Кани бона «Бәрнама Щьвине, Бьжин у Хьзмәт кьн»

4-10 ЧЬЛӘЙЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | ԚАНУНА КʹАҺИНТИЙЕ 18-19

«Тʹәмьзайа Нав-Намусийе Хԝәй кьн»

ԝ19.06 28 ¶1

Чаԝа жь Тʹәлька Шәйтʹан Хԝә Хԝәй кьн

Чахе Йаһоԝа дәрһәԛа кьред һʹәрам, йед мьләтед хәриб Исраелийарʹа гот, паше зедә кьр: «Мина ԝан кьред ԝәлате Кәнане, кʹижани кӧ әзе ԝә бьбьме, нәкьн . . . Әʹрд һʹәрʹьми, әзе бәла ԝи биньмә сәре ԝи». Бона Хԝәдейе пироз, щурʹе жийина Кәнанийа ӧса хьраб бу, ԝәки әʹрде ԝан бәр чʹәʹве ԝи һʹәрам у ԛьреж бу (Ԛан. Кʹаһ. 18:3, 25).

ԝ17.02 20 ¶13

Йаһоԝа Рʹебәрийе Щьмәʹта Хԝә Дькә

¹³ Сәрԝеред пʹутпʹарьст пе һʹьш-аԛьле хԝә рʹебәри дькьрьн. Бәʹса хәбәре, мәрьвед бьн сәрԝеред Кәнани тьштед әʹщеб дькьрьн, мәсәлә зьнекʹари дькьрьн, мер тʹәви мер рʹадьза, хԝә һʹәйԝанарʹа дьһʹәрʹьмандьн, зарʹ ԛӧрбан дьанин, у пʹутпʹарьсти дькьрьн (Ԛан. Кʹаһ. 18:6, 21-25). Сәрԝеред Бабилоне у Мьсьре әʹдәтед тʹәмьзайе ӧса хԝәй нәдькьрьн, чаԝа кӧ Хԝәде тʹәми да Исраелийа (Жьмар 19:13). Ле щьмәʹта Хԝәде дьдит ԝәки сәрԝеред ԝан ча алийе рʹӧһʹанида, намусийеда у физикида тʹәмьзайе хԝәй дькьн. Әʹйан ә кӧ Йаһоԝа рʹебәри ԝан дькьр.

ԝ14 1/7 7 ¶2

Хԝәде ԝе Чь Бинә Сәре Мәрьвед Зӧлм

Гәло ԝе чь бе сәре ԝан мәрийа, кʹижан кӧ нахԝазьн рʹийа хьраб дәрен? Ԝәрен әм сәр ви созе жь Кʹьтеба Пироз бьфькьрьн: «Рʹасте бьжин ль сәр әʹрде у кʹамьле ль сәр ԝе бьминьн, нәпʹаке жь сәр рʹуйе әʹрде ӧнда бьн һәрʹьн у кʹока беамьна ԝе бе һатьне» (Мәтʹәлок 2:21, 22). Һʹӧкӧмкьрьна мәрьвед зӧлм ԝе ида тʹӧнә бә. Гава сәр әʹрде әʹдьлайи бә, мәрьвед кӧ гӧрʹа Хԝәде дькьн, ԝе һеди-һеди жь гӧнәкʹарийе аза бьн (Рʹомайи 6:17, 18; 8:21).

Хьзна Кʹьтеба Пироз

ԝ06 15/6 22 ¶11

«Һинкьрьна Тә Чьԛаси Әз Һʹьз Дькьм!»

¹¹ Ԝәрә әм дина хԝә бьдьне кӧ чаԝа жь Ԛануна Муса те кʹьфше, кӧ Хԝәде бона һʹалхԝәшийа щьмәʹта хԝә хәм дькьр. Йаһоԝа тʹәми дабу, ԝәки чахе Исраели зәвийе тʹоп кьн, гәрәке һьнәки бона йед дәсттәнг бьһельн кӧ пәй ԝанрʹа хԝәрʹа тʹоп кьн. Хԝәйе әʹрд гәрәке дәве зәвийе һʹәта хьлазийе нәдьрута, рʹәзед тьрийа у бахед зәйтʹуне бь тʹәмами тʹоп нәкьрана. Гава Исраелийа зәвийе хԝә дьдьрутьн у һәрге гӧрʹзәк ль әʹрде бир бькьрана, изьна ԝан тʹӧнә бу пашда вәгәрʹьн у һьлдьн. Бь ԝе тʹәмийе дьһатә кʹьфше хәмкьрьн һьндава хәриба, сеԝийа у жьнәбийа. Рʹаст ә чәтьн бу кӧ зәвийеда бәрмайа тʹоп кьн, ле диса жи бь сайа ԝе йәке ԝана пʹарс нәдькьр (Ԛануна Кʹаһинтийе 19:9, 10; Ԛануна Дӧщари 24:19-22; Зәбур 37:25).

(Qануна Кʹаһинтийе 19:9, 10) Гава һун зәвийа хwә бьдьрун, дәве зәвийе һʹәта хьлазийе нәдьруйи у сьмбьлед жь зәвийа тә кʹәти бәрәв нәки. ¹⁰ Тьрийед хwә кö дьчьни пашьн нәки, тьрийед жь дәсте тә кʹәти һьлнәдә, wана йе кʹәсиб у хәрибрʹа бьһелә, әз Хöдан Хwәдейе wә мә.

(Qануна Кʹаһинтийе 18:1-15) Хöдан Мусарʹа хәбәрда у гот: ² «Тʹәви зарʹед Исраел хәбәр дә у бежә wан: ‹Әз Хöдан Хwәдейе wә мә. ³ Мина wан кьред wәлате Мьсьре, кʹижанида кö һун теда дьман нәкьн, мина wан кьред wәлате Кәнане, кʹижани кö әзе wә бьбьме, нәкьн у ль пәй әʹрф-әʹдәтед wан нәчьн. ⁴ Qьраред мьн бьqәдиньн у qәйдә-qанунед мьн хwәй кьн пе wан һәрʹьн, әз Хöдан Хwәдейе wә мә. ⁵ Qәйдә-qанун у qьраред мьн хwәй кьн, әw мәрьве кö бьqәдинә бь wан wе бьжи, әз Хöдан ьм. ⁶ Тʹö кәс незики пьсмама хwәйә незик нәбә кö шәрма wе вәкә, әз Хöдан ьм. ⁷ Шәрма баве хwә йан шәрма дийа хwә вәнәки. Әwа дийа тә йә шәрма wе вәнәки. ⁸ Шәрма жьнбава хwә вәнәки, әw шәрма баве тә йә. ⁹ Шәрма хушка хwә, qиза баве хwә, йан qиза дийа хwә, һәгәр малда буйи бә йан дәрва шәрма wан вәнәки. ¹⁰ Шәрма qиза кöрʹе хwә, йан шәрма qиза qиза хwә вәнәки, чьмки әw шәрма тә йә. ¹¹ Шәрма qиза жьнбава хwә, кö жь баве тә буйә әw хушка тә йә, шәрма wе вәнәки. ¹² Шәрма мәтʹа хwә вәнәки, чьмки әwа жь хуна баве тә йә. ¹³ Шәрма хатийа хwә вәнәки, чьмки әwа жь хуна дийа тә йә. ¹⁴ Шәрма апе хwә вәнәки у незики жьна wи нәби, әw жьнапа тә йә. ¹⁵ Шәрма бука хwә вәнәки, әwа жьна кöрʹе тә йә, шәрма wе вәнәки.

11-17 ЧЬЛӘЙЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | ԚАНУНА КʹАҺИНТИЙЕ 20-21

«Йаһоԝа Щьмәʹта Хԝә Башԛә Дькә»

ԝ04 15/10 11 ¶12

Һевийа Тә Һәйә Щьнәтеда Бьжийи?

¹² Ле диса һәйә тьштәк, чь кӧ әм гәрәке бир нәкьн. Хԝәде готә Исраелийа: «Һʹәму әʹмьред кӧ әз иро ль ԝә әʹмьр дькьм хԝәйи кьн, ԝәки һун ԛәԝат бьн дәрбаз бьн у һәрʹьн ԝи әʹрди хԝәрʹа бькьнә мьлкʹ» (Ԛануна Дӧщари 11:8). Ԛануна Кʹаһинтийе 20:22, 24-да те готьне: «Һʹәму ԛәйдә-ԛанун у ԛьраред мьн хԝәй кьн у ԝан бьԛәдиньн, ԝәки әԝ әʹрде кӧ әз ԝә дьбьм кӧ сәр бьжин мәʹде хԝә ль ԝә льһәв нәхә. У мьн ԝәрʹа гот: ‹Һуне ль ԝәлате ԝан ԝар бьн, әзе ԝи чаԝа мьлкʹ бьдьмә ԝә, ԝәлатәки кӧ шир у һьнгьв же дькʹьшә›». Демәк, сәва кӧ Исраели әʹрде Создайи ԝар буна, гәрәке һәләԛәтийа баш тʹәви Йаһоԝа Хԝәде хԝәйи кьрана. Исраелийа гӧрʹа Хԝәде нәдькьрьн, ләма жи әԝи һишт ԝәки Бабилони һʹьщуми сәр ԝан кьн у ԝана жь әʹрде ԝан аксор кьн.

