• Чь Гәрәке Бьки Һәрге Тә Гӧнәки Гьран Кьрийә?
    Ша бә Жийинерʹа Һʹәта-Һʹәтайе! Курса Һинкьрьна Кʹьтеба Пироз

    • 4. Йаһоԝа һьндава гӧнәкʹара рʹәʹм ә

      Һәрге мәрьве кӧ гӧне гьран кьрийә, инкʹар дькә нормед Йаһоԝа бинә сери, әԝ жь щьвате те дәрхьстьне, у ләма тʹӧ һәләԛәтийа мә тʹәви ԝи ида ԝе тʹӧнә бә. Бьхунә 1 Корьнтʹи 5:6, 11, у паше әве пьрсе шеԝьр кә:

      • Һьнә һәвиртьрʹшк тʹәмамийа һәвир һьлтинә. Ль гора ве мәсәле, һәләԛәти тʹәви мәрьве кӧ гӧне хԝә тʹобә накә, ча дькарә сәр щьвате һʹӧкӧм кә?

      Йаһоԝа һьндава мәрьвед гӧнәкʹар рʹәʹм ә. Рʹуспи жи ве йәкеда чʹәʹв дьдьнә ԝи, у хирәт дькьн кӧ али ԝан бькьн, йед кӧ жь щьвате һатьнә дәрхьстьне. Рʹаст ә гәләк кәсед кӧ жь щьвате һатьбун дәрхьстьне дьлтәнг бун жь бо ве йәке, ле әве йәке али ԝан кьр вәгәрʹьн сәр рʹийа рʹаст (Зәбур 141:5).

      Һәләԛәтийа Йаһоԝа һьндава гӧнәкʹара, чь щурʹәйи сәрԝахти, рʹәʹмти у һʹәзкьрьна ԝи әʹйан дькә?

      5. Йаһоԝа дьбахшинә мә, чахе әм тʹобә дькьн

      Мәсәла Иса али мә дькә кӧ фәʹм бькьн, ԝәки Йаһоԝа чь сәр хԝә тʹәхмин дькә, гава мәрьв тʹобә дькә. Бьхунә Луԛа 15:1-7, у паше әве пьрсе шеԝьр кә:

      • Әв йәк дәрһәԛа Йаһоԝа чь тә һин дькә?

      Бьхунә Һәзәԛел 33:11, у паше әве пьрсе шеԝьр кә:

  • Йаһоԝарʹа Амьн Бьминә
    Ша бә Жийинерʹа Һʹәта-Һʹәтайе! Курса Һинкьрьна Кʹьтеба Пироз

    • 1. Мәрьв ча дькарьн амьнийа мә бьщерʹьбиньн?

      Һьнә мәрьв ԝе бьхԝазьн рʹийа мә бьгьрьн, ԝәки әм Йаһоԝарʹа хьзмәт нәкьн. Гәло әв мәрьв кʹи нә? Һьнә мәрьвед кӧ сафи кьрьнә ида Йаһоԝарʹа хьзмәт нәкьн, дәрһәԛа тʹәшкиләта Хԝәде дәрәԝа бәла дькьн, сәва кӧ баԝәрийа мә кʹӧта кьн. Әв мәрьв рʹабәр ьн. Хенщи ԝан, һьнә сәрԝеред религийа жи дәрһәԛа мә дәрәԝа бәла дькьн. Һәрге әм фәсал нибьн, дьбәкә бәр байе ԝан кʹәвьн у жь Йаһоԝа дур кʹәвьн. Ләма жи гәрәке әм һаш хԝә һәбьн, тʹәви ԝан нәкʹәвьнә хәбәрдане, кʹьтебед ԝан нәхуньн, нәкʹәвьнә малпәред ԝан, у нә жи видеойед ԝан бьньһерʹьн, сәва кӧ рʹӧһʹанида зийане нәстиньн. Дәрһәԛа рʹабәра Иса гот: «Жь ԝан вәгәрʹьн! Әԝә кор ьн у рʹебәре кора нә. Һәгәр кор рʹебәрийе кора бькә, һәр дӧйе жи бькʹәвьнә чʹәʹле» (Мәтта 15:14).

      2. Кʹижан сафикьрьнед мә дькарьн амьнийа мә бьщерʹьбиньн?

      Һʹьзкьрьн һьндава Йаһоԝа ԝе мә һелан кә, ԝәки хԝә дур бьгьрьн жь ԝан һʹәму тьшта, чь кӧ религийа ԛәлпва гьредайи нә. Ләма жи әм хԝә дур дьгьрьн жь хәбат, тʹәшкиләт у шьхӧлед ӧса, йед кӧ религийа ԛәлпва гьредайи нә. Йаһоԝа тʹәмийе дьдә: «Жь нава ԝе [Бабилона Мәзьн], дәркʹәвьн, щьмәʹта мьн» (Әʹйанти 18:2, 4).

      КʹУР ЛЕКОЛИН КӘ

      Пебьһʹәсә, кӧ чаԝа тӧ дькари нәһели, ԝәки кәсәк амьнийа тә һьндава Йаһоԝа сьст кә. Ӧса жи бьньһерʹә ԝәки ча амьни ԝе йәкеда жи те кʹьфше, кӧ жь Бабилона Мәзьн дәрдькʹәви.

      3. Һинкьрьнед ԛәлп тедәрхә

      Әм ча гәрәке хԝә бьдьнә кʹьфше, чахе дәрһәԛа тʹәшкиләта Йаһоԝа тьштед нәрʹаст дьбьһен? Бьхунә Мәтʹәлок 14:15, у паше әве пьрсе шеԝьр кә:

      • Әм чьма фәсал ьн у баԝәрийа хԝә һәр тьшти найньн, чь кӧ дьбьһен?

      Бьхунә 2 Йуһʹәнна 9-11, у паше ван пьрса шеԝьр кә:

      • Әм гәрәке ча бьн һьндава рʹабәрада?

      • Һәрге жи әм рʹасти рʹабәра найен у тʹәви ԝан хәбәр надьн, йәкә әм ча дькарьн бькʹәвьн бәр байе ԝан?

      • Йаһоԝа ԝе чь сәр хԝә тʹәхмин кә, һәрге тӧ гӧһ бьди ԝан дәрәԝа, кӧ сәр ԝи у тʹәшкиләта ԝи те готьне?

      4. Йаһоԝарʹа амьн бьминә чахе кәсәк жь хушк-бьра гӧне гьран дькә