Хьзмәтийа тә Бьра Мина Авийе бә

ХЬЗМӘТИЙА мә гәләк фәрз у qимәт ә. Ле нә һәр кәс кʹерʹа әм мьзгине бәла дькьн, әwе йәке дьшекьриньн. Һәрге мьзгина Кʹьтеба Пироз мәрьва хwәш те, гәләк жь wана һʹәwщәтийе навиньн кӧ Кʹьтеба Пироз һин бьн.

Гевин һәма ӧса бу. Әwи дәстпекьр бе сәр щьвате, ле йәкә инкʹар кьр кӧ Кʹьтеба Пироз һин бә. Әw дьбежә: «Занәбуна мьн дәрһәqа Кʹьтеба Пироз гәләк һьндьк бу. У ләма мьн нәдьхwаст әʹйан кьм нәрʹазибуна хwә wәки Кʹьтеба Пироз һин бьм. Әз фәсал бум кӧ нәйемә хапандьне, у мьн нә дьхwаст щабдарийе һьлдьмә сәр хwә». Һун ча дьфькьрьн? Гевин мәрьвәки ӧндабуйи бу? На! Шеwьр кьн чаwа сәр мәрьв дькарьн баш һʹӧкӧм бьн һинкьрьнед Кʹьтеба Пироз. Йаһоwа готә щьмәʹта хwәйә бәре: «Мина qьрʹавийе [авийе, ДТʹ] готьна мьн wе дайнә, чаwа барана һур ль сәр шинайийе» (Qан. Дщр. 31:19, 30; 32:2, ПКʹМ). Тьштед авийейә баш рʹьнд дьдьнә кʹьфше, кӧ әм ча дькарьн хьзмәтийеда һе керһати али һʹәму щурʹә мәрьва бькьн (1 Тимтʹ. 2:3, 4).

ХЬЗМӘТИ ЧА МИНА АВИЙЕ ЙӘ?

Ави нәрм ә. Ави һеди-һеди чедьбә жь һьлма аве нава һәwеда. Хәбәред Йаһоwа сәр щьмәʹта хwә, «дьлоп дькьрьн мина авийе», чьмки әwи бь нәрми, бь qәдьр хәбәрдьда тʹәви wан. У ӧса жи әwи дәрһәqа wан хәм дькьр у һәстед wан һьлдьда һʹәсаб. Әм жи чʹәʹв дьдьнә Йаһоwа, чахе qәдьре фькьр у ньһерʹандьна мәрьва дьгьрьн. Әм мәрьва һелан дькьн кӧ әwана хwәха сәр гьлийед мә бьфькьрьн. Ӧса әм рʹе дьдьнә wан кӧ хwәха бенә сәр нетәке. Чахе әм ӧса дькьн, гьлийед мә һеса дьгьһижьнә дьле wан у хьзмәтийа мә wе һе керһати бә.

Ави гәш дькә. Чахе әм дьфькьрьн дәрһәqа мәрьва, ча али wан бькьн кӧ һʹәwаса wан һе пешда биньн, хьзмәткьрьна мә wана гәш дькә. Гевин, дәрһәqа кʹижани жоре һатә готьне, гьли дькә кӧ тʹӧ кәси зоре wи нәдькьр wәки әw һинбуна Кʹьтеба Пироз дәстпекә. Дәwсе Крис бьрайе кӧ пешийе рʹасти wи һат, һʹәwаса Гевин һьндава Кʹьтеба Пироз һеди-һеди пешда дьани. Крис Гевинрʹа шьровәкьр кӧ Кʹьтеба Пирозда һәйә тʹема сәрәкә, у фәʹмкьрьна ве тʹемайе wе али wи бькә кӧ һе баш фәʹм бькә кӧ щьватеда чь те готьне. Паше, Крис хwәха мәсәла хwә ани, кӧ әw чаwа хwәха избат бу, wәки Кʹьтеба Пироз рʹаст ә. Әwи wирʹа гьли кьр wәки пʹехәмбәртийед Кʹьтеба Пироз wи данә баwәркьрьне ве йәкеда. Әwе йәке мәщал да Крис кӧ шеwьр бькә тʹәви Гевин, кӧ ча пʹехәмбәртийед жь Кʹьтеба Пироз тенә сери. Әwан шеwьркьрьна Гевин гәш кьрьн, у ахьрийеда әw рʹази бу кӧ дәстпекә һинбуна Кʹьтеба Пироз.

Ави жийине дьдә. Исраеледа һәwа гәләк гәрм у зьһа йә, чьмки бь мәһа баран нәбарә. У шинкайи бей шьли кӧ ави дьдә, зьһа дьбә у дьмьрә. Йаһоwа пʹехәмбәрти кьр кӧ рʹожед мәда бь симболик wе зьһабун һәбә, демәк тʹибуна «бьһистьна готьнед» Йаһоwа wе һәбә (Амс. 8:11). У чаwа Йаһоwа пʹехәмбәрти кьрийә, иро рʹӧһʹанида зьһабун һәйә. Ле Йаһоwа соз да кӧ мьзгинванед рʹункьри, мина «авийе» бьн, чьмки әwана wе мьзгина дәрһәqа Пʹадшатийе бәла кьн. У wе «пәзед . . . дьн» жи пьштгьрийа wан бькьн wе йәкеда (Мих. 5:7; Йуһʹн. 10:16). Ле әм qимәт дькьн әве мьзгина Пʹадшатийе? Әм һʹәсаб дькьн кӧ әw чаwа ави жийине дьдә?

Ави кʹәрәма жь Йаһоwа йә. (Qан. Дщр. 33:13) Хьзмәткьрьна мә мәрьварʹа кӧ гӧһ дьдьнә мьзгина мә, дькарә кʹәрәм бә. Гевин һәма әв кʹәрәм стандийә. Нава һинбуна хwәйә Кʹьтеба Пирозда, әwи сәр һʹәму пьрсед хwә щаб дитьн. Жь бо ве йәке әw зу гьһиштә ньхӧмандьне. У ньһа, әw тʹәви жьна хwә Щойс, бь шабуне нава шьхӧле бәлакьрьна мьзгинеда нә.

QИМӘТ БЬКЬН ХЬЗМӘТИЙА ХWӘ

Һәрге әм бьфькьрьн дәрһәqа авийе, әw йәк дькарә али мә бькә кӧ һе гәләк qимәт бькьн хьзмәткьрьна хwә. Ле чаwа? Дьлопәкә ави тьштәки нькарә бькә, ле һәрге милйона дьлопед авийе тʹоп кьн, әw дькарә тʹәмамийа әʹрде шьл бькә. Хьзмәткьрьна мә жи дькарьн бәрамбәр кьн тʹәви ве йәке. Хьзмәтийа мә һәр йәки, те бежи тьштәк нинә. Ле хьзмәтийа щьмәʹта Йаһоwа бь тʹәвайи, «һʹәму мьләтарʹа» шәʹдәтийе дьдә (Мәт. 24:14). Ле гәло хьзмәтийа мә бона мәрьва wе бьбә кʹәрәма жь Йаһоwа? Бәле, wе бьбә, һәрге мьзгина мә кӧ әм бәла дькьн мина авийе бә, кʹижан кӧ нәрм дькә, гәш дькә у жийине дьдә!