Кани бона «Бәрнама Щьвине, Бьжин у Хьзмәт кьн»
1-7 МЬЖДАРЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ЙЕШУ 18-19
«Йаһоԝа бь Билани Әʹрд Пʹарәвәдькә»
it-1 359 ¶1
Синор
Ча те кʹьфше пʹарәвәкьрьна әʹрде дӧ тьштава гьредайи бу: пʹәшкавитьнева у һәжмара нәфәред бәрәкава. Дьԛәԝьмә пʹәшкавитьне дьда кʹьфше кӧ кʹижан бәрәк кʹидәре әʹрде бьстинә ча мьлкʹ. Мәсәлә әве әʹйан дькьр кӧ дәшт бә йан бьльндщи бә, алийе Бакӧре, Башуре, Рʹоһьлате йан Рʹоавайе бә. Сафикьрьнед бь пʹәшкавитьне жь Йаһоԝа бун, ләма жи мәʹни тʹӧнә бун, кӧ щьмәʹт һʹәвсудийе һәв бькьн у бькьнә кӧтә-кӧт (Мтʹл. 16:33). Хенщи ԝе йәке Хԝәде бь сайа пʹәшкавитьне дькарьбу хәм бькьра, ԝәки щиԝарбуна һәр бәрәкәке ль гора пʹехәмбәртийа жь Дәстпебун 49:1-33 буйа, кʹижан кӧ Аԛуб жь бина бәр Хԝәде готьбу.
it-1 1200 ¶1
Мьлкʹ
Ԝаре кал-бава. Йаһоԝа әʹрд ча мьлкʹ да Исраелийа, чап у синоред кʹижани кӧ әԝи пешда Мусарʹа әʹйан кьрьбу (Жм. 34:1-12; Йеш. 1:4). Бона кӧрʹед Гад, кӧрʹед Рʹубен, у ниве бәрәка Мьнаш, Муса хԝәха әʹрд башԛә кьрьбу (Жм. 32:33; Йеш. 14:3). Ле бәрәкед дьн мьлкʹе хԝә бь сайа пʹәшкавитьне стандьн, йе кӧ Йешу у Әләазар бона ԝан авитьн (Йеш. 14:1, 2). Ль гора пʹехәмбәртийа Аԛуб, йа кӧ Дәстпебун 49:5, 7-да ньвисар ә, Шьмһʹун у Леԝирʹа әʹрд ча мьлкʹ нәһатә дайине. Һьндӧре мьлкʹе Щьһудада, һьнә пʹаред әʹрде (у һьнә шәһәред башԛәкьри) ԝаре Шьмһʹун бун (Йеш. 19:1-9). Ле бәрәка Леԝирʹа 48 шәһәр һатьбун башԛәкьрьне, йед кӧ нав тʹәмамийа Исраеледа бун. Жь бо ԝе йәке кӧ Леԝийарʹа шьхӧле мәхсус һатьбу дайине, кӧ щийе пирозда хьзмәт кьн, ԝар у мьлкʹе ԝан Йаһоԝа бу. Бона хьзмәткьрьна хԝә ԝана ча мьлкʹ дәһәк дьстандьн (Жм. 18:20, 21; 35:6, 7). Һәр малбәтәкерʹа әʹрд сәр територийа бәрәка ԝан дьһатә дайине. Чьԛас кӧ малбәтед тʹәзә саз дьбун, һаԛас жи әʹрд сәр територийед дьһа бьчʹук бона ԝан дьһатьн пʹарәвәкьрьне.
it-1 359 ¶2
Синор
Чахе бь сайа пʹәшкавитьне щиԝаркьрьна бәрәка сафи дьбу, паше чапа територийа ль сәр һʹиме һәжмара нәфәред бәрәке, сафи дькьрьн. «Бь пʹәшк авитьне һуне жь ԝи әʹрди, анәгори малбәтед хԝә, пʹар бьстиньн. Малбәта мәзьн ԝе зәʹф бьстинә, йа бьчʹук ԝе һьндьк бьстинә, кʹерʹа кʹидәре бькʹәвә әԝе жи бьбә пʹара ԝи» (Жм. 33:54). Әв сафикьрьна дәрһәԛа щиԝаркьрьне, кӧ бь сайа пʹәшкавитьне дьстандьн, нәдьһатә гӧһастьне. Ле чапа територийе дькарьбу бьһата гӧһастьне. Мәсәлә чахе тедәрхьстьн, кӧ територийа бәрәка Щьһуда гәләк мәзьн ә, әԝ кем кьрьн у пʹаред ԝе данә бәрәка Шьмһʹун (Йеш. 19:9).
Хьзна Кʹьтеба Пироз
(Йешу 18:1-3) У һʹәмуйа щьвака лаԝед Исраел ль Шилойе щьвийан у ль ԝьр, Чадьра Щьвандьне данин у ԝәлат дь бьн рʹевабьрийа ԝанда бу. 2 Чь һәйә кӧ һьн һʹәфт әширед Исраел йед кӧ жь әʹрдева пʹаред хԝә нәстәндьнә, һәбун. 3 Йешу жь лаԝед Исраелрʹа гот: Гәло һуне кʹәнге ве пʹучʹбуна жь сәр хԝәва бавежьн, бона кӧ бь дәства хьсьтьна әʹрде кӧ Хԝәдайе бапиред ԝә Хӧдан дайә ԝә, һьн һуне чьԛаси бьсәкьньн?
(Мәтта 6:1-12) Һаш жь хԝә һәбьн, кӧ һун ԛәнщийед хԝә бәр мәрьва нәкьн, ԝәки жь ԝан бенә кʹьфше. Йан на, һун жь Баве хԝәйи әʹзмана һәԛ настиньн. 2 Аԝа чахе тӧ хера дьки, пешийа хԝә борʹийе нәхә, чаԝа дӧрʹу кʹьништ у кʹучада дькьн, ԝәки мәрьв пәсьне ԝан бьдьн. Әз рʹаст ԝәрʹа дьбежьм, кӧ ԝана һәԛе хԝә иди стандийә. 3 Ле чахе тӧ хера дьки, бьра дәсте чʹәпе ньзаньбә дәсте рʹасте чь хер кьр, 4 кӧ херед тә дьзива бьн. У Баве тәйи тьштед кӧ тӧ дьзива дьки дьбинә, ԝе һәԛе тә бьдә тә. 5 Гава һун дӧа дькьн, мина дӧрʹуйа нәбьн. Әԝ һʹьз дькьн кʹьништ у мәйданада бьсәкьньн дӧа бькьн, кӧ бәр мәрьва бенә кʹьфше. Әз рʹаст ԝәрʹа дьбежьм, иди ԝана һәԛе хԝә стандийә. 6 Ле чахе тӧ дӧа дьки, бькʹәвә ода хԝә, дәри ль хԝә бьгьрә у Баве хԝәрʹа кӧ найе дитьне дӧайе хԝә бькә. У Баве тәйи тьштед кӧ тӧ дьзива дьки дьбинә, ԝе һәԛе тә бьдә тә. 7 Гава кӧ һун дӧа дькьн, мина пʹутпʹарьста пʹьрʹхәбәр нәбьн. Ԝана тʹьре бона пʹьрʹ хәбәрдана ԝан дӧайед ԝане бенә бьһистьне. 8 Һун мина ԝан нәбьн, чьмки бәри хԝәстьна ԝә, Баве ԝә занә чь ԝәрʹа лазьм ә. 9 Ле һун аһа дӧа бькьн: ‹Баве мәйи әʹзмана! Наве тә пироз бә, 10 Пʹадшатийа тә бе, әʹмьре тә бә, чаԝа ль әʹзмен, ӧса жи ль сәр әʹрде. 11 Нане мәйи рʹоже рʹож бь рʹож бьдә мә. 12 Дәйнед мә бьбахшинә, чаԝа кӧ әм дьбахшиньнә дәйндаред хԝә.
it-1 359 ¶5
Синор
Ль гора ньвисаред дәрһәԛа пʹарәвәкьрьна әʹрде алийе рʹоавайе жь Урдӧне, йа пешьн пʹәшк бона бәрәка Щьһуда, Усьв (Әфрайим), у ниве бәрәка Мьнаш һатьбу авитьне, йед кӧ рʹоавайе Урдӧне щиԝар бун; синоред әʹрдед ԝан һатьбун кʹьфшкьрьне у шәһәред ԝан ньвисандьне (Йеш. 15:1-63; 16:1-10; 17:1-13). Кʹьфш ә ԝәʹдә шунда пʹарәвәкьрьна әʹрде данә сәкьнандьне, чьмки зома Исраел жь Гилгале дәрбази Шило бу (Йеш. 14:6; 18:1). Әʹйан нинә чьԛас ԝәхт дәрбаз бу, ле ахьрийе Йешу бәзийа һʹәфт бәрәкед дьн, чьмки әԝана хԝә паш дьхьстьн, ԝәки әʹрде зәфт кьн (Йеш. 18:2, 3). Щурʹә-щурʹә фькьр һәнә дәрһәԛа ԝе йәке, кӧ чьма һʹәфт бәрәка хԝә паш дьхьстьн. Ль гора ньһерʹандьна һьнә леколинкʹара, әв һʹәфт бәрәк һʹәсаб дькьрьн ԝәки әʹсәйи нинә дәрберʹа әʹрде майи зәфт кьн, чьмки пешда ԝәʹде алткьрьна әʹрда, ԝана гәләк мьлкʹ у һәбуна дьжмьна зәфт кьрьбун. Әԝ һәбун тʹера ԝан дькьр у әԝана хԝәрʹа рʹьһʹәт дьжитьн, у нәдьтьрсийан кӧ Кәнани ԝе һʹьщуми сәр ԝан кьн. Ӧса жи дьԛәԝьмә ԝана хԝә паш дьхьст, чьмки нәдьхԝәстьн рʹасти һʹьщумкьрьна ԛәԝи бен жь алийе мьләтед дәр-дор кӧ дьжмьнед ԝан бун (Йеш. 13:1-7). Хенщи ԝе йәке, дьԛәԝьмә ԝана ве пʹара Әʹрде Создайи ӧса рʹьнд ньзаньбун, ча әʹрде кӧ ԝанарʹа ида һатьбу пʹарәвәкьрьне.
