Кани бона «Бәрнама Щьвине, Бьжин у Хьзмәт кьн»
1-7 АДАРЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ЖЬМАР 7-8
«Жь Зома Исраелийа Әм Чь Һин Дьбьн»
it-1 497 ¶3
Щьват
Исраеледа гәләк щар меред щабдар бона һʹалхԝәшийа щьмәʹте ча ԝәкʹил шьхӧл дькьрьн (Әз. 10:14). Мәсәлә чахе коне пироз һатьбу данине «сәрԝеред ԛәбилед ԝан» дийари анин (Жм. 7:1-11). Ӧса жи ԝәʹде Нәһәмийада кʹаһин, Леԝи у «сәрокед» щьмәʹте ча ԝәкʹилед ԝан «пәйманәк хԝӧрт» мор кьрьбун (Нм. 9:38–10:27). Гава Исраели бәрʹийеда бун жь «сәрԝеред щьвине, бьжартийед щьвине у мәрьвед нав у дәнг» 250 мер тʹәви Ԛорах, Датʹан, Абирам у Он бунә йәк у мьԛабьли Муса дәркʹәтьн (Жм. 16:1-3). Ль гора рʹебәрийа Хԝәде Муса 70 рʹуспийед кӧ сәрԝеред щьмәʹте бун, кʹьфш кьрьн ԝәки али ԝи бькьн «нире ви мьләти» һьлдьн, чьмки ԝирʹа чәтьн бу тʹәне әԝе йәке бькә (Жм. 11:16, 17, 24, 25). Ԛануна Кʹаһинтийе 4:15-да те готьне дәрһәԛа «рʹуспийед щьмәʹте» у әв рʹуспи, сәрок, һʹакьм у сәрԝер ча те кʹьфше ԝәкʹиле щьмәʹте бун (Жм. 1:4, 16; Йеш. 23:2; 24:1).
it-2 796 ¶1
Рʹубен
Зома Исраеледа жь коне пироз алийе башуреда бәрәка Рʹубен щиԝар бу, ле алийе дьнва жь ԝан бәрәка Шьмһʹун бу, аликива жи бәрәка Гад. Чахе зом рʹе дькʹәт әԝ се бәрәк, рʹебәрийа кʹижани кӧ Рʹубен дькьр, пәй се бәрәкед дьн дьчун, демәк Щьһуда, Исахар у Зәбулон (Жм. 2:10-16; 10:14-20). Анәгори ԝе йәке, гава коне пироз һатә тʹәсмилкьрьне, бәрәка пәй һәв дийари анин (Жм. 7:1, 2, 10-47).
ԝ04 1/8 25 ¶1
Фькьред Сәрәкә жь Кʹьтеба Жьмар
8:25, 26. Леԝийед әʹмьрда мәзьн хьзмәткьрьна хԝәйә әʹсәйи хьлаз дькьрьн. Бь ԝе йәке ԛәдьр һьндава салед әʹмьре ԝан дьһатә кʹьфше у Леԝийед дьн жи дькарьбун хьзмәткьрьна хԝә дәстпекьн. Ле диса жи Леԝийед әʹмьрда мәзьн дькарьбун бь рʹәзәдьли али Леԝийед дьн бькьн. Рʹаст ә салед әʹмьрва гьредайи нинә, кӧ бьбьн мьзгинванед Пʹадшатийе йан на, ле принсипа жь ве ԛануне гәләк тьшта мә һин дькә. Һәрге жь бо салед әʹмьр Мәсиһи нькарә һьнә борщдарийа бинә сери, әԝ диса жи дькарә хьзмәтеда һаԛас кʹар бькә чьԛас кӧ ԛәԝата ԝи дьгьһиже.
Хьзна Кʹьтеба Пироз
it-1 835
Ньхӧри
Ньхӧрийед Исраеле гәрәке бьбуна сәре малбәте, әԝана дьһатьнә һʹәсабе ԝәкʹиле щьмәʹте. Ӧса жи Йаһоԝа сәр һʹиме пәймана кӧ тʹәви Бьраһим гьредабу, тʹәмамийа щьмәʹта Исраел нав дькьр «кӧрʹе мьни ньхӧри» (Дркʹ. 4:22). Жь бо ԝе йәке кӧ Йаһоԝа жийина һʹәму ньхӧрийа хьлаз кьр, әԝи тʹәми да ԝәки «һәр ньхӧрийе кӧ бәтʹьне вәдькә, һәгәр мәри бә йан һʹәйԝан» тʹәсмили ԝи бькьн (Дркʹ. 13:2). Ӧса әԝ ньхӧрийед кӧрʹин дьбунә пʹара Йаһоԝа.
(Жьмар 8:17) Чьмки һʹәму ньхöриед Исраел, жь мерьв гьрти һʹәта һʹәйwен пʹара мьн ьн. Ль wе рʹожа кö мьн һʹәму ньхöрийед әʹрде Мьсьре qьр кьрьн, мьн һьнге әw хwәрʹа кʹьфш кьрьн.
(Жьмар 7:1-17) Гава Муса пирозгәһ да сәкьнандьне хьлаз кьр, әw у һәр тьштед wе рʹун кьрьн у пироз кьр, һьнге горигәһ у һʹәму һащәтед wе жи рʹун кьрьн у пироз кьр. 2 Сәрwеред Исраел, сәрwеред олкʹед wан, аwа готи сәрwеред qәбилед wан, йед кö сәрwерийа навньвисаре дькьрьн, дийари анин. 3 Дийарийед хwә анинә ль бәр Хöдан: Шәш әʹрәбе гьрти, донздәһ га, һәр әʹрәбәк дö сәрwер бун у һәрәкирʹа гак, вана әв анинә ль бәр Пирозгәһе. 4 Хöдан Мусарʹа хәбәрда у гот: 5 «Жь wан һьлдә, әwе бона хьзмәткʹарийа Коне Щьвине бенә хәбате. Wан бьдә леwийа, һәр кәсирʹа анәгори хәбата wи». 6 Муса әʹрәбә у га һьлдан у әw данә леwийа. 7 Дö әʹрәбә у чар га данә зарʹед Гершон, анәгори хәбата wан. 8 Чар әʹрәбә һʹәйшт га данә зарʹед Мерари, анәгори хәбата wанә бь сәрwерийа Итʹамаре кöрʹе Һаруне кʹаһин. 9 Ле нәда кöрʹе Qоһатʹ чьмки хәбата Щийе Пироз ль сәр wан бу, wана әw гәрә ль сәр мьле хwә бьбьрана. 10 Сәрwера дийарийа пирозкьрьна горигәһе рʹожа рʹункьрьне анин. Сәрwера дийарийед хwә анинә ль бәр горигәһе. 11 Хöдан готә Муса: «Рʹоже сәрwерәк бьра дийарийа хwә бинә, бона пирозкьрьна горигәһе». 12 Рʹожа пешьн Нәһшоне кöрʹе Аминадав жь qәбила Щьһуда дийарийа хwә ани. Дийарийа wи әв бу: тʹәштәкә зивинә 130 шекьле, тʹасәкә зивинә 713 шекьле, анәгори шекьле пирозгәһе, һәр дö жи бь аре хаси рʹунда стьрайи дагьрти бона дийарийа нани, 14 кәвчʹики зерʹини 10 шекьле бьхурева дагьрти, 15 щанәгак, бәранәк, бәрхәки йәксали бона дийарийа тʹәвайишәwате, 16 нерики бона дийарийа паqьжбуне, 17 дö га, пенщ бәран, пенщ нери у пенщ бәрхед йәксали бона дийарийа һәләqәтийе. Әва дийарийа Нәһшоне кöре Аминадав бу.
8-14 АДАРЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ЖЬМАР 9-10
«Йаһоԝа Чаԝа Рʹебәрийе Щьмәʹта Хԝә Дькә»
it-1 398 ¶3
Зом
Әԝ зома мәзьн (Муса кʹьтеба Жьмар сәре 33-да дәрһәԛа 40 щийед сәкьнандьнейә зоме дьбежә) бь организә щигӧһасти дьбу. Һʹәта кӧ стуна әʹԝьр ль сәр коне пирозрʹа сәкьни бу, зом щида дьма. Ле чахе стуна әʹԝьр щигӧһасти дьбу, һьнге тʹәмамийа зоме жи щигӧһасти дьбу. «Бь готьна Хӧдан зарʹед Исраел рʹе дькʹәтьн у бь готьна Хӧдан зомед хԝә ле дьдан» (Жм. 9:15-23). Әԝ рʹебәрийа Йаһоԝа бь сайа дӧ борʹийед зивинә кʹоланди әʹлами щьмәʹте дькьрьн (Жм. 10:2, 5, 6). Чахе дәнге борʹийе кьн ледьхьстьн, һьнге зоме фәʹм дькьр, ԝәки гәрәке рʹе кʹәвьн. Щара пешьн зом рʹе кʹәт «бисте мәһа дӧдайә сала дӧда [1512 Б.Д.М.]». Пешийе сьндоԛа пәймане дьбьрьн, паше жи се бәрәк рʹе дькʹәтьн, бәрәка Щьһуда пешийе дьчу, паше Исахар у Зәбулон. Пьшт ԝанва Гершони у Мерари, кʹижан кӧ ль гора рʹебәрийе тьштед коне пироз дьбьрьн, дьчун. Пәй ԝан бәрәка се бәрәкед дьн дьчун. Йа пешийе бәрәка Рʹубед бу, паше Шьмһʹун у Гад дьчун, пәй ԝанрʹа жи Ԛоһатʹи, йед кӧ тьштед пироз дьбьрьн. Паше жи се бәрәкед дьн дьчун, әԝ һәбун Әфрайим, Мьнаш у Бьнйамин. Се бәрәкед хьлазийе жи әԝ бун: йа пешийе бәрәка Дан, паше Ашер у Нәфтәли. Бь ԝи щурʹәйи пешийа у хьлазийа зоме бәрәкед лапи мәзьн у ԛәԝи дьчун (Жм. 10:11-28).
