Чаԝа Щотед Зәԝьщи Дькарьн Зәԝаща Хԝә Ԛәԝи кьн

Бьраһим у Сәра мәсәләкә баш ьн бона ԝан щотед зәԝьщи, йед кӧ һәв һ′ьз дькьн у ԛәдьре һәв заньн (Дсп. 12:11-13; 1 Пт. 3:6). Һәмьки зәԝаща ԝанда һʹәму тьшт һеса нибу у әԝана рʹасти чәтьнайа жи дьһатьн. Щотед зәԝьщи чь дькарьн һин бьн жь мәсәла Бьраһим у Сәрайе?

Дьле хԝә һәврʹа вәкьн. Һәрге һәвалзәԝаще тә бь һерс щаба тә дьдә, бь мьлукти хԝә бьдьнә кʹьфше (Дсп. 16:5, 6). Тʹәвайи ԝәʹдә дәрбаз кьн. Бь гьли у кьред хԝә избат кә, ԝәки тӧ һәԝалзәԝаще хԝә һʹьз дьки. Хенщи ԝе йәке бьхәбьтьн кӧ зәԝаща ԝәда Йаһоԝа щийе пешьн бьгьрә. Тʹәвайи леколина Кʹьтеба Пироз бькьн, тʹәвайи дӧа бькьн у хьзмәт кьн (Ԝз. 4:12). Бь зәԝаща ԛәԝи, Йаһоԝа һӧрмәт-румәт дьбә, чьмки әԝ ә сазкʹаре малбәте.

БЬНЬҺЕРʹЬН ВИДЕО «ЗӘԜАЩА ХԜӘ ԚӘԜИ КЬН», У ПАШЕ ЩАБА ԜАН ПЬРСА БЬДЬН:

• Чь щурʹәйи жь ве видеойе һатә кʹьфше, ԝәки дьле Шаһан у Кʹийара, һеди-һеди сәр һәв сар дьбу?

• Чьма фәрз ә зәԝащеда дьле хԝә һәврʹа вәкьн?

• Чь щурʹйи мәсәла Бьраһим у Сәрайе, али Шаһан у Кʹийара кьр?

• Шаһан у Кʹийара жь алйе хԝәда чь кьрьн, сәва кӧ зәԝаща хԝә ԛәԝи кьн?

• Чьма мер у жьн гәрәке һивийе нибьн, кӧ зәԝаща ԝанда һ′әму тьшт ԝе п′ьр′ баш бә?