Һин Бә Wәки дь Хьзмәтеда һе Щерʹьбанди би Һинкьрьнед Кʹьтеба Пироз Дьдьнә Сәкьнандьне

ӘВ ЙӘК ЧЬМА ФӘРЗ Ә: Мәрьв гәрәке гази наве Йаһоwа кьн, сәва кӧ хьлазкьрьне бьстиньн (Рʹм. 10:13, 14). Һәнә мәрьвед ӧса, кӧ qайил дьбьн Кʹьтеба Пироз һин бьн, ле нахwазьн бь принсипед Йаһоwа бьжин. Әм дьхwазьн һʹәчʹи зәʹф wәʹде хwә хәрщ кьн, wәки али wан бькьн, кʹи кӧ бь рʹасти дьхwазә жийина хwәда гӧһастьна бькә, сәва qәбулкьрьна Йаһоwа бьстинә. Һәрге шагьрт гәләк wәхт рʹӧһʹанида пешда начә, wе баш бә әве һинкьрьне бьдьнә сәкьнандьне, у wәʹде хwә бьдьнә хәбате, wәки али wан бькьн кʹи кӧ бь рʹасти дьхwазә незики Йаһоwа у тʹәшкиләта wи бә (Йн. 6:44). Һәрге һьнә wәхт шунда, шагьрт һьнә гӧһастьна жийина хwәда дькә, у нишан дькә кӧ «бона жийина һʹәта-һʹәтайе кʹьфшкьри» йә, һьнге әм һинкьрьна Кʹьтеба Пироз диса тʹәви wи дькарьн бәрдәwам кьн (Кʹр.Шн. 13:48).

ЧАWА БЬКЬН:

• Пʹайе шагьрт бьдә, сәва хwәстьна wи, кӧ занәбуна рʹаст qазанч кә (1 Тим. 2:4).

• Дина хwә бьдә wе йәке, кӧ чьqас фәрз ә wәки әw бьдә хәбате тьштед кӧ педьһʹәсә (Лԛ. 6:46-49).

• Бь дьлгәрми шеwьр кә мәсәла Иса дәрһәqа тʹохьмрʹәш у паше пьрсе бьде, сәва кӧ шеwьр ки, wәки чь рʹийа wи дьгьрә, кӧ әw пешда начә (Мт. 13:18-23).

• Бь тактик шьровәкә, кӧ чьма тӧ һинкьрьна Кʹьтеба Пироз тʹәви wи дьди сәкьнандьне

• Wи бьдә баwәркьрьне, wәки щар-щара, те сәрледана wи бьки, сәва кӧ wи һелан ки у һәрге паше әw бьхwазә пешда һәрʹә тӧйе һинбуне бәрдәwам ки

БЬНЬҺЕРʹӘ ВИДЕО У ПАШЕ ЩАБА WАН ПЬРСА БЬДӘ:

• Жь ве хәбәрдане чаwа һатә кʹьфше, wәки шагьрт рʹӧһʹанида пешда нәдьчу?

• Чаwа хьзмәткʹар али шагьрт кьр фәʹм бькә, кӧ әw гәрәке һьнә гӧһастьна бькьра?

• Чаwа хьзмәткʹар мәщал һишт бона шагьрт, кӧ ль ахьрийе диса һинкьрьне бәрдәwам кьн?