Кани бона «Бәрнама Щьвине, Бьжин у Хьзмәт кьн»
7-13 КАНУНА ПЕШЬН
ФЬКЬРЕД ԚИМӘТ ЖЬ ХӘБӘРА ХԜӘДЕ | ԚАНУНА КʹАҺИНТИЙЕ 10-11
«Һʹьзкьрьна Һьндава Йаһоԝа жь йа Һьндава Малбәте Ԛәԝитьр ә»
(Ԛануна Кʹаһинтийе 10:1, 2) Кӧрʹед Һарун, Надаб у Абиһу һәр йәки агьрданга хԝә һьлда, агьр кьрьне, бьхур кьрьнә сәр у ль бәр Хӧдан шаш агьр дан, кӧ әв нә ль гора ԛьрара Хӧдан бу. 2 У жь Хӧдан агьр дәркʹәт, ԝан хьст у әԝ ль бәр Хӧдан мьрьн.
it-1 1174
Агьре Шаш
Агьре Шаш у Бьхур. Ԛануна Кʹаһинти 10:1-да, хәбәра Ибранийә «зар» (кӧ жьнани те готьне «зараһ», чь кӧ те һʹәсабе «хәриб»), һатийә хәбьтандьне ԝе дәрәщеда, чахе кӧрʹе Һарун, Надаб у Абиһу «нә ль гора ԛьрара Хӧдан» агьр бәр Ԝи дан, у Йаһоԝа бь агьр ԛьрʹа ԝан ани (Ԛн.Кʹһ. 10:2; Жм. 3:4; 26:61). Паше, Йаһоԝа готә Һарун: «Гава тӧ йан кӧрʹед тә бькʹәвьнә Коне Щьвине, шәраб-араԛе вәнәхԝьн кӧ нәмьрьн. Нава ньсьлед ԝәда әв йәк ԛәйдә-ԛануна һʹәта-һʹәтайе бә, ԝәки фьрԛийа пироз у нәпироз йан паԛьж у нәпаԛьж жь һәв дәрхьн у ԝан һʹәму ԛәйдә-ԛануна ль зарʹед Исраел һин кьн, кʹижанед кӧ Хӧдан бь дәсте Муса әʹмьр ль ԝан кьрийә» (Ԛн.Кʹһ. 10:8-11). Ча те кʹьфше, Надаб у Абиһу сәрхԝәш бун, ләма жи ԝана изьн да хԝә, нә ль гора ԛьрара Йаһоԝа бь агьр ль бәр ԝи бьсәкьньн. Дьԛәԝьмә әв агьр ләма дьһатә һʹәсабе шаш йане беԛануни, чьмки ԝәʹдә, щи у щурʹе дайине лайиԛ нибун. У дьбә кӧ хԝәха бьхур жи ӧса чекьри нибу, чаԝа кӧ Дәркʹәтьн 30:34-35-да те дәʹԝакьрьне. Әԝ йәк кӧ Надаб у Абиһу жь бо сәрхԝәшбуне гӧнә кьрьн, ԝана һәԛ дәрнәхьст.
(Ԛануна Кʹаһинтийе 10:4, 5) Һьнге Муса гази Мишаел у Әлсафане кӧрʹед Узиеле апе Һарун кьрьн у готә ԝан: «Һәрʹьн бьрайед хԝә жь бәр пирозгәһе һьлдьн бьбьн жь зоме дәрхьн». 5 Әԝ чун, чаԝа кӧ Муса готьбу әԝана кьрасед ԝанва жь зоме дәрхьстьн.
(Ԛануна Кʹаһинтийе 10:6, 7) Муса готә Һарун у кӧрʹед ԝи Елазар у Итʹамар: «Пʹорʹе сәре хԝә сәр хԝәда нәйньн у кʹьнще хԝә нәԛәлешьн, ԝәки нәмьрьн у хәзәба Хӧдан нәйе сәре тʹәмамийа щьвине. Ле бьра бьрайед ԝә, ӧса жи тʹәмамийа мала Исраел ль сәр ԝан бьгьрин, кʹижан кӧ Хӧдан шәԝьтандьн. 7 Һун жь дәре Коне Щьвине дәрнәкʹәвьн кӧ нәмьрьн, чьмки рʹуне Хӧдани рʹункьрьне ль сәр ԝә йә». Ԝана жи анәгори готьна Муса кьр.
ԝ11 15/7 31 ¶16
Гәло Һун Кʹәтьнә Рʹьһʹәтийа Хԝәде?
16 Һаруне бьре Муса, рʹасти чәтьнайикә мәзьн һат гава кӧрʹед ԝи Надаб у Абиһу бь агьре беԛануни бәр Йаһоԝа сәкьнин у Йаһоԝа әԝана кӧшт ьн. Бьдьнә бәр чʹәʹве хԝә Һарун чь һʹалида бу! Һәмьки мьрьне дәсте Һарун жь кӧрʹа ԛәтанд. Ле нә тʹәне әв. Йаһоԝа тʹәми да Һарун у кӧрʹед ԝийи амьн: «Пʹорʹе сәре хԝә сәр хԝәда нәйньн у кʹьнще хԝә нәԛәлешьн [бона шине], ԝәки нәмьрьн у хәзәба [Йаһоԝа] нәйе сәре тʹәмамийа щьвине» (Ԛн.Кʹһ. 10:1-6). Жь ԝе дәрәще әм һин дьбьн, кӧ һʹьзкьрьна мә һьндава Йаһоԝа гәрәке жь йа һьндава нәфәред мәйи нәамьн, зедәтьр бә.
Хьзна Кʹьтеба Пироз Бьгәрʹьн
(Ԛануна Кʹаһинтийе 10:8-11) Хӧдан Һарунрʹа хәбәрда у гот: 9 «Гава тӧ йан кӧрʹед тә бькʹәвьнә Коне Щьвине, шәраб-араԛе вәнәхԝьн кӧ нәмьрьн. Нава ньсьлед ԝәда әв йәк ԛәйдә-ԛануна һʹәта-һʹәтайе бә, 10 ԝәки фьрԛийа пироз у нәпироз йан паԛьж у нәпаԛьж жь һәв дәрхьн 11 у ԝан һʹәму ԛәйдә-ԛануна ль зарʹед Исраел һин кьн, кʹижанед кӧ Хӧдан бь дәсте Муса әʹмьр ль ԝан кьрийә».
