Кани бона «Бәрнама Щьвине, Бьжин у Хьзмәт кьн»
3-9 ЧЬЛӘЙЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ҺʹАКЬМТИ 15-16
«Нәмами Зӧлмийа Мәзьн ә!»
ԝ12 15/4 8 ¶4
Нәмами Нишана Рʹожед Ахьрийе йә!
4 Пешийе ԝәрә әм шеԝьр кьн кӧ дьлкʹәтийа Шьмшон Дәлилайе, чь хьраби кьр. Шьмшон сәва кӧ щьмәʹта Хԝәде бьпарезә, сафи кьрьбу мьԛабьли Фьлистийа дәркʹәвә. Дьԛәԝьмә пенщ сәрԝеред Фьльсти заньбун, ԝәки Дәлила бь дьле тʹәмьз Шьмшон һʹьз накә. Ләма жи ԝана гәләк пʹәрә данә Дәлилайе, сәва кӧ әԝ пебьһʹәсә зорайа ԛәԝата ԝи чьда нә, ԝәки бькарьбьн ԝи зәфт кьн. Дәлилайа хԝәһʹьз ԛайил бу, ле се щара жерʹа һәв нәһат кӧ бьгьһижә нета хԝә. Һьнге әԝе «бь готьнед хԝә һәр рʹож зоре» дьда ԝи «у жерʹа бу сәр еши». Ахьрийеда Шьмшон гәләк бинтәнг бу, тәйах нәкьр у жерʹа гьли кьр кӧ чьрʹа әԝ пʹорʹе хԝә ԛәт кӧрʹ накә, чьмки һәрге кӧрʹ кә, ԝе ԛәԝата ԝи ӧнда бә. Һьнге Дәлила һивийе бу, ԝәки Шьмшон сәр чокед ԝе хәврʹа һәрʹә у гази мәрьвәки кьр кӧ пʹорʹе ԝи кӧрʹ кә. Паше әԝе Шьмшон да дәсте дьжмьна (Һʹкм. 16:4, 5, 15-21). Дәлилайе зӧлмикә чьԛас мәзьн кьр! Әԝе жь бо тьмайе нәмамийа ԝи мәрьви кьр, кʹижани кӧ ле һʹьз дькьр.
ԝ05 15/1 27 ¶5
Фькьред Сәрәкә жь Кʹьтеба Һʹакьмти
14:16, 17; 16:16. Һәләԛәти малбәтеда дькарә хьраб бә, һәрге кәсәк бьхԝазә бь ве йәке бьгьһижә нета хԝә, кӧ һесьра бьбаринә у бькә чʹурʹә-чʹурʹ (Мәтʹәлок 19:13; 21:19).
ԝ12 15/4 11-12 ¶15-16
Нәмами Нишана Рʹожед Ахьрийе йә!
15 Әԝед кӧ зәԝащеда ньн, чаԝа дькарьн һәвалзәԝаще хԝәрʹа амьн бьминьн? Хәбәра Хԝәдеда те готьне: «Ша бә тʹәви жьна хԝәйә щаһьлтийе», у «бь пирәка хԝә [йан жи бь мере хԝә] йа кӧ тӧ же һʹьз дьки, жийанәк хԝәш» дәрбаз кә (Мәтʹлк. 5:18; Ԝаиз 9:9). Мер-жьн әʹмьрда чьԛас мәзьн дьбьн, һаԛас һе зедә гәрәке һәләԛәтийа ԝан һьм алийе физикида һьм жи емосийалида ԛәԝи бә. Әв йәк те һʹәсабе, ԝәки әԝана гәрәке мьԛати һәв бьн, ԝәʹдә тʹәви һәв дәрбаз кьн у һе незики һәв бьн. Әԝана гәрәке сәр хԝә бьхәбьтьн, сәва кӧ һьм зәԝаща хԝә хԝәй кьн, һьм жи һәләԛәтийа хԝә тʹәви Йаһоԝа. Ләма жи әԝана гәрәке тʹәвайи Кʹьтеба Пироз леколин кьн, һәргав тʹәвайи хьзмәт кьн у тʹәвайи жи дӧа бькьн, ԝәки Йаһоԝа ԝана кʹәрәм кә.
ЙАҺОԜАРʹА АМЬН БЬМИНЬН
16 Мәсиһийед кӧ гӧне гьран дькьн, гәрәке рʹуспи «һʹьшк ль ԝан һьле, кӧ сахләм бьн баԝәрийеда» (Тито 1:13). Һьнәка хԝә нәрʹаст дьданә кʹьфше, ләма жи гәрәке жь щьвате бьһатана дәрхьстьне. Чахе әԝана бь ви щурʹәйи дьһатьнә леһьлатьне, дькарьбун диса жи һәләԛәтийа хԝә тʹәви Йаһоԝа баш кьн (Ибрн. 12:11). Ле әм чь гәрәке бькьн һәрге мәрьвәки мә йан жи һәвале мәйи незик жь щьвате те дәрхьстьне? Ве дәрәщеда амьнийа мә нә кӧ һьндава ԝи мәрьви те щерʹьбандьне, ле һьндава Йаһоԝа. Йаһоԝа дина хԝә дьдә ԝе йәке, һәла әм гӧрʹа тʹәмийа ԝи дькьн, демәк һәләԛәтийа мә тʹәви йе жь щьвате дәрхьсти, һәйә йан на (Бьхунә 1 Корьнтʹи 5:11-13.)
Хьзна Кʹьтеба Пироз
ԝ05 15/3 27 ¶6
Шьмшон бь Сайа Ԛәԝата Йаһоԝа Дьжмьн Алт Кьрьн
Һʹьш-аԛьле Шьмшон педа сәр шәрʹе ԝийи тʹәви Фьлистийа бу. Әԝи гәрәке шәһәре Газайеда щи-сьтʹар хԝәрʹа бьдита, сәва кӧ һʹәйфе дьжмьнед Хԝәде вәкә. Ләма әԝ мала жьнәкә ԛавда ма. Ле нет-фькьред ԝи һьндава ԝе кʹӧлфәте хьраб нибун. Ниве шәве әԝ жь мала ве кʹӧлфәте дәркʹәт, дәргәһед шәһәр педа дәрхьст у бьрә сәр чʹийайе незики Һәброне, кʹижан кӧ ԝәкә 60 километьра дури шәһәре Газа бу. Шьмшон әв йәк бь ԛәԝата Хԝәде кьр (Һʹакьмти 16:1-3).
(Һʹакьмти 16:1-3) У Шимшон чу Газайе у ль wьр фаһишәкәке [qав] дит у кʹәт щәм wе. 2 У жь Газайийанрʹа, бь готьна: Шимшон һатә вьр, агаһи һатә дайин. У дора wи гьртьн у дь тʹумийа шәведа дь дәрийе бажерда ль дьжи wи дь кʹәминеда ман у бь готьна: Дәма рʹож һьле әме wи бöкöжьн, дь тʹумийа шәведа хwә тʹәв нәдан. 3 У Шимшон һʹәта ниве шәве рʹакʹәт у ниве шәве рʹабу у бь пәрикед дәрийе бажерва у бь һәр дö сьтунед wе гьрт у тʹәви зәнде wан жь wьр qәтанд у wан һьлгьрт сәр мьлед хwә у һьлкʹьшанд сәр чʹийайе кö ль һәмбәре Һәброне йә.
(Мәтта 11:1-15) Чахе Иса тʹәмийед кö данә һәр донздәһ шагьртед хwә хьлаз кьрьн, жь wи щийи чу нав бажаред wан, кö һин кә у даннасин кә. 2 Гава Йуһʹәнна кәледа бона шьхöлед Мәсиһ бьһист, чәнд шагьртед хwә шандьнә щәм wи 3 у же пьрсин: «Тö әw и, йе кö гәрәке бьһата, йан әм һивийа йәки дьн бьн?» 4 Иса щаба wан да у гот: «Һәрʹьн, чь кö һун дьбиньн у дьбьһен Йуһʹәннарʹа бежьн. 5 Кор дьбиньн, сәqәт дьгәрʹьн, кʹоти паqьж дьбьн, кәрʹ дьбьһен, мьри рʹадьбьн у фәqирарʹа жи Мьзгини те дайине. 6 У хwәзи ль wи, кö мьнда шьк накʹәвә». 7 Гава әwана чун, Иса бона Йуһʹәнна әʹлаләтерʹа дәстпекьр гот: «Һун дәркʹәтьнә бәрʹийе чь бьбиньн? Qамишәки кö жь байе дьһʹәжә? 8 Йан һун дәркʹәтьн чь бьбиньн? Мәрьвәки кʹьнще назьк ль хwә кьри? Нә әwед кö кʹьнще назьк ль хwә дькьн, әw малед пʹадшада нә? 9 Йан һун дәркʹәтьн чь бьбиньн? Пʹехәмбәрәки? Бәле әз wәрʹа дьбежьм, жь пʹехәмбәрәки жи мәстьр ә. 10 Әва әw ә, бона кʹижани ньвисар ә: ‹Ва йә әзе qасьде хwә пешийа тәва бьшиньм. Әwе рʹийа тә пешийа тәва һазьр кә›. 11 Әз рʹаст wәрʹа дьбежьм, жь нава әwед кö жь кʹöлфәта дьне кʹәтьнә, тʹö кәс жь Йуһʹәннайе ньхöмдар мәстьр нәбуйә. Ле Пʹадшатийа Әʹзманада йе һәри бьчʹук жь wи мәстьр ә. 12 Жь рʹожед Йуһʹәннайе ньхöмдар һʹәта ньһа Пʹадшатийа Әʹзмана бь зорбәтийе те һʹьщумкьрьне у йед зорбә дькьн кö зәфти хwә кьн. 13 Чьмки һʹәму пʹехәмбәра у Qануне һʹәта Йуһʹәнна бона Пʹадшатийа Әʹзмана шәʹдәти дан. 14 У һәгәр һун дьхwазьн ве йәке qәбул кьн, әw ә Елйасе кö гәрәке бьһата. 15 Гöһе кʹейи бьһистьне һәйә бьра бьбьһе.
