• Кʹьтеба Пироз Ча Дькарә Али Тә Бькә?
    Ша бә Жийинерʹа Һʹәта-Һʹәтайе! Курса Һинкьрьна Кʹьтеба Пироз
    • Дәрса 1. Кʹьтеба Пирозә вәкьри.

      ДӘРСА 01

      Кʹьтеба Пироз Ча Дькарә Али Тә Бькә?

      Һәр кәс жь мә дьхԝазә һе зедә дәрһәԛа жийин, тәнгаси, мьрьн у ахьрийе пебьһʹәсә. Хенщи ԝе йәке мәрʹа ӧса жи аликʹари лазьм ә, кӧ пьрсед ӧса сафи кьн, чаԝа мәсәлә әʹбура хԝә бькьн, бона һʹәԝщед хԝә хәм бькьн у малбәта хԝә бәхтәԝар кьн. Кʹьтеба Пироз али гәләк мәрьва кьрийә, ԝәки нә тʹәне щабед пьрсед хԝәйә жийинева гьредайи бьстиньн, ле ӧса жи ширәтед керһати бона жийина һәр рʹожи. Ле бь тʹәхмина тә Кʹьтеба Пироз дькарә али ԝан мәрьва бькә, кʹижана тӧ нас дьки?

      1. Кʹьтеба Пироз щаба кʹижан пьрса дьдә?

      Кʹьтеба Пироз щаба ԝан пьрсед фәрз дьдә: Жийин чаԝа пешда һатийә? Нета жийине чь йә? Чьма мәрьвед нәнәһәԛ дьчәрчьрьн? Паши мьрьне чь дьԛәԝьмә? Һәрге һәр кәс һʹьзрәта әʹдьлайе йә, ле чьма һаԛас шәрʹ һәнә? Ахьрийеда чь һивийа мә йә? Кʹьтеба Пироз мә һелан дькә щабед ԝан пьрса бьгәрʹьн, у бь милйона мәрьва ида щабед пьрсед хԝә стандьнә.

      2. Кʹьтеба Пироз ча дькарә али мә бькә, кӧ жь жийина хԝәйә һәррʹожи ләзәте бьстиньн?

      Кʹьтеба Пироз ширәтед керһати дьдә мә. Мәсәлә, әԝ һин дькә, кӧ чаԝа малбәт дькарьн бь рʹасти бәхтәԝар бьн. Әԝ ӧса жи ширәте дьдә, кӧ чаԝа бәр стресе тәйах кьн у жь хәбата хԝә шабуне бьстиньн. Тӧйе дәрһәԛа ԝан тʹема у гәләк тʹемед дьн жи, һе зедә пебьһʹәси. У дьбә кӧ тӧ ԛайил би, ԝәки «тʹәмамийа ньвисаре [һәр тьштед кӧ Кʹьтеба Пирозда ньвисар ә] . . . керһати йә» (2 Тимотʹейо 3:16).

      Әв әʹдәбйәт дәԝса Кʹьтеба Пироз нагьрә, ле әв тә һелан дькә, ԝәки хԝәха Кʹьтеба Пироз леколин ки. Ләма жи әм тә һелан дькьн, ԝәки рʹезед жь Кʹьтеба Пироз, кʹижан кӧ һәр дәрсед кʹьфшкьрида һәнә, бьхуни у ԝана бәрамбәри ԝе йәке бьки, чь кӧ һин дьби.

      КʹУР ЛЕКОЛИН КӘ

      Пебьһʹәсә, кӧ Кʹьтеба Пироз чаԝа али мәрьва кьрийә, тӧ чаԝа дькари жь хԝәндьна ве кʹьтебе шабуне бьстини у чьма баш ә аликʹарийе бьхԝази, ԝәки әве кʹьтебе фәʹм бьки.

      3. Кʹьтеба Пироз дькарә рʹебәрийе мә бькә

      Кʹьтеба Пироз мина шәԝԛа ԛәԝи йә. Әм гәрәке Кʹьтеба Пироз бьдьнә хәбате, чьмки әԝ мәрʹа нишан дькә, кӧ чаԝа сафикьрьнед баш бькьн у бьвиньн чь пешийа мә йә.

      Бьхунә Зәбур 119:105, у паше ԝан пьрса шеԝьр кә:

      • Ньвискʹаре ве зәбуре дәрһәԛа Хәбәра Хԝәде чь дьфькьри?

      • Тӧ дәрһәԛа Кʹьтеба Пироз чь дьфькьри?

      Мерәк кәвьр-кочʹькарʹа дәрбаз дьбә, у бь шәԝԛе рʹе дьвинә.

      4. Кʹьтеба Пироз дькарә щабед пьрсед мә бьдә

      Кʹӧлфәтәке бь сайа Кʹьтеба Пироз щаба ԝан пьрсед хԝә станд, йед кӧ нава гәләк салада дьхԝәст пебьһʹәсийа: Вехә ВИДЕО, у паше ван пьрса шеԝьр кә:

      ВИДЕО: «Сәбьр кьн у Баԝәрийа Хԝә Ӧнда Нәкьн!» (1:48)

      • Чаԝа жь видеойе һатә кʹьфше, кʹижан пьрсед кʹӧлфәте һәбун?

      • Һинбуна Кʹьтеба Пироз ча али ԝе кьр?

      Кʹьтеба Пироз мә һелан дькә, кӧ пьрса бьдьн. Бьхунә Мәтта 7:7, у паше әве пьрсе шеԝьр кә:

      • Бьфькьрә чь пьрсед тә һәнә, щаба кʹижана кӧ Кʹьтеба Пироз дькарә бьдә?