8-14 МЬЖДАРЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ЙЕШУ 20-22
«Дәрсед жь Һәвнәфәʹмкьрьне»
ԝ06 15/4 5 ¶3
Чаԝа Һәвдӧ Фәʹм Бькьн
Һәрге әм дьле хԝә һәвдӧрʹа вәкьн, һьнге ортʹа мәда һәвнәфәʹмкьрьн ԝе пешда нәйе. Һьнә ԝәхт шунда паши ве йәке ча Исраели кʹәтьнә Әʹрде Создайи, бәрәкед Рʹубен, Гад у ниве бәрәка Мьнаш, йед кӧ жь Чʹәме Урдӧне алийе рʹоһьлате дьжитьн, незики чʹем горигәһәкә гәләк «мәзьн» ава кьрьн. Ле Исраелийед жь бәрәкед дьн әв кьре ԝан нәрʹаст фәʹм кьрьн. Ԝана тʹьре ԝәки бьред ԝан, йед кӧ жь Чʹәме Урдӧне алийе рʹоһьлате дьжитьн, бунә рʹабәр, ләма жи сафи кьрьн мьԛабьли ԝан шәрʹ кьн. Ле пешийе ԝана ԝәкʹил шандьн, ԝәки һур бь һур һәр тьшти пебьһʹәсьн. Ԝана бь ве йәке сәрԝахти данә кʹьфше! Чаԝа кӧ избат бу, әв горигәһ нәһатьбу авакьрьне, сәва кӧ ԛӧрбана сәр биньн. Ле мәʹнийа авакьрьна ве горигәһе әв бу, кӧ әԝана дьтьрсийан ԝәки ԝәʹдә шунда бәрәкед дьн ԝе ԝанрʹа бежьн: «Дь Хӧданда пʹара ԝә нинә!» Әв горигәһ гәрәке бьбуйа шәʹде ве йәке, кӧ бәрәкед Рʹубен, Гад у ниве бәрәка Мьнаш жи хьзмәткʹаред Йаһоԝа бун (Йешу 22:10-29). Наве ве горигәһе данин Шәʹдә, чьмки әв дьда кʹьфше ԝәки Исраелийед жь ван бәрәка жи, Йаһоԝа ча Хԝәдайе рʹаст һʹәсаб дькьрьн (Йешу 22:34).
ԝ08 15/11 18 ¶5
«Сәр Нета Әʹдьлайийе . . . бьн»
Һьнә Исраели дькарьбун бьфькьрийана, ԝәки гӧне ван бәрәка әшкәрә йә, у һәгәр ньшкева һʹьщуми сәр ԝан кьн, ԝе дьһа кем әскәред хԝә ӧнда кьн. Ле бәрәкед кӧ алийе рʹоавайе Чʹәме Урдӧне щи-ԝар бьбун, бь ләзә-ләз сафи нәкьрьн чь бькьн, дәԝсе ԝана ԝәкʹил шандьн ԝәки тʹәви бьред хԝә дәрһәԛа ве проблеме бьшеԝьрьн. Ԝана гот: «Һун ль дьжи Хӧдан рʹабун, гәло һуне чаԝа ве хайиньтийе жь Хԝәдайе Исрайелрʹа бькьн?» Бь рʹасти әв бәрәкед кӧ горигәһ ава кьрьбун, пьшта хԝә нәдабунә Хԝәде. Ле ве дәрәщеда чахе ԝана нәһәԛ кьрьн, ԝана хԝә ча данә кʹьфше? Гәло әԝана мьԛабьли ԛарʹдаред хԝә дәркʹәтьн у ԝанрʹа кʹәтьнә дәʹԝе йан жи сәр ԝан хәйидин? Әв бәрәк рʹьһʹәт щаба ԝан дан у әшкәрә готьн, ԝәки нета ԝан әв бу кӧ бьдьнә кʹьфше, ԝәки әԝана жи хьзмәткʹаред Йаһоԝа нә. Щабәкә ӧса али ԝан кьр һәләԛәтийа баш тʹәви Хԝәде хԝәй кьн у хԝә жь хунрʹетьне бьпарезьн. Хәбәрдана рʹьһʹәт ве дәрәще сафи кьр у әʹдьлайи хԝәй кьр (Йешу 22:13-34).
Хьзна Кʹьтеба Пироз
(Йешу 21:43, 44) У ԝәлате кӧ Хӧдан бо дайине соз дабу бапиред ԝан, бь тʹәмами да Исраелийа 44 У мина кӧ Хӧдан жь бапиред ԝанрʹа сонд дабу, ԝан жь һәр алива гиһанд рʹьһʹәтийе. Йәк жи жь нәйаред ԝан, һез [ԛәԝат] нәгиһанд кӧ ль бәр ԝан бьсәкьнә. Хӧдан гьшка да дәсте ԝан.
(Мәтта 6:13-34) У мә нәбә щерʹьбандьне, ле мә жь йе хьраб хьлаз кә, чьмки пʹадшати, ԛәԝат у рʹумәт йед тә нә, һʹәта-һʹәтайе. Амин›. 14 Һәгәр һун нәһәԛийед мәрьвайә һьндава ԝәда кӧ дькьн бьбахшиньн, Баве ԝәйи Әʹзмана жи ԝе ԝә бьбахшинә. 15 Ле һәгәр һун нәһәԛийед мәрьва нәбахшиньн, Баве ԝә жи нәһәԛийед ԝә набахшинә. 16 Гава кӧ һун рʹожи дьгьрьн, мина дӧрʹуйа мәʹдәкьри нибьн. Әԝ мәʹде хԝә дькьн, ԝәки мәрьв бьзаньбьн кӧ әԝ рʹожи нә. Әз рʹаст ԝәрʹа дьбежьм, кӧ ԝана һәԛе хԝә стандийә. 17 Ле чахе тӧ рʹожи дьгьри, сәрчʹәʹве хԝә бьшо, сәре хԝә шә кә, 18 ԝәки мәрьв ньзаньбьн кӧ тӧ рʹожи йи, ле тʹәне Баве тәйи кӧ найе дитьне заньбә. У Баве тәйи тьштед кӧ тӧ дьзива дьки дьбинә, ԝе һәԛе тә бьдә тә. 19 Ль сәр дьне хьзне хԝәрʹа нәщьвиньн. Ль ве дәре зәнг у бьзуз хьраб дькьн у дьз дәрәвәдькьн дьдьзьн. 20 Ле хьзне хԝәрʹа ль әʹзмед бьщьвиньн. Ль ԝе дәре зәнг у бьзуз хьраб накьн у дьз жи дәрәвәнакьн надьзьн. 21 Чьмки хьзна тә кʹидәре бә, дьле тә жи ԝе ль ԝе дәре бә. 22 Чʹьра бәдәне чʹәʹв ә. Һәгәр чʹәʹве тә пʹак ә, тʹәмамийа бәдәна тәйе рʹонайи бә. 23 Ле һәгәр чʹәʹве тә хьраб ә, тʹәмамийа бәдәна тәйе тәʹри бә. Аԝа һәгәр әԝ рʹонайа кӧ нав тәда йә тәʹри йә, тәʹри ԝе чьԛас зедә бә! 24 Тʹӧ кәс нькарә дӧ ахарʹа хӧламтийе бькә, чьмки йан ԝе һʹиле ԝи жь йәки һәрʹә у йе дьне һʹьз бькә, йан жи ԝе ԛәдьре йәки бьгьрә у йе дьне беһӧрмәт кә. Һун нькарьн һьн Хԝәдерʹа, һьн жи һәбукерʹа хӧламтийе бькьн. 25 Ләма әз ԝәрʹа дьбежьм, бона әʹмьре хԝә хәма нәкьн, кӧ һуне чь бьхԝьн у чь вәхԝьн, нә жи бона бәдәна хԝә, кӧ һуне чь ль хԝә кьн. Нә әʹмьр жь хԝарьне ԛимәттьр ә у бәдән жи жь кʹьнща? 26 Дина хԝә бьдьнә тәйрәдед әʹзмен. Әԝана нә дьрʹәшиньн, нә дьдьрун у нә жи әʹмбарада дьщьвиньн, ле Баве ԝәйи Әʹзмана рʹьсԛе ԝан дьгьһинә. Нә һун жь ԝан ԛимәттьр ьн? 27 Иди жь ԝә кʹи дькарә бь хәмед хԝә дәԛәке сәр әʹмьре хԝәда зедә кә? 28 У бона кʹьнща һун чьма хәм дькьн? Дина хԝә бьдьнә сосьнед чоле, чаԝа шин дьбьн, нә дьхәбьтьн у нә жи дьрʹесьн. 29 Ле әз ԝәрʹа дьбежьм, кӧ Сьлеман жи ль нава тʹәмамийа ԝе хер-хьзна хԝәда мина жь ԝан йәке хԝә нәкьр. 30 Һәгәр гиһайе чоле, кӧ иро һәйә у сьбе давежьнә нава егьр, Хԝәде ӧса дьхәмьлинә, ле чьԛас зедә ԝе ль ԝә кә, кембаԝәрно? 31 Иди хәм нәкьн у нәбежьн: ‹Әме чь бьхԝьн?› йан: ‹Чь вәхԝьн?› йан жи: ‹Чь ль хԝә кьн?› 32 Пʹутпʹарьст ль пәй ԝан һʹәму тьшта дькʹәвьн, ле Баве ԝәйи әʹзмана занә кӧ һун һʹәԝще ԝан һʹәму тьшта нә. 33 Ле бәре пешьн ль Пʹадшатийа Хԝәде бьгәрʹьн у бькьн кӧ рʹастийа ԝи бьԛәдиньн у әԝ һʹәмуйе ԝәрʹа бенә дайине. 34 Иди бона рʹожа сьбе хәма нәкьн, чьмки рʹожа сьбе ԝе бона хԝә хәма бькә. Хәмед рʹоже бәси ԝе нә.
it-1 402 ¶3
Кәнан
Рʹаст ә гәләк Кәнани сах ман у нәкʹәтьн бьн нире Исраелийа, гава Исраели әʹрде ԝан зәфт кьрьн, диса жи дькарьн бежьн ԝәки Йаһоԝа әв ԝәлат бь тʹәмами «да Исраелийа», чаԝа кӧ соз дабу кал-бавед ԝан. Әԝи һәр алийава рʹьһʹәти да ԝан, у «ԛәт созәк жи, жь созед кӧ Хӧдан дабу гәле [щьмәʹта] Исраелийа вала дәрнәкʹәтьн; гьшк һатьн щиһ» (Йеш. 21:43-45). Һʹәму дьжмьнед дор-бәре Исраелийа жь ԝана дьтьрсийан у бона Исраелийа хоф нибун. Хԝәде ԝанрʹа пешда готьбу кӧ ԝе һеди-һеди бәри Кәнанийа дә, ԝәки әʹрд дәрберʹа вала нәбә у һʹәйԝанед бәйани теда зедә нәбьн (Дркʹ. 23:29, 30; Ԛн.Дщ. 7:22). Рʹаст ә чʹәкед Кәнанийа жь чʹәкед Исраелийа ԛәԝитьр бун, чьмки әʹрәбед ԝан бь кʹеләндийед һʹәсьн бун, ле диса жи әԝ йәк кӧ Исраели нькарьбун һьнә әʹрдед ԝан зәфт кьрана, нәһәԛийа Йаһоԝа нибу, у әм нькарьн бежьн ԝәки Хԝәде созе хԝә нәани сери (Йеш. 17:16-18; Һʹкм. 4:13). Ча Кʹьтеба Пироз әʹйан дькә, әԝ йәк кӧ щара Исраели дьданә дәр, жь бо нәамьнийа ԝан бу (Жм. 14:44, 45; Йеш. 7:1-12).