10-16 ЧЬЛӘЙЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ҺʹАКЬМТИ 17-19
«Нәгӧһдарикьрьн Чәтьнайа Пешда Тинә»
it-2 390-391
Микʹа
1. Микʹа Әфрайими бу. Әԝи тʹәмийа дӧда жь Дәһә Тʹәмийа тʹәрʹьбанд (Дркʹ. 20:15). Әԝи жь дийа хԝә 1 100 кьдӧр зив дьзи. Чахе әԝи гӧне хԝә да рʹуйе хԝә у тьштед кӧ дьзибу пашда вәгәрʹанд, дийа ԝи гот: «Бона кӧ пʹутәки ԛәԝарти у йәки рʹьжанди чебькьм, зиве . . . лаԝе хԝә, жь алийе хԝәва . . . жь ХӦДАНРʹА пироз кьрьбум у ньһа әзе ԝе шунда бьдьм тә». Дийа ԝи 200 пʹаред зив да зивкʹар, йе кӧ «пʹутәки ԛәԝарти у пʹутәки рʹьжанди» чекьр, у әԝе паше пʹут мала Микʹада дани. Микʹа щәм кʹижани кӧ мала хӧдана һәбу, әфод у тәрафим чекьр у һʹӧкӧмәти да кӧрʹәки хԝә, ԝәки әԝ ча кʹаһин бал ԝи хьзмәт кә. Рʹаст ә нета ве йәке әԝ бу, кӧ рʹумәте бьдьнә Йаһоԝа, ле бь рʹасти әв йәк мьԛабьли ԛануна Хԝәде бу, кʹижан кӧ пʹутпʹарьсти ԛәдәхә дькьр (Дркʹ. 20:4-6). Әве йәке ӧса жи һьндава коне Йаһоԝайи пироз у пирозийа ԝи беһӧрмәти дьда кʹьфше (Һʹкм. 17:1-6; Ԛн. Дщ. 12:1-14). Ԝәʹдә шунда Микʹа готә Йонатʹане нәбийе Муса, ԝәки тʹәви ԝи бьжи. Микʹа әв Леԝийе щаһьл ча кʹаһин һьлда щәм хԝә (Һʹкм. 18:4, 30). Микʹа хԝәрʹа фьрнаԛ дьбу, чьмки әԝи тʹьре кӧ рʹаст дькә. Әԝи гот: «Ньһа әз дьзаньм кӧ ԝе ХӦДАН ԛәнщийе . . . мьнрʹа бькә» (Һʹкм. 17:7-13). Ле Йонатʹан жь зӧрʹәта Һарун нибу, ләма жи изьна ԝи тʹӧнә бу ча кʹаһин хьзмәт кә. Бь рʹасти ӧса Микʹа гӧнед хԝә дьһа зедә кьр (Жм. 3:10).
it-2 391 ¶2
Микʹа
Зутьрәке паши ве йәке Микʹа тʹәви ордикә бьчʹук пәй Данийа кʹәт у гьһиштә ԝан. Чахе жь ԝи пьрсин кӧ әԝ чь дьхԝазә, әԝи гот: «Ԝә кʹаһин у илаһед кӧ чекьрьмә . . . бьрьн у еди жь мьнрʹа чь ма?» Һьнге Данийа, Микʹа данә тьрсандьне у готьне, кӧ һәрге әԝ нәсьтьрә, әԝана ԝе һʹьщуми сәр ԝи бькьн. Чахе Микʹа дит кӧ Дани жь ордийа ԝи ԛәԝаттьр ьн, әԝ пашда вәгәрʹийа мал (Һʹкм. 18:22-26). Данийа мьләте Лаише данә бәр шура у бажар шәԝьтандьн, у дәԝсе бажарәки тʹәзә ава кьрьн, наве кʹижани кӧ данин Дан. Йонатʹан тʹәви кӧрʹед хԝә бунә кʹаһинед Данийа. Ԝана «дь һʹәму рʹожед кӧ мала Хԝәде [коне пироз] ль Шилойе бу дә пʹуте ԛәԝарти йе кӧ Микʹа чекьрьбу, бона хԝә . . . һиштьн» (Һʹкм. 18:27-31).
Хьзна Кʹьтеба Пироз
ԝ15 12/1 15 ¶6
Ԝәлгәрʹандьна Кьтеба Пироз кӧ Һеса йә Фәʹм кьн
6 Иро һе зедә избаткьрьн һәйә сәва ве йәке, кӧ фәрз ә әм наве Йаһоԝа бьдьнә хәбате. «Ԝәлгәрʹандьна Дьнйа Тʹәзә» йа тʹәзәкьрида сала 2013, наве Хԝәде 7 216 щар һатә хәбьтандьне. Демәк жь дәрхьстьна пешийа ԝе, шәш щара зедә. Пенщ жь ԝана һатьнә зедәкьрьне, чьмки наве Хԝәде һәбу дь кʹьтебед Гӧломәтккьрида йа Бәʹра Мьри, кӧ ԝан пашԝәхтийада һатә дитьне. (Бьньһерʹә спартьн.) Әԝ пенщ щар ньвисар ьн дь ван щийада, 1 Самуйел 2:25; 6:3; 10:26; 23:14, 16-да. Йа шәша дь Һʹакьмти 19:18-да һатә зедәкьрьне жь бо ве йәке, кӧ манускриптед кәвьн йа Кʹьтеба Пироз һе кʹур һатьнә леколинкьрьне.
(Һʹакьмти 19:18) У жерʹа гот: Әм жь Бәйтләһәм-Щьһудайе, дәрбаси алийед ль паши чʹийайийа Әфрайим дьбьн: әз жь вьр ьм у чум Бәйтләһәм-Щьһудайе у наһа әз дьчьм мала ХÖДАН у кәси кö мьн бьгьрә мала хwә нинә.
(Мәтта 12:1-14) Һьнге Иса рʹожәкә шәмийе нава зәвийарʹа дәрбаз бу, шагьртед wи бьрʹчи бун у дәстпекьрьн сьмбьлед гәньм чьнин у хwарьн. 2 Гава ферьсийа әв йәк дит, wирʹа готьн: «Һәла бьньһерʹә, шагьртед тә рʹожа шәмийе тьште нәщайиз дькьн». 3 Иса wанарʹа гот: «Wә нәхwәндийә кö Даwьд чь кьр, гава әw у йед перʹа бьрʹчи бун? 4 Нә әw кʹәтә Хана Хwәде у нане Хwәдерʹа дайи хwар, әw нан нә wирʹа щайиз бу бьхwара, нә жи әwед тʹәви wирʹа, ле тʹәне кʹаһинарʹа? 5 Йан жи wә Qанунеда нәхwәндийә, кö кʹаһин рʹожед шәмийе пʹарьстгәһеда шәмийе дьһʹәрʹьминьн у диса бе сущ ьн? 6 Ле әз wәрʹа дьбежьм, кö ль вьр йәки жь пʹарьстгәһе мәстьр һәйә. 7 Һәгәр wә заньбуйа мәʹна ве хәбәре чь йә кö те готьне: ‹Әз рʹәʹме дьхwазьм, нә кö qöрбане›, һьнге wәйе йед бесущ гöнәкʹар нәкьрана. 8 Чьмки Кöрʹе Инсан Хöдане рʹожа шәмийе йә». 9 Иса жь wьр рʹабу чу, һатә кʹьништа wан. 10 Мәрьвәк ль wьр һәбу, кö дәсте wи кʹьшийабу. Һьнәка дьхwәст кö хәйба Иса бькьрана, жь wи пьрсин у готьне: «Щайиз ә кö мәрьв рʹожа шәмийе нәхwәша qәнщ бькьн?» 11 Әwи жи wанарʹа гот: «Әw жь wә кʹи йә, кö пәзәкә wи һәбә у рʹожа шәмийе бькʹәвә чʹәʹле, wе нәгьрә у дәрнәхә? 12 Ле инсан чьqас жь пез qимәттьр ә! Аwа рʹожа шәмийе qәнщикьрьн щайиз ә». 13 Һьнге wи мәрьвирʹа гот: «Дәсте хwә дьреж кә». Әwи жи дьреж кьр у мина дәсте дьн qәнщ бу. 14 Ле ферьси дәркʹәтьнә дәрва бона Иса ль һәв шеwьрин кö чаwа wи бьдьнә кöштьне.
17-23 ЧЬЛӘЙЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ҺʹАКЬМТИ 20-21
«Бәрдәԝам кьн Дәрһәԛа Йаһоԝа Пебьһʹәсьн»
ԝ11 15/9 32 ¶2
Чахе Тӧ Рʹасти Чәтьнайа Тейи, Дькари Чʹәʹв Бьди Пинһас?
Бьнәлийед Гибәайе йед жь бәрәка Бьнйамин, щарийа Леԝики хьраб кьрьн у кӧштьн. Паши ԝе йәке бәрәкед дьн сафи кьрьн кӧ һәрʹьн тʹәви бәрәка Бьнйамин шәрʹ кьн (Һʹакьм. 20:1-11). Пешийа кӧ бьчуна шерʹ, ԝана Йаһоԝарʹа дӧа кьр кӧ али ԝан бькә, ле дӧ щара данә дәр у зьрарәкә мәзьн стандьн (Һʹакьм. 20:14-25). Гәло әԝана фькьрин кӧ Йаһоԝа дӧайед ԝан набьһе? Бь рʹасти Йаһоԝа дьхԝәст ԝәки әԝана һʹәйфе вәкьн?
