Кʹьтеба Пироз Чь Дьбежә?

Кʹи йә йан чь йә Мире-щьн?

WӘЙЕ ЧА ЩАБА ХWӘ БЬДА Мире-щьн әw һәйә . . .

• Кәсе рʹöһʹани?

• Зöлми һöндöре мәрьвада?

• Мәрьва хwәха бәр хwә дәрхьстийә?

КʹЬТЕБА ПИРОЗ ДЬБЕЖӘ

Мире-щьна тʹәви Иса хәбәрдьда у әwи әw дьщерʹьбанд (Мәтта 4:1-4). Демәк, мәрьва wи бәр хwә дәрнәхьстьнә, у әw нә жи зöлми йә һöндöре мәрьвада. Әw һәйә кәсе рʹöһʹани у зöльм.

ДИСА ЧЬ ӘМ ДЬКАРЬН ЖЬ КʹЬТЕБА ПИРОЗ ПЕБЬҺʹӘСЬН?

• Мире-щьна мьлйакʹәт бу, ле «тʹö щар хwә рʹастийе нәгьртийә» (Йуһʹәнна 8:44). Әw бу йәки дәрәwин у мьqабьли Хwәде дәркʹәт.

• Һьнә мьлйакʹәтед дьн жи пәй Шәйтʹан чун у мьqабьли Хwәде дәркʹәтьн (Әʹйанти 12:9).

• Мире-щьна гәләк мәрьва дьхапинә йанчь әw тʹöнә йә (2 Корьнтʹи 4:4).

Ле гәло Мире-щьна дькарә сәр мәрьва һʹöкöм кә?

ҺЬНӘ МӘРЬВ ДЬБЕЖЬН кö һʹöкöме Мире-щьна тʹöнәйә, ле йед дьн дьтьрсьн wәки рʹöһʹе зöльм сәр wан һʹöкöм нәкьн. Ле һун чь дьфькьрьн?

КʹЬТЕБА ПИРОЗ ДЬБЕЖӘ

«Тʹәмамийа дьнйайе бьн һʹöкöме Йе Хьрабда йә» (1 Йуһʹәнна 5:19). Рʹаст ә Мире-щьна гәләк сәр инсанәте һʹöкöм дькә, ле сәр һәр мәрьвәки контрол накә.

ДИСА ЧЬ ӘМ ДЬКАРЬН ЖЬ КʹЬТЕБА ПИРОЗ ПЕБЬҺʹӘСЬН?

• Мире-щьна мәрьва дьхальфинә сәва һе зедә һʹöкöм бькә (2 Корьнтʹи 11:14).

• Щьн һьнә дәрәщада дькарьн сәр мәрьва һʹöкöм кьн (Мәтта 12:22).

• Һун дькарьн бь аликʹарийа Хwәде «мьqабьли Мирещьн бьсәкьньн» (Аqуб 4:7).