Кани бона Бәрнама Щьвине, Бьжин у Хьзмәт кьн
2-8 ЧЬЛӘЙЕ
ФЬКЬРЕД ԚИМӘТ ЖЬ ХӘБӘРА ХԜӘДЕ |2 ПʹАДШАТИ 22-23
«Чьрʹа Гәрәке Мьлук бьн?»
ԝ00 15/9 29-30
Йаһоԝа Йошийайе Мьлук Ԛәбул Дькьр
Бәрбангеда шьхӧле тʹәзәкьрьна пʹарьстгәһе дәстпебуйә. Бешьк Йошийа гәләк жь Йаһоԝа рʹази йә ԝәки әв зийан, кʹижан кӧ рʹабәра данә мала Хԝәде, те рʹасткьрьне. Ԝәʹде хәбат дьчу, Шафан һат сәва кӧ пʹадшарʹа тьштәки бежә. Ле чь дәсте ԝида нә? Дәсте ԝида кʹьтебәкә гӧломәтккьри йә! Әԝ дьбежә, ԝәки Сәрәккʹаһин Һилкийа «пʹьртука загона Хӧдан йа кӧ бь дәсте Мусава һатийә дайин дит» (2 Дирок 34:12-18). Дәстньвисара Ԛанунейә орижинали чьԛас ԛимәт ә!
Йошийа һʹьзрәт ә пебьһʹәсә кӧ дәстньвисареда чь те готьне. Гава Шафан әве кʹьтебе ԝирʹа дьхунә, әԝ дьфькьрә ԝәки әԝ у щьмәʹта ԝи ԛануне тиньн сери йан на. Гьлийе дәрһәԛа һʹәбандьна рʹаст у ӧса жи ньфьрʹед бона йед кӧ пәй һʹәбандьна ԛәлп дьчьн, гәләк сәр Йошийа һʹӧкӧм дьбьн. Чахе Йошийа тедәрдьхә, ԝәки щьмәʹта ԝи жь ԛанунед Хԝәде чьԛас дур чуйә, әԝ кʹьнще хԝә дьԛәльшинә у тʹәмийе дьдә Һилкийа, Шафан у йед дьнена: «Һәрʹьн ль сәр готьнед ԝе ньвисе, жь бо мьн, гәл у тʹәвайа Щьһудайе, жь Хӧдан бьпьрсьн. Хәзәба дьжԝар йа Хӧдан йа ль дьжи мә, мәзьн ә. Чьмки бав у калед мә гӧһ нәдан готьнед ве ньвиса кӧ жь бо мә һатийә ньвисандьн» (2 Пʹадшати 22:11-13, ИМ; 2 Дирок 34:19-21).
ԝ00 15/9 30 ¶2
Йаһоԝа Йошийайе Мьлук Ԛәбул Дькьр
Ԛасьдед Йошийа дьчьнә Оршәлиме щәм Һулдайа пʹехәмбәр. Һулда готьна Йаһоԝа әʹлами ԝан дькә, ԝәки ньфьрʹед кӧ кʹьтеба гӧломәтккьрида ньвисар ьн, ԝе бенә сәре щьмәʹта кӧ пьшта хԝә дайә һʹәбандьна рʹаст. Ле жь бо ԝе йәке кӧ Йошийа бәр Хԝәде шкәст, әԝ ԝе нәвинә кӧ ча әԝ ньфьрʹ тенә сери. Әԝ ԝе бе чʹәʹлкьрьне у әʹдьлайеда һәрʹә щәм кал-бавед хԝә (2 Пʹадшати 22:14-20; 2 Дирок 34:22-28).
Хьзна Кʹьтеба Пироз
(2 Пʹадшати 23:24, 25, ИМ) Һәрԝьһа Йошийа жь бо готьнед Шәриәта [Ԛануне] дь ньвиса Һилԛийайе Кʹаһин дь Мала Хӧданда дитьбу һат ньвисандьн пек бинә, щьнбаз, кәсед бь рʹӧһʹа дьшеԝьрин, пʹутед мале, пʹутед дьн у ль ԝәлате Щьһудайе у ль Оршәлиме тьштед кʹьрет кӧ һатьнә дитьн, һʹәму жь һоле рʹакьрьн. 25 Ль гори тʹәвайа Шәриәта Муса, бь тʹәвайа дьл у щане хԝә, бь тʹәвайа һеза хԝә ԝәки пʹадшаки кӧ ль Хӧдан вәгәрʹә, нә бәрийа ԝи у нә жи пьшти ԝи тʹӧ кәсе ԝәк ԝи дәрнәкʹәт.
(Марԛос 2:16-28) Гава ԛанунзанед жь нава ферьсийа дитьн кӧ Иса тʹәви хәрщгьр у гӧнәкʹара ль сәр сьфре рʹуньшти йә, жь шагьртед ԝи пьрсин: «Чьма әԝ тʹәви хәрщгьр у гӧнәкʹара дьхԝә у вәдьхԝә?» 17 Чахе Иса бьһист, ԝанрʹа гот: «Сахләм нә һʹәԝще һʹәким ьн, ле нәхԝәш. Әз нә һатьмә гази йед рʹаст кьм, ле гази гӧнәкʹара». 18 Щарәке шагьртед Йуһʹәнна у ферьсийа рʹожи дьгьртьн. Чәнд мәрьв һатьнә щәм Иса у же пьрсин: «Чьма шагьртед Йуһʹәнна у йед ферьсийа рʹожийа дьгьрьн, ле шагьртед тә рʹожи нагьрьн?» 19 Иса готә ԝан: «Һʹәта зәʹва тʹәви ԝан ә, гәло дьбә кӧ хԝәндийед дәʹԝате рʹожи бьгьрьн? Һʹәта зәʹва тʹәви ԝан ә, әԝ нькарьн рʹожи бьгьрьн! 20 Ле рʹож ԝе бен, гава зәʹва жь ԝан бе һьлдане, һьнге ԝе рʹоже ԝе рʹожи бьгьрьн. 21 Тʹӧ кәс пе пʹарчʹе ну кʹьнща кәвьн пʹинә накә. Һәгәр ӧса бькә, пʹарчʹе кʹьнща кәвьнва дьрути ԝе зоре ль кʹьнща кәвьн бькә у щийе ԛәльши ԝе һе ль бәр һәвва һәрʹә. 22 У нә жи кәсәк шәрава ну дькә мәшкед кәвьн. Һәгәр ӧса бькә, шәрава ну ԝе мәшка бьтʹәԛинә, һьн шәраве ӧнда бә, һьн жи мәшк. Ле шәрава ну дькьнә мәшкед ну». 23 Иса рʹожәкә шәмийе нава зәвийарʹа дәрбаз дьбу у шагьртед ԝи рʹева дәстпекьрьн сьмбьлед геньм чьнин. 24 Ферьсийа Исарʹа гот: «Бьньһерʹә! Чьма шагьртед тә рʹожа шәмийе тьште нәщайиз дькьн?» 25 Иса ль ԝан вәгәрʹанд у гот: «Ԝә ԛәт нәхԝәндийә кӧ Даԝьд жь һʹәԝщәтийе чь кьр, гава әԝ у йед перʹа бьрʹчи бун? 26 Әԝ ԝәхте сәрәккʹаһин Әвйатарда кʹәтә Хана Хԝәде у нане Хԝәдерʹа дайи хԝар, кӧ әԝ нан пештьри кʹаһина нә щайиз бу йәки дьн бьхԝара. Сәрда жи әԝ нан да йед тʹәви хԝә». 27 Паше сәр готьна хԝәда зедә кьр готә ԝан: «Рʹожа шәмийе бона инсед һатә данине, нә кӧ инсан бона рʹожа шәмийе! 28 Аԝа готи Кӧрʹе Инсан Хӧдане рʹожа шәмийе йә жи».
ԝ01 15/4 26 ¶3-4
Һун Дькарьн Бәхтәԝар бьн, Һәрге жи Ԝә Бьчʹуктайеда Ләзәт Нәдитийә
Рʹаст ә, бьчʹуктайа Йошийа ԝәʹдәки чәтьнда дәрбаз бьбу, диса жи Йошийа тьштед ԛәнщ бәр чʹәʹве Йаһоԝа дькьр. Сәрԝертийа ԝи ӧса баш бу, ԝәки Кʹьтеба Пирозда те готьне: «Ль гора һʹәмуйа загона Муса, бь һʹәмуйа дьле хԝә у бь һʹәмуйа щане хԝә у бь һʹәмуйа ԛәԝата хԝә ԛьраләки мина ԝи вәгәрʹийа Хӧдан, бәри ԝи жи нәбу у ль пәй ԝи жи дәрнәкʹәт» (2 Пʹадшати 23:19-25).
Мәсәла Йошийа һеланәкә чьԛас мәзьн дьдә ԝан, бьчʹуктайа кʹижана кӧ чәтьн дәрбаз буйә! Әм жь мәсәла ԝи чь һин дьбьн? Чь али Йошийа кьр, ԝәки рʹийа рʹаст бьжберә у хԝә ль ве рʹе бьгьрә?
9-15 ЧЬЛӘЙЕ
ФЬКЬРЕД ԚИМӘТ ЖЬ ХӘБӘРА ХԜӘДЕ |2 ПʹАДШАТИ 24-25
«Бир Нәкә кӧ Әм Чь Ԝәʹдәйида Дьжин»
ԝ01 15/2 12 ¶2
Рʹожа Йаһоԝайә Диԝане Незик ә!
