Кани бона Бәрнама Щьвине, Бьжин у Хьзмәт кьн

4-10 ИЛОНЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | ӘСТӘР 1-2

«Мина Әстәре Мьлук бьн»

ԝ17.01 25 ¶11

Ԝәʹде Чәтьнайа Шкәсти Бьминьн

¹¹ Чахе кәсәк пʹайе мә дьдә, ԝи чахи мәрʹа дькарә чәтьн бә мьлук бьминьн. Ԝәрә дина хԝә бьдьн сәрһатийа Әстәр. Әстәр гәләк бәдәԝ бу, һьн жи саләке ԛәсьреда сәр ԝе тьштед гәләк бьһа хәрщ дькьрьн у бәр ԝе дьчун-дьһатьн. Әԝ нава гәләк жьнада бу, йед кӧ жь тʹәмамийа Империйа Фарьсе бун, у йед кӧ гәләк дьхԝәстьн ԝәки пʹадша ԝан бәгәм кә. Ле пʹадша бона хԝә Әстәр бьжарт ԝәки бьбә жьн-пʹадша ԝи, у һәла һе ԝи чахи жи әԝ нәһатә гӧһастьне. Әԝ нә бу йәкә хԝәһʹьз у ԛӧрʹә, ле әԝ мьлук у нәрм ма у ӧса жи ԛәдьре мәрьва дьгьрт (Әст. 2:9, 12, 15, 17).

ia 130 ¶15

Әԝе Пьшта Щьмәʹта Хԝәде Гьрт

¹⁵ Чахе сьрийа Әстәре һат ԝәки һәрʹә щәм пʹадше, жерʹа изьн һатә дайине кӧ чь дьхԝазә хԝәрʹа һьлдә, дьԛәԝьмә бона ве йәке, кӧ хԝә бьхәмьлинә. Ле әԝе мьлукти да кʹьфше у тʹӧ тьшт һьлнәда, хенщи ве йәке, чь кӧ Һегай жерʹа готьбу (Әстәр 2:15). Ча те кʹьфше, Әстәре заньбу кӧ пе бәдәԝбуна хԝә ԝе дьле пʹадше нәкʹьрʹә. Дәԝсе, ԝе мьлукти у бәрбьһерийа ԝе, дьле пʹадше бьгьрта, чь кӧ ԛәсьреда һаԛас нәдьданә кʹьфше. Гәло Әстәр рʹаст бу?

ԝ17.01 25 ¶12

Ԝәʹде Чәтьнайа Шкәсти Бьминьн

¹² Һәрге әм мьлук ьн, кʹьнщ, хәмьландьн, у рʹабун-рʹуньштьна мә ԝе бь намуси, маԛул у бь ԛәдьр бә. Чахе әм мьлук ьн, һьнге әм дькарьн дьле мәрьва бькʹьрʹьн, нә кӧ һәрге әм хԝә ԛӧрʹә кьн йан пʹайе хԝә бьдьн. (Бьхунә 1 Пәтрус 3:3, 4; Йерәм. 9:23, 24). Чь жи әм дьле хԝәда дәрһәԛа хԝә дьфькьрьн, әԝ ԝе әʹйан бә бь кьред мә. Мәсәлә, әм дькарьн хԝә ӧса бьдьн кʹьфше, ԝәки әм шьхӧләки мәхсус дькьн, йан ԝәки әм тьштәки конфиденсийал заньн, йан жи әм рʹьнд нас дькьн бьред щабдар. Йан жи дьбәкә әм хԝә ԛӧрʹә дькьн кӧ мә хԝәха шьхӧләки мәзьн кьрийә, ле бь рʹастийе мәрьвед дьн жи али мә кьрьнә. Ле ԝәрә әм дина хԝә бьдьнә сәр мәсәла Иса. Иса тʹӧ щар хԝә нишан нәдькьр ԝәки әԝ чьԛас аԛьл у билан ә. Әԝи тʹьме гьлийед жь Хәбәра Хԝәде дьгот, чьмки әԝи нәдьхԝаст, ԝәки мәрьв ԝи рʹумәт кьн. Нета ԝи әԝ бу, ԝәки гьшк бьзаньбьн гьлийед ԝи жь Йаһоԝа нә у ԝәки мәрьв Хԝәде рʹумәт кьн (Йуһн. 8:28).

Хьзна Кʹьтеба Пироз

ԝ22.11 31 ¶3-6

Ԝә Заньбу?

Леколинкʹара ньвисарәк дитьн, йа кӧ бәʹса мерәки бь наве «Мардука» дькә (бь зьмане Кӧрманщи: Мордокаи). Әв мер ль Шушане дьбәкә ча һʹәсабкʹар дьхәбьти. Артур Ангнад, експертәки тʹәрихийе йе Рʹоһьлата Навин, гот кӧ һʹәта ԝе дәме, әв ньвисар «хенщи Кʹьтеба Пироз, канийа тʹәк бу, йа кӧ бәʹса Мордокаи дькә».

Жь ԝи чахива, зандара бь һʹәзара ньвисаред Фарьса ԝәлгәрʹандьнә. Нава ԝанда, кәвьред Пәрсәполисе һәнә, йед кӧ нава кәвьр-кӧчʹькада дитьн, кʹидәре кӧ бәре щийе хьзне бу, незики суред бажер. Әв кәвьр жь һена сәрԝертийа Ксеркс I нә, у бь зьмане Әлами нә. Ль сәр ԝан, чәнд нав һәнә, йед кӧ кʹьтеба Әстәрда ньвисар ьн.

Наве мерәки бь наве «Мардука», ль сәр чәнд кәвьред жь Пәрсәполисе кʹьфшкьри йә, йе кӧ ԝәʹде сәрԝертийа Ксеркс I ԛәсьра Шушанеда, ча ньвискʹаре пʹадше дьхәбьти. Сәр кәвьрәки те готьне кӧ «Мардука» ԝәлгәрʹ бу. Әв йәк ль гора Кʹьтеба Пироз ә. Әԝ ԛәсьра Аһашвәрош Пʹадшада (Ксеркс I) бәрдәсти бу, у әԝи һәри кем сәр дӧ зьмана хәбәр дьда. Мордокаи ль Шушане бәр дәргәһе ԛәсьра пʹадше рʹудьньшт (Әстәр 2:19, 21; 3:3). Әв дәргәһ чаԝа авайики мәзьн бу, у бәрдәстийед ԛәсьре ль ԝедәре дьхәбьтин.

Гәләк тьштед кӧ сәр кәвьра дәрһәԛа «Мардука» тенә готьне у тьштед кӧ Кʹьтеба Пироз ль сәр Мордокаи дьбежә, ԝәк һәв ьн. Әԝана ԝәʹдәкида у щикида дьжитьн, у ча һʹәсабкʹар дьхәбьтин. Демәк, әԝ һʹәму тьшт чь кӧ дәрһәԛа «Мардука» у Мордокаи те готьне, дьдьнә кʹьфше ԝәки әԝ мәрьвәк бу.

(Әстәр 2:5) Ль Суса ԛәсьрда мәрьвәки щьһу дьма, наве ԝи Мордокʹай бу, кӧрʹе Йаире, Шимийе, Кисе жь бәрәка Бьнйаминийа.