15-21 МЬЖДАРЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ЙЕШУ 23-24
«Тʹәмийа Пашьн кӧ Йешу Да Исраелийа»
it-1 75
Пәйман
Дәрәща дәрһәԛа пәймангьредане һатә гӧһастьне, чахе щьмәʹта Исраел кʹәтә Кәнане, демәк Әʹрде Создайи. Чаԝа кӧ Хԝәде зӧрʹәта Исраелийарʹа соз дабу, әԝи әв әʹрд кьрә бьн дәсте ԝан. Ләма жи әԝана кʹәтьнә ви әʹрди нә кӧ ча хәриб у бьнәлийед ԝәʹдәлу, ле ча хԝәйе ви әʹрди. Йаһоԝа ԛәдәхә кьр, ԝәки әԝана тʹәви мьләтед пʹутпʹарьст пәймане гьредьн (Дркʹ. 23:31-33; 34:11-16). Исраели гәрәке ль гора ԛанун у тʹәмийед Хԝәде бьжитана, нә кӧ ль гора әʹдәтед мьләтед пʹутпʹарьст, кʹижан кӧ гәрәке жь ви әʹрди бьһатана дәрхьстьне (Ԛн.Кʹһ. 18:3, 4; 20:22-24). Ӧса жи ԛәдәхәкьри бу, ԝәки тʹәви ван мьләта бьзәԝьщьн. Һәрге ԝана пәймана зәԝаще тʹәви ԝан гьреда, ви чахи ԝе һәләԛәтийа ԝан нә тʹәне тʹәви жьнед ԝанә пʹутпʹарьст һәбуйа, ле тʹәви мәрьватийа ԝан жи, у Исраели ԝе дәстпекьрана әʹйд-ԛәйдед ԝан бьанийана сери. Әв йәк ԝе ԝанрʹа бьбуйа тʹәльк у әԝана ԝе жь Йаһоԝа дур кʹәтана (Ԛн.Дщ. 7:2-4; Дркʹ. 34:16; Йеш. 23:12, 13).
ԝ07 1/11 26 ¶19-20
Хәбәра Йаһоԝа Тʹьме Те Сери
19 Сәр һʹиме ве йәке чь кӧ мә әʹмьре хԝәда дитийә, әм дькарьн бь баԝәри бежьн: «Һун бь һʹәму һәбун у дьле хԝәва дьзаньн кӧ, йәк жи жь готьнед кӧ Хԝәдайе ԝә Хӧдан дайә ԝә, вала дәрнәкʹәт гьшк жи һатьн щиһ, йе кӧ вала дәркʹәт ченәбу» (Йешу 23:14). Йаһоԝа хьзмәткʹаред хԝә дьпарезә у бона ԝан хәм дькә. Гәло ԛә ӧса буйә, ԝәки Йаһоԝа созе хԝә ԝәхтда нәанийә сери? Тьштәки ӧса нәԛәԝьмийә! Бь рʹасти жи һʹәму избаткьрьн һәнә, ԝәки әм итʹбарийа хԝә Хәбәра Хԝәде биньн.
20 Чь ахьри һивийа мә йә? Йаһоԝа соз дьдә, ԝәки һʹәчʹи зәʹф жь мә ԝе сәр әʹрде бьжин, йа кӧ ԝе бьбә щьнәт. Ле һьнә хьзмәткʹаред ԝи, ԝе тʹәви Иса сәр әʹзмен сәрԝертийе бькьн. Һевийа мә чь бә жи, һʹәму мәʹнийед мә һәнә ԝәки мина Йешу, Йаһоԝарʹа амьн бьминьн. Зутьрәке чахе әв һʹәму созед Хԝәде кʹижан кӧ әм гәләк һивийе нә, бенә сери, һьнге әме жи бькарьбьн бежьн: «Гьшк жи һатьн щиһ».
Хьзна Кʹьтеба Пироз
(Йешу 24:2) У Йешу жь һʹәмуйа гәлрʹа бь готьна: Хԝәдайе Исраел Хӧдан ӧса дьбежә, дәст бь ахафтьна хԝә кьр: Тераһе баве Бьраһим у баве Наһор у бапиред ԝә йед дьн дь дәмед кәвьнда жь чʹәме Фәрате ԝеда дьжийан у ԛультийе [хьзмәтийе] жь илаһед [хӧданед] дьнрʹа дькьрьн.
(Мәтта 7:1-15) Лома нәкьн, кӧ ломә ль ԝә нәбьн. 2 Һун чь лома бькьн, әԝ ломә жи ԝе ль ԝә бьбьн у һун бь чь чапе бьпивьн, бь ԝе чапе жи ԝәрʹа ԝе бе пиване. 3 Тӧ чьма ԛьршьке чʹәʹве бьре хԝәда дьбини, ле кʹеране чʹәʹве хԝәда набини? 4 Йан жи чаԝа тӧ дькари бежи бьре хԝә: ‹Бьһелә кӧ әз ԛьршьк жь чʹәʹве тә дәрхьм›, ле ва йә кʹеран чʹәʹве тәда һәйә? 5 Дӧрʹу! Пешийе кʹеране чʹәʹве хԝә дәрхә. Паше те ԛәнщ бьбини кӧ чаԝа ԛьршьк жь чʹәʹве бьре хԝә дәрхи. 6 Тьште бӧһӧрти нәдьнә са у нә жи дӧрʹед хԝә бавежьнә бәр бәраза. Һәгәр на, бәразе ԝан бьн ньгед хԝәда пʹепәс кьн у сәйе жи вәгәрʹьн ԝә бьдьрʹиньн. 7 Бьхԝазьн һуне бьстиньн, бьгәрʹьн һуне бьбиньн, дәри хьн ԝе бәр ԝә вәбә. 8 Чьмки кʹи кӧ дьхԝазә дьстинә, кʹи кӧ дьгәрʹә дьбинә у кʹи кӧ дәри дьхә бәр вәдьбә. 9 Жь ԝә кʹижан ә әԝ мәрьв, кӧ кӧрʹе ԝи нан же бьхԝазә, әԝ кәвьр бьде? 10 Йан жи мәʹси бьхԝазә, әԝ мәʹр бьде? 11 Һун кӧ хьраб ьн, заньн тьштед ԛәнщ бьдьнә зарʹед хԝә, ле Баве ԝәйи әʹзмана ԝе чьԛас тьштед ԛәнщ бьдә әԝед кӧ жь ԝи дьхԝазьн. 12 Һәр чь кӧ һун дьхԝазьн мәрьв бона ԝә бькьн, һун жи ӧса ԝанарʹа бькьн. Әв ә мәʹна һинкьрьна Ԛануне у пʹехәмбәра. 13 Дәре тәнгрʹа бькʹәвьнә һьндӧрʹ, чьмки фьрә йә әԝ дәри у бәр ә әԝ рʹийа кӧ дьбә бәрбь ӧндабуне у гәләк ьн әԝед кӧ ԝеда дьчьн. 14 Ле гәләки тәнг ә әԝ дәри у зәʹмәт ә әԝ рʹийа кӧ дьбә бәрбь жийине у һьндьк ьн әԝед кӧ ԝе рʹейе дьбиньн. 15 Һʹәвза хԝә жь пʹехәмбәред дәрәԝ бькьн. Әԝе бь пʹосте пез бенә щәм ԝә, ле һьндӧрʹва гӧред пʹәрʹани нә.
ԝ04 1/12 12 ¶1
Фькьред Сәрәкә жь Кʹьтеба Йешу
24:2; Гәло Тераһ, баве Бьраһим, пʹутпʹарьст бу? Серида Тераһ хьзмәткʹаре Йаһоԝа нибу. Дьԛәԝьмә әԝи сәре хԝә бәр хӧдане һиве бь наве Син датани, һʹәбандьна кʹижани кӧ шәһәре Урда гәләк бәлабуйи бу. Ль гора әʹдәтед Щьһуйа, Тераһ дьԛәԝьмә хԝәха жи пʹут чедькьрьн. Ле чахе Бьраһим бь готьна Хԝәде жь Уре дәркʹәт, Тераһ тʹәви ԝи чу (Дәстпебун 11:31).
22-28 МЬЖДАРЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ҺʹАКЬМТИ 1-3
«Сәрһатийа Мерхасийе у Фелбазийе»
ԝ04 15/3 31 ¶3
Әһуд Кʹока Дьжмьна Тинә
Әһуд кьред хԝәда пешдачуйи бу нә жь бо ԝе йәке кӧ әԝ йәки зен у жир бу, нә жи жь бо ԝе йәке кӧ дьжмьне ԝи сьст бу. Пекһатьна ԛьрара Хԝәде фәрәсәт у дәрәщед мәрьвава гьредайи нинә. Мәʹнийа сәрәкә йа сәркʹәтьна Әһуд әв бу, кӧ Хԝәде пьштгьрийа ԝи дькьр, чьмки әԝи ԛьрара Хԝәде дьани сери у щьмәʹта Ԝи аза дькьр. Йаһоԝа бона щьмәʹте, Әһуд ча һʹакьм кʹьфш кьр, у чахе Йаһоԝа һʹакьм кʹьфш дькьрьн әԝи пьштгьрийа ԝан дькьр, у тʹьме щьмәʹт «жь дәсте нәйаред ԝан хьлаз дькьр» (Һʹакьмти 2:18; 3:15).
ԝ04 15/3 30 1-3
Әһуд Кʹока Дьжмьна Тинә
Бәри пешьн Әһуд хԝәрʹа шурәки дӧдәви чекьр, йе кӧ ӧса кьн бу ԝәки һеса дькарьбу бьне кʹьнще хԝәда вәшарта, ԝәки нобәдара бал ԝи шур нәдитана. Мера тʹьме шур алийе чʹәпе кʹәмбәра хԝәва дькьрьн, ԝәки бь дәсте рʹасте һеса дәрхьн. Ле Әһуд дәстчʹәп бу, ләма жи әԝи шуре хԝә алийе рʹасте кʹәмбәрева кьрьбу, у нобәдара ԝе нә жи бькарьбуна тедәрхьстана ԝәки щәм ԝи шур һәйә. Бь ԝи щурʹәйи Әһуд нәкʹәтә чʹәʹва у һеса пʹешкʹеш у хәрщ Әглонрʹа, пʹадше Моԝаберʹа, ани (Һʹакьмти 3:16, 17).