2 Чахе пʹадше щаһьл Йошийа, пʹехәмбәртийа Сефанйа бьһист, әԝи дьһа зәлал фәʹм кьр кӧ чьԛас фәрз ә Щьһудайе жь һʹәбандьна ԛәлп тʹәмьз кьн. Ле әԝи нькарьбу пе кьрьна хԝә зӧлмийа нава щьмәʹте бь тʹәмами кʹӧта кьра, нәжи карьбу гӧне калке хԝә Мьнаш, бь тʹәмами бьда һьлдане, чьмки Мьнаш «Оршәлиме бь хуна бесуща» тʹьжә кьрьбу (2 Пʹадшати 24:3, 4, ИМ; 2 Дирок 34:3). Ләма жи рʹожа Йаһоԝайә Диԝане ԝе әʹсәйи бьһата.
ԝ07 15/3 11 ¶10
Фькьред Сәрәкә жь Кʹьтеба Йерәмйа
Сала 607 Б.Д.М. Ида сала 11 бу ча Тʹсәдәкийа сәрԝерти дькьр. Нәбукәднәсәр Пʹадше Бабилоне ида 18 мәһ бу кӧ дора Оршәлиме гьртьбу. Рʹожа һʹәфта, мәһа пенща, сала 19 йа сәрԝертийа Нәбукәднәсәр, Нәбузарадан фәрмандаре пʹарезвана незики Оршәлиме дьбә (2 Пʹадшати 25:8). Нәбузарадан зомеда йа кӧ дора диԝаред Оршәлиме лехьстьбун, дәрәще леколин дькә, сәва кӧ шәһәр зәфт кә. Се рʹож шунда, рʹожа дәһа йа ве мәһе, Нәбузарадан дькʹәвә Оршәлиме у агьр пе дьхә (Йерәмйа 52:12, 13).
Хьзна Кʹьтеба Пироз
(2 Пʹадшати 24:3, 4, ИМ) Бь рʹасти әв тьшт бь фәрмана Хӧдан һат сәре Щьһудайе кӧ жь бәр чʹәʹве хԝә рʹакә. Жь бәр тʹәвайа гӧнәһед Мьнашә 4 у хуна бесуща кӧ ԝи рʹьжанд, әв һат сәре ԝи. Чьмки ԝи Оршәлиме бь хуна бесуща дагьрт. Лома Хӧдан нәхԝәст ԝи бьбахшинә.
(Марԛос 3:1-15) У Иса диса кʹәтә кʹьниште. Ль ԝе дәре мәрьвәк һәбу, кӧ дәсте ԝи кʹьшийабу. 2 У чʹәʹве һьнәка сәр ԝи бу, гәло рʹожа шәмийе әԝе ԝи ԛәнщ кә йан на, ԝәки хәйба ԝи бькьн. 3 Иса мәрьве дәсткʹьшийайирʹа гот: «Рʹабә ве говәке бьсәкьнә!» 4 Паше ԝанрʹа гот: «Рʹожа шәмийе ԛәнщикьрьн щайиз ә, йан хьрабикьрьн? Рʹӧһʹәки хьлаз кьн, йан ӧнда кьн?» Ле ԝан дәнг нәкьр. 5 Иса бь һерс ль дора хԝә ньһерʹи, бона сәрһʹьшкийа ԝан бәр хԝә кʹәт у ԝи мәрьвирʹа гот: «Дәсте хԝә дьреж кә». Әԝи жи дьреж кьр у дәсте ԝи ԛәнщ бу. 6 Ферьси дәркʹәтьнә дәрва у перʹа-перʹа тʹәви Һеродәсийа шеԝьрин, кӧ чаԝа ԝи бьдьнә кӧштьне. 7 Иса тʹәви шагьртед хԝә чу дәве голе. Жь Щәлиле әʹлаләтәкә гьран пәй ԝи чу. 8 Гава кӧ ԝана кьрьнед ԝи бьһистьн, жь Щьһустане, Оршәлиме, Идумәйайе, ԝи алийе Урдӧнейи рʹоһьлате, ӧса жи жь ԛәза Сур у Сайде гәләк мәрьв һатьнә щәм ԝи. 9 У Иса жь дәст әʹлаләте шагьртед хԝәрʹа гот, кӧ ԝирʹа ԛәйькәке һазьр кьн, ԝәки нәкʹәвә ль бәр дәʹфа. 10 Чьмки Иса гәләк мәрьв ԛәнщ кьрьн, ӧса кӧ йед нәхԝәш тʹопи сәр дьбун, ԝәки дәсте хԝә бьдана ԝи. 11 Дәма кӧ рʹӧһʹед һʹәрам әԝ дьдитьн, ль бәр ԝи дәвәрʹуйа хԝә давитьнә әʹрде, дькьрьнә ԛирʹин у дьготьн: «Тӧ Кӧрʹе Хԝәде йи!» 12 Ле Иса һʹьшк тʹәми ль ԝан дькьр, кӧ бона ԝи нәкьнә дәнги. 13 Иса һьлкʹьшийа чʹийе у мәрьвед кӧ ԝи дьхԝәстьн гази щәм хԝә кьрьн. Әԝ жи чунә щәм ԝи. 14 Әԝи донздәһ мәрьв бьжартьн, навед ԝан «шанди» дани, кӧ тʹәви ԝи бьминьн у ԝан бьшинә, ԝәки даннасин кьн. 15 У һʹӧкӧм да ԝан кӧ щьна дәрхьн.
ԝ05 1/8 12 ¶1
Фькьред Сәрәкә жь Кʹьтеба 2 Пʹадшати
24:3, 4. Йаһоԝа нәхԝәст «бьбахшинә» Щьһудайе, чьмки Мьнаш гәләк хун рʹетьбу. Хуна мәрьвед нәнәһәԛ бәр чʹәʹве Хԝәде ԛимәт ә. Әм дькарьн баԝәр бьн, ԝәки Йаһоԝа ԝе һʹәйфе ԝан мәрийа вәкә, йед кӧ хуна мәрьвед нәнәһәԛ дьрʹежьн (Зәбур 37:9-11; 145:20).
16-22 ЧЬЛӘЙЕ
ФЬКЬРЕД ԚИМӘТ ЖЬ ХӘБӘРА ХԜӘДЕ |1 ДИРОК 1-3
«Кʹьтеба Пироз, Кʹьтеба Избатийа йә,нә кӧ йа Чʹирока»
ԝ09 1/9 14 ¶1
Гәло Адәм у Һеԝа Мәрьвед Реали Бун?
Ԝәред әм дәрһәԛа дӧ рʹькʹьнийата шеԝьр кьн. Йа пешьн кʹьтеба Йәке Дирок, сәре 1-9-да ньвисар ә, у йа дӧда кʹьтеба Луԛа, сәре 3-да ньвисар ә. Ԝан ньвисарада һур бь һур дәрһәԛа 48 у ӧса жи 75 ньсьла те готьне. Луԛа дәрһәԛа рʹькʹьнийата Иса Мәсиһ ньвисийә, ле Дирокда дәрһәԛа рʹькʹьнийата пʹадша у кʹаһинед щьмәʹта Исраел те готьне. Ԝан дӧ рʹькʹьнийатада наве мәрьвед навдар тенә һьлдане, мәсәлә Сьлеман, Даԝьд, Аԛуб, Исһаԛ, Бьраһим, Нӧһ у Адәм. Әԝ һʹәму мәрьв, наве кʹижана ԝан дӧ рʹькʹьнийатада тенә һьлдане, мәрьвед реали бун у Адәм жи бь рʹасти мәрьве пешьн бу.
ԝ08 1/6 3 ¶4
Нӧһ у Селав—Избаткьри йә,нә кӧ Чʹирок ә
Дӧ рʹькʹьнийат дәрһәԛа кʹижана Кʹьтеба Пирозда ньвисар ә, избат дькьн ԝәки Нӧһ мәрьве реали бу (1 Дирок 1:4; Луԛа 3:36). Әзра у Луԛа кӧ рʹькʹьнийат ньвиси бун, леколинкʹаред гәләк баш бун. Луԛа дина хԝә дьда рʹькʹьнийата Иса Мәсиһ һʹәта Нӧһ.
ԝ09 1/9 14-15
Гәло Адәм у Һеԝа Мәрьвед Реали Бун?
Ԝәрә шеԝьр кьн һинкьрьна дәрһәԛа кʹьрʹине, чь кӧ бона гәләк баԝәрмәнда ԛимәт ә. Анәгори ве һинкьрьне, Иса Мәсиһ жийина хԝәйә кʹамьл ча кʹьрʹин бона инсанәте бәрва дайә, ԝәки ԝана жь гӧна хьлаз кә (Мәтта 20:28; Йуһʹәнна 3:16). Ча әм заньн, кʹьрʹин әв һәйә бәрдела кӧ те дайине, сәва тьште ӧндабуйи вәгәрʹиньн. Ләма жи Кʹьтеба Пирозда те готьне, ԝәки Иса «хԝә жь бәр кʹьрʹина гьшкава да» (1 Тимотʹейо 2:6). Кʹьрʹина Иса гәрәке бәрдела чь буйа? Кʹьтеба Пироз щаба ве пьрсе дьдә: «Чаԝа һʹәмуйед жь Адәм буйи дьмьрьн, ӧса жи һʹәмуйед жь Мәсиһ буйи ԝе сах бьн» (1 Корьнтʹи 15:22). Жийина Исайә кʹамьл кʹижан кӧ әԝи бона мәрьвед гӧһдар бәрва да, лайиԛи ве жийина кʹамьл бу, кʹижан кӧ Адәм бахче Еденеда жь бо гӧнә ӧнда кьр (Рʹомайи 5:12). Фәʹмдари йә, һәрге Адәм мәрьве реали нибуйа, кʹьрʹина Иса жи ԝе нәлазьм буйа.