(Мәтта 1:1-24) Әв ә рʹәԛәма рʹькʹьнйата Иса Мәсиһ, рʹькʹьнйата Даԝьд, рʹькʹьнйата Бьраһим: ² Бьраһимрʹа Исһаԛ бу, Исһаԛрʹа Аԛуб бу, Аԛубрʹа Щьһуда у бьрава бун, ³ Щьһударʹа Перес у Зәра бун, (наве дийа ԝан Тʹамара бу), Пересрʹа Һәсрун бу, Һәсрунрʹа Рʹам бу, ⁴ Рʹамрʹа Аминадав бу, Аминадаврʹа Нәһшон бу, Нәһшонрʹа Сәлмон бу, ⁵ Сәлмонрʹа Боԝаз бу, (наве дийа ԝи Рʹәхаб бу), Боԝазрʹа Овед бу, (наве дийа ԝи Рʹутʹ бу), Оведрʹа Йеша бу ⁶ у Йешарʹа Даԝьд пʹадша бу. Даԝьд пʹадшарʹа Сьлеман бу, (дийа ԝи бәре кʹӧләта Урийа бу), ⁷ Сьлеманрʹа Рʹәһобоԝам бу, Рʹәһобоԝамрʹа Әбийа бу, Әбийарʹа Асаф бу, ⁸ Асафрʹа Йеһошәфат бу, Йеһошәфатрʹа Йорам бу, Йорамрʹа Узийа бу, ⁹ Узийарʹа Йотам бу, Йотамрʹа Аһаз бу, Аһазрʹа Һьзԛийа бу, ¹⁰ Һьзԛийарʹа Мьнашә бу, Мьнашәрʹа Амос бу, Амосрʹа Йошийа бу ¹¹ у Йошийарʹа Йәхонийа у бьрава бун. Ԝи чахи щьмәʹт сьргун чу Бабилоне. ¹² Ле пәй сьргунчуйина Бабилонеда, жь Йәхонийарʹа Шалтийел бу, Шалтийелрʹа Зәрубабәл бу, ¹³ Зәрубабәлрʹа Абийуд бу, Абийудрʹа Елйаԛим бу, Елйаԛимрʹа Азур бу, ¹⁴ Азуррʹа Садоԛ бу, Садоԛрʹа Ахин бу, Ахинрʹа Елйуд бу, ¹⁵ Елйудрʹа Елазар бу, Елазаррʹа Мәтан бу, Мәтанрʹа Аԛуб бу, ¹⁶ Аԛубрʹа Усьв бу, мере Мәрйәме, йа кӧ Иса жь ԝе ԝәльди, кӧ Мәсиһ те готьне. ¹⁷ Аԝа жь Бьраһим һʹәта Даԝьд чардәһ ньсьл дәрбаз бьбун, жь Даԝьд һʹәта сьргунчуйина Бабилонеда чардәһ ньсьл у жь сьргунчуйина Бабилонеда һʹәта Мәсиһ диса чардәһ ньсьл бун. ¹⁸ Буйина Иса Мәсиһ бь ви тьһәри бу. Мәрйәма дийа ԝи Усьврʹа нишанкьри бу, ле дәргистийа хԝәда Мәрйәм бь һʹӧкӧме Рʹӧһʹе Пироз һʹәмлә кʹьфш бу. ¹⁹ Ле Усьве дәргистийе ԝе кӧ мәрьвәки рʹаст бу, нәхԝәст ԝе рʹурʹәш кә, фькьри кӧ дьзива ԝе бәрʹдә. ²⁰ Чахе Усьв һе сәр ве йәке дьфькьри, мьлйакʹәтәки Хӧдан хәԝнеда ԝива хӧйа бу у готе: «Усьве кӧрʹе Даԝьд! Нәтьрсә, кӧ дәргистийа хԝә Мәрйәме бьстини. Әԝи кӧ ԝе жь ԝе бьбә, әԝ жь Рʹӧһʹе Пироз ә. ²¹ Әԝе кӧрʹәки бинә у гәрәке тӧ наве ԝи Иса дайни, чьмки әԝе щьмәʹта хԝә жь гӧнед ԝан хьлаз кә». ²² Әв һәр тьшт аһа ԛәԝьми, ԝәки әԝ готьна Хӧданә бь заре пʹехәмбәр бе сери кӧ дьбежә: ²³ «Ва ԛиза бькʹьр ԝе һʹәмлә бә, кӧрʹәке жерʹа бьбә у наве ԝи Иммануйел ԝе дайньн», кӧ те фәʹмкьрьне: «Хԝәде тʹәви мә йә». ²⁴ Гава Усьв жь хәԝе һʹьшйар бу, әԝи ль гора готьна мьлйакʹәте Хӧдан кьр, дәргистийа хԝә станд.

11-17 ИЛОНЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | ӘСТӘР 3-5

«Али Кәсед Дьн Бькьн Рʹӧһʹанида Пешда Һәрʹьн»

it-2 431 ¶7

Мордокаи

Инкʹар Дькә Сәре Хԝә Бәр Һаман дайнә. Паши ве йәке Аһашвәрош Һамане Агаги, ча сәрԝерәки мәзьн кʹьфш кьр у һʹәмуйарʹа фәрман да, кӧ гава әв дәрбаз дьбә, бәр ԝи та бьн. Ле Мордокаи тʹӧ щар бәр ԝи та нәдьбу, чьмки Щьһу бу (Әс. 3:1-4). Әв йәк гьредайи бу һәләԛәтийа Мордокаива тʹәви Йаһоԝа Хԝәде, кʹижанирʹа әԝ жь буйине, чаԝа Щьһу һатьбу тʹәсмилкьрьне. Исраеледа тьштәки нормал бу, гава мәрьв бәр кәсәки хԝәйиԛәдьр та дьбу. Мордокаи бәр Һаман та нәдьбу нә жь бо ве йәке, кӧ нәдьхԝаст ԛәдьр һьндава ԝида бьдә кʹьфше, ле мәʹни тьштәки дьн бу (2 См. 14:4; 18:28; 1 Пʹд. 1:16). Дьԛәԝьмә Һаман Амалек бу, у Йаһоԝа рʹастә-рʹаст готьбу кӧ ԝе «тʹәв Амалек ԛӧрʹнә-ԛӧрʹнә шәрʹ кә» (Дркʹ. 17:16, бьньһерʹә ҺАМАН). Сафикьрьна Мордокаи амьнийа ԝи һьндава Хԝәдева гьредайи бу, нә кӧ шьхӧле политикива.

it-2 431 ¶9

Мордокаи

Хәм Дькә кӧ Исраели Бенә Хьлазкьрьне. Чахе фәрман дәркʹәт кӧ Щьһу бенә ԛьрʹкьрьне, Мордокаи баԝәр бу, ԝәки Хԝәде ӧса кьр, кӧ Әстәр бькʹәвә ԛәсьра пʹадше, сәва кӧ Щьһу бенә хьлазкьрьне. Мордокаи готә Әстәре, кӧ щабдарикә мәзьн сәр ԝе йә, у жерʹа гот кӧ әԝ бона аликʹарийе, лавайа пʹадше бькә. Рʹаст ә жь бо ве йәке әʹмьре Әстәре дькʹәтә бьн ԛәзийе, ле йәкә әԝ ԛайил бу (Әс. 4:7–5:2).

ia 133 ¶22-23

Әԝе Пьшта Щьмәʹта Хԝәде Гьрт

²² Чахе Әстәре һивикьрьна Мордокаи бьһист, дьбәкә әԝ гәләк тьрсийа. Әв йәк бона баԝәрийа ԝе щерʹьбандьнәкә мәзьн бу. Әԝе дәрһәԛа тьрса хԝә әшкәрә готә Мордокаи. Әԝе дәрһәԛа ԛануна пʹадше ани бира Мордокаи, кӧ һәрге кәсәк бе газикьрьна пʹадша һәрʹә щәм пʹадше, әԝе бе кӧштьне. Тʹәне һәрге пʹадша шьва хԝәйә зерʹин дьрежи ԝи кәси кә, әԝе нәйе кӧштьне. Гәло паши ве йәке кӧ Ԝаштийе гӧрʹа пʹадше нәкьр, Әстәр дькарьбу баԝәр буйа кӧ пʹадша ԝе һьндава ԝеда рʹәʹм бә? Әстәре готә Мордокаи, кӧ ида 30 рʹож ә пʹадше гази ԝе нәкьрийә! Жь бо ве йәке Әстәр дькарьбу бьфькьрә, ԝәки пʹадша нахԝазә ле бьвинә у дьле ԝи сәр ԝе сар буйә (Әст. 4:9-11).

²³ Щаба Мордокаи баԝәрийа Әстәре ԛәԝи кьр. Әԝи готе кӧ һәрге әԝ тьштәки нәкә, ԝе аликʹари бона Щьһуйа жь алики дьнва бе. Ле гәло Әстәр дькарьбу баԝәр буйа, кӧ һәрге пәйкʹәтьн зедә бә жи, әԝе хьлаз бә? Ве дәрәщеда Мордокаи баԝәрикә мәзьн да кʹьфше һьндава Йаһоԝа, йе кӧ ԝе тʹӧ щар изьн нәдә, ԝәки щьмәʹта Ԝи бе ԛьрʹкьрьне у созе Ԝи нәйе сери (Йешу 23:14). Мордокаи готә Әстәре: «Кʹи занә кӧ тӧ бона рʹожа иройин нәбуйи ханьма пʹадше» (Әст. 4:12-14). Мордокаи бь тʹәмами итʹбарийа хԝә Йаһоԝа дьани. Гәло нәһежа йә кӧ әм чʹәʹв бьдьнә ԝи? (Мәтʹлк. 3:5, 6)

Хьзна Кʹьтеба Пироз

kr 160 ¶14

Һәр Тьшти Дькьн кӧ бь Азайи Хьзмәт кьн

¹⁴ Иро Шәʹдед Йаһоԝа мина Әстәре у Мордокаи һәр тьшти дькьн, кӧ бькарьбьн бь азайи Йаһоԝарʹа хьзмәт кьн, чаԝа кӧ Әԝи тʹәми дайә (Әст. 4:13-16). Гәло тӧ жи дькари ве йәкеда кʹар бьки? Бәле. Тӧ дькари сәва хушк-бьра тʹьме дӧа бьки, йед кӧ жь бо сафикьрьна диԝанейә нәрʹаст дьчәрчьрьн. Дӧайед ӧса аликʹарикә гәләк мәзьн ә бона ԝан хушк-бьра, йед кӧ рʹасти пәйкʹәтьна тен (Бьхунә Аԛуб 5:16). Гәло Йаһоԝа щаба дӧайед ӧса дьдә? Бәле, әм гәләк щар шьхӧлед диԝанеда сәрдькʹәвьн, у әв йәк избат дькә, кӧ Йаһоԝа дӧайед мә дьбьһе! (Ибрн. 13:18, 19)

(Әстәр 4:12-16) Готьнед Әстәре гиһандьнә Мордокʹай. ¹³ Мордокʹай щаб ль сәр Әстәреда шанд у готе: «Нәфькьрә кӧ тӧ мала пʹадшеда йи, жь һʹәму щьһуйа те тʹәне хьлаз би. ¹⁴ Аԝа һәгәр тӧ ви ԝәхтида хԝә кәрʹ ки, ԝе жь щики дьн кʹомәк у азади бьгьһижә щьһуйа, ле тӧ у мала баве хԝәва һуне ӧнда бьн, кʹи занә кӧ тӧ бона рʹожа иройин нәбуйи ханьма пʹадше». ¹⁵ Һьнге Әстәре щаб сәр Мордокʹайда шанд у готе: ¹⁶ «Һәрʹә һʹәму щьһуйед кӧ Сусайеда дьминьн тʹоп кә у бона мьн рʹожи бьгьрьн, се рʹожа нә шәв нә рʹож, нә бьхԝьн нә вәхԝьн. Әзе жи ӧса тʹәви щарийед хԝә рʹожи бьгьрьм у сәр ԛанунерʹа дәрбаз бьм, бькʹәвьмә щәм пʹадше, һәгәр бьмьрьм жи бьра бьмьрьм».

