Ча Дькари Малбәта Хԝә Бәхтәԝар ки?; Пʹара 1

Әԝед кӧ тʹәзә зәԝьщи нә, дьхԝазьн ԝәки бәхтәԝари у шабуна ԝанә рʹожа дәʹԝате, һʹәта-һʹәтайе бькʹьшинә. Һәмьки әв йәк дькарә бе сери. Мәсиһийед кӧ зудава зәԝьщи нә у ширәтед Кʹьтеба Пироз дьдьнә хәбате, ве йәкеда баԝәр ьн.

1. Кʹьтеба Пироз чь ширәте дьдә мера?

Йаһоԝа мер ча сәре малбәте кʹьфш кьрийә (Бьхунә Әфәси 5:23.) Ләма жи әԝ һивийе йә, кӧ мер сафикьрьнед ӧса бькә, кʹижан кӧ малбәтерʹа кʹаре бинә. Кʹьтеба Пироз ширәтәкә ӧса дьдә мера: «Жьнед хԝә һʹьз бькьн» (Әфәси 5:25). Әв йәк чь те һʹәсабе? Мере кӧ бь һʹьзкьрьне йә, һьндава жьна хԝәда ԛәнщ ә һьм малда һьм жи бәр мәрьва. Әԝ жьна хԝә жь зийане хԝәй дькә у һәр тьшти дькә, кӧ бона һʹәԝщед ԝейә физики у емосийали хәм бькә (1 Тимотʹейо 5:8). Йа лапә фәрз әԝ ә, ԝәки мер бона һʹәԝщед рʹӧһʹани хәм бькә (Мәтта 4:4). Мәсәлә, әԝ дькарә тʹәви ԝе дӧа бькә у Кʹьтеба Пироз бьхунә. Чахе мер бь һʹьзкьрьне бона жьна хԝә хәм дькә, ӧса әԝ достийа хԝә тʹәви Йаһоԝа хԝәй дькә (Бьхунә 1 Пәтрус 3:7.)

2. Кʹьтеба Пироз чь ширәте дьдә жьна?

Кʹьтеба Пироз ширәте дьдә жьне, ԝәки әԝ «сийанәта мере хԝә бьгьрә» (Әфәси 5:33, ИМ). Әԝ ча дькарә әве йәке бькә? Мәсәлә, әԝ дькарә бьфькьрә дәрһәԛа хәйсәт-һʹӧнӧред мере хԝәйи баш у кӧ әԝ чьԛас бона ԝе у зарʹа хәм дькә. Ԛәдьре жьне һьндава мерда ԝе йәкеда жи те кʹьфше, чахе әԝ сафикьрьнед ԝида пьштгьрийа ԝи дькә, тʹәви ԝи бь нәрми хәбәр дьдә, һьм жи дәрһәԛа ԝи ԛәнщ хәбәр дьдә, һәрге жи әԝ хьзмәткʹаре Йаһоԝа нинә.

3. Мер у жьн ча дькарьн зәԝаща хԝә ԛәԝи кьн?

Дәрһәԛа жьн-мера Кʹьтеба Пироз дьбежә: «Һәр дӧ ԝе бьбьнә бәдәнәк» (Мәтта 19:5). Әв те һʹәсабе, ԝәки әԝана гәрәке мьԛабьли ԝан тьшта шәрʹ бькьн, чь кӧ дькарә һʹьзкьрьна ԝан сар кә. Ләма жи әԝана тʹьме тʹәвайи ԝәʹдә дәрбаз дькьн, дьле хԝә һәврʹа вәдькьн, у бь һʹьзкьрьне фькьр у һәстед хԝә әʹйан дькьн. Әԝана наһельн, ԝәки бона ԝан тьштәк йан кәсәк хенщи Йаһоԝа, жь һәвалзәԝаще ԝан фәрзтьр бә. Һьм жи жьн у мер гәләк фәсал ьн, сәва кӧ һәләԛәтийа незик тʹәви йәки дьн ченәкьн.

КʹУР ЛЕКОЛИН КӘ

4. Мерно, жьнед хԝә һʹьз бькьн у бона ԝан рʹьнд хәм бькьн

ВИДЕО: «Мерно, Жьнед Хԝә Ԝәкә Хԝә Һʹьз Бькьн» (9:53)

• Кʹижан һьнә дәрәщада мер дькарә бьдә кʹьфше, ԝәки жьна хԝә һʹьз дькә у бона ԝе хәм дькә?

Бьхунә Колоси 3:12, у паше әве пьрсе шеԝьр кә:

• Мер ча дькарә зәԝаща хԝәда ԝан хәйсәт-һʹӧнӧра бьдә кʹьфше?

