Кани бона «Бәрнама Щьвине, Бьжин у Хьзмәт кьн»

6-12 ИЛОНЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | ԚАНУНА ДӦЩАРИ 33-34

«Бьра Мьлед Йаһоԝайә Һʹәта-Һʹәтайе, Аликʹаре Тә бьн»

it-2 51

Йешурун

Сәрнаве рʹумәт йа Исраел. Септугинта Йунанида хәбәра «Йешурун» һатийә ԝәлгәрʹандьне ча «йе һʹьзкьри». Әԝ сәрнав гәрәке бьанийа бира Исраелийа кӧ әԝана тʹәви Йаһоԝа пәйманеда бун, у борщдар бун кӧ һʹәлал у һәԛ бьн (Ԛн.Дщ. 33:5, 26; Иш. 44:2). Ԛануна Дӧщари 32:15-да наве Йешурун бь ԛәрф те хәбьтандьне. Дәԝса кӧ әԝана ль гора ви сәрнави бьжитана, Исраел сәрһʹьшки кьр, пьшта хԝә да Әʹфьрандар, у Хьлазкʹаре хԝә инкʹар кьр.

rr 120, чаргошә

Хԝәде ԝе Мә Рʹакә сәр Пʹийа

Гәләк ԛьрʹна пешда һена Һәзәԛелда, Муса пʹехәмбәр гот ԝәки нә кӧ тʹәне ԛәԝат, ле ӧса жи хԝәстьна Йаһоԝа һәйә, кӧ али щьмәʹта хԝә бькә. Муса ньвиси: «Хԝәдейе һʹәта-һʹәтайе кәлайә, мьлед ԝийә һʹәта-һʹәтайе аликʹар ьн» (Ԛан. Дщр. 33:27). Бәле, әм гәрәке дӧдьли нәбьн, кӧ һәгәр әм ԝәʹде тәнгасийа аликʹарийе жь Йаһоԝа бьхԝазьн, әԝ ԝе пе мьлед хԝә мә һьлгьрә у али мә  бькә, ԝәки әм рʹабьн сәр пʹийа (Һәзԛл. 37:10).

ԝ11 15/9 19 ¶16

Ләщмәйданеда бь Сәбьр Бьрʹәвә

¹⁶ Мина Бьраһим, Муса жи пе чʹәʹве хԝә нәдит, кӧ чаԝа созе Хԝәде һатә сери. Гава щьмәʹта Исраел һазьр дьбу, кӧ бькʹәта Әʹрде Создайи, Мусарʹа һатә готьне: «Те әԝи әʹрди бәр хԝә бьбини ле накʹәви ԝьр, әԝ әʹрде кӧ әз дьдьмә зарʹед Исраел». Мәʹни әԝ бу, кӧ бәре әԝ у Һарун, «ль нава зарʹед Исраел ль бәр авед Мерибаһ-Ԛадеше» гӧһдарийа Хԝәде нәкьрьн, чьмки сәр щьмәʹта рʹабәр һерс кʹәтьбун (Ԛан. Дщр. 32:51, 52). Ле гәло Муса жь бо ве йәке дьлтәнг бу у һерс кʹәт? На. Дәԝсе әԝи дӧа ль щьмәʹте кьр у ӧса гот: «Хԝәзи ль тә Исраел! Кʹе йә мина тә? Мьләте бь дәсте Хӧдан хьлазбуйи, мәртʹал, аликʹар у шуренур-рʹумәта тә әԝ ә» (Ԛан. Дщр. 33:29).

Хьзна Кʹьтеба Пироз

(Ԛануна Дӧщари 34:6) Хӧдан ль нәԝала әʹрде Моԝабда пешбәри Бетʹ-Пʹьһоре әԝ дәфьн кьр у тʹӧ кәс һʹәта рʹожа иро щийе дәфьнкьрьна ԝи ньзанә.

(Ԛануна Дӧщари 33:1-17) Әв ә әԝ дӧа бь кʹижани Мусайе мәрьве Хԝәде бәри мьрьна хԝә дӧа ль зарʹед Исраел кьр. ² У гот: «Хӧдан жь Синайе һат, жь Сеһире ԝанва шәԝԛ да, жь чʹийайе Паран ԝанва хӧйа бу әԝ тʹәви беһʹәсаб пироза һат, жь дәсте ԝийи рʹасте агьре ԛануне бона ԝан алав да. ³ Рʹасти Хԝәде мьләта һʹьз дькә, һʹәму пирозед ԝи дәстед тәда нә, ԝан хԝә авитьнә ль пʹийед тә у ԝе гӧһ бьдьнә готьнед тә. ⁴ Муса ԛанун ль мә әʹмьр кьр, ԝар бона щьмәʹта Аԛуб. ⁵ Хӧдан бу пʹадше Йешуруне гава сәрԝеред щьмәʹте тʹәви ԛәбилед Исраел щьвийа бун. ⁶ Бьра бьжи Рʹубен у нәмьрә, ле бьра һʹәсабе ԝи кем бә». ⁷ Әв жи бона Щьһуда гот: «Бьбьһе Хӧдан дәнге Щьһуда у ԝи бинә ль щәм щьмәʹта ԝи, бьра бь дәстед хԝә шәрʹе хԝә бькә тӧ жи бьби аликʹаре ԝи жь дьжмьнед ԝи». ⁸ Бона Леԝи гот: «Урим у Тумиме тә ль щәм мәрьве тәйи хԝәдехоф бә, йе кӧ тә ль Массаһе щерʹьбанд, тʹәви кʹижани бәр авед Мерибаһе кʹәти һʹӧщәте. ⁹ Йе кӧ бона де у баве хԝә дьбежә: ‹Мьн хәмкʹешийа ԝан нәкьр›, бьрайед хԝә ԛәбул нәкьр у зарʹед хԝә нас нә кьр, чьмки әԝ готьна тә дьԛәдиньн у пәймана тә хԝәй дькьн. ¹⁰ Әԝ Аԛуб һини ԛьраред тә дькьн, Исраел жи һинкьрьна тә, бьхуре датиньн ль бәр тә, ԛӧрбане тʹәвайишәԝате жи ль сәр горигәһа тә. ¹¹ Дӧа ль ԛәԝата ԝи бькә Хӧдан, кьред дәсте ԝи ԛәбул кә. Пьшта дьжмьнед ԝи ԛат кә ӧса кӧ йед дьжәньнә ԝи рʹанәбьн». ¹² Бона Бьнйамин гот: «Һʹьзкьрийе Хԝәде ԝе бе ԛәзи бьжи, Йе Һәри-Зор тʹәмамийа рʹоже хԝәйитийа ԝи дькә. Әԝ ль нава гьред ԝи дьжи». ¹³ Бона Усьв гот: «Дӧайе Хӧдан ль әʹрде ԝи бә, бь ԛьрʹавийа ԛәнщә жь әʹзмен, бь ава бебьнийайейә жер һәрʹьки, ¹⁴ бь дайина бәред ԛәнщә жь тәʹве, бь дайина дәрәмәтед ԛәнщә жь мәһа. ¹⁵ Жь тьштед бьжартийә чʹийайед кәвьн у тьштед ԛәнщә гьред һʹәта-һʹәтайе. ¹⁶ Бь дайина ԛәнщә әʹрде тʹьжи, бь кʹәрәма йе кӧ нава кʹола стьруйе бу. Бьра әԝ бенә сәрә Усьв, ль сәр әʹнийа бьжартийе ль нава бьрада. ¹⁷ Мәзьнайийа ԝи мьна ньхӧрийе бох, стьруйед ԝи мина стьруйед гайе бәйани, йәк дәһә һʹәзаред Әфрайим ә, йәк жи һʹәзаред Мьнашә йә, бь ԝан әԝе мьләта һәврʹа һʹәта сәрә дьнә бьдәʹфинә».

it-2 439 ¶3

Муса

Муса 120 салийа хԝәда мьр. Хьлазийа әʹмьре хԝә әԝ диса жи ԛәԝат бу, у Кʹьтеба Пироз ве йәке бь ԝан гьлийа избат дькә: «Нә ишьԛа чʹәʹве ԝи сьст бу, нә жи сьһʹәт-ԛәԝата ԝи». Йаһоԝа әԝ дәфьн кьр у тʹӧ кәс щийе дәфьнкьрьна ԝи ньзанә (Ԛн.Дщ. 34:5-7). Дьбәкә щьнйазе ԝи һатә вәшартьне, сәва кӧ Исраели нәкʹәтана тʹәлька һʹәбандьна ԛәлп у мәзәле ԝи нәкьрана зийарәт. Ча те кʹьфше Мире-щьна дьхԝәст һәма бь ви нети щьнйазе ԝи бьда хәбате. Әԝ йәк те кʹьфше жь гьлийед Щьһуда, шагьрт у бьре Иса Мәсиһ, йе кӧ ньвиси: «Мьхайиле сәрәке мьлйакʹәта . . . гава бона щьнйазе Муса рʹабу Мирещьнрʹа кʹәтә һʹӧщәте, тӧрӧш нәкьр кӧ бь кʹьфьрийа диԝана ԝи бькьра, ле гот: ‹Бьра Хӧдан ль тә һьле!›» (Щһд. 9). Пешийа кӧ Исраели бьн рʹебәрийа Йешу бькʹәтана әʹрде Кәнане, ԝана 30 рʹожа шина Муса дькьр (Ԛн.Дщ. 34:8).