(Мәтта 2:1-15) Гава Иса Бәйтләһʹма Щьһустанеда, рʹожед пʹадшатийа Һеродәсда бу, һьнге чәнд стәйрнас жь рʹоһьлате һатьнә Оршәлиме ² у готьн: «Кʹане Пʹадше щьһуйайи кӧ гәрәке бьбуйа? Мә стәйрка ԝи ль рʹоһьлате дит у әм һатьнә, кӧ сәре хԝә ль бәр ԝи дайньн». ³ Гава Һеродәс пʹадша әв йәк бьһист, тʹәвиһәв бу у тʹәмамийа Оршәлиме жи перʹа. ⁴ Һьнге әԝи һʹәму ԛанунзанед щьмәʹте у сәрәкед кʹаһина щьвандьн у жь ԝан пьрси: «Кʹидәре гәрәке Мәсиһ бьбә?» ⁵ Ԝана жерʹа гот: «Бәйтләһʹма Щьһустанеда, чьмки бь дәсте пʹехәмбәра аһа ньвисар ә: ⁶ ‹Йа Бәйтләһʹма ԝәлате Щьһуда, тӧ ль нав сәрԝеред Щьһудайеда нә йе һәри бьчʹук и, чьмки сәрԝерәке жь тә рʹабә, кӧ шьвантийе щьмәʹта мьн Исраеле бькә›». ⁷ Һьнге Һеродәс дьзива гази стәйрнаса кьр у ԝәхте хӧйабуна стәйрке жь ԝан пе һʹәсийа. ⁸ Паше әԝ шандьнә Бәйтләһʹме у гот: «Һәрʹьн бона кӧрʹьк әʹсәйи пе бьһʹәсьн. Чахе кӧ һун ԝи бьбиньн, мьнрʹа бежьн, кӧ әз жи бем сәре хԝә ль бәр дайньм». ⁹ Гава ԝана әв тьшт жь пʹадше бьһист, чун. У әԝ стәйрка кӧ ль рʹоһьлате дитьбун пешийа ԝан чу, һʹәта сәр ԝи щийе кʹӧ кӧрʹьк ле бу сәкьни. ¹⁰ Гава ԝана әԝ стәйрк дит, гәләки әшԛ у ша бун, ¹¹ чунә һьндӧрʹ, кӧрʹьк тʹәви дийа ԝи Мәрйәме дитьн, ль бәр ԝи дәвәрʹу чун, сәре хԝә ль бәр данин у хьзнед хԝә вәкьрьн, пʹешкʹешед зерʹ, бьхуре әʹрәби у зьмьр данә ԝи. ¹² Ле ԝан хәԝнеда әʹмьр станд, кӧ вәнәгәрʹьнә щәм Һеродәс, әԝ иди рʹекә дьнва чунә ԝәлате хԝә. ¹³ Гава кӧ әԝ жь ԝьр чун, мьлйакʹәтәки Хӧдан хәԝнеда Усьвва хӧйа бу у готе: «Рʹабә кӧрʹьк у дийа ԝи һьлдә бьрʹәвә Мьсьре. Ль ԝьр бьминә һʹәта кӧ әз тәрʹа бежьм, чьмки Һеродәсе кӧрʹьк бьгәрʹә, кӧ ԝи бькӧжә». ¹⁴ Усьв жи рʹабу кӧрʹьк у дийа ԝи һьлдан, шәв чунә Мьсьре ¹⁵ у һʹәта мьрьна Һеродәс әԝана ль ԝьр ман. Әв йәк аһа бу, кӧ әԝ готьна Хӧданә бь заре пʹехәмбәр һатьбу готьне бе сери: «Мьн жь Мьсьре гази кӧрʹе хԝә кьр».

18-24 ИЛОНЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | ӘСТӘР 6-8

«Мәсәләкә Баш Хәбәрданеда»

ia 140 ¶15-16

Әстәре Билани у Мерхаси Да Кʹьфше у Һазьр бу Әʹмьре Хԝә Бькә Бьн Ԛәзийе

¹⁵ Бь сайа ве йәке кӧ Әстәре сәбьр да кʹьфше у ләз нәкʹәт хԝәстьна хԝә пʹадшерʹа бежә, тьштед ӧса ԛәԝьмин кӧ Һаман һатә щәзакьрьне. Ча те кʹьфше жь Йаһоԝа бу, ԝәки ве шәве хәԝ нәдькʹәтә чʹәʹве пʹадше (Мәтʹлк. 21:1). Ләма жи Хәбәра Хԝәде мә һелан дькә, кӧ бь сәбьр һивийа Хԝәде бьн (Бьхунә Миха 7:7). Гава әм һивийа Йаһоԝа нә, Әԝе бь щурʹе лапи баш проблемед мә сафи кә, нә кӧ әм хԝәха.

Әԝе бь Мерхаси Хәбәр да

¹⁶ Әстәре сафи кьр ԝәки ида дьреж нәкә у рʹожа дӧда ԝәʹде кʹефкьрьне һәр тьшти пʹадшерʹа гьли кә. Гәло чаԝа? Гава пʹадша хԝәха ле пьрси, кӧ хԝәстьна ԝе чь йә, һьнге мәщал жерʹа вәбу хԝәстьна хԝә жерʹа бежә (Әст. 7:2). «Ԝәхта готьне» һат кӧ Әстәр хәбәр дә.

ia 140 ¶17

Әстәре Билани у Мерхаси Да Кʹьфше у Һазьр бу Әʹмьре Хԝә Бькә Бьн Ԛәзийе

¹⁷ Әм дькарьн бьдьнә бәр чʹәʹве хԝә, кӧ ча Әстәре кьн Хԝәдерʹа дӧа кьр у паше готә пʹадше: «Һәгәр мьн ль бәр чʹәʹве тә кʹәрәм дитийә, пʹадшайи хԝәш бә у һәгәр хԝәстьна мьн ль пʹадше хԝәш те, бьра әʹмьре мьн ль мьн бе пʹешкʹешкьрьне у жь бәр һивикьрьна мьнва жи, мьләте мьн!» (Әст. 7:3). Дина хԝә бьдьне, кӧ Әстәре бь ве хәбәрдана хԝә, пʹадшерʹа да кʹьфше, ԝәки ԛәдьре сафикьрьнед ԝи дьгьрә. Дә бьдьнә бәр чʹәʹве хԝә, кӧ Әстәр чьԛас жь кʹӧлфәта пʹадшейә пешьн, Ԝаштийе, щӧдә дьбу, йа кӧ бь һʹәмде хԝә мере хԝә ньмьз кьр! (Әст. 1:10-12) Хенщи ве йәке, Әстәре нәда рʹуйе мере хԝә, кӧ әԝи итʹбарийа хԝә Һаман дьани. Ле әԝе тʹәне лавайа пʹадше дькьр, ԝәки әʹмьре ԝе хьлаз кә.

ia 141 ¶18-19

Әстәре Билани у Мерхаси Да Кʹьфше у Һазьр бу Әʹмьре Хԝә Бькә Бьн Ԛәзийе

¹⁸ Һивикьрьна Әстәре пʹадша тʹәвльһәв кьр. Кʹе изьн дайә хԝә әʹмьре жьн-пʹадше бькә бьн ԛәзийе? Әстәре гот: «Әз мьләте хԝәва ԛьрʹкьрьн, кӧштьн у ӧндакьрьнерʹа һатьнә фьротане. Һәгәр әм чаԝа хӧлам у хӧ-ламок һатьбуна фьротане, мьне ԛәт дәнг нәкьра, ле бәле нәйар нькарә зийана пʹадше ле вәгәрʹинә» (Әст. 7:4). Дина хԝә бьдьне, кӧ Әстәре рʹастә-рʹаст дәрһәԛа проблеме гот, у ӧса жи сәрда зедә кьр, кӧ һәрге әԝ у щьмәʹта ԝе чаԝа дил бьһатана фьротане, ԝе дәнге хԝә нәкьра. Чьмки ԛьркьрьна тʹәмамийа щьмәʹте ԝе зийанәкә мәзьн бьда пʹадше, ләма жи әԝе хԝә кәрʹ нәкьр.

¹⁹ Мәсәла Әстәре мә һин дькә, кӧ ча бь һостәти мәрьва бьдьнә баԝәркьрьне. Һәрге ԝәрʹа лазьм бә дәрһәԛа проблема хԝә мәрьве хԝәйи незикрʹа, йан жи кәсәки хԝәйиһʹӧкӧмрʹа гьли кьн, ԝи чахи сәбьр, ԛәдьргьртьн у дьлсахи ԝе али ԝә бькә (Мәтʹлк. 16:21, 23).

