Али ԝан бькә, кӧ «баԝәрийеда шьдийайи һʹимгьрти бьн»
Бь рʹастийе жи чьԛас һʹәԝас ә бьбиньн, кӧ чаԝа Йаһоԝа шьхӧле нандьруне кʹәрәм дькә, кӧ ԝәкә чарәк мьлийон мәри, һәр сал тенә ньхӧмандьне (Ԛан.Дщр. 28:2). Чахе ԛӧльхкʹар али мәрьв кьр у әԝ һатә ньхӧмандьне, һьнге дькарә ӧса бьԛәԝьмә кӧ ԛӧльхкʹар сафи кә ида һинкьрьне тʹәви ԝи бәрдәԝан нәкә, у дина хԝә бьдә ԝе йәке кӧ алийе йед дьнена бькә. У әԝе кӧ Кʹьтеба Пироз һин дьбә жи, дькарә ԛайил бә ԝәки һинкьрьне бәрдәԝан нәкә, сәва кӧ бькарьбә гәләк ԝәʹдә ԛӧльх кә. Һәйнәсәр, гәләк фәрз ә ԝәки һʹиме рʹастийе йа ԝан мәрийа, кʹи кӧ Кʹьтеба Пироз һин дьбьн, ԛәԝи бә. Ԝанарʹа лазьм ә, кӧ хԝә ԛәԝи кьн у «баԝәрийеда шьдийайи һʹимгьрти бьн» (Колс. 2:6, 7; 2 Тимтʹ. 3:12). Ләма жи, паше ԝе йәке чаԝа мәри те ньхӧмандьне, әԝ гәрәке бәрдәԝан кә һинбуна Кʹьтеба Пироз, һʹәта кӧ хьлаз нәкә ван дӧ кʹьтеба «Чь һин дькә Кʹьтеба Пироз?» у «Хԝә нава һʹәзкьрьна Хԝәдеда хԝәй кә». Бьньһерʹьн ӧса жи «Ԛӧльхкьрьна мәйә Пʹадшатийе» сала 2011, мәһа нисане, рʹупʹела 2 (ru).