13-19 ИЛОНЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | ЙЕШУ 1-2

«Тӧ Ча Дькари Рʹийа Хԝәда Пешдачуйи би»

ԝ13 15/1 8 ¶7

Мерхас бә, чьмки Йаһоԝа Тʹәви Тә йә

⁷ Һәрге әм дьхԝазьн бь мерхаси ԛьрара Хԝәде биньн сери, әм гәрәке Хәбәра ԝи бьхуньн у леколин бькьн. Һәма әԝ тʹәми Йаһоԝа да Йешу, йе кӧ дәԝса Муса бу рʹебәре Исраеле: «Мерхас у ԛәԝи бә сәва кӧ ль гора ԛануне кӧ Муса хьзмәткʹаре мьн да тә, һәр тьшти рʹьнд бини сери . . . Әв кʹьтеба Ԛануне гәрәке жь дәве тә нәԛәтә у тӧ гәрәке шәв у рʹож бь дәнге ньмьз бьхуни, сәва кӧ һәр тьшт чь теда ньвисар ә, рʹаст бини сери. Һьнге ԝе рʹийа тә вәбә у тӧйе бь билани тьшта бьки» (Йешу 1:7, 8, ДТʹ). Йешу әԝ ширәт да хәбате, у рʹийа хԝәда пешдачуйи бу. Һәгәр әм жи ӧса бькьн, әме жи мерхас бьн у хьзмәтийа хԝәда пешдачуйи бьн.

ԝ13 15/1 11 ¶20

Мерхас бә, чьмки Йаһоԝа Тʹәви Тә йә

²⁰ Һеса нинә Хԝәдерʹа амьн бьминьн ве дьнйа зӧлм у тʹәвльһәвда, кʹидәре кӧ әм рʹасти гәләк щерʹьбандьна тен. Ле йәкә әм тʹәне ниньн, Хԝәде у Кӧрʹе ԝи Иса, йе кӧ Сәре щьвате йә, тʹәви мә нә. Хенщи ве йәке, бьратийа мәйә һʹәмдьнйайе һәйә, у һәжмара ԝан 7 000 000 зедәтьр ә. Ләма ԝәрә әм бәрдәԝам кьн мьзгинийе бәла кьн, баԝәрийеда сьст нәбьн, у ве рʹеза сала 2013 бира хԝәда хԝәй кьн: «Мерхас у ԛәԝи бә. Хԝәдейе тә Йаһоԝа тʹәви тә йә» (Йешу 1:9, ДТʹ).

Хьзна Кʹьтеба Пироз

(Йешу 2:4, 5) У пирәке һәрдӧ зьламан рʹаһьшт у ԝан вәшарт у гот: Бәле, һатьна зьламан йа щәм мьн рʹаст ә. Ле бәле мьн ньзаньбу кӧ, кʹа жь кʹӧдәре нә. ⁵ Чаԝа  кӧ тәʹри дакʹәт-данәкʹәт, дәрийед бажер ль бәр гьртьнебун дәркʹәтьн. Әз ньзаньм чунә кʹӧдәре. Һун һʹәма ль пей ԝан бьчьн, һуне бьгьһежьн ԝан!

(Мәтта 1:10-24) Һьзԛийарʹа Мьнашә бу, Мьнашәрʹа Амос бу, Амосрʹа Йошийа бу ¹¹ у Йошийарʹа Йәхонийа у бьрава бун. Ԝи чахи щьмәʹт сьргун чу Бабилоне. ¹² Ле пәй сьргунчуйина Бабилонеда, жь Йәхонийарʹа Шалтийел бу, Шалтийелрʹа Зәрубабәл бу, ¹³  Зәрубабәлрʹа Абийуд бу, Абийудрʹа Елйаԛим бу, Елйаԛимрʹа Азур бу, ¹⁴ Азуррʹа Садоԛ бу, Садоԛрʹа Ахин бу, Ахинрʹа Елйуд бу, ¹⁵ Елйудрʹа Елазар бу, Елазаррʹа Мәтан бу, Мәтанрʹа Аԛуб бу, ¹⁶ Аԛубрʹа Усьв бу, мере Мәрйәме, йа кӧ Иса жь ԝе ԝәльди, кӧ Мәсиһ те готьне. ¹⁷ Аԝа жь Бьраһим һʹәта Даԝьд чардәһ ньсьл дәрбаз бьбун, жь Даԝьд һʹәта сьргунчуйина Бабилонеда чардәһ ньсьл у жь сьргунчуйина Бабилонеда һʹәта Мәсиһ диса чардәһ ньсьл бун. ¹⁸ Буйина Иса Мәсиһ бь ви тьһәри бу. Мәрйәма дийа ԝи Усьврʹа нишанкьри бу, ле дәргистийа хԝәда Мәрйәм бь һʹӧкӧме Рʹӧһʹе Пироз һʹәмлә кʹьфш бу. ¹⁹ Ле Усьве дәргистийе ԝе кӧ мәрьвәки рʹаст бу, нәхԝәст ԝе рʹурʹәш кә, фькьри кӧ дьзива ԝе бәрʹдә. ²⁰ Чахе Усьв һе сәр ве йәке дьфькьри, мьлйакʹәтәки Хӧдан хәԝнеда ԝива хӧйа бу у готе: «Усьве кӧрʹе Даԝьд! Нәтьрсә, кӧ дәргистийа хԝә Мәрйәме бьстини. Әԝи кӧ ԝе жь ԝе бьбә, әԝ жь Рʹӧһʹе Пироз ә. ²¹ Әԝе кӧрʹәки бинә у гәрәке тӧ наве ԝи Иса дайни, чьмки әԝе щьмәʹта хԝә жь гӧнед ԝан хьлаз кә». ²² Әв һәр тьшт аһа ԛәԝьми, ԝәки әԝ готьна Хӧданә бь заре пʹехәмбәр бе сери кӧ дьбежә: ²³ «Ва ԛиза бькʹьр ԝе һʹәмлә бә, кӧрʹәке жерʹа бьбә у наве ԝи Иммануйел ԝе дайньн», кӧ те фәʹмкьрьне: «Хԝәде тʹәви мә йә». ²⁴ Гава Усьв жь хәԝе һʹьшйар бу, әԝи ль гора готьна мьлйакʹәте Хӧдан кьр, дәргистийа хԝә станд.

ԝ04 1/12 9 ¶1

Фькьред Сәрәкә жь Кʹьтеба Йешу

2:4, 5: Чьрʹа Рʹәхабе әскәред пʹадша, йед кӧ щәʹсуса дьгәрʹийан, хальфандьн? Рʹәхабе баԝәрийа хԝә Йаһоԝа ани кӧ мала хԝәда щәʹсус вәшартьн у бь ве йәке әʹмьре хԝә кьрә бьн ԛәзийе. Әԝ борщдар нибу дьжмьнед Хԝәдерʹа бежә кӧ щәʹсус кʹидәре нә (Мәтта 7:6; 21:23-27; Йуһʹәнна 7:3-10). Бәле, Рʹәхаб «бь кьра рʹаст һатә һʹәсабе», у йәк жь ԝан кьра әԝ бу кӧ әԝе хӧламед пʹадше хальфанд у рʹийа нәрʹаст нишани ԝан кьр (Аԛуб 2:24-26).

20-26 ИЛОНЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | ЙЕШУ 3-5

«Йаһоԝа Кьред Баԝәрийе Кʹәрәм Дькә»

it-2 105

Урдӧн

Бь тʹәбийәти, жь алийе башуре йа Бәʹра Щәлиле, кʹурайа чʹәме Урдӧне ԝәкә 1-3 метьр ә, у бәрайа ԝе ԝәкә 27-30 метьр ә. Ле баһаре ава Урдӧне рʹадьбә у жь ԛәрахед хԝә дәрте. Һьнге әԝ дьһа кʹур дьбә у бәрайеда жи мәзьн дьбә (Йеш. 3:15). Бона Исраелийа, нава кʹижанада гәләк жьн у зарʹ һәбун, ԝе хоф буйа ԝәʹде рʹабуна аве Урдӧнерʹа дәрбаз буна, илаһи незики Әриһайе. Ви щийи ав гәләк гӧрʹ ә у һәла һе рʹожед мәда жи мәрьвед кӧ хԝә теда аве хьстьнә, мьрьнә, чьмки ав әԝ бьрьнә. Ле Йаһоԝа бь кʹәрәмәт әв авед Урдӧне да сәкьнандьне, у Исраели карьбун әʹрде зьһарʹа дәрбаз бьн (Йеш. 3:14-17). Чәнд ԛьрʹна шунда, Хԝәде кʹәрәмәтәкә ӧса бона Елйас кьр, йе кӧ тʹәви Елиша бу, у паше башԛә бона Елиша жи ве кʹәрәмәте кьр (2 Пʹд. 2:7, 8, 13, 14).