ԝ14 15/11 17 ¶18
Әм Гәрәке Һʹәму Алийава Пироз бьн
18 Сәва кӧ пироз бьн әм гәрәке Хәбәра Хԝәде кʹур леколин бькьн у ԛьрара ԝи биньн сери. Ԝәрә шеԝьр кьн мәсәла Надаб у Абиһу кӧрʹед Һарун, йед кӧ дьԛәԝьмә жь бо сәрхԝәшийе нә ль гора ԛьрара Хԝәде агьр дан у һатьн кӧштьне (Ԛан. Кʹаһ. 10:1, 2). Дина хԝә бьдьне Хԝәде чь готә Һарун (Бьхунә Ԛануна Кʹаһинтийе 10:8-11.) Гәло әв сәрһати дьдә кʹьфше кӧ изьн тʹӧнә пешийа щьвате һьнә ичʹкә вәхԝьн? Әм бьн Ԛануна Мусада ниньн (Рʹом. 10:4). Һьнә ԝәлатада хушк-бьред мә рʹожа щьвате ԝәʹде нанхԝарьне һʹәԝәк ичʹкә вәдьхԝьн. Бәре ԝәʹде Щәжьна Дәрбазбуне чар кʹас шәрав дьданә хәбате. Чахе Иса Евара Биранине саз кьр, әԝи кʹасә шәрав да дәсте шагьртед хԝә, чь кӧ бь симболик хуна ԝи дьһатә һʹәсабе (Мәт. 26:27). Кʹьтеба Пироз ԛәдәхә дькә сәрхԝәшийе у гәләк ичʹкәвәхԝарьне (1 Корн. 6:10; 1 Тимтʹ. 3:8). Исафа гәләк Мәсиһийа изьне надә ԝан, ԝәки пешийа щьвате йан жи пешийа шьхӧлед рʹӧһʹанийә дьн, һәма һʹәԝәк жи ичʹке вәхԝьн. Рʹаст ә дәрәщә у ԛәйдед ԝәлата жь һәв щӧдә дьбьн, ле диса жи бона Мәсиһийа йа лапә фәрз әԝ ә, кӧ бькарьбьн «фьрԛийа пироз у нәпироз . . . жь һәв дәрхьн», ԝәки рʹабун-рʹуньштьна пироз хԝәйи кьн у дьле Хԝәде ша кьн.
(Ԛануна Кʹаһинтийе 11:8) Гоште ԝан нәхԝьн, щәндәкед ԝан нәкʹәвьн, әԝ бона ԝә нә һʹәлал бьн.
it-1 111 ¶5
Һʹәйԝан
Әв ԛәдәхәкьрьн тʹәне бона ԝан мәрийа бу, кʹижан кӧ бьн Ԛануна Мусада бун. Демәк әв гьли жь Ԛануна Кʹаһинтийе 11:8: «Әԝ бона ԝә нә һʹәлал бьн», тʹәне бона Исраелийа бу. Чахе Иса Мәсиһ әʹмьре хԝә бәрва да, әв Ԛанун һатә һьлдане. Ле ԛәдәхәкьрьнәк бона һʹәму мәрийа ԛәԝатеда ма, кʹижан кӧ паши Селаве Нӧһрʹа һатьбу дайине (Кл. 2:13-17; Дсп. 9:3, 4).
Хԝәндьна Кʹьтеба Пироз
(Ԛануна Кʹаһинтийе 10:1-15) Кӧрʹед Һарун, Надаб у Абиһу һәр йәки агьрданга хԝә һьлда, агьр кьрьне, бьхур кьрьнә сәр у ль бәр Хӧдан шаш агьр дан, кӧ әв нә ль гора ԛьрара Хӧдан бу. 2 У жь Хӧдан агьр дәркʹәт, ԝан хьст у әԝ ль бәр Хӧдан мьрьн. 3 Ԝи чахи Муса готә Һарун: «Ай бона чь Хӧдан хәбәрда у гот: ‹Әзе нава йед незики мьн дьбьн пироз бьм у ль бәр тʹәмамийа щьмәʹте бемә пәсьндайине›». Һарун хԝә кәрʹ кьр. 4 Һьнге Муса гази Мишаел у Әлсафане кӧрʹед Узиеле апе Һарун кьрьн у готә ԝан: «Һәрʹьн бьрайед хԝә жь бәр пирозгәһе һьлдьн бьбьн жь зоме дәрхьн». 5 Әԝ чун, чаԝа кӧ Муса готьбу әԝана кьрасед ԝанва жь зоме дәрхьстьн. 6 Муса готә Һарун у кӧрʹед ԝи Елазар у Итʹамар: «Пʹорʹе сәре хԝә сәр хԝәда нәйньн у кʹьнще хԝә нәԛәлешьн, ԝәки нәмьрьн у хәзәба Хӧдан нәйе сәре тʹәмамийа щьвине. Ле бьра бьрайед ԝә, ӧса жи тʹәмамийа мала Исраел ль сәр ԝан бьгьрин, кʹижан кӧ Хӧдан шәԝьтандьн. 7 Һун жь дәре Коне Щьвине дәрнәкʹәвьн кӧ нәмьрьн, чьмки рʹуне Хӧдани рʹункьрьне ль сәр ԝә йә». Ԝана жи анәгори готьна Муса кьр. 8 Хӧдан Һарунрʹа хәбәрда у гот: 9 «Гава тӧ йан кӧрʹед тә бькʹәвьнә Коне Щьвине, шәраб-араԛе вәнәхԝьн кӧ нәмьрьн. Нава ньсьлед ԝәда әв йәк ԛәйдә-ԛануна һʹәта-һʹәтайе бә, 10 ԝәки фьрԛийа пироз у нәпироз йан паԛьж у нәпаԛьж жь һәв дәрхьн 11 у ԝан һʹәму ԛәйдә-ԛануна ль зарʹед Исраел һин кьн, кʹижанед кӧ Хӧдан бь дәсте Муса әʹмьр ль ԝан кьрийә». 12 Муса готә Һарун у кӧрʹед ԝийә майи, Елазар у Итʹамар: «Жь дийарийед шәԝатейә Хӧданрʹа дайи, дийарийа нани һьлдьн у һьнда горигәһе бе һәвиртьрʹшк бьхԝьн. Чьмки әва йа һәрә пироз ә. 13 Әԝи ль щийе пироз бьхԝьн, әва пʹара тә у пʹара кӧрʹед тә йә, жь дийарийед шәԝатейә Хӧданрʹа дайи, чьмки мьнрʹа аһа һатийә әʹмьр кьрьне. 14 Сәрсинге дийарийа һʹәжандьне у пиле дийарийа бәрбьрʹикьрьне тӧ щики ль паԛьж тʹәви кӧрʹ у ԛизед хԝә бьхԝә. Чьмки әвана жь ԛӧрбанед дийарийед һәләԛәтийе нә, алийе зарʹед Исраелда дайи, әԝ пʹара тә у кӧрʹед тә нә. 15 Пиле дийарийа бәрбьрʹикьрьне у сәрсинге дийарийа һʹәжандьне тʹәви бәзе дийарийа шәԝате бьра биньн ль бәр Хӧдан бьһʹәжиньн, чаԝа дийарийа һʹәжандьне. У бьра әва бь ԛәйдә-ԛануна һʹәта-һʹәтайе пʹара тә у кӧрʹед тә бә, чаԝа кӧ Хӧдан әʹмьр кьр».
14-20 КАНУНА ПЕШЬН
ФЬКЬРЕД ԚИМӘТ ЖЬ ХӘБӘРА ХԜӘДЕ | ԚАНУНА КʹАҺИНТИЙЕ 12-13
«Дәрсед жь Ԛанунед Дәрһәԛа Кʹотибуне»
(Ԛануна Кʹаһинтийе 13:4, 5) Ле һәгәр рʹишийе чʹәрме бәдәна ԝи сьпи йә, ле чʹәрмда кʹур нәчуйә у пʹьрʹчʹ жи сьпи нәбуйә, һьнге бьра кʹаһин һʹәфт рʹожа йе хԝәйипʹьзьк башԛә кә. 5 У рʹожа һʹәфта кʹаһин бьра дина хԝә бьдә ԝи, һәгәр пʹьзьк мина хԝә майә у ль сәр чʹәрм бәла нәбуйә, һьнге кʹаһин бьра щара дӧда жи ԝи башԛә кә.
wp18.1 7
Кәвьн ә Йан Ахьрийе Әʹйан Дькә?
• Башԛәкьрьна мәрьвед нәхԝәш.