Хьзна Кʹьтеба Пироз
(1 Дирок 3:1-3) Адәм, Шит, Әнос, 2 Кәнан, Маһалаләл, Йарәд, 3 Һәнох, Мәтушаләһ, Ламәх.
(Марԛос 3:16-31) Һәр донздәһед бьжарти әв ьн: Шьмһʹун (кӧ наве ԝи кьрә Пәтрус), 17 Аԛубе Зәбәди у Йуһʹәннайе бьре ԝи, (әԝи наве Боанәрщәс ль ԝан кьр, кӧ те фәʹмкьрьне: «Кӧрʹед Гӧрʹинийа Әʹзмен») 18 Әндраԝьс, Филипо, Бәртоломәйо, Мәтта, Тʹума, Аԛубе кӧрʹе Һалфаԝо, Тәдайо, Шьмһʹуне ԝәлатпʹарьст 19 у Щьһудайе Исхәрйоти йе кӧ бу нәмаме Иса. 20 Паше Иса чу маләке. Диса һаԛас әʹлаләт щьвийа, һʹәта кӧ нькарьбун нане хԝә жи бьхԝарана. 21 Гава йед жь хун у ԛьнета ԝи бьһистьн, дәркʹәтьн ԝи бьгьрьн, чьмки ԝана дьгот: «Әԝи һʹьше хԝә ӧнда кьрийә!» 22 У әԝ ԛанунзанед кӧ жь Оршәлиме бәржер бьбун, дьготьн: «Бәлзәбул ԝида һәйә! Әԝ бь һʹӧкӧме сәрԝере щьна щьна дәрдьхә!» 23 Иса жи әԝ гази щәм хԝә кьрьн у бь мәсәла ԝанрʹа гот: «Мирещьн чаԝа дькарә хԝәха хԝә дәрхә? 24 Һәгәр нав Пʹадшатикеда тʹьфаԛ тʹӧнәбә, әԝ нькарә бьминә. 25 Мала кӧ бетʹьфаԛи бькʹәве, әԝ мал нькарә бьминә. 26 Һәгәр Мирещьн рʹабә һьмбәри хԝә у бьбә дӧтирәти, әԝ нькарә бьминә у ԝе хьлазийа ԝи бе. 27 Ле бәле тʹӧ кәс нькарә бькʹәвә мала мерхасәки у һәбука ԝи тʹалан кә, һәгәр пешийе ԝи мерхаси гьренәдә. Гава гьреда, һьнге ԝе бькарьбә мала ԝи тʹалан кә. 28 Әз рʹаст ԝәрʹа дьбежьм, һәр гӧнә у чь кʹьфьрийе кӧ бькьн ԝе ль бәндед дьне бенә бахшандьне, 29 ле кʹи кӧ кʹьфьрийа Рʹӧһʹе Пироз бькә, тʹӧ щар ль ԝи найе бахшандьне. Әԝе бь ԝи гӧнәйи һʹәта-һʹәтайе сущдар бә». 30 Иса әв йәк гот, чьмки ԝан дьгот: «Рʹӧһʹе һʹәрам ԝида һәйә». 31 Һьнге де у бьрайед Иса һатьн, ль дәрва сәкьнин, йәк шандьнә пәй ԝи у гази ԝи кьрьн.
it-1 911 ¶3-4
Рʹеза Рʹькʹьнийата
Наве Жьна. Наве жьна, рʹеза рʹькʹьнийатада тʹәне һьнге дьһатә ньвисаре, гава бона ԝе йәке мәʹнийа тʹәрихийева гьредайи һәбу. Мәсәлә, Дәстпебун 11:29, 30-да наве Сарайе (Сарай) те готьне. Ча те кʹьфше мәʹни әԝ бу, кӧ Зӧрʹәта Создайи гәрәке жь ԝе пешда бьһата, нә кӧ жь жьнәкә Бьраһимә дьн. Ве сәрһатийеда ӧса жи дәрһәԛа Милкʹайе те готьне, чьмки әв пирька Рʹевекайе бу, Рʹевека жи жьна Исһаԛ бу. Ӧса те избаткьрьне, ԝәки Рʹевека мәрьва Бьраһим бу, чьмки Исһаԛ гәрәке жьнәкә жь тʹӧ мьләтәки дьн нәстанда (Дсп. 22:20-23; 24:2-4). Әв йәк кӧ Дәстпебун 25:1-да наве жьна Бьраһимә дьн, Ԛьтура ньвисар ә, дьдә кʹьфше ԝәки паши мьрьна Сарайе Бьраһим диса зәԝьщи. Әʹйан дьбә кӧ чахе Йаһоԝа бь кʹәрәмәти ӧса кьр, кӧ Бьраһиме әʹмьрда мәзьнрʹа зарʹ бьбә, 40 сал паши ԝе йәке диса жи ԝирʹа зарʹ дьбун (Рʹм. 4:19; Дсп. 24:67; 25:20). Ӧса жи әʹйан дьбә, ԝәки чь щурʹәйи Исраели, Мьдйани у бәрәкед Әʹрәбийә дьн мәрьве һәв ьн.
Хенщи ԝе йәке наве жьнед Аԛуб, демәк Леа у Рʹаһел у ӧса жи наве щарийед Аԛуб тʹәви кӧрʹед ԝан ньвисар ьн (Дсп. 35:21-26). Әв йәк али мә дькә фәʹм кьн һәләԛәтийа Йаһоԝа тʹәви кӧрʹед ԝан кʹӧлфәта. Һәма жь бо мәʹнийед ԝи щурʹәйи наве жьнед дьн жи дькʹәтьнә нава рʹеза рʹькʹьнийата. Наве жьна, һьнге жи дьһатә ньвисаре, гава ԝана миратʹа баве хԝә дьстандьн (Жм. 26:33). Наве Тʹамаре, Рʹәхабе у Рʹутʹ һатә ньвисаре жь бо мәʹникә мәхсус. Жь ԝан һәр кәси тьштәки мӧһим кьрьбу, ләма жи наве ԝан рʹеза рʹькʹьнийата Иса Мәсиһда һатә ньвисаре (Дсп. 38; Рʹтʹ. 1:3-5; 4:13-15; Мт. 1:1-5). Наве һьнә кʹӧлфәтед дьн жи рʹеза рʹькʹьнийатада, 1 Дирок 2:35, 48, 49; 3:1-3, 5-да ньвисар ьн.
23-29 ЧЬЛӘЙЕ
ФЬКЬРЕД ԚИМӘТ ЖЬ ХӘБӘРА ХԜӘДЕ |1 ДИРОК 4-6
«Дӧайед Мьн Дәрһәԛа Мьн ЧьДьбежьн?»
ԝ10 1/10 23 ¶3-7
«Тӧ кӧ Дӧа Дьбьһейи»
Йабәтс тʹьме дӧа дькьр. Әԝи дӧайе хԝә бь ԝе йәке дәстпекьр, кӧ жь Хԝәде кʹәрәм хԝәст. Паше жи әԝи се тьшт жь Йаһоԝа хԝәст, чь кӧ баԝәрийа ԝи әʹйан кьрьн.
Йа пешьн, Йабәтс жь Хԝәде һиви кьр: «Синоред мьн фьрә бькә» (рʹеза 10). Әԝ мәрьве хԝәйиԛәдьр нәдьхԝәст әʹрде хәлԛе зәфти хԝә бькә. Хԝәстьна ԝи бона әʹрде нибу, ле бона мәрьва бу. Дьԛәԝьмә әԝи дьхԝәст, кӧ Йаһоԝа синоред ԝи фьрә кьра, сәва кӧ һе зедә хьзмәткʹаред Хԝәдейе рʹаст ԝедәре щиԝар буна.
Йа дӧда, Йабәтс жь Йаһоԝа һиви дькьр: «Дәсте тә бь мьнрʹа бә». Бь симболик дәсте Хԝәде те һʹәсабе ԛәԝата Ԝи, кӧ әԝ бона һʹалхԝәшийа хьзмәткʹаред хԝә дьдә хәбате (1 Дирок 29:12). Йабәтс дьле хԝә Хԝәдерʹа вәкьр, чьмки заньбу, ԝәки ԛәԝата Хԝәде дьгьһиже али ԝан мәрьва бькә, йед кӧ итʹбарийа хԝә ԝи тиньн (Ишайа 59:1).
Йа сьсийа, Йабәтс ӧса гот: «Бона кӧ еше нәкʹьшиньм мьн жь шәрʹ хьлаз бькә!» Йабәтс бь ван гьлийа «бона кӧ еше нәкʹьшиньм», нә кӧ дьхԝәст ԛәзийа нәйнә сәре ԝи, ле ԝәки жь бо ԛәзийа дьлтәнг нәбә.
Дӧакьрьна Йабәтс дьдә кʹьфше ньһерʹандьна ԝи һьндава һʹәбандьна рʹаст у ӧса жи баԝәри у итʹбарийа ԝи һьндава Хԝәде кӧ дӧа дьбьһе. Ле гәло Йаһоԝа ча щаба дӧайе ԝи да? Әв сәрһатийа Йабәтс бь ван гьлийа хьлаз дьбә: «Хԝәде, тьште кӧ хԝәстьбу да ԝи».