ԝ13 15/9 16 ¶17

Бьра Тʹәмийед Йаһоԝа Шайа Дьле Тә бьн

¹⁷ Кʹижан кьред баԝәрийе али мә дькьн итʹбарийа хԝә Йаһоԝа биньн? Дина хԝә бьдьн Кʹьтеба Пирозда чь те готьне дәрһәԛа ве йәке кӧ щьмәʹта Исраел ча кʹәтә Әʹрде Создайи. Йаһоԝа готә кʹаһина, йед кӧ сьндоԛа пәймане дьгьртьн, ԝәки бькʹәвьнә Чʹәме Урдӧне. Ле гава Исраели незики чʹем бун, ԝана дит кӧ жь бо баранед баһаре ава ве жь ԛәрахед хԝә дәркʹәтийә. Гәло ԝана һьнге чь кьр? Ԝана зома хԝә лехьст у бь һʹәфтийа һивийе бун һʹәта ав кем бә? На. Ԝана бь тʹәмами итʹбарийа хԝә Йаһоԝа анин у пәй рʹебәрийа ԝи чун. Ахьрийа ве йәке чь бу? Кʹьтеба Пироз дьбежә: «У чаԝа ньгед кʹаһинед . . . ль Чʹәме Урдӧне бькʹәвьннәкʹәвьн, авед жь жорва дьһәрькьн . . . бьрин . . . у һʹәта кӧ гәл [щьмәʹт] бь тʹәмами чʹәм дәрбаз бун, дь дәрава чʹәм йа зьһабуйида беләԛин сәкьнин» (Йеш. 3:12-17). Бьдьнә бәр чʹәʹве хԝә әԝана чьԛас ша бун, кӧ авед гӧрʹ сәкьнин! Бешьк, баԝәрийа Исраелийа һьндава Йаһоԝа ԛәԝи бу, чьмки ԝана итʹбарийа хԝә рʹебәрийед Йаһоԝа анин.

ԝ13 15/9 16 ¶18

Бьра Тʹәмийед Йаһоԝа Шайа Дьле Тә бьн

¹⁸ Иро Йаһоԝа бона хьзмәткʹаред хԝә кʹәрәмәтед ӧса накә, ле әԝ бәрдәԝам дькә ԝана кʹәрәм бькә бона кьред кӧ баԝәрийа ԝан әʹйан дькьн. Ԛәԝата Хԝәде али ԝан дькә кӧ мьзгинийа дәрһәԛа Пʹадшатийе сәр тʹәмамийа дьнйайе бәла кьн. У Шәʹде сәрәкә, демәк Иса Мәсиһе жь мьрьне рʹабуйи, готә шагьртед хԝә кӧ ви шьхӧле мәзьнда әԝе аликʹарийе бьдә ԝан. Әԝи гот: «Ньһа һәрʹьн һʹәму мьләта һин кьн . . . Әз ирода тʹьме һʹәта ахьрийа дьнйайе тʹәви ԝә мә!» (Мәт. 28:19, 20). Гәләк Шәʹдед Йаһоԝа, йед кӧ бәре тьрсонәк у шәрмокә бун, сәр хԝә тʹәхмин кьрьнә чаԝа рʹӧһʹе Хԝәдейи пироз мерхаси дьдә ԝан, ԝәки мәрьвед нәнасрʹа хәбәр дьн (Бьхунә Зәбур 119:46; 2 Корьнтʹи 4:7).

Хьзна Кʹьтеба Пироз

(Йешу 5:14, 15) У зьлам гот: Нә йәк жи. Әз фәрмандаре артеша Хӧдан ьм. Ньһа һатьм. Ԝе гаве Йешу бь сәр дәв хԝә авет  әʹрде у бь ԝи пәрьсти. Бь готьна: Дәстура әфәндийе мьн жь ԛуле ԝирʹа чь йә? жь ԝи пьрси. ¹⁵ Фәрмандаре артеша Хӧдан гот: Пʹелава хԝә жь льнге хԝәва дәрхинә. Жь бәр, щиһе кӧ тӧ пʹеле дьки, пироз ә! У Йешу, йа кӧ һатийә готьн кьр.

(Мәтта 2:1-15) Гава Иса Бәйтләһʹма Щьһустанеда, рʹожед пʹадшатийа Һеродәсда бу, һьнге чәнд стәйрнас жь рʹоһьлате һатьнә Оршәлиме ² у готьн: «Кʹане Пʹадше щьһуйайи кӧ гәрәке бьбуйа? Мә стәйрка ԝи ль рʹоһьлате дит у әм һатьнә, кӧ сәре хԝә ль бәр ԝи дайньн». ³ Гава Һеродәс пʹадша әв йәк бьһист, тʹәвиһәв бу у тʹәмамийа Оршәлиме жи перʹа. ⁴ Һьнге әԝи һʹәму ԛанунзанед щьмәʹте у сәрәкед кʹаһина щьвандьн у жь ԝан пьрси: «Кʹидәре гәрәке Мәсиһ бьбә?» ⁵ Ԝана жерʹа гот: «Бәйтләһʹма Щьһустанеда, чьмки бь дәсте пʹехәмбәра аһа ньвисар ә: ⁶ ‹Йа Бәйтләһʹма ԝәлате Щьһуда, тӧ ль нав сәрԝеред Щьһудайеда нә йе һәри бьчʹук и, чьмки сәрԝерәке жь тә рʹабә, кӧ шьвантийе щьмәʹта мьн Исраеле бькә›». ⁷ Һьнге Һеродәс дьзива гази стәйрнаса кьр у ԝәхте хӧйабуна стәйрке жь ԝан пе һʹәсийа. ⁸ Паше әԝ шандьнә Бәйтләһʹме у гот: «Һәрʹьн бона кӧрʹьк әʹсәйи пе бьһʹәсьн. Чахе кӧ һун ԝи бьбиньн, мьнрʹа бежьн, кӧ әз жи бем сәре хԝә ль бәр дайньм». ⁹ Гава ԝана әв тьшт жь пʹадше бьһист, чун. У әԝ стәйрка кӧ ль рʹоһьлате дитьбун пешийа ԝан чу, һʹәта сәр ԝи щийе кʹӧ кӧрʹьк ле бу сәкьни. ¹⁰ Гава ԝана әԝ стәйрк дит, гәләки әшԛ у ша бун, ¹¹ чунә һьндӧрʹ, кӧрʹьк тʹәви дийа ԝи Мәрйәме дитьн, ль бәр ԝи дәвәрʹу чун, сәре хԝә ль бәр данин у хьзнед хԝә вәкьрьн, пʹешкʹешед зерʹ, бьхуре әʹрәби у зьмьр данә ԝи. ¹² Ле ԝан хәԝнеда әʹмьр станд, кӧ вәнәгәрʹьнә щәм Һеродәс, әԝ иди рʹекә дьнва чунә ԝәлате хԝә. ¹³ Гава кӧ әԝ жь ԝьр чун, мьлйакʹәтәки Хӧдан хәԝнеда Усьвва хӧйа бу у готе: «Рʹабә кӧрʹьк у дийа ԝи һьлдә бьрʹәвә Мьсьре. Ль ԝьр бьминә һʹәта кӧ әз тәрʹа бежьм, чьмки Һеродәсе кӧрʹьк бьгәрʹә, кӧ ԝи бькӧжә». ¹⁴ Усьв жи рʹабу кӧрʹьк у дийа ԝи һьлдан, шәв чунә Мьсьре ¹⁵ у һʹәта мьрьна Һеродәс әԝана ль ԝьр ман. Әв йәк аһа бу, кӧ әԝ готьна Хӧданә бь заре пʹехәмбәр һатьбу готьне бе сери: «Мьн жь Мьсьре гази кӧрʹе хԝә кьр».

ԝ04 1/12 9 ¶2

Фькьред Сәрәкә жь Кʹьтеба Йешу

5:14, 15: Ча те кʹьфше кʹи йә «фәрмандаре» ордийа Йаһоԝа? Те кʹьфше ԝәки фәрмандаре кӧ һатә һәԝара Йешу, ԝәʹде зәфткьрьна Әʹрде Создайи, әԝ һәйә «Хәбәр», демәк Иса Мәсиһ, пешийа һатьна хԝәйә сәр әʹрде (Йуһʹәнна 1:1; Данийел 10:13). Рʹасти жи әԝ йәк мә гәләк дьшьдинә, кӧ Иса Мәсиһе рʹумәткьри, шәрʹе рʹӧһʹанида аликʹарийе дьдә щьмәʹта Хԝәде!

27 ИЛОНЕ-3 ЩОТМӘҺЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | ЙЕШУ 6-7

«Хԝә жь Тьштед Бош-Бәтал Хԝәй кә»

ԝ10 15/4 20 ¶5

Чʹәʹве Хԝә жь Тьштед Бош-Бәтал Хԝәй кә!

⁵ Чәнд ԛьрʹнә шунда, чʹәʹве Акʹане Исраели чу сәр тьштед ԛимәт жь Әриһайа зәфткьри, у әԝи әв тьшт дьзин. Хԝәде тʹәми дабу ԝәки ви бажарида һʹәму тьшти кʹӧта кьн, хенщи ԝан тьшта кӧ гәрәке хьзна Йаһоԝада зедә кьрана. Исраелийарʹа һатьбу готьне: «Хԝә жь тьштед һатьнә ԛәԝьл кьрьн бьпарезьн», демәк тьштед жь бажер нәхԝазьн сәва кӧ ԝан һьлнәдьн. Жь бо нәгӧһдарикьрьна Акʹан, щьмәʹта Исраел шәрʹе незики бажаре Айида данә дәр у һьнә жь ԝан һатьнә кӧштьне. Акʹан дьзийа хԝә нәани сәр хԝә, һʹәта кӧ дьзийа ԝи әшкәрә нәбу. Акʹан гот кӧ ‹гава мьн әԝ тьшт дитьм›, «хԝә нәгьртьм» у һьлда. Чʹәʹвһавьжи, ԝи у һʹәму һәбуна ԝи бьрә бәрбь ԛьрʹкьрьне (Йешу 6:18, 19; 7:1-26). Дьле Акʹан ве йәке хԝәст, чь кӧ бона ԝи ԛәдәхәкьри бу.