Хьзна Кʹьтеба Пироз

ԝ06 1/3 11 ¶1

Фькьред Сәрәкә жь Кʹьтеба Әстәр

7:4—Ԛьрʹкьрьна Щьһуйа ԝе ча зьрар бьда пʹадше? Чахе Әстәре бь нәрми гот, кӧ һәрге әԝ чаԝа дил бьһатана фьротане, бь ве йәке әԝе да кʹьфше, кӧ пʹадша ԝе чь зьрар бьстанда, һәрге ԛьрʹа Щьһуйа бьанийана. Әԝ 10 000 тәлант зив, кӧ Һаман соз дабу, тьштәк нибу һьмбәри ԝан пʹәра, кʹижан кӧ Һаман дькарьбу бона хьзна пʹадше ԛазанщ кьра, һәрге Щьһу чаԝа дил бьһатана фьротане. Хенщи ве йәке, һәрге әԝ нета Һаманә хьраб бьһата сери, пʹадша дькарьбу Әстәр жи ӧнда кьра.

(Әстәр 7:4) Чьмки әз мьләте хԝәва ԛьрʹкьрьн, кӧштьн у ӧндакьрьнерʹа һатьнә фьротане. Һәгәр әм чаԝа хӧлам у хӧ-ламок һатьбуна фьротане, мьне ԛәт дәнг нәкьра, ле бәле нәйар нькарә зийана пʹадше ле вәгәрʹинә.

(Мәтта 3:1-14) Ԝан рʹожада Йуһʹәннайе ньхӧмдар рʹабу нава бәрʹийа Щьһустане даннасин кьр ² у дьгот: «Жь гӧнәкьрьне вәгәрʹьн, чьмки Пʹадшатийа Әʹзмана незик буйә». ³ Йуһʹәнна әԝ бу, бона кʹижани Ишайа пʹехәмбәр готьбу: «Дәнгәк бәрʹийеда дькә гази: ‹Рʹийа Хӧдан һазьр бькьн у шьвәрʹийед ԝи рʹаст бькьн›». ⁴ Кʹьнще Йуһʹәнна жь пьрʹчʹа дәве бу у ԛайишәкә чʹәрм ль пьште бу. Хԝарьна ԝи жи кӧли у һьнгьве чоле бу. ⁵ Һьнге щьмәʹта Оршәлим у тʹәмамийа Щьһустане у һʹәму алийед чʹәме Урдӧне дьһатьнә щәм ԝи, ⁶ гӧнед хԝә дьданә рʹуйе хԝә у жь ԝи ль нав чʹәме Урдӧне дьһатьнә ньхӧмандьне. ⁷ Гава Йуһʹәнна дит кӧ жь ферьси у садуԛийа жи гәләк һатьнә ԝәки бенә ньхӧмандьне, әԝи готә ԝан: «Чʹежькед мәʹра! Кʹе ԝәрʹа гот, кӧ һун жь хәзәба те бьрʹәвьн? ⁸ Дә бь кьред ԛәнщ бьдьнә кʹьфше, кӧ һун жь гӧнәкьрьне вәгәрʹийанә. ⁹ У нав хԝәда нәфькьрьн нәбежьн: ‹Бьраһим баве мә йә›. Әз ԝәрʹа дьбежьм, кӧ Хԝәде жь ван кәвьра жи дькарә зарʹа Бьраһимрʹа дәрхә. ¹⁰ Ва йә балтʹә ль сәр рʹаԝе даре йә. Һәр дара кӧ бәре ԛәнщ нәйнә, ԝе бе бьрʹине у авитьне нава егьр. ¹¹ Әз ԝә бона гӧнәвәгәрʹандьне бь аве дьньхӧминьм, ле йәки жь мьн ԛәԝаттьр ԝе бе. Әз нә һежа мә чарьхе ԝи жи бьгьрьмә дәсте хԝә. Әԝе ԝә пе Рʹӧһʹе Пироз у егьр бьньхӧминә. ¹² Мәлһʹәба ԝи дәсте ԝида йә. Әԝе бедәра хԝә паԛьж кә, гәньме хԝә бькә әʹмбаре, ле кайе ԝе бь агьре кӧ натәмьрә бьшәԝьтинә». ¹³ Һьнге Иса жь Щәлиле һатә Урдӧне, щәм Йуһʹәнна, кӧ жь ԝи бе ньхӧмандьне. ¹⁴ Ле Йуһʹәнна бона ве йәке ԝирʹа ԛайл нәдьбу у готә ԝи: «Әз һʹәԝщә мә кӧ бь дәсте тә бемә ньхӧмандьне у тӧ тейи щәм мьн?»

25 ИЛОНЕ–1 ЩОТМӘҺЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | ӘСТӘР 9-10

«Әԝи Һʹӧкӧме Хԝә бона Кʹара Хԝә Нәдьда Хәбате»

it-2 432 ¶2

Мордокаи

Мордокаи дәԝса Һаман гьрт у гӧстила пʹадшейә бь мор станд, пе кʹижане һʹәму документ дьһатьнә моркьрьне. Аһашвәрош пʹадша мал-мьлкʹе Һаман да Әстәре, әԝе жи әв һәр тьшт тʹәсмили Мордокаи кьр. Мордокаи бь изьна пʹадше фәрман дәрхьст, бь сайа кʹижани изьна Щьһуйа һәбу бь ԛануни хԝә бьпарезьн. Бона Щьһуйа дәма шабун у азайе дәстпебу. Гәләк бьнәлийед империйа Фарьса, религийа Щьһуйа ԛәбул кьрьн. У 13 Адаре, рʹожа кӧ һатьбу кʹьфшкьрьне ԝәки һʹәму Щьһу бенә ԛьрʹкьрьне, Щьһу бь чʹәк һазьр бун, ԝәки хԝә хԝәй кьн. Жь тьрса Мордокаи кӧ бьбу сәрԝер, һʹәму ԝәли у ԝәзиред пʹадше, пьшта Щьһуйа гьртьн. Шәһәре Шушанеда фәрмана Мордокаи, рʹожәке жи һатә дьреж кьрьне. Нав тʹәмамийа Империйа Фарьсада, Щьһуйа 75 000 дьжмьн кӧштьн, нава кʹижанада дәһ кӧрʹед Һаман бун жи (Әс. 8:1–9:18). Мордокаи фәрман да, Әстәре жи пьштгьрийа ԝи кьр, ԝәки һәр сал 14 у 15 Адаре щәжьна Пуриме дәрбаз кьн. Ԝан рʹожа ԝана кʹеф дькьр, меванһʹьзи дьданә кʹьфше у али кʹәсиба дькьрьн. Щьһуйа әв щәжьн ԛәбул кьрьн у тʹәми данә зӧрʹәта хԝә, ԝәки әԝана у йед кӧ тʹәви ԝан бьбьнә йәк, тʹьме әве щәжьне дәрбаз кьн. Ԝәлетда Мордокаи мәрьве дӧда бу, у Щьһуйа гәләк ԛәдьре ԝи дьгьрт, чьмки әԝи һәр тьшт бона кʹара ԝан дькьр (Әс. 9:19-22, 27-32; 10:2, 3).

it-2 716 ¶5

Пурим

Нет. Һьнә мәрьв дьбежьн, ԝәки щәжьна Пуримеда, йа кӧ рʹожа иройин Щьһу дәрбаз дькьн, гәләк тьштед модерн зедә кьрьнә у ида найе кʹьфше кӧ әԝ щәжьна религи йә, ле бь рʹасти бәре ӧса нибу. Мордокаи у Әстәр хьзмәткʹаред Хԝәдейе рʹаст бун, у әԝ щәжьн һатьбу сазкьрьне, ԝәки наве Хԝәде рʹумәт кьн. Әʹмьре Щьһуйа кʹәтә бьн хофе, чьмки Мордокаи Йаһоԝарʹа амьн бу, ләма жи Йаһоԝа әԝана хьлаз кьрьн. Ча те кʹьфше Һаман Амалек бу, демәк жь ԝе щьмәʹте бу, кʹижан кӧ жь Йаһоԝа һатьбу ньфьрʹкьрьне у гәрәке бьһата ԛьрʹкьрьне. Мордокаи ԛәдьре тʹәмийа Хԝәде дьгьрт, ләма жи бәр Һаман та нәбу (Әс. 3:2, 5; Дркʹ. 17:14-16). Хенщи ве йәке, жь гьлийед Мордокаи кӧ әԝи готә Әстәре (Әс. 4:14), те кʹьфше ԝәки әԝ баԝәр бу, кӧ Хԝәде ԝе Щьһуйа хьлаз кә. Әстәр жи пешийа кӧ бона һивикьрьна хԝә бьчуйа щәм пʹадше у ԝи тʹәглифи сәр кʹефе кьра, рʹожи дьгьрт. Әв йәк дьдә кʹьфше, ԝәки әԝе аликʹари жь Йаһоԝа дьхԝәст (Әс. 4:16).

cl 101-102 ¶12-13

Гава Һун Ԛәԝате Дьдьнә Хәбате, «Чʹәʹв Бьдьнә Хԝәде»

¹² Йаһоԝа тʹәми дайә рʹуспийа, ԝәки рʹебәрийа щьвате бькьн (Ибрани 13:17). Әԝ бьред рʹӧһʹанида щерʹьбанди, гәрәке һʹӧкӧме кӧ Хԝәде дайә ԝан, сәва ве йәке бьдьнә хәбате, ԝәки бона щьвате хәм бькьн. Гәло әԝ йәк те һʹәсабе ԝәки рʹуспи гәрәке сәр хушк-бьра һʹӧкӧм кьн? На! Рʹуспи гәрәке бь мьлукти һьндава ве щабдарийе ньһерʹандьна рʹаст хԝәй кьн (1 Пәтрус 5:2, 3). Кʹьтеба Пирозда бона рʹуспийа ӧса те готьне: «Шьвантийа щьвина баԝәрмәндед Хԝәде бькьн йа кӧ ԝи бь хуна Кӧрʹе хԝә бь дәст хьстийә» (Кʹаред Шандийа 20:28, ИМ). Әв мәʹникә гәләк фәрз ә, ԝәки щьватеда һьндава һʹәмуйада нәрм у мәʹрифәт бьн.

