Аһмәд гәләк бәр хԝә дькʹәвә, жь бо ԝе йәке кӧ дькә-накә нькарә хԝәрʹа хәбата һәр тʹьм бьвинә, сәва кӧ бона малбәта хԝә хәм бькә.a Әԝ дьхԝазә ԝәки зарʹед ԝи һинбуна баш бьстиньн, сәва кӧ ахьрийа ԝан баш бә. Ле әв дьфькьрә кӧ әв һʹәму нетед ԝи, ԝе пек нәйен. Гӧмана ԝи тʹәне әԝ ә кӧ сьһʹәт-ԛәԝата ԝи ԝе тʹера ԝи бькә, ԝәки бькарьбә бәрдәԝам кә хԝарьне бинә зарʹед хԝәрʹа у пʹәре кʹьре жи тʹәсмил кә. Хенщи ве йәке, диса фькьрәк жь сәре ԝи дәрнайе: гәло кʹи ԝе бона зарʹед ԝи хәм бькә, һәрге тьштәк бе сәре ԝи?

Кʹӧлфәта Аһмәд, Хәзал жи бәр хԝә дькʹәвә. Ван пашԝәхтийа һәләԛәтийа ԝе у мере ԝе гәләк хьраб буйә. Хәзал гәләк дьхԝазә ԝәки Аһмәд али ԝе бькә хәйсәт-һʹӧнӧред баш нава зарʹада мәзьн кә, ле Аһмәд ӧса ԝәстийайи жь хәбате вәдьгәрʹә мал, кӧ ида сәре ԝи зарʹарʹа тʹӧнә. Хәзал ӧса жи бәр хԝә дькʹәвә кӧ әԝ тʹәви Аһмәд гәләк щар шәрʹ дькьн, у зарʹ жи әве йәке дьвиньн. Ле һәрге йәк жь зарʹа нәхԝәш кʹәвә, гәло әԝана ԝе жь кʹидәре пʹәра дәстхьн кӧ зарʹа хԝә ԛәнщ кьн? Хәзал бона ве йәке дьтьрсә бьфькьрә жи!

Аһмәд у Хәзал ӧса жи дьвиньн, ԝәки әʹмьр мьһала ԝанда һатийә гӧһастьне, чьмки ԝәʹде мәрийа бона һәв һьндьк дьминә у али һәвдӧ накьн, чаԝа кӧ бәре дькьрьн. Хенщи ве йәке, әԝана дьвиньн кӧ проблемед һәвал у пьсмамед ԝан жи гәләк ьн, у әԝана жи бәр хԝә дькʹәвьн жь бо ԝе йәке, һәла ахьрийа ԝан ԝе чаԝа бә. Рʹьһʹәти у дьлбинийа мәрийа тʹӧнә. Һʹьзрәта Хәзале әԝ ә, кӧ сафикьрьна ван проблема бьвинә у бьстинә әʹдьлайе у рʹьһʹәтийе. Ле һʹәта ньһа, әԝ чь кӧ Аһмәд у Хәзал жь алийе хԝәда дькьрьн, бош-бәтал бу.

Щарәке Аһмәд у Хәзал дәрһәԛа чәтьнайед хԝә хәбәрдан.

Аһмәд ӧса гот: «Ԝе чьԛас баш буйа һәрге мә рʹийа әʹдьлайе у бәхтәԝарийе бьдита».

Хәзале щаб да: «Ах, хԝазьл! Рʹасти жи, ԝе пʹьрʹ баш буйа. Һьнге ԝе һʹәму чәтьнайед мә сафи буна».

Аһмәд дьбежә: «Ле дор-бәре мә һаԛас религи у философи һәнә. Гәло ча әм дькарьн тедәрхьн, һәла кʹижан жь ԝан ԝе мә бәрбь рʹийа әʹдьлайе у бәхтәԝарийе бьвә? Әм нькарьн әван һʹәму религийа у философийа лекʹолин бькьн! Чьмки һәр кәс жь ԝана дьбежә, кӧ дькарьн проблемед мәрийа сафи кьн. Ле бь рʹасти, жь ԝана ԛә йәк һʹале мәрийа алийе башда нәгӧһаст. Әз дьфькьрьм, ԝәки әм гәрәке хԝә нәдьнә бәр ԝи шьхӧли».

Хәзал мере хԝәрʹа ԛайил бу, ле әԝ дьле хԝәда дьфькьри, кӧ илащ йәкә һәйә ԝәки һʹале малбәта ԝе хԝәш бә.