Хьзна Кʹьтеба Пироз
(1 Дирок 5:10) У дь рʹожед Саулда, бь Һагрийанрʹа щәнге [шәрʹ] кьрьн у вана бь дәстед ԝанва кʹәтьн у дь рʹожһьлата Гиләадеда, әԝ дь һʹәмуйа ԝәлетда, дь чадьред ԝанда рʹуньштьн.
(Марԛос 4:1-15) Иса диса ль дәве голе дәст бь һинкьрьне кьр. Әʹлаләтәкә ӧса мәзьн ль дора ԝи щьвийа, кʹәрба әԝ кʹәтә ԛәйька ль сәр голе у рʹуньшт. Тʹәмамийа әʹлаләте ль дәве голе бу 2 у ԝи бь мәсәла әԝ һини гәләк тьшта дькьрьн. Һинкьрьна хԝәда дьгот: 3 «Гӧһдари! Тʹохьмрʹәш рʹабу чу кӧ тʹохьм бьрʹәшинә. 4 Чахе әԝи тʹохьме хԝә дьрʹәшанд, һьнәк же кʹәтьнә дәве рʹе, тәйрәдә һатьн у әԝ хԝарьн. 5 У һьнәк кʹәтьнә сәр әʹрде кәвьри, ль ԝьр кӧ хԝәли кем бу. Әԝ зу шин бун, чьмки тәлаше хԝәлийе нә кʹур бу. 6 Чахе тәʹв дәркʹәт, әԝ шәԝьтин у чьмки рʹаԝед ԝан тʹӧнәбун, һʹьшк бун. 7 У һьнәкед дьн кʹәтьнә нава стьрийа, стьри рʹабун әԝ хәньԛандьн у бәр нәдан. 8 У һьнәкед дьн жи кʹәтьнә нава әʹрде ԛәнщ у шин бун, мәзьн бун у һьнәка си, һьнәка шест, һьнәка сәд щар бәр дан». 9 У Иса ԝанрʹа гот: «Гӧһе кʹейи бьһистьне һәйә бьра бьбьһе». 10 Гава Иса тʹәне ма, һәр донздәһа тʹәви йед дора ԝи гьртьбун, бона ван мәсәла же пьрсин. 11 Әԝи щаба ԝан да у гот: «Ԝәрʹа һатийә дайине кӧ һун сӧрʹед Пʹадшатийа Хԝәде бьзаньбьн, ле бона ԝан, йед кӧ дәрва нә, һәр тьшт бь мәсәла те готьне, 12 ԝәки: ‹Чьԛаси бьньһерʹьн жи, нәбиньн, чьԛаси бьбьһед жи, фәʹм нәкьн, ԝәки нәбә кӧ вәгәрʹьн у ль ԝан бе афукьрьне?›». 13 Һьнге Иса ԝанрʹа гот: «Һун ве мәсәле фәʹм накьн? Ле иди һуне һʹәму мәсәла чаԝа фәʹм бькьн? 14 Тʹохьмрʹәш хәбәре дьрʹәшинә. 15 Әԝед ль дәве рʹе кӧ хәбәр ле те чандьне, әԝ ьн, кӧ гава дьбьһен, перʹа-перʹа Мирещьн те у хәбәра дьле ԝанда чанди дәрдьхә.
ԝ05 1/10 9 ¶7
Фькьред Сәрәкә жь Кʹьтеба Йәке Дирок
5:10, 18-22. Ԝәʹде сәрԝертийа Шаԝул Пʹадша, бәрәкед Исраели йед кӧ жь Урдӧне алийе рʹоһьлате дьжитьн, ԛьрʹа Һагрийан анин, кʹижан кӧ дӧ щара жь ван зедәтьр бун. Әскәред Исраелийа карьбун ԝан алт кьн, чьмки итʹбарийа хԝә Йаһоԝа дьанин у аликʹари жь ԝи дьхԝәстьн. Ԝәрә әм жи мина ԝан шәрʹе рʹӧһʹанида бь тʹәмами итʹбарийа хԝә Йаһоԝа биньн (Әфәси 6:10-17).
30 ЧЬЛӘЙЕ–5 СЬБАТЕ
ФЬКЬРЕД ԚИМӘТ ЖЬ ХӘБӘРА ХԜӘДЕ |1 ДИРОК 7-9
«Тӧ Дькари бь Аликʹарийа ЙаһоԝаЩабдарийед Чәтьн Бини Сери»
ԝ05 1/10 9 ¶8
Фькьред Сәрәкә жь Кʹьтеба Йәке Дирок
9:26, 27. Гәләк щабдарийед дәргәванед Леԝи һәбун. Әԝана мәрьвед итʹбар бун, ләма жи кʹьлитед дәргәһед щийед пироз тʹәсмили ԝан кьрьбун. Ԝана һәр рʹож дәргәһед пʹарьстгәһе вәдькьр. Мәрʹа жи һатийә тʹәсмилкьрьне кӧ мәрьвед мьһала хԝәрʹа мьзгинийе бәла кьн у али ԝан бькьн кӧ бьбьнә хьзмәткʹаред Йаһоԝа. Әм жи гәрәке мина Леԝийа мәрьвед ӧса бьн, ԝәки Йаһоԝа итʹбарийа хԝә мә бинә.
ԝ11 15/9 32 ¶7
Тӧ Чахе Рʹасти Чәтьнайа Тейи, Дькари Чʹәʹв Бьди Пинһас?
Исраела бәреда сәр Пинһас гәләк щабдарийед гьран һәбун, ле бь сайа мерхасийе, фәʹмкʹарийе у итʹбарийа һьндава Йаһоԝа, әԝи карьбу чәтьнайада жи щабдарийед хԝә бинә сери у пешдачуйи бә. Йаһоԝа рʹази бу кӧ Пинһас ча бона щьмәʹта Хԝәде хәм дькьр. Ԝәкә 1 000 сал шунда Әзра жь бина бәр Хԝәде, ньвиси: «Пешийе Пинәһасе лаԝе Әләазар, ль сәр ԝан сәрок бу у Хӧдан бь ԝирʹа бу» (1 Дир. 9:20). Бьра Йаһоԝа бь ԝанрʹа бә жи, йед кӧ рʹожед мәда нава щьмәʹта ԝида щабдарийа һьлдьдьн сәр хԝә у рʹебәрийе дьдьн, у ӧса жи бь ԝан һʹәму Мәсиһийарʹа бә, йед кӧ бь хирәт хьзмәт дькьн.
Хьзна Кʹьтеба Пироз
(1 Дирок 9:33) У вана ԛәсидәвана [дәнгбеж, ДТʹ], сәрокед малед бапиред Леԝийийан ьн; ԝәки дьн хьзмәтәки нәдьдитьн у дь одәйада рʹудьньштьн; жь бәр кӧ бь шәв у рʹож жь ԝанрʹа кʹар һәбу.
(Марԛос 4:16-32) Әԝед ль сәр әʹрде кәвьри әԝ ьн, кӧ гава хәбәре дьбьһен, әԝ зу бь әшԛ у ша ԝе ԛәбул дькьн, 17 ле чьмки рʹаԝед ԝан тʹӧнәнә, әԝ дьреж тʹаԝ накьн. У гава бона хәбәре рʹасти тәнгасийа йан зерандьне тен, зу жь рʹе дькʹәвьн. 18 У әԝед нава стьрийада һатьнә чандьне әԝ ьн, кӧ хәбәре дьбьһен, 19 хәмед ве дьнйайе, дәрәԝед дәԝләтийе у хԝәстьна тьштед дьн дькʹәвьнә наве у хәбәре дьхәньԛиньн, әԝ бе бәр дьминьн. 20 У әԝед әʹрде ԛәнщда һатьнә чандьне әԝ ьн, кӧ хәбәре дьбьһен, ԛәбул дькьн, һьнәк си, һьнәк шест у һьнәк жи сәд щар бәр дьдьн». 21 У Иса ԝанрʹа гот: «Гава чʹьре тиньнә һьндӧрʹ, бона чь тиньн? Бона бьн сәльке тиньн, йан бона бьн ньвине? Нә бона данина сәр пʹечʹьре тиньн? 22 Тʹӧ тьште вәшарти тʹӧнәйә кӧ нәйе ашкәрәкьрьне у нә жи тьштәки дьзива һәйә кӧ нәкʹәвә бәр рʹонайе. 23 Гӧһе кʹейи бьһистьне һәйә бьра бьбьһе». 24 Иса ԝанрʹа гот: «Дина хԝә бьдьнә тьштед кӧ һун дьбьһен. Һун бь чь чапе бьпивьн, бь ԝе пиване жи ԝе ԝәрʹа бе пиване у сәрда жи ԝе һе зедә бә. 25 Чьмки кʹерʹа кӧ һәйә, ԝе һе ле зедә бә у кʹерʹа кӧ тʹӧнә, чь һәйә жи ԝе же бе стандьне». 26 У Иса гот: «Пʹадшатийа Хԝәде мина ве йәке йә: Мәрьвәк тʹохьм дьрʹәшинә нав әʹрде. 27 У рʹадьзе, рʹадьбә. Шәв у рʹож тʹохьм шин дьбә, бьльнд дьбә у хԝәха пе наһʹәсә кӧ әв чаԝа дьбә. 28 Әʹрд жь хԝә бәр дьдә, пешийе зил, паше сьмбьл, пәйрʹа жи гәньме гьһишти сьмбьлда. 29 Гава кӧ бәр дьгьһижә, мәрьв иди дәʹсе давеже, чьмки дәма нандьруне перʹа гьһиштийә». 30 У Иса гот: «Әм Пʹадшатийа Хԝәде мина чь бьшьбиньн? Йан жи әм ԝе бь кʹижан мәсәле шьровәкьн? 31 Әԝ мина һʹәбәкә тʹохьме хәрдале йә кӧ жь һʹәму тʹохьмед кӧ сәр әʹрде тенә чандьне һуртьр ә. 32 Ле гава әԝ те чандьне дьгьһижә, жь һʹәму пʹьнщарʹа мәстьр дьбә у чʹьԛьлед мәзьн дьдә, ӧса кӧ тәйрәдед әʹзмед дькарьн хԝә бьдьнә бьн сийа ԝе».