it-1 1199

Мьлкʹ

Һʹәму һәбук, кʹижан кӧ паши мьрьна хԝәйе һәбуке дьгьһиштә ԝи кәси, изьна кʹижани кӧ һәбу бьстинә, демәк әԝ һʹәму тьштед кӧ жь кал-бава ча ԝар дьгьһиштә зӧрʹәтед ԝан, мьлкʹ бу. Хәбәра Ибрани «нахал», йан «нахала», те һʹәсабе «бьстиньн ча ԝар», демәк тьштәки ль гора мафе мьлкʹстандьне бьстиньн йан жи бьдьнә кәсәки (Жм. 26:55; Һз. 46:18). Хәбәра «йараш» щарна те хәбьтандьне, гава дәрһәԛа мьлкʹстандьне хәбәрдан дьчә, ле гәләк щар әв гьли те һʹәсабе мьлкʹ «һьлдьн дәсте хԝә» (Дсп. 15:3; Ԛн.Кʹһ. 20:24). Әв ӧса жи те һʹәсабе «мьлкʹ зәфт кьн» йан «бәридьне», чь кӧ бь ԛәԝата әскәра те кьрьне (Ԛн.Дщ. 2:12; 31:3). Хәбәред Йунани йед кӧ мьлкʹва гьредайи нә, незики хәбәра «клерос» ьн, йа кӧ сәре-серида дьһатә һʹәсабе «пʹәшк». Ԝәʹдә шунда мәʹна ве һатә гӧһастьне сәр «һәвкʹари» у паше «мьлкʹ» (Мт. 27:35; Кʹр.Шн. 1:17; 26:18).

it-1 317 ¶2

Тәйрәдә

Паши Селаве, Нӧһ һьнә һʹәйԝан у «тәйрәдед һʹәлал» Хԝәдерʹа ԛӧрбан кьр (Дсп. 8:18-20). Паши ԝе йәке мәрийарʹа изьн һатә дайине, ԝәки гоште тәйрәда бьхԝьн, ле бе хун (Дсп. 9:1-4; бәрамбәр кә Ԛн.Кʹһ. 7:26; 17:13). Дьԛәԝьмә әв тәйрәдә, кʹижан кӧ ль гора ньһерʹандьна Хԝәде лайиԛи ԛӧрбанкьрьне бун, паԛьж дьһатьнә һʹәсабе. Кʹьтеба Пирозда кʹидәре кӧ те готьне дәрһәԛа хԝарьна гоште тәйрәда, те кʹьфше, ԝәки пешийа кӧ Ԛануна Муса бькʹәта ԛәԝате, тʹӧ тәйрәдә нәпаԛьж нәдьһатә һʹәсабе (Ԛн.Кʹһ. 11:13-19, 46, 47; 20:25; Ԛн.Дщ. 14:11-20). Кʹьтеба Пирозда найе готьне, ԝәки тәйрәдә ль сәр һʹиме чь нәпаԛьж һʹәсаб дькьрьн. Гәләк жь ԝан тәйрәда әԝ бун, йед кӧ һʹәйԝанед мьри у тьштед гәни дьхԝарьн. (Бьньһерʹә СЬЛЕМАНЕ ДӦНЬКӦЛ.) Хәԝн-хәйала кӧ Хԝәде нишани Пәтрус кьр, дьда кʹьфше, ԝәки паши гьредана пәймана ну ԛануна дәрһәԛа хԝарьна һʹәйԝанед нәпаԛьж һатьбу һьлдане (Кʹр.Шн. 10:9-15).

Хьзна Кʹьтеба Пироз

it-1 563

Хԝәбьриндаркьрьн

Ԛануна Хԝәде ԛәдәхә дькьр, ԝәки хԝә бона мьрийа бьриндар кьн (Ԛн.Кʹһ. 19:28; 21:5; Ԛн.Дщ. 14:1). Мәʹнийа ве йәке әԝ бу, ԝәки щьмәʹта Исраел мьлкʹе Йаһоԝа бу у сәва ԝи пироз бу (Ԛн.Дщ. 14:2). Ләма жи щьмәʹта Исраел гәрәке хԝә жь һʹәму әʹдәтед пʹутпʹарьстийева гьредайи дур бьгьрта. Хенщи ԝе йәке шина ви щурʹәйи, кӧ хԝә бьриндар дькьрьн, нәрʹаст бу, чьмки щьмәʹте дәрһәԛа һʹале мьрийа у һевийа сахкьрьне рʹьнд заньбу (Дн. 12:13; Ибр. 11:19). Һьм жи әве ԛәдәхәкьрьне Исраели һелан дькьрьн, ԝәки ԛәдьре бәдәне бьгьрьн, кӧ чекьрьна дәсте Хԝәде йә.

(Qануна Кʹаһинтийе 21:5) Кʹаһин бьра пʹорʹе сәре хwә бәләк-бәләки кöрʹ нәкьн, сәре рʹудана хwә нәбьрʹьн у ль сәр хwә дәхма че нәкьн.

(Qануна Кʹаһинтийе 20:1-13) Хöдан Мусарʹа хәбәрда у гот: ² «Öса жи бежә зарʹед Исраел: ‹Кʹи жь зарʹед Исраел йан жи хәрибәки нава Исраелда кö дьминә зарʹа хwә Молохрʹа бькә qöрбан, әw гәрәке әʹсә бе кöштьне, щьмәʹта wи wәлати әwи бьдә ль бәр кәвьра. ³ Әзе бәре хwә бьдьмә ль wи мәрьви у әwи жь нава щьмәʹта wи бьдьмә öндакьрьне, чьмки әwи жь зарʹед хwә данә Молох, wәки Пирозгәһа мьн бьһʹәрʹьминә у наве мьни пироз беһöрмәт кә. ⁴ Ле гава әw мәрьва жь зарʹед хwә бьдә Молох у щьмәʹта wи wәлати чʹәʹве хwә бьгьрә wәки wи нәкöжьн, ⁵ һьнге әзе бәре хwә бьдьмә ль wи мәрьви у мала wи, әwи у wан мәрьвед кö ль пәй wи дьчьн кö тʹәви Молох беәʹсьлийе бькьн жь нав щьмәʹта wан бьдьмә öндакьрьне. ⁶ У әwе кö хwә ль йе гази рʹöһʹа дькә у мьщеwьре щьна бьгьрә кö рʹийа wанда һәрʹә беәʹсьлийе бькә, әзе бәре хwә бьдьмә wи, әwи жь нава щьмәʹта wи бьдьмә öндакьрьне. ⁷ Аwа хwә пироз кьн у пироз бьн, чьмки әз Хöдан Хwәдейе wә мә. ⁸ Qәйдә-qанунед мьн хwәй кьн у бьqәдиньн, чьмки әз Хöдан ьм пирозкьре wә. ⁹ Әwе кö ньфьрʹа де у баве хwә бькә, әʹсә әw гәрәке бе кöштьне. Әwи ньфьрʹ ль де у баве хwә кьрьнә, хуна wи ль сәре wи бә. ¹⁰ Әwе кö дәст бавежә кʹöлфәтәкә меркьри, йан жи дәст бавежә жьна йәки, әʹсә әw гәрәке бе кöштьне, йе кьри жи йа кьри жи. ¹¹ У әwе кö сәре хwә жьнбава хwәрʹа дайнә, әwи шәрма баве хwә вәкьр, әʹсә әw һәр дö жи гәрәке бенә кöштьне, хуна wан ль сәре wан бә. ¹² Һәгәр йәк сәре хwә бука хwәрʹа дайнә, әʹсә һәр дö жи гәрәке бенә кöштьне, вана кʹьрети кьрийә, хуна wан ль сәре wан бә. ¹³ Һәгәр йәк чаwа тʹәви кʹöлфәте сәре хwә мерәкирʹа дайнә, һәр дöйа жи кʹьрети кьрийә, әʹсә гәрәке бенә кöштьне, хуна wан ль сәре wан бә.

18-24 ЧЬЛӘЙЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | ԚАНУНА КʹАҺИНТИЙЕ 22-23

«Щәжьнед Һәрсали Чь Мә Һин Дькьн?»

it-1 826-827

Щәжьна Нане Шкәва

Рʹожа пешьнә Щәжьна Нане Шкәва, щьвина мәхсус дәрбаз дькьрьн, у әв рʹожа шәмийе дьһатә һʹәсабе. Рʹожа дьн, 16 Нисане, кʹаһинрʹа бәред пешьнә жь сьмбьлед  щәһ дьанин, кʹижан кӧ Палестинайеда бәре әʹрдейә пешьн бу. Пешийа ве щәжьне изьн тʹӧнә бу гәньме бәре пешьн бьхԝьн нә жи изьн һәбу бьԛәлиньн йан жи пе ԝи гәньми нан бьпежьн. Кʹаһин, бәред пешьн дьһʹәжанд, у әԝ йәк дьһатә һʹәсабе кӧ пʹешкʹеши Йаһоԝа кьрьнә. Һьм жи ԝе рʹоже бәрхәки йәксали беԛьсур бона дийарийа тʹәвайишәԝате тʹәви дийарийа нанийә рʹунда стьрайи у дийарийа сәрдакьрьне Хԝәдерʹа дьанин (Ԛн.Кʹһ. 23:6-14). Йаһоԝа тʹәми нәдабу, ԝәки гәньм йан ар сәр горигәһе бьшәԝьтиньн, чаԝа кӧ ԝәʹдә шунда кʹаһина дәстпекьрьн бькьн. Ԝәʹде ве щәжьне нә тʹәне щьмәʹте бәред дәрәмәта әʹԝльн дьани, ле ӧса жи һәр малбәтәке у һәр мәрьвәки, йед кӧ Исраеледа хԝәйе әʹрд бун, башԛә дийарийед шекьрдарийе ԛӧрбан дькьрьн (Дркʹ. 23:19; Ԛн.Дщ. 26:1, 2; бьньһерʹә БӘРЕД ПЕШЬН).