ԝ97 15/8 28 ¶2

Чьрʹа Гәрәке Хьрабийе Әшкәрә кьн?

Мәʹник кӧ чьрʹа гәрәке хьрабийе әшкәрә кьн әв ә, кӧ бь сайа ве йәке щьват тʹәмьз дьминә. Йаһоԝа Хԝәдейе паԛьж у пироз ә. Ләма жи әԝ дәʹԝа дькә, ԝәки һʹәму хьзмәткʹаред ԝи рʹӧһʹанида у нав-намусийеда паԛьж бьн. Хәбәра ԝида те готьне: «Мина зарʹед гӧһдар бьн, нәбьнә мина ԝи ԝәхте дьлхԝәстьнед хԝәйә нәзанийа хԝәда. Ле мина ԝи Пирозе кӧ гази ԝә кьр, һун жи пироз бьн нава һʹәму рʹабун-рʹуньштьна хԝәда. Чаԝа ньвисар ә: ‹Пироз бьн, чьмки әзи пироз ьм›» (1 Пәтрус 1:14-16). Һәгәр ԝан мәрьва кӧ кьред һʹәрам у гӧнә дькьн, ширәт нәкьн йан жь щьвате дәрнәхьн, әв йәк дькарә наве тʹәмамийа щьвате хьраб кә у кʹәрәма Хԝәде жь щьвате бьстинә (Бәрамбәр кьн Йешу, сәре 7).

ԝ10 15/4 21 ¶8

Чʹәʹве Хԝә жь Тьштед Бош-Бәтал Хԝәй кә

⁸ Чʹәʹвһавьжи у дьлһавьжи дькарә сәр Мәсиһийед рʹаст жи һʹӧкӧм кә. Ләма жи Хәбәра Хԝәде мәрʹа дьбежә, ԝәки контрол кьн кӧ әм чь дьньһерʹьн у чь дьхԝазьн (1 Корн. 9:25, 27; бьхунә 1 Йуһʹәнна 2:15-17). Ибойе амьн фәʹм дькьр, ԝәки хԝәстьна мәрьв ве йәкева гьредайи йә кӧ әԝ сәр чь дьньһерʹә. Әԝи гот: «Мьн бь чʹәʹвед хԝәрʹа пәйманәке чекьр у әзе чаԝа чʹәʹв бавежьм ԛизьке?» (Иб. 31:1). Ибо нә кӧ тʹәне сафи кьрьбу кӧ бь һʹәрами дәст нәвежә ԛизәке, ле әԝи һәла һе хԝәрʹа изьн жи нәдьда ԝәки фькьред хьраб бькʹәвьнә һʹьше ԝи. Иса әʹйан кьр ԝәки мәрьв гәрәке һʹьше хԝә жь фькьред хьраб у бенамус хԝәй кә, у гот: «Кʹи бь тәме хьраб жьнәке бьньһерʹә, әԝи дьле хԝәда иди тʹәви ԝе зьнекʹари кьр» (Мәт. 5:28).

Хьзна Кʹьтеба Пироз

(Йешу 6:20) У гәл дәст бь ԛерʹине кьр у кʹаһинан жи ль борʹийе хԝә хьстьн. У гәле кӧ дәнге борʹийе бьһистьн, һьн жи бь дәнгәки бьльнд ԛерʹийан. Диԝаред кәләһа бажер хәра бун. У һәр кәс жь щиһе кӧ ле йә, рʹастә-рʹаст кʹәтьн бажер. У бь ви аԝайи, бажер бь дәства хьстьн.

(Мәтта 3:1-14) Ԝан рʹожада Йуһʹәннайе ньхӧмдар рʹабу нава бәрʹийа Щьһустане даннасин кьр ² у дьгот: «Жь гӧнәкьрьне  вәгәрʹьн, чьмки Пʹадшатийа Әʹзмана незик буйә». ³ Йуһʹәнна әԝ бу, бона кʹижани Ишайа пʹехәмбәр готьбу: «Дәнгәк бәрʹийеда дькә гази: ‹Рʹийа Хӧдан һазьр бькьн у шьвәрʹийед ԝи рʹаст бькьн›». ⁴ Кʹьнще Йуһʹәнна жь пьрʹчʹа дәве бу у ԛайишәкә чʹәрм ль пьште бу. Хԝарьна ԝи жи кӧли у һьнгьве чоле бу. ⁵ Һьнге щьмәʹта Оршәлим у тʹәмамийа Щьһустане у һʹәму алийед чʹәме Урдӧне дьһатьнә щәм ԝи, ⁶ гӧнед хԝә дьданә рʹуйе хԝә у жь ԝи ль нав чʹәме Урдӧне дьһатьнә ньхӧмандьне. ⁷ Гава Йуһʹәнна дит кӧ жь ферьси у садуԛийа жи гәләк һатьнә ԝәки бенә ньхӧмандьне, әԝи готә ԝан: «Чʹежькед мәʹра! Кʹе ԝәрʹа гот, кӧ һун жь хәзәба те бьрʹәвьн? ⁸ Дә бь кьред ԛәнщ бьдьнә кʹьфше, кӧ һун жь гӧнәкьрьне вәгәрʹийанә. ⁹ У нав хԝәда нәфькьрьн нәбежьн: ‹Бьраһим баве мә йә›. Әз ԝәрʹа дьбежьм, кӧ Хԝәде жь ван кәвьра жи дькарә зарʹа Бьраһимрʹа дәрхә. ¹⁰ Ва йә балтʹә ль сәр рʹаԝе даре йә. Һәр дара кӧ бәре ԛәнщ нәйнә, ԝе бе бьрʹине у авитьне нава егьр. ¹¹ Әз ԝә бона гӧнәвәгәрʹандьне бь аве дьньхӧминьм, ле йәки жь мьн ԛәԝаттьр ԝе бе. Әз нә һежа мә чарьхе ԝи жи бьгьрьмә дәсте хԝә. Әԝе ԝә пе Рʹӧһʹе Пироз у егьр бьньхӧминә. ¹² Мәлһʹәба ԝи дәсте ԝида йә. Әԝе бедәра хԝә паԛьж кә, гәньме хԝә бькә әʹмбаре, ле кайе ԝе бь агьре кӧ натәмьрә бьшәԝьтинә». ¹³ Һьнге Иса жь Щәлиле һатә Урдӧне, щәм Йуһʹәнна, кӧ жь ԝи бе ньхӧмандьне. ¹⁴ Ле Йуһʹәнна бона ве йәке ԝирʹа ԛайл нәдьбу у готә ԝи: «Әз һʹәԝщә мә кӧ бь дәсте тә бемә ньхӧмандьне у тӧ тейи щәм мьн?»

ԝ15 15/11 13 ¶2-3

Пьрсед Хԝәндәвана

Бәре сәва кӧ бажарәки суркьри зәфт кьрана, дора ԝи дьгьртьн. Фьрԛи тʹӧнә бу әԝ йәк чьԛас дьреж дькʹьшанд, әԝед кӧ сәрдькʹәтьн бажар дьшеландьн, тьштед ԛимәт у хԝарьн зәфт дькьрьн. Ле археоложа нава кәвьр-кӧчʹькед Әриһайа ԝеранкьрида, гәләк зәхира хԝарьне дитьн. Дәрһәԛа ве йәке, журналәкә археоложида ӧса дьһатә готьне: «Хенщи дәрданед жь һʹәрʹи, бажаре ԝеранкьрида гәләк гәньм һатә дитьне . . . Археоложийа Палестинеда әԝ дәрәщә тʹәк ә у гәләк әʹщебмайи йә, чьмки ԝәʹде леколинед ӧса тʹәне кʹупәк йан жи дӧ кʹуп бь гәньм тенә дитьне».

Ль гора Кʹьтеба Пироз, щәм Исраелийа мәʹни һәбу, ԝәки бажаре Әриһайеда дәсте хԝә нәдьнә гәньм. Йаһоԝа әв тʹәми дабу ԝан (Йешу 6:17, 18). Исраелийа баһаре паши тʹопкьрьна зәвийе дора ви бажари гьртьн, ләма жи Әриһайеда гәньм тʹер-тʹьжә мабу (Йешу 3:15-17; 5:10). Әԝ йәк кӧ бажерда һаԛас гәньм мабу, избат дькә ԝәки доргьртьна Әриһайе дьреж нәкʹьшанд, чаԝа кӧ Кʹьтеба Пирозда те готьне.

