Кани бона «Бәрнама Щьвине, Бьжин у Хьзмәт кьн»
2-8 МЬЖДАРЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ДӘРКʹӘТЬН 39-40
«Муса Һур бь Һур Рʹебәрийа Тинә Сери»
(Дәркʹәтьн 39:32) Бь ви щурʹәйи һʹәму шьхӧлед ль сәр Коне Шәʹдәтийе, аԝа готи Коне Щьвине һатә сери. Зарʹед Исраел һәр тьшт, чаԝа кӧ Хӧдан тʹәми дабу Муса, ӧса жи кьрьн.
ԝ11 15/9 27 ¶13
Гәло Йаһоԝа Тә Нас Дькә?
13 Муса «мәрьвәки гәләки шкәсти бу, жь һʹәму мәрьвед ль сәр рʹуйе әʹрде» (Жм. 12:3). Әԝ бь һазьрбуне пәй рʹебәрийа Йаһоԝа дьчу (Дркʹ. 7:6; 40:16). Муса итʹбарийа хԝә Йаһоԝа дьани у бь дьл дәʹԝакьрьнед Йаһоԝа дьани сери. Мәсәлә, Йаһоԝа һур бь һур шьровәкьр, кӧ чаԝа коне пироз гәрәке бе авакьрьне. Йаһоԝа һәла һе жи гот, ԝәки тʹел гәрәке чь рʹәнги бьн у чьԛас пʹәвгьрек ль сәр тәж гәрәке һәбьн (Дркʹ. 26:1-6). Һәрге тʹәшкиләта Хԝәдеда бьре щабдар, һур бь һур рʹебәрийа дьдә, дьбәкә әв йәк тә әʹщьз кә. Ле Йаһоԝа итʹбарийа хԝә хьзмәткʹаред хԝә тинә у щабдарийа дьдә ԝан. Һәрге Йаһоԝа рʹебәрийа һур бь һур дьдә, демәк мәʹнийа ве йәке һәйә. Муса әʹщьз нәдьбу, гава Йаһоԝа ӧса һур бь һур һʹәму тьшт шьровәдькьр. Әԝ нәдьфькьри, кӧ Хԝәде ԝи ньмьз дькә йан жи азайа ԝи синор дькә. Муса дьньһерʹи, ԝәки авакʹаред кон «һәр тьшт, чаԝа кӧ Хӧдан тʹәми дабу», һәма ӧса жи бькьн (Дркʹ. 39:32). Муса чьԛас мьлук бу! Әԝи фәʹм дькьр, ԝәки әв шьхӧле Йаһоԝа йә, ле әԝ хԝәха һащәт ә дәсте ԝида.
(Дәркʹәтьн 39:43) Муса дина хԝә да һʹәму тьште чекьри, кӧ ва йә чаԝа кӧ Хӧдан тʹәми дабу ԝана, ӧса жи кьрьнә. Муса дӧа ԝан кьр.
(Дәркʹәтьн 40:1, 2) Хӧдан тʹәв Муса хәбәр да у готе: 2 «Рʹожа йәкейә мәһа пешьн, Коне Шәʹдәтийе, аԝа готи Коне Щьвине вәгьри.
(Дәркʹәтьн 40:16) Муса һәр тьшт чаԝа кӧ Хӧдан тʹәми дабу ӧса жи кьр.
ԝ05 15/7 27 ¶3
Тӧ Һәр Тьштида Амьн и?
3 Ибрани 3:5-да те готьне: «Муса . . . хӧламәки амьн бу». Гәло чьма дәрһәԛа Муса ӧса һатийә готьне? Чьмки ԝәʹде авакьрьна кон «Муса һәр тьшт чаԝа кӧ Хӧдан тʹәми дабу ӧса жи кьр» (Дәркʹәтьн 40:16). Амьнийа мә жи Йаһоԝарʹа гӧһдарикьрьнеда те кʹьфше. Ле нә тʹәне бь ве йәке, кӧ әм хԝә тәʹли-тәнгийада ԛәԝи дьгьрьн, чьмки Иса гот: «Әԝе кӧ нава тьштед һьндькида амьн ә, нава тьштед гәләкида жи амьн ә, ле әԝе кӧ нава тьштед һьндькида беамьн ә, нава тьштед гәләкида жи беамьн ә» (Луԛа 16:10). Демәк, әм гәрәке тьштед бьчʹукда жи амьнийа хԝә хԝәй кьн.
Хьзна Кʹьтеба Пироз Бьгәрʹьн
(Дәркʹәтьн 39:34) сәргьртьна жь чʹәрмед бәранайә сор рʹәнгкьри у сәркʹеша жь чʹәрмед га-мәʹси у пʹәрʹда навбьрʹийе,
it-2 884 ¶3
Чʹәрме Га-Мәʹси
Исраелийа Чʹәрме Га-мәʹси жь кʹӧ Дәстдьхьстьн. Хәбәра «таһаш» Кʹьтеба Пирозда те һʹәсабе йәк жь щурʹед га-мәʹси. Ле Исраелийа чʹәрме га-мәʹси жь кʹӧ дәстдьхьстьн? Рʹаст ә га-мәʹси дьһа зәʹф Арктикайеда у Антарктикайеда дьжин, ле һьнә щурʹед ԝан щийе гәрмда жи дьжин. Иро Бәʹра Навбәреда, ӧса жи авед гәрмә дьнда һьнә га-мәʹси һәнә, сәр кʹижана дьбежьн фокед-кʹәшиш. Нава ԛьрʹнада мәрьва әԝ ԛьрʹ дькьрьн, ләма жи һәжмара ԝан кем бу. Ле ча те кʹьфше, ԝәʹде бәре Бәʹра Навбәреда у Бәʹра Сорда әв һʹәйԝан гәләк бун. Һәла һе сала 1832-да жи кʹьтебәкеда «Calmet’s Dictionary of the Holy Bible», (рʹупʹ. 139) ӧса дьһатә готьне: «Сәр гәләк гьравед Бәʹра Сор, кʹижан кӧ дора нивграва Синайе нә, га-мәʹси дьжин» (Ӧса жи бьньһерʹьн «Th Tabernacle’s Typical Teaching» by A.J. Pollock, London, рʹупʹ. 47.)
(Дәркʹәтьн 40:34) Әʹԝр Коне Щьвине ньхамт у рʹумәта Хӧдан Коне Шәʹдәтийе дагьрт.
ԝ15 15/7 21 ¶1
Әԝе кӧ Тʹьме Шьхӧле Мә Дьвинә
Чахе авакьрьна кон хьлаз бу, «әʹԝр Коне Щьвине ньхамт у рʹумәта Хӧдан Коне Шәʹдәтийе дагьрт» (Дркʹ. 40:34). Әве йәке зәлал избат кьр, ԝәки Йаһоԝа шьхӧле ԝан ԛәбул кьр! Бьдьнә бәр чʹәʹве хԝә, Бьсалел у Оһолиаб чь тʹәхмин кьрьн. Рʹаст ә наве ԝан хьзмәткʹаред Хԝәде сәр тьштед ԝанә чекьри нәһатьбун кʹоландьне, ле дьԛәԝьмә әԝана гәләк ша дьбун, гава дитьн, ԝәки Йаһоԝа шьхӧле ԝан кʹәрәм кьр (Мтʹл. 10:22). Дьле ԝан бь шабуне тʹьжә дьбу, чахе ԝана дьдит кӧ сал пәй саларʹа чекьрьна дәстед ԝан бона һʹәбандьна Йаһоԝарʹа дьһатә хәбьтандьне. Чахе дьнйа тʹәзәда Бьсалел у Оһолийаб диса вәгәрʹьн жийине, әԝана ԝе гәләк ша бьн чахе пебьһʹәсьн, ԝәки коне пироз ԝәкә 500 сал бона һʹәбандьна рʹаст дьданә хәбате!