ԝ11 15/4 4-5
Тӧ Рʹебәрийа Хԝәде Тедәрдьхи?
Ча әм дькарьн рʹазибуна хԝә бона рʹебәрийа жь Хԝәде бьдьнә кʹьфше? Паԝлосе шанди гот: «Гӧһдарийа рʹебәред хԝә бькьн у гӧрʹа ԝанда бьн» (Ибрн. 13:17). Щарна әԝ йәк дькарә һеса нибә. Бьдә бәр чʹәʹве хԝә кӧ тӧ һена Мусада зома Исраелийада ни. Ида чәндәкә тӧ пәй стуна егьр йане әʹԝьр дьчи у дьвини кӧ әԝ сәкьни. Дьбәк тӧйе бьфькьри: «Гәло әԝ ԝе чьԛас ԝәхт ԝи щийи бьсәкьнә? Рʹожәке, һʹәфтеке йан чәнд мәһа? Гәло әз гәрәке һʹәму һур-муре хԝә дәрхьм?» Дьбәкә пешийе тӧ тʹәне тьштед зәʹф лазьм дәрхи. Ле паши чәнд рʹожа тӧйе бьԝәсти кӧ тʹьме тьштед хԝә бьгәрʹи, ләма жи тӧйе сафи ки һәр тьшти дәрхи у щиԝар дайни бәр дәст. Ле чахе тә ида һәр тьшт щиԝар кьр, тӧ дьвини ԝәки стун рʹабу. Ԝи чахи тӧ фәʹм дьки, ԝәки гәрәке пашда һур-муре хԝә тʹоп ки у рʹекʹәви! Әԝ йәк һеса нинә, ле йәкә ԝе дәрәщеда Исраели гәрәке дәрберʹа рʹе кʹәтана (Жьмар 9:17-22).
Ле ча әм хԝә дьдьнә кʹьфше, чахе жь Хԝәде рʹебәрийе дьстиньн? Әм дьхәбьтьн ԝәки дәрберʹа ԝан рʹебәрийа биньн сери? Йан әм бәрдәԝам дькьн ча һин бунә ӧса жи бькьн? Гәло әм һаш рʹебәрийед пашьн һәнә, мәсәлә ԝәки чаԝа һинбуна Кʹьтеба Пироз дәрбаз кьн, сәр зьманед хәриб хьзмәт кьн, ԛӧльхкьрьна тʹәви малбәте дәрбаз кьн, тʹәви Комитейа Һәвкʹарийа Нәхԝәшхана шьхӧлкʹарийе бькьн, у ча сәр щьватед мәзьн хԝә бьдьнә кʹьфше? Рʹазибуна мә бона рʹебәрийа Хԝәде һьнге жи те кʹьфше, гава әм гӧрʹа ширәтед ԝи дькьн. Чахе әм гәрәке сафикьрьнәкә фәрз бькьн, әм сәр хԝә итʹбар ниньн, ле дәԝсе жь Йаһоԝа у тʹәшкиләта ԝи рʹебәрийе дьгәрʹьн. Ԝәʹде тәйрок у бьруске зарʹ ча щи-сьтʹаре щәм де-баве хԝә дьгәрʹә, ӧса жи әм чахе рʹасти дәрәщед гьран тен, кʹижан кӧ мина тәйроке сәр мәда дьбарьн, әм тʹәшкиләта Йаһоԝада щи-сьтʹаре дьгәрʹьн.
Хьзна Кʹьтеба Пироз
it-1 199 ¶3
Щьвин
Фәрзбуна Щьвина. Жь рʹебәрийа кӧ Йаһоԝа дабу Исраелийа дәрһәԛа Щәжьна Дәрбазбунейә һәрсали, те кʹьфше ԝәки чьԛас фәрз ә һазьр бьн сәр щьватед кӧ Йаһоԝа кʹьфш кьрийә сәва щьмәʹта хԝә рʹӧһʹанида ԛәԝи кә. Һәр мере кӧ паԛьж бу у рʹевитийеда нибу, ле Щәжьна Дәрбазбуне нәдькьр, гәрәке бьһата кӧштьне (Жм. 9:9-14). Чахе Һьзԛийа Пʹадша гази һʹәму бьнәлийед Щьһудайе у Исраеле кьр кӧ бенә Оршәлиме, ԝәки Щәжьна Дәрбазбуне дәрбаз кьн, әԝи гот: «Йа лаԝед Исраел! вәгәрʹьн Хԝәдайе Бьраһим . . . Мина бавед хԝә сту һʹьшк нәбьн; ле бәле дәст бьдьн Хӧдан у бькʹәвьн пʹәрәстгәһа ԝи йа кӧ абадин ԝе пироз кьрийә у жь Хԝәдайе хԝә ХӦДАНРʹА ԛультийе бькьн у ԝе һерса ԝи йа сор жь сәр ԝә вәгәрʹә! . . . Хԝәдайе мә ХӦДАН хере дькә у зәʹф һʹәйфа ԝи пе те у гәр һун вәгәрʹьн ԝи, ԝәще [рʹуйе] хԝә жь ԝә назьвьрʹинә!» (2 Др. 30:6-9). Һәрге кәсәки бемәʹни щьват бәрʹдьда, әԝи дьда кʹьфше кӧ пьшта хԝә дайә Хԝәде. Рʹаст ә Мәсиһи иро щәжьнед ӧса, ча мәсәлә Щәжьна Дәрбазбуне дәрбаз накьн, йәкә Паԝлос ширәт да, ԝәки щьмәʹта Хԝәде щьвина бәрʹнәдьн. Әԝи ньвиси: «Бьра әм бона һәвдӧ хәм бькьн, ԝәки һʹьзкьрьне у ԛәнщикьрьнеда һелана бьдьнә һәв. Бьра әм дәст жь льһәвщьвине нәкʹьшиньн, чаԝа кӧ һьнәка хԝәрʹа кьрийә хәйсәт, ле әм дьл бьдьнә һәв у һе зедә, чьмки әм дьбиньн кӧ Рʹожа Ахрәте незик дьбә» (Ибр. 10:24, 25; бьньһерʹә ЩЬВАТ).
(Жьмар 9:13) Һәгәр мәрьв паqьж бә у ль рʹеwитийе нибә ле Щәжьна Дәрбазбуне нәкә әw нәфса гәрә жь нава мьләте хwә бе бьрʹине, чьмки дийарийа Хöдан wәʹде wеда нә дайә, әw мәрьве гәрәке гöне хwә бькʹьшинә.
(Жьмар 10:17-36) Ле гава Пирозгәһ дьһатә һәвдане һьнге зарʹед Гершон у зарʹед Мерари дьчун у Пирозгәһ дьбьрьн. 18 Пәйрʹа ала зома Рʹубен анәгори ордийед хwә дьчу у Әлисуре кöре Шьдейур сәрwере ордийа wи бу. 19 Сәрwере ордийа qәбила зарʹед Шьмһун Шьлумийеле кöрʹе Суришадай бу. 20 Сәрwере ордийа qәбила зарʹед Гад Әлйасафе кöрʹе Дьһуйел бу. 21 Пәйрʹа Каһати дьчун, йед кö тьштед пироз дьбьрьн. Пирозгәһ гәрә бәри һатьна wан бьһата вәгьртьне. 22 Пәйрʹа ала зома заʹред Әфрайим анәгори ордийед хwә дьчу у Әлишамайе кöрʹе Әмиһуд сәрwере ордийа wи бу. 23 Сәрwере ордийа qәбила зарʹед Мьнашә Гамалйеле кöрʹе Пьдаһсур бу. 24 Сәрwере ордийа qәбила зарʹед Бьнйамин Абидане кöрʹе Гидони бу. 25 Пәйрʹа чаwа пьштгьре һʹәму зома, ала зома зарʹед Дан анәгори ордийед хwә дьчу у Ахиһәзәре кöрʹе Әмишадай сәрwере ордийа wи бу. 26 Сәрwере ордийа qәбила зарʹед Ашер Пагийеле кöрʹе Окран бу. 27 Сәрwере ордийа qәбила зарʹед Нәфтәли Аһирайе кöрʹе Әйнан бу. 28 Әв ьн qәйдед чуйина зарʹед Исраел анәгори ордийед wан. Әw бь ви аwайи дьчун. 29 Һьнге Муса готә Һʹоваве кöрʹе Рʹьһуеле мьдйанийи хәзуре хwә: «Әм дьчьнә ль wи щийе кö Хöдан гот: ‹Әзе wи бьдьмә wә›. Тʹәви мә wәрә әме qәнщийе бона тә бькьн, чьмки Хöдан qәнщи соз дайә Исраел». 30 Ле әwи щаба Муса да: «Әз найем, ле әзе вәгәрʹьм һәрʹьмә ль әʹрде хwә у нава мәрийед хwә». 31 Муса гот: «Жь кʹәрәма хwә мә нәһелә, чьмки тö зани кö бәрʹийеда әм кʹидәре зомед хwә ледьн, те бьби рʹебәре мә. 32 Аwа һәгәр тö тʹәви мә бейи, әw qәнщийа кö Хöдане бона мә бькә, әме жи бона тә бькьн». 33 Öса әw жь чʹийайе Хöдан рʹийа се рʹожа чун. Сьндоqа Пәймана Хöдан жи пешийа wанва рʹийа се рʹожа дьчу, wәки щийе рʹьһʹәтбуне wанрʹа рʹачʹәʹв кә. 34 Әʹwре Хöдан рʹоже ль сәр wан бу чахе әw жь зоме рʹедькʹәтьн. 35 У дәма бьрьна сьндоqе, Муса дьгот: «Рʹабә Хöдан! У бьра дьжмьнед тә бәла бьн, йед дьжәньнә тә бьра жь бәр тә бьрʹәвьн». 36 Ле чахе сәкьнандьне әwи дьгот: ‹Хöдан ль һʹәзар-һʹәзаред Исраел вәгәрʹә!›
15-21 АДАРЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ЖЬМАР 11-12
«Чьма Гәрәке Нәкьнә Кӧтә-Кӧт?»
