Гәләк мәрьв шәрм дькьн дәрһәԛа сексе хәбәр дьн. Ле Кʹьтеба Пироз әшкәрә у бь мәʹрифәти бәʹса ве йәке дькә. Кʹьтеба Пироз чь кӧ дьбежә, тʹәмам бона кʹара мә йә. Әв тьштәки логики йә, чьмки Йаһоԝа Әʹфьрандаре мә йә у занә чь бона мә һәрә баш ә. Әԝ мәрʹа әʹйан дькә, ԝәки чаԝа кьред мә дькарьн дьле ԝи ша кьн у чь ԝе али мә бькә, кӧ әм һʹәта-һʹәтайе жийинерʹа ша бьн.

1. Ньһерʹандьна Йаһоԝа сәр сексе чь щурʹәйи йә?

Секс пʹешкʹеша жь Йаһоԝа йә. Йаһоԝа дьхԝазә, ԝәки мер у жьнед кӧ бь ԛануни һәв стандьнә, жь ве һәләԛәтийе шабуне бьстиньн. Әв пʹешкʹеш мәщале дьдә мер у жьн, ԝәки нә кӧ тʹәне зарʹ ԝанарʹа бьбьн, ле ӧса жи кӧ бь щурʹе тʹәбийәти һʹьзкьрьне һьндава һәвда бьдьнә кʹьфше. Хәбәра Хԝәде ӧса дьбежә: «Ша бә тʹәви жьна хԝәйә щаһьлтийе (ДТʹ)» (Мәтʹәлок 5:18, 19). Йаһоԝа жь Мәсиһийед зәԝьщи дәʹԝа дькә, ԝәки әԝана һьндава жьн йан мере хԝәда амьн бьн у тʹӧ щар бенамусийе нәкьн (Бьхунә Ибрани 13:4.)

2. Чь йә бенамуси?

Кʹьтеба Пироз дьбежә, ԝәки йед «бенамус . . . Пʹадшатийа Хԝәде ԝе ԝар» нәбьн (1 Корьнтʹи 6:9, 10). Ньвискʹаред Кʹьтеба Пироз, йед кӧ сәр зьмане Йунани дәрһәԛа һәләԛәтийа сексуали дьньвисин, хәбәра «порнейа» дьданә хәбате. Әв хәбәр те һʹәсабе (1) һәләԛәтийа сексуалa ортʹа дӧ мәрьва, йед кӧ бь ԛануни һәв нәстандьнә, (2) һомосексуали, у (3) һʹәрʹьмандьн тʹәви һʹәйԝана. Чахе әм «жь ԛавийе» дьрʹәвьн, ӧса әм һьм дьле Йаһоԝа ша дькьн, һьм жи зийане надьнә хԝә (1 Тʹесалоники 4:3).

КʹУР ЛЕКОЛИН КӘ

3. Жь бенамусийе бьрʹәвә

Усьв мәрьвәки амьн бу у хԝә жь бенамусийе хԝәй дькьр. Бьхунә Дәстпебун 39:1-12, у паше ван пьрса шеԝьр кә:

• Чь Усьв һелан кьр, кӧ жь бенамусийе бьрʹәвә? (Бьньһерʹә рʹеза 9)

• Бь тʹәхмина тә сафикьрьна Усьв рʹаст бу? Чьма тӧ ӧса дьфькьри?

ВИДЕО: «Жь Бенамусийе Бьрʹәвьн» (5:06)

Йаһоԝа дьхԝазә, ԝәки һәр кәс жь мә жь бенамусийе бьрʹәвә. Бьхунә 1 Корьнтʹи 6:18, у паше щаба ван пьрса бьдә:

• Кʹижан дәрәщә дькарьн һьнәка бьвьн бәрбь бенамусийе?

• Тӧ чаԝа дькари жь бенамусийе бьрʹәви?

4. Тӧ дькари хԝә жь бенамусийе дур бьгьри

ВИДЕО: «Хԝәндьна Кʹьтеба Пироз ԝе Али Тә Бькә, кӧ Щерʹьбандьнада Ԛәԝи Бьсәкьни» (3:02)

• Бьраки чь кьр чахе тедәрхьст, ԝәки жь бо фькьр у кьред хԝә әԝ дькарә жьна хԝәрʹа нәамьн бә?

Щарна Мәсиһийед амьн жи мьԛабьли фькьред бенамус шәрʹ дькьн. Тӧ чаԝа дькари фькьред бенамуси жь һʹьше хԝә дәрхи? Бьхунә Филипи 4:8, у паше ван пьрса шеԝьр кә:

• Әм гәрәке һʹьш-аԛьле хԝә бьдьнә сәр чь?

• Хԝәндьна Кʹьтеба Пироз у хьзмәткьрьн Йаһоԝарʹа, ча дькарә али мә бькә, ԝәки әм гӧна нәкьн?

