• Һинкьрьн дәрһәqа сейәканә: 300 сал жи дәрбаз нәбун паши тʹәмамкьрьна Кʹьтеба Пироз, ньвискʹаре кö хwә ль һинкьрьна сейәканә дьгьрт, дь 1 Йуһʹәнна 5:7-да зедә кьр гьлийед öса: «ль әʹзмен һәрсек ьн: Бав, Хәбәр у Рʹöһʹе Пироз. У әwана йәк ьн». Ле әв гьли дь текста орижиналда тʹöнә. Зандаре Кʹьтеба Пироз, Брус Метзгер дьбежә: «Дәстпебуна qьрʹна шәшада, әв гьли гәләк щара дь манускриптед Латинийа Кәвьнда һатьбун дитьне у дь [Латини] Вулгатеда».

Йа дöда; гәләк манускриптед рʹожа иройин али гәләк зандаред Кʹьтеба Пироз дькьн, сәва кö шашийа бьвиньн. Мәсәлә, сәрwеред религийа нава qьрʹнада һин дькьрьн, wәки кʹьтеба wанә Латини хут ль сәр һʹиме орижинале бу. Ле дь 1 Йуһʹәнна 5:7-да әwана гьлийед нәрʹаст данә хәбате, дәрһәqа чь жи мә жоре хәбәр да. Әв шаши һәла һе wәлгәрʹандьна Инглизида жи йа «Кʹинг Щеймсда» һәбу, qәдьре кʹижани кö гәләка дьгьртьн! Ле чахе манускриптед дьн һатьбун дитьне, чь һатә кʹьфше? Брус Метзгер ньвиси: «Готьна [жь 1 Йуһʹәнна 5:7] тʹö манускриптед кәвьнда (йа Сурйа, Коптик, Әрмәни, Әтʹйопи, Әрәби, Словани) тʹöнә бунә, хенщи Латини». Ләма жи дь щурʹе тʹәзәкьрида йа «Wәлгәрʹандьна Кʹинг Щеймс» у Кʹьтебед Пирозә дьнда, әв гьлийед нәрʹаст дәрхьстьн.