Хԝәндьна Кʹьтеба Пироз
(Дәркʹәтьн 39:1-21) Бона ԛӧльхкьрьна Щийе Пирозда, кʹьнщед хьзмәткʹарийе, жь рʹисе шин, ширк у соре гәвәз чекьрьн, ӧса жи бона Һарун кʹьнщед пироз чекьрьн, чаԝа кӧ Хӧдан тʹәми дабу Муса, 2 Ефод жь зерʹ, рʹисе шин, ширк, соре гәвәз у кʹьтане зьравбадайи чекьр. 3 Зерʹ зьрав пәʹн кьрьн у әԝ мина рʹис бьрʹин, ԝәки хәбата ньтьрандьнеда тʹәви рʹисе шин, ширк, соре гәвәз у кʹьтане зьрав бьдьнә хәбате. 4 Сәрмьлкед һәввабуне жерʹа чекьрьн, кӧ әԝ һәр дӧ сәрийава дьһатьнә һәввакьрьне. 5 Бәнпьшта ль сәр ефод жи мина ефод һунанди-ньтьранди, жь зерʹ, рʹисе шин, ширк, соре гәвәз у кʹьтане зьрав-бадайи ԝева һатьбу чекьрьне, чаԝа кӧ Хӧдан тʹәми дабу Муса. 6 Кәвьред оникс һазьр кьрьн, нава ԛавед зерʹинда ԛаш кьрьн у ль сәр ԝан чаԝа мор те кʹоландьне, ӧса навед зарʹед Исраел һатьнә кʹоландьне. 7 У әԝ ль сәр сәрмьлке ефодва кьрьн, кӧ зарʹед Исраелрʹа бьбьнә кәвьред биранине, чаԝа кӧ Хӧдан тʹәми дабу Муса. 8 Рʹәхтсинг ньтьранди ԝи щурʹе чекьрьна ефодда чекьрьн. Әԝ жь зерʹ, рʹисе шин, ширк, соре гәвәз у жь кʹьтане зьрав-бадайи чекьрьн. 9 Рʹәхтсинг дӧ та ԛаткьри чаргошә бу, дьрежайа ԝе бьһӧстәк у бәрайа ԝе жи бьһӧстәк, дӧ та ԛаткьри. 10 Ль сәр ԝе чар щергә кәвьр ԛаш кьрьн. Щерга әʹԝльн: Сардийон, топаз у зьмруд, 11 щерга дӧда: Карбункул, сафир у алмас, 12 щерга сьсийа: Йахонит, агат у аместис, 13 щерга чара: Хризолит, оникс у йаспис, әвана ԛаве зерʹда ԛашкьри бун. 14 Әв кәвьр донздәһ һʹәб бун, анәгори навед зарʹед Исраел, мина море кʹолайи сәр һәр кәвьри навәки ԝан һатьбу кʹоландьне бона донздәһ ԛәбила. 15 Сәр рʹәхтсинг зьнщиред бадайи чекьрьн, әԝ вәгьрти жь зерʹе хальс бун. 16 Дӧ ԛавед зерʹ у дӧ хәлаԛед зерʹ чекьрьн у әԝ һәр дӧ хәлаԛ, сәр һәр дӧ сәре рʹәхтсингва кьрьн. 17 Әԝ һәр дӧ зьнщиред зерʹ, һәр дӧ хәлаԛед сәр рʹәхтсингва кьрьн. 18 У һәр дӧ сәрийед зьнщирайә дьн һәр дӧ ԛавава кьрьн, паше алийе пешийева сәрмьлке ефодва кьрьн. 19 Дӧ хәлаԛед зерʹинә дьн чекьрьн әԝ бьн рʹәхтсингва һәр дӧ ньчʹед жерьнва алийе ефодва кьрьн. 20 Дӧ хәлаԛед зерʹинә дьн жи чекьрьн, әԝ бьн һәр дӧ ньчʹед сәрмьлкед ефодва кьрьн. Алийе пешийева бәр щийе певакьрива сәр бәнпьшта ефодва кьрьн. 21 Бь ԛәйтʹана шин хәлаԛед рʹәхтсинг хәлаԛед ефодва кьрьн, кӧ әԝ сәр бәнпьшта ефод бә у рʹәхтсинг жь ефод нәԛәтә, чаԝа кӧ Хӧдан тʹәми дабу Муса.
9-15 МЬЖДАРЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ԚАНУНА КʹАһИНТИЙЕ 1-3
«Нета Дийарийа»
(Ԛануна Кʹаһинтийе 1:3) Һәгәр ԛӧрбана ԝийә дийарийа тʹәвайишәԝате жь гарʹане йә, бьра әԝ йе нер у беԛӧсур бинә ль бәр дәре Коне Щьвине, кӧ ль бәр Хӧдан бе ԛәбулкьрьне.
(Ԛануна Кʹаһинтийе 2:1) Һәгәр йәк дийарийа нани Хӧданрʹа бьдә, дийарийа ԝи бьра жь аре хас бә, рʹун сәрда кә у бьхуре дайнә сәр.
(Ԛануна Кʹаһинтийе 2:12) Һәвиртьрʹшк у һьнгьв чаԝа дийарийед бәре пешьн Хӧданрʹа дькарьн биньн, ле ль сәр горигәһе гәрәке нәйе шәԝьтандьне бона бинхԝәшийе.
it-2 525
Дийари
Дийарийа тʹәвайишәԝате. Әԝе кӧ әв дийари Хԝәдерʹа дьани, тʹӧ пʹарәкә һʹәйԝана ԛӧрбанкьри хԝәрʹа нәдьһишт. (Бәрамбәр кә тʹәви Һʹкм. 11:30, 31, 39, 40.) Әв ԛӧрбан дьһатьнә һʹәсабе һивикьрьн жь Йаһоԝа, ԝәки әԝ дийарийа гӧнә паԛьжбуне ԛәбул кә, кʹижан кӧ щарна тʹәви дийарийа тʹәвайишәԝате дьанин. Иса Мәсиһ жийина хԝә бь тʹәмами ча дийарийа тʹәвайишәԝате бәрва да.
it-2 528 ¶4
Дийари
Дийарийа нани. Дийарийед нани тʹәви дийарийед дьн дьанин. Әв һәбун дийарийед һәләԛәтийе, дийарийед тʹәвайишәԝате у дийарийед жь гӧна паԛьжбуне. Әв һʹәму дийари ӧса жи ча бәред пешьн дьанин; щарна әԝ дийари башԛә-башԛә ԛӧрбан дькьрьн (Дркʹ. 29:40-42; Ԛн.Кʹһ. 23:10-13, 15-18; Жм. 15:8, 9, 22-24; 28:9, 10, 20, 26-28; сәре 29). Әван дийарийа избат дькьр, ԝәки Йаһоԝа бь мәрʹдани щьмәʹта хԝә кʹәрәм дькә. Гәләк щар тʹәви нане дийарийа шәԝате рʹуне ледайи у бьхур дьанин. Дькʹәтьнә нава дийарийед ви щурʹәйи ӧса жи аре хас, гәньме ԛәланди, нане лош йан жи бокʹон йед кӧ фьрнеда, тʹаведа йан сәр селе дьпәʹтьн. Пʹарәкә нане дийарийе датанин сәр ԛӧрбангәһа бона тʹәвайишәԝате. Пʹарәкә ԝе кʹәшиша дьхԝар. Ле дийарийед һәләԛәтийе әԝед кӧ дьанин, ԝана дьхԝар (Ԛн.Кʹһ. 6:14-23; 7:11-13; Жм. 18:8-11). Тʹӧ нане дийарийа шәԝатеда, гәрәке һәвиртьрʹшк йан «һьнгьв» (ча те кʹьфше, дьмс, кʹижан кӧ жь һежира йане жь емишед дьн дьстандьн) нәкьрана нав, жь бо кʹижана һәвир һьлдьһат (Ԛн.Кʹһ. 2:1-16).
(Ԛануна Кʹаһинтийе 3:1) Һәгәр ԛӧрбана йәки дийарийа һәләԛәтийе йә у әԝ дәԝара нер бә йан ме бә, әԝ гәрәке һʹәйԝана бе ԛӧсур Хӧданрʹа бьдә.
it-2 526 ¶1
Дийари
Дийарийед һәләԛәтийе (йан дийарийед әʹдьлайе). Дийарийед һәләԛәтийе, бь симболик дьһатьнә һʹәсабе әʹдьлайа ортʹа Йаһоԝа у хьзмәткʹаре ԝи. Әԝе кӧ дийари дьани у малбәта ԝи, жь ве дийарийе дьхԝарьн (ль гора әʹдәт, һʹәԝша коне пирозда дора тәж бона нанхԝарьне чадьр ледьхьстьн. Ле чахе пʹарьстгәһ һатә авакьрьне, һьнге хԝарьнханә жи чекьрьн). Кʹәшише кӧ әв дийари ԛӧрбан дькьр, пʹарәкә ве дийарийе дьстанд. Пʹара дьн жи кʹәшишед дьнрʹа дькʹәт, кʹижана кӧ ве рʹоже коне пирозда хьзмәт дькьрьн. Йаһоԝа бина хԝәш жь бәзе шәԝьтанди ԛәбул дькьр. Хуна кӧ дьһатә һʹәсабе әʹмьр, пʹара Йаһоԝа бу. Ӧса кʹәшиш, хьзмәткʹаред кӧ дийари дьанин у Йаһоԝа ча бежи тʹәвайи бәр сьфрәки нан дьхԝарьн. Әве йәке дьда кʹьфше, ԝәки ортʹа ԝанда әʹдьлайи һәбу. Һәрге мәрьве кӧ жь ве сьфре нан дьхԝар, жь бо мәʹники ль гора Ԛануне нәтʹәмьз буйа, йан гоште кӧ ԝәʹде ԝи дәрбаз бьбу дьхԝар, (һәԝа гәрмда гошт дәстпедькьр гәни дьбу), әԝ мәрьв гәрәке бьһата кӧштьне. Бь ԝи кьре хԝә әԝи мәрьви сьфрә һʹәрам дькьр, чьмки йан хԝәха нәтʹәмьз бу, йан жи әв чь кӧ бәр чʹәʹве Йаһоԝа нәтʹәмьз дьһатә һʹәсабе, дьхԝар. Бь ве йәке әԝи мәрьви беԛәдьрийа хԝә һьндава тьштед пироз дьда кʹьфше (Ԛн.Кʹһ. 7:16-21; 19:5-8).