ԝ05 15/1 27 ¶9
Фькьред Сәрәкә жь Кʹьтеба Һʹакьмти
20:17-48: Чьрʹа Йаһоԝа изьн да, ԝәки бәрәка Бьнйамин дӧ щара сәркʹәвьн, нә әԝана һежайи щәзакьрьне бун? Йаһоԝа дьхԝәст бәрәкед амьн бьщерʹьбинә һәла әԝана чьԛас һазьр ьн зӧлмийе кʹокева жь Исраеле дәрхьн, ләма жи әԝи һишт ԝәки әԝана пешийе зьрарәкә мәзьн бьстиньн.
ԝ11 15 /9 32 ¶4
Чахе Тӧ Рʹасти Чәтьнайа Тейи, Дькари Чʹәʹв Бьди Пинһас?
Әм жь ве йәке чь һин дьбьн? Рʹаст ә рʹуспи ԛәԝате дьдьнә хәбате у Хԝәдерʹа дӧа дькьн, ԝәки али ԝан бькә кӧ проблемед щьвате сафи кьн, ле йәкә һьнә проблем диса жи дьминьн. Дәрәщед ӧсада ԝе баш бә, ԝәки рʹуспи гьлийе Иса бир нәкьн: «Бьхԝазьн [дӧа бькьн] һуне бьстиньн, бьгәрʹьн һуне бьбиньн, дәри хьн ԝе бәр ԝә вәбә» (Луԛа 11:9). Һәрге жи ӧса те кʹьфше кӧ дӧайед ԝан бе щаб дьминьн, йәкә бьра дькарьн баԝәр бьн, кӧ Йаһоԝа ԝәʹде лазьмда ԝе щаба дӧайед ԝана бьдә.
Хьзна Кʹьтеба Пироз
ԝ14 1/5 11 ¶4-6
Ԝә Заньбу?
Бәре шәрʹда ча шьдан дьданә хәбате?
Даԝьд пе шьдане у кәвьр Голйате тәрʹьки кӧшт. Ча те кʹьфше, чахе әԝ шьван бу, һьнге һин бу шьдане бьдә хәбате (1 Самуйел 17:40-50).
Шькле шьдане сәр нәхшед Мьсьри у Ашурийә бәре һәнә. Әԝ чʹәк кьдорәки чʹәрм бу у дӧ алийава тʹогед чʹәрми пева бун. Мәрьве кӧ шьдан дьда хәбате, кәвьрәки гьрʹовәр у һʹьлу һьлдьда, кʹижан кӧ 5-8 сантимәтьр бу у гьранийа ԝи 250 грам бу. Әԝи кәвьр дькьрә ви кьдори, сәр сәре хԝәрʹа ԛайим дьзвьрʹанд, паше тʹогәк бәрʹдьда у һьнге кәвьр ԛайим дьфьрʹийа һәма щийе кʹьфшкьри дькʹәт.
Р′оһьлата Навинда ԝәʹде кʹоландьне гәләк кәвьред шьдане дитьн, кʹижан кӧ бәре шәрʹада дьданә хәбате. Чахе мәрьве щерʹьбанди пе шьдане кәвьр давит, ләза ви кәвьри дьгьһиштә 160-240 километьр сьһʹәтеда. Ньһерʹандьна зандара жь һәв щӧдә дьбә дәрһәԛа ԝе йәке, кӧ ләзбунеда кәвьре шьдане у тир мина һәв ьн. Ле һәмьки шьдан жи гәләк хоф бу, чьмки дькарьбу мәрьв бькӧшта (Һʹакьмти 20:16).
(Һʹакьмти 20:16) Жь һʹәмуйа ве нәтәwе, һʹәфт сәд чәпокед бьжарти һәбун; һәр йәк бь qуське дькарьбу кәвьр бавета муйе у шаш нәдьбу.
(Мәтта 12:15-30) У гава Иса пе һʹәсийа, жь wе дәре чу, гәләк әʹлаләт жи пәй wи чу. Әwи һʹәму жи qәнщ кьрьн 16 у тʹәми да wан кö бона wи нәкьнә дәнги. 17 Әва аһа бу кö әw готьна бь заре Ишайа пʹехәмбәр бе сери: 18 «Ва йә хöламе мьн, йе кö мьн бьжартийә у һʹьзкьрийе мьни кö мьн бәгәм кьрийә. Әзе Рʹöһʹе хwә дайньмә сәр wи у әwе мьләтарʹа һәqийе әʹлам кә. 19 Әwе нә бькʹәвә һʹöщәте, нә бькә qарʹә-qарʹ у нә жи йәке дәнге wи мәйдана бьбьһе. 20 Әw qамише пʹәрчʹьqи һур накә, пʹьлта дьчʹьрусә венасинә, һʹәта кö һәqийе бьгьһинә сери. 21 У һʹәму мьләт wе гöмана хwә дайньнә сәр наве wи». 22 Һьнге щьнакʹәтики кор у лал анинә щәм wи у әwи әw qәнщ кьр, öса кö әwи һьн дит у һьн жи хәбәр да. 23 У тʹәмамийа әʹлаләте зәндәгьрти ма у гот: «Гәло әв ә кöрʹе Даwьд?» 24 Ле гава ферьсийа бьһист готьн: «Әва бь һʹöкöме сәрwере щьна Бәлзәбул щьна дәрдьхә». 25 Ле нетед дьле wан Исава әʹйан бун у wанарʹа гот: «Һәр пʹадшатийа кö нав wеда тʹьфаq тʹöнәбә wе wеран бә у һәр бажар йан мала кö ль нава wеда тʹьфаq тʹöнәбә әw наминә. 26 Һәгәр Мирещьн хwәха хwә дәрдьхә, кö öса йә нава пʹадшатийа wида бетʹьфаqи һәйә, иди пʹадшатийа wи wе чаwа бьминә? 27 Һәгәр әз бь һʹöкöме Бәлзәбул щьна дәрдьхьм, ле йед кö хwә ль wә дьгьрьн бь чь дәрдьхьн? Wәки öса йә әwе бьбьнә һʹакьмед wә. 28 Ле һәгәр әз бь һʹöкöме Рʹöһʹе Хwәде щьна дәрдьхьм, иди Пʹадшатийа Хwәде гьһиштийә wә. 29 Йан чаwа йәк дькарә бькʹәвә мала мерхасәки у һәбука wи тʹалан кә, һәгәр пешийе wи мерхаси гьренәдә? Гава гьреда, һьнге wе бькарьбә мала wи тʹалан кә. 30 Кʹи кö нә тʹәви мьн ә, мьqабьли мьн ә у кʹи кö тʹәви мьн тʹоп накә, бәла дькә.
24-30 ЧЬЛӘЙЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | РʹУТʹ 1-2
«Хԝә ль Һʹьзкьрьна Амьн Бьгьрә»
ԝ16.02 14 ¶5
Чʹәʹв Бьдьнә Достед Йаһоԝайи Незик
5 Рʹутʹ дькарьбу бьфькьрийа кӧ вәгәрʹә ԝәлате хԝә Моԝабе, кʹидәре кӧ малбәта ԝе у мәрьвед ԝейи незик ԝе мьԛати ԝе буна у әԝ хԝәй кьрана. Һьн жи әʹйд-ԛәйд, зьман у щьмәʹта ԝе Моԝаби бун. Ле Наһомийе нькарьбу жерʹа әԝ һʹәму тьшт ль Бәйтләһʹмеда соз бьда. У ләма Наһомийе готә Рʹутʹ кӧ вәгәрʹә ԝәлате хԝә Моԝабе. Наһоми дьтьрсийа кӧ ԝе нькарьбә бука хԝәрʹа нә мер, нә жи мале бьвинә. Ле Рʹутʹ чь сафи кьр? Бьньһерʹьн фьрԛийа ортʹа ԝе у Орпайе. Орпа «вәгәрʹийа гәле хԝә у илаһе [хӧданен] хԝә» (Рʹутʹ 1:9-15). Ле гәло Рʹутʹ жи дьхԝәст вәгәрʹә хӧданед щьмәʹта хԝә йед ԛәлп? Әʹйан ә кӧ на.
ԝ16.02 14 ¶6
Чʹәʹв Бьдьнә Достед Йаһоԝайи Незик
6 Те кʹьфше кӧ Рʹутʹ дәрһәԛа Йаһоԝа Хԝәде пеһʹәсийа бу дьбәкә жь мере хԝә йан жь Наһомийе. Рʹутʹ заньбу кӧ Йаһоԝа мина хӧданед Моԝабе нинә, у әԝ һежа йә кӧ ԝи һʹьз бькә у бьһʹәбинә. Ле занәбун бәс нибу. Рʹутʹ гәрәке сафикьрьнәкә мәзьн бькьра. Гәло әԝе бьжарт кӧ Йаһоԝа бьбә Хԝәдейе ԝе? Әԝ йәк Рʹутʹ бь билани сафи кьр. Әԝе готә хасийа хԝә: «Ԝе гәле тә бьбә гәле мьн, у Хԝәдайе тә бьбә Хԝәдайе мьн» (Рʹутʹ 1:16). Бәле һʹьзкьрьна Рʹутʹ һьндава Наһомийе дьле мә дьгьрә. Ле бона ԝе һе фәрз бу һʹьзкьрьна ԝе һьндава Йаһоԝа, у әԝ һʹьзкьрьн гәләк әʹщебмайи йә. Әԝ йәк ӧса жи Боԝаз әʹщебмайи кьр, кʹижани кӧ паше дӧа ль Рʹутʹ кьр, чьмки әԝе сьтʹар бьн пʹәре Йаһоԝа дьгәрʹийа. (Бьхунә Рʹутʹ 2:12.) Әԝ йәк тинә бира мә кӧ ча щущька чʹьвике дькʹәвә бьн пʹәре де-баве хԝә сәва бе хԝәйкьрьне (Зәб. 36:7; 91:1-4). Йаһоԝа бона Рʹутʹ һәма бавәки ӧса бу. Йаһоԝа әԝ кʹәрәм кьр бона баԝәрийа ԝе, у Рʹутʹ тʹӧ щар пʹошман нәдьбу бона сафикьрьна хԝә.