ԝ10 15/12 21 ¶6
Йаһоԝарʹа Бьстьре!
6 Йаһоԝа бь сайа пʹехәмбәред хԝә тʹәми да хьзмәткʹаред хԝә, ԝәки бь кʹьлама пәсьна бьдьнә ԝи. Стьранбежед Леԝи, сәва кӧ ԝәʹде ԝан һәбә кʹьлама бьньвисьн, мьԛама чекьн у һазьр бьн кӧ бьстьрен, жь борщдарийед дьн аза дьбун, йед кӧ Леԝийа дьанинә сери (1 Дир. 9:33).
6-12 СЬБАТЕ
ФЬКЬРЕД ԚИМӘТ ЖЬ ХӘБӘРА ХԜӘДЕ |1 ДИРОК 10-12
«Хԝәстьна Хԝә Ԛәԝи кә, ԝәки Ԛьрара Йаһоԝа Бини Сери»
ԝ12 15/11 6 ¶12-13
«Мьн Һин кә, кӧ Әʹмьре Тә Бьԛәдиньм»
12 Даԝьд әԝ принсип йед кӧ Ԛанунеда әʹйан дьбун, фәʹм дькьрьн у әʹмьре хԝәда дьанин сери. Әм ве йәкеда дькарьн чʹәʹв бьдьнә Даԝьд. Һәла дина хԝә бьдьне кӧ чь ԛәԝьми чахе Даԝьд тʹи бу у гот: «Хԝәзика йәк жь бира кӧ ль Бәйтләһʹме ль бәр дәри йә, аве бьдә мьн!» Се әскәред Даԝьд дьзикава кʹәтьнә шәһәр, кʹижан кӧ Фьльстийа зәфт кьрьбун, у ав Даԝьдрʹа анин. Ле Даԝьд «нәхԝәст кӧ ԝе вәхԝә у ԝе ԝәк пʹешкʹешийәке жь Хӧданрʹа рʹьжанд». Ле гәло чьрʹа әԝи ӧса кьр? Даԝьд гот: «Кьрьна вейа бьра Хԝәде жь мьн дур бькә; гәло әз хуна ван зьламед кӧ щане хԝә авитьнә хәтәре вәхԝьм? Жь бәр кӧ ԝе бь бьһайийа щане хԝә анин» (1 Дир. 11:15-19).
13 Даԝьд жь Ԛануне заньбу ԝәки хун гәрәке бәр Йаһоԝа бе рʹетьне у нәйе хԝарьне. Әԝи ӧса жи фәʹм дькьр кӧ чьрʹа гәрәке ӧса бьһата кьрьне. Даԝьд заньбу, ԝәки «әʹмьре һәр бинбәри хунеда йә». Ле ԝирʹа ав анин, нә кӧ хун. Чьрʹа Даԝьд нәхԝәст вәхԝә? Әԝи фәʹм дькьр принсипа кӧ ԛанунеда әʹйан дьбу. Бона Даԝьд әв ав ԝәкә хуна ԝан се әскәра, ԛимәт бу. Ләма жи Даԝьд нькарьбу әве аве вәхԝә. Дәԝса кӧ вәхԝара, әԝи сафи кьр әве аве бьрʹежә (Ԛан. Кʹаһ. 17:11; Ԛан. Дщр. 12:23, 24).
ԝ18.06 17 ¶5-6
Бьра Ԛанун у Принсипед ХԝәдеИсафа Тә Һин кьн
5 Һәрге әм дьхԝазьн жь ԛанунед Хԝәде кʹаре бьстиньн, әм гәрәке ԝан ԛануна нә кӧ тʹәне бьхуньн у бьзаньбьн, ле әм гәрәке ԛайим һʹьз бькьн у ԛимәт кьн. Хәбәра Хԝәде дьбежә: «Хьрабийе бькәрьһьн [нәфьрʹәт кьн] у ԛәнщийе һʹәз бькьн» (Амс. 5:15). Ле ча әм дькарьн ве йәке бькьн? Йа пешьн, әм гәрәке мина Йаһоԝа сәр тьшта бьньһерʹьн. Бьфькьрьн сәр ве мәсәле: Бәʹса хәбәре һун шәв хьраб рʹадьзен, у һʹәкиме ԝә ԝәрʹа диетайе дьньвисә, дьбежә кӧ спортева мьжул бьн, у һьнә тьшт әʹмьре хԝәда бьгӧһезьн. Паше чахе ԝә һʹәму ширәтед ԝи данә хәбате, ԝә дит ԝәки проблема ԝә сафи бу! Фәʹмдари йә, һуне бона ԝе аликʹарийе жь ԝи һʹәкими гәләк рʹази бьн.
6 Әʹфьрандаре мә жи мәрʹа ԛанун данә, кʹижан кӧ дькарьн мә хԝәй кьн жь ахьрийа хьраб кӧ гӧнә тинә, у әʹмьре мә баш кьн. Бьфькьрьн кӧ әм чьԛас кʹаре дьстиньн гава гӧрʹа ԝан тʹәмийед Кʹьтеба Пироз дькьн, мәсәлә чахе хԝә дур дьгьрьн жь дәрәԝийе, фелбазийе, дьзийе, бенамусийе, зорбәтийе у сербазийе. (Бьхунә Мәтʹәлок 6:16-19; Әʹйан. 21:8) Гава әм дьвиньн кӧ әм чьԛас кʹәрәмед баш дьстиньн чахе гӧрʹа Йаһоԝа дькьн, дьле мә һьндава Йаһоԝа у ԛанунед ԝи бь рʹазибуне у һʹьзкьрьне тʹьжә дьбә.
Хьзна Кʹьтеба Пироз
(1 Дирок 12:33) Жь Зәбулуне пенщи һʹәзар кәсед кӧ бь һʹәму һаләтед щәнгева [шәрʹ] дәркʹәтьнә артеше, йед кӧ дькарьн дузәна щәнге дайньн у нә бь дӧ дьли нә у дь щәнгеда рʹез дьбьн.
(Марԛос 5:1-14) Әԝана дәрбази ԝи бәри гола Щәлиле бун у гьһиштьнә тʹопрахед Гьрасине. 2 Гава кӧ Иса жь ԛәйьке дәркʹәт, һьнге жь нав горʹьстана мәрьвәк рʹасти ԝи һат, кӧ рʹӧһʹе һʹәрам перʹа бу. 3 Әԝ нав горʹьстанада дьма у тʹӧ кәси иди нькарьбу бь зьнщира жи әԝ гьреда. 4 Чьмки гәләк щара әԝ бь ԛәйд у зьнщира гьредабун, ле ԝи зьнщир ԛәтандьбун у ԛәйд шкенандьбун. Тʹӧ кәси нькарьбу әԝ зәфт бькьра. 5 Тʹьме шәв у рʹож горʹьстанада у сәре чʹийа дькьрә ԛирʹин, пе кәвьра хԝә бьриндар дькьр. 6 Гава әԝи дурва Иса дит, бәзи, хԝә авитә бәр ньга 7 у бь дәнгәки бьльнд кьрә ԛирʹин у готе: «Тӧ чь жь мьн дьхԝази, Исайе Кӧрʹе Хԝәдейе Һәри Жорьн? Тӧ хатьре Хԝәде ки, мьн нәдә щәфе!» 8 Әԝи әв йәк дьгот, чьмки Иса дьготе: «Һәй рʹӧһʹе һʹәрам! Жь ви мәрьви дәркʹәвә!» 9 Иса же пьрси у гот: «Наве тә чь йә?» Әԝи жи гот: «Наве мьн Кʹомәшкәр ә, чьмки әм гәләк ьн». 10 У гәләки рʹәща жь Иса дькьр, кӧ ԝан жь ԝе тʹопрахе дәрнәхә. 11 Ԝьр ль синге чʹийе сурики бәразайи мәзьн дьчʹерийа. 12 Рʹӧһʹед һʹәрам рʹәща жь Иса кьрьн у готьн: «Мә бьшинә нава бәраза, әм бькʹәвьнә нава ԝан». 13 Әԝи жи изьн да ԝан, рʹӧһʹед һʹәрам дәркʹәтьн у кʹәтьнә нава бәраза. Әԝ сури незики дӧ һʹәзар бәраза бу, әԝ жорда рʹәви, хԝә жь кәнделда авитьнә голе у хәньԛин. 14 Бәразван рʹәвин чунә бажар у гӧнда, әв йәк гьли кьрьн. У бьнәли һатьн кӧ тьштед буйи бьбиньн.
it-1 1058 ¶5-6
Дьл
Хьзмәтийа «Бь Һʹәмуйа Дьл». Дьле симболик жь дьле физики щӧдә дьбә, чьмки әв дькарә дӧпʹари бә. Даԝьд дӧа дькьр: «Дьләки йәкпʹарә бьдә мьн, сәва кӧ әз бьтьрсьм жь тә» (Зб. 86:11, ИМ). Әв дӧакьрьна ԝи дьдә кʹьфше, ԝәки дьле мәрьв дькарә дӧпʹари бә һьндава ве йәке, чь кӧ әԝ һʹьз дькә у дьтьрсә. Дьле мәрьве ӧса дькарә дӧпʹари бә у әԝ һʹәбандьнеда мина ава «голи» бә, демәк бе хирәт Хԝәдерʹа хьзмәт кә (Зб. 119:113; Әʹнт. 3:16). Хенщи ԝе йәке чахе мәрьв дӧ ахарʹа ԛӧльх дькә йан жи дәрәԝа дькә, демәк тьштәки дьфькьрә, ле тьштәки дьн дьбежә, дьле ԝи дьбә дӧпʹари (1 Др. 12:33; Зб. 12:2). Иса дӧрʹути сәрт сущдар кьр, чь кӧ дьдә кʹьфше кӧ дьле мәрьв дӧпʹари йә (Мт. 15:7, 8).
