧса жи бь һазьрбуне пәй рʹебәрийа Иса дьчьн.

2. Рʹуспи кʹе нә у әԝана чь дькьн?

Рʹуспи Мәсиһийед рʹӧһʹанида гьһишти нә, йед кӧ бь сайа Ньвисаред Пироз һин дькьн у шьвантийе щьмәʹта Йаһоԝа дькьн бь ве йәке, кӧ али ԝан дькьн у ԝана ԛәԝи дькьн. Әԝана бона шьхӧле хԝә пʹәра настиньн, ле «бь дьл у щан . . . чаԝа Хԝәде дьхԝазә, нә кӧ бона кʹара хԝә, ле бь рʹәзәдьли» хьзмәт дькьн (1 Пәтрус 5:1, 2). Бәрдәстийед щьвате али рʹуспийа дькьн. Әԝана дькарьн бенә кʹьфшкьрьне ча рʹуспи, һәрге лайиԛи ԝе йәке бьн, чь кӧ бона рʹуспийа те дәʹԝакьрьне.

Кʹома Рʹебәрийе һьнә рʹуспийа кʹьфш дькә ча бәрпьрсийаре мьһале. Әԝана тʹәсәлийа щьвата дькьн, ԝәки рʹебәрийе бьдьнә ԝан у ԝана ԛәԝи кьн. Бәрпьрсийаре мьһале щьватада рʹуспийа у бәрдәстийед щьвата кʹьфш дькьн, йед кӧ ль гора Кʹьтеба Пироз лайиԛ ьн (1 Тимотʹейо 3:1-10, 12; Тито 1:5-9).

3. Чь щабдарийа һәр Шәʹдәки Йаһоԝа һәйә?

Щьватада һәр кәс «шькьрийе» дьдә «наве Хӧдан» бь ве йәке, кӧ щаба хԝә дьдә, готара дьбежә у кʹьламед пәсьндайине дьстьре. Әԝана ӧса жи чьԛас дькарьн мьзгинийе бәла дькьн (Бьхунә Зәбур 148:12, 13.)

КʹУР ЛЕКОЛИН КӘ

4. Иса рʹебәре ԛәнщ ә

Пебьһʹәсә кӧ Иса мә бәрбь чь һелан дькә. Бьхунә Мәтта 11:28-30, у паше әве пьрсе шеԝьр кә:

• Иса рʹебәрәки чаԝа нә у әԝ чь дьхԝазә бона мә бькә?

ВИДЕО: «Нәпаледа Ԝәʹде Әʹрдһʹәже Бьра Аликʹари Дан» (4:56)

Кʹьтеба Пирозда әʹйан те готьне, ԝәки рʹуспи ча гәрәке шьхӧлед хԝә биньн сери.

Бьхунә Ишайа 32:2 у 1 Пәтрус 5:1-3, у паше ван пьрса шеԝьр кә:

• Тӧ чь сәр хԝә тʹәхмин дьки гава дьфькьри, кӧ рʹуспи мина Иса, хушк-бьра ԛәԝи дькьн?

• Рʹуспи диса чьда чʹәʹв дьдьнә Иса?

5. Рʹуспи бь мәсәла хԝә мә һин дькьн

ВИДЕО: «Рʹуспи Мәсәлед Баш ьн бона йед дьн!» (7:39)

Пебьһʹәсә кӧ Иса чь гот дәрһәԛа ԝан, йед кӧ рʹебәрийе щьвата дькьн. Бьхунә Мәтта 23:8-12, у паше ван пьрса шеԝьр кә:

• Ль гора Кʹьтеба Пироз Иса жь рʹуспийа чь дәʹԝа дькә? Ча тӧ дьфькьри, сәрԝеред религийа пәй рʹебәрийа Иса дьчьн йан на?

1. А. Рʹуспи сәр хԝә дьхәбьтьн ԝәки рʹӧһʹанида ԛәԝи бьн у ве йәкеда али малбәтед хԝә жи дькьн

2. Б. Рʹуспи бона һʹәму хушк-бьра хәм дькьн

3. Щ. Рʹуспи бәлакьрьна мьзгинийеда хирәт ьн

4. Ч. Рʹуспи рʹебәрийе щьмәʹта Хԝәде дькьн. Әԝана гәләк шьхӧлед дьн жи дькьн, мәсәлә тʹәмьзайеда аликʹарийе дьдьн

6. Әм тʹәви рʹуспийа һәвкʹарийе дькьн

Кʹьтеба Пироз шьровәдькә кӧ чьрʹа әм гәрәке тʹәви рʹуспийа һәвкʹарийе бькьн. Бьхунә Ибрани 13:17, у паше әве пьрсе шеԝьр кә:

• Чьрʹа ль гора Кʹьтеба Пироз әм гәрәке гӧрʹа ԝанда бьн, йед кӧ щабдарийа һьлдьдьн сәр хԝә? Шьровәкә.