ԝ01 15/6 17 ¶20
Нәбьнә Мәрьвед кӧ Зу Бир Дькьн
20 Һʹәчʹи зәʹф Мәсиһи накʹәвьнә тʹәлька бенамусийе. Ле әм гәрәке фәсал бьн, ԝәки хԝәрʹа нәкьнә хәйсәт бькьнә кӧтә-кӧт, йан на әме һерса Хԝәде рʹакьн. Паԝлос ширәта ӧса дьдә мә: «[Йаһоԝа, ДТʹ] нәщерʹьбиньн, чаԝа жь ԝан [Исраелийа] һьнәка щерʹьбанд у бь мәʹра һатьнә ледане мьрьн. У бина хԝә тәнг нәкьн, чаԝа жь ԝан һьнәка бинтәнги кьрьн у бь дәсте мьлйакʹәте мьрьне кʹока ԝан һат» (1 Корьнтʹи 10:9, 10). Исраелийа сәр Муса, Һарун у һәла һе сәр Йаһоԝа жи дькьрьнә кӧтә-кӧт. Мана ԝан хԝәш нәдьһат, кʹижан кӧ Хԝәде бь кʹәрәмәти дьда ԝан (Жьмар 16:41; 21:5). Гәло Йаһоԝа сәр кӧтә-кӧта ԝан ӧса дьньһерʹи ча сәр бенамусийе? Жь Кʹьтеба Пироз әм педьһʹәсьн, ԝәки мәрьвед нәԛайил, йед кӧ дькьрьнә кӧтә-кӧт жь мәʹред жәʹрдадайи һатьнә кӧштьне (Жьмар 21:6). Ле пешийа ԝе ԛәԝьмандьне 14 700 зедәтьр мәрьвед мьԛабьл бона кӧтә-кӧта хԝә һатьнә ԛьрʹкьрьне (Жьмар 16:49). Ԝәрен әм тʹӧ щар сәбьра Йаһоԝа нәщерʹьбиньн у һьндава һәр тьштед кӧ әԝ мәрʹа дьдә, беԛәдьр у бешекьр нибьн.
ԝ06 15/7 15 ¶7
Бешекьр у Нәԛайил Нибьн
7 Ньһерʹандьна Исраелийа лап һатә гӧһастьне! Пешийе Исраелийа бь кʹьлама пәсьнед шекьрдарийе дьданә Йаһоԝа, чьмки әԝи ԝана жь Мьсьре аза кьр у Бәʹра Соррʹа дәрбаз кьр (Дәркʹәтьн 15:1-21). Ле гава бәрʹийеда әԝана рʹасти чәтьнайа һатьн у хофа Кәнанийа кʹәтә дьле ԝан, һьнге әԝана рʹазибуна хԝә ӧнда кьрьн у нәԛайилбун данә кʹьфше. Дәԝса кӧ рʹази бьн, ԝәки Йаһоԝа әԝана аза кьрьн, ԝана дәстпекьр ԝи нәһәԛ кьн, чьмки дьфькьрин ԝәки рʹуйе Хԝәдеда һьнә тьшт чьда кӧ әԝана һʹәԝщә бун, ԝана кем бу. Кӧтә-кӧт у нәԛайилбуна ԝан да кʹьфше, ԝәки әԝана бешекьр бун у ԛимәт нәдькьрьн һәр тьштед кӧ Йаһоԝа дьда ԝан. Ньһа фәʹмдари йә чьма әԝи гот: «Һʹәта кʹәнге әв щьвина һанә хьраб ԝе һьндава мьнда бина хԝә тәнг кә?» (Жьмар 14:27; 21:5).
it-2 719 ¶4
Шәрʹ-Дәʹԝ
Кӧтә-кӧт. Кӧтә-кӧт мәрьва бинтәнг дькә у ԛьдум дехә. Исраелийа һьнә ԝәхт паши дәркʹәтьна жь Мьсьре дәстпекьрьн сәр Йаһоԝа бькьнә кӧтә-кӧт. Бь ве йәке әԝана мьԛабьли рʹебәрийа Хԝәде дәрдькʹәтьн, йа кӧ әԝи бь сайа Муса у Һарун дьда (Дркʹ. 16:2, 7). Кӧтә-кӧта ԝан ӧса дьле Муса ешанд, ԝәки әԝи хԝәрʹа мьрьн дьхԝәст (Жм. 11:13-15). Мәрьве кӧ дькә кӧтә-кӧт, жийина хԝә дькә бьн ԛәзийе. Исраелийа чь кӧ мьԛабьли Муса дьготьн, Йаһоԝа һʹәсаб дькьр кӧ мьԛабьли ԝи у рʹебәрийа Ԝи дьбежьн (Жм. 14:26-30). Гәләка әʹмьре хԝә ӧнда кьрьн жь бо ньһерʹандьна хԝәйә нәрʹаст у кӧтә-кӧте.
Хьзна Кʹьтеба Пироз
it-2 309
Мана
Шьровәкьрьн. Мана мина «тʹохьме мехьке» у «мина бьдолахе бу», әв щурʹе дьлопед мумейә зәлал бу у дӧрʹ дьани бира мәрьва. «Тәʹма ԝе мина кʹате пе һьнгьв» йан кʹате ширьн бь бьзьре зәйтʹуне бу. Мана тʹоп дькьрьн, паше бь дәстарʹ дьһеран, йан жи щонида дькʹӧтан, паше жи бәрошеда дькʹәландьн у пе ԝе кʹатә чедькьрьн (Дркʹ. 16:23, 31; Жм. 11:7, 8).
(Жьмар 11:7, 8) (Мана жи мина жь кʹома тʹохьме мехьке бу, рʹәнге wе жи мина бьдолахе бу. 8 Щьмәʹт дьгәрʹийа, тʹоп дькьрьн у бь дәстарʹ дьһеран, йан жи щонида дькʹöтан, бәрошда дькʹәландьн у жь wе кʹатә чедькьрьн. Тәʹма wе мина тәʹма кʹате рʹун бу.
(Жьмар 11:1-15) У бу wәки щьмәʹте тәнгасийеда һьндава Хwәдеда бина хwә тәнг кьр. Хöдан бьһист, һерса wи рʹабу у агьре Хöдан нава wанда алав пекʹәт у пʹеша зоме һʹуфи хwә кьр. 2 Һьнге щьмәʹте һәwара хwә Муса ани. Муса бь дöа хwә авитә Хöдан у агьр весийа. 3 Наве wи щийи Муса данин Тʹавәʹра , чьмки агьре Хöдан ль нава wанда алав пекʹәт. 4 Мьләтед башqәйә бе пʹәргал нава wанда дьлһавьжи кьрьн. Зарʹед Исраел жи диса гьрийан у готьн: «Кʹе wе гошт бьдә мә әм бьхwьн? 5 Те бира мә әw мәʹсийед Мьсьреда кö мә бе һәq дьхwарьн. Öса жи хийар, зәвәш, пивазок, пиваз у сир. 6 Ле ньһа нәфса мә чʹьла буйә, тʹö тьшт тʹöнә, тʹәне манайә ль бәр чʹәʹвед мә». 7 (Мана жи мина жь кʹома тʹохьме мехьке бу, рʹәнге wе жи мина бьдолахе бу. 8 Щьмәʹт дьгәрʹийа, тʹоп дькьрьн у бь дәстарʹ дьһеран, йан жи щонида дькʹöтан, бәрошда дькʹәландьн у жь wе кʹатә чедькьрьн. Тәʹма wе мина тәʹма кʹате рʹун бу. 9 У гава шәв qьрʹавийе ль нава зоме дадани, манайе жи сәрда датини). 10 Муса бьһист wәки щьмәʹт нәфәред хwәва, һәр кәс ль бәр дәре коне хwә, дьгьри. Һьнге һерса Хöдан гәләки рʹабу, кьрьна ван ль сәр Муса жи гьран рʹуньшт. 11 Муса готә Хöдан: «Тә чьма әʹвде хwә авитә нава охьрмед гьран? Чьма мьн кʹәрәм ль бәр чʹәʹвед тә нә дит? Тә чьма нире һʹәму ви мьләти авитә стуйе мьн? 12 Дьбә әз ви мьләтида пе мамә, йан әw жь мьн дьне кʹәтьнә, wәки тö мьнрʹа дьбежи: ‹Wан һʹәмеза хwәда бьбә›, чаwа дәстдәргуш зарʹа ширхöр дьбә, һʹәта wи әʹрде кö тә бавед wанрʹа сонд хwарийә? 13 Әзе гошт жь кö биньм wәки бьдьмә тʹәмамийа ви мьләти? Чьмки әw ль бәр мьн дьгьрин, дьбежьн: ‹Гошт бьдә мә әм бьхwьн!› 14 Әз нькарьм тʹәне тʹәмамийа ви мьләти бьбьм, чьмки гьран ә бона мьн! 15 Wәки тö öса тини сәре мьн, дьһа рʹьнд ә мьн бькöжә, һәгәр мьн ль бәр чʹәʹвед тә кʹәрәм дитийә.Әзе бәләнгазийа хwә нәбиньм!»