Кʹьтеба Пирозда һур бь һур найе готьне, ԝәки ԛәсьра Әглон пʹадшада чь дьԛәԝьми гава Әһуд тʹәзә һатә ԝедәре, ле кьн те готьне ԝәки чахе Әһуд хәрщ у пʹешкʹеш данә Әглон, әԝи әв меред кӧ хәрщ анибун, пашда шандьн (Һʹакьмти 3:18). Демәк Әһуд әв мер бьрьн щики дур у бехоф у хԝәха жи пашда вәгәрʹийа ԛәсьре. Гәло чьма әԝи ӧса кьр? Чьрʹа әԝи әԝ мер тʹәви хԝә һьлда бун? Сәва кӧ әԝана ԝи бьпарезьн? Чьмки ӧса дьһатә дәʹԝакьрьне гава дьһатьнә щәм пʹадше? Йан ԝана гәрәке али ԝи бькьрана, ԝәки баре гьран бьвьрана? Дьԛәԝьмә пешийа кӧ нета хԝә бинә сери, әԝи дьхԝәст избат бә, ԝәки әв мер щики бехоф ьн? Фьрԛи тʹӧнә мәʹни чь бу, кӧ әԝи ӧса кьр, әʹйан ә ԝәки әԝ тʹәне вәгәрʹийа ԛәсьра Әглон.
Әһуд жь ԛучʹед кәвьред Гилгале вәгәрʹийа у готә пʹадше: «Йа ԛьрал! Готьнәк мьни бь дьзика жь тәрʹа һәйә». Ча әԝи карьбу диса бькʹәта ода пʹадше, Кʹьтеба Пирозда найе готьне. Гәло бь рʹасти нобәдара хоф тʹәхмин нәкьрьн? Дьԛәԝьмә әԝана фькьрин кӧ тʹәне мерәки Исраели бона ахайе ԝан хоф нинә? Жь бо ԝе йәке кӧ Әһуд тʹәне һат, дьбәкә әԝана фькьрин, ԝәки әԝ дьхԝазә нәмамийа бьнәлийед хԝә бькә у ԝана бьфьрошә? Чь жи нибуйа, нета Әһуд кӧ тʹәви пʹадшә тʹәне бьминә, һате сери (Һʹакьмти 3:19).
Хьзна Кʹьтеба Пироз
(Һʹакьмти 2:10-12) У һʹәмуйа әԝ ньфшә [рʹькʹьнийат] жи бәшдари бапиред хԝә бун у ньфшәйәк [рʹькʹьнийата] дьн, йа бь Хӧдан у бь кʹаре кӧ бона Исраеле кьрийәва ньзаньн афьрин 11 У лаԝед Исраел, йа кӧ дь чʹәʹвед Хӧданда хьраб ә кьрьн у Бааланрʹа ԛультийе кьрьн 12 у дәв жь Хԝәдайе Бапиред хԝә Хӧдане кӧ ԝан жь ԝәлате Мьсьре дәрхьстийә, бәрдан у ль пәй илаһед [хӧданед] дьн, йед кӧ жь илаһед [хӧданед] нәтәԝәйед [мьләтед] ль дора ԝан ьн мәшийан у жь ԝанрʹа хԝар бун у Хӧдан бь һерс кьрьн.
(Мәтта 8:1-12) Паше Иса жь чʹийе һатә хԝаре, әʹлаләтәкә гьран да пәй ԝи чу. 2 Һьнге йәки кʹоти һат хԝә авитә бәр ԝи у готе: «Хӧдан! Һәгәр бьхԝази, тӧ дькари мьн паԛьж ки». 3 Иса дәсте хԝә дьреж кьре ле кʹәт у готе: «Әз дьхԝазьм. Паԛьж бә!» У дәстхԝәда әԝ жь кʹотибуне паԛьж бу. 4 Һьнге Иса жерʹа гот: «Бьньһерʹә, тʹӧ кәсирʹа тьштәки нәбежи, ле һәрʹә хԝә нишани кʹаһин кә у һʹәдийа кӧ Муса тʹәми дайә бьдә, ԝәки һʹәмуйарʹа бьбә шәʹдәти, кӧ тӧ паԛьж буйи». 5 Гава Иса кʹәтә Кәфәрнаһуме, сәрсәдәк һатә щәм ԝи, һиви же кьр у готе: 6 «Хӧдан, хӧламе мьн шьлушәʹт малда пʹалдайә, гәләки щәфе дьбинә». 7 Иса готә ԝи: «Әзе бем ԝи ԛәнщ кьм». 8 Сәрсәд ле вәгәрʹанд у готе: «Хӧдан, әз нә һежа мә кӧ тӧ бейи мала мьн. Ле тʹәне хәбәрәке бежә у хӧламе мьне бь ԝе хәбәре ԛәнщ бә. 9 Әз хԝәха жи мәрьвәки бьн һʹӧкӧмда мә у бьн дәсте мьнда жи әскәр һәнә. Әз йәкирʹа дьбежьм: ‹Һәрʹә›, дьчә, йәки дьнрʹа дьбежьм: ‹Ԝәрә›, те у хӧламе хԝәрʹа дьбежьм: ‹Ви тьшти бькә›, дькә». 10 Гава Иса әв йәк бьһист, зәндәгьрти ма у готә әԝед кӧ пәй ԝи дьчун: «Әз рʹаст ԝәрʹа дьбежьм, Исраеледа жи мьн баԝәрикә аһа йәкида нәдитийә. 11 Әз ԝәрʹа дьбежьм, кӧ гәләке жь рʹоһьлате у жь рʹоавайе бен у шайийа Пʹадшатийа Әʹзманада тʹәви Бьраһим, Исһаԛ у Аԛуб рʹунен, 12 ле зарʹед Пʹадшатийе ԝе бенә авитьне тәʹрийа дәрва. Ль ԝьр ԝе бьбә гьри у чʹьркә-чʹьрка дьрана».
ԝ05 15/1 24 ¶7
Фькьред Сәрәкә жь Кʹьтеба Һʹакьмти
2:10-12. Әм гәрәке хԝә графика хԝәндьна Кʹьтеба Пироз бьгьрьн, ԝәки «һʹәму ԛәнщийед» Йаһоԝа бир нәкьн (Зәбур 103:2). Де-бав гәрәке хәм бькьн ԝәки рʹастийед жь Хәбәра Хԝәде бькьнә дьле зарʹед хԝә (Ԛануна Дӧщари 6:6-9).
29 МЬЖДАРЕ-5 КАНУНА ПЕШЬН
ФЬКЬРЕД ԚИМӘТ ЖЬ ХӘБӘРА ХԜӘДЕ | ҺʹАКЬМТИ 4-5
«Йаһоԝа бь Сайа Дӧ Кʹӧлфәта Щьмәʹта Хԝә Дьпарезә»
ԝ15 8/1 29 6
«Әз бь Дайики ль Исраеле Рʹабум»
Сисәра! Чахе Исраели әԝ нав дьбьһистьн тьрс дькʹәтә дьле ԝан. Религийа у култура Кәнанийа нас бу бь хьрабийе, ԝана бона хӧданед хԝә зарʹед хԝә дькьрьнә ԛӧрбан у дь пʹарьстгәһеда ԛави дькьрьн. Дә бьдә һʹәсабе хԝә, жийина бьн сәрԝертийа сәрәскәре Кәнани у әскәред ԝи ча буйә? Кʹьлама Дәбора дьдә кʹьфше кӧ тʹӧ кәси дь гӧндада нә дьжит у һатьн-чуйин жи гәләк чәтьн бу (Һʹакьмти 5:6, 7). Әм дькарьн бьдьнә бәр чʹәʹве хԝә, кӧ мәрьв чаԝа хԝә вәдьшерьн нава чʹийа у мешада. Йед гӧндада дьжин, жь тьрсе нькарьн әʹрде бещәр кьн у нә жи дькарьн бьжин гӧндед вәкьрида. Мәрьв рʹейед сәрәскәра нькарьн һәрʹьн, чьмки ль ԝедәре әԝана дьтьрсьн кӧ пәй ԝан кʹәвьн, зарʹед ԝан бьрʹәвиньн, у жьнед ԝан хьраб кьн.
ԝ15 8/1 30 1
«Әз бь Дайики ль Исраеле Рʹабум»
Чәрчьрандьна Исраелийа 20 сала кʹьшанд. Ле чахе Йаһоԝа дит кӧ әԝана пʹошман бунә у тенә гӧһастьне, у чахе Дәбора «бь дайики» Исраеледа рʹабу, һʹале ԝан һатә гӧһастьне. Дәрһәԛа ве йәке Дәборайе хԝәха у Барак бь рʹебәрийа Хԝәде кʹьламеда готьн. Әм рʹаст ньзаньн кӧ зарʹе Дәборайе һәбун йан на, кʹижан кӧ жьна Лаппидот бу. Ле те кʹьфше кӧ әԝ бь симболик дийа Исраеле бу. Йаһоԝа Дәбора кʹьфш кьр сәва кӧ әԝ чаԝа дайик хԝәйитийе Исраеле бькә. У һьн жи әԝе гәрәке рʹебәри бьда Барак, кʹижан кӧ ԛәԝи у бь баԝәри бу, сәва кӧ әԝ мьԛабьли Сисәра дәркʹәвә (Һʹакьмти 4:3, 6, 7; 5:7).
ԝ15 8/1 32 1
«Әз бь Дайики ль Исраеле Рʹабум»
Йаеле гәрәке зу сафикьра. Әԝе готә Сисәра кӧ һәрʹә һеса бә. Сисәра готә ԝе кӧ һәрге кәсәк бе у ԝи бьгәрʹә, щийе ԝи нәвежә. Әԝе ләʹйиф авитә сәр ԝи, у чахе Сисәра ав жь ԝе хԝәст, әԝе шир ԝирʹа ани. Зутьрәке Сисәра кʹәтә хәԝа кʹур. Ԝи чахи Йаеле сьнге чадьре у чагуч һьлда, кʹижан кӧ жьне кӧ дь чадьрада дьман бь һостәти дьданә хәбате. Әԝ бәр сәре Сисәра рʹуньшт, у ԝе дәме әԝе гәрәке бь ԛьрара Йаһоԝа гавәкә фәрз бавита. Пʹьртик дӧдьлибун йан жи шашбун дькарьбу һʹәму тьшт хьрабкьра. Гәло ԝи чахи әԝ дәрһәԛа чь дьфькьри? Гәло әԝ дьфькьри дәрһәԛа щьмәʹта Йаһоԝа, кӧ чаԝа әԝи мерьки бь дәһа сала әԝана дьчәрчьрандьн? Йан әԝ дьфькьри кӧ ньһа ԝәʹдә йә әԝ Йаһоԝарʹа әʹйан кә, кӧ әԝ алийе ԝи йә? Кʹьтеба Пироз гьли накә. Әм тʹәне заньн, кӧ әԝе жьньке чь лазьм бу кьр. У Сисәра мьр! (Һʹакьмти 4:18-21; 5:24-27).