Мәʹнә. Йаһоԝа бь сайа Муса тʹәми дабу кӧ ԝәʹде ԝе щәжьне Исраели нане шкәва бьхԝьн, әԝ йәк ль гора Дәркʹәтьн 12:14-20 бу. Әԝ дәʹԝакьрьн рʹеза 19-да ньвисар ә: «Һʹәфт рʹожа һәвиртьрʹшк малед ԝәда тʹӧнә бә». Ԛануна Дӧщари 16:3-да сәр нане шкәва те готьне «нане зәлулийе», чьмки һәр сал әве йәке дьани бира Ибранийа кӧ әԝана чаԝа бь ләз жь Мьсьре дәркʹәтьн (чахе ԝәʹде ԝан тʹӧнә бу кӧ һәвир һьле [Дркʹ. 12:34]). Ӧса ԝана дькьрә бира хԝә һʹале Исраелейә гьран дилтийеда, жь кʹижани кӧ Йаһоԝа әԝ хьлаз кьрьн. Һьм жи Йаһоԝа хԝәха ԝанарʹа гот: «Һʹәму рʹожед әʹмьре хԝәда, рʹожа хԝәйә жь ԝәлате Мьсьре дәркʹәтьне бир бини». Ԝәʹде щәжьна пешьнә жь се щәжьнед һәрсалийә мәзьн, Исраели дьфькьрин дәрһәԛа ԝе йәке, кӧ бунә щьмәʹтәкә сәрбәст, у ԝәки Йаһоԝа Хьлазкьре ԝан ә (Ԛн.Дщ. 16:16)

it-2 598 ¶2

Рʹожа Пенщийә Һʹәсабе

Исраелийа бәред пешьн йед гәньм, нә мина бәред пешьнә щәһ дьанин. Ԝана гәрәке жь дӧ дәһәкед пʹаред ефайе аре хас (4.4 литр) дӧ нане һьлати бьпәʹтана. Ԝана әв нан «жь щи-ԝаред хԝә» дьанин, у ӧса һазьр дькьрьн, чаԝа кӧ һәр рʹож хԝәрʹа дьпәʹтьн, ле нә мина ԝан нана кӧ коне пирозда дьданә хәбате (Ԛн.Кʹһ. 23:17). Тʹәви ԝан нана ӧса жи дийарийа тʹәвайишәԝате, дийарийа бона паԛьжкьрьна гӧна у дийарийа һәләԛәтийе бь дӧ бәрха, дьанин. Кʹаһин дӧ нан у һьнә гоште бәрхе дьгьртә дәсте хԝә у бәр Йаһоԝа дьһʹәжанд, чь кӧ бь симболик дьһатә һʹәсабе, кӧ пʹешкʹеши Йаһоԝа дькьн. Паши ԝе йәке әв һʹәму тьшт ча дийарийа һәләԛәтийе дьбу хԝарьна кʹаһин (Ԛн.Кʹһ. 23:18-20).

ԝ14 15/5 29 ¶11

Һун Тʹәви Тʹәшкиләта Йаһоԝа Дьмәшьн?

¹¹ Тʹәшкиләта Йаһоԝа дәрһәԛа һʹалхԝәшийа мә хәм дькә у мә һелан дькә гӧһ бьдьнә ширәта Паԝлосе шанди: «Бьра әм бона һәвдӧ хәм бькьн, ԝәки һʹьзкьрьне у ԛәнщикьрьнеда һелана бьдьнә һәв. Бьра әм дәст жь льһәвщьвине нәкʹьшиньн, чаԝа кӧ һьнәка хԝәрʹа кьрийә хәйсәт, ле әм дьл бьдьнә һәв у һе зедә, чьмки әм дьбиньн кӧ Рʹожа Ахрәте незик дьбә» (Ибр. 10:24, 25). Щәжьнед һәрсали у щьвинед дьнә бона һʹәбандьне, щьмәʹта Исраел рʹӧһʹанида дьшьданд. Хенщи ԝе йәке, ԛәԝьмандьнед ӧса, ча Щәжьна Һолькчекьрьне һена Нәһәмийада шайикә мәзьн бу (Дркʹ. 23:15, 16; Нм. 8:9-18). Щьватед мә жи кʹарәкә ви щурʹәйи дьдьнә мә. Ԝәрьн әм бь тʹәмами һәр тьштед кӧ сәр ван щьвата мәрʹа тенә дайине, бьдьнә хәбате, сәва кӧ әм алийе рʹӧһʹанида сьһʹәт-ԛәԝат бьн у шабуна хԝә ӧнда нәкьн (Тит. 2:2).

Хьзна Кʹьтеба Пироз

ԝ19.02 3 ¶3

Беԛьсуртийа Хԝә Хԝәй кьн!

³ Чь щурʹәйи хьзмәткʹаред Хԝәде беԛьсуртийе дьдьнә кʹьфше? Әԝана бь тʹәмамийа дьле хԝә Йаһоԝа һʹьз дькьн у жерʹа амьн дьминьн, у тʹьме пе кьред хԝә дьле ԝи ша дькьн. Дина хԝә бьдьне, хәбәра беԛьсур чь те һʹәсабе. Кʹьтеба Пирозда хәбәра кӧ һатийә ԝәлгәрʹандьне «беԛьсур», те һʹәсабе «тʹам» йан жи «бекемаси». Бәʹса хәбәре, чахе Исраелийа Йаһоԝарʹа һʹәйԝан ԛӧрбан дькьрьн, Ԛануне жь ԝан дәʹԝа дькьр, ԝәки һʹәйԝан бекемаси бьн (Ԛан. Кʹаһ. 22:21, 22). Щьмәʹта Хԝәдерʹа изьн тʹӧнә бу, ԝәки һʹәйԝанед ӧса ԛӧрбан кьрана, кʹижан мәсәлә, беньг, бегӧһ, бечʹәʹв буна, йан нәхԝәш буна. Бона Йаһоԝа гәләк фәрз бу, ԝәки әԝ һʹәйԝан тʹам у сах-сьламәт буна (Малх. 1:6-9). Әм дькарьн Йаһоԝа фәʹм кьн, кӧ чьрʹа бона ԝи әԝ йәк фәрз бу. Чахе әм дьхԝазьн тьштәки бькʹьрʹьн, мәсәлә емиш, кʹьтеб, йан жи һащәтәке, әм нахԝазьн кемасийа ԝи тьшти һәбә, йан ԛӧл йан жи хьраббуйи бә. Әм дьхԝазьн әԝ тьшт тʹам у рʹьнд бә. Йаһоԝа жи дьхԝазә, ԝәки һʹьзкьрьн у амьнийа мә һьндава ԝида, тʹам у бекемаси бә.

(Qануна Кʹаһинтийе 22:21, 22) Кʹе дәwарәке йан пәзәке жь бәр создайинәкева йан бь рʹәзәдьлийа хwә Хöданрʹа дийарийа һәләqәтийе бьдә, әw гәрәке беqöсур бә, wәки бе qәбулкьрьне, тʹö qöсур гәрәке ль сәр wе тʹöнәбә. ²² Кор, йан сәqәт, йан дәхмә, йан гьле, йан гöрʹи, йан кʹос, йед һа Хöданрʹа нәйньн, жь ван нәкьнә дийарийа шәwате Хöданрʹа, данәйньнә ль сәр горигәһе.

(Qануна Кʹаһинтийе 23:9-25) Хöдан Мусарʹа хәбәрда у готе: ¹⁰ «Тʹәви зарʹед Исраел хәбәр дә у бежә wан: ‹Гава һун бькʹәвьнә wи wәлати, кʹижани кö әзе бьдьмә wә у һун әʹрде wи бьдьрун, гöрʹзе дьрунейи әʹwльн биньнә щәм кʹаһин. ¹¹ Әw гәрәке wи гöрʹзи ль бәр Хöдан бьһʹәжинә, кö әw бона wә бе qәбулкьрьне. Кʹаһине әви гöрʹзи рʹожа пәй шәмийерʹа бьһʹәжинә. ¹² У рʹожа кö гöрʹзе хwә бьһʹәжиньн, гәрәке бәрхәки йәксалийи беqöсур жи бона дийарийа тʹәвайишәwате Хöданрʹа бьдьн. ¹³ У öса жи тʹәви бәрхе, жь дәһә пʹара дö пʹаре ефайе аре хаси рʹунда стьрайи, чаwа дийарийа шәwатейә бинхwәш Хöданрʹа бьдьн у дийарийа wейә сәрдакьрьне жи пʹарәкә һине шәрав бә. ¹⁴ Һʹәта wе рʹожа кö һун дийарийед хwә дьдьнә Хöдане хwә, нан йан qәйнок, йан гәньме сьмбьлада нәхwьн. Әв йәка нава ньсьлед wә у щи-wаред wәда qәйдә-qануна һʹәта-һʹәтайе бә. ¹⁵ Пәй рʹожа шәмийерʹа, гава wә гöрʹзе дийарийа һʹәжандьне ани, хwәрʹа һʹәфт һʹәфтиед тʹам һʹәсабкьн. ¹⁶ Һʹәта рʹожа пәй һәр һʹәфт һʹәфтийарʹа пенщи рʹожи һʹәсаб кьн у дийарийа нанийә ну Хöданрʹа биньн. ¹⁷ Жь щи-wаред хwә бона дийарийа һʹәжандьне дö нана биньн, әw гәрәке жь аре хаси жь дәһә пʹара дö пʹаред ефайе һьлати у пьжанди бә, әва бәре пешьн ә бона Хöдан. ¹⁸ Тʹәви wи нани һʹәфт бәрхед йәксалийә беqöсур, щанәгаки у дö бәрана жи чаwа дийарийа тʹәвайишәwате, тʹәви дийарийед wанә нани у дийарийед wанә сәрдакьрьне Хöданрʹа бьдьн. Әве Хöданрʹа бьбә дийарийа шәwате йә бинхwәш. ¹⁹ Бона дийарийа жь бәр гöнава жь бьзьна нерики у бона дийарийа һәләqәтийе дö бәрхед йәксали бьдьн. ²⁰ Кʹаһин тʹәви нане бәре бешьн бона дийарийа һʹәжандьне дö бәрха ль бәр Хöдан бьдә, әванайе Хöданрʹа пироз бьн, бона кʹаһин бьн. ²¹ Һәма хут wе рʹоже әʹлам кьн, кö wәрʹа бьбә рʹожа щьвина пироз, тʹö шьхöли нәкьн, бьра әв йәка нава щи-wаред wә у ньсьлед wәда бьбә qәйдә-qануна һʹәта-һʹәтайе. ²² Гава һун нане wәлате хwә бьдьрун, дәма дьруне дәве зәвийе һʹәта хьлазийе нәдьруйи у сьмбьлед дьруйә кʹәти тʹоп нәки, вана йе кʹәсиб у йе хәрибрʹа бьһели. Әз Хöдан Хwәдейе wә мә›». ²³ Хöдан Мусарʹа хәбәрда у готе: ²⁴ «Зарʹед Исраелрʹа хәбәр дә у бежә wан: ‹Йәке мәһа һʹәфта wәрʹа бьбә рʹожа рʹьһʹәтийе, щьвина пирозә бона рʹожа биранина дәнге борʹийе. ²⁵ Тʹö шьхöли нәкьн, ле бәле дийарийа шәwате Хöданрʹа биньн›».