22-28 АДАРЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ЖЬМАР 13-14
«Баԝәри Чаԝа Мә Мерхас Дькә»
ԝ06 1/10 16-17 ¶5-6
Мерхас ьн бь сайа Баԝәри у Хофа Бәр Хԝәде
5 Жь щәʹсуса тʹәне Йешу у Кʹаләб һазьр бун бькʹәтана Әʹрде Создайи. Ԝана дәрһәԛа Кәнанийа дьгот: «Әԝе бьбьнә хӧре мә. Сийа сәр ԝан жь сәр ԝан һатә һьлдане. Хӧдан тʹәви мә йә, жь ԝан нәтьрсьн» (Жьмар 14:9). Гәло ньһерʹандьна Йешу у Кʹаләб рʹаст бу? Сәд сәләфи әре! Ԝана жи тʹәви тʹәмамийа щьмәʹте дитьбу, кӧ Йаһоԝа ча бь Дәһ Бәла Мьсьри у хӧданед ԝан ньмьз кьрьн. Паше ԝана дит ча Йаһоԝа Фьрәԝьн у ордийа ԝийә зор авитә Бәʹра Сор (Зәбур 136:15). Ләма жи фәʹмдари йә кӧ дәһ щәʹсус у һʹәмушкед кӧ кʹәтьнә бәр байе ԝан, жь бо тьрса хԝә нькарьн һәԛ дәрен. Йаһоԝа еша дьле хԝә әʹйан кьр у гот: «Һʹәта кʹәнге әԝе баԝәрийа хԝә мьн нәйнә, һәԛа жи нишан мьн ль нава ԝида кьрьн?» (Жьмар 14:11).
6 Йаһоԝа мәʹнийа проблеме әʹйан кьр; жь тьрса Исраелийа һатә кʹьфше, ԝәки баԝәрийа ԝан кем бу. Бәле, баԝәри у мерхаси һәвва гьредайи нә, ләма жи Йуһʹәннайе шанди дәрһәԛа щьвата Мәсиһийа у шәрʹе ԝани рʹӧһʹани ӧса гот: «Әм дьнйайе бьндәст дькьн, аԝа готи бь баԝәрийа хԝә» (1 Йуһʹәнна 5:4). Иро бь сайа баԝәрийе, йа кӧ мина йа Йешу у Кʹаләб ә, шәш милйона зедәтьр Шәʹдед Йаһоԝайә щаһьл у әʹмьрда мәзьн, фьрԛи тʹӧнә бь сьһʹәт-ԛәԝата баш йан хьраб, нав тʹәмамийа дьнйайеда мьзгинийа хере бәла дькьн. Тʹӧ дьжмьн нькарә әԝе ордийа ԛәԝи у мерхас бьдә сәкьнандьне у кәрʹкьрьне (Рʹомайи 8:31).
Хьзна Кʹьтеба Пироз
it-1 740
Әʹрде кӧ Хԝәде Да Исраелийа
ӘʹРДЕ кӧ Хԝәде дьда Исраелийа бь рʹасти жи әʹрдәки баш бу. Чахе Муса дәһ щәʹсус шандә Әʹрде Создайи, кӧ ле бьньһерʹьн, ԝана хԝәрʹа жь ԝи әʹрди һежир, һʹьнар у гуши тьри анин. Әв гуши ӧса мәзьн бу, ԝәки дӧ щәʹсуса тʹәвайи, дабунә сәр мьле хԝә! Рʹаст ә жь бо кемасийа баԝәрийе тьрс кʹәтьбу дьле ԝан, ле диса жи дәрһәԛа ԝи әʹрди ԝана гот: «Бь рʹасти шир у һьнгьв же дькʹьшә» (Жм. 13:23, 27).
(Жьмар 13:27) Мусарʹа сальх кьрьн у готьн: «Әм чунә wи әʹрде кö тә әм шандьне, бь рʹасти шир у һьнгьв же дькʹьшә, әвана жи бәре wи нә.
(Жьмар 13:1-20) Хöдан Мусарʹа хәбәрда гот: 2 «Хwәрʹа мәрьва бьшинә кö щәʹсусийа әʹрде Кәнане бькьн, кʹижани кö әз дьдьмә зарʹед Исраел. Жь һәр qәбиләкә бавед wан мәрьвәки бьшинә, аwа готи жь сәрwере наваwанда». 3 Һьнге Муса әw анәгори готьна Хöдан жь бәрʹийа Паране шандьн. Әw һʹәму мәрьв сәрwере зарʹед Исраел бун. 4 Әв ьн навед wан: Жь qәбила Рʹубен Шамуайе кöрʹе Закʹур бу. 5 Жь qәбила Шьмһʹун Шафате кöрʹе Һʹори бу. 6 Жь qәбила Щьһуда Кʹалебе кöрʹе Йьфунәһ бу. 7 Жь qәбила Исахар Игале кöрʹе Усьв бу. 8 Жь qәбила Әфрайим Һошейайе кöрʹе Нун бу. 9 Жь qәбила Бьнйамин Палтийе кöрʹе Рʹафу бу. 10 Жь qәбила Зәбулон Гаддийеле кöрʹе Соди бу. 11 Жь qәбила Мьнашә (qәбиләкә жь Усьв) Гаддийе кöрʹе Суси бу. 12 Жь qәбила Дан Әʹмийеле кöрʹе Гьмалли бу. 13 Жь qәбила Ашер Сьтʹуре кöрʹе Мьхайил бу. 14 Жь qәбила Нәфтәли Наһʹбийе кöрʹе Вофси бу. 15 Жь qәбила Гад Гәйуеле кöрʹе Махи бу. 16 Әв ьн навед wан мәрьвед кö Муса шандьн щәʹсусийа әʹрде бькьн. Муса наве Һошейайе кöрʹе Нун дани Йешу . 17 Муса әw шандьн кö щәʹсусийа әʹрде Кәнане бькьн у готә wан: «Рʹабьн һәрʹьнә Нәщәфе у һʹәта әʹрде чʹийа-банийа һьлкʹьшьн. 18 Бьньһерʹьн әʹрд чаwа йә. Мәрьвед ль wи әʹрди дьжин qәwат ьн йан сьст ьн, пʹьрʹ ьн йан һьндьк ьн? 19 Әʹрде кö әw ле нә чаwа йә, qәнщ ә йан хьраб ә? Бажаред әw ле дьжин вәкьри нә йан суркьри нә? 20 Әʹрд чаwа йә, хwәйи дәрәмәт ә йан бе бәр ә, бах һәнә йан тʹöнәнә? Сәрхwә бьн у жь бәре wи әʹрди биньн». (Әв wәʹде тьрийед пешьн бу.)
29 АДАРЕ-4 НИСАНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ЖЬМАР 15-16
«Ԛӧрʹә у Хԝәда Баԝәр Нибьн»
ԝ11 15/9 27 ¶12
Йаһоԝа Тә Нас Дькә?
12 Чахе щьмәʹта Исраел сәр рʹийа Әʹрде Создайи бу, Ԛорах һатә сәр ԝе фькьре, ԝәки рʹебәрийа щьмәʹта Хԝәде нәрʹаст те кьрьне. Һьм жи 250 сәрокед щьмәʹте, йед кӧ һʹьзрәта гӧһастьна бун, пьшта ԝи гьртьн. Дьԛәԝьмә Ԛорах у меред дьн дьфькьрин, ԝәки Йаһоԝа жь ԝан рʹази йә. Ԝана готә Муса: «Бәс ә иди ԝәрʹа! Тʹәмамийа щьвине, һʹәму жи пироз ьн у Хӧдан ль нава ԝанда йә» (Жьмар 16:1-3). Бь рʹасти жи әԝана чьԛас хԝәда баԝәр у бабах бун! Муса готә ԝан: «Хӧдан ԝе әʹйан кә, кʹи пʹара ԝи йә». (Бьхунә Жьмар 16:5.) Хьлазийа рʹожа дьн Ԛорах у һʹәмушк, кӧ мьԛабьлибунеда пьшта ԝи гьртьн, мьрьн (Жьмар 16:31-35).
ԝ11 15/9 27 ¶11
Йаһоԝа Тә Нас Дькә?
11 Муса һьндава сафикьрьн у рʹебәрийа Йаһоԝа бь ԛәдьр бу, ле ньһерʹандьна Ԛорах лап щурʹәки майин бу. Ньһерʹандьна ԝан һʹӧкӧм дьбу сәр һәләԛәтийа ԝан тʹәви Йаһоԝа. Ԛорах жь бәрәка Леԝи, жь мала Ԛоһатʹ бу. Ԝирʹа ԛәдьре мәзьн һатьбу дайине. Әԝи бь чʹәʹве хԝә дитьбу кӧ чаԝа Йаһоԝа щьмәʹта хԝә Бәʹра Соррʹа дәрбаз кьр. Дьԛәԝьмә әԝи ӧса жи һәвкʹари дькьр чахе бәр Чʹийайе Синайе Йаһоԝа диԝана Исраелийед нәгӧһдар дькьр. Ԛорах щигӧһәстьна сьндоԛа пәйманеда жи аликʹари дьда (Дркʹ. 32:26-29; Жм. 3:30, 31). Те кʹьфше, ԝәки әԝ бь гәләк сала Йаһоԝарʹа амьн бу у зома Исраеледа жи мәрьвәки хԝәйиԛәдьр бу.
Хьзна Кʹьтеба Пироз
ԝ98 1/9 20 ¶1-2
Тьштед Лапи Фәрз Дайньн сәр Щийе Пешьн!