4-10 ЩОТМӘҺЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | ЙЕШУ 8-9

«Дәрсед жь Сәрһатийа дәрһәԛа Гибонийа»

it-1 930-931

Гибәон

Һена Йешуда. Ԝәʹде Йешу Гибәонеда щьмәʹта Һʹиԝи дьжит, йәк жь һʹәфт мьләтед Кәнани кӧ гәрәке бьһата ԛьрʹкьрьне (Ԛн.Дщ. 7:1, 2; Йеш. 9:3-7). Гибони ӧса жи дьһатьнә навкьрьне Әмори. Ча те кʹьфше щарна һʹәму бьнәлийед Кәнане ӧса дьһатьнә навкьрьне (2 См. 21:2; бәрамбәр кә Дсп. 10:15-18; 15:16). Рʹаст ә Гибони мьләтәки ԛәԝи бу у бажаре мәзьнда дьжитьн, жь һʹәму Кәнанийед дьн тʹәне ԝана фәʹм кьр кӧ бадиһәԝа йә мьԛабьли Исраелийа дәркʹәвьн, чьмки дәԝса Исраелийа Йаһоԝа шәрʹ дькьр. Ләма жи паши ве йәке ча Йешу Әриһа у Айийе ԝеран кьр, меред Гибәоне чәнд мер шандьнә Гилгале щәм Йешу, ԝәки пәймана әʹдьлайе тʹәви Исраелийа гьредьн. Әԝана дьбәкә ӧса жи ԝәкʹилед се бажаред Һʹиԝийа бун, демәк Кәфира, Бирот у Кирйат-йәарим (Йеш. 9:17). Ԝәкʹилед Гибәоне бь кʹьнщ у чарьхед кәвьн хԝәкьри бун, у хԝәрʹа мәшкед кәвьн, тʹорбед ԛәльши у нане кʹарту һьлдабун. Ԝана гот кӧ жь ԝәлатәки гәләк дур һатьнә, демәк нә жь ԝан ԝәлата, йед кӧ Исраелийа гәрәке зәфт кьрана. Ԝана баԝәр дькьр кӧ Йаһоԝа ԛьрʹа Мьсьре у дӧ пʹадшед Әмори, демәк Сиһон у Ог ани. Ле Гибонийа аԛьлайи кьр кӧ нәготьн, ԝәки ԝана бьһистийә чь һатә сәре Әриһайе у Айийе. Чьрʹа? Чьмки йанчь әԝ дәнг у бәʹс нькарьбу бьгьһишта ԝәлате ԝани дур, пешийа кӧ әԝана жь ԝәлат дәркʹәтана. Исраелийа һәр тьшти чь кӧ Гибонийа ча избаткьрьн нишани ԝан кьрьн, щерʹьбандьн у баԝәр кьрьн, у тʹәви ԝан пәймана әʹдьлайе гьредан, ԝәки ԝана сах бьһельн (Йеш. 9:3-15).

ԝ11 15/11 8 ¶14

«Итʹбарийа Хԝә Нәдә сәр Һʹьше Хԝә»

¹⁴ Әм гӧнәкʹар ьн, ләма жи һәр кәс жь мә, у һәла һе рʹуспийед щерʹьбанди жи, гәрәке ԝәʹде сафикьрьна бир нәкьн рʹебәри жь Йаһоԝа бьхԝазьн. Биньн бира хԝә Йешу, йе кӧ паши Муса бу рʹебәре Исраеле, у рʹуспийед Исраеле чь кьрьн, гава Гибони бь кʹьнщед кәвьн һатьнә щәм ԝан у әԝ хапандьн йанчь жь ԝәлатәки дур һатьнә. Йешу у рʹуспийа нә жи Йаһоԝа пьрсин у пәймане әʹдьлайе тʹәви ԝан гьредан. Рʹаст ә ахьрийеда Йаһоԝа пьштгьрийа ве сафикьрьне кьр, ле йәкә әԝи рʹебәри кьр кӧ әԝ шашийа Исраелийа Кʹьтеба Пирозда бона мә ча ширәт бе ньвисаре (Йешу 9:3-6, 14, 15).

ԝ04 15/10 18 ¶14

«Һәрʹә Бьгәрʹә ль сәр Ԝи Әʹрди»

Ԝәкʹила гот: «Әм жь ԝәлатәки, гәләк ль дурайи рʹабун у һатьн . . . Жь бәр кӧ мә нав у дәнге Хԝәдайе тә Хӧдан бьһистьн» (Йешу 9:3-9). Кʹьнщед ԝан ча бежи ве йәке избат дькьрьн, ле бь рʹасти ԝәлате ԝан Гибәон, ԝәкә 30 километьр дури Гилгале бу. Йешу у сәрԝеред щьмәʹте пәйман тʹәви Гибәоне у шәһәред незики ԝан гьредан. Чьрʹа Гибони фелбазийа ӧса кьрьн? Гәло мәʹни тʹәне әԝ бу кӧ ԛьрʹа ԝан нәйньн? На, ԝана ӧса жи дьхԝәст ԛәбулкьрьна Хԝәдайе Исраелийа бьстанда. Йаһоԝа изьн да Гибонийа, ԝәки әԝана бона щьваке у горигәһа ԝи дара «бьбьрʹьн у аве бькʹьшиньн» (Йешу 9:11-27). Гибони паши ве йәке жи һазьр бун кӧ хьзмәта Йаһоԝада бь мьлукти һәр шьхӧли биньн сери. Һьнәк жь ԝан дьбәкә дькʹәтьнә нава һәжмара Нәфинийа, йед кӧ жь дилтийа Бабилоне вәгәрʹийан у авакьрьна пʹарьстгәһеда аликʹари дьдан (Әзра 2:1, 2, 43-54; 8:20). Әм жи дькарьн чʹәʹв бьдьнә ԝан, кӧ тʹәви Хԝәде әʹдьлайе хԝәй кьн у хьзмәта ԝида бь һазьрбуне һәр шьхӧли биньн сери.

Хьзна Кʹьтеба Пироз

(Йешу 8:29) У Йешуйе кӧ ԛьрале Айе бь дарва дальԛанд у һʹәта еваре ль ԝьр һишт, дәма рʹож дьчу ава тәрме ԝи жь дарева да дахьстьн у аветьн дәрвәйи дәрийе бажер. У ль сәр тәрм, жь кәвьран кʹомәки мәзьн чекьрьн. Әԝ кʹома һʹәта иро жи дьсәкьнә.

(Мәтта 4:1-15) Һьнге Рʹӧһʹ Иса бьрә бәрʹийе, кӧ жь Мирещьн бе щерʹьбандьне. ² Әԝи чьл рʹож у чьл шәви рʹожи гьрт, пәйрʹа бьрʹчи бу. ³ Йе кӧ дьщерʹьбинә незики ԝи бу у готе: «Һәгәр тӧ Кӧрʹе Хԝәде йи, дә бежә ван кәвьра кӧ бьбьнә нан». ⁴ Ле Иса ле вәгәрʹанд у готе: «Ньвисар ә: ‹Инсан тʹәне бь нен нажи, ле бь һәр хәбәра кӧ жь дәве Хԝәде дәрдькʹәвә›». ⁵ Һьнге Мирещьн әԝ бьрә Бажаре Пироз, сәр бьльндщийа бане пʹарьстгәһе да сәкьнандьне ⁶ у готә ԝи: «Һәгәр тӧ Кӧрʹе Хԝәде йи, дә хԝә бавежә хԝаре, чьмки ньвисар ә: ‹Хԝәде ԝе тʹәмийа тә бьдә мьлйакʹәтед хԝә у ԝе тә сәр дәсте хԝә бьгьрьн, ԝәки ньге тә кәвьр нәкʹәвә›». ⁷ Иса готе: «Әв жи ньвисар ә: ‹Хӧдан Хԝәдейе хԝә нәщерʹьбинә›». ⁸ Һьнге Мирещьн әԝ бьр рʹакьрә сәр чʹийаки гәләки бьльнд у һʹәму пʹадшатийед дьнйайе, рʹәԝша ԝанва нишани ԝи дан ⁹ у готә ԝи: «Һәгәр тӧ дәвәрʹуйа бейи, сәре хԝә ль бәр мьн дайни, әзе ван һʹәмуйа бьдьмә тә». ¹⁰ Һьнге Иса готе: «Дури мьн һәрʹә, Щьно! Чьмки ньвисар ә: ‹Сәре хԝә ль бәр Хӧдан Хԝәдейе хԝә дайнә у тʹәне ԝи бьһʹәбинә!›» ¹¹ Ԝи чахи Мирещьн әԝ һьшт чу у мьлйакʹәт һатьн жерʹа бәрдәсти кьрьн. ¹² Гава Иса бьһист, ԝәки Йуһʹәнна һатә гьртьне, әԝ рʹабу чу Щәлиле. ¹³ Әԝи Ньсрәт һьшт, чу Кәфәрнаһума дәве гола Щәлиле, ль нав синоре Зәбулоне у Нәфтәлийе щиԝар бу. ¹⁴ Әв йәк аһа бу, кӧ әԝ готьна бь заре Ишайа пʹехәмбәр бе сери: ¹⁵ «Ԝәлате Зәбулоне у ԝәлате Нәфтәлийе, ль сәр рʹийа бәрбь голе, ԝи алийе Урдӧне, Щәлила нәщьһуйа,

it-1 1030

Дардакьрьн

Ль гора ԛануне кӧ Йаһоԝа дабу Исраелийа, һьнә ԛачахед кӧшти, дькарьбун бәр чʹәʹве һʹәмуйа дарда кьрана, чаԝа мәрьвед кӧ «ньфьрʹа Хӧдан» ль сәр ԝан бу. Әв йәк бона гьшка мәсәлә бу, ԝәки хьрабийе нәкьн. Щьнйазе ԝан мәрьва гәрәке шәв сәр стуне нәма, ле гәрәке дәфьн кьрана. Йане на, әԝ йәк ԝе әʹрде кӧ Хԝәде дабу Исраелийа, бьһʹәʹрьманда (Ԛн.Дщ. 21:22, 23). Исраеледа әв тʹәми һьнге жи дьанинә сери, гава әԝ кәс Исраели нибу (Йеш. 8:29; 10:26, 27).