25-31 ЧЬЛӘЙЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | ԚАНУНА КʹАҺИНТИЙЕ 24-25

«Сала Йубиле у Азайа Ахьрийе»

it-1 871

Азайи

Хԝәдайе Азайе. Йаһоԝа Хԝәдайе азайе йә. Әԝи щьмәʹта Исраеле жь дилтийа Мьсьре аза кьр. Әԝи готә ԝан, кӧ һәрге әԝана гӧрʹа ԝи бькьн, ԝе тʹӧ тьшт ԝан кем нәбә (Ԛн.Дщ. 15:4, 5). Даԝьд жи дәрһәԛа азайа ԛәсьред Оршәлимеда ньвисийә (Зб. 122:6, 7). Рʹаст ә Ԛанунеда дьһатә готьне, кӧ һәрге Ибрани кʹәсиб буйа, әԝи дькарьбу хԝә бьфьрота дилтийе, ԝәки әʹбура хԝә у малбәта хԝә бькә. Ле ль гора Ԛануне сала һʹәфта әԝ гәрәке аза буйа (Дркʹ. 21:2). Сала Йубиледа (кʹижан кӧ һәр 50 сал щарәке дьбу) һʹәму бьнәлийа азайи дьстанд. Ӧса һʹәму Ибранийед кӧ дил бун, аза дьбун вәдьгәрʹийанә мал у мьлкʹе хԝә (Ԛн.Кʹһ. 25:10-19).

it-1 1200 ¶2

Мьлкʹ

Изьна малбәта тʹӧнә бу әʹрде хԝә бьфьрошьн, чьмки әԝ ча мьлкʹ жь ньсьл дәрбази ньсьлед дьн дьбу. Ле ԝана дькарьбу әԝи әʹрди бьдьнә кʹьре у һәԛе кʹьре бәре әʹрде бу; баһе әʹрд ԝе йәкева гьредайи бу кӧ чьԛас сал майә һʹәта сала Йубиле. Һәрге пешийа Йубиле хԝәйе мьлкʹ һәԛ нәдабу у әʹрде хԝә пашда нәстандьбу, сала Йубиле әԝи әʹрде хԝә пашда дьстанд, чьмки ԝе сале һʹәму әʹрдед кӧ кʹьре һьлдабун, пашда дьданә хԝәйе әʹрд (Ԛн.Кʹһ. 25:13, 15, 23, 24). Әԝ ԛанун ӧса жи бона ԝан мала бу кӧ шәһәред бедиԝарда бун у дьһатьнә һʹәсабе пʹарәкә дәште. Һәрге кәсәки мала хԝәйә шәһәре бь диԝар суркьрида дьфьрот у саләкеда бь сайа кʹьрʹине әԝи мала хԝә пашда вәнәдьгәрʹанд, ԝи чахи әԝ мал дьбу мьлкʹе йе кӧ кʹьрʹийә. Ле шәһәред Леԝийада тʹьме изьн һәбу кӧ мала хԝә бь сайа кʹьрʹине пашда вәгәрʹиньн, чьмки мьлкʹед ԝанә дьн тʹӧнә бун (Ԛн.Кʹһ. 25:29-34).

it-2 122-123

Йубил

Гава ԛануна дәрһәԛа Йубиле дьанин сери, әве йәке щьмәʹт жь проблемәке хԝәйи дькьр, кʹижан кӧ иро гәләк ԝәлатада бәлабуйи йә; демәк һьнә мәрьв зәʹф дәԝләти нә, һьнәк жи зәʹф кʹәсиб ьн. Чахе һʹәму бьнәлийа баш дьжит, ӧса тʹәмамийа мьләт ԛәԝи дьбу. Һьнге мәрьвед кʹәсиб тʹӧнә бун, кӧ нькарьбуна жь бо аборийа хьраб хәбат хԝәрʹа бьдитана. Ле һәр кәс жь ԝана бь пʹешә у фәрәсәтед хԝә бона һʹалхԝәшийа щьмәʹте тʹәвайи кʹар дькьрьн. Һәрге Исраелийа гӧрʹа Хԝәде бькьрана у һинбуна жь ԝи ԛәбул кьрана, әԝи ԝе зәвийед ԝан бәрәкʹәт кьра, сәрԝертийа ԝан ԝе баш буйа у әԝана ԝе бь сайа рʹебәрийа Хԝәде сәрфьраз буна (Иш. 33:22).

Хьзна Кʹьтеба Пироз

ԝ09 1/9 22 ¶4

Һәрге Кәсәки Һун Данә Хәйдандьне

Һәрге Исраелик Исраелики дьн хьста у чʹәʹве ԝи бьрʹета, һьнге әԝи гәрәке ль гора Ԛануне бь һәԛи щәзакьрьн бьстанда. Ле изьна мәрьве зийанстанди тʹӧнә бу, кӧ мәрьве нәһәԛ йан кәсәк жь нәфәред ԝи щәза кьра. Ԛануне дәʹԝа дькьр, ԝәки әԝ ве ԛәԝьмандьне бәр сәрԝера, демәк бәр һʹакьмед кʹьфшкьри гьли кә, кӧ әԝана леколин бькьн. Занәбуна ԝе йәке кӧ мәрьве зордар ԝе һәма ӧса бе щәзакьрьне, чаԝа әԝ сәре кәсәки бькә, ԝана жь кьред хьраб хԝәйи дькьр. Ле тʹәне әԝ йәк нибу.

(Qануна Кʹаһинтийе 24:20) Шкенандьн жь бәр шкенандьнева, чʹәʹв жь бә чʹәʹвва, дьран жь бәр дьранва, әwи чаwа зәдә мәрьв хьстьбә, öса жи гәрәке ль wи бькьн.

(Qануна Кʹаһинтийе 24:1-23) Хöдан Мусарʹа хәбәрда у готе: ² «Тʹәмийе бьдә зарʹед Исраел, wәки тәрʹа бона рʹонайе бьзьре ледайийи паqьж биньн, кö чʹьра тʹьме бьшхöлә. ³ Һарун гәрәке Коне Щьвинеда, алийе пʹәрʹда шәʹдәтийе дәр, чʹьре саз кә, жь еварда һʹәта сьбәһе ль бәр Хöдан тʹьме бьшхöлинә. Әва нава ньсьлед wәда qәйдә-qануна һʹәта-һʹәтайе бә. ⁴ Чʹьре гәрәке ль сәр шәмдана зерʹе хальс ль бәр Хöдан тʹьме һазьр кьн. ⁵ Аре хас һьлди у пе wи ари донздәһ нана лехи, һәр нанәк гәрәке дö пʹар жь дәһә пʹаред ефайе* бә. ⁶ У wан дö щергә, шәш-шәш дайнә ль сәр тʹәхте бь зерʹе хальс зерʹкьри ль бәр Хöдан. ⁷ У бьхура сафи дайни ль сәр һәр дö щерга, кö ль сәр нан бона Хöдан бьбә биранин чаwа дийарийа шәwате. ⁸ Һәр рʹожед шәмийе тʹьме донздәһ нана гәрәке алийе зарʹед Исраелда бьдьнә ль бәр Хöдан, чаwа пәймана һʹәта-һʹәтайе. ⁹ Әванайе пʹара Һарун у кöрʹед wи бьн, гәрәке әw вана дь щийе пирозда бьхwьн, чьмки әва бона wан жь дийарийед шәwатейә Хöданә һәрә пироз ә. Әва qәйдә-qануна һʹәта-һʹәтайе йә». ¹⁰ Кöрʹе жьнәкә исраели кö баве wи мьсьри бу, чу нава зарʹед Исраел, әwи зомеда тʹәви йәки исраели шәрʹ кьр. ¹¹ У кöрʹе wе жьна исраели кʹьфьри наве Хöдан кьр у ньфьрʹ кьр, әw гьртьн анинә щәм Муса. (Наве дийа wи Шьломит бу, жь бәрәка Дан qиза Дибри). ¹² Әw гьрти һьштьн һʹәта кö qьрара Хöдан wанва әʹйан бә. ¹³ Хöдан Мусарʹа хәбәрда у готе: ¹⁴ «Wи мәрьве кö кʹьфьри жь зоме дәрхә у һʹәмуйед кö бьһистьнә бьра дәстед хwә бьдьнә ль сәр сәре wи у тʹәмамийа щьмәʹте wи бьдьнә ль бәр кәвьра бькöжьн. ¹⁵ Бежә зарʹед Исраел: ‹Кʹи кö ньфьрʹа Хwәдейе хwә бькә, әwе гöне хwә бькʹьшинә. ¹⁶ Кʹи кʹьфьрийа наве Хöдан бькә әw әʹсә гәрәке бе кöштьне, тʹәмамийа щьмәʹте гәрәке wи бьдә ль бәр кәвьра бькöжә. Һәгәр хәриб бә йан бьнәли, кʹижани кʹьфьри наве Хöдан кьр әw гәрәке бе кöштьне. ¹⁷ Кʹи кö мәрьвәки хә бькöжә, әw әʹсә гәрәке бе кöштьне. ¹⁸ Кʹижан кö һʹәйwанәки хә бькöжә, жь бәр wи һʹәйwанива гәрә бьдә: Һʹәйwан жь бәр һʹәйwенва. ¹⁹ Һәгәр йәк зәдәке ль йәки дьн хә, әwи чаwа кьрийә öса жь ль wи бькьн: ²⁰ Шкенандьн жь бәр шкенандьнева, чʹәʹв жь бә чʹәʹвва, дьран жь бәр дьранва, әwи чаwа зәдә мәрьв хьстьбә, öса жи гәрәке ль wи бькьн. ²¹ Йе һʹәйwан кöшт гәрәке жь бәрва бе дайине, ле йе мәри кöшт гәрәке бе кöштьне. ²² Бона хәриба жи, бона бьнәлийа жи qануна wә гәрәке йәк бә, чьмки әз Хöдан Хwәдейе wә мә›». ²³ Муса әв йәк готә зарʹед Исраел у әw мәрьве ньфьрʹ кьр жь зоме дәрхьстьнә дәр у данә ль бәр кәвьра. Зарʹед Исраел öса кьрьн чаwа кö Хöдан готьбу Муса.

