Щьмәʹта Хwәде Тʹәрбәт ә, Чьмки Гӧһ Дьдә Хәбәра Хwәде

1, 2. а) Иро һьнә мәрьв чь дьбежьн дәрһәqа ве йәке кӧ тʹәшкиләта Хwәде һәйә? б) Ве тʹемайеда әме дәрһәqа чь шеwьр кьн?

ГӘЛО тʹәшкиләта Йaһоwа һәйә? Һьнәк дьбежьн: «Тʹәшкиләт wәрʹа нәлазьм ә бона рʹебәрийе бьдә wә. Тʹәне лазьм ә wәки һәләqәтийа wә һәбә тʹәви Хwәде». Гәло әw йәк рʹаст ә? Ле избаткьрьн чь дьбежьн?

² Ве тʹемайеда әме шеwьр кьн дәрһәqа wан избаткьрьна, кʹижан кӧ әʹйан дькьн wәки Йaһоwа Хwәдейе пʹәргалийе йә у кӧ чаwа әw рʹебәрийа щьмәʹта хwә дькә (1 Корн. 14:33, 40). Qьрʹна йәкеда Д.М., Ньвисаред Пироз али щьмәʹта Хwәде дькьр, у ләма wана гәләк щийада мьзгинийе бәла дькьрьн. Иро жи, әм чаwа щьмәʹта Хwәде бьн рʹебәрийа Кʹьтеба Пирозда ньн у нав тʹәмамийа дьнйайеда мьзгинийе бәла дькьн. Ӧса жи әм пәй рʹебәрийа тʹәшкиләта Хwәде дьчьн, чахе щьватеда тʹәмьзайа рʹӧһʹани, әʹдьлайе, у йәктийе хwәй дькьн.

ЙAҺОWА ХWӘДЕЙЕ ТʹӘРБӘТИЙЕ ЙӘ

3. Чьрʹа һун баwәр ьн кӧ Йaһоwа Хwәдейе тʹәрбәтийе у пʹәргалийе йә?

³ Әʹфрин избат дькьн wәки Хwәде тʹәрбәт у пʹәргал ә. Кʹьтеба Пироз дьбежә: «Хӧдан, бьнгәһа дьне бь занийарева авет у әʹзмана бь аqьлива щиһ кьр» (Мәтʹлк. 3:19). Әм тʹәне дәрһәqа «qәрахед рʹейед [Хwәде]» заньн у «тʹәне пʹьстә-пʹьст те бьһистьн дәрһәqа wи» (Иб. 26:14, ДТʹ). Рʹаст ә әм һьнәки заньн дәрһәqа планета, стәйрка, галактика, ле һәла һе әw һьнә тьшт жи рʹьнд дьдьнә кʹьфше, wәки гәрдунеда һәр тьшт ча тʹәрбәти у щи-wар ә (Зәб. 8:3, 4). Нава галактикада бь милйона стәйрк һәнә, у әwана гьшк жи бь тʹәрбәти щигӧһасти дьбьн. Планетед кӧ нава система тәʹведа һәнә, әw жи бь тʹәрбәти дора тәʹве дьзвьрʹьн. Бәле, әм әʹйан дьвиньн wәки Йaһоwа ча бь һостәти у билани әʹрд у әʹзман чекьр, у әw һежа йә кӧ әм пәсьна бьдьнә wи, wирʹа амьн бьн у wи бьһʹәбиньн (Зәб. 136:1, 5-9).

4. Чьрʹа зандар нькарьн щабед гәләк пьрсед фәрз бьдьн?