Йаһоԝа кьре ԝи мәрьви һʹәсаб нәкьр шашикә бьчʹук. Кʹьтеба Пироз дьбежә: «Паше Хӧдан готә Муса: ‹Әԝ мәрьв бьра бе кӧштьне›» (Жьмар 15:35). Чьма Йаһоԝа хԝәш нәһат кьре ԝи мәрьви?
Шәш рʹожед щьмәʹте һәбун бона ԝе йәке, кӧ шьхӧле хԝәйи һәррʹожи бькьн. Мәсәлә ԛьрша тʹоп кьн, хԝарьне чекьн йан жи бона кʹьнщ у мала хԝә хәм бькьн. Рʹожа һʹәфта бона һʹәԝщед рʹӧһʹани бу. Рʹаст ә тʹопкьрьна ԛьршада тьштәки хьраб тʹӧнә бу, ле нәрʹаст әԝ бу, ԝәки әԝ шьхӧл ԝе рʹоже һатә кьрьне, кʹижан кӧ бона һʹәбандьна Йаһоԝа башԛәкьри бу. Иро Мәсиһи бьн Ԛануна Мусада ниньн, ле диса жи әԝ дәрәщә зәлал дькә кӧ жийина мәда йа һәрә фәрз гәрәке чь бә (Филипи 1:10).
(Жьмар 15:32-35 ) Щарәке гава зарʹед Исраел бәрʹийеда бун, wана мәрьвәк дит кö рʹожа шәмийе qьрш тʹоп дькьр. 33 Йед кö wәхте qьрш тʹопкьрьне әw дитьн, гьртьн анинә ль щәм Муса, Һарун у тʹәмамийа щьвине 34 у әw һьштьнә бьн нобәдарийе, чьмки һе нәһатьбу сафи кьрьне, кö чь биньнә сәрә wи. 35 Паше Хöдан готә Муса: «Әw мәрьв бьра бе кöштьне, тʹәмамийа щьвине бьра wи жь зоме дәр бьдә ль бәр кәвьра».
(Жьмар 15:1-16) Хöдан Мусарʹа хәбәрда гот: 2 «Зарʹед Исраелрʹа хәбәр дә у бежә wан: ‹Гава һун һәрʹьнә wи әʹрде щи-wаред хwә, кʹижани кö әз бьдьмә wә 3 у һун Хöданрʹа дийарийед шәwате бьдьн, һәгәр әw йа тʹәвайишәwате бә, йан qöрбанәкә жь пез-деwер бә бона ад-qьрар qәдандьне, йан дийарийед рʹәзәдьлийе бә, йан жи йа щәжьнед wәда бә, wәки Хöданрʹа дийарийа бинхwәш бьдьн, аһа бькьн: 4 Дийардар кö дийарийа хwә тинә, бьра Хöданрʹа дийарийа нани бьдә, аwа готи пʹарәкә чапейә жь дәһа йәк аре хас, тʹәви пʹарәкә һинейә жь чара йәк рʹунда стьрайи. 5 У бона һәр бәрха дийарийа тʹәвайишәwате, йан жи qöрбана пʹарәкә һинейә жь чара йәк шәрав, чаwа дийарийа сәрдакьрьне бьдә. 6 Ле тʹәви бәран, пʹарәкә чапейә жь дәһа дöдö аре хаси стьрайи, пʹарәкә һинейә жь сьсийа йәк жи рʹунда стьрайи, чаwа дийарийа нани бьдә, 7 öса жи пʹарәкә һинейә жь сьсийа йәк шәрав бона дийарийа сәрдакьрьне, чаwа дийарийа бинхwәш Хöданрʹа бьдә. 8 Гава тö щанәга чаwа дийарийа тʹәвайишәwате, йан qöрбана бона qәдандьна ад-qьраре, йан дийарийа һәләqәтийе Хöданрʹа бьди, 9 һьнге тʹәви щанәга пʹарәкә чапейә жь дәһа сьсе аре хас тʹәви нив һин рʹунда стьрайи, чаwа дийарийа нани бьдә. 10 Öса жи нив һин шәрав бона дийарийа сәрдакьрьне бьдә. Әва дийарийа шәwатейә бинхwәш ә бона Хöдан. 11 Бь ви аwайи бьра тʹәви һәр бохәйи, һәр бәрани, һәр бәрхи у һәр каре нерин аһа бе дайине, 12 чь кö бе дайине, бь ви аwайи тʹәви һәр дийарийе анәгори һʹәсабе wан бьдә. 13 Һәр бьнәлийе wәлат бьра öса бькә чахе дийарийа шәwате, чаwа дийарийа бинхwәш, бьдә Хöдан. 14 Һәгәр ль нава wәда хәрибәк бьжи йан йәк кö ль нава зöрʹәтед wәда тʹәви wә йә у дийарийа шәwате чаwа дийарийа бинхwәш Хöданрʹа бьдә бьра öса бьдә чаwа кö һун дьдьн. 15 Щьвинерʹа qәйдә-qанунәк бә, бона wә у бона хәрибе кö ль нава wәда дьжи. Qәйдә-qануна һʹәта-һʹәтайе бә зöрʹәтед wәрʹа, чаwа һун бьн, öса жи хәрибе ль бәр Хöданбә. 16 Qанунәк у диwанәк бә бона wә у бона хәрибе нав wәда дьжи›».
5-11 НИСАНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ЖЬМАР 17-19
«Әз ьм Пʹара Тә»
ԝ11 15/9 13 ¶9
Тӧ Дьһели, ԝәки Йаһоԝа Бьбә Пʹара Тә?
9 Бьфькьрә дәрһәԛа Леԝийа, кӧ әʹрд ча ԝар нәдьстандьн. Шьхӧле ԝани сәрәкә әԝ бу кӧ бона һʹәбандьна рʹаст хәм бькьн у баԝәр бьн, ԝәки Йаһоԝа ԝе бона һʹәԝщед ԝани материали хәм бькә, чьмки әԝи готә Леԝийа: «Әз ьм пʹара тә» (Жьмар 18:20). Рʹаст ә әм мина кʹаһина у Леԝийа пʹарьстгәһеда хьзмәт накьн, ле диса жи әм дькарьн чʹәʹв бьдьнә ԝан у баԝәр бьн, ԝәки Йаһоԝа ԝе бона мә хәм бькә. Әм чьԛас незики хьлазийа ве дьнйа зӧлм дьбьн, һаԛас һе зедә мәрʹа лазьм ә итʹбарийа хԝә Йаһоԝа биньн, ԝәки әԝ ԝе бона мә хәм бькә (Әʹйан. 13:17).
ԝ11 15/9 7 ¶4
Йаһоԝа Пʹара Мьн ә
4 Әв хьзмәти бона Леԝийа чь дьһатә һʹәсабе? Йаһоԝа гот, ԝәки ԝе бьбә ԝаре ԝан, демәк ԝе дәԝса әʹрде хьзмәткьрьна мәхсус тʹәсмили ԝан кә. Мьлкʹе ԝан «бона ХӦДАН кʹаһинти» бу (Йешу 18:7). Жь контекста рʹеза Жьмар 18:20 те кʹьфше, ԝәки жь бо ԝе йәке әԝана кʹәсиб нәдьбун. (Бьхунә Жьмар 18:19, 21, 24.) Леԝийа гәрәке «һәр дәһәка Исраел, чаԝа ԝар . . . жь бәр шьхӧле ԝани Коне Щьвинева» бьстандана. Демәк, гәрәке 10 сәләф жь һʹәму бәре әʹрде у һʹәйԝана бьстандана. Ле ԝана хԝәха жи гәрәке бона пьштгьрийа һʹәбандьне 10 сәләф жь «һʹәму тьштед һәрә ԛәнщ» кӧ дьстандьн ԛӧрбан кьрана (Жьмар 18:25-29). Кʹаһинарʹа ӧса жи «һәр дийарийед пироз» дькʹәт, кʹижан кӧ Исраелийа дьанин щийе һʹәбандьне. Ча те кʹьфше гәләк мәʹни һәбун кӧ әндәмед кʹаһинтийе баԝәр бьн, ԝәки Йаһоԝа ԝе бона ԝан хәм бькә.
Хьзна Кʹьтеба Пироз
g02 6/8 14 ¶2
Хԝе Тьштәкә Ԛимәт ә
Хԝе симбола ԝе йәке бу, кӧ тьштәк ԝе тʹӧ щар нәйе гӧһастьне. Жь бо ве йәке Кʹьтеба Пирозда гьредана пәймане нав дькьрьн «пәймана хԝе». Гьредана пәймане бь ԝе йәке дәрбаз дьбу, кӧ хӧрәка хԝекьри дьхԝарьн (Жьмар 18:19). Ль гора Ԛануна Муса, ԛӧрбанед кӧ датанин сәр горигәһе, гәрәке хԝе кьрана, чь кӧ симбола нәрʹьзийе у нәхьрабкьрьне бу.
(Жьмар 18:19) Һәр дийарийед пироз кö зарʹед Исраел дийари Хöдан дькьн, әз дьдьмә тә, кöрʹед тә у qизед тәйә тʹәви тә, чаwа qәйдә-qануна һʹәта-һʹәтайе. Әва пәймана хwе йә һʹәта-һʹәтайе ль бәр Хöдан, бона тә у бона зöрʹәта тә тʹәви тә».