Ԛануна Муса шьровәдькьр ԝәки мәрьвед бь кʹотибуне нәхԝәш, гәрәке жь йед дьнена бьһатана башԛәкьрьне. Тʹәне дь ԛьрʹна 14 у 15-да һʹәким дәстпекьрьн һин бьн әве принсипе бьдьнә хәбате, чь кӧ керһати дәркʹәт (Ԛануна Кʹаһинтийе сәре 13 у 14).
(Ԛануна Кʹаһинтийе 13:45, 46) Әԝи хԝәйипʹьзька кʹоти гәрәке кʹьнщед ԝи пʹьзьни бьн, пʹорʹе сери сәрда һати у дәве ԝи ньхамти бә: ‹Нә паԛьж ьм! Нә паԛьж ьм!› бькә гази. 46 Һʹәта кӧ пʹьзьк сәр ԝи һәбә әԝ нәпаԛьж бе һʹәсабе. Әԝ нә паԛьж ә, әԝ тʹәне гәрәке бьминә у щийе майина ԝи жь зоме дәр бә.
Ԝә Заньбу?
Щьһуйед бәре гәләк дьтьрсийан жь ԝан мәрийа, йед кӧ бь кʹотибуне нәхԝәш бун. Әв нәхԝәшийа хоф, дькарьбу һьм нервед мәрийа зәфт кьра, һьм жи ԝана зийан у әʹләԝат бькьра. Тʹӧ ԛәнщкьрьна нәхԝәшийа кʹотибуне, тʹӧнә бу. Сәва кӧ мәрьвед дьн жь ԝана нәхԝәш нәкʹәвьн, мәрьвед кʹоти борщдар бун ԝәки йед дьненарʹа дәрһәԛа нәхԝәшийа хԝә әʹлам кьн, у хԝә жь ԝана дур бьгьрьн (Ԛануна Кʹаһинтийе 13:45, 46).
(Ԛануна Кʹаһинтийе 13:52) Әԝ гәрәке ԝи кʹьнщи, йан пʹарчʹә, йан тьштәки һунанди жь һьрийе йан кʹьтан чекьри, йан тьштәки кӧ жь чʹәрм чекьри бә, ль сәр кʹижани әва ләкʹа һәбә бьшәԝьтинә, чьмки әва кʹәфькайа жь һәвһьлдане йә, гәрәке әԝ сәр агьр бе шәԝьтандьне.
(Ԛануна Кʹаһинтийе 13:57) Ле ԝәки әԝ диса ль сәр ԝи кʹьнщи, йан пʹарчʹәйи, йан тьштәки һунанди, йан тьштәки жь чʹәрм чекьри кʹьфш бә, әва кʹәфька жь һәвһьлдане йә, ԝи тьште ләкʹә сәр бьшәԝьтинә.
it-2 238 ¶3
Кʹәфьк
Кʹәфькийа сәр кʹьнща у мала. Щарна кʹьнщед һьри, кʹьтан у тьштед жь чʹәрм чекьри кʹәфьки дьбун. Ԛанунеда дьһатә готьне, ԝәки тьштед ӧса гәрәке жь хԝә дур хьн. Щарна кʹәфьк паши шуштьне ӧнда дьбу. Ле һәрге сәр кʹьнща ләкʹә рʹәнге зәр, кʹәск йан сор дьма, әв кʹәфьки йа жь һәвһьлдане бу у әв тьшт гәрәке бьшәԝьтандана (Ԛн.Кʹһ. 13:47-59). Һәрге кʹәфьки кʹур бькʹәта диԝаре мале, һьм жи рʹәнге кʹәске зәр йан сор буйа, һьнге кʹаһин гәрәке дәре ԝе мале кʹьлит кьра. Кәвьред кӧ кʹәфьк гьртьбун, гәрәке бьһатана дәрхьстьне у диԝар һьндӧрʹва бьһатана тʹәрьшандьне. Кәвьред ве мале гәрәке жь шәһәр дәрхьстана у бавитана щийе нәтʹәмьз. Чахе кʹәфьке диса хԝә давитә диԝаред мале, һьнге әʹлам дькьрьн кӧ әв мал нәпаԛьж ә у һьлдьшандьн, кәвьр-кочʹькед ԝе жи дьбьрьнә ль щийе нәтʹәмьз. Ле гава әʹлам дькьрьн кӧ мал паԛьж ә, һьнге ль гора рʹебәрийе мал паԛьж дькьрьн (Ԛн.Кʹһ. 14:33-57). Һьнәк мәрьв дьбежьн, ԝәки әв кʹәфьк кʹижан кӧ хԝә давитә кʹьнща у мала, щурʹе нәхԝәшийа кари бу, ле диса жи нькарьн дәрһәԛа ве йәке сәд сәләфи бежьн.
Хьзна Кʹьтеба Пироз Бьгәрʹьн
(Ԛануна Кʹаһинтийе 12:2) «Тʹәви зарʹед Исраел хәбәр дә у бежә ԝан: ‹Һәгәр кʹӧлфәт пе бьминә кӧрʹәки бинә, һьнге әԝ һʹәфт рʹожа нәпаԛьж бә, ԝәкә ԝан рʹожед кӧ әԝ әʹдәте нәхԝәшийа кʹӧлфәтеда йә, әԝ нәпаԛьж бә.
(Ԛануна Кʹаһинтийе 12:5) Ле һәгәр ԛизәке бинә, дӧ һʹәфтийа нәпаԛьж бә ԝәкә әʹдәте нәхԝәшийа хԝә, шест шәш рʹожа хԝә хԝәйи кә һʹәта жь хуна хԝә паԛьж бә.
ԝ04 15/5 23 ¶2
Фькьред Сәрәкә жь Кʹьтеба Ԛануна Кʹаһинтийе
12:2, 5: Чьма жьн паши зарʹанине «нәпаԛьж» дьһатә һʹәсабе? Органед щьнси ӧса һатьбун чекьрьне, ԝәки зарʹед беԛьсур дьне кʹәтана. Ле жь бо гӧнәкʹарийе, кʹижан кӧ дәрбази сәр мә бу, зӧрʹәта ԛьсур у гӧнәкʹар пешда һат. Нәпаԛьжбунед ԝәʹдәлу мәсәлә йед жь бо зарʹанине, кьраса у рʹетьна мәйайе, дькьрә бира Исраелийа, ԝәки әԝана гӧнәкʹар ьн (Ԛануна Кʹаһинтийе 15:16-24; Зәбур 51:5; Рʹомайи 5:12). Дәʹԝакьрьнед паԛьжбунева гьредайи али Исраелийа дькьрьн, кӧ фәʹм бькьн ԝәки әԝана һʹәԝще кʹьрʹине нә, кʹижан кӧ ԝана жь гӧнәкʹарийе аза кә у вәгәрʹинә кʹамьлийе. Ӧса Ԛанун бу «тʹәрбәтдаре . . . бәрбьрʹи Мәсиһ» (Галати 3:24).
(Ԛануна Кʹаһинтийе 12:3) У рʹожа һʹәйшта кӧрʹьк бе сьнәткьрьне.
wp18.1 7
Кәвьн ә Йан Ахьрийе Әʹйан Дькә?
• Ԝәʹде сьнәткьрьне.
Дь ԛануна Хԝәдеда дьһатә готьне, ԝәки гәде вьрʹни гәрәке ль рʹожа һʹәйшта бьһата сьнәткьрьне (Ԛануна Кʹаһинтийе 12:3). Щәм зарʹед вьрʹни, бь нормал паши һʹәфтийа пешьн, хун дәстпедькә тир бә. Ләма жи ԝәʹде бәре, тьштәкә бехоф у баш бу, һәрге мәрьв һʹәфтек зедәтьр һивийе бун у паше зарʹед хԝә сьнәт дькьрьн.