Хьзна Кʹьтеба Пироз Бьгәрʹьн
(Ԛануна Кʹаһинтийе 2:13) Һʹәму дийарийед хԝәйә нани хԝе ки у хԝейа пәймана Хԝәдейе хԝә жь нава дийарийед хԝә кем нәки, тʹәви һʹәму һʹәдийед хԝә хԝе жи бьди.
(Һәзәԛел 43:24) у тӧйе ԝан незики бәр ХӦДАН бькә у ԝе кʹаһин хԝе бавежьн сәр ԝан у ԝәки пʹешкʹешийа шәԝьтандьне бьн, ԝе ԝан жь ХӦДАНРʹА пʹешкʹеш бькьн.
ԝ04 15/5 22 ¶1
Фькьред Сәрәкә жь Кʹьтеба Ԛануна Кʹаһинтийе
2:13: Чьма лазьм бу, ԝәки «тʹәви һʹәму һʹәдийед хԝә хԝе жи» биньн? Хԝе дьанин нә бона тәʹма дийарийе. Хԝе те хәбьтандьне, ԝәки тьшт гәләк ԝәхт бенә хԝәйкьрьне. Ча те кʹьфше хԝе тʹәви дийарийе дьанин, чьмки әԝ симбола беԛьсуртийе у тʹәмзайе бу.
(Ԛануна Кʹаһинтийе 3:17) Әва нава ньсьлед ԝәда, щи-ԝаред ԝәда бьбә ԛәйдә-ԛануна һʹәта-һʹәтайе, кӧ тʹӧ щар нә бәз бьхԝьн, нә жи хуне›».
it-1 813
Бәз
Һʹим бона ԛануне. Чахе Ԛанун ԛәԝатеда бу, һьнге хун у бәз тʹәне пʹара Йаһоԝа бун. Хун те һʹәсабе әʹмьр, канийа кʹижани кӧ Йаһоԝа йә (Ԛн.Кʹһ. 17:11, 14). Бәз дьһатә һʹәсабе пʹарәкә лапә баш жь һʹәйԝен. Чахе бәндә бәзе һʹәйԝана ԛӧрбан дькьр, әԝи дьда кʹьфше ԝәки дьхԝазә пʹаред һәри баш бьдә Йаһоԝа, чьмки Әԝ һежа йә. Кʹьтеба Пирозда те готьне, ԝәки бәз сәр ԛӧрбангәһе дьшәԝьтандьн, ча «дийарийа хӧре шәԝатейә бинхԝәш» бона Йаһоԝа (Ԛн.Кʹһ. 3:11, 16). Ләма жи һәрге кәсәки бәз дьхԝар, әԝи ԛанун дьтʹәрʹьбанд у пʹара Йаһоԝа хԝәрʹа һьлдьда. Әԝ мәрьв дьһатә кӧштьн, чьмки мьԛабьли Йаһоԝа дәрдькʹәт. Рʹаст ә изьн тʹӧнә бу бәз бьхԝьн, ле дькарьбун әԝ бона щурʹә-щурʹә һʹәԝщәдарийа бьдьнә хәбате. Дькʹәтә нава ве йәке бәзе һʹәйԝане мьри йан дәʹвәхԝари жи (Ԛн.Кʹһ. 7:23-25).
ԝ04 15/5 22 ¶2
Фькьред Сәрәкә жь Кʹьтеба Ԛануна Кʹаһинтийе
3:17: Изьн тʹӧнә бу Исраелийа бәзе һʹәйԝана бьхԝарана, чьмки әԝ дьһатә һʹәсабе пʹарәкә һәри баш у ԛимәт. Ӧса щьмәʹте фәʹм дькьр, кӧ тьштед һәри баш Йаһоԝарʹа дькʹәвьн (Дәстпебун 45:18). Әм жи гәрәке тьштед һәри баш бьдьнә Йаһоԝа (Мәтʹәлок 3:9, 10; Колоси 3:23, 24).
Хԝәндьна Кʹьтеба Пироз
(Ԛануна Кʹаһинтийе 1:1-17) Хӧдан жь Коне Щьвине гази Муса кьр у готә ԝи: 2 «Тʹәви зарʹед Исраел хәбәр дә у бежә ԝан: ‹Гава йәки жь ԝә ԛӧрбанәке Хӧданрʹа бьдә, бьра әԝ ԛӧрбана ԝә жь гарʹане бә йан жь кери. 3 Һәгәр ԛӧрбана ԝийә дийарийа тʹәвайишәԝате жь гарʹане йә, бьра әԝ йе нер у беԛӧсур бинә ль бәр дәре Коне Щьвине, кӧ ль бәр Хӧдан бе ԛәбулкьрьне. 4 Бьра әԝ дәсте хԝә дайнә ль сәр сәре дийарийа тʹәвайишәԝате кӧ бе ԛәбулкьрьне, бона кʹәԝандьна гӧнед ԝи. 5 Бьра әԝ щанәга ль бәр Хӧдан сәржекә у кӧрʹед Һаруннә кʹаһин хуне һьлдьн бьрʹәшиньнә ль сәр һәр алийед горигәһа ль бәр дәре Коне Щьвине. 6 Бьра дийарийа тʹәвайишәԝате пʹост кә у чити-чити һур кә. 7 Һинге кӧрʹед кʹаһин агьр дайньнә ль сәр горигәһе у ԛьрша бьдьнә ль сәр егьр. 8 Кӧрʹед Һаруннә кʹаһин бьра ԝан читийа, сәри у донва бьдьнә ль сәр ԝан ԛьршед агьре ль сәр горигәһе. 9 Ле навдьл у ньга жи, бьра йе дийардар пе аве бьшо у кʹаһин гьшки ль сәр горигәһе бьшәԝьтинә, чаԝа дийарийа тʹәвайишәԝате, дийарийа шәԝатейә бинхԝәш ә бона Хӧдан. 10 Һәгәр ԛӧрбана ԝийә дийарийа тʹәвайишәԝате жь кери йә, аԝа готи жь пез йан бьзьна йә, бьра әԝ йе нер у беԛӧсур бьдә. 11 Ԝи ль бәр Хӧдан алийе бакӧра горигәһе сәржекә у кӧрʹед Һаруннә кʹаһин хуна ԝи ль сәр һәр алийед горигәһе бьрʹәшиньн. 12 У чити-чити һур кә, сәри у донва кʹаһин дайнә ль сәр ԛьршед агьре ль сәр горигәһе. 13 Ле навдьл у ньга жи, бьра йе дийардар пе аве бьшо у кʹаһин гьшки бинә ль сәр горигәһе бьшәԝьтинә, чаԝа дийарийа тʹәвайишәԝате, дийарийа шәԝатейә бинхԝәшә бона Хӧдан. 14 Һәгәр ԛӧрбана ԝийә дийарийа тʹәвайишәԝате бона Хӧдан жь тәйрәда йә, һьнге бьра ԛӧрбана хԝә жь фатьмока йан жи жь щущукед кәԝа бьдә. 15 Бьра кʹаһин ԝе бинә бәр горигәһе, сәри ле һьлԛәтинә у башԛә ль сәр горигәһе бьшәԝьтинә у хун кʹеләка горигәһеда һәрʹә. 16 У ԛаԛарʹушка ԝе әʹдәбева дәрхә алийе рʹоһьлата горигәһева бавежә кʹозиданге. 17 Әԝе жь баскада вәжәнә, бейи жь һәв ԛәтандьн, бьра кʹаһин ль сәр горигәһе, ль сәр даре сәр егьр бьшәԝьтинә. Әва дийарийа тʹәвайишәԝате, дийарийа шәԝатейә бинхԝәш ә бона Хӧдан.