Хьзна Кʹьтеба Пироз
(Һʹакьмти 5:20) Стеркан жь әʹзмананва щәнге [шәрʹ] кьрьн, ль дьжи Сисәра жь дәстәкед хԝәва щәнге кьрьн.
(Мәтта 8:13-34) Паше Иса сәрсәдрʹа гот: «Һәрʹә! Бьра ль гора баԝәрийа тә тәрʹа бә». У ԝе дәме хӧламе ԝи ԛәнщ бу. 14 Гава Иса һатә мала Пәтрус, хԝәсийа ԝи тʹайеда пʹалдайи дит. 15 Әԝи дәсте хԝә да дәсте ԝе у тʹайе же бәрʹда, рʹабу бәрдәсти ԝирʹа кьр. 16 Гава рʹо чу ава, гәләк щьнакʹәти анинә щәм ԝи. Әԝи бь хәбәре рʹӧһʹед һʹәрам дәрхьстьн у һʹәму нәхԝәш ԛәнщ кьрьн. 17 Әв аһа бу, кӧ әԝ готьна бь заре Ишайа пʹехәмбәр бе сери, кӧ ньвисар ә: «Әԝи нәхԝәшийед мә һьлдан у ешед мә бьрьн». 18 Чахе Иса әʹлаләт дора хԝә дит, әʹмьр ль шагьрта кьр кӧ һәрʹьнә ԝи бәри голе. 19 Һьнге ԛанунзанәк незики ԝи бу у готе: «Дәрсдар! Тӧ кʹӧда жи һәрʹи, әзе пәй тә бем». 20 Иса готә ԝи: «Рʹувийарʹа ԛӧл һәнә, тәйрәдед әʹзменрʹа жи һелин, ле бона Кӧрʹе Инсан щик тʹӧнә кӧ сәре хԝә ле дайнә». 21 Шагьртәки ԝи готе: «Хӧдан! Изьне бьдә мьн кӧ әз пешийе һәрʹьм баве хԝә дәфьн кьм». 22 Ле Иса жерʹа гот: «Тӧ пәй мьн ԝәрә. Бьра мьри мьрийе хԝә дәфьн кьн». 23 Гава Иса кʹәтә ԛәйьке, шагьртед ԝи тʹәви ԝи чун. 24 Ньшкева фьртонәкә мәзьн ль голе рʹабу, ӧса кӧ ԛәйьк пелада ӧнда дьбу. Ле әԝ рʹазайи бу. 25 Һьнге шагьрт незики ԝи бун, әԝ һʹьшйар кьрьн у готьне: «Хӧдан! Мә хьлаз кә! Әм ӧнда дьбьн!» 26 Иса готә ԝан: «Чьма һун ӧса тьрсонәк ьн кембаԝәрно?» Ԝе дәме рʹабу ль байе у голе һьлат у һʹәму тьшт сәԛьрʹин. 27 Мәрьвед тʹәви ԝи әʹщебмайи ман у готьн: «Әв кʹи йә, кӧ ба у гол жи ельми ԝи дьбьн?» 28 Гава Иса дәрбази ԝи алийе тʹопрахед Гәрдарине бу, дӧ щьнакʹәти жь нав горʹьстана дәркʹәтьн у рʹасти ԝи һатьн. Әԝ ӧса һар бун, кӧ кәсәк нькарьбу ԝе рʹерʹа дәрбаз буйа. 29 Ԝана кьрә ԛирʹин у готьн: «Тӧ чь жь мә дьхԝази, Кӧрʹе Хԝәде? Жь ԝәхт зутьр һати щәфе бьди мә?» 30 Жь ԝана ԝедатьр сурики бәразайи мәзьн дьчʹерийа. 31 Щьна рʹәща жь ԝи дькьр у дьготьне: «Һәгәр тӧ мә дәрдьхи, бьһелә әм һәрʹьн бькʹәвьнә нава сурийе бәраза». 32 Әԝи готә ԝан: «Һәрʹьн!» Әԝ жи дәркʹәтьн чун кʹәтьнә нава бәраза у әԝ сури пева жорда рʹәви, хԝә жь кәнделда авитьнә голе у хәньԛин. 33 Бәразван рʹәвин чунә бажер, чь кӧ һатьбу сәре щьнакʹәтийа готьн. 34 Һьнге һʹәму мәрьвед бажер дәркʹәтьнә пешийа Иса у гава әԝ дитьн, рʹәща жь ԝи кьрьн кӧ жь әʹрде ԝан һәрʹә.
ԝ05 15/1 25 ¶5
Фькьред Сәрәкә жь Кʹьтеба Һʹакьмти
5:20; Стәйрка ча жь әʹзмана пеш Бараква шәрʹ дькьрьн? Кʹьтеба Пироз рʹастә-рʹаст щаба ве пьрсе надә. Дьԛәԝьмә мәләка жь әʹзмана пеш ԝива шәрʹ дькьрьн, йан жи әԝ барана метеорита бу, йед кӧ ширәткʹаред Сисәра, ча нишана ԛәзийе фәʹм кьрьн, йан жи пʹехәмбәртийа дәрәԝ кӧ стәйрнаса готьнә Сисәрайе. Ле шьк тʹӧнә ԝәки дәсте Хԝәде нава ԝе йәкеда бу.
6-12 КАНУНА ПЕШЬН
ФЬКЬРЕД ԚИМӘТ ЖЬ ХӘБӘРА ХԜӘДЕ | ҺʹАКЬМТИ 6-7
«Бь Ве Ԛәԝата Хԝә Һәрʹә»
ԝ02 15/2 6-7
Принсипед Хԝәде Кʹаре Тәрʹа Тиньн
Гидәйон, һʹакьмәки Исраеле, рʹаст сәр хԝә дьньһерʹи у бь зедәйи дәрһәԛа хԝә нәдьфькьри. Әԝи хирәт нәдькьр кӧ бьбә сәрԝере щьмәʹте, у чахе әԝ ви шьхӧлида һатә кʹьфшкьрьне, әԝи дәрберʹа гот, ԝәки һежайи ве кʹьфшкьрьне нинә, чьмки малбәта ԝи бәрәка Мьнашда, йа һәри ньмьз ә. Ӧса жи әԝи гот: «Әз дь мала баве хԝәда йе һәри бьчʹук ьм» (Һʹакьмти 6:12-16).
ԝ05 15/7 16 ¶3
«Шуре Хӧдан у йе Гидәон!»
Ньшкева һʹьшбуна шәве те тәрʹьбандьне, чьмки 300 әскәред Исраели 300 кʹупед һʹәрʹи дьшкеньн, 300 борʹийа дьхьн у дькьнә ԛарʹини. Дә бьдьнә бәр чʹәʹве хԝә тьрс у хофәкә чьԛас мәзьн кʹәтә дьле Мьдйана! Гава Исраелийа дькьрнә ԛарʹә-ԛарʹ «шуре Хӧдан у йе Гидәон!», Мьдйани ӧса зьравԛәти бун, ԝәки хԝәха жи дәстпекьрьн бькьнә ԛарʹә-ԛарʹ. Жь бо ԛарʹинийе у тʹәвльһәвбуне ԝана нькарьбу тедәрхьстана кʹе һәвал у кʹе дьжмьн ә. 300 әскәред Исраели жь щийе хԝә нә жи ләԛийан, ԝи чахи Хԝәде тʹәвльһәвбунәкә ӧса кьрә нав дьжьмьна, ԝәки ԝана хԝәха дәстпекьрьн ԛьрʹа һәв биньн. Зома дьжмьна һатийә алткьрьне, рʹийа ԝан гьрти йә, әскәред дьжмьна йед майи жи кӧ дьхԝәстьн бьрʹәвийана, һатьнә гьртьне у ԛьрʹкьрьне. Мьдйани ида бона Исраелийа хоф нибун. Бь сайа ԝе йәке Исраели жь бьндәстийа Мьдйана, кӧ гәләк ԝәхт дькʹьшанд, аза бун (Һʹакьмти 7:19-25; 8:10-12, 28).
Хьзна Кʹьтеба Пироз
(Һʹакьмти 6:27) У Гидәон, жь ԛулед хԝә дәһ зьлами рʹаһьшт [бьжарт] у мина кӧ Хӧдан жерʹа готьбу чекьр у ӧса бу кӧ, жь бәр тьрса малийед баве хԝә у зьламед бажер жь бәр кӧ ви тьшти бь рʹоже нькарьбу чекьра, шәв чекьр.
(Мәтта 9:1-14) Иса кʹәтә ԛәйьке пашда вәгәрʹийа һатә бажаре хԝә. 2 Ԝе дәре шьлушәʹтәк ньвинеда пʹалдайи анинә щәм. Гава Иса баԝәрийа ԝан дит, готә йе шьлушәʹт: «Лаԝо, сәр хԝә бә! Гӧнед тә һатьнә бахшандьне». 3 Ле жь ԛанунзана һьнәк нав хԝәда фькьрин: «Әва кʹьфьрийа дькә». 4 Фькьред ԝан Исава әʹйан бун у гот: «Һун чьма дьле хԝәда тьште хьраб дьфькьрьн? 5 Кʹижан рʹьһʹәт те готьне: ‹Гӧнед тә һатьнә бахшандьне›, йан ‹Рʹабә у бьгәрʹә›? 6 Ле ԝәки һун бьзаньбьн кӧ һʹӧкӧме Кӧрʹе Инсан һәйә ль сәр дьне гӧна бьбахшинә», һьнге готә йе шьлушәʹт: «Рʹабә ньвина хԝә һьлдә, һәрʹә мала хԝә!» 7 Әԝ жи рʹабу чу мала хԝә. 8 Гава әʹлаләте әв йәк дит, хофе әԝ гьртьн у шькьри данә Хԝәде, кӧ әв һʹӧкӧм дайә мәрьва. 9 Иса жь ԝьр пешда чу, йәки кӧ наве ԝи Мәтта бу ль щийе хәрщһьлдане рʹуньшти дит у готе: «Пәй мьн ԝәрә». Әԝ жи рʹабу пәй Иса чу. 10 Гава Иса мала Мәттада сәр сьфре рʹуньштьбу, гәләк хәрщгьр у гӧнәкʹаред дьн һатьн тʹәви Иса у шагьртед ԝи рʹуньштьн. 11 Чахе ферьсийа әв йәк дит, шагьртед ԝирʹа готьн: «Чьма дәрсдаре ԝә тʹәви хәрщгьр у гӧнәкʹара дьхԝә у вәдьхԝә?» 12 Ле гава Иса әв йәк бьһист ԝанарʹа гот: «Сахләм нә һʹәԝще һʹәким ьн, ле нәхԝәш. 13 Һәрʹьн мәʹна ван хәбәра һин бьн: ‹Әз рʹәʹме дьхԝазьм, нә кӧ ԛӧрбане›. Әз нәһатьмә гази йед рʹаст кьм, ле гази гӧнәкʹара». 14 Һьнге шагьртед Йуһʹәнна һатьнә щәм ԝи у готьне: «Чьма әм у ферьси гәләк щара рʹожи дьгьрьн, ле шагьртед тә рʹожи нагьрьн?»