Хԝәндьна Кʹьтеба Пироз
(Ԛануна Кʹаһинтийе 13:9-28) Һәгәр ль сәр йәки пʹьзька кʹоти һәбә, гәрәке ԝи бьбьнә щәм кʹаһин. 10 Бьра кʹаһин дина хԝә бьде, һәгәр гьлейа сәр чʹәрм сьпи йә у пʹьрʹчʹа сәр жи сьпи буйә, гьледа жи гоште сахләм һәйә, 11 әва кʹотибуна кәвьн ә ль сәр чʹәрме бәдана ԝи майә, бьра кʹаһин ԝи нәпаԛьж әʹлам кә у ԝи башԛә кә, чьмки әԝ нәпаԛьж ә. 12 У һәгәр кʹотибун ль чʹәрм бәла буйә у тʹәмамийа чʹәрме нәхԝәш жь сери һʹәта ньга, аԝа готи ль ԝан щийед кӧ чʹәʹве кʹаһин дьбинә кʹотибуне һьлда йә, 13 кʹаһин гава бьбинә ԝәки кʹотибуне тәмамийа бәдәна ԝи гьртийә, һьнге әԝ йе нәхԝәш паԛьж әʹлам кә, чьмки тʹәмамийа хԝәва сьпи буйә, әԝ паԛьж ә. 14 Ле гава сәр бәдәна ԝи гоште сахләм кʹьфш бә, әԝ нәпаԛьж бә. 15 Кʹаһин гоште сахләм кӧ бьбинә ԝи мәрьви нәпаԛьж әʹлам кә. Гоште сахләм нәпаԛьж ә, әԝ кʹотибун ә. 16 Ле һәгәр гоште сахләм диса бе гӧһарʹтьне сьпи бә, һьнге әԝ мәрьв гәрәке бе щәм кʹаһин. 17 У кʹаһин бьра дина хԝә бьдә ԝи, һәгәр пʹьзька ԝи сьпи буйә, һьнге кʹаһин бьра әԝи хԝәйипʹьзьк паԛьж әʹлам кә, әԝ паԛьж ә. 18 Һәгәр сәр чʹәрме йәки бьдә дәр у пʹак бә, 19 пәйрʹа дәԝса дәрбуне гьлейа сьпи, йан рʹишийа сорә-сьпи бьминә, гәрәке әԝ хԝә нишани кʹаһин кә. 20 Кʹаһин кӧ дина хԝә бьде, ԝәки рʹиши чʹәрмда кʹур чуйә у пʹьрʹчʹа сәр жи сьпи буйә, кʹаһин ԝи нәпаԛьж әʹлам кә. Әва пʹьзька кʹоти йә жь дәрбуне бәла буйә. 21 Ле һәгәр кʹаһин дина хԝә бьде ԝәки пʹьрʹчʹа сәр нә сьпи йә у чʹәрмда жи кʹур нәчуйә ле ԛарийа йә, һьнге кʹаһин бьра ԝи һʹәфт рʹожа башԛә кә. 22 У һәгәр әԝ рʹиши ль чʹәрм бәла бә, һьнге бьра кʹаһин нәпаԛьжийа ԝи әʹлам кә, әва пʹьзька кʹоти йә. 23 Ле һәгәр рʹиши щийе хԝәда бьминә у бәла нәбә, әва дәхмә йә дайә дәр, кʹаһин бьра ԝи паԛьж әʹлам кә. 24 Йан һәгәр чʹәрме бәдәна йәки бьшәԝьтә у дәԝса дәхма шәԝате рʹишийа сорә-сьпи йан хӧрʹу сьпи ле бьдә дәр, 25 кʹаһин бьра дина хԝә бьде, һәгәр пʹьрʹчʹа ль сәр рʹишийе рʹәнге хԝә гӧһастийә сьпи буйә у чʹәрмда жи кʹур чуйә, әва иди кʹотибун ә жь шәԝате пешда һатийә. Бьра кʹаһин ԝи нәпаԛьж әʹлам кә, әва пʹьзька кʹоти йә. 26 Ле һәгәр кʹаһин дина хԝә бьде, ԝәки пʹьрʹчʹа ль сәр рʹишийе сьпи нәбуйә у чʹәрмда кʹур нәчуйә, ле һьнәки ԛарийа йә, һьнге кʹаһин ԝи һʹәфт рʹожа башԛә кә. 27 Рʹожа һʹәфта кʹаһин дина хԝә бьде, һәгәр әԝа ль чʹәрм бәла буйә, һьнге кʹаһин ԝи нәпаԛьж әʹлам кә, әва пʹьзька кʹоти йә. 28 Ле һәгәр рʹиши дь щийе хԝәда майә у ль чʹәрм бәла нәбуйә, һьнәки ԛарийа йә, әва гьлейа шәԝате йә. Кʹаһин бьра ԝи паԛьж әʹлам кә, чьмки әва һәԝа шәԝате йә.
21-27 КАНУНА ПЕШЬН
ФЬКЬРЕД ԚИМӘТ ЖЬ ХӘБӘРА ХԜӘДЕ | ԚАНУНА КʹАҺИНТИЙЕ 14-15
«Бона Һʹәбандьна Рʹаст Тʹәмзайи Те Дәʹԝакьрьне»
(Ԛануна Кʹаһинтийе 15:13-15) Ле гава гәмаржечуйи жь гәмаре хьлаз бә, әԝ гәрәке бона паԛьжбуна хԝә һʹәфт рʹожа хԝәрʹа бьжмьрә, кʹьнщед хԝә бьшо у бәдәна хԝә жи пе ава чʹәʹвканийе бьшо у ԝе бьбә паԛьж. 14 У рʹожа һʹәйшта әԝ гәрәке бона хԝә дӧ фатьмока йан жи дӧ щущукед кәԝа һьлдә ль бәр Хӧдан бәр дәре Коне Щьвине бьсәкьнә у вана бьдә кʹаһин. 15 Кʹаһин жь ван йәке бькә дийарийа паԛьжбуне, йәке жи бькә дийарийа тʹәвайишәԝате у кʹаһин бона гәмаржечуйина ԝи кʹәԝандьне бькә ль бәр Хӧдан.
it-1 263
Сәршуштьн
Исраеледа жь бо щурʹә-щурʹә мәʹнийа сәршуштьна ль гора ԛануне дьһатә дәʹԝакьрьне. Әԝ мәрьв дьһатьнә һʹәсабе «нәпаԛьж», йед кӧ жь кʹотибуне ԛәнщ бьбун, йед кӧ дәстед хԝә дабунә тьштед мәрьве «гәмаржечуйи», мере кӧ тʹохьм же чубу, кʹӧлфәта кӧ крас ле һатьбу йан жи сәр хуне вәбьбу, у ӧса жи әԝед кӧ кʹәтьбун һәләԛәтийа сексуал. Әԝан һʹәмуйа гәрәке ль гора ԛануне сәре хԝә бьшуштана (Ԛн.Кʹһ. 14:8, 9; 15:4-27). Ӧса жи әԝед кӧ дькʹәтьне чадьра кӧ щьнийаз теда бу у әԝед кӧ дәсте хԝә дабун щьнийаз, «нәпаԛьж» дьһатьнә һʹәсабе у гәрәке бь ава паԛьжбуне сәре хԝә бьшуштана. Ле дәрһәԛа ԝан мәрьва йед кӧ нәдьхԝәстьн ль гора ԛнуне хԝә паԛьж кьн, ӧса дьһатә готьне: «Һәгәр йәк нә паԛьж бә у хԝә паԛьж нәкә әԝ кәса бьра жь нава щьвине бе ӧндакьрьне. Чьмки әԝ Пирозгәһа Хӧдан дьһʹәрʹьминә, ава паԛьжбуне нә һатә рʹәшандьне ль сәр ԝи әԝ нә паԛьж ә» (Жм. 19:20). Ләма жи фәʹмдари йә кӧ чьма сәршуштьн бь симболик те һʹәсабе ԛазанщкьрьна тʹәмьзайа ль Йаһоԝа ԛәбул (Зб. 26:6; 73:13; Иш. 1:16; Һз. 16:9). Хәбәра Йаһоԝа бәрамбәри аве дьбә, бь сайа кʹижани кӧ әм дькарьн хԝә тʹәмьз хԝәйи кьн (Әф. 5:26).