Хьзна Кʹьтеба Пироз
ԝ05 1/3 27 ¶1
Фькьред Сәрәкә жь Кʹьтеба Рʹутʹ
1:13, 21: Гәло бь рʹасти Йаһоԝа жийина Наһомийе гьран кьр у һишт ԝәки әԝ кӧл-дәрда бьвинә? На. Наһомийе нә жи тʹӧ тьштида Хԝәде нәһәԛ дькьр. Ле жь бо ԝе йәке, чь кӧ һатә сәре ԝе, әԝ фькьри, кӧ Йаһоԝа мьԛабьли ԝе йә. Һьнге Наһоми гәләк дьлтәнг бу. Хенщи ве йәке, ԝәʹде бәре чахе жьн зарʹ дьани әԝ йәк дьһатә һʹәсабе кʹәрәма жь Хԝәде. Ле чахе жьн безӧрʹәт бу, дьһатә һʹәсабе кӧ әԝ ньфьрʹкьри йә. Ләма жи Наһоми йа кӧ дӧ кӧрʹед хԝә чʹәл кьрьбу у бе нәби мабу, дьфькьри ԝәки Йаһоԝа әԝ ньмьз кьрийә.
(Рʹутʹ 1:20, 21) Ле әwе дьготә wан: «Мьнрʹа нәбежьн Наһоми, ле мьнрʹа бежьн Мара, чьмки Йе Һәри Зор дәрд у кöлава әз данимә. 21 Әз тʹер-тʹьжи дәркʹәтьм чум, ле Хöдан әз дәствала вәгәрʹандьм. Иди чьма бежьнә мьн Наһоми? Һәгәр Хöдан чәрха мьн чʹәп кьр у Йе Һәри Зор әз кьрьмә ве рʹоже?»
(Рʹутʹ 1:1-17) Һена сәрwертийа һʹакьмада wәлетда бу хәлайи. Жь Бәйтләһʹма Щьһуда мәрьвәк тʹәви кʹöлфәта хwә у һәр дö кöрʹед хwә чу әʹрде Моwабе хәрибийеда ма. 2 Наве wи мәрьви Әлимәләх бу, наве кʹöлфәта wи Наһоми бу, наве һәр дö кöрʹа, йәк Маһʹлон бу, йәк жи Кʹилйон. Әвана Әфратʹи бун, жь Бәйтләһʹма Щьһуда чунә әʹрде Моwабе у ль wьр ман. 3 Мере Наһомийе Әлимәләх мьр, Наһоми һәр дö кöрʹава ман. 4 Ван һәр дö кöрʹа qизед Моwабийа стандьн, наве йәке Орпа бу, наве йәке жи Рʹутʹ. Әвана ль wьр wәкә дәһә сала ман. 5 Паше һәр дö кöрʹе wе Маһʹлон, Кʹилйон жи мьрьн у әве кʹöлфәте һәр дö кöрʹ мерва öнда кьрьн. 6 Пәй ве йәкерʹа әва рʹабу кö тʹәви һәр дö букед хwә жь әʹрде Моwабе вәгәрʹә wәлате хwә, чьмки әве әʹрде Моwабеда бьһистьбу, кö Хöдан сәри ль щьмәʹта хwә хьстийә, рʹьсqе wан гиһанди йә. 7 Әва жь wи щийе хwә, тʹәви һәр дö букед хwә рʹабу кö рʹекʹәвә вәгәрʹә wәлате Щьһуда. 8 Һьнге Наһомийе готә һәр дö букед хwә: «Һәрʹьн лаwо, һәр кәс вәгәрʹә мала баве хwә. Бьра Хöдан рʹәʹма хwә ль wә бькә, һун һьндава мьн у меред хwәйә мьрида чаwа бунә, әw wәкә wе йәке жи бинә пешийа wә. 9 Бьра Хöдан бәхте wә вәкә, һәр кәс жь wә мала мере хwәда сьтʹар бә». Пәй ве готьнерʹа Наһоми чу рʹуйе wан, һьнге зукин кʹәтә wан әw гьрийан. 10 у готьн: «На, әме жи тʹәви тә ль сәр мьләте тәда вәгәрʹьн». 11 Ле Наһомийе готә wан: «На qизед мьн, пашда вәгәрʹьн, һуне тʹәви мьн бенә чь? Тʹö бәтʹьне мьнда кöрʹ һәнә, кö әw бьбьнә меред wә? 12 Пашда вәгәрʹьн һәрʹьн qизед мьн, чьмки мьн иди салед хwә дәрбаз кьрьнә, әз ха иди мер накьм. Йан һәгәр мьн бьгота гöман һәйә, кö әзе ишәв мер кьм кöрʹа биньм, 13 гәло һуне һаqас wәхт бьмана, һʹәта әw мәзьн буна? Йан бона ве йәке һуне бьмана wәйе мер нәкьрана? На qизед мьн, дьле мьн жь wә зәʹфтьр ль сәр wә дешә, чьмки дәсте Хöдан ль сәр мьн гьран буйә». 14 У wан диса кьрә зарин у гьрийан. Орпа чу рʹуйе хwәсийа хwә вәгәрʹийа, ле Рʹутʹ жь wе нәqәтийа. 15 Һьнге Наһомийе готә Рʹутʹе: «Ва йә жьнтʹийатә ль сәр щьмәʹта хwә у хwәдейед хwәда вәгәрʹийа, тö жи ль пәй жьнтʹийа хwә һәрʹә». 16 Ле Рʹутʹе готе: «Пʹейи ль сәр мьн нәкә, кö әз жь тә бьqәтьм дур кʹәвьм, чьмки тö кʹöда һәрʹи әзе бем, тö ль кʹö бьмини әзе жи ль wьр бьминьм. Щьмәʹта тәйе щьмәʹта мьн бә, Хwәде тәйе Хwәдейе мьн бә. 17 Тö ль кʹидәре бьмьри әзе жи ль wьр бьмьрьм у ль wьр бемә дәфьн кьрьне. Чь һатийә ль сәре мьн, бьра Хöдан жь ве йәке хьрабтьр бинә ль сәре мьн, һәгәр пештьри мьрьне, тьштәки майин мьн жь тә бьqәтинә».
31 ЧЬЛӘЙЕ-6 СЬБАТЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | РʹУТʹ 3-4
«Навәки Баш Ԛазанч кә»
ԝ12 1/10 22 ¶5
«Кʹӧлфәтәкә Хԝәйиәʹсьл»
Боԝаз һʹәйф у бь нәрми тʹәви Рʹутʹ хәбәр да, у әве йәке дьлбини да ԝе. Әԝи готе: «Дӧайе Хӧдан ль тә бә ԛиза мьн! Рʹастийа тәйә ве ахьрийе жь йа пешьн ԛәнщтьр ә, чьмки тӧ пәй щаһьлед кʹәсиб йан дәԝләти нәчуйи» (Рʹутʹ 3:10). Һʹьзкьрьн у ԛәнщийа Рʹутʹ йа пешийе, ве йәкеда дьһатә кʹьфше кӧ әԝе сафи кьр тʹәви Наһомийе һәрʹә Оршәлиме, у мьԛати ԝе бә. Ле ԛәнщийа ԝейә ахьрийе әԝ бу, чь кӧ әԝе ве дәме дькьр. Боԝаз дина хԝә дайе, ԝәки кʹӧлфәта ӧса щаһьл һеса дькарьбу щаһьләки дәԝләти йан кʹәсиб бьстанда. Ле Рʹутʹ дьхԝәст нә кӧ тʹәне Наһомийерʹа ԛәнщийе бькә, ле ӧса жи хәзуре хԝәйи мьрирʹа, сәва кӧ ԝәлате ԝида наве ԝи ӧнда нәбә. Бешьк гәләк Боԝаз хԝәш һат, ԝәки кʹӧлфәта ӧса щаһьл йәкә һаԛас ԛәдьргьр ә.
ԝ12 1/10 23 ¶1
«Кʹӧлфәтәкә Хԝәйиәʹсьл»
Рʹутʹ әв гьлийе Боԝаз дькьрә бира хԝә, чахе жерʹа гот, ԝәки әԝ «кʹӧлфәтәкә хԝәйиәʹсьл» ә. Әв гьли ле ԛәԝи кьр. Рʹутʹ навәки ӧса баш ԛазанч кьр, чьмки дьхԝәст дәрһәԛа Йаһоԝа пебьһʹәсийа у ԝирʹа хьзмәт кьра. Хенщи ԝе йәке, әԝе ԛәнщийа мәзьн у бәрдьли һьндава Наһомийе да кʹьфше у мьләте ԝе һʹьз кьр. Әԝе ӧса жи дьл-әшԛ әʹйд-ԛәйдед ԝан ԛәбул кьр, кʹижан кӧ ԝерʹа нәнас бун. Һәрге әм чʹәʹв бьдьнә баԝәрийа ве кʹӧлфәта амьн, әме һьндава мәрьвада ԛәнщ бьн у әʹйд-ԛәйдед ԝан беһӧрмәт нәкьн. Ӧса әме бькарьбьн навәки баш ԛазанч кьн.