⁴ Зандар бь сайа техноложийа гәләк тьшт пеһʹәсийан дәрһәqа гәрдуне у әʹрде, у алийе гәләк тьштада әʹмьре мә баш кьрьн. Ле йәкә зандар нькарьн щабед гәләк пьрса бьдьн. Мәсәлә, стәйрнас нькарьн сәд сәләфи шьровәкьн wәки ча гәрдун пешда һат йан жи чьрʹа әм дьжин хут сәр планета Әʹрд, кʹижан кӧ бь әʹмьр тʹьжә йә. Ӧса жи, мәрьв нькарьн шьровәкьн wәки чьрʹа мәрьв дьхwазә һʹәта-һʹәтайе бьжи (Wаиз 3:11). Гәло чьрʹа сәр гәләк пьрсед фәрз щаб тʹӧнәнә? Мәʹник әw ә, кӧ гәләк зандар у мәрьвед дьн дьбежьн wәки Хwәде тʹӧнә у баwәрийа хwә теорийа еволусийа тиньн. Ле Йaһоwа кʹьтеба хwәда, демәк Кʹьтеба Пирозда, щаба wан пьрса дьдә.

5. Чь щурʹәйи әм бьн qанунед тʹәбийәтеда ньн?

⁵ Йaһоwа qанунед тʹәбийәте чекьрийә, у әм бьн wан qанунада дьжин. Инжинәр, әләктрик, һостәйед лулед аве, тәйарван, у дохтьред кӧ операсийоне дькьн, әw һʹәмушк жи пе qанунед тʹәбийәте шьхӧле хwә дькьн. Мәсәлә, дохтьре кӧ операсийоне дькә анатомйа бәдәна мәрьва рʹьнд занә, мәсәлә әw щийе дьльк занә, чьмки дьл тʹьме щийе хwәда йә. Ӧса жи һʹәму мәрьв бьн qануна гравитасйайеда ньн, мәсәлә һәрге кәсәк жь щийе бьльнд бькʹәвә, әwе әʹрде кʹәвә у дькарә бьмьрә, чьмки әʹрд гьранийе дькʹьшинә бәрбь хwә.

ХWӘДЕ ЧЬ САЗ КЬР

6. Чьрʹа әм дькарьн бежьн wәки Хwәде дьхwазә кӧ хьзмәткʹаред wи тʹәрбәт бьн?

⁶ Гәләк әʹщебмайи йә кӧ Йaһоwа гәрдун чаwа тʹәрбәт у щи-wар чекьрийә. Жь ве йәке әм тедәрдьхьн wәки Йaһоwа дьхwазә кӧ хьзмәткʹаред wи жи тʹәрбәт у пʹәргал бьн. Бона ве йәке Хwәде Кʹьтеба Пироз дайә мә, сәва мә һин кә у рʹебәрийе мә бькә. У һәрге әм пәй рʹебәрийед wи дьчьн у принсипед wи тиньн сери, тʹәне wи чахи әм дькарьн бәхтәwар бьн.

7. Әм чь дькарьн һин бьн жь ве йәке кӧ Кʹьтеба Пироз ча һатә ньвисаре?

⁷ Һьнә мәрьв дьбежьн wәки Кʹьтеба Пироз, әw һәйә кʹьтебед Щьһуйа у кʹьтебед Мәсиһийа тʹәвһәвкьри. Бь рʹастийе Кʹьтеба Пироз кʹьтеба мәхсус ә, чьмки пе рʹебәрийа Хwәде һатийә ньвисаре. У Кʹьтеба Пирозда һʹәму кʹьтеб һәвва гьредайи нә. Жь кʹьтеба Дәстпебун гьрʹти һʹәта Әʹйанти, һʹәму кʹьтеб һәвва гьредайи нә бь тʹемәкә сәрәкә. Әw тʹема дәрһәqа изьна сәрwертийа Хwәде йә у qьрара wийә сәва әʹрде. Хwәде әw qьрара хwә wе бинә сери бь сайа Пʹадшатийа хwә, бьн сәрwертийа Иса Мәсиһ, демәк «зӧрʹәта» создайи. (Бьхунә Дәстпебун 3:15; Мәтта 6:10; Әʹйанти 11:15.)

8. Чьрʹа әм дькарьн бежьн wәки Исраели тʹәрбәт бун?