Мәрьве кӧ дьхԝазә дьле Хԝәде ша кә, гәрәке ԝе йәке пе нив дьли нәкә, ле бь һʹәмуйа дьле хԝә Хԝәдерʹа хьзмәт кә (1 Др. 28:9). Сәва ԝе йәке лазьм ә гәләк ԛәԝат хәрщ кьн, чьмки дьл хапинок у ԛәлс ә (Йер. 17:9, 10; Дсп. 8:21). Чь дькарә али мә бькә кӧ дьле хԝә тʹам хԝәй кьн? Дӧакьрьна бь дьл (Зб. 119:145; Лр.Йер. 3:41), хԝәндьна Кʹьтеба Пирозә һәррʹожи (Әз. 7:10; Мтʹл. 15:28), бәлакьрьна мьзгинийейә бь хирәт (бәрамбәр кьн Йер. 20:9), у һәвалтийа тʹәви ԝан йед кӧ бь тʹәмамийа дьле хԝә тʹәви Йаһоԝа нә (бәрамбәр кьн 2 Пʹд. 10:15, 16).
13-19 СЬБАТЕ
ФЬКЬРЕД ԚИМӘТ ЖЬ ХӘБӘРА ХԜӘДЕ |1 ДИРОК 13-16
«Чахе Пәй Рʹебәрийе Дьчьн,Әм Сәрдькʹәвьн»
ԝ03 1/5 10-11
Тӧ Ньһерʹандьна Йаһоԝа Дьгәрʹи?
12 Паши ԝе йәке чахе Сьндоԛа Пәймане һатә вәгәрʹандьне ль Исраеле у гәләк сал Кирйат-йәаримеда ма, Даԝьд Пʹадша хԝәст әве дәрбази Оршәлиме кә. Әԝи тʹәви сәрокед щьмәʹте шеԝьр кьр у гот кӧ һәрге ԝанрʹа ԛәнщ бе хӧйане у «әв кʹар жь Хԝәдайе мә Хӧдан бә», Сьндоԛа Пәймане гәрәке дәрбази Оршәлиме кьн. Ле әԝи ԛәԝат нәда хәбате сәва кӧ ԛьрара Йаһоԝайә сәр ве пьрсе пебьһʹәсә. Һәрге әԝи леколин кьра, ԝе тʹӧ щар Сьндоԛа Пәймане пе фьрхуне нәбьра. Ль гора ԛьрара Хԝәде, Леԝийед жь бәрәка Ԛоһатʹ гәрәке әԝ сәр мьле хԝә бьвьрана. Дәрәщед дьнда Даԝьд гәләк щар ньһерʹандьна Йаһоԝа дьпьрси, ле ижар әԝи ӧса нәкьр. Әве йәке ахьрийа хьраб ани. Ԝәхт шунда Даԝьд гот: «Хԝәдайе мә Хӧдан ль мә хьст». Чьрʹа? Чьмки ԝана Йаһоԝа «нәгәрʹийан» у ча лазьм бу ԛьрара ԝи пенәһʹәсийан (1 Дирок 13:1-3; 15:11-13; Жьмар 4:4-6, 15; 7:1-9).
ԝ03 1/5 11 ¶13
Тӧ Ньһерʹандьна Йаһоԝа Дьгәрʹи?
13 Чахе ахьрийа-ахьрийе Леԝийа Сьндоԛа Пәймане дәрбази Оршәлиме, мала Овед-Әдом кьрьн, кʹьлама кӧ Даԝьд ньвисибу, һатә стьране. Әве кʹьламеда хәбәред дьлгәрми һәбун. Теда дьһатә готьне ԝәки гәрәке тʹьме Йаһоԝа, ԛәԝата ԝи у рʹуйе ԝи бьгәрʹьн, ӧса жи кьред ԝийә мәхсус биньн бира хԝә, һьм жи кʹәрәмәт у диԝанед ԝи бир нәкьн (1 Дирок 16:11, 12).
Хьзна Кʹьтеба Пироз
(1 Дирок 16:31) Бьла әʹзмана кʹефхԝәш бьбьн, әʹрд жи бь кʹефе бькʹәвә! У дь нава нәтәԝәйанда [мьләтада] бьла бе готьн: Хӧдан сәрԝерийе дажо!
(Марԛос 5:15-29) У һатьнә щәм Иса, дина хԝә дане, ԝе әԝ мәрьве щьнакʹәтийи кӧ кʹомәшкәрәкә щьна перʹа бу, кʹьнще ԝи ле, сәр һʹьше хԝәда һати рʹуньшти йә. Һьнге әԝ тьрсийан. 16 Әԝед кӧ әв йәк дитьбун щьмәʹтерʹа гьли кьрьн, кӧ чь һатә сәре ԝи щьнакʹәти у бәраза. 17 Һьнге ԝана рʹәща жь Иса кьр, кӧ әԝ жь тʹопраха ԝан һәрʹә. 18 Гава Иса кʹәтә ԛәйьке, әԝи кӧ щьнакʹәти бу, рʹәща же кьр, кӧ тʹәви ԝи һәрʹә. 19 Ле Иса нәһьшт у жерʹа гот: «Вәгәрʹә мала хԝә у нәфәред мала хԝәрʹа бежә, кӧ Хӧдан бона тә чь кьр у чаԝа ль тә һатә рʹәʹме». 20 Әԝ жи чу у дәстпекьр чь кӧ Иса бона ԝи кьрьбу ԛәза Декаполиседа бәла кьр у һәр кәс әʹщебмайи дьма. 21 Гава Иса диса бь ԛәйьке дәрбази ԝи бәре дьн бу, әʹлаләтәкә гьран ль дора ԝи щьвийа. Гава әԝ ль дәве голе бу, 22 йәки жь сәрԝеред кʹьниште кӧ наве ԝи Йайиро бу һатә щәм ԝи, гава ԝи Иса дит, хԝә авитә ньгед ԝи, 23 гәләк рʹәща же кьр у гот: «Ԛизька мьн ль бәр мьрьне йә. Ԝәрә у дәстед хԝә дайнә сәр ԝе, кӧ ԛәнщ бә у бьжи». 24 Иса рʹабу тʹәви ԝи чу. Әʹлаләтәкә гьран пәй ԝи дьчу у тәнгаси дьданә ԝи. 25 Ԝьр кʹӧлфәтәк жи һәбу, кӧ донздәһ сале ԝе бун, сәр хуне вәбьбу. 26 Әԝе гәләки дәсте һʹәкимада кʹьшандьбу у һʹәму һәбука хԝә хәрщ кьрьбу, ле тʹӧ чʹарә ле нәбьбу у сәрда һе хьраб бьбу. 27 Әԝе дәрһәԛа Исада бьһист, пьштева һатә нава әʹлаләте у ль кʹьнще ԝи кʹәт. 28 Чьмки әԝе дьле хԝәда дьгот: «Һәгәр әз тʹәне кʹьнще ԝи жи кʹәвьм, әзе ԛәнщ бьм». 29 У перʹа-перʹа хун же чʹькийа у тʹәхмин кьр, кӧ жь еша хԝә ԛәнщ бу.
ԝ14 15/1 10 ¶14
Пʹадше Һәр-Һәйи Йаһоԝа Бьһʹәбинә
14 Чахе Даԝьд Сьндоԛа Пәймане дәрбази Оршәлиме дькьр, Леԝийа жь шабуне кʹьлам стьран. Ве кʹьламеда те готьне, ԝәки бьра нава мьләтада бе әʹламкьрьне, кӧ Йаһоԝа буйә Пʹадша (1 Дир. 16:31). Ле пьрс пешда те: «Һәрге Йаһоԝа ӧса жи Пʹадшайе һʹәта-һʹәтайе йә, ча дькарьбу әԝ һьнге бьбуйа Пʹадша?» Йаһоԝа дьбә Пʹадша чахе һʹӧкӧме хԝәйи сәрԝертийе әʹйан дькә йан жи чахе кәсәки кʹьфш дькә сәва ԝәʹдәкида бь наве ԝи сәрԝертийе бькә, йан жи чахе дәрәщәкә конкрет сафи дькә. Әв щурʹе сәрԝертийа Йаһоԝа гәләк фәрз ә. Пешийа мьрьна Даԝьд, Йаһоԝа соз да ԝи, ԝәки пʹадшатийа ԝи ԝе һәр-һәйи бә. Әԝи готе: «Әзе пьшти тә йәки жь зӧрʹәта тә дәриньм у пʹадшатийа ԝи хӧрт [ԛәԝи] бькьм» (2 Сам. 7:12, 13, ИМ). Әв зӧрʹәт паши 1 000 сали зедәтьр пешда һат. Гәло әԝ кʹи бу у кʹәнге бу Пʹадша?
