Щаһьлно, Дьле Хԝә Де-Баве Хԝәрʹа Вәкьн

Тӧ чьма гәрәке аза дьле хԝә де-баве хԝәрʹа вәки? (Мтʹл. 23:26) Чьмки Йаһоԝа щабдари дайә дебаве тә, ԝәки әԝана бона тә хәм бькьн у рʹебәрийе тә бькьн (Зб. 127:3, 4). Ле һәрге тӧ дьле хԝә ԝанрʹа вәнәки, әԝана ԝе нькарьбьн али тә бькьн. Һьм жи тӧйе һин нәби әԝ дәрсед ԛимәт, кʹижан кӧ ԝана әʹмьре хԝәда ԛазанщ кьрьнә. Гәло тьштәки хьраб ве йәкеда һәйә, һәрге тӧ нахԝази һьнә фькьред хԝә де-баве хԝәрʹа бежи? Һәмьки на. Ле фәсал бә ԝәки де-баве хԝә нәхальфини, демәк хԝә ӧса нәди кʹьфше кӧ те бежи һʹәму тьшт баш ә (Мтʹл. 3:32).

Тӧ чь дькари бьки, ԝәки аза тʹәви де-баве хԝә хәбәр ди? Ԝәʹдәки ӧса бьжберә, ԝәки һьм бона тә һьм жи бона ԝан баш бә. Һәрге тәрʹа чәтьн ә ԝанрʹа хәбәр ди, дькари фькьред хԝә нәʹмеда ԝанрʹа бьньвиси. Ле тӧйе чь бьки һәрге әԝана дьхԝазьн тʹемәкә ӧса тʹәви тә шеԝьр кьн, дәрһәԛа кʹижани кӧ тӧ нахԝази хәбәр ди? Де-бав бь рʹасти дьхԝазьн али тә бькьн. Бир нәкә, ԝәки әԝана херхԝазе тә нә, нә кӧ нәйаред тә. Һәрге тӧ алийе хԝәда һʹәму тьшти дьки, сәва кӧ аза дьле хԝә де-баве хԝәрʹа вәки, тӧйе тʹәмамийа жийина хԝәда, демәк һʹәта-һʹәтайе кʹаре бьстини (Мтʹл. 4:10-12).

БЬНЬҺЕРʹЬН ВИДЕО «ЖИЙИНА МЬНӘ ЩАҺЬЛТИЙЕДА; ЧАԜА ТʹӘВИ ДЕ-БАВЕ ХԜӘ ХӘБӘР ДЬМ?» У ПАШЕ ЩАБА ԜАН ПЬРСА БЬДЬН:

• 

  Ахьрийеда Әстәре у Партик чь фәʹм кьрьн?

• 

  Жь мәсәла Иса тӧ чь дькари һин би?

• 

  Де-баве тә ча дьдьнә кʹьфше, кӧ бона тә хәм дькьн?

• 

  Кʹижан принсипед Кʹьтеба Пироз дькарьн али тә бькьн, ԝәки дьле хԝә де-баве хԝәрʹа вәки?