¹³ Мәсәлә, һәвале тәйи незик тьштәки кӧ ԝирʹа гәләк ԛимәт ә, тʹәсмили тә бькә у тәрʹа бежә кӧ ле бьби хԝәйи. Тӧ зани ԝәки әԝи гәләк бьһа әв тьшт кʹьрʹийә. Гәло тӧйе ча лазьм ә ви тьшти нәби хԝәйи? Һәма бь ви щурʹәйи Хԝәде тьштәки кӧ бона ԝи гәләк ԛимәт ә, тʹәсмили рʹуспийа кьрийә, әв һәйә щьват, әндәмед кʹижани бәрамбәри бәрха дьбьн (Йуһʹн. 21:16, 17). Йаһоԝа бәрхед хԝә ӧса ԛимәт дькә, кӧ пе хуна Кӧрʹе хԝәйи тайе тʹәне Иса Мәсиһ, кʹьрʹийә. Әв ԛимәта лапә мәзьн ә, кӧ Йаһоԝа дайә. Рʹуспийед мьлук ве йәке бир накьн у ча лазьм ә мьԛати бәрхе ԝи дьбьн.

Хьзна Кʹьтеба Пироз

ԝ06 1/3 11 ¶4

Фькьред Сәрәкә жь Кʹьтеба Әстәр

9:10, 15, 16—Чьрʹа Щьһуйа «дәст нәавитьн тʹалане», һәрге ль гора фәрмана пʹадше ԝана дькарьбу әв йәк бькьра? Әв әшкәрә нишан дькә, ԝәки нета ԝан әв нибу кӧ тьштәки ԛазанщ кьн, ле әв бу кӧ хԝә бьпарезьн.

(Әстәр 9:15, 16) Щьһуйед Сусайеда чардәһе мәһа Адаре жи щьвийан у Сусайеда сесьд мәри кӧштьн, ле дәст нә-данә һәбука ԝан. ¹⁶ Щьһуйед майийә ԛәзайед пʹадшеда жи щьви-йан, пьшт данә пьшта һәв, кӧ хԝә хԝәй кьн у жь дьжмьна рʹьһʹәт бун, жь нәйаред хԝә һʹәфте пенщ һʹәзар мәри кӧштьн, ле дәст нәданә һәбука ԝан.

(Мәтта 4:1-15) Һьнге Рʹӧһʹ Иса бьрә бәрʹийе, кӧ жь Мирещьн бе щерʹьбандьне. ² Әԝи чьл рʹож у чьл шәви рʹожи гьрт, пәйрʹа бьрʹчи бу. ³ Йе кӧ дьщерʹьбинә незики ԝи бу у готе: «Һәгәр тӧ Кӧрʹе Хԝәде йи, дә бежә ван кәвьра кӧ бьбьнә нан». ⁴ Ле Иса ле вәгәрʹанд у готе: «Ньвисар ә: ‹Инсан тʹәне бь нен нажи, ле бь һәр хәбәра кӧ жь дәве Хԝәде дәрдькʹәвә›». ⁵ Һьнге Мирещьн әԝ бьрә Бажаре Пироз, сәр бьльндщийа бане пʹарьстгәһе да сәкьнандьне ⁶ у готә ԝи: «Һәгәр тӧ Кӧрʹе Хԝәде йи, дә хԝә бавежә хԝаре, чьмки ньвисар ә: ‹Хԝәде ԝе тʹәмийа тә бьдә мьлйакʹәтед хԝә у ԝе тә сәр дәсте хԝә бьгьрьн, ԝәки ньге тә кәвьр нәкʹәвә›». ⁷ Иса готе: «Әв жи ньвисар ә: ‹Хӧдан Хԝәдейе хԝә нәщерʹьбинә›». ⁸ Һьнге Мирещьн әԝ бьр рʹакьрә сәр чʹийаки гәләки бьльнд у һʹәму пʹадшатийед дьнйайе, рʹәԝша ԝанва нишани ԝи дан ⁹ у готә ԝи: «Һәгәр тӧ дәвәрʹуйа бейи, сәре хԝә ль бәр мьн дайни, әзе ван һʹәмуйа бьдьмә тә». ¹⁰ Һьнге Иса готе: «Дури мьн һәрʹә, Щьно! Чьмки ньвисар ә: ‹Сәре хԝә ль бәр Хӧдан Хԝәдейе хԝә дайнә у тʹәне ԝи бьһʹәбинә!›» ¹¹ Ԝи чахи Мирещьн әԝ һьшт чу у мьлйакʹәт һатьн жерʹа бәрдәсти кьрьн. ¹² Гава Иса бьһист, ԝәки Йуһʹәнна һатә гьртьне, әԝ рʹабу чу Щәлиле. ¹³ Әԝи Ньсрәт һьшт, чу Кәфәрнаһума дәве гола Щәлиле, ль нав синоре Зәбулоне у Нәфтәлийе щиԝар бу. ¹⁴ Әв йәк аһа бу, кӧ әԝ готьна бь заре Ишайа пʹехәмбәр бе сери: ¹⁵ «Ԝәлате Зәбулоне у ԝәлате Нәфтәлийе, ль сәр рʹийа бәрбь голе, ԝи алийе Урдӧне, Щәлила нәщьһуйа,

2-8 ЩОТМӘҺЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | ИБО 1-3

«Бәрдәԝам кә Һʹьзкьрьна Мәзьн Һьндава Йаһоԝа Бьдә Кʹьфше»

ԝ18.02 6 ¶16-17

Чʹәʹв Бьдьнә Баԝәри у Гӧһдарийа Нӧһ, Данийел, у Ибо

¹⁶ Ибо рʹасти кʹижан тәнгасийа һат? Әʹмьре хԝәда Ибо рʹасти тәнгасийед гәләк гьран һат. Пешийа ԝан тәнгасийа, әԝ «жь һʹәмуйа лаԝед Рʹожһьлате . . . йе һәри мәзьн бу» (Иб. 1:3). Әԝ дәԝләти, навдар, у гәләк хԝәйиԛәдьр бу (Иб. 29:7-16). Ле йәкә әԝ тʹӧ щар ԛӧрʹә нәбу у пьшта хԝә нәда Хԝәде. Йаһоԝа ԝи нав кьр хьзмәткʹаре «мьн», у паши ԝан гьлийа әԝи дәрһәԛа Ибо гот: «[Әԝ] зьламе рʹаст у кʹамьл; жь Хԝәде дьтьрсә у жь хьрабийе хԝә вәдькʹишинә» (Иб. 1:8).

¹⁷ Ле ԝәхтәки гәләк кьнда, әʹмьре Ибо лаптә һатә гӧһастьне. Әԝи һʹәму тьшт ӧнда кьр, у ӧса дьлтәнг бьбу кӧ мьрьн хԝәрʹа дьхԝәст. Әм заньн мәʹнийа кӧл-дәрдед ԝи Шәйтʹане бӧхданбеж бу, йе кӧ шәрʹ авитә Ибо йанчь әԝ бона кʹара хԝә Хԝәде дьһʹәбинә. (Бьхунә Ибо 1:9, 10.) Йаһоԝа әв йәк пьшт гӧһе хԝәва нәавит. Ле әԝи мәщал да Ибо, сәва әԝ амьнийа хԝә жерʹа избат кә, у нишан кә ԝәки әԝ бь дьле тʹәмьз у жь һʹьзкьрьне Хԝәде дьһʹәбинә.

ԝ19.02 5 ¶10

Беԛьсуртийа Хԝә Хԝәй кьн!