⁸ Әм дькарьн бежьн wәки щьмәʹта Исраели йа бәре чаwа тʹәшкиләт бу. Хwәде wанрʹа Qанун дабу, у әwана бьн wан qанунада бун, ләма тʹәрбәти нава wанда һәбу. Мәсәлә, нава щьмәʹтеда жьн кʹьфшкьри бун, сәва кӧ бәр дәре коне щьвине хьзмәт кьн (Дәркʹ. 38:8). Һьм жи кʹочʹкьрьна Исраелийа у щигӧһастьна кон бь тʹәрбәти дьһатә кьрьне. Wәʹдә шунда, Даwьд пʹадша организә кьр wәки кʹаһин у кʹәшиш бь кʹом-кʹом башqә бьн, сәва пʹарьстгәһеда шьхӧл бькьн (1 Дир. 23:1-6; 24:1-3). Чахе Исраелийа гӧрʹа Йaһоwа дькьрьн, нава wанда тʹәрбәти, әʹдьлайи у йәкти һәбу (Qан. Дщр. 11:26, 27; 28:1-14).

9. Чь дьдә кʹьфше, wәки щьвата Мәсиһийа qьрʹна йәкеда тʹәрбәт бу?

⁹ Щьват qьрʹна йәкеда жи организә бун, чьмки әwана рʹебәри дьстандьн жь кʹома рʹебәрийе кʹижан кӧ рʹебәри дьданә щьвата. Пешийе әw кʹом жь шандийа бу, ле паше бьред дьн жи зедә бун нава кʹома рʹебәрийеда (Кʹар. Шанд. 6:1-6; 15:6). Әндәмед кʹома рʹебәрийе у бьред дьн, йед кӧ тʹәви wана шьхӧлкʹари дькьрьн, бь сайа нәʹма рʹебәри у тʹәми дьданә щьвата. Йaһоwа пе рʹӧһʹе хwәйи пироз әwана һелан дькьрьн кӧ нәʹма бьньвисьн (1 Тимтʹ. 3:1-13; Тито 1:5-9). Ле гәло щьвате чь кʹар дьстанд чахе гӧһ дьданә кʹома рʹебәрийе?

10. Щьвата чь кʹар дьстандьн чахе тʹәмийед кʹома рʹебәрийе дьанин сери? (Бьньһерʹә шькле әʹwльн.)

¹⁰ Бьхунә Кʹаред Шандийа 16:4, 5. Бьра пе наве кʹома рʹебәрийе тʹәсәлийа щьвата дькьрьн, сәва кӧ «тʹәмийед кӧ шандийа у бәрпьрсийаред Оршәлиме qьрар кьрьбун», хушк-бьред щьвате пебьһʹәсьн. Чахе щьвате әw тʹәми дьанинә сери, әwана «баwәрийеда дьшьдийан у рʹож бь рʹож һʹәсабе wан зедә дьбу». Иро әм чь дәрсе дькарьн хwәрʹа һьлдьн?

ҺУН ПӘЙ РʹЕБӘРИЙЕ ДЬЧЬН?

11. Бьред щабдар ча гәрәке хwә кʹьфш кьн, чахе жь тʹәшкиләта Хwәде рʹебәрийе дьстиньн?

¹¹ Чахе Әндәмед Комитейед Филиала, Комитейед Wәлат, бәрпьрсийаред мьһале, у рʹуспийед щьвате жь тʹәшкиләта Хwәде рʹебәрийе дьстиньн, әwана гәрәке гӧһ бьдьнә wан рʹебәрийа, чьмки Хәбәра Хwәде хwәха дьбежә, wәки әм гәрәке гӧһдарийа рʹебәра бькьн у гӧрʹа wанда бьн (Qан. Дщр. 30:16; Ибрн. 13:7, 17). Тʹәшкиләта Хwәдеда кӧтә-кӧт у рʹабәрибун гәрәке тʹӧнә бә, чьмки һәрге әм ӧса бькьн әме зийане бьдьнә щьвате, демәк һʹьзкьрьне, әʹдьлайе у йәктийе хьраб кьн. Бәле, тʹӧ кәс жь мә нахwазә чʹәʹв бьдә Дийотрәфис, йе кӧ беqәдьр бу һьндава бьра у нәамьн бу. (Бьхунә 3 Йуһʹәнна 9, 10.) Ләма wәрә әм тʹьме пьрсе бьдьнә хwә: «Гәло әз хушк-бьра һелан дькьм кӧ әwана амьн бьн Йaһоwарʹа? Чахе әз жь бьред щабдар рʹебәрийе дьстиньм, гәло әз дәрберʹа qәбул дькьм у пьштгьрийа ве рʹебәрийе дькьм?»