(Жьмар 18:1-13) Хöдан готә Һарун: «Тö, кöрʹед хwә у малбәта хwәва, һуне щабдаре нәһәqийа һьндава Пирозгәһеда бьн. Тö у кöрʹед хwәва, һуне щабдаре нәһәqийа һьндава кʹаһинтийа хwәда бьн. 2 Öса жи бьрайед хwә йә жь qәбила Леwи, аwа готи бәрәка баве хwә незики хwә кә. Бьра әw бәр дәсте тә бьн у тәрʹа qöльх кьн. Тö у кöрʹед хwәва гәрәке һуне ль бәр Коне Шәʹдәтийе бьн. 3 Бьра әw нобәдарийа тә бькьн у нобәдарийа тʹәмамийа Кон бькьн, әв борще wан ә. Ле незики һащәтед щийе пироз у горигәһе нәбьн кö нә әw бьмьрьн нә жи һун. 4 Бьра әw тʹәви тә бьн у нобәдарийа Коне Щьвине бькьн, нава һʹәму шьхöле Конда. Йәки дьн бьра незики wә нәбә. 5 Бьра нобәдарийа щийе пироз у горигәһе бькьн. У wе иди хәзәб нәйе сәре зарʹед Исраел. 6 Ва йә мьн бьрайед wә леwи жь нава зарʹед Исраел һьлдан, әw бона wә чаwа пʹешкʹеш Хöданрʹа һатьнә дайине кö шьхöле Коне Щьвине бькьн. 7 Ле тö у кöрʹед хwәва һун гәрә кʹаһинтийа хwә хwәйи кьн, нава һʹәму шьхöле горигәһеда у öса жи qöльхе пьшт пʹәрʹдеда. Әз шьхöле кʹаһинтийе пʹешкʹеши wә дькьм, ле гава йәки дьн незик бә wе бе кöштьне». 8 Хöдан готә Һарун: «Ва йә әз тә кʹьфш дькьм, кö хwәйитийа дийарийед мьнрʹа дайи бьки. Жь һʹәму тьштед пирозә зарʹед Исраел әз пʹаре дьдьмә тә у кöрʹед тә чаwа qәйдә-qануна һʹәта-һʹәтайе. 9 Әве бьбә пʹара тә жь тьштед һәрә пироз, жь дийарийед агьр: Һʹәму горийед wан аwа готи һәр дийарийа wанә нани, һәр дийарийа wанә паqьжбуне, һәр дийарийа wанә бәрвадайине, чь кö әwе дайньнә ль бәр мьн. Әwе бона тә у кöрʹед тә йед һәрә пироз бьн. 10 Wе щийе пирозда бьхwьн. Һәр qьсьме нерин дькарә wе бьхwә. Бьра әw бона тә пироз бә. 11 Әв жи пʹара тә йә жь дийарийед wан: Һʹәму дийарийед һәжандьнейә зарʹед Исраел, әз wан дьдьмә тә, кöрʹед тә у qизед тәйә тʹәви тә, чаwа qәйдә-qануна һʹәта-һʹәтайе. Һәр кәсе паqьжи мала тәда бьра жь wе бьхwә. 12 Һʹәму рʹуне нуйи һәри qәнщ, һʹәму шәрава нуйә һәрә qәнщ у гәньме пешийейи кö әw дьдьнә Хöдан әз wан дьдьмә тә. 13 Бәред дәрәмәта пешьнә һәр тьшти кö әʹрде wанда нә кижана әwе Хöданрʹа биньн, бьра пʹара тә бә. Һәр кәсе паqьжи мала тәда дькарә wе бьхwә.
12-18 НИСАНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ЖЬМАР 20-21
«Мьлук Бьминьн Чахе Сәр Ԝә Һʹӧкӧм Дькьн»
ԝ19.02 12 ¶19
Шкәсти бьн ԝәки Дьле Йаһоԝа Ша кьн
19 Әме кем шашийа бькьн. Ԝәрә диса дәрһәԛа Муса шеԝьр кьн. Әԝ бь дәһа сала шкәсти дьма у дьле Йаһоԝа ша дькьр. Ле ида незики хьлазийа 40 салед рʹеԝитийа бәрʹийеда, Муса шкәстибун нишан нәкьр. Чь сәр ԝи һʹӧкӧм кьр? Хушка ԝи, дьбәкә йа кӧ Мьсьреда әʹмьре ԝи хьлаз кьр, мьр, у Кадәшеда һатә чʹәʹлкьрьне. Ԝи ԝәʹдәйи, Исраелийа диса жи дәстпекьрьн бькьнә кӧтә-кӧт, кӧ йанчь әԝ ча лазьм ә мьԛати ԝан набә. Щьмәʹте «бина хԝә ль Муса тәнг дькьр», чьмки ав тʹӧнә бу. Бьдьнә һʹәсабе хԝә, ԝана һаԛас кʹәрәмәт бь дәсте Муса дитьн, кʹижан кӧ әԝи бь аликʹарийа Йаһоԝа дькьр, у һьн жи Муса гәләк ԝәхт бь дьл у щан рʹебәри ԝан дькьр, йәкә щьмәʹте кьрә кӧтә-кӧт. Ԝана нә тʹәне бона аве дькьрьнә чʹурʹә-чʹурʹ, ле ӧса жи сәр Муса, тебежи әԝ нәһәԛ бу, ԝәки ав тʹӧнә бу (Жьмар 20:1-5, 9-11).
ԝ19.02 13 ¶20-21
Шкәсти бьн ԝәки Дьле Йаһоԝа Ша кьн
20 Сәр ве йәке, һерса Муса рʹабу у әԝи ида нәрмбуна хԝә ӧнда кьр. Дәԝса кӧ ча Йаһоԝа тʹәми да ԝи, бь баԝәрийе ԛәйерʹа хәбәр дә, Муса тʹәви щьмәʹте һерсә-һерс хәбәр да у гот ԝәки әԝ ԝе кʹәрәмәте бькә. Паше, әԝи дӧ щара ԛәйе хьст у гәләк ав кʹьшийа. Әԝи жь ԛӧрʹәбуне у һерсе шашикә мәзьн бәрʹда (Зәб. 106:32, 33). Сәва ве йәке, кӧ Муса ԝәʹдәки шкәсти нәма, Хԝәде нәһишт ԝәки әԝ бькʹәвә Әʹрде Создайи (Жьмар 20:12).
21 Жь ве дәрәще әм дәрсед фәрз һин дьбьн. Йа пешьн әм гәрәке тʹьме сәр хԝә бьхәбьтьн, ԝәки һәр гав шкәсти бьн. Һәрге әм сәр ԝәʹдәки жи мьԛати хԝә нәбьн, әме ԛӧрʹә бьн у тьштед беаԛьлайи хәбәр дьн у бефәʹмтийе бькьн. Йа дӧда, стрес дькарә мә сьст кә, у ләма әм гәрәке чь дәсте мә те бькьн сәва шкәсти бьн, илаһи чахе сәр мә һʹӧкӧм дькьн.
ԝ09 1/9 19 ¶5
Һʹакьме кӧ Хԝә ль Рʹастийе Дьгьрт
Йа пешьн, Хԝәде нәготьбу Муса, ԝәки щьмәʹтерʹа хәбәр дә у нәжи ԝана ча мьԛабьл сущдар кә. Йа дӧда, Муса у Һарун рʹумәт нәданә Хԝәде. Хԝәде готә ԝан: «Ԝә . . . пирозийа мьн . . . әʹйан нә кьр» (Рʹеза 12). Әв гьлийе Муса кӧ «әм жь ви ԛәйайи ԝәрʹа аве дәрхьн», да кʹьфше ԝәки нә кӧ Хԝәде, ле әԝи у Һарун бь кʹәрәмәти ав данә щьмәʹте. Йа сьсийа, әԝ щәзакьрьн кӧ Муса у Һарун нәкʹәтьн Әʹрде Создайи ль гора сафикьрьна Йаһоԝайә бәре бу. Йаһоԝа сафи кьрьбу, ԝәки ньсьла пешийейә мьԛабьл ԝе нәкʹәвә Кәнане. Әԝ сафикьрьн Муса у Һарун жи дькʹәт (Жьмар 14:22, 23). Йа чара, Муса у Һарун рʹебәре щьмәʹте бун. Демәк Хԝәде дьһа зедә тьшт жь ԝан мәрийа дәʹԝа дькә, щабдарийа кʹижани кӧ мәзьн ә (Луԛа 12:48).
Хьзна Кʹьтеба Пироз
ԝ14 15/6 26 ¶12
Һун Сәр Кемасийед Мәрьва Ӧса Дьньһерʹьн Ча Йаһоԝа?
12 Жь ԝан дәрәща һәр йәкеда Йаһоԝа дькарьбу перʹа-перʹа Һарун щәза кьра. Ле әԝи дьдит, ԝәки Һарун мәрьвәки хьраб нинә у һʹәму тьшт гӧне ԝи нибу. Кʹьфш ә щарна Һарун дькʹәтә бәр байе мәрьвед дәр-доре хԝә йан жи жь бо дәрәщед чәтьн тьштед нәрʹаст дькьр. Ле чахе шашийед ԝи дьданә рʹуйе ԝи, әԝи бь һазьрбун дәрберʹа ԛәбул дькьр у пьштгьрийа диԝана Йаһоԝа дькьр (Дәркʹ. 32:26; Жьмар 12:11; 20:23-27). Йаһоԝа дина хԝә дьда баԝәрийа Һарун у ԝе йәке кӧ әԝ ча дәрберʹа тʹобә дькә. Ԛьрʹна шунда Һарун у рʹькʹьнийата ԝи диса жи дьһатьнә наскьрьне ча мәрьвед кӧ жь Йаһоԝа хоф дькьрьн (Зәб. 115:10-12; 135:19, 20).