¹⁰ Шәйтʹан әԝан бӧхдана давежә һәр кәси. Ле чь щурʹәйи? Әԝ дьбежә ԝәки һун бь рʹасти Йаһоԝа Хԝәде һʹьз накьн, һуне тәнгасийада жерʹа хьзмәт нәкьн, у кӧ беԛьсуртийа ԝә ԛәлп ә (Иб. 2:4, 5; Әʹйан. 12:10). Һун чь сәр хԝә тʹәхмин дькьн жь бо ван бӧхдана? Әԝ йәк дьле ԝә дешинә, ӧса нинә? Ле һәла бьфькьрьн дәрһәԛа ве йәке: Йаһоԝа ӧса итʹбарийа хԝә ԝә тинә, кӧ мәщаләкә мәхсус дьдә ԝә. Әԝ дьһелә ԝәки Шәйтʹан беԛьсуртийа ԝә бьщерʹьбинә. Ле Йаһоԝа дӧдьли набә кӧ һун дькарьн беԛьсуртийа хԝә хԝәй кьн, у избат кьн кӧ Шәйтʹан дәрәԝин ә. У Йаһоԝа соз дьдә, кӧ ве йәкеда ԝе али ԝә бькә (Ибрн. 13:6). Бьдьнә һʹәсабе хԝә әԝ ԛәдьрәки чьԛас мәзьн ә, кӧ Хԝәйе тʹәмамийа гәрдуне итʹбарийа хԝә мә тинә! Һун дьвиньн чьԛас фәрз ә беԛьсур бьн? Чахе әм беԛьсур дьминьн, әм әшкәрә дькьн кӧ Шәйтʹан дәрәԝин ә у әм наве Баве хԝәйи ԛәнщ пироз дькьн у пьштгьрийа щурʹе сәрԝертийа ԝи дькьн. Ле чь али мә дькә, ԝәки әԝи һʹӧнӧри ӧнда нәкьн?

Хьзна Кʹьтеба Пироз

ԝ21.04 11 ¶9

Жь Готьнед Хьлазийе йед Иса Дәрса Һин бә

⁹ Иса Мәсиһ чь гот? Дәмәкә кьн пешийа мьрьна хԝә, әԝи ӧса гот: «Хԝәдейе мьн, Хԝәдейе мьн, тә чьма әз һьштьм?» (Мәтта 27:46). Кʹьтеба Пироз рʹастә-рʹаст зәлал накә кӧ әԝи чьма ӧса гот. Диса жи, әм дькарьн жь ван готьна һьнә тьшта һин бьн. Мәсәлә, бь ван гьлийа, Иса Мәсиһ пʹехәмбәртийа жь Зәбур 22:1 ани сери. Ӧса жи, әв гьли нишан дькьн кӧ Йаһоԝа ль дәр-дора Кӧрʹе хԝә ‹чәпәр нәзьвьранд› (Ибо 1:10). Иса фәʹм дькьр кӧ Баве ԝи әԝ бь тʹәмами тʹәсмили дьжмьна кьрьбу, ԝәки әԝ бькарьбә һʹәта мьрьне бе щерʹьбандьн. Тʹӧ кәсәки дьн мина ԝи нәһатийә щерʹьбандьн. Хенщи ве йәке, ван готьна нишан дькьр кӧ Иса Мәсиһ бесущ бу у һежайи мьрьне нибу.

(Ибо 1:10) Ма тә ль дора ԝи, ль дора мала ԝи у ль дора һәр тьштед ԝи йед һәнә, чәпәре нәзьвьрʹанд? Тә бәрәкʹәте да кʹаре дәстед ԝи у малед ԝи, ль ԝәлат зедә бун.

(Мәтта 5:1-15) Чахе Иса әʹлаләт дит, һьлкʹьшийа чʹийе, рʹуньшт у шагьртед ԝи һатьнә щәм ԝи. ² Әԝи дәст бь һинкьрьна хԝә кьр у ԝанрʹа гот: Даннасинийа сәре чʹийе ³ «Хԝәзи ль рʹӧһʹфәԛира, чьмки Пʹадшатийа Әʹзмана йа ԝан ә. ⁴ Хԝәзи ль һʹәзнийа, чьмки бәр дьлед ԝанда ԝе бе һатьне. ⁵ Хԝәзи ль шкәстийа, чьмки дьнйайе пʹара ԝан бә. ⁶ Хԝәзи ль ԝан, кӧ тʹи у бьрʹчийе рʹастиԛәдандьне нә, чьмки әԝе тʹер бьн. ⁷ Хԝәзи ль дьлрʹәʹма, чьмки әԝе рʹәʹме бьбиньн. ⁸ Хԝәзи ль дьлпаԛьжа, чьмки әԝе Хԝәде бьбиньн. ⁹ Хԝәзи ль ԝан, кӧ әʹдьлайийе дькьн, чьмки әԝе зарʹед Хԝәде бенә һʹәсабе. ¹⁰ Хԝәзи ль ԝан, кӧ бона рʹастиԛәдандьне тенә зерандьне, чьмки Пʹадшатийа Әʹзмана йа ԝан ә. ¹¹ Хԝәзи ль ԝә, гава бона наве мьн ԝә беһӧрмәт кьн, бьзериньн у һәр щурʹә бӧхдан ль ԝә бькьн. ¹² Әшԛ у ша бьн, чьмки һәԛе ԝә ль әʹзмана гәләк ә. Бь ви щурʹәйи пʹехәмбәред кӧ бәри ԝә һәбун, зерандьн. ¹³ Һун хԝейа әʹрде нә. Ле һәгәр хԝе тәʹма хԝә ӧнда кә, паше әԝе бь чь тәʹме бьстинә? Иди ԝе кери тьштәки нәйе. Ԝе бьгьрьн бавежьнә нав дәст-пʹийа. ¹⁴ Һун рʹонайа дьнйайе нә. Һәгәр бажарәк сәре чʹийе йә, найе вәшартьне. ¹⁵ Кәсәк жи чʹьре венахә у накә бьне фьраԛе, ле датинә сәр пʹечʹьре, кӧ рʹонайе бьдә һʹәмуйед кӧ маледа нә.

9-15 ЩОТМӘҺЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | ИБО 4-5

«Хԝә жь Информасийа Нәрʹаст Хԝәй кьн»

it-1 713 ¶11

Әлифаз

2. Йәк жь се һәвалед Ибо (Иб. 2:11). Әԝ Тәмани бу, ләма жи ча кʹьфш ә әв жь зӧрʹәта нӧхрийе Әсаԝ бу, демәк жь хәза рʹькʹьнийата Бьраһим бу у мәрьве Ибойи дур бу. Әԝ у зӧрʹәта ԝи жь бо биланийа хԝә, хԝә ԛӧрʹә дькьрьн (Йерәм. 49:7). Ча кʹьфш ә, жь һәр се һәвалед Ибо Әлифаз йәки дьһа хԝәйи ԛәдьр бу, у кʹьфш ә әв гьшка мәстьр бу. Ԝәʹде хәбәрдане, бәри пешьн әԝи хәбәр дьда у хәбәрдана ԝи дьһа дьреж дькʹьшанд.

ԝ05 15/9 26 ¶2

Хԝә жь Фькьред Хьраб Дӧр Бьгьрьн!

Чахе Әлифаз дәрһәԛа һʹӧкӧме ԛәԝатед жорьн дьани бира хԝә, әԝи гот: «Рʹӧһʹәк жь бәр мьнва дәрбаз бу; муйед бәдәна мьн һьлпәрийан. Әԝ сәкьни, ле бәле мьн дитьна ԝи нә бьжарт; ль бәр чʹәʹвед мьн ԝәщәк һәбу; гава һәр тьшт бедәнг мабу, дәнгәки бьһистьм» (Ибо 4:15, 16). Ле әԝ чь «рʹӧһʹ» бу, кӧ сәр фькьрандьна Әлифаз һʹӧкӧм кьр? Жь щурʹе хәбәрдана Әлифаз дьһатә кʹьфше, кӧ әԝ мәләке Хԝәде нибу (Ибо 4:17, 18). Әԝ рʹӧһʹәки хьраб бу. Ләма жи Йаһоԝа Әлифаз у дӧ һәвалед ԝи, бона хәбәрдана ԝанә нәрʹаст сущдар кьр (Ибо 42:7). Бәле, Әлифаз бьн һʹӧкӧме щьнда бу. Хәбәрдана ԝи ль гора хԝәстьна Хԝәде нибу.

ԝ10 15/2 19 ¶5-6

Пропаганда Мире-щьна Инкʹар кьн

Мире-щьна бь сайа һәваләки Ибо демәк Әлифаз гот, кӧ мәрьв сьст ьн у бе һеви нә. Чахе Әлифаз Иборʹа хәбәр дьда у сәр мәрьва гот кӧ әԝана «ханийед жь һʹәрʹийе»-да дьжин, әԝи сәрда зедә кьр: «Әԝ кӧ, бьнгәһед ԝан ахеда йә, бәри бьзузе тен әщьԛандьн. Нава сьбәһ у евареда ԝеран дьбьн; бәри кӧ һайе кәсәки жь ԝанва һәбә, бь бедаԝибуне тʹӧнә дьбьн» (Иб. 4:19, 20).

