Ньһа әм һе рʹьнд фәʹм дькьн мьрийeд мә ль кʹидәре нә. Жь Кʹьтеба Пироз те кʹьфше кӧ әw мәри йeд кӧ дь Шеоледа ньн, демәк дь Мәзәле һʹәму мьрийада ньн, әwана wе бенә сахкьрьнеa (Ибо 14:13; Кʹарeд Шандийа 2:31; Әʹйанти 20:13). Ӧса жи жь Кʹьтеба Пироз әм педьһʹәсьн, wәки дь Мәзәле һʹәму мьрийада нә кӧ тʹәне әw мәри нә, йeд кӧ Йаһоwарʹа qӧльх кьрьнә, ле ӧса жи гәлә жь wан мәрийа, йeд кӧ Йаһоwарʹа qӧльх нәкьрьнә (Дәстпебун 37:35; Зәбур 55:15). Дәрһәqа ве йәке Кʹьтеба Пироз дьбежә, wәки «һʹәму һәq у нәһәqе жь мьрьне рʹабьн» (Кʹарeд Шандийа 24:15).

ЧА ТӦ дьшьрмиш дьби, чь йә Рʹожа Ахрәте? Гәләк дьшьрмиш дьбьн wәки ве рʹоже һәр нәфс, йәк-йәк бәр Хwәде wе бьсәкьньн, сәва кӧ бенә диwанкьрьне. Һьнәк бь кʹәрәма Хwәде wе һәрʹьнә ль әʹзмана, йeд дьн жи бькʹәвьнә ль щәʹньме у һʹәта-һʹәтайе wе бьчәрчьрьн. Ле бь рʹастийе, дәрһәqа Рʹожа Ахрәте, Кʹьтеба Пироз щурʹәки майин һин дькә. Дь Кʹьтеба Пирозда те шьровәкьрьне, wәки Рʹожа Ахрәте әв нә кӧ рʹожа чәрчьрандьне у тьрсе йә, ле әв рʹожа гӧмане у сахкьрьне йә.

Дәрһәqа Рʹожа Ахрәте, Йуһʹәннайе шанди дь кʹьтеба Әʹйанти 20:11, 12-да ӧса ледькә: «Һьнге мьн тʹәхтәки мәзьни чили-qәрqаш дит у Йәк ль сәр рʹуньштьбу. Әʹрд у әʹзман жь бәр wи бәтавәбун у дәwса wан кʹьфш нәбу. Wе һьнге мьн мьрийeд бьчʹук у мәзьн дитьн кӧ ль бәр тʹәхт сәкьни бун. Кʹьтеб вәбун у кʹьтебәкә дьн жи вәбу, аwа готи кʹьтеба жийине. Диwана мьрийа анәгори wан кьред wанә кʹьтебада ньвисар һатә кьрьне». Ле гәло кʹи йә әв Һʹакьм, йе кӧ диwана мәрийа wе бькә?

Рʹаст ә Йаһоwа йә Һʹакьме Һьмзор, ле әwи әв шьхӧл да дәсте кәсәки дьн. Ле әв кәс кʹи йә? Жь гьлийeд Паwлосе шанди, йeд кӧ дь Кʹарeд Шандийа 17:31-да ньвисар ә, әм педьһʹәсьн, wәки Хwәде «рʹожәк кʹьфш кьрийә, кʹижанеда wе диwана дьне рʹаст бь дәсте мәрьвәки бькә, йе кӧ әwи кʹьфш кьрийә». Демәк әв кәс йе кӧ кʹьфш бу ча Һʹакьм, Иса Мәсиһ йә, кӧ һатә сахкьрьне (Йуһʹәнна 5:22). Ле Рʹожа Ахрәте wе кʹәнге дәстпебә у чьqас wәʹдә wе бькʹьшинә?

Жь кʹьтеба Әʹйанти те кʹьфше, wәки Рʹожа Ахрәте wе паши шәрʹе Һармәгәдоне дәстпебә, чахе һʹӧкӧмәта Мире-щьна бе кʹӧтакьрьнеa (Әʹйанти 16:14, 16; 19:19-20:3). Паши Һармәгәдоне, Мире-щьна у щьнед wи, wе бенә авитьне ль гәлийе бебьн, сәр һʹәзар сала. Ле 144 000 мәри йед кӧ тʹәви Иса ль әʹзмана бьн, wе «тʹәви Мәсиһ һʹәзар сали» пʹадшатийе бькьн (Әʹйанти 14:1-3; 20:1-4; Рʹомайи 8:17). Ча те кʹьфше гава әм дьбежьн Рʹожа Ахрәте, хәбәрдан начә дәрһәqа рʹожәке, йа кӧ 24 сьһʹәт дькʹьшинә. Бь рʹастийе Рʹожа Ахрәте wе һʹәзар сал бькʹьшинә.

Нава ван һʹәзар сала, Иса Мәсиһ wе «диwана мьри у зендийа бькә» (2 Тимотʹейо 4:1). «Мәрьвед зенди», әв һәйә «әʹлаләтәкә ӧса мәзьн», йед кӧ дь шәрʹе Һармәгәдонеда wе сах бьминьн у хьлаз бьн (Әʹйанти 7:9-17). Паwлосе шанди ӧса жи дит кӧ мьри «ль бәр тʹәхте» һʹакьмтийе сәкьнинә. Ча жи Иса соз дабу, «һʹәмуйед тʹьрбада wе дәнге wи [Иса] бьбьһен» у «wе . . . рʹабьн», демәк бенә сахкьрьне (Йуһʹәнна 5:28, 29; Кʹаред Шандийа 24:15). Ле гәло әв мәри wе ль сәр чь һʹими бенә диwанкьрьне?

