• Тӧ Ча Дькари Мьзгинийа Хере Бәла ки?
    Ша бә Жийинерʹа Һʹәта-Һʹәтайе! Курса Һинкьрьна Кʹьтеба Пироз

    • 1. Тӧ ча дькари мьзгинийе гьли ки ԝан мәрьварʹа, кʹижана тӧ нас дьки?

      Шагьртед Иса готьн: «Әм нькарьн бона ԝан тьштед кӧ мә хԝәха дитьн у бьһистьн нәкьнә дәнги» (Кʹаред Шандийа 4:20). Ԝана рʹастийа Кʹьтеба Пироз ӧса ԛимәт дькьр, кӧ дьхԝәстьн чьԛас дькарьн һе зедә мәрьварʹа гьли кьн. Һәрге хԝәстьна тә жи ӧса һәйә, мәщала жь дәсте хԝә бәрнәдә кӧ бь ԛәдьр нәфәред хԝәрʹа у һәвалед хԝәрʹа гьли ки ве йәке, чь кӧ тӧ пеһʹәсийайи (Бьхунә Колоси 4:6.)

      Һьнә мәсәлә кӧ ча хәбәрдане дәстпекьн

      • Сәва тʹәви нәфәред хԝә дәстпеки дәрһәԛа Кʹьтеба Пироз хәбәр ди, тӧ дькари ӧса бежи: «Әз ԝе һʹәфтийе тьштәки һʹәԝас пеһʹәсийам».

      • Һәвале хԝәрʹа йе кӧ нәхԝәш ә йан жи бәрхԝә дькʹәвә, рʹезәкә ӧса бьхунә, ԝәки ԝи ԛәԝи ки.

      • Чахе һәвалкʹаре тә жь тә дьпьрсә тӧ чаԝа ни, ԛә чь һәйә чь тʹӧнә, һьнге жерʹа гьли кә кӧ тӧ ԝәʹде һинбуна Кʹьтеба Пироз йан жи щьватеда, чь пеһʹәсийайи.

      • Малпәра мә jw.org нишани һәвалед хԝә кә.

      • Мәрьва тʹәглифи сәр һинбуна хԝәйә Кʹьтеба Пироз кә, йан жи нишани ԝан кә, кӧ әԝана ча дькарьн хԝәха бь сайа малпәра jw.org бьхԝазьн, ԝәки тʹәви ԝан һинбуне дәрбаз кьн.