(Жьмар 20:23-27) Ль чʹийайе Һор ль сәр синоре тʹопрахе Әдом Хöдан Муса у Һарунрʹа хәбәрда у гот: 24 «Бьра Һарун һәрʹә бьгьһижә щьмәʹта хwә. Әw начә ль әʹрде кö мьн да зарʹед Исраел, чьмки wә ль бәр авед Мерибаһе готьнед мьн инкʹар кьрьн. 25 Һарун у Елазаре кöрʹе wи һьлдә у wан һьлкʹьшинә ль чʹийайе Һоре. 26 Кьнщед Һарун же бехә у wан Елазаре кöрʹе wи кә. Бьра Һарун ль wьр бәмьрә у һәрә бьгьһижә щьмәʹта хwә». 27 Муса анәгори әʹмьре Хöдан кьр у әw ль бәр чʹәʹвед тʹәмамийа щьвине һьлкʹьшийанә ль чʹийайе Һоре.
(Жьмар 20:1-13) Мәһа йәке тʹәмамийа щьвина зарʹед Исраел һатә бәрʹийа Сине у ль Qадеше мьләт щи-wар бу. Wьр Мәрйәм мьр у ль wьр жи һатә дәфьнкьрьне. 2 Ав тʹöнә бу бона щьвине у әw мьqабьли Муса у Һарун щьвийан. 3 Мьләт бина хwә ль Муса тәнг дькьр у дьгот: «Хwәзи әм жи һьнгә бьмьрана гава бьрайед мә ль бәр Хöдан мьрьн! 4 Чьма wә щьвина Хöдан ани ль ве бәрʹийе? Wәки әм у һʹәйwане мә qьр бьн? 5 Чьма wә әм жь Мьсьре дәрхьстьн, wәки мә биньнә ль ви щийе һани хьраб? Нә щийе чандьне йә, нә щийе дарәд һежира, нә бахед тьрийа, нә һʹьнара, һʹәта ав жи вьр тʹöнә әм вәхwьн!» 6 Муса у Һарун дури щьмәʹте кʹәтьн, чунә ль бәр дәре Коне Щьвине, дәвәрʹу кʹәтьн у рʹумәта Хöдан wанва хöйа бу. 7 Хöдан Мусарʹа хәбәрда у гот: 8 «Шьвдаре һьлдә, тö Һаруне бьре хwәва щьвине бьщьвиньн, ль бәр чʹәʹвед wан qәйерʹа хәбәрдьн кö әw жь хwә аве бьдә. У те бона wан аве жь qәйайе дәрхи кö щьвин у һʹәйwанед wан бьди вәхwарьне». 9 Муса шьвдара кö ль бәр Хöдан бу һьлда, чаwа кö Хöдан әʹмьри ль wи кьр. 10 Һьнге Муса у Һарун щьвин щьвандьнә ль бәр qәйайе у Муса готә wан: «Бьбьһен гәли рʹабәрикʹара, дьбә кö әм жь ви qәйайи wәрʹа аве дәрхьн?» 11 Муса дәсте хwә бьльнд кьр у бь шьвдара хwә дö щара qәйе хьст у беһʹәсаб ав дәркʹәт, щьвине у һʹәйwане wан вәхwарьн. 12 Хöдан готә Муса у Һарун: «Чьмки wә баwарийа хwә ль мьн нә ани у пирозийа мьн зарʹед Исраелва әʹйан нә кьр, ләма һун ве щьвине набьнә ль әʹрде кö мьн да wан». 13 Әва авед Мерибаһе бун кʹидәре зарʹед Исраел Хöданрʹа кʹәтьнә дәʹwе у Хöдан пирозийа хwә wанва әʹйан кьр.
19-25 НИСАНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ЖЬМАР 22-24
«Йаһоԝа Ньфьрʹ Кьрә Кʹәрәм»
Әʹламкьрьна Мьзгинийа Дәрһәԛа Иса
5 Ча ԛьрʹна йәкеда ӧса жи рʹожед мәда, пәйкʹәтьне шьхӧле бәлакьрьна мьзгинийе нәда сәкьнандьне. Бь сайа Мәсиһийед кӧ мәщбур бун жь щийе хԝә дәрбази щийе дьн бьн, йан кʹәтьнә кәла, йан жь бо пәйкʹәтьна рʹәвин ԝәлатед дьн, мьзгинийа дәрһәԛа Пʹадшатийе гьһиштә гәләк щийа. Мәсәлә ԝәʹде Шәрʹе Һʹәмдьнйайейә II, Шәʹдед Йаһоԝа гьртигәһа Натсистада шәʹдәтийа мәзьн дьдан. Щьһуйәк кӧ ԝедәре Шәʹдед Йаһоԝа нас кьр, дьбежә: «Рʹӧһʹе Шәʹдед Йаһоԝа кʹижан кӧ гьрти бун, ӧса ԛәԝи бу, кӧ мьнрʹа избат кьр, ԝәки баԝәрийа ԝан сәр һʹиме Кʹьтеба Пироз ә у ахьрийе әз жи бумә Шәʹде Йаһоԝа».
it-2 291
Беаԛьлайи
Беаԛьлайа Ԝан йед кӧ Мьԛабьли Йаһоԝа Дәртен. Бьлам пʹехәмбәр беаԛьлайи кьр кӧ хԝәст мьԛабьли щьмәʹта Йаһоԝа пʹехәмбәртийе бькә, сәва кӧ жь Балаԛ, Пʹадше Моԝабийа пʹәра бьстинә. Ле Йаһоԝа нәһишт, ԝәки әԝ ве йәке бькә. Пәтрусе шанди дәрһәԛа Бьлам ӧса ньвисийә: «Кʹәра безарә-безьман бь зьмане мәрьвайе хәбәр да у пешийа беаԛьлийа пʹехәмбәр гьрт». Пәтрус сәр беаԛьлайа Бьлам да хәбате хәбәра Йунани «парафрониа», кʹижан кӧ те һʹәсабе «кʹеләка һʹьш сәкьни йә» (2 Пт. 2:15, 16; Жм. 22:26-31).
Хьзна Кʹьтеба Пироз
ԝ04 1/8 27 ¶2
Фькьред Сәрәкә жь Кʹьтеба Жьмар
22:20-22: Чьма һерса Йаһоԝа сәр Бьлам рʹабу? Йаһоԝа готә Бьлам пʹехәмбәр, ԝәки ньфьрʹа щьмәʹта Исраел нәкә (Жьмар 22:12). Ле диса жи Бьлам пʹехәмбәр тʹәви мәрьвед Балаԛ чу, сәва кӧ ньфьрʹа Исраеле бькә. Бьлам дьхԝәст дьле пʹадше Моԝабе бькʹьрʹә у жь ԝи пʹешкʹеша бьстинә (2 Пәтрус 2:15, 16; Щьһуда 11). Рʹаст ә Бьлам мәщбур бу дәԝса ньфьрʹа щьмәʹте кʹәрәм кә, ле диса жи әԝи ԛәбулкьрьна пʹадше станд чьмки ширәт да, ԝәки жьнед кӧ Баәʹл дьһʹәбандьн меред Исраели бькьнә тʹәлька бенамусийе (Жьмар 31:15, 16). Тьмайа Бьлам бу мәʹни жь бо чь жи һерса Йаһоԝа сәр ԝи рʹабу.
(Жьмар 22:20-22) Хwәде шәв һатә ль щәм Бьлам у готе: «Һәгәр әв мәрьвана һатьнә гази тә дькьн, рʹабә тʹәви wан һәрʹә, ле тʹәне чь кö әзе тәрʹа бежьм wе бькә». 21 Бьлам сьбәһе рʹабу терʹа кʹәра хwә гьреда у тʹәви wәкʹилед Моwаб чу. 22 Гава Бьлам дьчу һерса Хöдан рʹабу у мьлйакʹәте Хöдан ль сәр рʹе чаwа пʹехәм сәкьни. Бьлам жи кʹәра хwә дажот, һәр дö хöламед wи жи тʹәви wи бун.
(Жьмар 23:11-26) Балаq готә Бьлам: «Тә чь ани сәрә мьн? Мьн тö дәрхьсти ль вьр кö ньфьрʹа ль дьжмьнед мьн бьки, ле тö бьмбарәк дьки!» 12 Бьлам щаба wи да у гот: «Чь кö Хöдан датинә ль сәр заре мьн әз гәрә тʹәне wе бежьм!» 13 Балаq готә wи: «Жь кʹәрәма хwә тʹәви мьн wәрә щики дьн, те wи жь wьр бьбини. Те тʹәне пʹарәкә wи бьбини ле тʹәмамийа wи те нәбини, жь wьр те мьнрʹа ньфьрʹа ле бьки». 14 У Балаq әw бьрә ль дәшта Софиме ль сәр сәрә Писгайе у һʹәфт горигәһ чекьрьн. Щанәгак у бәранәк ль сәр һәр горигәһе да. 15 Әwи готә Балаq: «Ль вьр бәр тʹәвайишәwате хwә бьсәкьнә әзе жи ль wьр рʹасти Хöдан бем». 16 Хöдан Бьламва хöйа бу у хәбәр дани ль сәр заре wи готе: «Вәгәрʹә ль щәм Балаq һа беже». 17 Бьлам һатә ль щәм Балаq, ва йә, әw тʹәви wәкʹилед Моwаб ль бәр тʹәвайишәwате хwә сәкьнийә. Балаq готә wи: «Хöдан чь гот?» 18 Бьлам мәсәла хwә пешда ани у гот: «Рʹабә Балаq у бьбьһе, гöһ бьдә мьн кöрʹе Сипор! 19 Хwәде нә инсан ә кö дәрәwа бькә, нә жи бәни Адәм ә кö пʹошман бә. Әwи гот wе нәкә? Хәбәр да wе нәйнә сери? 20 Ва йә, мьн әʹмьр станд кö бьмбарәк кьм. Хwәде бьмбарәк кьр әз нькарьм бьгöһезьм. 21 Нәһәqи ль нава Аqубда нә дитийә, хәм ль нава Исраелда кʹьфш нәкьрийә. Хöдан Хwәдейе wи тʹәви wи йә, шабуна бона пʹадше нава wи йә. 22 Хwәде әw жь Мьсьре дәрхьстьн. Qәwата wан мина qәwата гайе бәйани йә. 23 Сербази ль нава Аqубда тöнәйә, кʹочʹәкти ль нава Исраелда тʹöнәйә. Ньһа wе бежьнә Аqуб у Исраел: «Кö Хwәде чь кьр». 24 Аwа мьләт чаwа макәшер рʹадьбә у чаwа шер банздьдә, пʹал надә һʹәта тʹален нәхwә у хуна йед кöшти вәнәхwә. 25 Балаq готә Бьлам: «Нә ньфьрʹа ль wи бькә, нә жи wи бьмбарәк кә!» 26 Бьлам щаба Балаq да у гот: «Мьн әва йәка нә готә тә: wәки чь кö Хöдан бежә мьн әзе wе бькьм?»