20-26 СЬБАТЕ
ФЬКЬРЕД ԚИМӘТ ЖЬ ХӘБӘРА ХԜӘДЕ |1 ДИРОК 17-19
«Ԝәʹде Дьлшкәстибуне, Шабуна Хԝә Ӧнда Нәкә»
ԝ06 15/7 19 ¶1
Дина Хԝә Бьдьнә Сәр ԚәнщийаТʹәшкиләта Йаһоԝа
НЬВИСАРЕД Ибранида Даԝьд мәрьвәки гәләк навдар ә, чьмки дәрһәԛа ԝи гәләк ньвисар ә. Әԝ шьван, сазбәнд, пʹехәмбәр у пʹадша бу. Әԝи бь тʹәмами итʹбарийа хԝә Йаһоԝа дьани. Достийа ԝийә незик тʹәви Хԝәде, әԝ һелан кьр ԝәки бона Йаһоԝа Хԝәде мале ава кә. Әв мал, демәк пʹарьстгәһ, гәрәке бьбуйа әв щи, кʹидәре кӧ Хԝәдейе рʹаст бьһʹәбандана. Даԝьд заньбу, ԝәки авакьрьна пʹарьстгәһе у һәр тьштед ԝева гьредайи, ԝе щьмәʹта Хԝәдерʹа шабунәкә мәзьн у кʹәрәма бинә. Ләма жи Даԝьд дьстьра: «Хԝәзи ль ԝи кӧ Тӧ [Йаһоԝа] дьбьжери у незики Хԝә дьки, кӧ әԝ һʹәԝшед Тәда бьминә. Әме жь хер-бәрәкʹәта Мала Тә, жь Пʹарьстгәһа Тәйә пироз тʹер бьн» (Зәбур 65:4).
ԝ21.08 22-23 ¶11
Шабуне Бьстинә жь Шьхӧлед кӧ Тӧ бона Йаһоԝа Дьки
11 Мина ве йәке, ԝе баш бә кӧ тӧ жи щабдарийед хԝә бь хирәт бини сери. Һәгәр тӧ «тʹәмамийа ԝәхте хԝә» тʹәсмили шьхӧле бәлакьрьна мьзгине дьки у шьхӧлед щьвате бь дьл у щан тини сери, тӧйе шабуне бьстини (Кʹаред Шандийа 18:5; Ибрани 10:24, 25). Хԝә рʹьнд һазьр бькә, ԝәки тӧ бькарьби щьватеда пе щабед хԝә хушк-бьра бьшьдини. Дәрсед кӧ тӧ бона щьвата «Бьжин у Хьзмәт кьн» дьстини, рʹьнд у бь хирәт һазьр кә. Һәгәр щьватеда тәрʹа шьхӧләк бе дайине, ви шьхӧли ԝәʹдәда у бь тʹәмами бинә сери. Дәрһәԛа тʹӧ шьхӧле рʹӧһʹани нәфькьрә кӧ һежа нинә ԝәхте хԝә сәр хәрщ ки. Фәрәсәтед хԝәда пешда һәрʹә у шьхӧлед хԝәда бьбә һостә (Мәтʹәлок 22:29). Чьԛас тӧйе бь шьхӧлед рʹӧһʹани у шьхӧлед щьватева мьжул би, тӧйе һе зу пешда һәрʹи у дьһа зедә шабуне бьстини (Галати 6:4). Сәрда жи, гава кәсәки дьн кʹьфшкьрьнәке дьстинә, йа кӧ тә жи дьхԝәст бьстанда, әв йәк кӧ тӧ шьхӧлед щьватева мьжул и, ԝе али тә бькә ԝәки тӧ тʹәви ԝи ша би (Рʹомайи 12:15; Галати 5:26).
Хьзна Кʹьтеба Пироз
(1 Дирок 17:16-18) У ԛьрал Даԝьд кʹәт һӧндьрʹ у ль бәр Хӧдан рʹуньшт у гот: Йа Хӧдан Хԝәде, гәло әз кʹи мә у мала мьн чь йә кӧ тә мьн ани һʹәта ве дәре? 17 У әв дь чʹәʹве тәда тьштәки бьчʹук һатә хӧйани кьрьн, йа Хԝәде! У тә дәмәки дьреж бона мала ви ԛуле хԝә гот у тә мина кӧ әз зьламәки бьльнд бьм ль мьн ньһерʹи, йа Хӧдан Хԝәде! 18 Жь бәр мәзьнтийа кӧ жь ви ԛуле тә йә, иди Даԝьд дькарә чь жь тәрʹа бежә? Жь бәр кӧ тӧ бь ви ԛуле хԝә зани.
(Марԛос 5:30-43) Иса дәстхԝәда пе һʹәсийа кӧ ԛәԝатәк же чу, нав әʹлаләтеда зьвьрʹи у пьрси: «Кʹе ль кʹьнщед мьн кʹәт?» 31 Шагьртед ԝи готьн: «Тӧ дьбини кӧ әʹлаләт тәнгасийе дьдә тә, ле тӧ дьбежи: ‹Кʹе ль мьн кʹәт?›» 32 Ле Иса дор-бәре хԝә дьньһерʹи кӧ бьбинә, кʹе әв йәк кьр. 33 Һьнге кʹӧлфәт ль хԝә һʹәсийа кӧ чь ль ԝе ԛәԝьми, бь тьрсе у ләрьзәке һат хԝә авитә бәр ԝи у һәр тьшт рʹаст гот. 34 Иса ԝерʹа гот: «Әʹвде! Баԝәрийа тә тӧ ԛәнщ кьри. Бь хер у сьламәт һәрʹә у жь еша хԝә ԛәнщ бә». 35 Иса һе хәбәр дьда, жь мала сәрԝере кʹьниште мәрьв һатьн у готьн: «Ԛиза тә мьр, иди зәʹмәте нәдә дәрсдар». 36 Ле Иса гӧһ нәда готьна ԝан, ԝи сәрәке кʹьништерʹа гот: «Нәтьрсә, тʹәне баԝәр бькә!» 37 Әԝи нәһьшт кӧ кәс пәй ԝи һәрʹә, пештьри Пәтрус, Аԛуб у Йуһʹәннайе бьре ԝи. 38 Чахе гьһиштьнә мала сәрәке кʹьниште, Иса дит ԝе һеԝәрза ԝан ә, дьгьрин у дькьнә ԛарʹә-ԛарʹ. 39 Гава әԝ кʹәтә һьндӧрʹ, ԝанрʹа гот: «Чьма һун дькьн ԛалмә-ԛалм у дьгьрин? Зарʹ нәмьрийә, ле һеньжийә». 40 Ԝана ԛәрфе хԝә пе дькьр. Ле Иса һʹәму дәрхьстьнә дәрва, де у баве ԛизьке тʹәви һәр се шагьртед хԝә һьлдан у кʹәтә щийе кӧ ԛизьк ле бу. 41 Дәсте ԛизьке гьрт у готә ԝе: «Талита ԛум!» кӧ те фәʹмкьрьне: «Ԛизьк, әз тәрʹа дьбежьм, рʹабә!» 42 Ԛизьк перʹа-перʹа рʹабу у гәрʹийа. Әԝ донздәһ сали бу. Әԝед кӧ дитьн һʹьше сәре ԝан чу. 43 Иса һʹьшк тʹәми ль ԝан кьр, кӧ ве йәке кәсирʹа нәбежьн у ԝанрʹа гот, кӧ хԝарьне бьдьнә ԝе.
ԝ20.02 12, чаргошә
Әм Йаһоԝа Баве Хԝә Гәләк Һʹьз Дькьн
Гәло Йаһоԝа Дина Хԝә Дьдә Мьн?
Ԛә пьрсәкә ӧса бал тә пешда һатийә: «Нава бь милйарда мәрьва сәр әʹрде, гәло Йаһоԝа бь рʹасти дина хԝә дьдә мьн?» Һәрге әре, һун тʹәне ниньн, бал гәләк мәрьвед ԛәнщ пьрсәкә ӧса пешда те. Даԝьд Пʹадша ньвиси: «Хӧдано! Инсан чи йә Тӧ дина Хԝә дьдейи, бәни-адәм кӧ Тӧ бона ԝи хәм дьки?» (Зәб. 144:3) Даԝьд дӧдьли нәдьбу, кӧ Йаһоԝа әԝ рʹьнд нас дькә (1 Дир. 17:16-18). Йаһоԝа бь сайа Хәбәра хԝә у тʹәшкиләта хԝә, тә жи дьдә баԝәркьрьне, ԝәки әԝ дина хԝә дьдә тә у дьвинә тӧ ча һʹьзкьрьна хԝә ԝирʹа дьди кʹьфше. Дина хԝә бьдә һьнә ван рʹезед жь Хәбәра Хԝәде, йед кӧ ԝе али тә бькьн ве йәкеда баԝәр би:
• Һәла һе тӧ нәһатьбуйи буйине жи, Йаһоԝа тӧ нас дькьри (Зәб. 139:16).
• Йаһоԝа занә дьле тәда чь йә у фькьред тә жи занә (1 Дир. 28:9).
• Йаһоԝа хԝәха һәр дӧайед тә дьбьһе (Зәб. 65:2).
• Кьред тә дькарьн дьле Йаһоԝа йан ша кьн йан жи бешиньн (Мәтʹлк. 27:11).
• Йаһоԝа хԝәха тә незики хԝә кьрийә (Йуһʹн. 6:44).