(Ԛануна Кʹаһинтийе 15:28-30) Ле гава әԝ жь гәмаре бе бьрʹине, һьнге гәрәке әԝа һʹәфт рʹожа хԝәрʹа һʹәсаб кә у паше паԛьж бе һʹәсабе. 29 Рʹожа һʹәйшта әва дӧ фатьмока йан жи дӧ щущукед кәԝа хԝәрʹа һьлдә у вана бинә щәм кʹаһин ль бәр дәре Коне Щьвине. 30 Кʹаһин йәке бькә дийарийа паԛьжбуне у йәке жи бькә дийарийа тʹәвайишәԝате, кʹаһин кʹәԝандьне ль бәр Хӧдан бькә бона паԛьжбуна жь гәмара ԝе.
it-2 372 ¶2
Кьрас
Һәрге кʹӧлфәтәк нә рʹожед кьрасһатьне сәр хуне вәдьбу, у әв йәк «гәләк рʹожа» дькʹьшанд, ԝан һʹәму рʹожа кʹӧлфәт нәпаԛьж дьһатә һʹәсабе. Ӧса жи һʹәму тьшт сәр кʹжани кӧ әԝ кʹӧлфәт вәдьләзийа у мәрьвед кӧ дәст дьданә ԝан тьшта, нәпаԛьж дьбун. Жь рʹожа хьлазбуна краса паши һʹәфт рʹожа кʹӧлфәт тʹәмьз дьһатә һʹәсабе. Рʹожа һʹәйшта әԝе дӧ фатьмок йан жи дӧ щущукед кәԝа дьани дьда кʹаһин. Кʹаһин кʹәԝандьна паԛьжбуне дәрбаз дькьр бь ве йәке, кӧ йәк дькьрә дийарийа паԛьжбуне у йәк жи дькьрә дийарийа тʹәвайишәԝате (Ԛн.Кһ. 15:19-30; бьньһерʹә ТʹӘМЬЗАЙИ).
(Ԛануна Кʹаһинтийе 15:31) Бь ви аԝайи зарʹед Исраел жь нәпаԛьжайа ԝан хԝәй кьн, ԝәки Коне мьни Шәʹдәтийейи нава хԝәда нәһʹәрʹьминьн, нава нәпаԛьжайа хԝәда нәмьрьн›».
it-1 1133
Щийе Пироз
2. Коне щьвине у паше пʹарьстгәһ. Авайи бь тʹәмами, һʹәԝша коне пироз у һʹәԝшед пʹарьстгәһе щийе пироз бун (Дркʹ. 38:24; 2 Др. 29:5; Кʹр.Шн. 21:28). Һʹәԝшеда тьштед лапи фәрз әԝ бун: Горигәһа кӧ ԛӧрбан сәр дьдан у тʹәшта сьфьр бона ава шуштьн-вәшуштьне. Әв тьшт пироз бун. Тʹәне мәрьвед кӧ ль гора ԛануне паԛьж бун, дькарьбун бькʹәтана һʹәԝша коне пироз. Анәгори ве йәке, мәрьвед нәпаԛьж нькарьбун бькʹәтана һʹәԝшед пʹарьстгәһе. Мәсәлә, гава кʹӧлфәт нәпаԛьж бу, әԝе нькарьбу дәсте хԝә бьда тьштед пироз йан жи бькʹәта щийе пироз (Ԛн.Кʹһ. 12:2-4). Ча те кʹьфше, коне пироз һьнге жи һʹәрам дьбу, һәрге щьмәʹта Исраеле гәләк ԝәхт нәпаԛьж дьма (Ԛн.Кʹһ. 15:31). Әԝед кӧ жь кʹотибуне паԛьж дьбун, дькарьбун ԛӧрбанед хԝә бьанийана һʹәта дәргәһе һʹәԝша щийе пироз (Ԛн.Кʹһ. 14:11). Һәрге мәрьве нәпаԛьж, дийарийед һәләԛәтийе дьани коне пироз йане пʹарьстгәһе, дькарьбу бьһата кӧштьне (Ԛн.Кʹһ. 7:20, 21).
Хьзна Кʹьтеба Пироз Бьгәрʹьн
(Ԛануна Кʹаһинтийе 14:14) Кʹаһин жь хуна дийарийа бәрвадайине һьлдә у гӧпька гӧһе ԝи мәрьвийи рʹасте хә кӧ паԛьж дьбә, ӧса жи тʹьлийа мәзьнә дәсте ԝийи рʹасте у печʹийа мәзьнә ньге ԝийи рʹасте.
(Ԛануна Кʹаһинтийе 14:17) Кʹаһин жь ԝи рʹуне дәсте ԝида майи, гӧпька гӧһе ԝи мәрьвийи рʹасте хә кӧ паԛьж дьбә, ӧса жи тʹьлийа мәзьнә дәсте ԝийи рʹасте у печʹийа мәзьнә ньге ԝийи рʹасте, ль сәр хуна дийарийа бәрвадайине хә.
(Ԛануна Кʹаһинтийе 14:25) Паше кʹаһин бәрха дийарийа бәрвадайине сәржекә у жь хуна бәрха дийарийа бәрвадайине һьлдә гӧпька гӧһе ԝи мәрьвийи рʹасте хә кӧ паԛьж дьбә, ӧса жи тʹьлийа мәзьнә дәсте ԝийи рʹасте у печʹийа мәзьнә ньге ԝийи рʹасте.