16-22 МЬЖДАРЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ԚАНУНА КʹАһИНТИЙЕ 4-5
«Тьште Лапи Баш Бьдә Йаһоԝа»
(Ԛануна Кʹаһинтийе 5:5, 6) Һәгәр жь ван йәка тьштәкида сущдар бә у хԝә мькӧрʹ бе, гӧне хԝә бьдә рʹуйе хԝә, 6 бьра бона гӧне хԝәйи кьри Хӧданрʹа жь кери бәрхәкә ме, йан жи карәкә ме бона нәһәԛийа хԝә чаԝа дийарийа паԛьжбуне бинә. Бьра кʹаһин бона гӧне ԝи кʹәԝандьне бькә.
it-2 527 ¶9
Дийари
Дийарийа паԛьжбуне. Дийарийа паԛьжбуна жь шашийа ӧса жи дьһатә һʹәсабе дийарийа бона бахшандьна гӧна, чьмки шаши тʹьме гӧнәва гьредайи нә. Әва дийарийа паԛьжбуне щӧдә дьбу, чьмки мафе кәсәки дьпараст. Дькʹәтә нава ве йәке мафе Йаһоԝа йан жи мафе щьмәʹта ԝийә пироз. Нета дийарийа паԛьжбуне әԝ бу, ԝәки мафе Йаһоԝайи тʹәрʹьбанди йан жи мафе мәрьве кӧ тʹобә дькьр бе парастьн, йан жи әԝ мәрьв жь щәзакьрьна гӧна бе азакьрьне (Бәрамбәр кә тʹәви Иш. 53:10.)
(Ԛануна Кʹаһинтийе 5:7) Һәгәр дестда тʹӧнә, нькарә жь бәр нәһәԛийа хԝәва пез бинә, бьра дӧ фатьмока йан жи дӧ щущукед кәԝа Хӧданрʹа бинә, йәк бона дийарийа паԛьжбуне, йәк жи бона дийарийа тʹәвайишәԝате.
ԝ09 1/6 26 ¶3
Әԝ Дәрәщед Мә Һьлдьдә Һʹәсаб
Ԛанунеда дьлшәԝатийа Йаһоԝа дьһатә кʹьфше: «Һәгәр дестда тʹӧнә, нькарә жь бәр нәһәԛийа хԝәва пез бинә, бьра дӧ фатьмока йан жи дӧ щущукед кәԝа Хӧданрʹа бинә» (Рʹеза 7). Гьли-готьн «Һәгәр дестда тʹӧнә» те һʹәсабе «һәрге әв дәсттәнг ә». Һәрге Исраели гәләк кʹәсиб бу у нькарьбу бәрх бьанийа, Хԝәде ԛәбул дькьр дӧ фатьмок йан дӧ щущукед кәԝа.
(Ԛануна Кʹаһинтийе 5:11) Ле һәгәр дестда тʹӧнә, әԝ нькарә дӧ фатьмока йан дӧ щущукед кәԝа жи бинә, һьнге бьра йе гӧнә кьрийә бона һʹәдийа хԝә пʹарәкә ефайе жь дәһа йәк аре хас чаԝа дийарийа паԛьжбуне бинә. Нә рʹун бькә сәр нә жи бьхуре, чьмки әва дийарийа паԛьжбуне йә.
ԝ09 1/6 26 ¶4
Әԝ Дәрәщед Мә Һьлдьдә Һʹәсаб
Ле һәрге бәндә нькарьбу һәла һе дӧ тәйрәдә жи ԛӧрбан кьра? Һьнге ль гора Ԛануне әԝи гәрәке «бона һʹәдийа хԝә пʹарәкә ефайе жь дәһа йәк [һʹәйшт-нәһә кʹас] аре хас чаԝа дийарийа паԛьжбуне» бьанийа (Рʹеза 11). Бона мәрьвед гәләк кʹәсиб Йаһоԝа изьн да, ԝәки ԛӧрбана бехун, бона бахшандьна гӧна биньн. Ӧса Исраела бәреда кʹәсибийе нькарьбу рʹийа мерьв бьгьрта, кӧ бахшандьна гӧна бьстинә у әʹдьлайе тʹәви Хԝәде ԛазанщ кә.
Хьзна Кʹьтеба Пироз Бьгәрʹьн
(Ԛануна Кʹаһинтийе 5:1) Һәгәр йәк бе газикьрьне ль бәр диԝане, әԝи тьштәк бьһистьбә йан шәʹдә бә у ве йәке вәшерә, һьнге әԝ ԝи гӧнәйи дькә стуйе хԝә.
ԝ16.02 30 ¶14
Чʹәʹв Бьдьнә Хьзмәткаред Йаһоԝайи Амьн
14 Әм жи дькарьн пешийе Йаһоԝарʹа амьн бьн у һьн жи йед дьненарʹа чахе ԛәнщ ьн һьндава ԝан. Мәсәлә, дьбәкә тӧ зани кӧ кәсәк жь щьвате гӧне гьран кьрийә. Дьбәкә тӧ дьхԝази ԝирʹа амьн бьмини, һәла һе һәрге әԝ һәвале тә йан мәрьве тәйи незик ә. Ле һәрге тӧ чʹәʹве хԝә дади сәр гӧне ԝи, бь ве йәке нәамьн дьмини Хԝәдерʹа. Бәле, амьнийа тә Йаһоԝарʹа гәрәке сәр щийе пешьн бә. Ләма чʹәʹв бьдә Натан, у ԛәнщ бә һьндава һәвале хԝә. Ширәт кә һәвале хԝә йан мәрьве хԝәйи незик кӧ аликʹарийе жь рʹуспийа бьхԝазә. Һәрге әԝ ширәта тә ԛәбул накә, тӧ гәрәке һәрʹи у бежи рʹуспийа. Чьмки бь ԝе йәке тӧ амьнийа хԝә Хԝәдерʹа дьди кʹьфше, у ӧса жи ԛәнщи һьндава һәвале хԝә йан мәрьве хԝәйи незик. Ле рʹуспи ԝи мәрьви ԝе бь нәрми ширәт кьн у рʹаст кьн. (Бьхунә Ԛануна Кʹаһинтийе 5:1; Галати 6:1.)
(Ԛануна Кʹаһинтийе 5:15, 16) «Һәгәр йәк борще хԝә нәԛәдинә у бе һʹәмде хԝә һьндава тьштед Хӧданә пирозда гӧнә бькә, бьра жь бәр нәһәԛийа хԝәва жь кери бәранәки беԛӧсур, ԝәкә ԝи ԛимәте тәйи пе шекьлед зивин кʹьфшкьри, анәгори шекьлед пирозгәһе Хӧданрʹа дийарийа жь бәрвадайине бинә. 16 Бьра щьрма ԝе зийана кӧ дайә тьштед пироз бькʹьшинә, ӧса жи пʹарәкә жь пенщ пʹара ль сәрда зедә кә, бьдә кʹаһин. У кʹаһин бьра пе ԝи бәране дийарийа жь бәрвадайине кʹәԝандьне бькә у ԝе ль ԝи бе бахшандьне.
it-1 1130 ¶2
Пирози
Һʹәйԝан у Бәред Әʹрде. Ньхӧрийед пез, бьзьна у һʹәйԝанед мәзьнә дьн бона Йаһоԝа пироз дьһатьнә һʹәсабе, у изьн тʹӧнә бу бьгӧһәрʹийана. Ԝана гәрәке әв ԛӧрбан кьрана у пʹарәкә ве ԛӧрбане кʹаһинед пирозкьрирʹа дькʹәт (Жм. 18:17-19). Бәред пешьн у дәһәк жи, ӧса жи һʹәму һʹәди у дийари, дьһатьнә һʹәсабе пироз (Дркʹ. 28:38). Һʹәму тьштед кӧ Йаһоԝарʹа ԛӧрбан дькьрьн, пироз бун. Изьн тʹӧнә бу ԝана бона шьхӧлед һәррʹожи бьдьнә хәбате. Мәсәләкә ве йәке, ԛануна дәрһәԛа дәһәке бу. Һәрге бәндә тьштәк ча дәһәк башԛә дькьр у паше хԝәха йан жи нәфәрәки ԝи бе һʹәмде хԝә жь ве дәһәке һʹәвәк һьлдьда бона шьхӧлед һәррʹожи, һьнге әԝи мәрьви Ԛануна дәрһәԛа пирозийе, дьтʹәрʹьбанд. Әԝи гәрәке жь кәрийед пәзед хԝә бәранәки беԛьсур ԛӧрбан кьра, һәԛе зьраре у сәрда жи 20 сәләф зедә бьда. Ӧса әԝ һин дьбу һьндава тьштед пироз ԛәдьр бьда кʹьфше (Ԛн.Кʹһ. 5:14-16).