11-17 ЩОТМӘҺЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | ЙЕШУ 10-11

«Йаһоԝа бона Исраеле Шәрʹ Дькә»

it-1 50

Адони-сәдәк

Әԝ һәбу пʹадше кӧ Оршәлимеда пʹадшатийе дькьр, гава Исраели Әʹрде Создайи зәфт дькьрьн. Адони-сәдәк тʹәв пʹадшед дьн бу йәк (йед кӧ жь алийе Рʹоавайа Урдӧне бун), ԝәки тʹәвай һʹьщӧмкьрьна Йешу бьдьнә сәкьнандьне (Йеш. 9:1-3). Ле щьмәʹта Һʹиԝи кӧ Гибәонеда дьжитьн, тʹәви Йешу пәймана әʹдьлайе гьредан. Ԝи чахи Адони-сәдәк сафи кьр кӧ Гибонийа щәза кә, ԝәки кәсед дьн жи алийе дьжмьнед ԝи нәгьрьн. Гава әԝи әскәред хԝә тʹәви әскәред чар пʹадшед Әморийа кьрә йәк, әԝи дора Гибәон гьрт у шәрʹ тʹәви ԝан дәстпекьр. Паши ве йәке гава Йешу бь щурʹәки мәхсус Гибонийа хьлаз кьр, дьжмьн у пьштгьред ԝан алт кьр, әԝ пенщ пʹадша рʹәвинә Маккәдайе у хԝә шкәфтеда вәшартьн, йа кӧ ԝанрʹа бу тʹәльк. Йешу бәр чʹәʹве ордийа хԝә, хԝәха Адони-сәдәк у чар пʹадшед дьн кӧшт у щьнийазе ԝан стунава дардакьр. Паше щьнийазе ԝан авитьнә ве шкәфте, йа кӧ бона ԝан бу тʹьрб (Йеш. 10:1-27).

it-1 1020

Тәйрок

Ԛәԝата Йаһоԝа әʹйан дькә. Тәйрок әԝ һәйә йәк жь ԛәԝата тʹәбийәте, кӧ щарна Йаһоԝа бона ԛьрара хԝә дьда хәбате у ԛәԝата хԝәйә мәзьн әʹйан дькьр (Зб. 148:1, 8; Иш. 30:30). Щара пешьн Кʹьтеба Пирозда дәрһәԛа тәйроке те гьликьрьне, гава Йаһоԝа бәлайа һʹәфта ани сәре Мьсьрийа. Әв тәйрока ԛайим ԛьрʹа шинкайи у дара ани, у ӧса жи һʹәму мәрьв у һʹәйԝанед чоледа кӧшт, ле сәр Исраелийада, кӧ һьнге әʹрде Гошәнеда бун, нәбари (Дркʹ. 9:18-26; Зб. 78:47, 48; 105:32, 33). Ԝәʹдә шунда, Әʹрде Создайида, Исраели бь рʹебәрийа Йешу чунә һәԝара Гибонийа. Ԝи чахи Йаһоԝа тәйрокәкә гьран сәр ван пенщ пʹадшед Әмори у ордийед ԝанда баранд, йед кӧ дьхԝәстьн һʹьщуми сәр Гибонийа кьрана. Жь ве тәйроке дьһа зедә мәрьв мьрьн, нә кӧ жь дәсте әскәред Исраели (Йеш. 10:3-7, 11).

ԝ04 1/12 11 ¶1

Фькьред Сәрәкә жь Кʹьтеба Йешу

10:13: Чаԝа тьштәки ӧса нәтʹәбийәти дькарьбу бьԛәԝьмийа? «Гәло тьштәки чәтьн бона Хӧдан һәйә», йе кӧ Әʹфьрандаре әʹрд у әʹзмана йә? (Дәстпебун 18:14) Һәгәр Йаһоԝа бьхԝазә, әԝ дькарә зьвьрʹандьна әʹрде контрол бькә кӧ бона инсана ӧса бе кʹьфше, те бежи тәʹв у һив щида сәкьнинә. Йан жи әԝ дькарә әʹрд у һиве нәзьвьрʹинә, ле шәԝԛа тәʹве у һиве бәри сәр әʹрде дә, ԝәки мәрьварʹа ӧса бе кʹьфше те бежи тәʹв у һив щида манә. Чь жи һәбу, Кʹьтеба Пироз дьбежә кӧ рʹожәкә ӧса нә пешийа нә жи паше вейа «ԛәт нәбуйә» (Йешу 10:14).

Хьзна Кʹьтеба Пироз

(Йешу 10:13) Һʹәта кӧ гәл жь нәйаред хԝәва тола хԝә һьлда, рʹо сәкьни у һив жи ль щиһе хԝә ма. Ма әв буйәра дь Пʹьртука Йашарда нәһатийа ньвисандьне? У рʹо незики тʹумийа рʹожәке дь нава әʹзманда сәкьни, жь авабунерʹа дәрәнг ма.

(Мәтта 5:1-15) Чахе Иса әʹлаләт дит, һьлкʹьшийа чʹийе, рʹуньшт у шагьртед ԝи һатьнә щәм ԝи. ² Әԝи дәст бь һинкьрьна хԝә кьр у ԝанрʹа гот: Даннасинийа сәре чʹийе ³ «Хԝәзи ль рʹӧһʹфәԛира, чьмки Пʹадшатийа Әʹзмана йа ԝан ә. ⁴ Хԝәзи ль һʹәзнийа, чьмки бәр дьлед ԝанда ԝе бе һатьне. ⁵ Хԝәзи ль шкәстийа, чьмки дьнйайе пʹара ԝан бә. ⁶ Хԝәзи ль ԝан, кӧ тʹи у бьрʹчийе рʹастиԛәдандьне нә, чьмки әԝе тʹер бьн. ⁷ Хԝәзи ль дьлрʹәʹма, чьмки әԝе рʹәʹме бьбиньн. ⁸ Хԝәзи ль дьлпаԛьжа, чьмки әԝе Хԝәде бьбиньн. ⁹ Хԝәзи ль ԝан, кӧ әʹдьлайийе дькьн, чьмки әԝе зарʹед Хԝәде бенә һʹәсабе. ¹⁰ Хԝәзи ль ԝан, кӧ бона рʹастиԛәдандьне тенә зерандьне, чьмки Пʹадшатийа Әʹзмана йа ԝан ә. ¹¹ Хԝәзи ль ԝә, гава бона наве мьн ԝә беһӧрмәт кьн, бьзериньн у һәр щурʹә бӧхдан ль ԝә бькьн. ¹² Әшԛ у ша бьн, чьмки һәԛе ԝә ль әʹзмана гәләк ә. Бь ви щурʹәйи пʹехәмбәред кӧ бәри ԝә һәбун, зерандьн. ¹³ Һун хԝейа әʹрде нә. Ле һәгәр хԝе тәʹма хԝә ӧнда кә, паше әԝе бь чь тәʹме бьстинә? Иди ԝе кери тьштәки нәйе. Ԝе бьгьрьн бавежьнә нав дәст-пʹийа. ¹⁴ Һун рʹонайа дьнйайе нә. Һәгәр бажарәк сәре чʹийе йә, найе вәшартьне. ¹⁵ Кәсәк жи чʹьре венахә у накә бьне фьраԛе, ле датинә сәр пʹечʹьре, кӧ рʹонайе бьдә һʹәмуйед кӧ маледа нә.

ԝ09 15/3 32 ¶5

Пьрсед Хԝәндәвана

Һьнә кʹьтеб кӧ Кʹьтеба Пироз бәʹса ԝан дькә у бәре дьданә хәбате, найе һʹәсабе кӧ әԝана жь бина бәр Хԝәде бун. Ле Йаһоԝа Хԝәде һʹәму ньвисар, кʹидәреда «готьна Хԝәдайе мә» һәйә, хԝәй кьрийә, кӧ һʹәта-һʹәтайе бьминьн (Иша. 40:8). Бәле, Йаһоԝа 66 кʹьтебед ӧса бьжарт кӧ бьбьнә Кʹьтеба Пироз, кʹидәреда информасийа лазьм һәйә, ԝәки әм «бекемаси» бьн, у «бона һʹәму кьрьнед ԛәнщ» һазьр сәкьни бьн (2 Тимтʹ. 3:16, 17).

18-24 ЩОТМӘҺЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | ЙЕШУ 12-14

«Бь Тʹәмамийа Дьле Хԝә Пәй Йаһоԝа Һәрʹә»

ԝ04 1/12 12 ¶2

Фькьред Сәрәкә жь Кʹьтеба Йешу

14:10-13. Рʹаст ә Кʹаләб ида 85 сали бу, ле әԝи һиви кьр кӧ шьхӧләки нәһеса бьдьнә ԝи, демәк әʹрде Һәброне жь мьләтед пʹутпʹарьст тʹәмьз кә. Ԝедәре кӧрʹед Әнаԛ дьжитьн, йед кӧ бәжьнеда гәләк бьльнд бун. Бь аликʹарийа Йаһоԝа әԝ әскәре щерʹьбанди сәркʹәт, у Һәброн бу бажарәки сьтʹаргәһ (Йешу 15:13-19; 21:11-13). Мәсәла Кʹаләб мә һин дькә кӧ әм гәрәке нәтьрсьн у хԝә паш нәхьн, ԝәки щабдарийед тʹәшкиләта Хԝәдеда һьлдьн сәр хԝә.