(Ԛануна Кʹаһинтийе 14:28) У кʹаһин жь ԝи рʹуне дәсте хԝәда гӧпька гӧһе ԝи мәрьвийи рʹасте хә кӧ паԛьж дьбә, ӧса жи тʹьлийа мәзьнә дәсте ԝийи рʹасте у печʹийа мәзьнә ньге ԝийи рʹасте, ль сәр хуна дийарийа бәрвадайине хә.
it-1 665 ¶5
Гӧһ
Мусарʹа һатьбу готьне, ԝәки гава кʹаһинед Исраели бенә кʹьфшкьрьне, әԝ гәрәке һьнә хуна бәране ԛӧрбанкьри һьлдә у гӧпька гӧһе рʹасте йа Һарун у һʹәму кӧрʹед ԝи хә. Ӧса жи дәст у ньге ԝанә рʹасте хә. Әԝ нишана ԝе йәке бу кӧ тʹәсмилбуйина ԝанә кʹаһинтийе гәрәке һʹӧкӧм буйа сәр ԝе йәке, кӧ әԝана гӧһ бьдьнә сәр чь, чь шьхӧли бькьн у ча хԝә бьдьнә кʹьфше (Ԛн.Кʹһ. 8:22-24). Мина ԝе йәке, ль гора Ԛануне гава мәрьве кʹоти жь нәпаԛьжийа хԝә тʹәмьз дьбу, кʹаһин гәрәке рʹун у хуна пәза дийарийа бәрвадайине, гӧһе ԝийә рʹасте хьста (Ԛн.Кʹһ. 14:14, 17, 25, 28). Тьштәкә мина ԝе йәке дьһатә кьрьне чахе хӧлам бь рʹәзәдьли дьхԝәст тʹәмамийа әʹмьре хԝә ахайе хԝәрʹа хӧламтийе бькә. Ԝе дәрәщеда хӧлам дьданә бәр рәхдәри у ахайе ԝи бь дьреше гӧһе ԝи ԛӧл дькьр. Әв нишана сәр гӧһ әʹйан дькьр хԝәстьна хӧлам кӧ гӧрʹа ахайе хԝәда бьминә (Дркʹ. 21:5, 6).
(Ԛануна Кʹаһинтийе 14:43-45) Ле һәгәр пәй кәвьрдәрхьстьнерʹа, малтʹәрʹьшандьн у сиԝахкьрьнерʹа кʹәфьк диса хԝә бавежә мале кʹьфш бә, 44 һьнге кʹаһин бьра бе дина хԝә бьде, һәгәр кʹәфьк ль мале бәла буйә, әва иди кʹәфька жь һәвһьлдане йә малда, әԝ нә паԛьж ә. 45 Гәрәке әԝ мал бе хьрабкьрьне, кәвьред ԝе, даред ԝе у һʹәму хԝәлийа ԝе жь бажер дәр бе дәрхьстьн у авитьне щики нә паԛьж.
g 1/06 14, чаргошә
Кʹәфьк; Һьм Һәвал, Һьм жи Дьжмьн!
ГӘЛО ДӘРҺӘԚА КʹӘФЬКЕ КʹЬТЕБА ПИРОЗДА ТЕ ГОТЬНЕ?
Кʹьтеба Пирозда те готьне дәрһәԛа кʹәфька кӧ хԝә давитә диԝаред мале (Ԛануна Кʹаһинтийе 14:34-48). Һьнәк дьфькьрьн, ԝәки әԝ кʹәфьк кӧ ӧса жи те навкьрьне «кʹәфька жь һәвһьлдане», щурʹе нәхԝәшийа кари бу. Ле әв сәд сәләфи избаткьри нинә. Чь жи һәбу, ль гора Ԛануна Хԝәде, хԝәйе мале гәрәке кәвьред кӧ кʹәфьк гьртьбун, дәрхьстана, диԝаред һьндӧрʹе мале бьтʹәрьшанда у әв кәвьр, ӧса жи халийа тʹәрьшанди жь шәһәр дәрхьста, бавита ль щийе нәтʹәмьз. Һәрге кʹәфьке диса хԝә бавита диԝер, һьнге әʹлам дькьрьн кӧ мал нәтʹәмьз ә у әԝ һьлдьшандьн. Рʹебәрийед ӧса һур бь һур, әʹйан дькьрьн ԝәки Йаһоԝа щьмәʹта хԝә һʹьз дькьр у бона һʹалхԝәшийа ԝан хәм дькьр.
Хԝәндьна Кʹьтеба Пироз
(Ԛануна Кʹаһинтийе 14:1-18) Хӧдан Мусарʹа хәбәрда у гот: 2 «Ԛануна йе жь кʹотибуне паԛьжбуйи әв ә: Ԝе рʹожа паԛьжбуйи гәрәке ԝи бьбьнә щәм кʹаһин. 3 Кʹаһин жь зоме дәркʹәвә у кʹаһин гава бьбинә кӧ ва йә йе кʹоти жь кʹотибуна хԝә ԛәнщ буйә, 4 һьнге кʹаһин бьра әʹмьр кә, бона мәрьве кӧ гәрә бе паԛьжкьрьне дӧ тәйрәдәйед һʹәлал бь сахи, дара әрзе, рʹисе соре гәвәз у зоха һусопе биньн, 5 кʹаһин әʹмьр кә кӧ тәйрәдәки сәр ава жь чʹәʹвканийейә дәрдана ахинда бе сәржекьрьне. 6 Паше әԝ ԝе тәйрәда дӧдайә сах тʹәви дара әрзе, рʹисе соре гәвәз у зоха һусопе һьлдә. Вана тʹәви тәйрәда сах, хуна ԝе тәйрәдеда кә, йа кӧ ль сәр ава жь чʹәʹвканийеда һатә сәржекьрьне. 7 Һʹәфт щара бьрʹәшинә ль сәр йе кӧ гәрә жь кʹотибуне бе паԛьжкьрьне, ԝи паԛьж әʹлам кә у тәйрәда сах бәрʹдә чоле. 8 Әԝ мәрьве кӧ паԛьж дьбә бьра кʹьнщед хԝә бьшо, пʹьрʹчʹа сәр хԝә һьлдә, аве ль хԝә кә у ԝе паԛьж бә. Пәй ве йәкерʹа бькʹәвә зоме у һʹәфт рʹожа нәкʹәвә коне хԝә. 9 Рʹожа һʹәфта диса һʹәму пʹорʹе хԝә кӧрʹ кә, пʹорʹе сәре хԝә, рʹудана хԝә, бьрийед хԝә, аԝа готи һʹәму пʹьрʹчʹа сәр хԝә һьлдә у кʹьнщед хԝә бьшо, аве хԝә кә паԛьж бә. 10 У рʹожа һʹәйшта дӧ бәрхед нерә беԛӧсур, бәрхәкә мейә йәксалийә беԛӧсур у бона дийарийа нани жь дәһә пʹара се пʹар аре хас рʹунда стьрайи у логәк жи рʹун бьра һьлдә, 11 кʹаһине кӧ паԛьж дькә, мәрьве паԛьж дьбә дийарийава ль бәр Хӧдан бәр дәре Коне Щьвине бьдә сәкьнандьне. 12 У кʹаһин бәрхәке һьлдә бона дийарийа бәрвадайине бьдә, ԝи рʹуне дәрданеда жи һьлдә, вана ль бәр Хӧдан чаԝа дийарийа һʹәже бьһʹәжинә. 13 Бәрхе жи ль ԝи щийи сәржекә, кʹидәре дийарийа паԛьжбуне у дийарийа тʹәвайишәԝате тенә сәржекьрьне, дь щийе пирозда, чьмки дийарийа паԛьжбуне мина дийарийа бәрвадайине кʹаһинрʹа дькʹәвә. Әва йа һәрә пироз ә. 14 Кʹаһин жь хуна дийарийа бәрвадайине һьлдә у гӧпька гӧһе ԝи мәрьвийи рʹасте хә кӧ паԛьж дьбә, ӧса жи тʹьлийа мәзьнә дәсте ԝийи рʹасте у печʹийа мәзьнә ньге ԝийи рʹасте. 15 У кʹаһин жь ԝи рʹуне дәрданеда һьлдә бькә ль сәр кʹәфа дәсте хԝәйи чʹәпе. 16 У кʹаһин тʹьлийа хԝәйә рʹасте, ԝи рʹуне дәсте хԝәйи чʹәпеда кә у пе тʹьлийа хԝә әԝи рʹуни һʹәфт щара ль бәр Хӧдан бьрʹәшинә. 17 Кʹаһин жь ԝи рʹуне дәсте ԝида майи, гӧпька гӧһе ԝи мәрьвийи рʹасте хә кӧ паԛьж дьбә, ӧса жи тʹьлийа мәзьнә дәсте ԝийи рʹасте у печʹийа мәзьнә ньге ԝийи рʹасте, ль сәр хуна дийарийа бәрвадайине хә. 18 Паше кʹаһин ԝи рʹуне дәсте ԝида майи бькә сәр сәре мәрьве кӧ паԛьж дьбә у бона ԝи ль бәр Хӧдан кʹәԝандьне бькә.
