ДӘРС 8

Бь Мәсәла Һин кә

(Мәтта 13:34, 35)

ФЬКЬРЕД СӘРӘКӘ: Сәва кӧ һинкьренеда щерʹьбанди би, бьдә хәбате мәсәлед һеса, йед кӧ гӧһдарарʹа фәʹмдари у керһати бьн.

ӘВЕ ЙӘКЕ ЧАԜА БЬКЬН:

Бьдә хәбате мәсәлед һеса. Мина Иса бьдә хәбате тьштед бьчʹук сәва кӧ тьштед мәзьн шьровәки, у ӧса жи тьштед һеса бьдә хәбате сәва кӧ тьштед чәтьн шьровәки. Фәсал бә, ԝәки гьлийе нәлазьм зедә нәки нав мәсәле, жь бо чь жи әв мәсәлә даһа чәтьн бә. Дина хԝә бьдә ԝе йәке, ԝәки әв мәсәла кӧ тӧ дьди хәбате, бь рʹасти жи тʹема тәва гьредайи бә у гӧһдаред тәрʹа чәтьн нибә әве фәʹм бькьн.

Сәрԝахт бә. Дина хԝә бьдә дьнйайе, ә′дәбйәтед мә леколин кә у гӧһ бьдә хушк-бьред щерʹьбанди. Бь ԝе йәке те бькарби мәсәлед баш бьвини у һинкьрьнеда жи пешда һәрʹи. Мәсәлед кӧ тӧ дьжбери щәм хԝә хԝәй кә.
Дәрһәԛа гӧһдаред хԝә бьфькьрә. Бьжберә мәсәлед ӧса, йед кӧ ԝанарʹа һʹәԝас бьн. Фәсал бә, ԝәки мәсәлед тә кәсәки нәдьн хәйдандьне йан жи нәдьнә шәрме.
Фькьред сәрәкә һин ке. Мәсәлед хԝәда фькьред сәрәкә әʹйан кә, нә кӧ тьштед нәлазьм. Бьхәбьтә, ԝәки гӧһдаред тә нә кӧ тʹәне мәсәла бира хԝәда хԝәй кьн, ле ӧса жи ԝан һʹәму тьшта, чь кӧ әԝана жь ве йәке һин бун.