• Йаһоԝа тә ӧса рʹьнд занә, кӧ һәрге тӧ әʹмьре хԝә жи ӧнда ки, әԝе тә жь мьрьне рʹакә. Йаһоԝа ԝе бәдәна тʹәзә бьдә тә, у һʹьш-аԛьл, биранин у хәйсәт-һʹӧнӧред тә, ԝе диса ӧса бьн чаԝа иро (Йуһʹн. 11:21-26, 39-44; Кʹар. Шанд. 24:15).
27 СЬБАТЕ–5 АДАРЕ
ФЬКЬРЕД ԚИМӘТ ЖЬ ХӘБӘРА ХԜӘДЕ |1 ДИРОК 20-22
«Али Щаһьла Бькьн кӧ ӘԝанаПешда Һәрʹьн»
Әԝ Тьшт Бьсперә Мәрьвед Амьн
8 Бьхунә 1 Дирок 22:5. Даԝьд фькьри ԝәки кӧрʹе ԝи Сьлеман ԝе нькарьбә рʹебәрийа авакьрьна пʹарьстгәһе бькә, чьмки Пʹарьстгәһ гәрәке гәләк мәзьн буйа, ле Сьлеман щаһьл у нәщерʹьбанди бу. Ле йәкә Даԝьд баԝәр бу, ԝәки Йаһоԝа ԝе али кӧрʹе ԝи бькә, сәва әԝи шьхӧли бинә сери. Ләма чь дәсте Даԝьд дьһат әԝи кьр, әԝи гәләк матерйал һазьр кьр бона авакьрьне.
Әԝ Тьшт Бьсперә Мәрьвед Амьн
7 Даԝьд дьлтәнг нәбу, ԝәки ԝе пʹарьстгәһе ава нәкә у наве ԝи ԝе әʹйан нәбә кӧ әԝи пʹарьстгәһа Хԝәде ава кьр. Чахе пʹарьстгәһ ава бу, әԝ нас бу ча пʹарьстгәһа Сьлеман, нә кӧ йа Даԝьд. Даԝьд дьбәкә бәрхԝә дькʹәт, ԝәки нькарьбу нета дьле хԝә бинә сери, ле әԝи аликʹарийа мәзьн да бона авакьрьне. Әԝи сәва авакьрьне хәбатчи һазьр кьрьн, ӧса жи һʹәсьн, сьфьр, зив у зерʹ, у ӧса жи даред әʹрзе тʹоп кьр. Хенщи ве йәке, әԝи дьл да бәр кӧрʹе хԝә Сьлеман: «Ньһа кӧрʹе мьн, бьра Йаһоԝа тʹәви тә бә, у тӧ пешда һәрʹи у мала Хԝәдейе хԝә Йаһоԝа ава ки, чаԝа кӧ әԝи дәрһәԛа тә готийә» (1 Дир. 22:11, 14-16, ДТʹ).
ԝ18.03 11-12 ¶14-15
Де-Бавно, Һун Али Зарʹед Хԝә Дькьн ԝәки Бенә Ньхӧмандьне?
14 Рʹуспи дькарьн аликʹарийе бьдьнә ԝан де-бава, йед кӧ пьштгьрийа зарʹед хԝә дькьн, ԝәки нетед рʹӧһʹани дайньн пешийа хԝә. Хушкәкә мә йа кӧ 70 сала зедәтьр ча пешәнг хьзмәт дькьр, дәрһәԛа хәбәрдана хԝә тʹәви Чарзл Т. Рассел гьли кьрийә, чахе әԝ шәш сали бу. Әԝе гот: «Әԝи 15 дәԛә тʹәви мьн хәбәр дьда дәрһәԛа нетед мьнә рʹӧһʹани». Әԝ хәбәрдан гәләк сәр ԝе һʹӧкӧм бу. Бәле, гьлийед баш у дьлдайин дькарә гәләк ԝәхт бира мәрьвада бьминә (Мәтʹлк. 25:11). Щьватеда рʹуспи дькарьн де-бава у зарʹед ԝан тʹәглиф кьн, ԝәки Ода Щьватеда һәвкʹарийе бькьн. Бәʹса хәбәре, шьхӧл бьдьнә ԝан зарʹа йан жи щаһьла анәгори сал у фәрәсәтед ԝан.
15 Хушк-бьред щьватеда жи дькарьн аликʹарийе бьдьнә щаһьла. Әԝана дькарьн дина хԝә бьдьне кӧ ча щаһьл рʹӧһʹанида пешда дьчьн. Бәʹса хәбәре, чахе зарʹ сәр щьвате щаба хԝә рʹьнд дьдьн, йан жи щьватеда пе дәрсе дәрдькʹәвьн, йан жи дьбәкә мәкʹтәбеда шәʹдәтийе дьдьн, йан жи щерʹьбандьнеда амьн дьминьн, хԝә нәгьрьн у пʹайе ԝан бьдьн. Ԝе керһати бә кӧ әм нете хԝәрʹа дайньн, ԝәки пешийа йан жи паши щьвате тʹәви щаһьла хәбәр дьн. Ԝи щурʹәйи әԝана ԝе тʹәхмин кьн ԝәки пʹара «щьвата мәзьн» ьн, демәк тʹәшкиләта Хԝәде (Зәб. 35:18).
Хьзна Кʹьтеба Пироз
(1 Дирок 21:15) У Хԝәде бона кӧ Оршәлиме хәра бькә, мьлйакʹәтәке жерʹа шанд у дәма кӧ ԝи хәра дькьр, Хӧдан ньһерʹи у жь бәр асьԝе пʹошман бу у жь мьлйакʹәте хәракьррʹа гот: Бәс ә! Ньһа дәсте хԝә бькʹьшинә. У мьлйакʹәте Хӧдан ль бәр бендәрʹа Орнане Йәбуси сәкьнибу.
(Марԛос 6:1-14) Иса жь ԝьра дәркʹәт у чу щи-мьскʹәне хԝә. Шагьртед ԝи жи пәй ԝи чун. 2 Чахе рʹожа шәмийе һат, ԝи кʹьништеда дәст бь һинкьрьне кьр у гәләка кӧ бьһист зәндәгьрти мабун у дьготьн: «Әви мәрьви әв тьшт жь кʹӧ анинә? Әв чь сәрԝахти йә кӧ жерʹа һатийә дайине? У әв чь кʹәрәмәт ьн кӧ бь дәсте ԝи дьԛәԝьмьн? 3 Нә әв нәщар ә? Нә әв кӧрʹе Мәрйәме у бьре Аԛуб, Йусес, Щьһуда у Шьмһʹун ә? Нә хушкед ԝи ль вьр нав мәда нә?» Бь ви аԝайи әԝ жь ԝи чун. 4 Иса ԝанрʹа гот: «Пʹехәмбәр тʹӧ щийи нә беԛәдьр ә, пештьри нава щи-мьскʹәне хԝә, мәрьвед хԝә у мала хԝәда». 5 Әԝи ль ԝе дәре нькарьбу тʹӧ кʹәрәмәт бькьра, тʹәне дәсте хԝә дани сәр чәнд нәхԝәша у әԝ ԛәнщ кьрьн. 6 Әԝ сәр нәбаԝәрийа ԝан әʹщебмайи ма. Иса ль гӧндед дор-бәра дьгәрʹийа у һин дькьр. 7 Ԝи һәр донздәһ гази щәм хԝә кьрьн, дәстпекьр әԝ щот-щот шандьн у һʹӧкӧме ль сәр рʹӧһʹед һʹәрамрʹа да ԝан. 8 Тʹәми да ԝан у гот: «Бона рʹе, пештьри шьвдара дәсте хԝә тʹӧ тьшти хԝәрʹа һьлнәдьн: Нә нан, нә турьк у нә жи пʹәра бәр пьшта хԝәда. 9 Чарьхед хԝә бькьнә пʹийе хԝә, ле дӧ дәст кьрас хԝәрʹа һьлнәдьн». 10 Сәрда зедә кьр готә ԝан: «Әԝ мала кӧ һун бькʹәвьне, ԝе маледа жи бьминьн, һʹәта һун жь ԝи щийи дәркʹәвьн. 11 Әԝ щийед кӧ ԝә ԛәбул нәкьн у гӧһдарийа готьна ԝә нәкьн, гава һун жь ԝьр дәрен, тʹоза ньгед хԝә даԝшиньн, ԝәки ԝанарʹа бьбә шәʹдәти». 12 Әԝ жи рʹе кʹәтьн чун у даннасин дькьрьн кӧ мәрьв жь гӧнәкьрьне вәгәрʹьн. 13 Ԝана гәләк щьн дәрдьхьстьн у рʹун ль гәләк нәхԝәша дьдан у әԝ ԛәнщ дькьрьн. 14 Һеродәс пʹадша әв йәк бьһист, чьмки нав у дәнге Иса дәркʹәтьбу. Һьнәка дьгот: «Әва Йуһʹәннайе ньхӧмдар ә жь нав мьрийа рʹабуйә. Ләма жи пе ԝи кʹәрәмәт тенә кьрьне».
ԝ05 1/10 11 ¶6
Фькьред Сәрәкә жь Кʹьтеба Йәке Дирок
21:13-15. Йаһоԝа тʹәми да мәләке хԝә, ԝәки бәлабуна нәхԝәшийа кʹотибуне бьдә сәкьнандьне, чьмки зәлулийа щьмәʹта ԝи, ԝи чәтьн дьһат. Бь рʹасти жи Йаһоԝа йәки гәләк дьлшәԝат ә.