12. Чь гӧһастьн һатә кьрьне кӧ рʹуспи у бәрдәстийед щьвате ча тенә кʹьфшкьрьне?

¹² Wәрә шеwьр кьн дәрһәqа гӧһастьнәке, кӧ Кʹома Рʹебәрийе wан пашwәхтийада сафи кьр. Журнала «Бьрща Qәрәwьлийе» йа 15 Мьждаре, сала 2014, «Пьрсед Хwәндәванада» һатә готьне дәрһәqа ве гӧһастьне, wәки чаwа рʹуспи у бәрдәстийед щьвате гәрәке бенә кʹьфшкьрьне. Wедәре дьһатә готьне, wәки кʹома рʹебәрийе йа qьрʹна йәке, щабдари да дәсте бәрпьрсийаред рʹеви wәки әwан кʹьфшкьрьна бькьн. У ль гора ве йәке, жь 1 Илоне сала 2014-да, бәрпьрсийаред мьһале кʹьфш дькьн рʹуспийа у бәрдәстийе щьвата. Бәрпьрсийаре мьһале насийа хwә дьдә wи бьрайи, кʹижани кӧ дьхwазьн кʹьфш кьн ча рʹуспи, йан жи бәрдәстийе щьвате, wәки wи һе рʹьнд нас бькә. Әw тʹәви wи дәрдькʹәвә хьзмәтийе һәрге дькарә. Бәрпьрсийаре мьһале ӧса жи дина хwә дьдә малбәта wи бьрайи (1 Тимтʹ. 3:4, 5). Кʹома рʹуспийа у бәрпьрсийаре мьһале гәләк кʹур шеwьр дькьн wан дәʹwакьрьнед жь Кʹьтеба Пироз, йед кӧ сәва бәрдәстийе щьвате у рʹуспийа нә. Демәк, әwана ль гора Кʹьтеба Пироз тедәрдьхьн һәла әw бьра лайиqи wан дәʹwакьрьна йә йан на (1 Тимтʹ. 3:1-10, 12, 13; 1 Пәт. 5:1-3).

13. Әм ча дькарьн пьштгьрийа рʹуспийа бькьн, чахе әwана рʹебәрийе дьдьнә мә?

¹³ Рʹуспи мьqати щьвате дьбьн у рʹебәрийа жь Кʹьтеба Пироз, демәк жь Хәбәра Хwәде дьдьнә мә. Әwана чаwа шьванед амьн сәва мә хәм дькьн, у чахе әм гӧрʹа wан дькьн әм кʹаре дьстиньн (1 Тимтʹ. 6:3). Wәрә дәрәщәке шеwьр кьн, чахе Паwлос щьватерʹа ширәт да. Паwлос гот, wәки щьватеда һьнәк «нә шьхӧлкʹаре хwә нә, ле тʹәви шьхӧле хәлqе дьбьн». Рʹуспийа әwана ширәт дькьрьн, ле wана ширәтед wан qәбул нәдькьрьн. Ле гәло щьват чаwа бу һьндава мәрьвед wи щурʹәйи? Паwлос готә щьвате: «Wи рʹачʹәʹв кьн у һәвалтийе wирʹа нәкьн». Ле әw ширәт нә дьһатә һʹәсабе, wәки wи мәрьви һʹәсаб кьн ча дьжмьн (2 Тʹеслн. 3:11- 15). Иро жи рʹуспи wана ширәт дькьн, йед кӧ принсипед Хwәде пьшт гӧһе хwәва давежьн. Чахе рʹуспи дьвиньн wәки әw мәрьв хwә нагӧһезә, әwана дькарьн сафи кьн, wәки щьватеда готаре бьхуньн, кӧ чаwа кьред wан мәрьва наве щьвате хьраб дькә. Мәсәлә әwана дькарьн хәбәрдьн дәрһәqа wан, йед кӧ тʹәви нәбаwәра рʹасти һәв тен, сәва һәв бьстиньн (1 Корн. 7:39). Ле гәло һун ча хwә дьдьнә кʹьфше чахе дьбьһен wе готаре, кʹижан кӧ рʹуспийа һʹәсаб кьрьнә, wәки әw йәк гәләк фәрз ә? Һәрге һун һаш пе һәнә кӧ рʹуспи дәрһәqа кʹе дьбежә, һуне диса тʹәви wи мәрьви һәвалтийе бькьн? Һәрге һун һәвалтийе нәкьн, бь ве йәке һуне һʹьзкьрьне бьдьнә кʹьфше у али wи бькьн кӧ кьред нәрʹаст бьһелә.^[1]

