Бьбә Пешәнг

Чахе әм бона хьзмәтийе нета датиньн пешийа хԝә, һьнге әм ԛәԝата хԝә бь билани хәрщ дькьн (1 Кр. 9:26). Әв дьнйа зӧлм бәрбь хьлазийе дьчә, ләма жи әм гәрәке ԝәʹде хԝә бь билани бьдьнә хәбате (Әф. 5:15, 16). Сәр ԛӧльхкьрьна тʹәви малбәте, бона сала хьзмәтийейә тʹәзә, нета дайньн пешийа хԝә. Ве бәрнама щьвинеда һьнә готар һәнә дәрһәԛа щурʹә-щурʹә нета, кʹижан кӧ дькарьн али тә бькьн. Бьфькьрә кӧ чь нете дайни пешийа хԝә у сәва ве йәке дӧа кә (Аԛб. 1:5).

Мәсәлә, нәфәред мале дькарьн тʹәвайи шеԝьр кьн у сафи кьн, ԝәки һәма кәсәк жь ԝан ча пешәнге һәртʹьм хьзмәт кә. Һәрге тӧ дьфькьри кӧ те нькарьби ча пешәнг хьзмәт ки, тʹәви һьнә пешәнга хәбәр дә, дәрәщед кʹижана мина йед тә нә (Мтʹл. 15:22). Йан жи сәр ԛӧльхкьрьна тʹәви малбәте пешәнгәки тʹәглиф кә у дәрһәԛа пешәнгтийе пьрса бьде. Паше жи хԝәрʹа графике чекә. Һәрге тә бәре ча пешәнг хьзмәт кьрийә, бьфькьрә һәла дәрәща тә ньһа дәст дьдә, ԝәки диса ӧса хьзмәт ки.

Гәло кәсәк жь малбәта тә дькарә мәһәке йан дӧ мәһа ча пешәнге ԝәʹдәлу хьзмәт кә? Мәсәлә,  һәрге ԛәԝата тә тʹӧнә кӧ гәләк хьзмәт ки, тӧ дькари бьби пешәнге ԝәʹдәлу у рʹоже һьнәки хьзмәт ки. Һәрге тӧ дьхәбьти йан жи мәкʹтәбеда һин дьби у жь бо ԝе йәке ԝәʹде тә тʹӧнә кӧ гәләк хьзмәт ки, тӧ дькари ԝәʹде тʹатʹиле йан жи ван мәһа, кʹижан кӧ бь пенщ Шәми у Ләʹда нә, ча пешәнге ԝәʹдәлу хьзмәт ки. Салнәʹмеда хԝәрʹа кʹьфш кьн кӧ кʹәнге һун дькарьн ча пешәнгед ԝәʹдәлу хьзмәт кьн (Мтʹл. 21:5).

БЬНЬҺЕРʹЬН ВИДЕО «МЕРХАС БЬН . . . ПЕШӘНГ» У ПАШЕ ЩАБА ВЕ ПЬРСЕ БЬДЬН:

• Дәрәща Еммайе чь мә һин дькә дәрһәԛа һʹьзкьрьна Йаһоԝа һьндава ԝан мәрьва, йед кӧ һьнә тьшт жь хԝә кем дькьн, сәва кӧ ча пешәнг хьзмәт кьн?