ԝ12 1/10 24 ¶3
«Кʹӧлфәтәкә Хԝәйиәʹсьл»
Боԝаз Рʹутʹ жьнти станд. Кʹьтеба Пирозда те готьне: «Бь рʹәʹма Хԝәде әԝ һʹәмлә дәркʹәт у кӧрʹәк ани». Кʹӧлфәтед Бәйтһʹләме Наһомийерʹа ша дьбун, пʹайе Рʹутʹ дьдан у дьготьн ԝәки әԝ һʹәфт кӧрʹа четьр ә. Даԝьд Пʹадша жь рʹькʹьнийата кӧрʹе Рʹутʹ бу (Рʹутʹ 4:11-22). Иса Мәсиһ жи жь рʹькʹьнийата Даԝьд бу (Мәтта 1:1).
Хьзна Кʹьтеба Пироз
ԝ05 1/3 29 ¶3
Фькьред Сәрәкә жь Кʹьтеба Рʹутʹ
4:6: Чь щурʹәйи пьсмамәки дькарьбу жь бо изьна кʹьрʹине һәбука хԝә «ӧнда кьра»? Һәрге мәрьве кӧ кʹәсиб бьбу, әʹрде хԝә дьфьрот, һьнге пьсмамәки ԝи сәва кӧ ви әʹрди бькʹьрʹә, гәрәке һәԛе ви әʹрди бьда. Баһе ви әʹрди анәгори ԝи ԝәʹдәйи бу, кӧ һʹәта сала Йубиле чьԛас ԝәʹдә мабу (Ԛануна Кʹаһинтийе 25:25-27). Демәк әԝи пьсмами пʹарәкә һәбука хԝә ӧнда дькьр. Хенщи ԝе йәке, һәрге Рʹутʹрʹа кӧрʹ бьһата буйине, әʹрде кӧ Боԝаз кʹьрʹи бу, кӧрʹе Рʹутʹрʹа дькʹәт, нә кӧ пьсмамәки Боԝазрʹа.
(Рʹутʹ 4:6) Һьнге wи пьсмами гот: «Әз ви борще пьсмамтийе нькарьм бьqәдиньм, нәбә кö әз wаре хwә рʹәш кьм. Ви борще пьсмамтийа мьн тö бьqәдинә, чьмки жь qәwата мьн дәр ә».
(Рʹутʹ 4:7-22) (Бәре нава Исраелда әв йәк һәбу, кʹьрʹин йан фьротанәкеда кö һәр тьшт бь шәʹдәти у избати бьбуйа, һьнге мерьв сола ньге хwә дехьст у дьда һәвале хwә. У әв йәк Исраелда дьбу шәʹдәти.) 8 Паше wи пьсмами готә Боwаз: «Тö хwәрʹа бькʹьрʹә». У сола ньге хwә ехьст да wи. 9 Wи чахи Боwаз готә wан рʹусьпийа у тʹәмамийа щьмәʹте: «Һун иро шәʹдә нә, кö мьн һʹәму һәбука Әлимәләх, Кʹилйон у Маһʹлон жь Наһомийе кʹьрʹи. 10 У жьна Маһʹлон, Рʹутʹа Моwаби жи мьн хwәрʹа жьн станд, wәки наве йе мьри жь нава бьратийа wи у щи-wаред wи öнда набә. Бона рʹожа иройин һун шәʹдә нә». 11 Һьнге һʹәму щьмәʹта бәр дәргәһ, рʹусьпийава тʹәвайи готьн: «Әм шәʹдә нә. Бьра Хöдан wе кʹöлфәта кö wе бькʹәвә мала тә, бькә мина Рʹаһеле у Леайе, кʹижана кö мала Исраел ава кьрьн. Тö нава Әфратʹеда qәwат би у Бәйтләһʹмеда жи навәки qазьнщ ки. 12 Бьра мала тә бьбә мина мала Перес, чаwа кö Тʹамаре жь wе мале зöрʹәт ль пәй Щьһуда хьст, öса жи Хöдане жь ве кʹöлфәта щаһьл бьдә тә». 13 Боwаз Рʹутʹ станд, әw бунә һʹәлале һәв. Бь рʹәʹма Хwәде әw һʹәмлә дәркʹәт у кöрʹәк ани. 14 Һьнге кʹöлфәта готә Наһомийе: «Шькьр жь Хöдан, кö әwи иро тö бе зöрʹәт бе пьсмаме незик нәһьшти, wәки наве ве рʹькʹьнйате Исраелда нәйе биркьрьне! 15 Бьра әва тʹьфала бьбә бина ль бәр тә у шьва дәсте тә, әʹмьре мәзьнайийеда, чьмки әва жь wе бука кö тә һʹьз дькә дьне кʹәтийә, йа кö тәрʹа жь һʹәфт кöрʹа четьр ә». 16 Пәй ве готьнерʹа Наһомийе кöрʹьк һьлда да һʹәмеза хwә у жерʹа бу бәрдәргуш. 17 Кʹöлфәтед щинара нав ле кьрьн у готьн: «Наһомийерʹа кöрʹәк бу» У наве wи Овед данин. Әва баве Йешайе баве Даwьд бу.18 У зöрʹәтед Перес әв ьн: Жь Перес Һәсрун бу, 19 жь Һәсрун Рʹам бу, жь Рʹам Аминадав бу, 20 жь Аминадав Нәһшон бу, жь Нәһшон Салмон бу, 21 жь Салмон Боwаз бу, жь Боwаз Овед бу 22 жь Овед Йеша бу, жь Йеша жи Даwьд бу.
7-13 СЬБАТЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | 1 САМУЙЕЛ 1-2
«Дӧада Дьле Хԝә Йаһоԝарʹа Вәкә»
ьа 55 ¶12
Әԝе Дӧада Дьле Хԝә Хԝәдерʹа Вәкьр
12 Һанна дӧакьрьнеда мәсәләкә баш ә бона һʹәму хьзмәткʹаред Хԝәде. Анәгори ве йәке ча зарʹ архайин тʹәви де-баве хԝә дьле хԝә вәдькә, ӧса жи Йаһоԝа бь дьл дьхԝазә ԝәки щьмәʹта ԝи дьле хԝә ԝирʹа вәкә (Бьхунә Зәбур 62:8; 1 Тʹесалоники 5:17.) Жь бина бәр Хԝәде Пәтрусе шанди гьлийе ӧса ньвиси, кʹижан кӧ дьлбинийе дьдьнә мә: «Һʹәму хәмед хԝә бавежьнә сәр ԝи, чьмки әԝ бона ԝә хәм дькә» (1 Пәт. 5:7).
ԝ07 15/3 16 ¶4
Һаннайе Чаԝа Әʹдьлайа Дьл Станд?
Әм жь ве сәрһатийе чь һин дьбьн? Чахе әм дәрде дьле хԝә дӧада Йаһоԝарʹа вәдькьн, әм дькарьн кʹәла дьле хԝә ԝирʹа бьрʹежьн у аликʹарийе жь ԝи бьхԝазьн. Һәрге мә алийе хԝәда һәр тьшт кьр сәва кӧ проблема хԝә сафи кьн, ле диса жи әԝ нәсафикьри дьминә, әм гәрәке бьдьнә дәсте Йаһоԝа. Дәрәщед ӧсада гәләк фәрз ә, ԝәки әве йәке бира хԝәда хԝәй кьн (Мәтʹлк. 3:5, 6).
Хьзна Кʹьтеба Пироз
ԝ05 15/3 21 ¶5
Фькьред Сәрәкә жь Кʹьтеба 1 Самуйел
2:10: Чьма Һаннайе дӧа дькьр, ԝәки Йаһоԝа ԛәԝате бьдә пʹадше хԝә, нә ԝи чахи нав Исраелийада пʹадша тʹӧнә бу? Ԛануна Мусада һатьбу пʹехәмбәртикьрьне, ԝәки нав Исраелийада ԝе кәсәк бе бьжартьне, кӧ бьбә пʹадше ԝан (Ԛануна Дӧщари 17:14-18). Чахе Аԛуб бәр мьрьне бу, гот: «Сәрԝертийе жь Щьһуда кем нәбә» (Дәстпебун 49:10). Хенщи ԝе йәке Исраели жь зӧрʹәта Сарайе бун у Йаһоԝа дәрһәԛа Сарайе ӧса гот: «Пʹадшед мьләта жи ԝе же дәрен» (Дәстпебун 17:16). Ләма жи Һаннайе дәрһәԛа пʹадше ахьрийе дӧа дькьр.
(1 Самуйел 2:10) Кәсед ль дьжи Хöдан ьн, Wе пʹәрчʹә пʹәрчʹә бьбьн, Хöдан жь әʹзмен ль сәр wан дькә гöрмин. Wе бьне дьнйайе жи бьбә бәр диwане, Йе кö пʹадшайе хwә һездар дькә, Һеза пʹадшайе хwә йе кʹьфшкьри зедә дькә Хöдан ә.»