Хԝәндьна Кʹьтеба Пироз
(Ԛануна Кʹаһинтийе 4:27-5:4) Һәгәр йәки жь мьләт беһʹәмде хԝә гӧнә бькә, жь ԝан тʹәмийед Хӧдане хԝә йәки нәԛәдинә, әԝ гӧнәкʹар дәрте 28 у гава гӧне ԝи ԝива бе әʹйанкьрьне, бьра бона гӧне хԝәйи кьри бьзьнәкә беԛӧсур ԛӧрбан бинә. 29 Әԝ дәсте хԝә дайнә ль сәр сәре дийарийа паԛьжбуне у дийарийа паԛьжбуне ԝи щийе дийарийа тʹәвайишәԝате бе сәржекьрьне. 30 Кʹаһин бьра тʹьлийа хԝә ԝе хунеда кә у ль стьруйед горигәһа тʹәвайишәԝате хә у хуна майи жи бьрʹежә жера горигәһе. 31 Һʹәму бәзе бьзьне дәрхә, чаԝа бәзе дийарийа һәләԛәтийе те дәрхьстьне у кʹаһин ԝи бәзи ль бәр Хӧдан ль сәр горигәһе бона бинхԝәшийе бьшәԝьтинә. Бь ви аԝайи кʹаһин бона ԝи кʹәԝандьне бькә у ль ԝи ԝе бе бахшандьне. 32 Ле һәгәр бәрхе бона дийарийа паԛьжбуне бьдә, бьра йәкә мейә бе ԛӧсур бинә. 33 Дәсте хԝә дайнә ль сәр сәре дийарийа паԛьжбуне, дь ԝи щийе дийарийа тʹәвайишәԝате те сәржекьрьне, ԝе дийарийа паԛьжбуне сәржекә. 34 Кʹаһин тʹьлийа хԝә хуна дийарийа паԛьжбунеда кә у ль стьруйед горигәһа тʹәвайишәԝате хә у хуна майи жи бьрʹежә жера горигәһе. 35 Һʹәму бәзе ԝе дәрхә, чаԝа бәзе бәрха дийарийа һәләԛәтийе те дәрхьстьне у кʹаһин ԝи бәзи тʹәви дийарийед шәԝатейә бона Хӧдан ль сәр горигәһе бьшәԝьтинә. Бь ви аԝайи кʹаһин бона гӧне ԝийи кьри кʹәԝандьне бькә у ль ԝи ԝе бе бахшандьне.
5 Һәгәр йәк бе газикьрьне ль бәр диԝане, әԝи тьштәк бьһистьбә йан шәʹдә бә у ве йәке вәшерә, һьнге әԝ ԝи гӧнәйи дькә стуйе хԝә. 2 Һәгәр йәк жь нәзанийа хԝә тьштәки нәпаԛьж кʹәвә, аԝа готи щәндәке рʹәʹԝьрәки, щәндәке һʹәйԝанәки йан щәндәке шулькики нәһʹәлал кʹәвә, әԝ хԝә дьһʹәрʹьминә у сущдар дькә. 3 Һәгәр йәк жь нәзанийа хԝә кʹьретийа мерьв кʹәвә, тьштәки кʹьрет кӧ мерьв дькарә бьһʹәрʹьминә, гава әԝ бьзаньбә һьнге әԝе сущдар бә. 4 Һәгәр йәк жь нәзанийа хԝә, пе дәве хԝә бона ԛәнщийе йан хьрабийе сонд бьхԝә, (чаԝа мәрьв пе сондед хԝә тьштед пʹучʹ дьбежьн), гава әԝ бьзаньбә, һьнге жь ван йәкида әԝе сущдар бә.
23-29 МЬЖДАРЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ԚАНУНА КʹАһИНТИЙЕ 6-7
«Әʹйанкьрьна Шекьрдарийе»
(Ԛануна Кʹаһинтийе 7:11, 12) Әв ә ԛануна дийарийа һәләԛәтийе, кӧ йәк Хӧданрʹа бьдә: 12 Һәгәр бона рʹазидарийе ԝе бьдә, һьнге бьра тʹәви дийарийа рʹазидарийе кʹатед рʹунда стьрайи бе һәвиртьрʹшк у лошед бе һәвиртьрʹшкә рʹункьри, кʹатед жь аре хаси рʹунда стьрайи бьдә.
ԝ19.11 22 ¶9
Әм жь Кʹьтеба Ԛануна Кʹаһинтийе Чь Дәрса Дькарьн Һин бьн?
9 Дәрса дӧда: Әм Йаһоԝарʹа хьзмәт дькьн, чьмки әм жь ԝи рʹази нә. Сәва әве фькьре зәлал кьн, ԝәрә шеԝьр кьн дәрһәԛа дийарийа һәләԛәтийе, кʹижан кӧ һʹәбандьна рʹастда Исраела бәреда гәләк фәрз бу. Жь кʹьтеба Ԛануна Кʹаһинтийе, әм педьһʹәсьн, ԝәки Исраелийа дькарьбун дийарийа һәләԛәтийе банийана, демәк ԛӧрбан «бона рʹазидарийе» (Ԛан. Кʹаһ. 7:11-13, 16-18). Ԝана әԝ ԛӧрбан дьанин нә сәва ве йәке кӧ дьһатә дәʹԝакьрьне, ле чьмки ԝана хԝәха дьхԝәст. Әԝ ԛӧрбана рʹәзәдьли ԝана дьани, чьмки ԝана Йаһоԝа Хԝәде һʹьз дькьр. Әԝе кӧ ԛӧрбан дьани, малбәта ԝи у кʹәшиша гәрәке гоште ве һʹәйԝана ԛӧрбанкьри бьхԝарана. Ле һьнә навдьле ве һʹәйԝане, тʹәне Йаһоԝарʹа дькʹәтьн. Әԝ кʹижан навдьл бун?
(Ԛануна Кʹаһинтийе 7:13-15) Пештьри кʹата, бьра әԝ нане хԝәйи һьлати жи дийари бинә, тʹәви ԝе дийарийа хԝәйә һәләԛәтийе кӧ бона рʹазидарийе дьдә. 14 Жь ԝан һʹәму дийарийа, йәке гәрәке чаԝа дийарийа бәрбьрʹикьрьне бьдә Хӧдан. Әва пʹара ԝи кʹаһини йә, йе кӧ хуна дийарийа һәләԛәтийе дьрʹәшинә. 15 У гоште дийарийа һәләԛәтийа рʹазидарийе, һәма ԝе рʹожа дайида бе хԝарьне, жь ԝе гәрәке һʹәта сьбәһе нәминә.
ԝ00 15/8 15 ¶15
Ԛӧрбанед кӧ Хԝәде Хԝәш Дьһатьн
15 Диса ԛӧрбанәкә рʹәзәдьли әв дийарийа һәләԛәтийе йә, дәрһәԛа кʹижани кӧ кʹьтеба Ԛануна Кʹаһинтийе сәре 3-да те готьне. Сәр ве дийарийе ӧса жи дьһатә готьн «дийарийа әʹдьлайе». Зьмане Ибранийә кәвьнда хәбәра «әʹдьлайи» те һʹәсабе нә тʹәне шәрʹ-дәʹԝа бьдьн һьлдане, ле һе зедә тьшт. Кʹьтебәкеда «Studies in the Mosaic Institutions» ӧса те готьне: «Кʹьтеба Пирозда әв ӧса жи те һʹәсабе һәләԛәтийа баш тʹәви Хԝәде, сәрфьрази, шабун у бәхтәԝари». Демәк дийарийа һәләԛәтийе дьһатә дайине, ԝәки мәрьве хԝәдехоф рʹазибуна хԝә бьдьнә кʹьфше бона һәләԛәтийа баш тʹәви Хԝәде. Паши ԝе йәке ча хун у бәз дьһатә ԛӧрбанкьрьне, кʹаһин у әԝе кӧ дийари дьани, дькарьбун жь ве ԛӧрбане бьхԝарана (Ԛануна Кʹаһинтийе 3:17; 7:16-21; 19:5-8). Бь ви щурʹе симболик, кʹаһин, мәрьве кӧ ԛӧрбан дьани у Йаһоԝа Хԝәде ча бежи сәр сьфрәки нан дьхԝарьн. Әве йәке дьда кʹьфше, ԝәки ортʹа ԝанда әʹдьлайи һәйә.