1-7 СЬБАТЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | ԚАНУНА КʹАҺИНТИЙЕ 26-27

«Чаԝа жь Йаһоԝа Бенә Кʹәрәмкьрьне»

ԝ08 15/4 4 ¶8

Пәй «Тьште Пʹучʹ» Нәкʹәвә

⁸ Һәбук чаԝа дькарә бьбә хӧдан? Ԝәрен әм мәсәләке шеԝьр кьн. Исраела бәреда, кәвьред чоле дькарьбун бьдана хәбате бона данина дивер йан жи авакьрьна мала. Ле һәрге әв кәвьр бькьрана һәйкәл бона һʹәбандьне йан жи пе пʹут чекьрана, әве йәке дькарьбу щьмәʹт жь Йаһоԝа дур хьста (Ԛан. Кʹаһ. 26:1). Әм дькарьн ӧса дәрһәԛа пʹәра жи бежьн. Пʹәрә лазьм ьн сәва әʹбура хԝә бькьн, ӧса жи дькарьн бона хьзмәткьрьне бьдьнә хәбате (Ԝаиз 7:12; Луԛа 16:9). Ле һәрге сәва пʹәра ԛазанщ кьн, әм хьзмәта хԝә дьдьнә алики, һьнге пʹәрә бона мә дьбьнә хӧдан. (Бьхунә 1 Тимотʹейо 6:9, 10). Иро мәрьв һʹәчʹи зәʹф хԝә ль ве йәке дьгьрьн, кӧ тьштед материали ԛазанщ кьн, ле әм гәрәке ньһерʹандьна рʹаст сәр тьштед материали хԝәй кьн (1 Тимтʹ. 6:17-19).

it-1 223 ¶3

Хԝәдехофи

Бь сайа һәләԛәтийа мәхсус тʹәви Йаһоԝа, Муса ль бәр чʹәʹве щьмәʹта Хԝәде «кьрьнед саԝ» дькьр (бь Ибрани «мора») (Ԛн.Дщ. 34:10, 12; Дркʹ. 19:9). Баԝәрийа кʹижана кӧ ԛәԝи бу, саԝа һʹӧкӧмәтийа Муса сәр ԝан һәбу. Ԝана фәʹм дькьр, кӧ Хԝәде бь Муса хәбәр дьдә. Исраели ӧса жи гәрәке һьндава пирозгәһа Йаһоԝа хԝәдехоф буна (Ԛн.Кʹһ. 19:30; 26:2). Әв дьһатә һʹәсабе, кӧ әԝана гәрәке һьндава пирозгәһе бь ԛәдьр буна у Йаһоԝа ӧса бьһʹәбандана, чаԝа кӧ әԝи тʹәми дабу, у ль гора тʹәмийед ԝи бьжитана.

ԝ91 1/3 17 ¶10

Бьра «Әʹдьлайийа Хԝәде» Дьле Тә Хԝәй кә

¹⁰ Йаһоԝа готә щьмәʹте: «Һәгәр һун пе ԛәйдә-ԛанунед мьн рʹабьн-рʹунен у тʹәмийед мьн хԝәй кьн у ԝан бьԛәдиньн, әзе жи ԝәрʹа баране ԝәʹдәда бьбариньм, әʹрде дәрәмәта хԝә бьдә у даред дәште жи бәред хԝә бьдьн. Әзе әʹдьлайе бьдьмә ԝәлате ԝә, һуне рʹьһʹәт пʹалдьн, тʹӧ кәсе зәʹмәте нәдә ԝә, рʹәʹԝьред хьраб әзе жь ԝәлет бьдьмә һьлдане у шуре ԝәлате ԝәрʹа дәрбаз нәбә. У әзе нава ԝәда бьгәрʹьм, әзе бьбьмә Хԝәдейе ԝә у һуне жи бьбьнә щьмәʹта мьн» (Ԛануна Кʹаһинтийе 26:3, 4, 6, 12). Исраел дькарьбу әʹдьлайеда буйа, жь дьжмьна хԝәйикьри буйа, кемасийа ԝан ԝе тʹӧ тьштида тʹӧнә буйа у һәләԛәтийа ԝан тʹәви Йаһоԝа баш буйа. Әв һʹәму тьшт ԝе йәкева гьредайи бу кӧ ԝана Ԛануна Йаһоԝа бьанийана сери (Зәбур 119:165).

Хьзна Кʹьтеба Пироз

it-2 617

Нәхԝәшийед Һʹал

Щәзакьрьн жь бо Тʹәрʹьбандьна Ԛануна Хԝәде. Хԝәде готә Исраелийа, кӧ һәрге әԝана пәймана тʹәви ԝи хԝәй нәкьн, әԝ ԝе нәхԝәшийед һʹал сәр ԝанда бинә (Ԛн.Кʹһ. 26:14-16, 23-25; Ԛн.Дщ. 28:15, 21, 22). Ньвисаред Пирозда сьһʹәт-ԛәԝата физики у рʹӧһʹани бәрамбәри кʹәрәмед Хԝәде дьбә (Ԛн.Дщ. 7:12, 15; Зб. 103:1-3; Мтʹл. 3:1, 2, 7, 8; 4:21, 22; Әʹнт. 21:1-4), ле нәхԝәши бәрамбәри гӧнә у ԛьсуртийе дьбә (Дркʹ. 15:26; Ԛн.Дщ. 28:58-61; Иш. 53:4, 5; Мт. 9:2-6, 12; Йн. 5:14). Чахе һьнә дәрәщада Йаһоԝа Хԝәде хԝәха мәрьв бь нәхԝәшийе щәза дькьр, әв нәхԝәши дәрберʹа дьгьһиштә ԝан. Мәсәлә, Мәрйәм, Гәһази у Узийа жь Хԝәде бь нәхԝәшийа кʹотибуне һатьнә щәзакьрьне (Жм. 12:10; 2 Др. 26:16-21; 2 Пʹд. 5:25-27). Ле гәләк дәрәщада нәхԝәшийед һʹал пешда дьһатьн жь бо кьред нәрʹаст йед мәрьвәки йан жи йед тʹәмамийа щьмәʹте. Бь рʹасти ԝана бәред кьред хԝә дьчьнин; бәдәна ԝан жь бо кьред ԝани нәрʹаст дьчәрчьри (Гл. 6:7, 8). Паԝлос дәрһәԛа мәрьвед кӧ бенамуси дькьрьн дьгот, ԝәки Хԝәде «әԝ бь хԝәстьна дьле ԝан данә дәсте һʹәрамийе, кӧ бәдәна хԝә нава һәвда бьһʹәрʹьминьн . . . у һәԛе жьрʹекʹәтьна хԝәйә ԛазьнщкьри һьлдьданә сәр хԝә» (Рʹм. 1:24-27).

(Qануна Кʹаһинтийе 26:16) Һьнге жи әзе аһа сәре wә бькьм: Рʹьсасе бьшиньмә сәр wә, һʹиле у гәрме, кö рʹонайийа чʹәʹва кем дькьн у щанийа мерьв дьһʹәлинә дьмашинә, һуне бадиһәwа тʹохьм бьрʹәшиньн, чьмки дьжмьнед wәйе кʹәда wә бьхwьн.