ԝ06 1/10 18 ¶11

Бь сайа Баԝәрийе у Хофа бәр Хԝәде Мерхас ьн

¹¹ Баԝәрийа ӧса тʹьме мәзьн дьбә. Әԝ бь ԝи щурʹәйи мәзьн дьбә, гава әм кʹәрәма «тәʹм» дькьн, щабед сәр дӧайед хԝә дьвиньн, у тедәрдьхьн ча Йаһоԝа бь щурʹә-щурʹә метода рʹебәри дьдә мә (Зәбур 34:8; 1 Йуһʹәнна 5:14, 15). Бешьк, баԝәрийа Кʹаләб у Йешу ԛәԝи дьбу, гава ԝана ԛәнщийа Йаһоԝа дьдит (Йешу 23:14). Дина хԝә бьдьнә се тьшта: Йа пешьн, чаԝа кӧ Хԝәде соз дабу ԝан, әԝана 40 сал рʹеԝитийа бәрʹийеда, сах-сьламәт ман (Жьмар 14:27-30; 32:11, 12). Йа дӧда, ԝанарʹа роләкә мәхсус һатьбу дайине, ԝәки нава 6 салада әʹрде Кәнане зәфт кьн. Йа сьсийа, ԝана дьреж әʹмьр кьр, сьһʹәт-ԛәԝат бун у һәла һе бунә хԝәйе әʹрда жи. Рʹасти жи Йаһоԝа тʹьме бь мәрʹдани кʹәрәма хԝә сәр ԝан мәрьвада дьбаринә, йед кӧ бь мерхаси у амьнийе ԝирʹа хьзмәт дькьн! (Йешу 14:6, 9-14; 19:49, 50; 24:29)

Хьзна Кʹьтеба Пироз

(Йешу 13:2) Әʹрдед кӧ бен стандьн, вана нә: Һʹәмуйа һәремед Гәшури у Фьльсте;

(Йешу 13:5) Әʹрдед Гәбайийан; һʹәмуйа әʹрдед Лӧбнане, йед кӧ ль алийе рʹожһьлате нә, йед кӧ жь Баал-Гада кӧ ль бәра чʹийайе Һәрмоне йи, һʹәта кʹәтьна Һамате;

(Мәтта 5:17-32) Нәфькьрьн кӧ әз һатьмә ньвисаред пʹехәмбәра у Ԛануне хьраб кьм. Әз нәһатьм кӧ хьраб кьм, ле ԝан һʹәмуйа биньмә сери. ¹⁸ Әз рʹаст ԝәрʹа дьбежьм, бәри дәрбазбуна әʹрд у әʹзман, дәԛәк йан жи һʹәрфәкә бьчʹук жь Ԛануне ԝе ӧнда нәбә, һʹәта кӧ һʹәму бенә сери. ¹⁹ Аԝа кʹи жь ван тʹәмийа йәкә һәрә бьчʹук хьраб кә у мәрьва ӧса һин кә, әԝе Пʹадшатийа Әʹзманада жь һʹәмуйа бьчʹуктьр бе һʹәсабе. Ле кʹи кӧ ԝана пек бинә у һин бькә, әԝе Пʹадшатийа Әʹзманада мәзьн бе һʹәсабе. ²⁰ Ләма әз ԝәрʹа дьбежьм, һәгәр рʹастийа ԝә жь рʹастийа ԛанунзан у ферьсийа зедәтьр нибә, һун тʹӧ щар накʹәвьнә Пʹадшатийа Әʹзмана. ²¹ Ԝә бьһистийә кӧ пешийарʹа һатийә готьне: ‹Нәкӧжә! Кʹи кӧ бькӧжә, диԝана ԝи ԝе бе кьрьне›. ²² Ле әз ԝәрʹа дьбежьм, кʹи сәр бьре хԝә һерс кʹәвә, ԝе бьбә дәйндаре диԝане у кʹи бежә бьре хԝә: ‹Бе аԛьл›, әԝе бьбә дәйндаре диԝана щьвина гьрәгьра у кʹи кӧ бежә: ‹Ахмах›, ԝе бьбә дәйндаре агьре доже. ²³ Аԝа һәгәр тӧ һʹәдийа хԝә бини сәр горигәһе у ль ԝьр бе бира тә, кӧ дьле бьре тә жь тә майә, ²⁴ һʹәдийа хԝә ԝе дәре ль бәр горигәһе бьһелә у пешийе һәрʹә бьре хԝәрʹа ль һәв ԝәрә у паше ԝәрә һʹәдийа хԝә бьдә. ²⁵ Чахе нәйаре тә тә кʹаши щәм һʹакьм дькә, рʹеда тʹәви ԝи зу ль һәв ԝәрә. Һәгәр на, әԝе тә бьдә дәсте һʹакьм, һʹакьме жи тә бьдә дәсте бәрдәстийе хԝә у тә бавежә кәле. ²⁶ Әз рʹаст тәрʹа дьбежьм, тӧ жь ԝьр дәрнакʹәви һʹәта поле пашьн нәди. ²⁷ Ԝә бьһистийә кӧ һатийә готьне: ‹Зьнийе нәкә›. ²⁸ Ле әз ԝәрʹа дьбежьм, кʹи бь тәме хьраб жьнәке бьньһерʹә, әԝи дьле хԝәда иди тʹәви ԝе зьнекʹари кьр. ²⁹ Аԝа һәгәр чʹәʹве тәйи рʹасте тә жь рʹе дәрдьхә, ԝи дәрхә у жь хԝә бавежә. Бона тә һе ԛәнщ ә кӧ әндәмәки тә ӧнда бә, ле бәдәна тә пева нәкʹәвә щәʹньме. ³⁰ У һәгәр дәсте тәйи рʹасте тә жь рʹе дәрдьхә, ԝи жекә у бавежә. Тәрʹа һе ԛәнщ ә кӧ әндәмәки тә ӧнда бә, ле бәдәна тә пева нәкʹәвә щәʹньме. ³¹ Әв жи һатийә готьне: ‹Кʹи кʹӧлфәта хԝә бәрʹдә, бьра кʹахаза жьнбәрʹдане бьдә ԝе›. ³² Ле әз ԝәрʹа дьбежьм, кʹи кӧ бе сәбәбийа ԛавийе жьна хԝә бәрʹдә, әԝ дьбә сәбәбе зьнекьрьна ԝе, һәгәр диса әԝ мер кә у кʹи кӧ йәкә мербәрʹдайи бьстинә, әԝ зьнийе дькә.

it-1 902-903

Гәбал

Ль гора готьна Йаһоԝа, рʹожед Йешуда, Исраели гәрәке «әʹрдед Гәбайа» жи зәфт кьрана (Йешу 13:1-5). Критикос дьбежьн кӧ әԝ йәк нәдьбу, чьмки бажаре Гәбал алийе бакӧре бу у гәләк дури Исраеле бу (ԝәкә 100 км., жь бакӧра Дан) у дьбәкә нә жи дькʹәтә нава ԝаре Исраелийа. Һьнә зандар дьбежьн кӧ әԝ пʹара рʹезе, текста Ибранида хьраб бьбу у бәре ԝедәре ньвисибу «әʹрде незики Лӧбнане», йан жи ‹һʹәта синора әʹрде Гәбайа›. Ле йәкә әм ӧса жи гәрәке һьлдьн һʹәсаб, ԝәки әв созед Йаһоԝа йед кӧ Йешу 13:2-7-да һатьбун ньвисаре, пәйманева гьредайи бун. Дьԛәԝьмә жь бо нәгӧһдарибуне Исраели әԝ әʹрде Гәбале нә жи зәфт кьрьн (Бәрамбәр кьн Йешу 23:12, 13).

25-31 ЩОТМӘҺЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | ЙЕШУ 15-17

«Мьлкʹе Хԝәйә Ԛимәт Бьпарезә»

it-1 1083 ¶3

Һәброн

Исраели бәрдәԝам дькьрьн башура Кәнанеда шәрʹ кьн у ԛьрʹа бьнәлийед Һәброне у пʹадше ԝан анин (дьԛәԝьмә йе кӧ паши Һоһам һатә кʹьфшкьрьне) (Йеш. 10:36, 37). Рʹаст ә Исраели бьн рʹебәрийа Йешу һʹәму ордийед ԛәԝи йед Кәнанийа ԛьрʹ кьрьн, ле ча те кʹьфше Исраелийа дәрберʹа әскәред хԝә әʹрдед зәфткьрида щи нәкьрьн. Дьԛәԝьмә гава Исраели чун щийед дьн шәрʹ бькьн, Әнаԛи вәгәрʹийан Һәброне, ләма жи Кʹаләб (демәк кӧрʹед Щьһуда бьн рʹебәрийа Кʹаләбда) гәрәке серида әԝ шәһәр жь ԝана бьстанда (Йеш. 11:21-23; 14:12-15; 15:13, 14; Һʹкм. 1:10). Пешийе Һәброн бу пʹара Кʹаләб, йе кӧ жь бәрәка Щьһуда бу, ле ԝәʹдә шунда әԝ бу бажаре сьтʹаргәһ. Хенщи ве йәке, әԝ бажаре кʹаһина бу. Ле «зәви у гӧндед [Һәброне]», диса жи ԝаре Кʹаләб бун (Йеш. 14:13, 14; 20:7; 21:9-13).