(Мәтта 12:31-46) Бона ве йәке әз wәрʹа дьбежьм, һәр гöнә у кʹьфьри wе ль мәрьва бенә бахшандьне, ле әwе кö кʹьфьрийа Рʹöһʹ бькә, ль wи найе бахшандьне. 32 Кʹи тьштәки мьqабьли Кöрʹе Инсан бежә, wе бе бахшандьне, ле һәгәр йәк һьндава Рʹöһʹе Пирозда бежә, ль wи найе бахшандьне, нә ве дьне нә жи wе дьне. 33 Һәгәр дар qәнщ ә, бәре wе жи qәнщ ә, һәгәр дар хьраб ә, бәре wе жи хьраб ә, чьмки дар жь бәре хwә те наскьрьне. 34 Чʹежькед мәʹра! Һун чаwа дькарьн qәнщ хәбәр дьн, һәгәр һун хьраб ьн? Чьмки чь кö дьлада һәйә зар жи wе дьбежә. 35 Мәрьве qәнщ, жь хьзна хwәйә qәнщ qәнщийе дәрдьхә, ле мәрьве хьраб, жь хьзна хwәйә хьраб хьрабийе дәрдьхә. 36 Әз wәрʹа дьбежьм, Рʹожа Ахрәте мәрьв бона һәр хәбәрәкә пʹучʹ кö хәбәр дьдьн wе щабдар бьн. 37 Чьмки һуне бь хәбәред хwә бесущ бьн у бь хәбәред хwә гöнәкʹар бьн». 38 Һьнге һьнәка жь qанунзан у ферьсийа wирʹа готьн: «Дәрсдар! Әм дьхwазьн кö нишанәке жь тә бьбиньн». 39 Әwи ль wан вәгәрʹанд у гот: «Ньсьле хьраб у хальфи нишанәке дьхwазә, ле жерʹа нишанәкә дьн найе дайине пештьри нишана Уньс пʹехәмбәр. 40 Чаwа кö Уньс се рʹож у се шәва зьке һʹутда ма, Кöрʹе Инсан жи öса wе се рʹож у се шәва нава кʹурайийа әʹрдеда бьминә. 41 Мәрьвед Нинәwайе wе Рʹожа Ахрәте рʹабьн у диwана ви ньсьли бькьн, чьмки әwана бь даннасинийа Уньс жь гöнәкьрьне вәгәрʹийан у ва йәки жь Уньс мәстьр ль вьр һәйә. 42 Пʹадша Башуре Рʹожа Ахрәте wе рʹабә ви ньсьли нәһәq кә, чьмки әwа жь сәре дьне һат, кö сәрwахтийа Сьлеман бьбьһе у ва йә йәки жь Сьлеман мәстьр ль вьр һәйә. 43 Чахе рʹöһʹе һʹәрам жь мерьв дәрте, щийе бе ав дьгәрʹә кö рʹьһʹәтийе бьбинә. Ле гава набинә, 44 һьнге әw дьбежә: ‹Әз вәгәрʹьмә wе мала хwәйә кö же дәркʹәтьмә›. Гава әw те, дьбинә wе мал вала, паqьжкьри у һәвдайи йә. 45 Һьнге дьчә һʹәфт щьнед дьнә жь хwә хьрабтьр жи тинә, дькʹәвьнә wьр дьжин. У ахьрийа wи мәрьви жь пешийе хьрабтьр дьбә. Öса жи wе бе сәре ви ньсьле хьраб». 46 Һе әwи әʹлаләтерʹа хәбәр дьда, дийа wи у бьрайед wи ль дәрва сәкьнин, дьхwәстьн тʹәви wи хәбәр дана.
14-20 СЬБАТЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | 1 САМУЙЕЛ 3-5
«Йаһоԝа бона Һәр Кәси Башԛә Хәм Дькә»
ԝ18.09 24 ¶3
Һьмзор ә, ле бона Һәр Кәси Башԛә Хәм Дькә
3 Самуйел коне пирозда дәстпекьр «хьзмәте» Йаһоԝарʹа бькә, чахе һе бьчʹук бу (1 Сам. 3:1). Еварәке чахе Самуйел дьчу рʹазе, тьштәки мәхсус ԛәԝьми. (Бьхунә 1 Самуйел 3:2-10.) Әԝи дәнге кәсәки бьһист, кӧ дькә гази у наве ԝи һьлдьдә. Самуйел тʹьре кӧ әԝ дәнге Әли Сәрәккʹаһин ә, рʹәви бал у гот: «А вай әз, жь бәр кӧ тә банги [гази] мьн кьр». Әли гот ԝәки әԝи гази ԝи нәкьрийә. Чахе диса дӧ щара әԝ йәк ԛәԝьми, Әли фәʹм кьр ԝәки әԝ Хԝәде йә кӧ гази Самуйел дькә. Ләма жи әԝи готә гәдә, кӧ әԝ ча щаба Хԝәде бьдә, у гәдә гӧрʹа ԝи кьр. Ле чьрʹа Йаһоԝа бь сайа мьлйакʹәте хԝә, дәрберʹа хԝә Самуйелрʹа әʹйан нәкьр? Кʹьтеба Пирозда дәрһәԛа ве йәке найе готьне, ле йәкә жь ве ԛәԝьмандьне те кʹьфше кӧ әԝи хәм кьр бона Самуйеле щаһьл, чьмки дәрәща ԝи һьлда һʹәсаб. Ле чь щурʹәйи?
ԝ18.09 24 ¶4
Һьмзор ә, ле бона Һәр Кәси Башԛә Хәм Дькә
4 Бьхунә 1 Самуйел 3:11-18. Ԛануна Йаһоԝа тʹәми дьда зарʹа, ԝәки ԛәдьре йед әʹмьрда мәзьн бьгьрьн, илаһи йед кӧ хԝәйиһʹӧкӧм бун (Дәркʹ. 22:28; Ԛан. Кʹаһ. 19:32). Һун ԛә дькарьн баԝәр кьн, кӧ Самуйеле бьчʹук шәбәԛе зу рʹабә у хԝәха бь мерхаси Әлирʹа диԝана Хԝәде әʹлам кә? Фәʹмдари йә, әԝи ԝе ӧса нәкьра. Кʹьтеба Пироз дьбежә, ԝәки Самуйел «тьрсийа кӧ хәԝн у хәйале Әлирʹа бежә». Ле Хԝәде Әлира әʹйан кьр, ԝәки Әԝ гази Самуйел дькә. Әли әв йәк фәʹм кьр, ләма жи готә Самуйел: «Жь мьн вәнәшерә . . . һʹәму тьштед кӧ жь тәрʹа готьнә, йәки жи». Самуйел гӧрʹа ԝи кьр у һʹәму тьшт жерʹа гьли кьр.
Хьзна Кʹьтеба Пироз
ԝ05 15/3 21 ¶6
Фькьред Сәрәкә жь Кʹьтеба 1 Самуйел
3:3: Гәло бь рʹасти Самуйел ль Щийе Һәри Пирозда рʹадьза? На. Самуйел Леԝийе жь малбәта Ԛоһатʹийа бу, кʹижан кӧ кʹаһин нибун (1 Дирок 6:33-38). Ләма жи әԝ гәрәке нәкʹәта Щийе Һәри Пироз у нәдита, чьмки изьна ԝи тʹӧнә бу (Жьмар 4:17-20). Ле тʹәне пʹарәкә щийе пироз һәбу, кʹидәре изьна Самуйел һәбу кӧ бькʹәве. Әв һʹәԝша Коне Шәʹдәтийе бу. Ча те кʹьфше әԝ һәма ԝедәре рʹадьза. Әли жи ԝедәре щики һʹәԝшеда рʹадьза. Ча те кʹьфше әв гьли: «Сьндоԛа Хԝәде ль ԝьр бу» сәр ԝи щийи те готьне, кʹидәре кӧ кон дани бун.
(1 Самуйел 3:3) Qәндила Хwәде һе нәтәфийабу. Самуел ль Пәрәстгәһа Хöдан кö Сьндоqа Хwәде бу, радьза.
(Мәтта 13:1-14) Wе рʹоже Иса жь мале дәркʹәт, ль дәве голе рʹуньшт. 2 У һаqас әʹлаләт һатә щәм wи, кö әw кʹәрба кʹәтә qәйьке рʹуньшт у тʹәмамийа әʹлаләте дәве голе сәкьни. 3 Әwи гәләк тьшт бь мәсәла әw һин кьрьн у гот: «Тʹохьмрʹәш рʹабу чу кö тʹохьм бьрʹәшинә. 4 Гава дьрʹәшанд, һьнәк жь wан кʹәтьнә дәве рʹе, тәйрәдә һатьн у әw хwарьн. 5 Һьнәкед дьн кʹәтьнә сәр әʹрде кәвьри, кö ль wьр хwәли кем бу. Әw зу шин бун, чьмки тәлаше хwәлийе нә кʹур бу. 6 Ле чахе тәʹв дәркʹәт, әw шәwьтин у чьмки рʹаwед wан тʹöнәбун, һʹьшк бун. 7 Һьнәкед дьн кʹәтьнә нава стьрийа, стьри рʹабун у әw хәньqандьн. 8 Ле һьнәкед дьн жи кʹәтьнә нава әʹрде qәнщ у бәр дан, йе сәд, йе шест у йе си. 9 Гöһе кʹейи бьһистьне һәйә бьра бьбьһе!» 10 Wе гаве шагьртед wи незик буне у готьне: «Чьма бь мәсәла тö wанарʹа хәбәр дьди?» 11 Әwи ль wан вәгәрʹанд у гот: «Wәрʹа һатийә дайине кö һун сöрʹед Пʹадшатийа Әʹзмана бьзаньбьн, ле wанарʹа нәһатийә дайине. 12 Чьмки кʹерʹа кö һәйә, wе һе ле зедә бә у сәрда бьрʹьжә у кʹерʹа кö тʹöнә, чь һәйә жи wе же бе стандьне. 13 Әз бона wе йәке бь мәсәла wанрʹа хәбәр дьдьм, кö әwана дьньһерʹьн у набиньн, дьбьһен, ле гöһе хwә надьнә сәр у фәʹм накьн. 14 Ль сәр wан пʹехәмбәртийа Ишайа те сери кö дьбежә: ‹Һуне бьбьһен у гöһ бьдьне, ле фәʹм нәкьн, һуне бьньһерʹьн у дина хwә бьдьне, ле нәбиньн.