(Qануна Кʹаһинтийе 26:18-33) Ле һәгәр пәй һаqас тьштирʹа һун гöрʹа мьн нәкьн, һьнге әзе жь бәр гöне wәва һʹәфт щар зедә wә щәза кьм. ¹⁹ Әзе кʹöбар-бабахийа wә бьшкеньм, әʹзмане wә бькьмә һʹәсьн у әʹрде wә бькьмә сьфьр. ²⁰ Qәwата wәйе щики бадиһәwа пʹучʹ бә һәрʹә, әʹрде wәйе дәрәмәта хwә нәәд у даред әʹрде жи бәре хwә нәдьн. ²¹ Һәгәр пәй һаqас тьштрʹа жи һун мьqабьли мьн бьн у нәхwазьн гöрʹа мьн бькьн, һьнге әзе анәгори гöне wә, һʹәфт щара зедә бәла ль сәр wәда биньм. ²² Рʹәʹwьред чоле әзе бьшиньм ль сәр wә, әwе wә безöрʹәт бьһельн, qьрʹа һʹәйwанед wә биньн, wә бьхwьн кем кьн у рʹийед wәйе вала бьн. ²³ Һәгәр пәй ве йәкерʹа жи һун ль сәр һʹьше хwәда нәйен у мьqабьли мьн һәрʹьн, ²⁴ һьнге жи әзе мьqабьли wә бьм, жь бәр гöне wәва әзе жи һʹәфт щара зедә бәла wә бьдьме. ²⁵ Әзе шуре һʹәйфа пәймана мьн һьлдане ль сәр wәда бьшиньн, һәгәр һун бажаред хwәда жи бьщьвьн, әзе нәхwәшийа һʹала бьшиньмә нава wә у һуне бькʹәвьнә дәсте дьжмьн. ²⁶ Гава әз нан ль wә бькьмә һʹьзрәт, һьнге дәһә кʹöлфәте тәндурәкеда нане wә лехьн у пе мезине нане wә бьдьнә wә, һуне бьхwьн у тʹер нәбьн. ²⁷ Ле һәгәр пәй ван йәкарʹа жи һун гöрʹа мьн нәкьн у мьqабьли мьн һәрʹьн, ²⁸ һьнге жи әзе бь һерс мьqабьли wә бьсәкьньм у жь бәр гöне wәва һʹәфт щара зедә wә бьдьмә щәза. ²⁹ Һьнге һуне гоште кöрʹ у qизед хwә бьхwьн. ³⁰ Һеланед wәйә жорьн әзе wеран кьм, пʹутед wәйә тәʹве әзе хьраб кьм, щьнйазед wә бьдьмә ль сәр кәрийед пʹутед wәйә һурдәхwәши буйи, нәфса мьне жь wә зьвер бә. ³¹ Бажаред wә әзе бькьмә хьрабә у пирозгәһед wә бькьмә хьки-хwәли у бина qöрбанед wәйә бинхwәшийе әзе һьлнәдьм. ³² Әʹрде wә әзе бекәс бькьм, дьжмьнед wәйә кö ле дьминьн wе әʹщебмайи бьн. ³³ Әзе wә бәлайи нава мьләта кьм, шур ль пәй wә бьшиньм, wәлате wәйе бекәс бьминә у бажаред wәйе вала бьн.

8-14 СЬБАТЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | ЖЬМАР 1-2

«Йаһоԝа Щьмәʹта Хԝә Организә Дькә»

ԝ94 1/12 9 ¶4

Һʹәбандьна Йаһоԝа Әʹмьре Мәда Щийе Һежа Дьгьрә

⁴ Һәрге тә жорва сәр зома Исраелийа йед бәрʹийеда бьньһерʹийа, тәйе чь бьдита? Тәйе рʹезед чадьра бьдита, кʹидәреда кӧ ԝәкә се милйона зедәтьр бьнәли щиԝар бьбун, демәк се бәрәк алийе бакӧре, сьсе алийе башуре, сьсе алийе рʹоһьлате у сьсе алийе рʹоавайе бун. Ортʹа зомеда тәйе ӧса жи чар кʹомед бьчʹук бьдита. Ԝедәре малбәтед бәрәка Леԝи дьжитьн. Ле мәйдана зомеда авайики мәхсус һәбу, дәр-доре кʹижане пʹәрдәкьри бу. Әв коне щьвине бу, йе кӧ мәрьвед билан пе рʹебәрийа Йаһоԝа ава кьрьбун (Жьмар 1:52, 53; 2:3, 10, 17, 18, 25; Дәркʹәтьн 35:10).

it-1 397 ¶4

Зом

Зома Исраелийа пʹьрʹ мәзьн бу. Ль гора һʹәсабе кӧ жоре һатьбу дайине, теда 603 550 әскәр бун, һьм жи жьн, зарʹ, кал-пир, нәхԝәш, ньвишкан, Леԝи кӧ ԝәкә 22 000 бун у ӧса жи мәрьвед «жь гәләк мьләта»; бь тʹәмами зомеда ԝәкә 3 000 000 мәрьв бун (Дркʹ. 12:38, 44; Жм. 3:21-34, 39). Чәтьн ә бежьн, ԝәки територийа зома Исраелийа чьԛас бу, чьмки ньһерʹандьна мәрийа дәрһәԛа ве йәке жь һәв щӧдә дьбә. Зома кӧ бәр Әриһайе дәшта Моԝабеда данибун, жь «Бетʹ-Һашимотʹе һʹәта Абел-Һашитиме» бу (Жм. 33:49).

Хьзна Кʹьтеба Пироз

it-2 764

Навньвисар

Һʹәсабкьрьна щьмәʹте бь навньвисаре, нишан дькьр, ԝәки кʹи жь кʹижан бәрәке йә. Әв тʹәне һʹәсабкьрьна мәрьва нибу. Навньвисара кӧ Кʹьтеба Пирозда те готьне, бона гәләк нета бу: мәсәлә кӧ хәрщ жь мәрьва һьлдьн, мәрьва бьвьн әскәрийе, йан жи (бона Леԝийа) борщдарийед хьзмәткьрьна коне пирозда пʹарәвәкьн.

(Жьмар 1:2, 3) «Тʹәмамийа щьвина зарʹед Исраел анәгори малбәтед wан, олкʹед wан, наве һәр мери йәко-йәко бьжмьрә. ³ Тö у Һарун һәр кәсе әскәрийерʹа һазьр жь бистсалийе жортьр анәгори ордийед wан нава Исраелда бьжмьрьн.

(Жьмар 1:1-19) Хöдан ль бәрʹийа Синайе Коне Щьвинеда йәке мәһа дöда, дöсалийа зарʹед Исраелә кö жь әʹрде Мьсьре дәркʹәтьбун, Мусарʹа хәбәрда у гот: ² «Тʹәмамийа щьвина зарʹед Исраел анәгори малбәтед wан, олкʹед wан, наве һәр мери йәко-йәко бьжмьрә. ³ Тö у Һарун һәр кәсе әскәрийерʹа һазьр жь бистсалийе жортьр анәгори ордийед wан нава Исраелда бьжмьрьн. ⁴ Тʹәви wә гәрә мәрьвәк жь һәр qәбиле һәбә. Мәрьве кö сәрwере олкʹа хwә йә. ⁵ Әв ьн навед мәрьвед кö wе тʹәви wә бьсәкьньн: Жь Рʹубен Әлисуре кöрʹе Шьдейур. ⁶ Жь Шьмһʹун Шьлумийеле кöрʹе Суришадай. ⁷ Жь Щьһуда Нәһшонекöрʹе Аминадав. ⁸ Жь Исахар Ньтʹанеле кöрʹе Суһар. ⁹ Жь Зәбулон Әлйабе кöрʹе Һʹелон. ¹⁰ Жь qәбила зарʹед Усьв: Жь Әфрайим Әлишамайе кöрʹе Әʹмиһуд. Жь Мьнашә Гамалйеле кöрʹе Пьдаһсур. ¹¹ Жь Бьнйамин Абиданекöрʹе Гидони. ¹² Жь Дан Ахиһәзәре кöрʹе Әʹмишадай. ¹³ Жь Ашер Пагийеле кöрʹе Окʹран. ¹⁴ Жь Гад Әлйасафе кöрʹе Дьһуйел. ¹⁵ Жь Нәфтәли Аһʹирайе кöрʹе Әйнан». ¹⁶ Әв ьн бьжартийед жь щьвине, сәрwеред qәбилед бавед wан, сәрwеред әʹлаләтед Исраел. ¹⁷ Муса у Һарун әв мәрьвед бь нав кʹьфшкьри һьлдан. ¹⁸ У йәке мәһа дöда wана тʹәмамийа щьвине щьванд у әw анәгори малбәтед wан, олкʹед wан, наве йед жь бистсалийе жортьр йәко-йәко жьмартьн, ¹⁹ чаwа кö Хöдан тʹәми Муса кьр wан бьжмьрә ль бәрʹийа Синайеда.

15-21 СЬБАТЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | ЖЬМАР 3-4

«Хьзмәта Леԝийа»

it-2 683 ¶3

Кʹаһин

Бьн Пәймана Ԛанунеда. Чахе Исраели дилед Мьсьре бун, Йаһоԝа һʹәму ньхӧрийед нерин Исраеледа хԝәрʹа бӧһӧрти-жьбарә кьрьн, ле ньхӧрийед Мьсьрийа ԝәʹде бәла дәһа кʹӧта кьрьн (Дркʹ. 12:29; Жм. 3:13). Демәк ньхӧрийед Исраелийа ида пʹара Йаһоԝа бун, у әԝи дькарьбу шьхӧле мәхсус тʹәсмили ԝан кьра, у әԝана ча кʹаһин у хьзмәткʹаред пирозгәһе кʹьфш кьрана. Ле Йаһоԝа сафи кьр, ԝәки сәва ве йәке һʹәму меред жь бәрәка Леԝи бьдә хәбате. Ләма жи әԝи изьн да щьмәʹте, ԝәки дәԝса һʹәму ньхӧрийед жь 12 бәрәкед дьн Леԝийа бьдьн (зӧрʹәтед Әфрайим у Мьнаш, кӧрʹед Усьв, дӧ бәрәк бун). Жь навньвисаре һатә кʹьфше, ԝәки ньхӧрийед бәрәкед дьн, йед йәкмәһи у һе мәзьнтьр 273 мәрьв жь Леԝийа зедәтьр бун. Жь бо ве йәке Хԝәде һәԛе кʹьрʹине бона һәр йәки жь ԝан ньхӧрийа хԝәст, баһе кʹижани кӧ пенщ шекьл бу ($11); һʹәму пʹәрә данә Һарун у кӧрʹед ԝи (Жм. 3:11-16, 40-51). Ле һе пешийа ве йәке, Йаһоԝа һʹәму меред жь малбәта Һарун, кʹижан кӧ жь бәрәка Леԝийа бун, башԛә кьр, сәва кӧ әԝана Исраеледа ча кʹаһин хьзмәт кьн (Жм. 1:1; 3:6-10).