(Ԛануна Кʹаһинтийе 7:20) ле әԝ кәсе чахе нә паԛьж ә, жь гоште дийарийа һәләԛәтийа Хӧдан бьхԝә, әԝ кәса гәрәке жь нава щьмәʹта хԝә бе ӧндакьрьне.
ԝ00 15/8 19 ¶8
Ԛӧрбанед Пәсьндайине кӧ Йаһоԝа Хԝәш Тен
8 Ле чь әм дькарьн бежьн дәрһәԛа мәрьве кӧ ԛӧрбан дьани? Ԛанунеда һатьбу готьне, ԝәки һәр кәсе кӧ те бал Йаһоԝа гәрәке паԛьж бә. Һәрге кәсәки жь бо мәʹники гӧнә бькьра, әԝи гәрәке ԛӧрбана бона паԛьжкьрьна гӧна бьанийа. Һьнге Хԝәде ԝе дийарийа ԝийә тʹәвайишәԝате йан дийарийа һәләԛәтийе, ԛәбул кьра (Ԛануна Кʹаһинтийе 5:1-6, 15, 17). Жь ве йәке те кʹьфше, ԝәки чьԛас фәрз ә әм тʹьме бәр чʹәʹве Йаһоԝа тʹәмьз бьминьн. Һәрге әм дьхԝазьн һʹәбандьна мә ль Хԝәде хԝәш бе, әм гәрәке дәрберʹа гӧнед хԝә биньн рʹуйе хԝә. Ԝе баш бә дәрәнги нәхьн, кӧ бь сайа «бәрпьрсийаред щьвине» у «дийарийа жь гӧнә паԛьжбуне», демәк Иса Мәсиһ, жь Йаһоԝа аликʹарийе бьхԝазьн (Аԛуб 5:14; 1 Йуһʹәнна 2:1, 2).
Хьзна Кʹьтеба Пироз Бьгәрʹьн
(Ԛануна Кʹаһинтийе 6:13) Агьр тʹьме гәрәке ль сәр горигәһе бьшхӧлә у венәсе.
it-1 833 ¶1
Агьр
Коне пирозда у пʹарьстгәһеда. Бона һʹәбандьна рʹаст Коне пирозда у ԝәʹдә шунда пʹарьстгәһеда агьр дьданә хәбате. Һәр шәбәԛ у «бәре еваре» сәрәккʹаһин гәрәке бьхур сәр горигәһа бьхуре бьшәԝьтанда (Дркʹ. 30:7, 8). Ль гора ԛануна Хԝәде агьр сәр горигәһа дийарийед тʹәвайишәԝате гәрәке тʹьме бьшхӧлийа (Ԛн.Кʹһ. 6:12, 13). Нава Щьһуйада ньһерʹандьна ӧса бәлабуйи йә, ԝәки щара пешьн Хԝәде бь кʹәрәмәти агьр горигәһе хьст. Ньвисаред Пирозда дәрһәԛа ԝе йәке найе готьне. Ле ньвисар ә, кӧ Йаһоԝа готә Муса, ԝәки кӧрʹед Һарун гәрәке «агьр дайньнә ль сәр горигәһе у ԛьрша бьдьнә ль сәр егьр» (Ԛн.Кʹһ. 1:7, 8). Ԝана гәрәке пешийа кӧ һʹәйԝан данийана сәр горигәһе, әв йәк бькьра. Паши ԝе йәке ча кʹаһинтйа Һарун кʹәтә ԛәԝате у ԛӧрбан һатьн дайине, агьр жь Йаһоԝа һатә хԝаре ԛӧрбан шәԝьтанд. Дьԛәԝьмә әв агьр жь ԝи әʹԝьри бу, кʹижан кӧ сәр коне пирозрʹа бу. Демәк әԝи агьри, нә кӧ ԛьрша гьрт, ле «дийарийа тʹәвайишәԝате у бәзе ль сәр горигәһе шәԝьтанд». Ча те кʹьфше агьре кӧ паши ԝе ԛәԝьмандьне бәрдәԝам дькьр бьшхӧлә, әв һьм агьре жь Хԝәде бу, һьм жи агьре кӧ пешда вехьсти бу (Ԛн.Кʹһ. 8:14-9:24). Мина ԝе йәке ԝәʹде тʹәсмилкьрьна пʹарьстгәһе, чахе Сьлеман дӧа кьр, агьр бь кʹәрәмәти жь Йаһоԝа һатә хԝаре у дәрберʹа ԛӧрбан шәԝьтандьн (2 Др. 7:1; бьньһерʹә ӧса жи Һʹкм. 6:21; 1 Пʹд. 18:21-39; 1 Др. 21:26, кʹидәре кӧ дәрәщед дьн тенә шьровәкьрьне, гава Йаһоԝа агьр дьшанд у ԛӧрбанед хьзмәткʹаред хԝә ԛәбул дькьр).
(Ԛануна Кʹаһинтийе 6:25) «Тʹәви Һарун у кӧрʹед ԝи хәбәр дә у бежә: ‹Әв ә ԛануна дийарийа паԛьжбуне: ль бәр Хӧдан кʹидәре кӧ дийарийа тʹәвайишәԝате те сәржекьрьне, ԝе дәре жи гәрәке дийарийа паԛьжбуне бе сәржекьрьне. Әва йа һәрә пироз ә.
si 27 ¶15
Кʹьтеба Сьсийайә Кʹьтеба Пироз; Ԛануна Кʹаһинтийе
15 (3) Дийарийа бона гӧнә паԛьжбуне гәрәке һьнге бьһата дайине, гава кәсәки жь бо нәзанийе гӧнә дькьр. Һʹәйԝанед чь щурʹәйи гәрәке бьһатана ԛӧрбанкьрьне ԝе йәкева гьредайи бу, кӧ кʹи гӧнә кьрийә; кʹаһин, тʹәмамийа щьмәʹте, мәрьве хԝәйиһʹӧкӧм, йан мәрьвәки дьн. Дийарийед тʹәвайишәԝате у һәләԛәтийе бь рʹәзәдьли бун, ле дийарийа жь гӧнә паԛьжбуне әʹсәйи гәрәке бьһата дайине (4:1-35; 6:24-30).