Рʹезәкә дьнда әм бәрамбәри ‹дәрданед һʹәрʹийә› сьст дьбьн (2 Корн. 4:7). Әм мәрьвнә сьст ьн, чьмки гӧнә у мьрьн дәрбази сәр мә буйә. Һәрге әм гӧмана хԝә тʹәне бьдьнә сәр хԝә, әме нькарьбьн мьԛабьли һʹьщумкьрьнед Мире-щьна тәйах кьн. Ле чаԝа Мәсиһи әм бе аликʹари нәманә. Рʹаст ә, әм шашийа дькьн, ле диса жи әм бәр чʹәʹве Хԝәде ԛимәт ьн (Иша. 43:4). Һьм жи Йаһоԝа рʹӧһʹе пироз дьдә ԝан, кʹе кӧ жь ԝи дьхԝазә (Луԛа 11:13). Рʹӧһʹе Хԝәдейи пироз дькарә «зорайийа ԛәԝате» бьдә мә, ԝәки әм бькарьбьн һʹәму кӧл-дәрдед жь Мире-щьна, тәйах кьн (2 Корн. 4:7; Фили. 4:13). Һәрге әм мьԛабьли Мире-щьна дәрен у «баԝәрийеда һʹимгьрти» бьминьн, Хԝәде ԝе мә ԛәԝи кә у бьшьдинә (1 Пәт. 5:8-10). Ләма жи әм гәрәке Мире-щьна нәтьрсьн.

mrt 32 ¶13-17

Хԝә жь Информасийа Ԛәлп Бьпарезьн

● Пебьһʹәсә кӧ әв информасийа жь кʹӧ те у бь итʹбар ә йан на

Кʹьтеба Пироз чь дьбежә: «Һәр тьшти бьщерʹьбиньн» (1 Тʹесалоники 5:21).

 Пешийа кӧ тьштәки баԝәр ки у ве информасийайе кәсәкирʹа бьшини, избат бә ԝәки әв рʹаст ә, һәла һе ви чахи жи һәгәр әв информасийа гәләк бәла буйә у нучәйада гәләк щар һатийә готьне. Ле чь щурʹәйи тӧ дькари информасийайе бьщерʹьбини?

 Пебьһʹәсә кӧ әв информасийа жь кʹӧ те у бь итʹбар ә йан на. Организасийед нучәйа у ӧса жи йед дьн, гәләк щар информасийа нәрʹаст дьдьнә хәбате бона кʹара хԝә йан жи политике. Леколин кә һәла канийед дьнда жи әв информасийа һәйә. Щарна һәвал бе һʹәмде хԝә пе емаила йан жи малпәред сосйал информасийа нәрʹаст һәвдӧрʹа дьшиньн. Ләма жи ләз нәкʹәвьн һәр информасийа баԝәр кьн, һʹәта кӧ избат нәбьн һәла әв рʹаст ә йан на.

 Дина хԝә бьдьне һәла әв информасийа дәрһәԛа чь йә у избат бьн ԝәки әв информасийа рʹаст ә. Пебьһʹәсьн әв йәк чьчах ԛәԝьмийә у избатийа леколин кьн. Илаһи ви чахи гәләк фәсал бьн, гава информасийәкә чәтьн бь щурʹәки һеса әʹлам дькьн, йан жи чахе тьштәки ӧса нучәйеда әʹлам дькьн, йа кӧ емосийед мәзьн пешда тинә.

Хьзна Кʹьтеба Пироз

ԝ03 15/5 22 ¶5-6

Сьст Нәбьн у Рʹәва Жийинеда Сәр Кʹәвьн

Әм тʹәшкиләтәкә ӧсада ньн, кʹижанеда хьзмәткʹаред Хԝәдейә рʹаст ьн. Әԝ йәк дькарә мә ԛәԝи кә у бьшьдинә. Кʹәрәмәкә чьԛас мәзьн ә, кӧ әм нава бьратийа һʹәмдьнйайеда ньн, йа кӧ бь һʹьзкьрьне тʹьжә йә! (1 Пәт. 2:17) Әм дькарьн һәвдӧ ԛәԝи кьн у һелан кьн.

Ԝәрә әм дина хԝә бьдьнә мәсәла Ибо. Һәла һе һәвале Ибойи ԛәлп Әлифаз жи, нькарьбу дәрһәԛа кьред Ибойи ԛәнщ нәгота, мәсәлә әԝи гот, ԝәки Ибо кәсед сьст ԛәԝи дькьр у али кʹәтийа дькьр (Ибо 4:4). Ле дәрһәԛа хԝә әм чь дькарьн бежьн? Һәр кәс жь мә борщдар ә али хушк-бьра бькә, ԝәки әԝана бәрдәԝам кьн Йаһоԝарʹа хьзмәт кьн. Чаԝа кӧ Кʹьтеба Пирозда те готьне, әм гәрәке «дәстед ԛәлс һездар [ԛәԝи] бькьн, чокед сьст бьшьдиньн» (Ишайа 35:3, ИМ). Ԝе баш бә кӧ әм нете бьдьнә пешийа хԝә, ԝәки сәр һәр щьватәке хушк йан бьраки бьшьдиньн (Ибрани 10:24, 25). Һәрге әм бь дьлгәрми пʹайе ԝан бьдьн, кӧ әԝана чәтьнайада жи бәрдәԝам дькьн Йаһоԝарʹа хьзмәт кьн, әв йәк ԝе али ԝан бькә рʹастийеда бьминьн у рʹәва жийинеда сәркʹәвьн.

(Ибо 4:4) Готьнед тә, йед кӧ тьлпәки дьбун ль сәр пʹеланва гьрт у тә чокед кӧ дькʹәтьн, зәхьмандьн.

(Мәтта 5:17-32) Нәфькьрьн кӧ әз һатьмә ньвисаред пʹехәмбәра у Ԛануне хьраб кьм. Әз нәһатьм кӧ хьраб кьм, ле ԝан һʹәмуйа биньмә сери. ¹⁸ Әз рʹаст ԝәрʹа дьбежьм, бәри дәрбазбуна әʹрд у әʹзман, дәԛәк йан жи һʹәрфәкә бьчʹук жь Ԛануне ԝе ӧнда нәбә, һʹәта кӧ һʹәму бенә сери. ¹⁹ Аԝа кʹи жь ван тʹәмийа йәкә һәрә бьчʹук хьраб кә у мәрьва ӧса һин кә, әԝе Пʹадшатийа Әʹзманада жь һʹәмуйа бьчʹуктьр бе һʹәсабе. Ле кʹи кӧ ԝана пек бинә у һин бькә, әԝе Пʹадшатийа Әʹзманада мәзьн бе һʹәсабе. ²⁰ Ләма әз ԝәрʹа дьбежьм, һәгәр рʹастийа ԝә жь рʹастийа ԛанунзан у ферьсийа зедәтьр нибә, һун тʹӧ щар накʹәвьнә Пʹадшатийа Әʹзмана. ²¹ Ԝә бьһистийә кӧ пешийарʹа һатийә готьне: ‹Нәкӧжә! Кʹи кӧ бькӧжә, диԝана ԝи ԝе бе кьрьне›. ²² Ле әз ԝәрʹа дьбежьм, кʹи сәр бьре хԝә һерс кʹәвә, ԝе бьбә дәйндаре диԝане у кʹи бежә бьре хԝә: ‹Бе аԛьл›, әԝе бьбә дәйндаре диԝана щьвина гьрәгьра у кʹи кӧ бежә: ‹Ахмах›, ԝе бьбә дәйндаре агьре доже. ²³ Аԝа һәгәр тӧ һʹәдийа хԝә бини сәр горигәһе у ль ԝьр бе бира тә, кӧ дьле бьре тә жь тә майә, ²⁴ һʹәдийа хԝә ԝе дәре ль бәр горигәһе бьһелә у пешийе һәрʹә бьре хԝәрʹа ль һәв ԝәрә у паше ԝәрә һʹәдийа хԝә бьдә. ²⁵ Чахе нәйаре тә тә кʹаши щәм һʹакьм дькә, рʹеда тʹәви ԝи зу ль һәв ԝәрә. Һәгәр на, әԝе тә бьдә дәсте һʹакьм, һʹакьме жи тә бьдә дәсте бәрдәстийе хԝә у тә бавежә кәле. ²⁶ Әз рʹаст тәрʹа дьбежьм, тӧ жь ԝьр дәрнакʹәви һʹәта поле пашьн нәди. ²⁷ Ԝә бьһистийә кӧ һатийә готьне: ‹Зьнийе нәкә›. ²⁸ Ле әз ԝәрʹа дьбежьм, кʹи бь тәме хьраб жьнәке бьньһерʹә, әԝи дьле хԝәда иди тʹәви ԝе зьнекʹари кьр. ²⁹ Аԝа һәгәр чʹәʹве тәйи рʹасте тә жь рʹе дәрдьхә, ԝи дәрхә у жь хԝә бавежә. Бона тә һе ԛәнщ ә кӧ әндәмәки тә ӧнда бә, ле бәдәна тә пева нәкʹәвә щәʹньме. ³⁰ У һәгәр дәсте тәйи рʹасте тә жь рʹе дәрдьхә, ԝи жекә у бавежә. Тәрʹа һе ԛәнщ ә кӧ әндәмәки тә ӧнда бә, ле бәдәна тә пева нәкʹәвә щәʹньме. ³¹ Әв жи һатийә готьне: ‹Кʹи кʹӧлфәта хԝә бәрʹдә, бьра кʹахаза жьнбәрʹдане бьдә ԝе›. ³² Ле әз ԝәрʹа дьбежьм, кʹи кӧ бе сәбәбийа ԛавийе жьна хԝә бәрʹдә, әԝ дьбә сәбәбе зьнекьрьна ԝе, һәгәр диса әԝ мер кә у кʹи кӧ йәкә мербәрʹдайи бьстинә, әԝ зьнийе дькә.