28 Кануна Пешьн-3 Чьләйе
ФЬКЬРЕД ԚИМӘТ ЖЬ ХӘБӘРА ХԜӘДЕ | ԚАНУНА КʹАҺИНТИЙЕ 16-17
«Рʹожа Кʹәԝандьне у Тӧ»
(Ԛануна Кʹаһинтийе 16:12) Паше жь сәр ԝе горигәһа ль бәр Хӧдан агьрданге тʹьжи кʹура агьр кә у дӧ кʹӧлм тʹьжи бьхура бинхԝәшә һурледайи кә, бьбә пьшт пʹәрʹде.
ԝ19.11 21 ¶4
Әм жь Кʹьтеба Ԛануна Кʹаһинтийе Чь Дәрса Дькарьн Һин бьн?
4 Бьхунә Ԛануна Кʹаһинтийе 16:12, 13. Ԝәрә Рʹожа Кʹәԝандьне бьдьнә бәр чʹәʹве хԝә: Сәрәккʹаһин дькʹәвә кон. Жь се щаред ве роже әԝ щара пешьн ә, кӧ әԝ дькʹәвә щийе Һәри Пироз. Дәстәки ԝида тʹаса бьхура бинхԝәш ә, ле дәсте дьнда агьрданг бь кʹурма агьр тьжи. Әԝ бәр пʹәрде дьсәкьнә, кӧ бәр шемика щийе Һәри Пироз ә. Әԝ бь ԛәдьр-һӧрмәт, дькʹәвә щийе Һәри Пироз у бәр горигәһа пәймане дьсәкьнә. Бь симболик әԝ ча бежи бәр Йаһоԝа Хԝәде дьсәкьнә! Паше әԝ кʹаһин фәсал әԝ бьхура пироз дькә сәр кʹурма агьр, у әԝ отʹах бь бина хԝәш тʹьжи дьбә. Паше щара дӧда әԝ диса дькʹәвә щийе Һәри Пироз, ле ида бь хуна һʹәйԝанед ԛӧрбанкьри. Дина хԝә бьдьне, әԝ бьхуре дьшәԝьтинә пешийа кӧ хуна ԛӧрбанед бона гӧнә бинә.
(Ԛануна Кʹаһинтийе 16:13) Бьхуре ль бәр Хӧдан бькә ль сәр ԝи агьри, һьнге дуйе бьхуре ԝе ль сәр ԛалпʹахе бахшандьнейи ль сәр дәве Сьндоԛа Шәʹдәтийе бьгьрә, ԝәки әԝ нәмьрә.
ԝ19.11 21 ¶5
Әм жь Кʹьтеба Ԛануна Кʹаһинтийе Чь Дәрса Дькарьн Һин бьн?
5 Әм чь һин дьбьн жь ве йәке, кӧ Рʹожа Кʹәԝандьне бьхур дьданә хәбате? Кʹьтеба Пироз дьбежә, ԝәки дӧайед хьзмәткʹаред Йаһоԝайи амьн мина бьхуре нә (Зәб. 141:2; Әʹйан. 5:8). Биньн бира хԝә, ԝәки сәрәккʹаһин гәрәке бьхур бь ԛәдьр-һӧрмәт бьанийа бәр Йаһоԝа. Ләма чахе әм Йаһоԝарʹа дӧа дькьн, әм гәрәке бь ԛәдьрәки мәзьн у бь һӧрмәт дӧа бькьн. Әм гәләк дьшекьриньн ве йәке, кӧ Әʹфьрандаре гәрдуне изьне дьдә мә незики ԝи бьн, мина зарʹа кӧ незики баве хԝә дьбә (Аԛуб 4:8). Әԝ мә ча достед хԝә һʹәсаб дькә! (Зәб. 25:14). Әм әви ԛәдьри ӧса зәʹф ԛимәт дькьн, ԝәки тʹӧ щар нахԝазьн дьле ԝи бешиньн!
(Ԛануна Кʹаһинтийе 16:14, 15) У хуна ԝи щанәгайи һьлдә пе тʹьлийа хԝә алийе рʹоһьлатева бьрʹәшинә ль сәр ԛалпʹахе бахшандьне, һʹәфт щара пе тʹьлийа хԝә хуне бьрʹәшинә ль бәр ԛалпʹахе бахшандьне. 15 Паше нерийе дийарийа паԛьжбуне жь бәр гӧне щьмәʹтева сәржекә у хуна ԝи бьбә пьшт пʹәрʹде, пе хуна ԝи жи ӧса бькә, чаԝа пе хуна щанәга кьр, ԝе бьрʹәшинә ль сәр ԛалпʹахе бахшандьне у ль бәр ԛалпʹахе бахшандьне.
ԝ19.11 21 ¶6
Әм жь Кʹьтеба Ԛануна Кʹаһинтийе Чь Дәрса Дькарьн Һин бьн?
6 Биньн бира хԝә, ԝәки сәрәккʹаһин гәрәке бьхур бьшәԝьтанда пешийа кӧ ԛӧрбан бьанийа. Чахе әԝи ӧса дькьр, ида әԝ баԝәр дьбу, ԝәки Хԝәде ԝе ԛӧрбанед кӧ әԝ ԝе бинә, ԛәбул кә. Ле жь ве йәке әм чь һин дьбьн? Чахе Иса сәр әʹрде бу, пешийа кӧ әʹмьре хԝә бьда ча ԛӧрбан, әԝи гәрәке тьштәки фәрз бькьра, чь кӧ жь хьлазбуна инсанәте фәрзтьр бу. Ле әԝ чь бу? Әԝ гәрәке амьн у беԛьсур бьжита сәр әʹрде, сәва Йаһоԝа ԛӧрбана ԝи ԛәбул кә. Иса гәрәке избат кьра, кӧ жийина рʹаст әԝ ә, кӧ бьжи ӧса ча Йаһоԝа һин дькә. Әԝи гәрәке избат кьра, кӧ һʹӧкӧмәтийа Баве ԝи рʹаст ә у щурʹе сәрԝертийа ԝи һәԛ ә.