Жь дитьнока Йуһʹәннайе шанди әм педьһʹәсьн, wәки «кʹьтеб вәбун» у «диwана мьрийа анәгори wан кьред wанә кʹьтебада ньвисар һатә кьрьне» (Әʹйанти 20:12). Һьнәк дьбәк дьшьрмиш бьн, кӧ дь ван кʹьтебада дәрһәqа шьхӧлeд мәрийа ньвисар ә, йeд кӧ wана пешда кьрийә. Ле бь рʹастийе, мәри wе нәйенә диwанкьрьне жь бо кьрeд хwә, йeд кӧ wана пешийа мьрьна хwә кьрьбу. Ле әве йәке әм жь кʹӧ заньн? Кʹьтеба Пироз дьбежә: «Әwе кӧ мьрийә, әw жь гӧнә азабуйи йә» (Рʹомайи 6:7). Демәк гава мьри wе бенә сакьрьне, әw wе тʹәмьз у бе гӧнә бьн, у wе дәстпекьн бь әʹмьрәки тʹәзә бьжин. Ле әв кʹьтеба дәрһәqа кʹижани әм пеһʹәсийан, әв фәрманeд Хwәденә, йeд кӧ ль ахьрийе wе бенә дайине. Сәва кӧ әw мәрийeд кӧ бенә сахкьрьне бькарьбьн һʹәта-һʹәтайе бьжин, әwана гәрәке пәй нет-фькьрeд Хwәде һәрʹьн у wан фәрмана бьqәдиньн, йeд кӧ Йаһоwа нава һʹәзар сала wе бьдә. Демәк, мәри wе бенә диwанкьрьне бь шьхӧлeд хwә, йeд кӧ әwана wе Рʹожа Ахрәте бькьн, демәк нава һʹәзар салида.

Wәʹде Рʹожа Ахрәте бь милйона мәрьв, тʹәзә wе дәстпекьн пебьһʹәсьн дәрһәqа qьрара Хwәде, wәки бь qьрара wи бьжин. Ләма жи шьхӧле һинкьрьне диса жи wе гәләк һәбә. Бәле, һʹәму мәрьвeд һәq, йeд кӧ ль дьне бьжин wе һини рʹастийе бьн (Ишайа 26:9). Ле жь wан мәрийа wе һәбьн йeд ӧса жи, йeд кӧ wе qайил нәбьн бь qьрара Хwәде бьжин. Әв йәк рʹьнд те кʹьфше жь кʹьтеба Ишайа 26:10. Ләма жи, мәрьвeд ӧса wәʹде Рʹожа Ахрәте, кӧ һʹәзар сали дькʹьшинә, wе һʹәта-һʹәтайе бенә кʹӧтакьрьне (Ишайа 65:20).

Хьлазийа Рʹожа Ахрәте, әw мәрьв йeд кӧ сах бьминьн, wе ида бь тʹәмами «сах» бьн, демәк wе бьбьнә qәданди. Әwана wе нава Рʹожа Ахрәте, бькарьбьн вәгәрʹиньн әw әʹмьре qәданди, кʹижан кӧ Адәм у Һеwайе ӧнда кьрьн (1 Корьнтʹи 15:24-28). Паше әwана щара пашьн wе бенә щерʹьбандьне. Мире-щьна wе жь кәле бе бәрʹдане у изьне бьстинә, wәки диса щарәке мәрийа бьдә шашкьрьне (Әʹйанти 20:3, 7-10). Әw мәрьв йeд кӧ бькарьбьн әве щерʹьбандьне тәйах кьн, пе чʹәʹве хwә wе бьбиньн qәдандьна созе ӧса: «Әз жийина һʹәта-һʹәтайе дьдьмә wан у әw тʹӧ щар ӧнда набьн у тʹӧ кәсе wан жь дәсте мьн дәрнәхә» (Йуһʹәнна 10:28).

КʹОМА мәрийа йед кӧ Кʹьтеба Пироз леколин дькьрьн, чьл сал пешда әʹлам кьрьн, кӧ дь сала 1914-да qәwьмандьнед фәрз гәрәке бьqәwьмьн. Гәло чь тьштед фәрз дь ве саледа qәwьмин у чьрʹа сала 1914, саләкә гәләк фәрз ә?

Дь кʹьтеба Луqа 21:24-да, Иса гьлийед ӧса дьбежә: «Оршәлиме жи бәр пʹийед мьләтед пʹутпʹарьст һәрʹә, һʹәта кӧ wәхте wан мьләта хьлаз бә». Оршәлим дебажаре (пʹайтʹәхте) Исраеле бу, ль кʹидәре жи Пʹадшед жь мала Даwьд сәрwерти дькьрьн (Зәбур 48:1, 2). Әв пʹадшед Оршәлиме, нә мина Пʹадшед дьнена бун. Чьмки әwана «ль сәр тʹәхта Хӧдан» рʹуньштьбун у бь ве йәке ча wәкʹиле Хwәде дьһатьн һʹәсабе (1 Дирок 29:23). Ләма жи Оршәлим бь симболик сәрwертийа Йаһоwа дьһатә һʹәсабе.