      5. Тӧ дькари жь хԝәндьна Кʹьтеба Пироз шабуне бьстини

      Гәләк мәрьв жь хԝәндьна Кʹьтеба Пироз шабун у кʹара мәзьн дьстиньн. Вехә ВИДЕО, у паше ԝан пьрса шеԝьр кә:

      ВИДЕО: «Хԝәндьна Кʹьтеба Пироз» (2:05)

      • Чаԝа жь видеойе һатә кʹьфше, йед щаһьл дәрһәԛа хԝәндьне чь дьфькьрьн?

      • Рʹаст ә һьнә жь ԝан щаһьла хԝәндьне һʹьз накьн, ле чьма хԝәндьна Кʹьтеба Пироз ԝана хԝәш те?

      Жь Кʹьтеба Пироз те кʹьфше, ԝәки әԝ дькарә рʹебәрийе мә бькә, чь кӧ ԝе дьлбини у һевийе бьдә мә. Бьхунә Рʹомайи 15:4, у паше әве пьрсе шеԝьр кә:

      • Тӧ дьхԝази пебьһʹәси, кӧ Кʹьтеба Пироз чь соз дьдә дәрһәԛа дьлбини у һевийе?

      6. Мәрьвед дьн дькарьн али мә бькьн, кӧ Кʹьтеба Пироз фәʹм бькьн

      Хенщи ԝе йәке, гәләк мәрьв нә тʹәне жь хԝәндьна Кʹьтеба Пироз шабуне дьстиньн, ле ӧса жи чахе тʹәви кәсәки шеԝьр дькьн. Бьхунә Кʹаред Шандийа 8:26-31, у паше әве пьрсе шеԝьр кә:

      • Әм ча дькарьн Кʹьтеба Пироз фәʹм бькьн? (Бьньһерʹә рʹезед 30 у 31).

      Шькьл: 1. Филипо мәрьве Әтйопирʹа Ньвисаред Пироз шьровәдькә. 2. Шәʹде Йаһоԝа тʹәви дайикәке у дӧ зарʹед ԝе, Кʹьтеба Пироз шеԝьр дькә.

      Мәрьве Әтйопирʹа аликʹари лазьм бу, кӧ Ньвисаред Пироз фәʹм бькә. Иро жи бона гәләк мәрийа керһати йә, чахе кәсәк тʹәви ԝана Кʹьтеба Пироз шеԝьр дькә

      ҺЬНӘ МӘРЬВ ДЬБЕЖЬН: «Һинбуна Кʹьтеба Пироз бадиһәԝа ԝәʹдә жь тә дьстинә.»

      • Тӧйе чь бежи у чьма?

      ТʹӘМАМКЬРЬН

      Кʹьтеба Пироз ширәтед бона жийина һәр рʹожи, щабед пьрсед фәрз, дьлбинийе у һевийе дьдә.

      Ԝәкʹьландьн

      • Чь ширәта әм дькарьн Кʹьтеба Пирозда бьвиньн?

      • Кʹьтеба Пироз щаба кʹижан пьрса дьдә?

      • Тӧ чь дьхԝази жь Кʹьтеба Пироз пебьһʹәси?

      Нет

      ҺЕ ЗЕДӘ ПЕБЬҺʹӘСӘ

      Пебьһʹәсә, кӧ ширәтед жь Кʹьтеба Пироз чьда керһати нә.

      «Һинкьрьнед Кʹьтеба Пироз; Сәрԝахти Ԝәхтда» («Бьрща Ԛәрәԝьлийе» № 1, 2018)

      Пебьһʹәсә, ԝәки чаԝа Кʹьтеба Пироз али мәрьвәки кьрийә, кʹижан кӧ жь зарʹотийа хԝә рʹасти проблемед емосийали дьһат.

      «Ча Жийина Мьн Бәхтәԝар бу» (2:53)

      Пебьһʹәсә, кӧ чаԝа ширәтед жь Кʹьтеба Пироз дькарьн малбәта тә бәхтәԝар кьн.

      «12 Гавед Керһати Бона Бәхтәԝарийа Малбәте» («Һʹьшйар Бьн!» №2, 2018)

      Пебьһʹәсә, ԝәки чаԝа Кʹьтеба Пироз зәлал дькә, кӧ сәрԝере ве дьнйайе бь рʹасти кʹи йә?

      «Чьрʹа Һин бьн Кʹьтеба Пироз?»; Бь Тʹәмами (3:14)

  • Кʹьтеба Пироз Әʹламәтийа жь Хԝәде йә бона Мә
    Ша бә Жийинерʹа Һʹәта-Һʹәтайе! Курса Һинкьрьна Кʹьтеба Пироз

    • 1. Һәрге Кʹьтеба Пироз мәрьва ньвиси йә, ле Хԝәде чаԝа дькарә бьбә Ньвискʹаре ԝе?

      Ԝәкә 40 мәрьва Кʹьтеба Пироз нава 1 600 сала зедәтьр ньвисинә. Әв йәк дәстпебуйи жь сала 1513 Б.Д.М. һʹәта незики сала 98 Д.М. кʹьшанд. Рʹаст ә, ньвискʹаред ве кʹьтебе щурʹә-щурʹә мәрьв бун, ле чь кӧ ԝана Кʹьтеба Пирозда ньвисинә, һәвва гьредайи йә. Ле әв ча дькарә ӧса бә? Авторе ве кʹьтебе Хԝәде йә (Бьхунә 1 Тʹесалоники 2:13.) Ләма жи ньвискʹаред ве кʹьтебе, тʹӧ тьшт жь бәр хԝә нәдьньвисин. Ле «бь рʹебәрийа Рʹӧһʹе Пироз жь Хԝәдеда хәбәр данә»a (2 Пәтрус 1:21). Әԝан мәрьва жь бина бәр Хԝәде фькьред ԝи ньвисинә (2 Тимотʹейо 3:16).