5. Нормед Йаһоԝа мәрʹа кʹаре тиньн

ВИДЕО: «Сәрԝахт бьн» (9:31)

• Хортәки чаԝа хԝә кьрә хәтайе? (Бьньһерʹә Мәтʹәлок 7:8, 9.)

• Ль гора Мәтʹәлок 7:23, 26, бенамуси дькарә ахьрийа хьраб пәй хԝә бинә. Һәрге әм нав-намус бьминьн, әме хԝә жь чь проблема хԝәйи кьн?

• Чаԝа нав-намуси дькарә али мә бькә, кӧ һʹәта-һʹәтайе жийинерʹа ша бьн?

Һьнә мәрьв дьфькьрьн, ԝәки ньһерʹандьна Кʹьтеба Пироз сәр һомосексуалийе сәрт ә. Ле Йаһоԝа Хԝәдайе һʹьзкьрьне йә, у әԝ дьхԝазә ԝәки һәр кәс жь жийина һʹәта-һʹәтайе шабуне бьстинә. Сәва кӧ әм лайиԛи жийина һʹәта-һʹәтайе бьн, әм гәрәке ль гора нормед Хԝәде бьжин. Бьхунә 1 Корьнтʹи 6:9-11, у паше әве пьрсе шеԝьр кә:

• Ль гора ньһерʹандьна Хԝәде тʹәне һомосексуали нәрʹаст ә?

Сәва кӧ Хԝәде жь мә рʹази бә, һәр кәс жь мә гәрәке әʹмьре хԝәда гӧһастьна бькә. Гәло һежа йә бона ԝе йәке ԛәԝате бьдьнә хәбате? Бьхунә Зәбур 19:8, 11, у паше ван пьрса шеԝьр кә:

• Ча тӧ дьфькьри нормед Йаһоԝа дәрһәԛа нав-намусийе бь билани нә? Чьрʹа тӧ ӧса дьфькьри?

ТʹӘМАМКЬРЬН

Йаһоԝа һәләԛәтийа сексуали ча пʹешкʹеш да жьн-мера, ԝәки жь ве йәке шабуне бьстиньн.

Ԝәкʹьландьн

• Чь дькʹәвә нава бенамусийе?

• Чь ԝе али мә бькә, кӧ хԝә жь бенамусийе дур бьгьрьн?

• Чахе әм хԝә нормед Йаһоԝайә дәрһәԛа нав-намусийе дьгьрьн, әм чь кʹаре дьстиньн?

ҺЕ ЗЕДӘ ПЕБЬҺʹӘСӘ

Пебьһʹәсә чьма бона Хԝәде фәрз ә ԝәки жьн-мер бь ԛануни зәԝащеда бьн.

«Кʹьтеба Пироз Чь Дьбежә Дәрһәԛа Жийина Тʹәвайә бе Зәԝащ?» (Готара жь малпәре)

Рʹаст ә Кʹьтеба Пироз һомосексуалийе ԛәдәхә дькә, ле пебьһʹәсә кӧ чьрʹа әм гәрәке мәрьвед һомосексуал нәфрʹәт нәкьн.

«Гәло Һомосексуали Тьштәки Нормал ә?» (Готара жь малпәре)

Пебьһʹәсә, чаԝа ԛанунед Хԝәде дәрһәԛа бенамусийе мә дьпарезьн.

«Гәло Секса Орали бь Рʹасти Секс ә?» (Готара жь малпәре)

Жь ве сәрһатийе «Әԝана Һьндава Мьнда бь Ԛәдьр Бун» тӧйе пебьһʹәси чь али мәрьвәки һомосексуал кьр, ԝәки әʹмьре хԝә бьгӧһезә, сәва Хԝәде хԝәш бе.

«Кʹьтеба Пироз Жийина Мәрьва Дьгӧһезә» («Бьрща Ԛәрәԝьлийе», 1 Нисане, 2011)

Һьнә културада ньһерʹандьна мәрьва ӧса нә, кӧ һʹәта нәзәԝьщи, нькари бәхтәԝар би. Һәмьки нә һʹәму мәрьвед зәԝьщи бәхтәԝар ьн, нә жи һʹәмуйед кӧ азәп ьн. Ле бь рʹасти Кʹьтеба Пироз һьм зәԝаще, һьм жи азәпийе ча пʹешкʹеш һʹәсаб дькә.

1. Кʹижан һьнә тьштада азәпи кʹар ә?

