«Зьмане Т′әмамийа Дьнйайе йәк бу»

11:1-4, 6-9

Дь Бабилонеда, Йаһоԝа зьмане мәрьвед нәгӧһдар ләв хьст у ӧса ԝана жь һәв бәла кьр. Иро әԝ жь һʹәму мьләта у зьмана, әʹлаләта мәзьн дьщьвинә, у зьманәки «паԛьж» дьдә ԝан, сәва әԝана «банги наве Хӧдан бькьн» у бькарьбьн тʹәвайи ԝирʹа хьзмәт кьн (Сф. 3:9; Әʹнт. 7:9). Зьмане «паԛьж» әв һәйә рʹасти дәрһәԛа Йаһоԝа у ԛьрара ԝи, кʹижани кӧ әм Ньвисаред Пирозда дьвиньн.

Сәва кӧ зьмане тʹәзә һин бьн лазьм ә һе зедә бькьн, нә кӧ тʹәне гьлийед тʹәзә бь әʹзбәри һин бьн. Әв те һʹәсабе, ԝәки әм һин дьбьн кӧ бь щурʹәки тʹәзә бьфькьрьн. Анәгори ве йәке, гава әм зьмане паԛьж һин дьбьн, һʹьше мә тʹьме алийе башда те гӧһастьне (Рʹм. 12:2). Бь сайа ве йәке нава щьмәʹта Хԝәдеда йәкти те хԝәйкьрьне (1 Кр. 1:10).