ТʹӘМЬЗАЙА РʹӦҺʹАНИ, ӘʹДЬЛАЙЕ У ЙӘКТИЙЕ ХWӘЙ КЬН

14. Әм ча дькарьн щьватеда тʹәмьзайе хwәй кьн?

¹⁴ Һәрге әм пәй рʹебәрийа Хәбәра Хwәде һәрʹьн, щьватеда әме тʹәмьзайа рʹӧһʹани хwәй кьн. Wәрә шеwьр кьн дәрәща щьвата Корьнтʹида. Wи шәһәрида Паwлос гәләк хьзмәт дькьр у хушк-бьред wедәре гәләк һʹьз дькьр (1 Корн. 1:1, 2). Ле бьдьнә бәр чʹәʹве хwә, wәки әw ча дьлтәнг бу, чахе бьһист wәки щьватеда кәсәк бенамусийе дькә, ле йәк ә wана щьватеда дьһельн. Паwлос готә рʹуспийа, wәки «wи мәрьви бьдьнә дәсте Мирещьн», йане бь гьлийед дьн бежьн, жь щьвате дәрхьн. Әw йәк лазьм бу сәва щьват хwә жь «һәвиртьрʹшк» хwәй кә (1 Корн. 5:1, 5-7, 12). Иро жи рʹуспи дькарьн сафи кьн, wәки жь щьвате дәрхьн wи мәрьви, кʹижан гӧне хwә найнә рʹуйе хwә. У һәрге әм тʹәви wи мәрьви ӧса бьн чаwа Кʹьтеба Пироз дьбежә, wи чахи әме тʹәмьзайа щьвате хwәй кьн. Һьн жи wи щурʹәйи әw мәрьв дькарә пʹошман бә у бахшандьне бьхwазә жь Йaһоwа.

15. Әм ча дькарьн щьватеда әʹдьлайе хwәй кьн?

¹⁵ Чәтьнайикә дьн жи һәбу щьвата Корьнтʹида. Һьнә бьра һәвдӧ дьданә диwане. Ләма Паwлос жь wан пьрси: «Гәло һе qәнщ нинә, кӧ һун бенә нәһәqкьрьне?» (1 Корн. 6:1-8). Иро жи щьватада тьштед ӧса дьqәwьмьн. Мәсәлә, һьнә бьра бизнеседа тʹәвайи пәймане гьредьдьн, ле паше чахе йәк пʹәре хwә ӧнда дькә, йан жи дьфькьрә wәки йе дьн wи хапандийә, һәләqәтийа ортʹа wан хьраб дьбә, у һьнәк һәла һе жи бьред хwә дьдьнә диwане. Ле кʹьтеба Хwәде, демәк Кʹьтеба Пироз мәрʹа дьдә кʹьфше wәки һе баш ә әм зьраре кʹәвьн, нә кӧ наве Хwәде беһӧрмәт кьн у щьватеда әʹдьлайе хьраб кьн.^[2] Сәва чәтьнайе у дәʹwа ортʹа һәвдӧ сафи кьн, әм гәрәке пәй ширәта Иса һәрʹьн. (Бьхунә Мәтта 5:23, 24; 18:15-17.) Һәрге әм ӧса бькьн, әме щьватеда йәктийе у тʹьфаqийе хwәй кьн.