Кʹьтеба Пироз дьбежә, ԝәки әԝе кӧ дьзәԝьщә, «ԛәнщ дькә», ле йе кӧ назәԝьщә «һе ԛәнщ дькә» (Бьхунә 1 Корьнтʹи 7:32, 33, 38.) Гәло, чь те һʹәсабе кӧ йе азәп «ԛәнщ дькә»? Мәсиһийед азәпрʹа нәлазьм ә, ԝәки бона һʹәԝщед мер йан жьна хԝә хәм бькьн. Ве дәрәщеда азайа ԝан зәʹф ә. Һьнәк жь ԝан дькарьн хьзмәтеда һе зедә пешда һәрʹьн, у әʹмьре ԝана һе һʹәԝас бә. Мәсәлә, әԝана дькарьн дәрбази ԝәлатед дьн бьн, сәва кӧ мьзгинийа хере бәла кьн. Хенщи ԝе йәке, әԝана дькарьн һе зедә ԝәʹде хԝә хәрщ кьн, ԝәки дьһа незики Йаһоԝа бьн.

2. Зәԝаща бь ԛануни чьда кʹар ә?

Ча зәԝащ ӧса жи азәпи кʹарәкә мәхсус тиньн. Кʹьтеба Пироз дьбежә, ԝәки «дӧ кәс жь кәсәки ԛәнщтьр ә» (Ԝаиз 4:9). Әв рʹез илаһи бона ԝан Мәсиһийа йә, йед кӧ принсипед Кʹьтеба Пироз зәԝаща хԝәда дьдьнә хәбате. Дәргистийед кӧ сафи дькьн ԝәки бь ԛануни һәв бьстиньн, соз дьдьн, кӧ ԝе тʹьме һәвдӧ һʹьз бькьн, ԛәдьре һәв бьзаньбьн у һәв ԛимәт кьн. Ләма жи әԝана хԝә дьһа бехоф тʹәхмин дькьн, нә кӧ йед бе ԛануни тʹәвайи дьжин. У һьм жи зәԝаща бь ԛануни һʹимәки баш ә бона хԝәйкьрьн у мәзьнкьрьна зарʹа.

3. Ньһерʹандьна Йаһоԝа сәр зәԝаще чь щурʹәйи йә?

Чахе Йаһоԝа зәԝаща пешьн саз кьр, әԝи гот: «Мере де у баве хԝә бьһелә, хԝә ль жьна хԝә бьгьрә» (Дәстпебун 2:24). Йаһоԝа дьхԝазә, ԝәки мер у жьн һәв һʹьз бькьн у һʹәта сах ьн, һәв нәԛәтьн. Әԝ тʹәне һьнге дьһелә кӧ мер у жьн һәв бьԛәтьн, һәрге кәсәк жь ԝан бенамусийе бькә. Дәрәща ӧсада Йаһоԝа изьне дьдә жьн йан мере нәнәһәԛ, кӧ хԝәха сафи кә ле бьԛәтә йан наa (Мәтта 19:9). Йаһоԝа пʹьрʹәжьнийе ԛәдәхә дькә (1 Тимотʹейо 3:2).

КʹУР ЛЕКОЛИН КӘ

4. Пʹешкʹеша хԝәйә азәпийе бь билани бьдә хәбате

Иса азәпи ча пʹешкʹеш һʹәсаб дькьр (Мәтта 19:11, 12). Бьхунә Мәтта 4:23, у паше әве пьрсе шеԝьр кә:

• Иса пʹешкʹеша хԝәйә азәпийе ча дьда хәбате, ԝәки Баве хԝәрʹа хьзмәт кә у али мәрьва бькә?

Мәсиһи мина Иса дькарьн азәпийа хԝәда шабуне бьвиньн. Вехә ВИДЕО, у паше әве пьрсе шеԝьр кә:

ВИДЕО: «Азәпед Амьн» (3:11)

• Бь кʹижан щурʹед баш Мәсиһи дькарьн азәпийа хԝә бьдьнә хәбате?

Ԝә заньбу?

Кʹьтеба Пироз конкрет набежә, кӧ мәрьв гәрәке чәнд сали бә, сәва кӧ бькʹәвә зәԝаще. Ле һелан дькә, ԝәки мәрьв гәрәке һивийе бә, һʹәта кӧ гәшбуна ԝийә щаһьлтийе дәрбаз бә, демәк әԝ ԝәʹдә дәрбаз бә чахе һәстед сексуал гәләк ԛәԝи нә, чьмки әв йәк дькарә нәрʹаст сәр сафикьрьна ԝи, һʹӧкӧм бә (1 Корьнтʹи 7:36).

5. Бь билани хԝәрʹа мер йан жьне бьжберә

Бьжартьна һәвалзәԝащ, сафикьрьнәкә лапә фәрз ә. Бьхунә Мәтта 19:4-6, 9, у паше әве пьрсе шеԝьр кә:

• Чьма Мәсиһи гәрәке ләз нәкʹәвә бьзәԝьщә йан мер кә?