Хԝәндьна Кʹьтеба Пироз
(Ԛануна Кʹаһинтийе 6:1-18) Хӧдан Мусарʹа хәбәрда у гот: 2 «Һәгәр йәк борще хԝә ль бәр Хӧдан нәԛәдинә бь ви аԝайи хԝә гӧнәкʹар кә, аԝа готи анәмәте йәки инкʹар кә, йан тьште ль ԝи һатьбә дайине, йан тьштәк шеландьбә, йан ԛәлпи ль ԝи кәси кьрьбә, 3 йан тьштәки ӧндабуйи дитьбә инкʹар кә у дәрәԝ сонд бьхԝә, жь ван һʹәмуйа йәкида гӧнә бькә, кʹижан кӧ мәрьв дькьн, 4 бона гӧне кьри у сущдарийа хԝә гәрәке әԝ тьште шеланди, ԛәлпийа кьри, йан әԝ анәмәте кӧ зәфт бьрьбу, йан әԝ тьште ӧндабуйи кӧ дитьбу, 5 йан һәр тьшти, һьндава чьда дәрәԝ сонд хԝарийә, гьшки ле вәгәрʹинә. Бьра чарика пенща жи сәрда зедә кә бьдә ԝи кʹерʹа дькʹәвә, ль ԝе рʹожа кӧ гӧне хԝә нас кә. 6 У бьра әԝ бона нәһәԛийа хԝә жь кери бәранәки беԛӧсур, ԝәкә ԝи ԛимәте тәйи кʹьфшкьри, дийарийа жь бәрвадайине Хӧданрʹа бинә щәм кʹаһин. 7 Кʹаһин бьра бона ԝи ль бәр Хӧдан кʹәԝандьне бькә, чь тьштида ԝи нәһәԛи кьрьбә ԝе ль ԝи бе бахшандьне» 8 Хӧдан Мусарʹа хәбәрда у гот: 9 «Әʹмьри ль Һарун у кӧрʹед ԝи бькә у бежә: ‹Әв ә ԛануна дийарийа тʹәвайишәԝате. Тʹәмамийа шәве дийарийа тʹәвайишәԝате бьра ль сәр агьре сәр горигәһе бә һʹәта сәре сьбе у агьре горигәһе бьра тʹьме ль сәр бьшхӧлә. 10 Кʹаһин бьра чӧхе хԝәйи кʹьтани бавежә ль сәр хԝә у һәвалкьрасе кʹьтани жи ль хԝә кә, паше ԝе кʹозийа шәԝьтийә жь дийарийа тʹәвайишәԝате майи, бьра жь сәр горигәһе һьлдә бькә кʹеләка горигәһе. 11 Пәй ве йәкерʹа бьра кʹьнще хԝә бьгӧһезә, дәстәки майин ль хԝә кә, кʹозийе жь зоме дәрхә дәр бьбә щики паԛьж. 12 Агьре ль сәр горигәһе гәрәке бьшхӧлә у венәсе, кʹаһин бьра һәр сьбәһе ԛьрша бьдә сәр, дийарийа тʹәвайишәԝате у доне дийарийед һәләԛәтийе ль сәр ԝе бьшәԝьтинә. 13 Агьр тʹьме гәрәке ль сәр горигәһе бьшхӧлә у венәсе. 14 Әв ә ԛануна дийарийа нани кӧ гәрәке кӧрʹед Һарун ль бәр Хӧдан пешбәри горигәһе бьдьн. 15 Бьра әԝ кʹӧлма хԝә тʹьжи аре хаси дийарийа нанида кә тʹәви рʹуне ԝе у һʹәму бьхура ль сәр дийарийа нани һьлдә, ль сәр горигәһе бона биранине бьшәԝьтинә. Әва дийарийа шәԝатейә бинхԝәш ә бона Хӧдан. 16 Ле һәрчʹе майи бьра Һарун у кӧрʹед ԝи бьхԝьн. Әԝ гәрәке әԝи бе һәвиртьрʹшк ль щийе пироз һʹәԝша Коне Щьвинеда бьхԝьн. 17 Әԝ гәрәке пе һәвиртьрʹшк нәйе пәʹтьне, мьн әва жь дийарийед хԝәйә шәԝате пʹар да ԝан. Әва йа һәрә пироз ә, мина дийарийа паԛьжбуне у дийарийа бәрвадайине. 18 Һәр ԛьсьме мерини жь рʹькʹьнйата Һарун дькарә же бьхԝә. Жь дийарийед шәԝатейә бона Хӧдан әва пʹара ԝә бә, нава рʹькʹьнйатед ԝәда бьбә ԛәйдә-ԛануна һʹәта-һʹәтайе. Һәр чь кӧ лекʹәвә ԝе пироз бә›».
30 МЬЖДАРЕ-6 КАНУНА ПЕШЬН
ФЬКЬРЕД ԚИМӘТ ЖЬ ХӘБӘРА ХԜӘДЕ | ԚАНУНА КʹАҺИНТИЙЕ 8-9
«Әʹйанкьрьна Кʹәрәма Йаһоԝа»
(Ԛануна Кʹаһинтийе 8:6-9) Муса Һарун у кӧрʹава анинә незик у әԝ пе аве шуштьн. 7 Кьрас ль Һарун кьр, бәнпьшт да пьште, чӧх ль ԝи кьр, ефод жорда авитә сәр, ԛәйтʹана ефод да сәр пьште у пе ԛәйтʹана ефод әԝ шьданд. 8 Паше рʹәхтсинг авитә сәр ԝи у Урим у Тумим жи кьрьнә бәр рʹәхтсинг. 9 Пʹапʹах да сәре ԝи, бәрәʹникә зерʹин аԝа готи кʹофийа пироз авитә нәʹтька пʹапʹах, чаԝа кӧ Хӧдан әʹмьр ль Муса кьрьбу.
(Ԛануна Кʹаһинтийе 8:12) Паше Муса әԝ рʹуне рʹункьрьне һьлда рʹетә ль сәр сәре Һарун у әԝ рʹун кьр, бона пирозбуна ԝи.
it-1 1207
Кʹьфшкьрьна Кʹаһина
Муса сәре Һарун у кӧрʹед ԝи Надаб, Абиһу, Әләазәр у Итʹамар тʹәшта сьфьрда кӧ һʹәԝшеда бу, шуштьн (йан дьԛәԝьмә тʹәми да ԝан кӧ сәре хԝә бьшон), у кʹьнще сәрәккʹаһинтийейә мәхсус ль Һарун кьр (Жм. 3:2, 3). Бь ԝан кʹьнща дьһатә кʹьфше кӧ Һарун бона шьхӧл у щабдарийа мәхсус кʹьфшкьри йә. Паше Муса кон, тьштед теда, горигәһа тʹәвайишәԝате ӧса жи һʹәԝз у тьштед ԝева гьредайи, пироз кьр, ԝәки бона һʹәбандьна Хԝәде бьдьнә хәбате. Хьлазийе Муса рʹун бәри сәр сәре Һарун да у ӧса әԝ кʹьфш кьр (Ԛн.Кʹһ. 8:6-12; Дркʹ. 30:22-33; Зб. 133:2).
(Ԛануна Кʹаһинтийе 9:1-5) Рʹожа һʹәйшта Муса гази Һарун кӧрʹава у рʹуспийед Исраел кьр, 2 готә Һарун: «Хԝәрʹа жь гарʹане бона дийарийа паԛьжбуне тәʹнәки беԛӧсур һьлдә у бәранәки беԛӧсур жи бона дийарийа тʹәвайишәԝате у ван бинә ль бәр Хӧдан. 3 Тʹәви зарʹед Исраел хәбәр дә у бежә: ‹Нерики жь бьзьна бона дийарийа паԛьжбуне һьлдьн, тәʹнә у бәрхе йәксалийә беԛӧсур жи бона дийарийа тʹәвайишәԝате, 4 ӧса жи щанәга у бәранәк жи чаԝа дийарийа һәләԛәтийе ль бәр Хӧдан бе дайине у дийарийа нанийә рʹунда стьрайи, чьмки иро Хӧдане ԝәва хӧйа бә›». 5 Әԝ тьште кӧ Муса әʹмьр ль ԝан кьр, һьлдан анинә ль бәр дәре Коне Щьвине у тʹәмамийа щьвине һат ль бәр Хӧдан сәкьни.
it-1 1208 ¶8
Кʹьфшкьрьна Кʹаһина
Рʹожа һʹәйшта кʹаһинед кӧ бь тʹәмами бона хьзмәтийе һазьр бун, щара пешьн хьзмәткьрьна хԝә дәстпекьрьн (бе аликʹарийа Муса) у бона щьмәʹта Исраеле хьзмәтийа кʹәԝандьне анинә сери. Кʹәԝандьн лазьм бу нә тʹәне бона гӧнәкʹарийа ԝан, ле ӧса жи бона нәгӧһдарийе, кӧ ԝана голька зерʹин чекьр у дьле Йаһоԝа ешанд (Ԛн.Кʹһ. 9:1-7; Дркʹ. 32:1-10). Хьлазийа хьзмәткьрьна пешьн йа кʹаһинед тʹәзә кʹьфшкьри, Йаһоԝа агьр шандә сәр горигәһе у да кʹьфше, ԝәки хьзмәтийа ԝанә кʹаһинтийе ԛәбул у дәстур кьр. Бешьк әԝ агьр жь стуна әʹԝьр һатә харе, кʹижан кӧ сәр коне пирозрʹа бу. Әԝи агьри ԛӧрбана сәр горигәһе бь тʹәмами шәԝьтанд (Ԛн.Кʹһ. 9:23, 24).
(Ԛануна Кʹаһинтийе 9:23, 24) Муса у Һарун кʹәтьнә Коне Щьвине у жь ԝьр дәркʹәтьн дӧа ль щьмәʹте кьрьн. Рʹумәта Хӧдан тʹәмамийа щьмәʹтева хӧйа бу. 24 Һьнге жь Хӧдан агьр дәркʹәт, дийарийа тʹәвайишәԝате у бәзе ль сәр горигәһе шәԝьтанд, щьмәʹте кӧ әв йәк дит шабуна кьрә ԛарʹин у дәвәрʹуйа кʹәтьн.
ԝ19.11 23 ¶13
Әм жь Кʹьтеба Ԛануна Кʹаһинтийе Чь Дәрса Дькарьн Һин бьн?