it-1 848

Шьхӧле Гьран

Хәбәра «шьхӧле гьран» (бь Ибрани «мас»), бәре тʹьме дьданә хәбате, илаһи гава мәрьвед кӧ шәрʹда дьданә дәр, дькьрьнә хӧлам (Ԛн.Дщ. 20:11; Йеш. 16:10; 17:13; Әс. 10:1; Иш. 31:8; Лр.Йер. 1:1). Гава Исраели дилтийа Мьсьреда бун, сәркʹар бь шьхӧлед гьран ԝана дьчәрчьрандьн, у Исраелийа бажаред әʹмбара, демәк Питʹом у Рʹамсес чекьрьн (Дркʹ. 1:11-14). Паше, гава Исраели кʹәтьнә Әʹрде Создайи, дәԝса кӧ һʹәму Кәнанийа жь ԝедәре дәрхьн у ԛьрʹ кьн, чаԝа Йаһоԝа тʹәми дабу ԝан, ԝана Кәнани кьрьнә хӧлам у шьхӧлед гьран дьданә ԝан. Әԝ йәк бона Исраелийа бу тʹәльк у ԝана дәстпекьр хӧданед ԛәлп бьһʹәбиньн (Йеш. 16:10; Һʹкм. 1:28; 2:3, 11, 12). Сьлеман Пʹадша жи зӧрʹәтед ԝан Кәнанийа, демәк Әмори, Һитти, Пәриззи, Һʹиԝи у Йәвусийа, кьрә хӧлам у шьхӧлед гьран дьда ԝан (1 Пʹд. 9:20, 21).

it-1 402 ¶3

Кәнан

Рʹаст ә гәләк Кәнани сах ман у нәкʹәтьн бьн нире Исраелийа, гава Исраели әʹрде ԝан зәфт кьрьн, диса жи дькарьн бежьн ԝәки Йаһоԝа әв ԝәлат бь тʹәмами «да Исраелийа», чаԝа кӧ соз дабу кал-бавед ԝан. Әԝи һәр алийава рʹьһʹәти да ԝан, у «ԛәт созәк жи, жь созед кӧ Хӧдан дабу гәле [щьмәʹта] Исраелийа вала дәрнәкʹәтьн; гьшк һатьн щиһ» (Йеш. 21:43-45). Һʹәму дьжмьнед дор-бәре Исраелийа жь ԝана дьтьрсийан у бона Исраелийа хоф нибун. Хԝәде ԝанрʹа пешда готьбу кӧ ԝе һеди-һеди бәри Кәнанийа дә, ԝәки әʹрд дәрберʹа вала нәбә у һʹәйԝанед бәйани теда зедә нәбьн (Дркʹ. 23:29, 30; Ԛн.Дщ. 7:22). Рʹаст ә чʹәкед Кәнанийа жь чʹәкед Исраелийа ԛәԝитьр бун, чьмки әʹрәбед ԝан бь кʹеләндийед һʹәсьн бун, ле диса жи әԝ йәк кӧ Исраели нькарьбун һьнә әʹрдед ԝан зәфт кьрана, нәһәԛийа Йаһоԝа нибу, у әм нькарьн бежьн ԝәки Хԝәде созе хԝә нәани сери (Йеш. 17:16-18; Һʹкм. 4:13). Ча Кʹьтеба Пироз әʹйан дькә, әԝ йәк кӧ щара Исраели дьданә дәр, жь бо нәамьнийа ԝан бу (Жм. 14:44, 45; Йеш. 7:1-12).

Хьзна Кʹьтеба Пироз

(Йешу 17:15) У Йешу, бь готьна: Гәр һун һаԛас ажаԝә нә м һәрема чʹийайи йа Әфрайиме жь ԝәрʹа тәнг те, дәркʹәвьн дарьстанед кӧ дь әʹрдед Пәризийан у Рәфайийанда нә у жь хԝәрʹа щиһ вәкьн, бәрсьве да ԝан.

(Йешу 17:18) ле бәле ԝе һәрема чʹийайи бьбә йа тә; чаԝа кӧ дарьстан ә, тӧйе ԝе же бькә у щиһед ԝе йед һьлкʹьшандьне ԝе бьбьн йед тә; жь бәр кӧ Кәнани хԝӧрт ьн у хԝәйе әʹрәбәйед һәсьни йед шәрʹ ьн жи; тӧйе ԝан бьԛәԝьринә!

(Мәтта 5:33-48) Ԝә әв жи бьһистийә кӧ пешийарʹа һатийә готьне: ‹Дәрәԝ сонд нәхԝә у сонде хԝә ль бәр Хӧдан бинә сери›. ³⁴ Ле әз ԝәрʹа дьбежьм, тʹӧ щар сонд нәхԝьн, нә бь әʹзмен, чьмки әԝ тʹәхте Хԝәде йә, ³⁵ нә жи бь әʹрде, чьмки әԝ щийе бьн пʹийед ԝи йә, нә жи бь Оршәлиме, чьмки әԝ бажаре Пʹадше мәзьн ә ³⁶ у нә жи бь сәре хԝә сонд бьхԝә, чьмки тӧ нькари муки сьпи ки йан рʹәш ки. ³⁷ Ле бьра готьна ԝә бьбә ‹бәле-бәле› йан жи ‹на-на›. Жь ве зедәтьр жь Мирещьн ә. ³⁸ Ԝә бьһистийә кӧ һатийә готьне: ‹Чʹәʹв дәԝса чʹәʹв у дьран дәԝса дьран›. ³⁹ Ле әз ԝәрʹа дьбежьм, мьԛабьли хьраба нәсәкьньн. Һәгәр йәк шәмаԛәке ль рʹуйе тәйи рʹасте хә, йе дьн жи бьдә бәр. ⁴⁰ У һәгәр йәк тә кʹаши бәр диԝане кә у бьхԝазә кьрасе тә жь тә бьстинә, пʹоте хԝә жи жерʹа бьһелә. ⁴¹ У һәгәр йәки ԛӧльхеда зоре ль тә бькә, ԝәки километьрәке тә бьбә, тʹәви ԝи дӧда һәрʹә. ⁴² Бьдә ԝи, кʹи жь тә дьхԝазә у бәре хԝә жь ԝи нәгӧһезә, йе кӧ дьхԝазә жь тә дәйн бькә. ⁴³ Ԝә бьһистийә кӧ һатийә готьне: ‹Һәвале хԝә һʹьз бькә у бьжәнә дьжмьне хԝә›. ⁴⁴ Ле әз ԝәрʹа дьбежьм, дьжмьнед хԝә һʹьз бькьн у бона ԝан дӧа бькьн, йед кӧ ԝә дьзериньн, ⁴⁵ ԝәки һун бьбьнә зарʹед Баве хԝәйи Әʹзмана. Чьмки әԝ тәʹва хԝә дәрдьхә һьн сәр ԛәнща, һьн жи сәр хьраба у баране дьбаринә һьн сәр рʹаста, һьн жи сәр нәрʹаста. ⁴⁶ Һәгәр һун һʹьзкьред хԝә һʹьз бькьн, һуне чь һәԛ бьстиньн? Нә хәрщгьр жи ӧса дькьн? ⁴⁷ У һәгәр һун тʹәне сьлаве бьдьнә бьред хԝә, иди һун чь тьшти жь әԝед дьн зедәтьр дькьн? Нә пʹутпʹарьст жи ӧса дькьн? ⁴⁸ Аԝа кʹамьл бьн, чаԝа кӧ Баве ԝәйи Әʹзмана кʹамьл ә.

ԝ15 15/7 32

Ԝә Заньбу?

Гәло Исраела бәреда бь рʹасти гәләк мешә һәбун, чаԝа кӧ Кʹьтеба Пироз дьбежә?

ЛЬ ГОРА Кʹьтеба Пироз, һьнә һәремед Әʹрде Создайи бь мешәйед сьх тʹьжә бун (1 Пʹадш. 10:27; Йешу 17:15, 18). Ле иро ԝан һәремада гәләк щийа ида дар нәманә, ләма жи һьнәк мәрьв дькарьн бькʹәвьнә шьке кӧ бәре ԝедәре бь рʹасти мешә һәбун.

Кʹьтебәкеда дьһатә готьне, ԝәки «Исраела бәреда дьһа зәʹф мешә һәбун, нә кӧ рʹожед мәда» («Life in Biblical Israel»). Сәр бьльндщийа һʹәчʹи зәʹф әв дар шин дьбун: даред чамейә Һәләбе («Pinus halepensis»), даред пʹалудейә шин («Quercus calliprions»), у даред кәзԝане («Pistacia palaestina»). Щики тʹәпә Шәфәлайеда, кӧ ортʹа рʹеза чʹийа у дәве Бәʹра Навбәреда бу, тʹьжә даред һәжире һәбун («Ficus sycomorus»).

Кʹьтебәкеда те готьне, ԝәки иро һьнә һәремед Исраеледа ԛә дар нәманә («Plants of the Bible»). Гәло мәʹни чь йә? Дар һеди-һеди серәк дьбун. Ве кʹьтебеда ӧса дьһатә шьровәкьрьне: «Мәрьв һәр гав тʹәбийәте бона кʹара хԝә дьданә хәбате, һʹәчʹи зәʹф бона кӧ әʹрд бещәр кьн у бьчиньн, у ӧса жи сәва кӧ тьштед бона авакьрьне у шәԝьтоке дәстхьн».