26 НИСАНЕ-2 ГӦЛАНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ЖЬМАР 25-26
«Гәло Кьре Мәрьвәки Дькарә Гәләкарʹа Кʹаре Бинә?»
«Жь Ԛавийе Бьрʹәвьн!»
МӘʹСИГЬР дьчә ԝи щийи, кʹидәре дькарә әԝ щурʹә мәʹси бьгьрә, кʹижани дьхԝазә. Әԝ хԝарьна мәʹсийа дьжберә у дькә чәнгәле, йа кӧ сәр дара мәʹсигьра йә у давежә аве. Әԝ бь сәбьр һивийе йә, ԝәки мәʹси дәве хԝә бавежә ве хԝарьне у бе гьртьне.
2 Мина ԝе йәке, мәрьв жи дькарьн бькʹәвьнә тʹәлька. Мәсәлә, чахе Исраели Дәшта Моԝабеда чадьрада дьжитьн, әԝана ида незики Әʹрде Создайи дьбун. Пʹадше Моԝабе соз да Бьлам, ԝәки һәрге әԝ ньфьрʹа щьмәʹта Исраел бькә, әԝе гәләк пʹәра бьдә ԝи. Ахьрийе Бьлам хԝәст ӧса бькә, ԝәки Исраели тьштәки ӧса бькьн, кӧ бенә ньфьрʹкьрьне. Әԝи гәләк фәсал тʹәльк бьжарт. Әԝи жьнед Моԝаби йед щаһьл шандә зома Исраеле, сәва ԝана бьдә шашкьрьне (Жьмар 22:1-7; 31:15, 16; Әʹйанти 2:14).
«Жь Ԛавийе Бьрʹәвьн!»
4 Чьма һаԛас Исраели, кʹәтьнә тʹәлька Бьлам? Әԝана тʹәне дәрһәԛа хԝәстьнед хԝә дьфькьрин, у бир кьрьн һʹәму тьшт, чь кӧ Йаһоԝа сәва ԝана кьрьбу. Гәләк мәʹнийед Исраелийа һәбун, ԝәки Хԝәдерʹа амьн бьминьн. Әԝи әԝана хьлаз кьрьн жь дилтийа Мьсьре, бәрʹийеда тʹер дькьр, у бе хоф әԝана дьбьрьнә Әʹрде Создайи (Ибрани 3:12). Ле йәкә ԝана бенамуси кьр. Паԝлосе шанди ньвиси: «Әм ԛавийе нәкьн, чаԝа жь ԝан һьнәка ԛави кьр у . . . ԛьрʹ бун» (1 Корьнтʹи 10:8).
Хьзна Кʹьтеба Пироз
it-1 359 ¶1-2
Синор
Ча те кʹьфше пʹарәвәкьрьна әʹрде дӧ тьш-тава гьредайи бу: пʹәшкавитьнева у һәжмара нәфәред бәрәкава. Дьԛәԝьмә пʹәшкавитьне дьда кʹьфше кӧ кʹижан бәрәк кʹидәре әʹрде бьстинә ча мьлкʹ. Мәсәлә әве әʹйан дькьр кӧ дәшт бә йан бьльндщи бә, алийе Бакӧре, Башуре, Рʹоһьлате йан Рʹоавайе бә. Сафикьрьнед бь пʹәшкавитьне жь Йаһоԝа бун, ләма жи мәʹни тʹӧнә бун, кӧ щьмәʹт һʹәвсудийе һәв бькьн у бькьнә кӧтә-кӧт (Мтʹл. 16:33). Хенщи ԝе йәке Хԝәде бь сайа пʹәшкавитьне дькарьбу хәм бькьра, ԝәки щиԝарбуна һәр бәрәкәке ль гора пʹехәмбәртийа жь Дәстпебун 49:1-33 буйа, кʹижан кӧ Аԛуб жь бина бәр Хԝәде готьбу.
Чахе бь сайа пʹәшкавитьне щиԝаркьрьна бәрәка сафи дьбу, паше чапа територийа ль сәр һʹиме һәжмара нәфәред бәрәке, сафи дькьрьн. «Бь пʹәшк авитьне һуне жь ԝи әʹрди, анәгори малбәтед хԝә, пʹар бьстиньн. Малбәта мәзьн ԝе зәʹф бьстинә, йа бьчʹук ԝе һьндьк бьстинә, кʹерʹа кʹидәре бькʹәвә әԝе жи бьбә пʹара ԝи» (Жм. 33:54). Әв сафикьрьна дәрһәԛа щиԝаркьрьне, кӧ бь сайа пʹәшкавитьне дьстандьн, нәдьһатә гӧһастьне. Ле чапа територийе дькарьбу бьһата гӧһастьне. Мәсәлә чахе тедәрхьстьн, кӧ територийа бәрәка Щьһу гәләк мәзьн ә, әԝ кем кьрьн у пʹаред ԝе данә бәрәка Шьмһʹун (Йеш. 19:9).
(Жьмар 26:55, 56) Тʹәне бь пʹәшк авитьне бьра әʹрд бе пʹарәвәкьрьне. Анәгори навед qәбилед кал-бавед wан әw бьра wар бьстиньн. 56 Бь пʹәшк авитьне бьра wар бе пʹарәвәкьрьне чаwа йе мәзьнрʹа öса жи йе бьчʹукрʹа».
(Жьмар 25:1-18) Исраел ль Шиттиме дьма кö мьләт дәстпекьр тʹәви qизед Моwаб беәʹсьли кьр. 2 Wана мьләт тʹәглифи qöрбанед һʹәйкәлед хwә кьрьн, мьләт хwар у ль бәр һʹәйкәлед wан та бу. 3 Исраел Баәʹл-Пʹьһорва һатә гьредане. Һьнге һерса Хöдан ль Исраел рʹабу. 4 Хöдан готә Муса: «Һʹәму сәрwеред мьләт һьлдә у wан бәр тәʹве ль бәр Хöдан дальqинә. Һьнге алава һерса Хöдан wе ль Исраел дайнә. 5 Муса готә һʹакьмед Исраел: «Һәр кәс жь wә, wан мәрьвед хwә бькöжьн, кʹижан кö Баәʹл-Пʹьһорва һатьнә гьредане». 6 Ва йә йәки жь зарʹед Исраел, ль бәр чʹәʹве Муса у тʹәмамийа щьвина зарʹед Исраел, гава әw ль бәр дәре Коне Щьвине дьгьрийан, һат жьнәкә мьдйани ани мала хwә. 7 Пинһасе кöрʹе Елазаре кöрʹе Һаруне кʹаһин әв йәк кö дит, жь нава щьвине рʹабу, рʹьмәк гьртә дәсте хwә, 8 әw пәй ль wи исраели чу кʹәтә коне wи у рʹьм зьке һәр дöйарʹа кьр, зьке исраели жи жьне жи. Һьнге бәла ль нава Исраелда сәqьрʹи. 9 Жь дәст бәлайе 24000 мәри мьрьн. 10 Хöдан Мусара хәбәрда у гот: 11 «Пинһасе кöрʹе Елазаре кöрʹе Һаруне кʹаһин һерса мьн жь зарʹед Исраел вәгәрʹанд, чьмки әwи бь хирәта мьн нав wанда хирәт кьр у мьн зарʹед Исраел жь кʹöмрʹәшийа хwә qьрʹ нәкьр. 12 Ләма бежи wи: ‹Ва йә әз пәймана хwә йә әʹдьлайе тʹәви wи гьредьдьм, 13 әwе бона wи у бона зöрʹәта wи пәй wирʹа бьбә пәймана кʹаһинтийа һʹәта-һʹәтайе. Чьмки әwи бона Хwәдейе хwә кьрә хирәт у бона зарʹед Исраел кʹәwандьн кьр›». 14 Наве исраелийе кöшти, йе кö тʹәви жьна мьдйани һатьбу кöштьне Зимри бу, кöрʹе Салуйе сәрwере олкʹа шьмһʹунийа. 15 Наве жьна мьдйанийә кöшти жи Кʹозби бу, qиза Суре сәрwере qәбила олкʹәкә мьдйани. 16 Хöдан Мусар а хәбәрда у гот: 17 «Тәви мьдйанийа дьжмьнатийе бажон у qьрʹа wан биньн. 18 Чьмки wана бь мьхәнәтийе дьжмьнати wәрʹа ажотьн у һун хапандьн, нава wе qәwьмандьна Пʹьһор у хушка wан Кʹозбийа qиза сәрwере мьдйанида, йа кö рʹуйе Пʹьһорда рʹожа бәлайе һатә кöштьне».