ԝ05 15/1 26 ¶6
Фькьред Сәрәкә жь Кʹьтеба Һʹакьмти
6:25-27. Гидәйон сәрԝахти да кʹьфше бь ве йәке кӧ бадиһәԝа һерса мьԛабьлед хԝә рʹанәкьр. Чахе әм мьзгине бәла дькьн, әм гәрәке фәсал бьн, ԝәки бь щурʹе хәбәрдана хԝә мәрьва әʹщьз нәкьн.
13-19 КАНУНА ПЕШЬН
ФЬКЬРЕД ԚИМӘТ ЖЬ ХӘБӘРА ХԜӘДЕ | ҺʹАКЬМТИ 8-9
«Мьлукти жь Ԛӧрʹәбуне Четьр ә»
ԝ00 15/8 25 ¶3
Чаԝа Һун Һәвнәфәʹмкьрьне Сафи Дькьн?
Чахе Гидәйон тʹәви Мьдйана шәрʹе гьран дькьр, әԝи аликʹари жь бәрәка Әфрайимийа хԝәст. Ле паши шәрʹ Әфрайими һатьн щәм Гидәйон у ԝи нәһәԛ кьрьн, ԝәки чьма әԝи пешийа кӧ бьчуйа шерʹ, гази ԝана нәкьр. Кʹьтеба Пирозда те готьне, ԝәки әԝана гәләк сәр ԝи һерс кʹәтьн у ԝирʹа шәрʹ кьрьн. Гидәйон ӧса щаба ԝан да: «Гәло ль щәм кьрьна ԝә, йа кӧ ньһа әз дькьм чь йә? . . . Хԝәде сәрокед Мьдйане, Орәб у Зәәб дан дәсте ԝә у гәло ль щәм кьрьна ԝә, мьн карьбу чь бькьра?» (Һʹакьмти 8:1-3). Гидәйон хәбәред ӧса бьжарт кӧ бәр дьле ԝанда бе, у бь сайа ве йәке шәрʹе гьран ортʹа ԝанда пешда нәһат. Дьԛәԝьмә Әфрайим бәрәкәкә гәләк позбьльнд бу у бь зедәйи дәрһәԛа хԝә дьфькьри. Ле диса жи әв йәк рʹийа Гидәйон нәгьрт кӧ әʹдьлайе тʹәви ԝан хԝәй кә. Гәло әм дькарьн ве йәкеда чʹәʹв бьдьнә ԝи?
Шкәсти бьн Чь Найе Һʹәсабе?
15 Гидәйон мәрьвәки гәләк шкәсти у мьлук бу у әԝ мәсәләкә баш ә бона мә. Чахе щара пешьн мьлйакʹәте Йаһоԝа жерʹа әʹйан бу у гьлийе Хԝәде готә ԝи, Гидәйон гот ԝәки бона ԝи шьхӧли әԝ нәлайиԛ ә, чьмки әԝ жь бәрәка һәри бьчʹук ә у нәщерʹьбанди йә (Һʹакьм. 6:15). Паше, чахе әԝи ԛәбул кьр шьхӧле кӧ Йаһоԝа жерʹа да, әԝ дьхԝәст баԝәр буйа ԝәки әԝи бь тʹәмами фәʹм кьр чь кӧ Хԝәде жь ԝи дәʹԝа дькьр, у әԝи дӧа дькьр ԝәки Йаһоԝа рʹебәрийе бьдә ԝи (Һʹакьм. 6:36-40). Гидәйон мәрьвәки мерхас у ԛәԝи бу, ле ӧса жи әԝ йәки аԛьл у сәрԝахт бу (Һʹакьм. 6:11, 27). Әԝи әԝ шьхӧл дькьр, нә сәва наве ԝи бьльнд бә. У чахе әԝи ида һʹәму тьшт кьр чь кӧ Йаһоԝа жь ԝи хԝәст, әԝ бь шабуне вәгәрʹийа мала хԝә (Һʹакьм. 8:22, 23, 29).
ԝ08 15/2 9 ¶9
Сәр Рʹийа Йаһоԝа Бьмәшә
9 Сәва кӧ бьбьнә досте Хԝәде, әм гәрәке «рʹәʹм у шкәсти бьн» (1 Пт. 3:8; Зб. 138:6). Дәрһәԛа ве йәке кӧ шкәстибун чьԛас фәрз ә, кʹьтеба Һʹакьмти сәре 9-да те готьне. Йотʹаме кӧрʹе Гидәйон, мәтʹәлокәкә ӧса гот, ԝәки щарәке се бах чун кӧ хԝәрʹа пʹадшаки кʹьфш кьн. Әв баха зәйтʹуне, һәжире у рʹәза тьрийе бу. Әв бах дьһатьнә һʹәсабе мәрьвед һежа, йед кӧ нәдьхԝәстьн сәр бьред хԝәйә Исраели һʹӧкӧм бькьн. Ле тʹуме стьру, йе кӧ һежайи агьр бу, дьһатә һʹәсабе һʹӧкӧмәтийа Абимәләхе ԛӧрʹә, меркӧжәки дьлсар, йе кӧ бь тьмайи дьхԝәст сәрԝертийе бькьра. Рʹаст ә әԝи се сала хԝә ча сәрԝере Исраеле дьда кʹьфше, ле әԝ ньшкева бь мьрьна рʹобәти мьр (Һʹкм. 9:8-15, 22, 50-54). Дә бьдьнә һʹәсабе хԝә кӧ чьԛас фәрз ә «шкәсти бьн»!
Хьзна Кʹьтеба Пироз
(Һʹакьмти 8:27) У Гидәон жь ԝе әфодәке чекьр у ԝе дани бажаре хԝә, Офрайе у һʹәмуйа Исраел ль ԝьр, ль пәй ԝе зьне кьрьн у Гидәонрʹа у малийед ԝирʹа бу дафькәк [тʹәльк].
(Мәтта 9:15-38) Иса готә ԝан: «Ԛәт дьбә кӧ хԝәндийед дәʹԝате шине бькьн, һʹәта кӧ зәʹва тʹәви ԝан ә? Ле рʹоже бен, гава зәʹва жь ԝан бе һьлдане, һьнге ԝе рʹожи бьгьрьн. 16 Кәсәк пе пʹарчʹе ну кʹьнща кәвьн пʹинә накә, чьмки пʹарчʹе кʹьнща кәвьнва дьрути ԝе зоре ль кʹьнща кәвьн бькә у щийе ԛәльши ԝе һе ль бәр һәв һәрʹә. 17 Нә жи шәрава ну дькьнә мәшкед кәвьн. Һәгәр ӧса бә, мәшке бьтʹәԛьн, шәраве бьрʹьжә у мәшке жи хьраб бьн. Ле шәрава ну дькьнә мәшке ну у һәр дӧ жи тенә хԝәйикьрьне». 18 Гава Иса һе әв йәка ԝанарʹа дьгот, сәрԝерәк һат хԝә авитә бәр ньге ԝи у готе: «Ԛиза мьн һежа мьрийә. Ле ԝәрә дәсте хԝә дайнә сәр ԝе у әԝе бьжи». 19 Иса рʹабу тʹәви шагьртед хԝә да пәй ԝи чу. 20 Кʹӧлфәтәкә нәхԝәш, кӧ донздәһ салед ԝе бун сәр хуне вәбьбу, пьштева һат у рʹишийед кʹьнще Иса кʹәт. 21 Әԝе нета хԝәда данибу: «Һәгәр әз тʹәне кʹьнще ԝи кʹәвьм, әзе ԛәнщ бьм». 22 Иса сәр мьле хԝәва вәгәрʹийа әԝ дит у готе: «Әʹвде! Сәр хԝә бә! Баԝәрийа тә тӧ ԛәнщ кьри». У ԝе дәме әԝ кʹӧлфәт ԛәнщ бу. 23 Гава Иса гьһиштә мала сәрԝер, дина хԝә дайе, ԝе әʹлаләт тʹәвиһәв буйә у бьлурван жи зәлули ле дьхьн 24 у готә ԝан: «Дәркʹәвьн! Ԛизьк нәмьрийә, ле һеньжийә». Ԝана ԛәрфе хԝә пе дькьрьн. 25 Ле гава щьмәʹт дәрхьстьнә дәрва, Иса чу һьндӧрʹ дәсте ԝе гьрт у ԛизьк рʹабу сәр хԝә. 26 Әва дәнг-бәʹса тʹәмамийа ԝи ԝәлатида бәла бу. 27 Гава Иса жь ԝьр дәркʹәт чу, дӧ мәрьвед кор данә пәй ԝи кьрьнә ԛирʹин у готьн: «Кӧрʹе Даԝьд! Мә ԝәрә рʹәʹме!» 28 Гава кӧ гьһиштьнә мале, әԝ һәр дӧ кор һатьнә щәм ԝи. Иса жь ԝан пьрси у гот: «Һун баԝәр дькьн, кӧ әз дькарьм али ԝә бькьм?» Ԝана гот: «Бәле Хӧдан». 29 Һьнге Иса дәсте хԝә да чʹәʹвед ԝан у гот: «Ль гора баԝәрийа ԝә ԝәрʹа бә». 30 Ԝе дәме чʹәʹвед ԝан вәбун. Иса һʹьшк тʹәми ль ԝан кьр у гот: «Һаш жь хԝә һәбьн, кӧ тʹӧ кәс ве йәке нәһʹәсә». 31 Ле әԝ дәркʹәтьн, тʹәмамийа ԝи ԝәлатида нав у дәнге ԝи бәла кьрьн. 32 Чахе әԝана дәркʹәтьн чун, һьнәка щьнакʹәтики лал ани щәм Иса. 33 Гава әԝи щьн дәрхьст, йе лал хәбәр да. Әʹлаләт әʹщебмайи ма у гот: «Ль Исраеле жи тьштәки аһа тʹӧ щар нәԛәԝьмийә». 34 Ле ферьсийа дьгот: «Әԝ бь һʹӧкӧме сәрԝере щьна щьна дәрдьхә». 35 Иса һʹәму гӧнд у бажара дьгәрʹийа, кʹьништед ԝанда һин дькьр, Мьзгинийа Пʹадшатийе даннасин дькьр у ль нав щьмәʹте һʹәму щурʹә нәхԝәши ԛәнщ дькьрьн. 36 Гава әԝи әʹлаләт дит, гӧне ԝи ль ԝан һат, чьмки әԝана мина пәзе бе шьван, бәрʹәдайи у бәлабуйи бун. 37 Һьнге әԝи шагьртед хԝәрʹа гот: «Нандьрун гәләк ә, ле пʹалә һьндьк ьн. 38 Аԝа һиви жь хԝәйе дьруне бькьн, ԝәки пʹала нандьруна хԝәрʹа бьшинә».