Хьзна Кʹьтеба Пироз Бьгәрʹьн
(Ԛануна Кʹаһинтийе 16:10) Ле әԝ нерийе кӧ пʹәшк жерʹа кʹәт бе азакьрьне, ԝи ль бәр Хӧдан сах бьдә сәкьнандьне кӧ бь ԝи кʹәԝандьн бе кьрьне у ԝи аза бәрʹди бәрʹийе.
it-1 226 ¶3
Бьзьна Азабәрдане
Чаԝа кӧ Паԝлосе шанди шьровәкьр, чахе Иса жийина хԝәйә кʹамьл бона инсанәте бәрва да, кʹара ве йәке жь «хуна щанәга у нерийа» мәзьнтьр бу (Ибр. 10:4, 11, 12). Ви щурʹәйи әԝ ԝәк бьзьна азабәрдане бу, чьмки әԝи «ешед мә кʹьшанд», у «жь бәр гӧнәһед мә бьриндар бу» (Иш. 53:4, 5; Мт. 8:17; 1 Пт. 2:24). Әԝи гӧнед һʹәму мәрийа, йед кӧ баԝәрийа хԝә кʹьрʹине тиньн, һьлда сәр хԝә. Әԝи нишан кьр, ԝәки Хԝәде ԛьрар кьрийә, кӧ бь тʹәмами гӧнә бьдә һьлдане. Ве дәрәщеда бьзьна азабәрдане бь симболик ԛӧрбанбуна Иса Мәсиһ те һʹәсабе.
(Ԛануна Кʹаһинтийе 17:10, 11) Һәгәр йәки жь мала Исраел, йан жи хәрибәки кӧ нава ԝанда дьминә хуна һʹәйԝанәки бьхԝә, әзе бәре хԝә бьдьмә әԝ кәсе хунхԝар у ԝи жь нава щьмәʹта ԝи ӧнда кьм. 11 Чьмки әʹмьре һәр бинбәри хунеда йә у мьн әԝ да ԝә кӧ һун пе ԝе ль сәр горигәһе кʹәԝандьне бона әʹмьре хԝә бькьн, чьмки хун бона әʹмьр кʹәԝандьне дькә.
ԝ14 15/11 10 ¶10
Әм Чьма Гәрәке Пироз бьн
10 Бьхунә Ԛануна Кʹаһинтийе 17:10. Йаһоԝа тʹәми да Исраелийа, кӧ хуне нәхԝьн. Жь Мәсиһийа жи те дәʹԝакьрьне, ԝәки хԝә дури хуна мәрьв у һʹәйԝана бьгьрьн (Кʹар. Шанд. 15:28, 29). Әм дьләрьзьн гава дьфькьрьн, кӧ Хԝәде дькарә «бәре хԝә» бьдә мә у мә жь щьвате дәрхә. Әм Хԝәде һʹьз дькьн у дьхԝазьн гӧрʹа ԝи бькьн. Һәрге жийина мә бьн ԛәзийеда бә жи, әме нәкʹәвьнә бәр байе мәрьвед кӧ нормед Хԝәде һьлнадьн һʹәсаб у тʹәмийед ԝи дьтʹәрʹьбиньн. Әм заньн кӧ мәрьв ԝе ԛәрфа мә бькьн жь бо ве йәке кӧ әм хԝә жь хуне дур дьгьрьн, ле мә мьԛәрʹм сафи кьрийә гӧрʹа Хԝәде бькьн (Щьһуд. 17, 18).Гәло чь ԝе али мә бькә, ԝәки хуне нәхԝьн у бәри хԝә нәдьн? (Ԛан. Дщр. 12:23).
Хԝәндьна Кʹьтеба Пироз
(Ԛануна Кʹаһинтийе 16:1-17) Хӧдан пәй мьрьна һәр дӧ кӧрʹед Һарунрʹа, йед кӧ бәр Хӧдан сәкьнин у мьрьн, Мусарʹа хәбәрда. 2 Хӧдан готә Муса: «Бежә бьре хԝә Һарун, кӧ һәр гав нәкʹәвә щийе пироз пьшт пʹәрʹде, ль бәр ԛалпʹахе бахшандьнейи ль сәр сьндоԛе кӧ нәмьрә. Чьмки әзе нава әʹԝрда ль сәр ԛалпʹахе бахшандьне кʹьфш бьм. 3 Аԝа пе чь Һарун дькарә бькʹәвә дь щийе пироз: Пе щанәгаки бона дийарийа паԛьжбуне у пе бәранәки бона дийарийа тʹәвайишәԝате. 4 Кьрасе кʹьтанийи пироз гәрәке ль хԝә кә у һәвалкьрасе кʹьтани ль ԝи бә, бәнпьшта кʹьтани бьдә пьшта хԝә у пʹапʹахе кʹьтани бьдә сәре хԝә. Әвана кʹьнщед пироз ьн, гәрәке хԝә пе аве бьшо у паше ван кʹьнща ль хԝә кә. 5 У жь щьвина зарʹед Исраел жи дӧ нерийа һьлдә бона дийарийа паԛьжбуне у бәранәки жи бона дийарийа тʹәвайишәԝате. 6 Һарун ԝи щанәгайе дийарийа паԛьжбуне бона хԝә бьдә у кʹәԝандьне бона хԝә у мала хԝә бькә. 7 У дӧ нерийа һьлдә ль бәр Хӧдан ль бәр дәре Коне Щьвине бьдә сәкьнандьне. 8 Һьнге Һарун ль сәр ԝан һәр дӧ нерийа пʹәшк бавежә, пʹәшкәке бона Хӧдан, йәке жи бона азабәрдана нери. 9 У Һарун ԝи нерийе кӧ бь пʹәшкавитьне Хӧданрʹа кʹәт, бькә дийарийа паԛьжбуне. 10 Ле әԝ нерийе кӧ пʹәшк жерʹа кʹәт бе азакьрьне, ԝи ль бәр Хӧдан сах бьдә сәкьнандьне кӧ бь ԝи кʹәԝандьн бе кьрьне у ԝи аза бәрʹди бәрʹийе. 11 У Һарун ԝи щанәгайе дийарийа паԛьжбуне бона хԝә бьдә, кʹәԝандьне бона хԝә у мала хԝә бькә у щанәгайе дийарийа паԛьжбуна хԝә сәржекә. 12 Паше жь сәр ԝе горигәһа ль бәр Хӧдан агьрданге тʹьжи кʹура агьр кә у дӧ кʹӧлм тʹьжи бьхура бинхԝәшә һурледайи кә, бьбә пьшт пʹәрʹде. 13 Бьхуре ль бәр Хӧдан бькә ль сәр ԝи агьри, һьнге дуйе бьхуре ԝе ль сәр ԛалпʹахе бахшандьнейи ль сәр дәве Сьндоԛа Шәʹдәтийе бьгьрә, ԝәки әԝ нәмьрә. 14 У хуна ԝи щанәгайи һьлдә пе тʹьлийа хԝә алийе рʹоһьлатева бьрʹәшинә ль сәр ԛалпʹахе бахшандьне, һʹәфт щара пе тʹьлийа хԝә хуне бьрʹәшинә ль бәр ԛалпʹахе бахшандьне. 15 Паше нерийе дийарийа паԛьжбуне жь бәр гӧне щьмәʹтева сәржекә у хуна ԝи бьбә пьшт пʹәрʹде, пе хуна ԝи жи ӧса бькә, чаԝа пе хуна щанәга кьр, ԝе бьрʹәшинә ль сәр ԛалпʹахе бахшандьне у ль бәр ԛалпʹахе бахшандьне. 16 У щийе пироз жь нәпаԛьжи у һʹәму нәһәԛийед гӧнед зарʹед Исраел паԛьж кә. Аһа жи гәрәке әԝ бона Коне Щьвине бькә кӧ щәм ԝан нава нәпаԛьжайа ԝанда йә. 17 Тʹӧ кәс гәрәке Коне Щьвинеда тʹӧнәбә, гава әԝ бона кʹәԝандьне бькʹәвә щийе пироз һʹәта кӧ әԝ дәре. Бь ви аԝайи әԝ хԝә мала хԝә у тʹәмамийа щьвина Исраел паԛьж кә.