16. Чьрʹа щьмәʹта Хwәде гәрәке йәктийеда бә?

¹⁶ Хәбәра Хwәде мәрʹа зәлал дьдә кʹьфше, wәки чьрʹа щьмәʹта Хwәде гәрәке йәктийеда бә. Зәбурбеж дьстьра: «Чьqас qәнщ ә, чьqас хwәш ә, дь йәктийеда жийана бьрати!» (Зәб. 133:1). Чахе щьмәʹта Исраеле гӧрʹа Йaһоwа дькьр, нава wанда тʹьме тʹәрбәти у йәкти һәбу. Йaһоwа дәрһәqа щьмәʹта хwә пʹехәмбәрти кьр: «Мина кәрийәки дь нава чʹерәгәһа хwәда нә, биньм щәм һәв» (Мих. 2:12). Һьн жи Йaһоwа бь Сефанйа пʹехәмбәр жи пешда гот: «Жь бәр кӧ wәки бь дьләки жь Хӧданрʹа qултийе бькьн, бона һʹәму банги наве Хӧдан бькьн, әзе wи чахи левед паqьж бьдьм нәтәwәйан» (Сефн. 3:9). Чьqас qәдьрәки мәзьн ә бона мә, wәки әм дькарьн йәктийеда Йaһоwа бьһʹәбиньн!

17. Сәва кӧ щьватеда йәкти у тʹәмьзайи хwәй бә, рʹуспи гәрәке чь бькьн һьндава wан йед кӧ гӧнә дькьн?

¹⁷ Һәрге щьватеда кәсәк гӧне гьран дькә, рʹуспи гәрәке бь һʹьзкьрьн wи ширәт кьн. Ӧса wе щьватеда йәкти у тʹәмьзайа рʹӧһʹани хwәй бә. Паwлос заньбу wәки рʹаст ә Хwәде һʹьзкьрьн ә, ле йәкә Әw сәр хьрабийе чʹәʹве хwә данадә (Мәтʹлк. 15:3). Ләма Паwлос ньвиси нәʹма Корьнтʹийа пешьн, сәва wана ширәт кә. Ле һьнә мәһ шунда Паwлос диса нәʹмә wанрʹа ньвисин, у пе гьлийед wи те кʹьфше wәки щьват пешда чу, чьмки рʹуспийед щьвате ширәта wи qәбул кьрьн. Һәрге щьватеда кәсәк бей нета хьраб гавәки нәрʹаст бавежә, рʹуспи гәрәке wи бь рʹӧһʹе мьлуктийе ширәт кьн (Галт. 6:1).

18. а) Ширәтед жь Хәбәра Хwәде ча али Мәсиһийед qьрʹна йәкеда кьрьн? б) Тʹема дьнда әме дәрһәqа чь шеwьр кьн?

¹⁸ Бәле, рʹьнд әʹйан ә, wәки Хәбәра Хwәде али Мәсиһийед qьрʹна йәке кьр, кӧ щьватеда тʹәмьзайи, әʹдьлайи, у йәкти хwәй кьрьн (1 Корн. 1:10; Әфәс. 4:11-13; 1 Пәт. 3:8). Бь сайа ве йәке, хушк-бьред кӧ wи wәʹдәйи дьжитьн, гәләк тьшт дь хьзмәтийеда кьрьн. Ләма Паwлос аза гьлийе ӧса гот wәки «һʹәмуйарʹа йед кӧ бьн пʹәрʹе әʹзменда дьминьн һатә даннасинкьрьне» (Колс. 1:23). Иро, бь сайа wан мәрьва йед кӧ тʹәшкиләта Хwәдеда йәктийеда ньн, мьзгинийа Хwәде сәр тʹәмамийа әʹрде те бәлакьрьне. Тʹема дьнда әме шеwьр кьн дәрһәqа wан избаткьрьна, кӧ әw мәрьв бь рʹастийе Кʹьтеба Пироз qимәт дькьн у һӧрмәте дьдьнә Йaһоwа, демәк Хwәдайе мәйи Һәри Жорьн (Зәб. 71:15, 16).