it-1 753 ¶1
Ефод, I
Гидәйон ефод бь нетәкә баш чекьр, сәва кӧ рʹумәте бьдә Йаһоԝа бона сәркʹәтьна кӧ әԝи да Исраелийа. Ле ефод «Гидәонрʹа у малийед ԝирʹа бу дафькәк [тʹәльк]» чьмки Исрайели дәстпекьрьн сәре хԝә бәр ви дайньн (Һʹкм. 8:27). Ле Кʹьтеба Пирозда найе готьне ԝәки Гидәйон жи сәре хԝә бәр датани. Паԝлосе шанди һәла һе гот жи, ԝәки Гидәйон йәк жь ԝан хьзмәткʹаред Йаһоԝайи амьн бу, кӧ дькʹәтә нава «әʹлаләта шәʹдайә гьран» (Ибр. 11:32; 12:1).
20-26 КАНУНА ПЕШЬН
ФЬКЬРЕД ԚИМӘТ ЖЬ ХӘБӘРА ХԜӘДЕ | ҺʹАКЬМТИ 10-12
«Йәфтаһ Мәрьвәки Рʹӧһʹани бу»
ԝ16.04 7 ¶9
Хԝәде йед Амьн Ԛәбул Дькә
Дьԛәԝьмә мәсәла Усьв жи һʹӧкӧм дьбу сәр Йәфтаһ. Усьв мәрьвәки амьн бу. У әԝ рʹәм бу һьндава бьред хԝә, йед кӧ ԝи нәфрʹәт дькьрьн (Дәстп. 37:4; 45:4, 5). Дьбәкә Йәфтаһ дьфькьри сәр мәсәлед ԝи щурʹәйи, у әԝе йәке али ԝи кьр тьштед ӧса бькә, чь кӧ Йаһоԝа хԝәш те. Бешьк, бьред Йәфтаһ дьле ԝи гәләк ешандьн, ле йәкә әԝи диса бәрдәԝам дькьр Йаһоԝарʹа хьзмәт бькә у али щьмәʹта хԝә бькә (Һʹакьм. 11:9). Бона Йәфтаһ һе фәрз әԝ бу наве Йаһоԝа һӧрмәт бә, нә кӧ бькʹәвә һʹәйра проблемед хԝә. Әԝи ԛәԝи сафи кьрьбу Йаһоԝарʹа амьн бьминә, у әве йәке һьн ԝирʹа у һьн жи мәрьвед дьнрʹа кʹар дьани (Ибрн. 11:32, 33).
it-2 27 ¶2
Йәфтаһ
Йәфтаһ сәрԝерәки сәрхԝә у мерхас бу, әԝи шьхӧле хԝә әглә нәдькьр. Әԝи ԝәкʹил шандьн бал пʹадше Аммоне у ԝи ве йәкеда нәһәԛ кьр, кӧ әԝ кʹәтә әʹрде Исраеле. Пʹадше Аммоне щаб да у гот, ԝәки Исраели әв әʹрд жь Аммонийа зәфти хԝә кьрьбун (Һʹкм. 11:12, 13). Ве дәрәщеда Йәфтаһ да кʹьфше ԝәки әв нә кӧ тʹәне әскәре мерхас ә, ле ӧса жи йәки бь мәʹрифәт ә у тʹәрихийа щьмәʹта Хԝәде рʹьнд занә. Әԝ тʹәви готьнед Аммонийа ԛайил нәбу, у чәнд избаткьрьн ани: 1) Исраел һʹьщуми сәр Аммон, Моԝаб у Әдом нәкьрьбу (Һʹкм. 11:14-18; Ԛн.Дщ. 2:9, 19, 37; 2 Др. 20:10, 11); 2) Гава Исраели әʹрд зәфт дькьрьн, ԝи чахи әв әʹрд (демәк әʹрде жь бо кʹижани ве дәме әԝана һәврʹа кʹәтьбунә дәʹԝе), територийа мьләтәкә Кәнане бу, демәк әʹрде Әморийа бу, у Хԝәде әв әʹрде Әморийа у хӧдане ԝан Сиһон да дәсте Исраелийа; 3) Ԝәкә 300 сала Аммонийа әв територийа дәʹԝа нәдькьрьн, ле чь ԛәԝьми ԝәки әԝана ньһа ви әʹрди дьхԝазьн? (Һʹкм. 11:19-27)
it-2 27 ¶3
Йәфтаһ
Йәфтаһ әʹйан кьр, ԝәки мәʹнийа сәрәкә йа ве дәрәще, әв пьрса һʹәбандьне бу. Әԝи әʹлами ԝан кьр, ԝәки жь бо ԝе йәке кӧ Йаһоԝа әв әʹрд дабу Исраелийа, әԝана ԝе бьһӧстәке жи жь ви әʹрди нәдьнә ԝан пʹутпʹарьста. Йәфтаһ гот ԝәки хӧдане Аммонийа Кʹьмош ә. Ле һьнә мәрьв дьбежьн ԝәки әв йәк шаши йә. Рʹаст ә Аммони хӧдане бь наве Милком дьһʹәбандьн, у Моԝабийа жи Кʹьмош дьһʹәбандьн, диса жи әв щьмәʹт пьзмаме һәв бун у гәләк хӧдана дьһʹәбандьн. Сьлеман кʹәтә бәр байе жьнед хԝәйә пʹутпʹарьст у һʹәбандьна Кʹьмош кьрә Исраеле, у бь ԝе йәке мьԛабьли ԛануна Хԝәде дәркʹәт (Һʹкм. 11:24; 1 Пʹд. 11:1, 7, 8, 33; 2 Пʹд. 23:13). Хенщи ве йәке ль гора ньһерʹандьна һьнә зандара, наве Кʹьмош дьһатә һʹәсабе «Зәфткʹар» (Бьньһерʹьн «Gesenius’s Hebrew and Chaldee Lexicon», ԝәлгәрʹандьна С. Трегелс, 1901, рʹупʹ. 401). Дьԛәԝьмә Йәфтаһ наве ви хӧдани һьлда, чьмки Аммони һʹәсаб дькьрьн, ԝәки бь аликʹарийа ви хӧдани ԝана мьләтед дәр-дор зәфти хԝә дькьрьн у ви хӧдани әʹрд дабу ԝан.
Хьзна Кʹьтеба Пироз
(Һʹакьмти 11:1) У Йәфтаһе Гиләаде мерхасәки дьлаԝер бу у лаԝе фаһишәкәке [ԛавәке] бу у баве ԝи Гиләад бу.
(Мәтта 10:1-15) Иса һәр донздәһ шагьрт гази щәм хԝә кьрьн у һʹӧкӧм да ԝан кӧ рʹӧһʹед һʹәрам дәрхьн, һʹәму еш у нәхԝәшийа жи ԛәнщ кьн. 2 Наве һәр донздәһ шандийа әв ьн: Йе пешьн Шьмһʹун, кӧ Пәтрус те готьне у бьре ԝи Әндраԝьс, Аԛубе Зәбәди у бьре ԝи Йуһʹәнна, 3 Филипо у Бәртоломәйо, Тʹума у Мәттайе хәрщгьр, Аԛубе Һалфаԝо у Тәдайо 4 Шьмһʹуне ԝәлатпʹарьст у Щьһудайе Исхәрйоти, әԝе кӧ нәмамийа Иса кьр. 5 Иса әв һәр донздәһ шандьн, тʹәми ль ԝан кьр у гот: «Нәчьнә нава нәщьһуйа у нәкʹәвьнә бажаред Самәрйайе. 6 Ле пешийе һәрʹьнә нав пәзед мала Исраелейә ӧндабуйи. 7 Гава һун һәрʹьн, даннасин кьн у бежьн: ‹Пʹадшатийа Әʹзмана незик буйә›. 8 Нәхԝәша ԛәнщ кьн, мьрийа сах кьн, кʹотийа паԛьж кьн, щьна дәрхьн. Ԝә беһәԛ стандийә, беһәԛ жи бьдьн. 9 Ль бәр пьшта хԝәда тʹӧ тьшти һьлнәдьн: Нә зерʹ, нә зив, нә сьфьр, 10 нә турьк бона рʹе, нә дӧ дәст кьрас, нә чарьх, нә шьвдар, чьмки пʹалә һежайи рʹьсԛе хԝә йә. 11 Чь бажар йан гӧнде кӧ һун бькʹәвьне, маләкә һежа бьбиньн у ль ԝьр бьминьн, һʹәта кӧ һун жь ԝьр дьчьн. 12 Гава һун һәрʹьнә мале, сьлаве бьдьнә ԝе у бежьн: ‹Әʹдьлайи ве малерʹа›. 13 У һәгәр әԝ мал һежа йә, бьра сьлава ԝә ль сәр ԝе бә, ле һәгәр нә һежа йә, бьра сьлава ԝә ль ԝә вәгәрʹә. 14 Ле кʹи кӧ ԝә ԛәбул нәкә у гӧһдарийа хәбәред ԝә нәкә, гава кӧ һун жь ԝе мале, йан жи жь ԝи бажари дәрдькʹәвьн, тʹоза ньгед хԝә даԝшиньн. 15 Әз рʹаст ԝәрʹа дьбежьм, Рʹожа Ахрәте һʹале ԝәлате Содом у Гоморайе ԝе жь йа ԝи бажари четьр бә.
it-2 26
Йәфтаһ
Кӧрʹе Ԛануни. Дийа Йәфтаһ ԛав бу, ле әԝ йәк найе һʹәсабе, ԝәки әԝ жь ԛавийе һатьбу буйине у кӧрʹе нәԛануни бу. Дийа ԝи ԛави дькьр пешийа кӧ бьбуйа жьнәкә Гиләд, чаԝа кӧ Рʹәхаб жи пешийа кӧ бьбуйа жьна Сәлмон, ԛави дькьр (Һʹкм. 11:1; Йеш. 2:1; Мт. 1:5). Әԝ йәк кӧ бьред Йәфтаһ йед жь жьна сәрәкә йа Гиләд, бәри ԝи дан ԝәки әԝ мьлкʹ нәстинә, избат дькә ԝәки Йәфтаһ кӧрʹе ԛануни бу (Һʹкм. 11:2). Хенщи ԝе йәке, ԝәʹдә шунда һьнә бьнәлийед Гиләде (жь кʹижана йед лапи гьринг у навдар бьред Йәфтаһ бун) ԝи ча сәрок бьжартьн (Һʹкм. 11:11). Ӧса жи әԝи коне пирозда Хԝәдерʹа ԛӧрбан ани (Һʹкм. 11:30, 31). Изьна Йәфтаһ ԝе тʹӧнә буйа әв тьшт бькьра һәрге әԝ кӧрʹе нәԛануни буйа, чьмки Ԛанунеда дьһатә готьне: «Зарʹа жь ԛавийе буйи нькарә бькʹәвә щьвина Хӧдан, нә жи зӧрʹәта ԝийә дәһа дькарә бькʹәвә нава щьвина Хӧдан» (Ԛн.Дщ. 23:2).