21-27 СЬБАТЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | 1 САМУЙЕЛ 6-8
«Пʹадше Тә Кʹи йә?»
it-2 163 ¶1
Пʹадшатийа Хԝәде
Щьмәʹт Дьхԝазә кӧ Пʹадше Ԝан Һәбә. Ԝәкә 400 сал паши дәркʹәтьна жь Мьсьре у 800 сал зедәтьр паши ԝе йәке, кӧ Хԝәде пәйман тʹәви Бьраһим гьреда, Исраелийа хԝәстьн кӧ пʹадше ԝан һәбә, чьмки дьхԝәстьн мина мьләтед дьн бьн. Бь хԝәстьна хԝә ԝана да кʹьфше, кӧ нахԝазьн ԝәки Йаһоԝа сәрԝертийе сәр ԝан бькә (1 См. 8:4-8). Бь рʹасти мәʹнийа щьмәʹте һәбу кӧ һивийе бьн, ԝәки Хԝәде Пʹадшатийа хԝә кʹьфш кә, чьмки әԝи соз дабу Бьраһим у Аԛуб. Ле хенщи ԝе йәке диса мәʹнийед дьн һәбун кӧ әԝана баԝәрийа хԝә ԝан соза биньн. Мәʹни әԝ бун: пʹехәмбәртийа Аԛуб кʹижан кӧ әԝи бәр мьрьне гот (Дсп. 49:8-10); гьлийе Йаһоԝа, кʹижан кӧ әԝи Исраелийарʹа паши дәркʹәтьна жь Мьсьре гот (Дркʹ. 19:3-6); гьлийе жь пәймана Ԛануне (Ԛн. Дщ. 17:14, 15), у һәла һе гьлийе Бьлам пʹехәмбәр, кʹижан кӧ әԝи ль гора ԛьрара Хԝәде готьбу (Жм. 24:2-7, 17). Әв һеви дийа Самуйел, Һаннайе дӧайе хԝәда да кʹьфше (1 См. 2:7-10). Ле һьнге Йаһоԝа сӧрʹа хԝәйә пироз дәрһәԛа Пʹадшатийе һәла һе бь тʹәмами әʹйан нәкьрьбу, у нә жи да кʹьфше кӧ чь чах ԝе бе кʹьфшкьрьне, ԝе чь щурʹәйи бә у ԝе кʹидәре бә, сәр әʹрде йан сәр әʹзмана бә. Ләма жи чахе Исраелийа хԝәрʹа пʹадша хԝәст, ԝана да кʹьфше кӧ әԝана хԝәда баԝәр бун.
ԝ11 1/1 27 ¶1
Дәрәще Чәтьнда Әԝ Амьн Ма
Дина хԝә бьде, кӧ Йаһоԝа ча щаба Самуйел да, гава әԝи дәрһәԛа хԝәстьна щьмәʹте ԝирʹа гьли кьр: «Дь һәр тьште кӧ жь тәрʹа дьбежьн . . . , готьна нәтәԝе гӧһдари бькә, жь бәр, йе кӧ нахԝазьн нә тӧ йи; ле бона кӧ әз ль сәр ԝан ԛьраләтийе [сәрԝертийе] нәкьм, мьн нәхԝәстьн!». Бе шьк әв гьли бәрдьликә мәзьн данә Самуйел, ле Исраелийа бь ве хԝәстьна хԝә, данә кʹьфше ԝәки Хԝәдайе Һьмзор бәр тʹӧ тьшти һʹәсаб накьн! Йаһоԝа готә пʹехәмбәре хԝә кӧ бежә щьмәʹте, ԝәки әв хԝәстьна ԝан ԝе чь ахьрийе пәй хԝә бинә. Самуйел гьлийе Йаһоԝа дәрбази ԝан кьр, ле йәкә ԝана дьгот: «На; ле бәле, ԝе ль сәр мә ԛьраләк [пʹадшәк] бьбә». Самуйеле кӧ гӧрʹа Хԝәдеда бу, чу у әԝ мәрьв кʹьфш кьр ча пʹадша, кʹижан кӧ Йаһоԝа бьжартьбу (1 Самуйел 8:7-19).
ԝ10 15/1 30 ¶9
Әʹйан бу кӧ Сәрԝертийа Йаһоԝа Һәԛ ә
9 Тʹәрихийе рʹастийа гьлийе Йаһоԝа избат кьр. Сәрԝертийа мәрьва гәләк проблем бона Исраелийа дьани, илаһи чахе әв сәрԝер Йаһоԝарʹа амьн нәдьман. Жь мәсәла Исраелийа те кʹьфше, кӧ нава гәләк ԛьрʹнада чахе мәрьвед кӧ Йаһоԝа нас нәдькьрьн, сәрԝерти дькьрьн, әве йәке тьштәки баш нәдьани. Иро һьнә мәрьвед политике Хԝәдерʹа дӧа дькьн, ԝәки әԝ ԝана кʹәрәм кә, кӧ әʹдьлайе у бехофийе пешда биньн. Ле гәло Хԝәде ԝе ԝан мәрийа кʹәрәм кә, йед кӧ сәрԝертийа Ԝи ԛәбул накьн? (Зб. 2:10-12).
Хьзна Кʹьтеба Пироз
ԝ02 1/4 12 ¶13
Әʹсәйи йә Бенә Ньхӧмандьне?
13 Пешийа кӧ мәрьв бе ньхӧмандьне у бьбә Шәʹде Йаһоԝа, әԝ гәрәке жь рʹийа хԝәйә бәре вәгәрʹә. Мәрьве кӧ бь дьл у щан сафи дькә, ԝәки пәй Иса Мәсиһ һәрʹә, бь рʹәзәдьли жь рʹийа хԝәйә бәре вәдьгәрʹә. Мәрьвед ӧса жийина хԝәйә бәре дьһельн у хԝә ль ве йәке дьгьрьн, чь кӧ бәр чʹәʹве Хԝәде рʹаст ә. Ньвисаред Пирозда хәбәред Ибрани у Йунани, йед кӧ нета вәгәрʹандьне дьдьнә кʹьфше, тенә һʹәсабе «вәгәрʹандьн» йан жи «зьвьрʹандьн». Әԝ йәк дьдә кʹьфше, ԝәки жь рʹийа хԝәйә нәрʹаст вәгәрʹьн у бенә бәрбь Хԝәде (1 Пʹадшати 8:33, 34). Мәрьвед кӧ дьхԝазьн ԝан гава бавежьн, гәрәке «кьред ԛәнщ бькьн, ԝәки бе кʹьфше әԝ жь гӧнәкьрьне вәгәрʹийанә» (Кʹаред Шандийа 26:20). Әԝ ӧса жи те һʹәсабе, ԝәки әм жь религийед ԛәлп дәрен, тʹәмийед Хԝәде биньн сери у бь тʹәмами Йаһоԝарʹа амьн бьн (Ԛануна Дӧщари 30:2, 8-10; 1 Самуйел 7:3). «Вәгәрʹандьн» али мәрьв дькә, ԝәки хәйсәт-һʹӧнӧред хԝә, ньһерʹандьн у нетед хԝә бьгӧһезә (Һәзәԛел 18:31). Чахе әм вәдьгәрʹьн, әм мәрьвәки ну ль хԝә дькьн (Кʹаред Шандийа 3:19; Әфәси 4:20-24; Колоси 3:5-14).
(1 Самуйел 7:3) Самуел жь Мала Исраил рә wьһа гот: «Һәгәр һун бь дьл у щан дьхwазьн вәгәрʹьн Хöдан, илаһед хәриб у пʹутед Әшторәте жь нав хwә рʹакьн. Хwә бьсперьн Хöдан у бь тʹәне жерʹа хöламийе бькьн. Wе Хöдан жи wә жь дәсте Фьлистийан рʹьзгар бькә.»