it-2 241

Леԝи

Борщдари. Бәрәка Леԝи жь малбәтед се кӧрʹед Леԝи пешда һатьн, демәк жь Гершон, Ԛоһатʹ у Мерари (Дсп. 46:11; 1 Др. 6:1, 16). Чахе бәрʹийеда чадьр ледьхьстьн, һәр малбәтәки заньбу кӧ щийе ԝан бәр коне пироз гәрәке кʹидәре бә. Малбәтед зарʹед Ԛоһатʹ йед рʹькʹьнийата Һарун пешбәри коне пироз алийе рʹоһьлате щиԝар дьбун. Зӧрʹәтед дьн йед Ԛоатʹ щиԝар дьбун алийе башуре, малбәтед Гершонийа алийе рʹоавайе, у малбәтед Мерари алийе бакӧре (Жм. 3:23, 29, 35, 38). Леԝийа гәрәке коне пироз вәгьртана, һәв дәрхьстана у щигӧһасти кьрана. Чахе ԝәʹдә дьгьһишт кӧ рʹекʹәвьн, Һарун у кӧрʹед ԝи әԝ пʹәрда кӧ Щийе Пироз жь Щийе Һәри Пироз башԛә дькьр, вәдькьрьн. Әԝана ӧса жи Сьндоԛа Пәймане, горигәһ у тьштед пирозә дьн дьньхамтьн. Әԝ һʹәму тьшт Ԛоһатʹийа щигӧһасти дькьрьн. Ле пʹәрдед кон, тәж, пʹәрдед һʹәԝше у тʹог (дьԛәԝьмә тʹогед чадьре) Гершонийа щигӧһасти дькьрьн. Мерари жи щабдар бун бона читед пирозгәһе, стунед дора һʹәԝше, ӧса жи бона сьнга у һʹәму һащәтед дьн (Жм. 1:50, 51; 3:25, 26, 30, 31, 36, 37; 4:4-33; 7:5-9).

it-2 241

Леԝи

Ԝәʹде Мусада Леԝи 30 салийа хԝәда дәстпедькьрьн щабдарийед хԝә биньн сери. Мәсәлә, чахе зом щигӧһасти дьбу, ԝана коне пироз у тьштед ве дәрбаз дькьрьн (Жм. 4:46-49). Һьнә щабдарийед дьн жи Леԝийа дькарьбун 25 салийа хԝәда дәстпекьрана. Ле ча те кʹьфше, шьхӧлед гьран нәдьданә дәсте ԝан, мәсәлә щигӧһәстьна коне пироз (Жм. 8:24). Һена Даԝьд Пʹадшада һатә сафикьрьне кӧ әԝана ида ԝе бькарьбьн жь 20 салийа хԝәда хьзмәта хԝә дәстпекьн. Мәʹнийа ве йәке әԝ бу, ԝәки ида лазьм нибу коне пироз щигӧһасти кьн (дәԝса кʹижани кӧ гәрәке пʹарьстгәһ буйа). Леԝийа 50 салийа хԝәда, әв хьзмәткьрьна кӧ борщдар бун биньн сери, хьлаз дькьрьн (Жм. 8:25, 26; 1 Др. 23:24-26; бьньһерʹә САЛЕД ӘʹМЬР.) Леԝийа гәрәке Ԛанун рʹьнд бьзаньбуна, чьмки гәләк щар лазьм бу, ԝәки бәр щьмәʹте Ԛануне бьхуньн у ԝана һин кьн (1 Др. 15:27; 2 Др. 5:12; 17:7-9; Нм. 8:7-9).

Хьзна Кʹьтеба Пироз

ԝ06 1/8 23 ¶13

Билан у Хԝәдехоф бә!

¹³ Һʹале хԝәйә гьранда Даԝьд тʹәхмин дькьр, ԝәки Йаһоԝа али ԝи дькә. Әԝе йәке хофа Хԝәде дьле ԝида пешда дьани у баԝәрийа ԝи дьшьданд (Зәбур 31:22-24). Ле се дәрәщада кӧ рʹьнд нас ьн, хофа Хԝәде дьле Даԝьдда ӧнда бу, чь кӧ кӧл-дәрд пешда ани. Дәрәща пешьнда Даԝьд рʹебәри кьр, ԝәки Сьндоԛа Пәймане дайньн сәр әʹрәбе у дәрбази Оршәлиме кьн. Ле ль гора Ԛануне Леԝийа әԝ гәрәке сәр мьле хԝә дәрбаз кьрана. Һьнге Узза, йе кӧ әʹрәбә дажот, дәсте хԝә дьрежи Сьндоԛа Хԝәде кьр у гьрт, ԝәки рʹаст кә, у бона кьре ԝийи беһӧрмәти әԝ щида һатә кӧштьне. Узза гӧнәки гьран кьр, ле диса жи Даԝьд нәһәԛ бу, кӧ ԛәдьр һьндава Ԛануна Хԝәде нәда кʹьфше, жь бо чь жи ԛәзикә ӧса ԛәԝьми. Хԝәдехоф бьн те һʹәсабе, ԝәки һʹәму тьшти ль гора рʹебәрийа Хԝәде бькьн (2 Самуйел 6:2-9; Жьмар 4:15; 7:9).

(Жьмар 4:15) Гава Һарун у кöрʹед wи ньхамтьна щийе пироз у һәр тьштед щийе пироз хьлаз кьн, wәхте рʹекʹәтьна зоме зарʹед Qоһатʹ wе бен кö һьлдьн, ле бьра әw дәст нәдьнә пирозийе wәки нәмьрьн. Әв ә баре зарʹед Qоһатʹ ль Коне Щьвине.

(Жьмар 4:34-49) Муса, Һарун у сәрwеред щьвине зарʹед qоһатʹийа анәгори малбәтед wан у олкʹед wан жьмартьн, ³⁵ һәр кәсе жь сисалийе һʹәта пенщисалийе кö qöльхкьрьнерʹа һазьр ә шьхöле Коне Щьвине бькә, ³⁶ һʹәсабе wан анәгори малбәтед wан 2750 нәфс бун. ³⁷ Әв ә һʹәсабе малбәтед Каһатийа һʹәмуйед кö Коне Щьвинеда дьхәбьтин, кʹижан кö Муса у Һарун жьмьрин, чаwа кö Хöдан пе Муса тʹәми кьрьбу. ³⁸ Һʹәсабе зарʹед Гершон анәгори малбәтед wан у олкʹед wан, ³⁹ һәр кәсе жь сисалийе һʹәта пенщисалийе кö qöльхкьрьнерʹа һазьр бу шьхöле Коне Щьвине бькьра, ⁴⁰ һʹәсабе wан анәгори малбәтед wан, олкʹед wан 2630 нәфс бун. ⁴¹ Әв ә һʹәсабе малбәтед зарʹед Гершон һʹәмуйед кö Коне Щьвинеда дьхәбьтин, кʹижан кö Муса у Һарун анәгори тʹәмийа Хöдан әw жьмартьн. ⁴² Һʹәсабе малбәтед зарʹед Мерари анәгори малбәтед wан у олкʹед wан, ⁴³ һәр кәсе жь сисалийе һʹәта пенщисалийе кö qöльхкьрьнерʹа һазьр бу шьхöле Коне Щьвине бькьра, ⁴⁴ һʹәсабе wан анәгори малбәтед wан 3200 нәфс бун. ⁴⁵ Әв ә һʹәсабе малбәтед Мерари кʹижан кö Муса у Һарун анәгори тʹәмийа Хöдан әw жьмартьн. ⁴⁶ Тʹәмамийа леwийа анәгори малбәтед wан у олкʹед wан кö Муса, Һарун у сәрwеред Исраел әw жьмартьн, ⁴⁷ һәр кәсе жь сисалийе һʹәта пенщисалийе кö һазьр бу шьхöл у һьлдана Коне Щьвине бькьра, ⁴⁸ һʹәсабе wан 8580 нәфс бун. ⁴⁹ Әвана wәкә готьна Хöдан, һәр кәс бь дәсте Муса анәгори qöльхе хwә у барһьлдане аһа һатьнә жьмаре, чаwа кö Хöдан тʹәми ль Муса кьрьбу.

22-28 СЬБАТЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | ЖЬМАР 5-6

«Һун Ча Дькарьн Чʹәʹв Бьдьнә Нәзира?»

it-2 477

Нәзир

Әԝе кӧ соз дьда, ԝәки ԝе бьбә Нәзир, гәрәке се тьштед сәрәкә бьанийа сери: 1) Шәрав у тʹӧ щурʹә ичʹкә вәнәхԝара, ӧса жи тʹӧ тьштед жь тьрийа чекьри нәхԝара у вәнәхԝара, фьрԛи тʹӧнә әԝ гьһишти йан ханг буйа, йан жи тьрийе һʹьшккьри, ньша тьрийа, дьмс сьркә буйа. 2) Пʹорʹе сәре хԝә кӧрʹ нәкьра. 3) Дәсте хԝә нәда тʹӧ щьнйази, һәрге жи мәрьве ԝийи незик буйа, мәсәлә де, бав, бьра йан хушк (Жм. 6:1-7).

Созед Мәхсус. Мәрьве кӧ созе мәхсус дьда, «кӧ әԝ бьбә нәзире Хӧдан», демәк башԛәкьри у тʹәсмилкьри бона Йаһоԝа, нә кӧ сәва мәрьв пʹайе ԝи бьдьн. Дәрһәԛа Нәзира һатьбу готьне: «Һʹәму рʹожед ԝийә нәзирийе бьра әԝ Хӧданрʹа пироз бә» (Жм. 6:2, 8; бәрамбәр кә Дсп. 49:26).

