ДӘРС 1

Пешхәбәра Һʹәԝас

(Кʹаред Шандийа 17:22)

ФЬКЬРЕД СӘРӘКӘ: Пешхәбәра тә гәрәке һʹәԝаса мәрьва пешда бинә. Нета тʹема хԝә фәʹм кә у нишан кә, кӧ чьма әԝ фәрз ә.

Һʹәԝаса мәрийа пешда бинә. Бьжберә пьрс, фькьр, ԛәԝьмандьн йан әʹламәтийа ӧса, кʹижан кӧ гӧһдаред тәрʹа ԝе һʹәԝас бә.

Пешда рʹьнд бьфькьрә ԝәки гӧһдаред тәрʹа чь һʹәԝас ә, бона чь әԝана хәм дькьн у пешхәбәра хԝә ль гора ве йәке чекә.
Нета тʹема хԝә рʹьнд фәʹм кә. Избат бә, кӧ пешхәбәра тә нета тʹема тә зәлал дькә.
Нишан кә, чьма тʹема тә ӧса фәрз ә. Тʹема хԝә ӧса шьроԝәкә, ԝәки әв лайиԛи һʹәԝщед гӧһдаред тә бә. Әԝана гәрәке рʹьнд фәʹм бькьн, ԝәки чаԝа әԝ тʹема дькарә хут али ԝан бькә.

Чахе тӧ тʹемайе һазьр дьки пьрсе бьдә хԝә: «Хушк-бьред щьвата мьнда, рʹасти кʹижан дәрәща тен?» Паше ида пешхәбәра хԝә лайиԛи һʹәԝщед гӧһдара һазьр кә.