Бьхунә Луԛа 16:10, у паше әве пьрсе шеԝьр кә:

• Чьрʹа фәрз ә тьштед бьчʹукда жи тʹәви рʹуспийа һәвкʹарийе бькьн?

ТʹӘМАМКЬРЬН

Иса йә сәре щьвате. Рʹуспи гӧрʹа Иса дькьн у пәй рʹебәрийа ԝи дьчьн. Әԝана ӧса жи мә ԛәԝи дькьн у бона мә дьбьнә мәсәлед баш. Ләма жи әм бь шабуне тʹәви ԝан һәвкʹарийе дькьн.

Ԝәкʹьландьн

• Сәре щьвате кʹи йә?

• Рʹуспи ча али щьвате дькьн?

• Һәр хьзмәткʹарәки Йаһоԝа чьда щабдар ә?

ҺЕ ЗЕДӘ ПЕБЬҺʹӘСӘ

Бьньһерʹә кӧ Кʹома Рʹебәрийе у рʹуспи бона Мәсиһийа ча хәм дькьн.

«Ԛәԝикьрьна Бьра Ԝәʹде Ԛәдәхәкьрьне» (4:22)

Пебьһʹәсә кӧ чь дькʹәвә нава шьхӧле бәрпьрсийаред мьһале.

«Һʹәфтек жь Әʹмьре Бәрпьрсийаре Мьһале» (4:51)

Пебьһʹәсә кӧ щьватада кʹӧлфәт чь шьхӧле фәрз дькьн.

«Кʹӧлфәтед кӧ Шәʹдед Йаһоԝа нә, Мьзгинийе Бәла Дькьн?» («Бьрща Ԛәрәԝьлийе», 1 Илоне, 2012)

Пебьһʹәсә кӧ ча рʹуспи бона баԝәрмәндед хԝә хәм дькьн.

«Рʹуспи Хәм Дькьн Бона Шабуна Мә» («Бьрща Ԛәрәԝьлийе», 15 Чьләйе, 2013)

1. Кʹьтеба Пироз чь ширәте дьдә мера?

Йаһоԝа мер ча сәре малбәте кʹьфш кьрийә (Бьхунә Әфәси 5:23.) Ләма жи әԝ һивийе йә, кӧ мер сафикьрьнед ӧса бькә, кʹижан кӧ малбәтерʹа кʹаре бинә. Кʹьтеба Пироз ширәтәкә ӧса дьдә мера: «Жьнед хԝә һʹьз бькьн» (Әфәси 5:25). Әв йәк чь те һʹәсабе? Мере кӧ бь һʹьзкьрьне йә, һьндава жьна хԝәда ԛәнщ ә һьм малда һьм жи бәр мәрьва. Әԝ жьна хԝә жь зийане хԝәй дькә у һәр тьшти дькә, кӧ бона һʹәԝщед ԝейә физики у емосийали хәм бькә (1 Тимотʹейо 5:8). Йа лапә фәрз әԝ ә, ԝәки мер бона һʹәԝщед рʹӧһʹани хәм бькә (Мәтта 4:4). Мәсәлә, әԝ дькарә тʹәви ԝе дӧа бькә у Кʹьтеба Пироз бьхунә. Чахе мер бь һʹьзкьрьне бона жьна хԝә хәм дькә, ӧса әԝ достийа хԝә тʹәви Йаһоԝа хԝәй дькә (Бьхунә 1 Пәтрус 3:7.)

Иса Сәре щьвата Мәсиһийа йә (Әфәси 5:23). Иро Иса бь сайа «хӧламе амьн у сәрԝахт» жь әʹзмен рʹебәрийе пәйчуйед хԝә дькә (Бьхунә Мәтта 24:45.) Иса Мәсиһ әв «хӧлам» кʹьфш кьрийә, у изьн дайә ԝи, ԝәки һьнә сафикьрьна бькә, ле диса жи әв хӧлам гӧрʹа Исада нә у бьред Исарʹа хӧламтийе дькә. Гәло кʹи йә әв хӧлам? Әԝ хӧлам чь щурʹәйи бона мә хәм дькә?