(Мәтта 13:15—30) Чьмки әва щьмәʹта сәрһʹьшк ә, бь гöһа гьран дьбьһен у чʹәʹвед хwә гьртьнә, wәки бь чʹәʹва нәбиньн, бь гöһа нәбьһен у бь һʹьш фәʹм нәкьн, вәнәгәрʹьн, кö әз wан qәнщ кьм›. 16 Ле хwәзи ль чʹәʹвед wә, кö дьбиньн у гöһед wә, кö дьбьһен. 17 Әз рʹаст wәрʹа дьбежьм, гәләк пʹехәмбәр у мәрьвед рʹаст һʹьзрәта дитьна ван тьшта бун чь кö һун дьбиньн, ле нәдитьн у бьбьһистана чь кö һун дьбьһен, ле нәбьһистьн. 18 Ньһа һун шьровәкьрьна мәсәла тʹохьмрʹәш бьбьһен. 19 Һәр кәсе кö хәбәра Пʹадшатийе дьбьһе у фәʹм накә, йе Хьраб те тʹохьме дьле wида чанди дьрʹәвинә. Әва әw ьн кö дәве рʹе һатьнә чандьне. 20 Әwед ль әʹрде кәвьри һатьнә чандьне әw ьн, кö чахе хәбәре дьбьһен, әw зу бь әшq у ша qәбул дькьн. 21 Ле рʹаw кö нава wанда тʹöнәнә, дьреж тʹаw накьн. Гава бона хәбәре рʹасти тәнгасийа йан зерандьне тен, әw зу жь рʹе дькʹәвьн. 22 Әwед ль нава стьрийада һатьнә чандьне әw ьн, кö хәбәре дьбьһен у хәмед ве дьнйайе у дәрәwед дәwләтийе хәбәре дьхәньqиньн, әw бе бәр дьминьн. 23 Ле әwед ль нава әʹрде qәнщда һатьнә чандьне әw ьн, кö хәбәре дьбьһен, фәʹм дькьн у бәр дьдьн, һьнәк сәд, һьнәк шест у һьнәк си». 24 Иса мәсәләкә дьн жи wанарʹа пешда ани у гот: «Пʹадшатийа Әʹзмана мина ве йәке йә: Мәрьвәки нав әʹрде хwәда тʹохьме qәнщ чанд. 25 Гава һʹәму рʹазайи бун, дьжмьне wи һат у ль нав гәньмда зиwан жи чанд у чу. 26 Гава гәньм гьһишт бәре хwә да, һьнге зиwан жи перʹа кʹьфш бун. 27 Хöламед хwәйе әʹрде незики wи бун у готьне: ‹Ахайе мә! Тә нава әʹрде хwәда тʹохьме qәнщ нәчанд? Ле әв зиwан жь кʹö һатьн?› 28 Әwи ль wан вәгәрʹанд у гот: ‹Дьжмьнәки әв тьшт кьрийә›. Хöлама жи готә wи: ‹Ньһа тö qайл и кö әм һәрʹьн wан рʹакьн?› 29 Әwи гот: ‹На, нәбә чахе һун зиwане рʹакьн, геньм жи перʹа дәрхьн. 30 Бьһельн бьра һәр дö жи һәврʹа бьгьһижьн һʹәта рʹожа нандьруне. Рʹожа нандьруне әзе пʹаларʹа бежьм, пешийе зиwане бьчьньн, гöрʹз-гöрʹз гьредьн бона шәwате, ле геньм бькьнә әʹмбара мьн›.
28 СЬБАТЕ-6 АДАРЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | 1 САМУЙЕЛ 9-11
«Серида Шаԝул Мьлук бу»
ԝ20.08 10 ¶11
Бь Мьлукти Йаһоԝарʹа Хьзмәт Бькә
11 Мәсәлә, бинә бира хԝә кӧ чь һатьбу сәре Шаԝул Пʹадша. Сәрида, әԝ хортәки мьлук бу. Ԝи синоред хԝә заньбун, у әԝ дьтьрсийа кӧ һе зедә щабдарийа ԛәбул бькә (1 Сам. 9:21; 10:20-22). Ле бәле, паши ве йәке кӧ әԝ бу пʹадша, Шаԝул бу мәрьвәки хԝәсәри хԝә. Щарәке, Шаԝул һивийа Самуйел пʹехәмбәр дьсәкьни, йе кӧ ԝе ԛӧрбанәк пʹешкʹеш бькьра. Ле гава пʹехәмбәр дәрәнги кʹәт, Шаԝул сәбьра хԝә ӧнда кьр, у ԝи ԛӧрбанәк пʹешкʹеш кьр. Изьна ԝи тʹӧнә бу кӧ ве йәке бькә, ләма Йаһоԝа сәр ԝи һерс кʹәт у ԛьрар кьр кӧ кәсәки дьн бькә пʹадша (1 Сам. 13:8-14). Ԝе баш бә кӧ әм жь ве сәрһатийе дәрса бьстиньн у синоред хԝә бьзаньбьн.
ԝ14 15/3 9 ¶8
Чаԝа Рʹӧһʹе Һазьрбуне Хԝәй кьн
8 Жь мәсәла Шаԝул, пʹадше Исраеле те кʹьфше, кӧ хԝәһʹьзи дькарә һазьрбуна мә бьтәмьринә. Дәстпека сәрԝертийа хԝәда Шаԝул йәки мьлук бу (1 Сам. 9:21). Шаԝул дькарьбу бьфькьрийа, ԝәки ԝе рʹаст буйа һәрге ԝан Исраелийа щәза кьра, кʹижан кӧ дәрһәԛа сәрԝертийа ԝи хьраб хәбәр дьдан, у ӧса ԝе сәрԝертийа хԝәйә жь Хԝәде хԝәй кьра. Ле әԝи нәхԝәст әве йәке бькә (1 Сам. 10:27). Шаԝул пʹадша рʹебәрийа рʹӧһʹе Хԝәде ԛәбул кьр у шәрʹе тʹәви Амонийада рʹебәри Исраелийа кьр. Ԝи шәрʹида Исраели сәр кʹәтьн у Шаԝул бона ԝе йәке һʹӧрмәт-рʹумәт да Йаһоԝа (1 Сам. 11:6, 11-13).
ԝ95 15/12 10 ¶1
Амони, Мьләте кӧ Ԛәнщи Нәшекьрандьн
Амонийа диса жи ԛәнщийа Йаһоԝа нәшекьрандьн у дьжмьнати кʹьшандьн. Йаһоԝа әв йәк пьшт гӧһе хԝәва нәавит «Шаԝул гава әв готьн [готьна Наһаш] бьһистьн, Рʹӧһʹе Хԝәде бь аԝайәки хӧрт һат сәр ԝи. Һерса Шаԝул рʹабу». Шаԝул бьн рʹебәрийа рʹӧһʹе Хԝәде жь 330 000 мәрьва ордик саз кьр у ӧса Амони кʹӧта кьрьн у кәсәк «жь ԝан нәһиштьн» (1 Самуйел 11:6, 11).
Хьзна Кʹьтеба Пироз
ԝ05 15/3 22 ¶8
Фькьред Сәрәкә жь Кʹьтеба 1 Самуйел
9:9: Чь дьдә кʹьфше әв гьли: «пʹехәмбәред ирорʹа, ԝи чахи дьготьн ‹йе кӧ дьбинә›»? Әԝ гьли дьдә кʹьфше, кӧ ԝәʹде Самуйел у ԝәʹде пʹадшед Исраеле, пʹехәмбәр гәләк әʹйан дьбун. Ләма жи һеди-һеди хәбәред «йе кӧ дьбинә», һатьнә гӧһастьне сәр хәбәра «пʹехәмбәр». Самуйел пʹехәмбәре пешьн бу Исраеледа (Кʹаред Шандийа 3:24).
(1 Самуйел 9:9) Бәре дәма кö йәки бьхwәста жь Хwәде тьштәки бьпьрсә, дьгот: «Wәрә әм һәрʹьн ба йе кö дьбинә.» Чьмки жь пʹехәмбәред ирорʹа, wи чахи дьготьн «йе кö дьбинә.»
(Мәтта 13:31-44) Мәсәләкә дьн жи wанарʹа пешда ани у гот: «Пʹадшатийа Әʹзмана мина ве йәке йә: Мәрьвәки һʹәбәкә тʹохьме хәрдале һьлда, нав әʹрде хwәда чанд. 32 Әw жь һʹәму тʹохьма һуртьр ә, ле гава дьгьһижә, жь һʹәму пʹьнщарʹа мәстьр дьбә у дьбә дар, öса кö тәйрәдед әʹзмен тен һелинед хwә сәр чʹьqьлед wе чедькьн». 33 Иса мәсәләкә дьн жи wанарʹа гот: «Пʹадшатийа Әʹзмана мина һәвиртьрʹшк ә, кö кʹöлфәтәке һьлда, нава се код арда стьра, һʹәта кö һʹәму һьлат». 34 Иса әв һʹәму тьшт бь мәсәла әʹлаләтерʹа готьн у бе мәсәлә тʹö тьшт wанарʹа нәдьгот. 35 Әв йәк аһа бу, кö әw готьна бь заре пʹехәмбәр бе сери: «Әзе бь мәсәла wанрʹа хәбәр дьм, тьштед жь wәхте әʹфьрандьна дьнйайеда вәшарти гьли кьм». 36 Һьнге Иса әʹлаләт һьшт, һатә мал. Шагьртед wи һатьнә щәм wи у готьне: «Мәсәла гәньм у зиwане мәрʹа шьровәкә». 37 Әwи ль wан вәгәрʹанд у гот: «Әwе кö тʹохьме qәнщ чанд, Кöрʹе Инсан ә. 38 Әʹрд дьнйа йә, тʹохьме qәнщ жи мәрьвед пʹара Пʹадшатийе нә, ле зиwан мәрьвед пʹара йе Хьраб ьн. 39 Дьжмьне кö әw чанд, Мирещьн ә. Нандьрун ахьрийа дьнйайе йә, пʹалә жи мьлйакʹәт ьн. 40 У чаwа кö зиwане тʹоп дькьн дьшәwьтиньн, ахьрийа ве дьнйайе жи wе öса бә. 41 Кöрʹе Инсан wе мьлйакʹәтед хwә бьшинә у әwе жь Пʹадшатийа wи һʹәмуйед кö мәрийа жь рʹе дәрдьхьн у нәһәqийе дькьн бьбьжерьн 42 у бавежьнә кʹура агьр. Ль wьр wе бьбә гьри у чʹьркә-чʹьрка дьрана. 43 Һьнге мәрьвед рʹаст wе Пʹадшатийа Баве хwәда мина тәʹве шәwq бьдьн. Гöһе кʹейи бьһистьне һәйә бьра бьбьһе! 44 Пʹадшатийа Әʹзмана мина ве йәке йә: Әʹрдәкида хьзнәкә вәшарти һәбу. Мәрьвәк wе дьбинә, вәдьшерә, шабуна дьчә һʹәму һәбука хwә дьфьрошә у wи әʹрди дькʹьрʹә.