27 КАНУНА ПЕШЬН-2 ЧЬЛӘЙЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ҺʹАКЬМТИ 13-14
«Де-Бав жь Мәсәла Маноаһ у Жьна Ԝи Чь Дәрс Дькарьн Хԝәрʹа Һьлдьн»
ԝ13 15/8 16 ¶1
Де-Бавно жь Зарʹотийе Зарʹед Хԝә Һин кьн
Ԝәрә әм дина хԝә бьдьнә мәсәла Маноаһ жь бәрәка Дан, йе кӧ Исраеледа, шәһәре Сорада дьжит. Мәләке Йаһоԝа жьна ԝийә безӧрʹәтрʹа әʹлам кьр, ԝәки әԝе кӧрʹәки бинә (Һʹакьм. 13:2, 3). Маноаһйе амьн у жьна ԝи, бешьк ве әʹламәтийерʹа гәләк ша бун. Ле диса жи мәʹнийа ԝанә бона хәмгинийе һәбу. Ләма жи Маноаһ дӧа кьр у гот: «Йа Хӧдан, әз лава дькьм, бьла зьламе Хԝәде, йе кӧ тә шандьбу диса ԝәрә у кʹа әме бона лаԝьке кӧ бьбә чь бькьн, һини мә бькә» (Һʹакьм. 13:8). Маноаһ у жьна ԝи бәрхԝә дькʹәтьн, ԝәки ча әԝе зарʹоке мәзьн кьн. Бешьк әԝана кӧрʹе хԝә Шьмшон ԛануна Хԝәде һин дькьрьн у әԝана, ча әм заньн, ԝе йәкеда пешдачуйи бун. Кʹьтеба Пирозда те готьне, ԝәки «рʹӧһʹе Хӧдан» дәстпекьр сәр ԝи һʹӧкӧм бькә. Ахьрийеда чахе Шьмшон Исраеледа бу һʹакьм, әԝи кьред гәләк мәхсус дьани сери (Һʹакьм. 13:25; 14:5, 6; 15:14, 15).
ԝ05 15/3 25-26
Бь Сайа Ԛәԝата Йаһоԝа Шьмшон Дьжмьна Алт Дькә!
Шьмшон мәзьн дьбу у Йаһоԝа ԝи «пироз» дькьр (Һʹакьмти 13:24). Рʹожәке Шьмшон һатә бал де-баве хԝә у готә ԝан: «Ль Тʹимнайе пирәкәк жь ԛизед Фьльстийан дитьм у ньһа ԝе бь жьнти жь мьнрʹа бьстиньн» (Һʹакьмти 14:2). Дә бьдьнә бәр чʹәʹве хԝә ԝәки де-баве ԝи чьԛас әʹщебмайи ман. Дәԝса кӧ щьмәʹта Исраел жь дәсте ви дьжмьни хԝәйи кә, кӧрʹе ԝан сафи кьр тʹәви ԝан пәймана зәԝаще гьредә у ԛизәкә ԝан хԝәрʹа жьнти бинә. Ӧса жи зәԝаща тʹәви жьнед пʹутпʹарьст мьԛабьли Ԛануна Хԝәде бу (Дәркʹәтьн 34:11-16). Де-баве ԝи ԝирʹа готьн: «Гәло ԛәй дь нава ԛизед бьрайед тәда йан жи дь нава һʹәмуйа нәтәԝа [щьмәʹта] мәда пирәк нинә [тʹӧнә] кӧ тӧ бона кӧ жь Фьльстийед бесӧнәт жьне бьстини дьчи?» Ле Шьмшон щаба баве хԝә да у гот: «Ԝе жь мьнрʹа бьстинә; жь бәр кӧ әԝ бь чʹәʹве мьнва хԝәш те хӧйане» (Һʹакьмти 14:3).
Хьзна Кʹьтеба Пироз
(Һʹакьмти 14:2, 3) У дәркʹәт у жь дайьк у баве хԝәрʹа гиһанд у гот: Ль Тʹимнайе пирәкәк жь ԛизед Фьльстийан дитьм у ньһа ԝе бь жьнти жь мьнрʹа бьстиньн. 3 У дайьк у баве ԝи жерʹа готьн: Гәло ԛәй дь нава ԛизед бьрайед тәда йан жи дь нава һʹәмуйа нәтәԝа [щьмәʹта] мәда пирәк нинә [тʹӧнә] кӧ тӧ бона кӧ жь Фьльстийед бесӧнәт жьне бьстини дьчи?
(Мәтта 10:16-31) Аԝа әз ԝә дьшиньм чаԝа пәз нава гӧра. Иди мина мәʹра сәрԝахт бьн у мина кәвотка дьлсах. 17 Ле һʹәвза хԝә жь мәрьва бькьн, әԝе ԝә бьбьнә бәр диԝана у кʹьништед хԝәда ԝә бьдьнә бәр ԛамчийа. 18 Рʹуйе мьнда ԝе ԝә бьбьнә бәр ԝәлийа у пʹадша, кӧ һун бәр ԝан у нәщьһуйа шәʹдәтийе бьдьн. 19 Ле чахе ԝә бьбьнә бәр диԝана, хәм нәкьн кӧ һуне чаԝа йан чь хәбәр дьн. Тьштед кӧ һуне хәбәр дьн, ԝе дәме ԝәрʹа ԝе бе дайине. 20 Чьмки нә кӧ һуне хәбәр дьн, ле Рʹӧһʹе Баве ԝәйи кӧ нава ԝәда йә ԝе хәбәр дә. 21 Бьра ԝе бьре хԝә бьдә кӧштьне, баве жи кӧрʹе хԝә у зарʹ жи ԝе һьмбәри де у баве хԝә рʹабьн у ԝан бьдьнә кӧштьне. 22 Бона наве мьн һуне бәр чʹәʹве һʹәмуйа рʹәш бьн. Ле кʹи кӧ һʹәта хьлазийе сәбьр кә әԝе хьлаз бә. 23 У гава нав ви бажарида ԝә бьзериньн, бьрʹәвьнә бажарәки дьн. Әз рʹаст ԝәрʹа дьбежьм, һʹәта һатьна Кӧрʹе Инсан, һун һʹәму бажаред Исраеле перʹа нагьһиньн бьгәрʹьн. 24 Шагьрт жь дәрсдаре хԝә нә мәстьр ә у нә жи хӧлам жь ахайе хԝә. 25 Бәси шагьрт ә, ԝәки мина дәрсдаре хԝә бә у хӧлам жи мина ахайе хԝә бә. Һәгәр малхе малерʹа ‹Бәлзәбул› готьн, һьнге нәфәред ԝирʹа ԝе чь бежьн? 26 Аԝа иди тʹӧ щар жь мәрьва нәтьрсьн. Тьштәки дьзива тʹӧнә кӧ дәрнәйе у нә жи вәшарти кӧ кʹьфш нәбә. 27 Чь кӧ әз тәʹрийеда ԝәрʹа дьбежьм, әԝи нав рʹонайеда бежьн у чь кӧ һун гӧһада дьбьһен, сәр бана бькьн дәнги. 28 У жь ԝан нәтьрсьн йед кӧ бәдәне дькӧжьн, ле нькарьн рʹӧһʹ бькӧжьн. Ле һун жь ԝи бьтьрсьн, йе кӧ дькарә рʹӧһʹ у бәдәне щәʹньмеда ӧнда кә. 29 Нә дӧ чʹьвик бь дьравәки чарԛӧрʹуше тенә фьротане? Ле йәк жи жь ԝан бейи әʹмьре Баве ԝә накʹәвә әʹрде. 30 Ле чь ль ԝә дькʹәвә, һәр тʹеләки пʹорʹед сәре ԝә жьмарти нә. 31 Иди нәтьрсьн. Һун жь гәләк чʹьвика ԛимәттьр ьн.
ԝ05 15/3 26 1
Бь Сайа Ԛәԝата Йаһоԝа Шьмшон Дьжмьна Алт Дькә!
Гәло бь чь нети Шьмшон гот, ԝәки ԛизәкә Фьльстийа ԝи «хԝәш те»? Ль гора әнсиклопедийәке әв готьн ӧса те шьровәкь-рьне: «Әв ԛиз нә кӧ жь бо бәдәԝбуна хԝә Шьмшон хԝәш һат, ле ча кәсе бь сайа кʹижане әԝе бькарьбуйа нета хԝә бьанийа сери» («McClintock and Strong’s Cyclopedia»). Гәло кʹижан нет? Һʹакьмти 14:4-да те готьне, ԝәки Шьмшон мәщал дьгәрʹийа һʹәйфе жь Фьльстийа һьлдә. Һәма бона ве йәке әԝ ԛизьк ԝи хԝәш һат. Чахе Шьмшон мәзьн дьбу, «рʹӧһʹе Хӧдан» дәстпекьр сәр ԝи һʹӧкӧм бькә (Һʹакьмти 13:25). Әв хԝәстьна ԝийә әʹщеб, ԝәки ве ԛизе ԝирʹа жьнти биньн, жь бо рʹебәрийа рʹӧһʹе пироз бу. Йаһоԝа пе рʹӧһʹе пироз али Шьмшон дькьр, чахе әԝ һʹакьме Исраеле бу. Гәло Шьмшон ԝе чаԝа һʹәйфе жь Фьльстийа һьлдә? Йа пешьн Йаһоԝа ԝирʹа гот кӧ ԝе пьштгьрийа ԝи бькә.