Кʹьтеба Пироз дькарә али тә бькә, кӧ бьзаньби чь гәрәке һьлди һʹәсаб, ԝәки һәвалзәԝаще лайиԛ бьвини. Ле йа лапә фәрз әԝ ә, ԝәки һәвалзәԝаще ӧса хԝәрʹа бьвини, кʹижан кӧ Йаһоԝа һʹьз дькә.b Бьхунә 1 Корьнтʹи 7:39 у 2 Корьнтʹи 6:14, у паше ван пьрса шеԝьр кә:

• Чьма әм гәрәке тʹәне тʹәви баԝәрмәнде хԝә бькʹәвьнә зәԝаще?

• Йаһоԝа ԝе чь сәр хԝә тʹәхмин кә, һәрге тӧ тʹәви ԝи мәрьви бькʹәви зәԝаще, кʹижан кӧ Йаһоԝа һʹьз накә?

6. Бьра ньһерʹандьна тә сәр зәԝаще мина йа Йаһоԝа бә

Исраела бәреда, һьнә мер жь бо хԝәһʹьзийе бе мәʹни жь жьна хԝә дьԛәтийан. Бьхунә Малахи 2:13, 14, 16, у паше әве пьрсе шеԝьр кә:

• Чьма Йаһоԝа һәвԛәтандьне нәфрʹәт дькә?

Вехә ВИДЕО, у паше ван пьрса шеԝьр кә.

ВИДЕО: «Зәԝащ Соза Һәр-Һәйи йә» (4:30)

• Һәрге һәвалзәԝаще тә, баԝәрмәнд нинә, тӧ чь дькари бьки, сәва кӧ зәԝаща тә бәхтәԝар бә?

7. Нормед Йаһоԝайә бона зәԝаще бьдә хәбате

ВИДЕО: «Нормед Йаһоԝайә Дәрһәԛа Зәԝаще Дькарьн Али Тә Бькьн» (4:14)

Бьхунә Ибрани 13:4, у паше ван пьрса шеԝьр кә:

• Бь тʹәхмина тә, нормед Йаһоԝайә дәрһәԛа зәԝаще бь билани нә? Чьрʹа тӧ ӧса дьфькьри?

Йаһоԝа дәʹԝа дькә, ԝәки Мәсиһи зәԝаща хԝә у ӧса жи һәвԛәтандьне ль гора ԛануна дәԝләте дәстур кьн. Бьхунә Тито 3:1, у паше әве пьрсе шеԝьр кә:

• Һәрге тӧ зәԝьщи йи, тӧ сәд сәләфи баԝәр и, ԝәки зәԝаща тә бь ԛануне дәстуркьри йә?

ТʹӘМАМКЬРЬН

Чаԝа жь азәпийе ӧса жи жь зәԝаще, әм дькарьн шабун у ләзәте бьстиньн, һәрге һәрдӧ дәрәщада жи ԛьрара Йаһоԝа биньн сери, чьмки әԝ пʹешкʹешед жь Хԝәде нә.

Ԝәкʹьландьн

• Чаԝа мәрьв дькарә азәпийа хԝә бь билани бьдә хәбате?

• Чьрʹа Кʹьтеба Пироз дьбежә, ԝәки тʹәне тʹәви баԝәрмәнде хԝә бькʹәвьнә зәԝаще?

• Тʹәне жь бо кʹижан мәʹни ль гора Кʹьтеба Пироз изьн ә жь һәв бьԛәтьн?

ҺЕ ЗЕДӘ ПЕБЬҺʹӘСӘ

Чь те һʹәсабе тʹәне тʹәви «баԝәрмәнде Хӧдан» бькʹәвьнә зәԝаще?

«Пьрсед Хԝәндәвана» («Бьрща Ԛәрәԝьлийе», 1 Тирмәһе, 2004)

Дӧ видеойед кьн бьньһерʹә, йед кӧ ԝе али тә бькьн бь билани сафикьрьнед зәԝащева гьредайи бьки.

«Һазьрбуна бона Зәԝаще» (11:53)

Пебьһʹәсә чьрʹа бьрак дьфькьрә, ԝәки Йаһоԝа тьштед дьһа ԛимәт да ԝи һьмбәри ԝан тьшта, чь кӧ әԝи бона Йаһоԝа бәрва кьр.

«Әз Баԝәр бум кӧ Әԝе Рʹастийе Ԛәбул кә» (1:56)

Пешийа кӧ мәрьв сафи дькә жь һәвалзәԝаще хԝә бьԛәтә йан башԛә бьжи, әԝ кʹижан һьнә тьшта гәрәке һьлдә һʹәсаб?

«Һӧрмәт кьн Зәԝаще, чьмки Әԝ Сазкьрьна Хԝәде йә» («Бьрща Ԛәрәԝьлийе», Кануна Пешьн, 2018)