Чь кӧ жь Нәзира дьһатә дәʹԝакьрьне, гәләк фәрз бу һʹәбандьнеда у әв һʹәму тьшт бь нета мәхсус дьһатә кьрьне. Изьна Нәзир, чаԝа кӧ изьна сәрәккʹаһине кӧ щийе пирозда хьзмәт дькьр, тʹӧнә бу кӧ дәсте хԝә бьдә щьнйаз, һәла һе щьнийазе мәрьве хԝәйә незик жи. Щабдарийа сәрәккʹаһин у әԝед кӧ тʹәви ԝи хьзмәт дькьрьн, мәхсус бу, ләма жи чахе ԝана щабдарийед хԝә бәр Йаһоԝа дьанин сери, изьна ԝан тʹӧнә бу шәраве у  чʹкәйа сәрт вәхԝьн (Ԛн.Кʹһ. 10:8-11; 21:10, 11).

Хенщи ԝе йәке, Нәзиррʹа (бь Ибрани «назьр») ӧса һатьбу готьне: «Әԝ бьра пироз бә, пʹорʹе сәре хԝә бьра бьһелә дьреж бьн». Пʹорʹе дьреж нишана ве йәке бу, кӧ әԝ мәрьв созе Нәзирийе хԝәйи дькә (Жм. 6:5). Хәбәра «назьр» ӧса жи дьданә хәбате, чахе хәбәрдан дьчу дәрһәԛа рʹәзед тьрийа кӧ сала Шәмийе у сала Йубиледа нәдьбьрʹин (Ԛн.Кʹһ. 25:5, 11). Сәр бәрәʹнийа сәрәккʹаһин йа жь зерʹ, кʹижан кӧ пʹапʹахва бу, мина моркʹоландьне гьлийе ӧса ньвисар бу: «Пироз Хӧданрʹа». Сәр ве бәрәʹнийе ӧса жи дьготьн «нишана пироз йа тʹәсмилкьрьне» [бь Ибрани «незер», чь кӧ незики хәбәра «назьр» ә] (Дркʹ. 39:30, 31). Хәбәра «незер» дьһатә һʹәсабе ча тʹащ ӧса жи  пʹапʹахе  фәрми, кʹижан кӧ пʹадшед Оршәлимейә бь рʹун кʹьфшкьри, дькьрьнә сәре хԝә (2 См. 1:10; 2 Пʹд. 11:12; бьньһерʹә ТʹАЩ; ТʹӘСМИЛКЬРЬН). Паԝлосе шанди чахе щьвата Мәсиһийарʹа дьньвиси, гот ԝәки пʹорʹе дьреж кʹӧлфәтрʹа бона ньхамтьне һатийә дайине. Пʹорʹ дьани бира жьна, ԝәки әԝ жь мер щӧдә дьбә, чьмки ль гора ԛьрара Хԝәде әԝ гәрәке гӧрʹа мерда бә. Демәк, әԝ дәʹԝакьрьн кӧ пʹорʹ кӧрʹ нәкьн (чь кӧ бона мер нәтʹәбийәти йә), шәраве вәнәхԝьн у тʹәмьз бьминьн, дьани бира Нәзир, ԝәки чьԛас фәрз бу хԝә инкʹар кә у бь тʹәмами гӧрʹа Йаһоԝа бькә у ԛьрара ԝи бинә сери (1 Кр. 11:2-16; бьньһерʹә ПʹОРʹ; ГЬРЕДАНА СӘРИ; ТʹӘБЙӘТ).

Хьзна Кʹьтеба Пироз

ԝ05 15/1 30 ¶2

Пьрсед Хԝәндәвана

Ле Нәзирийа Шьмшон һʹәвәки щӧдә дьбу. Һе пешийа буйина ԝи, мәләке Йаһоԝа готә дийа Шьмшон: «Тӧйе дӧщани бьмини у лаԝәки бини дьне у дьве гузан ль сәре ԝи нәкʹәвә; жь бәр кӧ ԝе жь рʹәʹма дайьке жь Хԝәдерʹа бьбә Нәзир у ԝе әԝ дәстпебькә у Исраел жь дәсте Фьльстийан вә хәлас бькьн» (Һʹакьмти 13:5). Шьмшон созе Нәзири нәдабу. Хԝәде хԝәхә ԝи кʹьфш кьр, кӧ тʹәмамийа жийина хԝәда бьбә Нәзир. Ләма жи әв ԛәдәхакьрьна кӧ дәсте хԝә нәдьнә щьнйаз, ԝи нәдькʹәт. Ле һәрге әԝ дәʹԝакьрьн ԝи жи бькʹәта, у әԝи ньшкева дәсте хԝә бьда щьнйаз, әԝи ԝе бькарьбуйа диса Нәзирти бькьра, кʹижан кӧ жь буйина ԝи дәстпебу? Һәмьки. Әшкәрә йә, ԝәки дәʹԝакьрьн бона мәрьве кӧ жь буйине буйә Нәзир у бона әԝе кӧ бь хԝәстьна хԝә дьбу Нәзир, жь һәв щӧдә дьбун.

(Жьмар 6:6, 7) Һʹәму рʹожед кö wи хwә Хöданрʹа нәзир кьрийә әw бьра незики тʹö щьнйази нәбә, ⁷ нә щьнйазе баве хwә, нә дийа хwә, нә бьре хwә нә жи хушка хwә. Һʹәта бона мьрьна wан жи әw бьра паqьжийа хwә нәһʹәрʹьминә, чьмки нәзирийа бона Хwәдейе wи ль сәр сәре wи йә.

(Жьмар 5:1-18) Хöдан Мусарʹа хәбәрда у гот: ² «Әʹмьри зарʹед Исраел кә кö һʹәмуйед кʹоти, һʹәмуйед гәмар же дьчә у һʹәмуйед нәпаqьж кö дәст данә щьнйаз жь нава зоме дәрхьн. ³ Чаwа мер öса жи жьн жь зоме дәрхьнә дәр wәки әw зомед хwә, нава кʹижана әз һеwьримә нәһʹәрʹьминьн». ⁴ Зарʹед Исраел хут öса кьрьн әw жь нава зоме дәрхьстьнә дәр. Чаwа кö Хöдан готьбу Муса зарʹед Исраел хут öса кьрьн. ⁵ Хöдан тʹәви Муса хәбәрда у гот: ⁶ «Бежә зарʹед Исраел, һәгәр мер йан жьнәк, ль бәр Хöдан беәʹсьлийе бькә, аwа готи гöнәки һьндава йәки дьнда бькә у әw мәрьв гöне хwә фәʹм бькә, ⁷ бьра әw гöне хwәйи кьри бьдә рʹуйе хwә, бьра әw жь бәр гöне хwәва тʹам бьдә у бьра чарика пенща жи сәрда зедәкә у бьдә wи ль бәр кʹе гöнә кьрийә. ⁸ Ле һәгәр пьсмаме wи мәрьви тʹöнә бә кö жь бәр гöнәва бьдьнә wи, һьнге дайина жь бәр гöнәва, дьгьһижә Хöдан бона кʹаһин, сәрда жи бәране гöнәкʹәwандьне, бь кʹижани гöнәкʹәwандьн wе бона wи бе кьрьне. ⁹ У һʹәму һʹәдийед жь һʹәму тьштед пирозә зарʹед Исраел кö әwе биньнә ль щәм кʹаһин, бьра пʹара wи бә. ¹⁰ Тьштед пирозә һәр кәси пʹара кʹаһин ьн, кʹе чь кö бьдә wи әw пʹара wи йә». ¹¹ Хöдан Мусарʹа хәбәрда у гот: ¹² «Зарʹед Исраелрʹа хәбәр дә у бежә wан: ‹Һәр мере кö жьна wи жь рʹийа хwә дәре у һьндава мере хwәда ширһʹәлал нибә, ¹³ мерәк сәре хwә wерʹа дайнә у әва йәка жь мере wе вәшарти бьминә, ле әw дьзива һʹәрʹьмийә, шәʹдә жи мьqабьли wе тʹöнәйә, әw нәһатийә гьртьне. ¹⁴ Һәгәр рʹöһʹе кʹöмрʹәшийе бе ль сәр мере wе у әw кʹöмрʹәшийе жьна хwә бькә, жьн жи һʹәрʹьми йә, йан жи һәгәр рʹöһʹе кʹöмрʹәшийе бе ль сәр wи у әw кʹöмрʹәшийе жьна хwә бькә ле жьн нә һʹәрʹьмийә, ¹⁵ бьра мер жьна хwә бинә ль щәм кʹаһин. Бьра бона wе qöрбане бьдә аwа готи пʹарәк жь дәһа ефа аре щәһә, ле бьра рʹун нәрʹежә ль сәр wе у нә жи бьхуре, чьмки әв дийарийа нанийә кʹöмрʹәшийе йә, дийарийа нанийә биранине йә бона әʹйанкьрьна нәһәqийе. ¹⁶ Кʹаһин бьра wе бьбә у ль бәр Хöдан бьдә сәкьнандьне. ¹⁷ Кʹаһин бьра ава пироз бькә дәрдана ахин, аха әʹрде Коне Шәʹдәтийе һьлдә у бькә нава wе аве. ¹⁸ Пәйрʹа кʹаһин бьра жьне ль бәр Хöдан бьдә сәкьнандьне у лачʹька сәре wе вәкә , дийарийа нанийә биранине бьдә дәсте wе аwа готи дийарийа нанийә кʹöмрʹәшийе. Ле дәсте кʹаһинда жи гәрә ава тәʹлә ньфьрʹ кьрьне һәбә.