Мина Аһмәд у Хәзале, дьбәк һун жи рʹасти чәтьнайед ӧса тен. Чьмки чәтьнайед ви щурʹәйи, һʹәму дәра һәнә. Рʹаст ә мәрьв һʹьзрәта сьһʹәт-ԛәԝата баш ьн, дьхԝазьн рʹьһʹәтийе бьстиньн у малбәта ԝан жи бәхтәԝар бә, ле ԝана тʹьре кӧ әв һʹәму тьшт ԝе нәйенә стандьне. Ле гәло бь рʹасти дьбә, кӧ мәрьв рʹийа әʹдьлайе у бәхтәԝарийе бьвинә?

Хәзале дит, ԝәки щинаред ԝе Мьраз у кʹӧлфәта ԝи Назе, һәр гав бәхтәԝар у ша нә. Хәзале готә мере хԝә Аһмәд, кӧ әԝ дьхԝазә жь Назе бьпьрсә, һәла чь әԝана дькьн кӧ ӧса бәхтәԝар у ша нә. Ләма жи чахе Хәзал рʹасти Назе һат, әԝе тʹәви ԝе хәбәр да.

Назе готе: «Бәле Хәзал, проблемед мьн у Мьраз жи мина йед ԝә нә. Ле ван пашԝәхтийа мьн кʹьтебәк дит, кʹижанида мьн сәва хԝә у малбәта хԝә, һьнә ширәтед керһати дит. Әв кʹьтеб нишан дькә, ԝәки кʹидәре дькарьн рʹийа әʹдьлайе у бәхтәԝарийе бьвиньн у ӧса жи али мә дькә кӧ бәхтәԝар бьминьн, чахе рʹасти проблем у чәтьнайа тен».

Хәзале хԝәст дәрһәԛа ве кʹьтебе һе зедә пебьһʹәсә. Назе жи бәрдәԝам кьр: «Рʹаст ә әв кʹьтебәкә кәвьн ә у Рʹоһьлата Навинда һатийә ньвисаре, ле чь жи һәбә әв бона һʹәму мәрийа йә, у фьрԛи тʹӧнә мәри кʹижан религийайеда нә. Хенщи ве йәке, әв кʹьтеб сәр сәда зьмана һатийә ԝәлгәрʹандьне у һәр кәс дькарә ԝе бьхунә». Назе ӧса жи гот кӧ гәләк щар хәбәрдана мәрьвед навдар у зандар жи сәр һʹиме ве кʹьтебе йә, у ԝәки әв кʹьтеб гәләк ԝәлатада бу һʹиме ԛанунед дәԝләта.

Хәзале хәбәрдана Назе ӧса бәгәм кьр, кӧ хԝәст әве кʹьтебе бьвинә. Һәма ве рʹоже жи әԝ һатә мала Назе. Назе жи гәләк ширәтед керһати жь ве кʹьтебе ԝерʹа нишан кьр, дәрһәԛа тʹемед ӧса:

Ширәткьрьна зарʹа

• 

  «Зарʹотийеда рʹийа рʹаст һин бькә, гава әԝ кал бә, иди әԝе жь ԝе нәкʹәвә».

• «Бавно, зарʹед хԝә һерс нәехьн».

Хәбат у хәрщкьрьна пʹәра бь аԛьлайи

• 

  «Әԝе кӧ дьзийе дькә, бьра ида нәдьзә, ле бь худана хԝәйә һʹәлал бь дәстед хԝә бьхәбьтә, кӧ бькарьбә дәст бавежә кʹәтийа жи».

• «Кʹи нахԝазә бьхәбьтә, бьра нәхԝә жи».

Ичкәвәхԝарьн у хәбьтандьна наркотика

• 

  «Дәлално . . . әм хԝә жь һʹәму кʹьретийа ԛальб у рʹӧһʹ . . . паԛьж кьн».

• «Шәрав кʹәнти йә у авщә шәрʹти йә, йе хԝә дьдә ван, нә сәрԝахти йә».

Нав-намуси

• 

  «Һʹал-зәԝащ һʹәмуйарʹа нав-намуси бә у щи-ньвин һʹәлал бә».

• «Жь ԛавийе дур бьн».

• «Кʹи бь тәме хьраб жьнәке бьньһерʹә, әԝи дьле хԝәда иди тʹәви ԝе зьнекʹари кьр».

Ԛәдьр малбәтеда

• 

  «Ԛәдьре де у баве хԝә бьгьрә».

• «Гӧһ бьдә готьнед баве кӧ жийане дайә тә у дәма дийа тә пир бьбә, ԝе бьчʹук нәбинә [беһʹӧрмәт нәкә]».

• «Жь ԝә һәр кәс жи бьра жьна хԝә һʹьз бькә чаԝа хԝә у жьн жь мере хԝә хоф бькә [ԛәдьр бьгьрә, ДТʹ]».