5. Кʹӧлфәтно, меред хԝә һʹьз бькьн у ԛәдьре ԝан бьгьрьн

Кʹьтеба Пироз жьна һелан дькә, ԝәки ԛәдьре мере хԝә бьгьрьн, фьрԛи тʹӧнә мер Йаһоԝарʹа хьзмәт дькә йан на. Бьхунә 1 Пәтрус 3:1, 2, у паше ван пьрса шеԝьр кә:

• Һәрге мере тә хьзмәткʹаре Йаһоԝа нинә, бе шьк тӧ дьхԝази ԝәки әԝ Йаһоԝарʹа хьзмәт кә. Ле ча тӧ дькари али ԝи бьки? Бь тʹәхмина тә, тӧ гәрәке тʹьме ԝирʹа дәрһәԛа тьштед рʹӧһʹани хәбәр ди, йан бь рʹабун-рʹуньштьна хԝәйә баш у бь ԛәдьргьртьне ԝи бини бәрбь Йаһоԝа? Чьма ӧса дьфькьри?

Жьн у мер дькарьн тʹәвайи сафикьрьнед баш бькьн. Һәмьки щарна дьԛәԝьмә жьн һьнә пьрсада мере хԝәрʹа ԛайил нибә. Һьнге әԝ дькарә фькьред хԝә бь нәрми у ԛәдьр ԝирʹа бежә, ле гәрәке фәʹм бькә кӧ Йаһоԝа әв щабдари дайә мера, ԝәки сафи кьн бона малбәте чь дьһа баш ә. Жьн чьԛас дькарә гәрәке пьштгьрийа сафикьрьнед мере хԝә бькә. Бь ве йәке әԝ али малбәте дькә, кӧ әʹдьлайи у шабун нав ԝанда һәбә. Бьхунә 1 Пәтрус 3:3-5, у паше әве пьрсе шеԝьр кә:

• Йаһоԝа ча дьньһерʹә сәр ԝан жьна, йед кӧ ԛәдьре мере хԝә дьгьрьн?

6. Тӧ дькари проблемед зәԝаща хԝәда сафи ки

ВИДЕО: «Зәԝаща Хԝә Ԛәԝи кьн» (5:44)

• Ль гора ве видеойе, чь дьда кʹьфше кӧ жьн-мер һьндава һәвда сар бунә?

• Ԝана чь кьр, кӧ зәԝаща хԝә ԛәԝи кьн?

Бьхунә 1 Корьнтʹи 10:24 у Колоси 3:13, у паши хԝәндьна һәр рʹезәке, әве пьрсе шеԝьр кә:

• Чаԝа пеканина ве ширәте дькарә зәԝаща тә ԛәԝи кә?

Кʹьтеба Пироз дьбежә, кӧ әм гәрәке ԛәдьре һәв бьгьрьн. Әв те һʹәсабе, ԝәки һәврʹа һʹәйф у бь ԛәдьр бьн. Бьхунә Рʹомайи 12:10, у паше ван пьрса шеԝьр кә:

• Гәло жьн йан мер гәрәке һивийе бә, кӧ пешийе кʹижан жь ԝан ԛәдьр бьдә кʹьфше? Чьма тӧ ӧса дьфькьри?

ТʹӘМАМКЬРЬН

Жьн у мер дькарьн бәхтәԝар бьн, һәрге әԝана һәв һʹьз бькьн, ԛәдьре һәв бьгьрьн у принсипед Кʹьтеба Пироз бьдьнә хәбате.

Ԝәкʹьландьн

• Мер чь дькарә бькә, кӧ зәԝаща ԝан бәхтәԝар бә?

• Жьн чь дькарә бькә, кӧ зәԝаща ԝан бәхтәԝар бә?

• Һәрге тӧ зәԝащеда ни, кʹижан принсипа Кʹьтеба Пироз дькарә зәԝаща тә ԛәԝи кә?

ҺЕ ЗЕДӘ ПЕБЬҺʹӘСӘ

Пебьһʹәсә дәрһәԛа ширәтед керһати, кʹижан кӧ дькарьн али тә бькьн, ԝәки зәԝаща тә бәхтәԝар бә.

«Малбәта Ԝә Дькарә Бәхтәԝар бә» (брошур)

Бьньһерʹә видео-мьԛаме, йа кӧ дьдә кʹьфше, ԝәки пеканина ширәтед Хԝәде, ча дькарә зәԝаща тә бәхтәԝар кә.

«Һʹьзкьрьна Рʹаст» (4:26)

Пебьһʹәсә, кӧ чь те һʹәсабе, ԝәки һьндава сәритийа мере хԝә, ԛәдьр бьди кʹьфше.

«Чьрʹа Жьн Гәрәке Принсипа Сәритийе Ԛәбул кә?» («Бьрща Ԛәрәԝьлийе», 15 Гӧлане, 2010)

Чаԝа жьн-мер чәтьнайед ортʹа һәвда сафи кьрьн, һәла һе пьрса һәвԛәтандьне жи.

«Мә Зәԝаща Хԝә бь Сайа Аликʹарийа Хԝәде Ԛәԝи кьр» (5:14)