13 Дәрса чара: Йаһоԝа щьмәʹта хԝә кʹәрәм дькә. Дина хԝә бьдьне чь ԛәԝьми сала 1512 Б.Д.М., чахе кон һатә вәгьртьне бьн пʹала Чʹийайе Синайе (Дәркʹ. 40:17). Чахе Һарун у кӧрʹед ԝи ча кʹаһин һатьнә кʹьфшкьрьне, әв дәрәщә Муса дәрбаз дькьр. Щьмәʹта Исраел тʹәвайи тʹоп бун, сәва бьвиньн әԝ кʹаһин ԝе ча ԛӧрбанед хԝәйә пешьн бьдьн (Ԛан. Кʹаһ. 9:1-5). Йаһоԝа ча да кʹьфше, ԝәки кʹома кʹаһинед тʹәзә ԛәбул кьр? Чахе Һарун у Муса дӧа ль щьмәʹте кьрьн, Йаһоԝа жорда агьр баранд у бь тʹәмами әԝ ԛӧрбана сәр горигәһе шәԝьтанд. (Бьхунә Ԛануна Кʹаһинтийе 9:23, 24.)
Хьзна Кʹьтеба Пироз Бьгәрʹьн
(Ԛануна Кʹаһинтийе 8:6) Муса Һарун у кӧрʹава анинә незик у әԝ пе аве шуштьн.
ԝ14 15/11 9 ¶6
Әм Чьма Гәрәке Пироз бьн
6 Кʹаһинед Исраели гәрәке тʹәмьзайа физики хԝәйи кьрана. Иро жи әв бона хьзмәткʹаред Йаһоԝа гәләк фәрз ә. Әԝ мәрьвед кӧ әм тʹәви ԝан һинкьрьна Кʹьтеба Пироз дәрбаз дькьн, дина хԝә дьдьне, ԝәки щийе һʹәбандьна мә чьԛас тʹәмьз ә у әм ча бь маԛули кʹьнща ль хԝә дькьн. Тʹәмьзайа кʹаһина али мә дькә кӧ фәʹм бькьн, ԝәки әԝед кӧ һьлдькʹьшьн ль сәр чʹийайе Йаһоԝайи бьльнд, гәрәке дьле хԝә тʹәмьз хԝәйи кьн (Бьхунә Зәбур 24:3, 4; Иша. 2:2, 3.) Һʹәбандьна мә Хԝәдерʹа гәрәке тʹәмьз бә, демәк фькьр, дьл у бәдәна мә гәрәке тʹәмьз бьн. Ләма жи ԝе баш бә тʹьме хԝә бьщерʹьбиньн у бенә гӧһастьне, сәва кӧ пироз бьн (2 Корн. 13:5). Мәсәлә, һәрге Мәсиһийе ньхӧманди порнографийайе дьньһерʹә, әԝ гәрәке пьрсе бьдә хԝә: «Әз пирозийе хԝәйи дькьм?» Паше әв гәрәке аликʹарийе бьхԝазә у тʹәрка ԝи хәйсәте мьрʹдарʹ бькә (Аԛуб 5:14).
(Ԛануна Кʹаһинтийе 8:14-17) У щанәге дийарийа паԛьжбуне ани, Һарун у кӧрʹед ԝи дәстед хԝә данинә ль сәр сәре щанәге дийарийа паԛьжбуне. 15 Муса әԝ сәржекьр, тʹьлийа хԝә хунеда кьр у ль стьруйед һәр алийед горигәһе хьст, горигәһ паԛьж кьр у хуна майи рʹетә жера горигәһе, әԝ пироз кьр бона кʹәԝандьне ль сәр ԝе бькә. 16 У һʹәму бәзе навдьл, бәтане щәгәре, һәр дӧ гӧрʹчʹька бәзе ԝанва Муса һьлда у ль сәр горигәһе шәԝьтанд. 17 Ле тьште жь щанәга майи: Чʹәрме ԝи, гошт әʹдәбева жь зоме дәр ль сәр егьр шәԝьтанд, чаԝа кӧ Хӧдан тʹәми дабу Муса.
it-2 437 ¶3
Муса
Хԝәде Муса кʹьфш кьрьбу ча ортʹәчийе пәймана Ԛануне тʹәви Исраеле. Кʹьфшкьрьна ӧса бьльнд тʹәне Муса у Иса Мәсиһ кӧ бу Ортʹәчийе пәймана ну, стандьбун. Муса хуна һʹәйԝанед ԛӧрбанкьри, сәр кʹьтеба пәймане рʹәшанд. Әве кʹьтебе аликива дьда кʹьфше Йаһоԝа, у алийе дьнва жи щьмәʹт (кʹьфш ә әв рʹуспийе щьмәʹте бун). Муса кʹьтеба пәймане щьмәʹтерʹа хԝәнд, щьмәʹте жи щаба хԝә да у гот: «Һʹәму хәбәред кӧ Хӧдан готийә, әме бькьн!» (Дркʹ. 24:3-8; Ибр. 9:19). Муса ча ортʹәчи, бь ньмуше кӧ Хԝәде дабу, рʹебәрийа авакьрьна коне пироз у тьштед ԝе дькьр. Хенщи ԝе йәке Муса кʹаһинти кʹьфш кьр, коне пироз тʹәсмил кьр, у Һарун бь рʹуне хальс ча сәрәккʹаһин кʹьфш кьр. Муса ӧса жи рʹебәрийа щәжьна әʹԝльн дькьр, кʹижан кӧ кʹаһинед тʹәзә кʹьфшкьри, дәрбаз дькьрьн (Дркʹ. сәре 25-29; Ԛн. Кʹһ. сәре 8, 9).
Хԝәндьна Кʹьтеба Пироз
(Ԛануна Кʹаһинтийе 8:31–9:7) Муса готә Һарун у кӧрʹед ԝи: «Гошт ль бәр дәре Коне Щьвине бькʹәлиньн у ль ԝьр пе нане жь сәла дийарийа ԛәԝин-ԛәдимкьрьне бьхԝьн, чаԝа ль мьн һатә әʹмьркьрьн у готьн кӧ тʹәне гәрәке Һарун у кӧрʹава бьхԝьн. 32 У әԝ гошт у нане бәрмайи ль сәр егьр бьшәԝьтиньн. 33 Һʹәфт рʹожа жь дәре Коне Щьвине дәрнәкʹәвьн, һʹәта кӧ рʹожед ԛәԝин-ԛәдимкьрьна ԝә тʹәмам нәбьн, чьмки ԛәԝин-ԛәдимкьрьна ԝәйе һʹәфт рʹожа бькʹьшинә. 34 Хӧдан әʹмьр кьр аһа бькьн, чаԝа кӧ иро бона кʹәԝандьна ԝә һатә дәрбазкьрьне. 35 Аԝа һʹәфт рʹожа, шәв у рʹож гәрәке һун ль бәр дәре Коне Щьвине рʹунед у нобәдарийа Хӧдан бькьн кӧ һун нәмьрьн, чьмки аһа ль мьн һатийә әʹмьркьрьне». 36 Һарун у кӧрʹава һәр тьшт ӧса кьрьн, чаԝа кӧ Хӧдан бь дәсте Муса әʹмьр кьрьбу.
9 Рʹожа һʹәйшта Муса гази Һарун кӧрʹава у рʹуспийед Исраел кьр, 2 готә Һарун: «Хԝәрʹа жь гарʹане бона дийарийа паԛьжбуне тәʹнәки беԛӧсур һьлдә у бәранәки беԛӧсур жи бона дийарийа тʹәвайишәԝате у ван бинә ль бәр Хӧдан. 3 Тʹәви зарʹед Исраел хәбәр дә у бежә: ‹Нерики жь бьзьна бона дийарийа паԛьжбуне һьлдьн, тәʹнә у бәрхе йәксалийә беԛӧсур жи бона дийарийа тʹәвайишәԝате, 4 ӧса жи щанәга у бәранәк жи чаԝа дийарийа һәләԛәтийе ль бәр Хӧдан бе дайине у дийарийа нанийә рʹунда стьрайи, чьмки иро Хӧдане ԝәва хӧйа бә›». 5 Әԝ тьште кӧ Муса әʹмьр ль ԝан кьр, һьлдан анинә ль бәр дәре Коне Щьвине у тʹәмамийа щьвине һат ль бәр Хӧдан сәкьни. 6 Муса гот: «Ва чь кӧ Хӧдан әʹмьр кьр кӧ бькьн ԝәки рʹумәта Хӧдан ԝәва хӧйа бә». 7 Муса готә Һарун: «Незики горигәһе бә у дийарийа хԝәйә паԛьжбуне у дийарийа хԝәйә тʹәвайишәԝате бьдә, бона хԝә у щьмәʹте кʹәԝандьне бькә, дийарийед жь щьмәʹте бьдә у бона ԝан кʹәԝандьне бькә, чаԝа кӧ Хӧдан әʹмьр кьр».