16-22 ЩОТМӘҺЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | ИБО 6-7

«Чахе Әʹмьр Зәʹф Чәтьн Дьбә»

ԝ06 15/3 14 ¶10

Фькьред Сәрәкә жь Кʹьтеба Ибо

7:1; 14:14—Чь те һʹәсабе хәбата бь мәщбури у рʹожед дилтийе? Кӧл-дәрдед Ибо ӧса гьран бун, кӧ әԝи әʹмьре хԝә бәрамбәри хәбатәкә гьранә бь мәщбури кьр (Ибо 10:17). Жь рʹожа мьрьне һʹәта сахбуне, мәрьв горʹеда ча бежи дьбә дил, ләма жи Ибо әв йәк бәрамбәри рʹожед дилтийе кьр.

ԝ20.12 16 ¶1

Йаһоԝа Незики Дьлшкәстийа йә

ЖИЙАНА мә бь рʹасти жи кьн у «тʹери тәнгасийе» йә (Иб. 14:1). Ләма, әм щарьна дьлтәнг дьбьн. Һьнә хьзмәткʹаред Йаһоԝа Хԝәде, йед кӧ ль дәмед бәре дьжитьн, әʹйни тьшт тʹәхмин дькьрьн. Һьнә жь ԝан һәла һе мьрьне жи хԝәрʹа дьхԝәстьн (1 Пʹадш. 19:2-4; Иб. 3:1-3, 11; 7:15, 16). Ле бәле, ԝана хԝә дьспарт Йаһоԝа, у әԝи тʹьме ԛәԝат у мерхаси дьда ԝан. Сәрһатийед ԝана бона дьлбинийа у һинбуна мә һатьнә ньвисандьн (Рʹом. 15:4).

g 1/12 16 ¶2-4

Чахе Әʹмьр Бәр Чʹәʹве Тә Рʹәш Дьбә

Һәрге һун дьфькьрьн, ԝәки дәрәща ԝә бечʹарә йә, бир нәкьн кӧ һун ви һʹалида тʹәне ниньн, кӧл-дәрде һәр кәси һәйә. Кʹьтеба Пирозда те готьне кӧ: «Һʹәму әʹфьрин һʹәта ньһа бь һәврʹа дькьнә зарә-зар» (Рʹомайи 8:22). Дьԛәԝьмә ньһа ӧса те кʹьфше, ԝәки проблемед ԝә ԝе нәйнә сафикьрьне, ле ԝәхт шунда дәрәща ԝә дькарә сьвьк бә. Ле ньһа чь дькарә али ԝә бькә?

Дьле хԝә һәваләки хԝәрʹа вәкә, кʹижан кӧ бь итʹбар ә у рʹӧһʹанида ԛәԝи йә. Кʹьтеба Пирозда те готьне: «Һәвал һәр гав һʹьз дькә, бьра буйә бона рʹожа охьрме гьран» (Мәтʹәлок 17:17). Ибо мәрьвәки рʹаст бу, дәрһәԛа кʹижани Кʹьтеба Пирозда те готьне, чәтьнайада әԝи һәстед хԝә вәнәдьшарт. Чахе әʹмьр бәр чʹәʹве ԝи рʹәш бу, әԝи гот: «Әз гьлийе дь һӧндӧрʹе хԝәда сәрбәст бәрʹдьм; бь еша щане хԝәва бьбежьм» (Ибо 10:1). Чахе әм кәсәки бь итʹбаррʹа дьле хԝә вәдькьн, еша дьле мә сьвьк дьбә у әм ида бь щурʹәки майин сәр проблеме дьньһерʹьн.

Дӧада дьле хԝә Хԝәдерʹа вәкьн. Һьнә мәрьв дьфькьрьн, ԝәки пе дӧа мәрьв тʹәне дьле хԝә рʹьһʹәт дькә. Ле Кʹьтеба Пироз тьштәки дьн дьбежә. Зәбур 65:2 дәрһәԛа Йаһоԝа те готьне «Тӧ кӧ дӧа дьбьһейи», у 1 Пәтрус 5:7 дәрһәԛа Хԝәде дьбежә «Әԝ бона ԝә хәм дькә». Кʹьтеба Пирозда гәләк щар те готе, кӧ чьԛас фәрз ә итʹбарийа хԝә Хԝәде биньн. Мәсәлә:

«Бь тʹәмамийа дьле хԝә хԝә бьсперә Хӧдан, гӧмана хԝә нәдә ль сәр һʹьше хԝә. Һʹәму рʹийед хԝәда тӧ Хԝәде нас кә у Әԝе һʹәму шьвәрʹийед тә рʹаст-дуз кә» (МӘТʹӘЛОК 3:5, 6).

«Әԝ мьразе ԝан дькә, кʹижан кӧ жь Ԝи дьтьрсьн, заринийа ԝан дьбьһе у ԝан хьлаз дькә» (ЗӘБУР 145:19).

«Әм ль бәр Хԝәде рʹусьпи нә, чьмки әм заньн, һәгәр әм тьштәки ль гора хԝәстьна ԝи же бьхԝазьн, әԝ дәнге мә дьбьһе» (1 ЙУҺʹӘННА 5:14).

«Хӧдан жь нәпʹака дур ә, ле дӧайе рʹаста дьбьһе» (МӘТʹӘЛОК 15:29).

Һәрге әм Хԝәдерʹа бежьн кӧ әм рʹасти чь чәтьнайа тен, әԝе али мә бькә. Хәбәра Ԝи мә һелан дькә, ԝәки «тʹьме Ԝида гӧман бьн, . . . Ԝирʹа дьле хԝә вәкьн» (Зәбур 62:8).

Хьзна Кʹьтеба Пироз

ԝ20.04 16 ¶10

Гӧһ Бьдьнә Һәв, Һәв Нас кьн у сәр Һәв Шәԝат бьн

¹⁰ Әм жи дькарьн чʹәʹв бьдьнә Йаһоԝа ве йәкеда, кӧ хушк-бьра фәʹм кьн. Бона ве йәке әм гәрәке ԝана рʹьнд нас кьн. Чаԝа? Пешийа у паши щьвате тʹәви ԝан хәбәр дьн, тʹәвайи хьзмәт кьн, у чахе дькарьн ԝана тʹәглифи мала хԝә кьн, кӧ тʹәвайи нан бьхԝьн. Һәрге һун ӧса бькьн, һуне пебьһʹәсьн, ԝәки әԝ хушк йа кӧ бь тʹәхмина ԝә һәвалһʹьз нинә, бь рʹасти шәрмокә йә, йан жи әԝ бьра кӧ һун дьфькьрин пәй пʹәра дькʹәвә, бь рʹасти меванһʹьз у мәрʹд ә, йан жи әԝ хушк йа кӧ тʹәви зарʹед хԝә дәрәнг те щьвате, малда нәфәр мьԛабьли ԝе нә (Аԛуб 4:12). Һәмьки әм гәрәке фәсал бьн, ԝәки «тʹәви шьхӧле хәлԛе» нәбьн (1 Тимтʹ. 5:13). Ле йәкә ԝе баш бә әм хушк-бьра рʹьнд нас кьн у һаш жь дәрәщед ԝан һәбьн, йед кӧ сәр хәйсәте ԝан һʹӧкӧм бунә. Ӧса әме дьһа рʹьнд ԝана фәʹм бькьн.

(Ибо 6:29) Дә вәгәрʹьн, бьра нәһәԛи нәбә; бәле, диса вәгәрʹьн; доза мьн рʹаст ә!

(Мәтта 5:33-48) Ԝә әв жи бьһистийә кӧ пешийарʹа һатийә готьне: ‹Дәрәԝ сонд нәхԝә у сонде хԝә ль бәр Хӧдан бинә сери›. ³⁴ Ле әз ԝәрʹа дьбежьм, тʹӧ щар сонд нәхԝьн, нә бь әʹзмен, чьмки әԝ тʹәхте Хԝәде йә, ³⁵ нә жи бь әʹрде, чьмки әԝ щийе бьн пʹийед ԝи йә, нә жи бь Оршәлиме, чьмки әԝ бажаре Пʹадше мәзьн ә ³⁶ у нә жи бь сәре хԝә сонд бьхԝә, чьмки тӧ нькари муки сьпи ки йан рʹәш ки. ³⁷ Ле бьра готьна ԝә бьбә ‹бәле-бәле› йан жи ‹на-на›. Жь ве зедәтьр жь Мирещьн ә. ³⁸ Ԝә бьһистийә кӧ һатийә готьне: ‹Чʹәʹв дәԝса чʹәʹв у дьран дәԝса дьран›. ³⁹ Ле әз ԝәрʹа дьбежьм, мьԛабьли хьраба нәсәкьньн. Һәгәр йәк шәмаԛәке ль рʹуйе тәйи рʹасте хә, йе дьн жи бьдә бәр. ⁴⁰ У һәгәр йәк тә кʹаши бәр диԝане кә у бьхԝазә кьрасе тә жь тә бьстинә, пʹоте хԝә жи жерʹа бьһелә. ⁴¹ У һәгәр йәки ԛӧльхеда зоре ль тә бькә, ԝәки километьрәке тә бьбә, тʹәви ԝи дӧда һәрʹә. ⁴² Бьдә ԝи, кʹи жь тә дьхԝазә у бәре хԝә жь ԝи нәгӧһезә, йе кӧ дьхԝазә жь тә дәйн бькә. ⁴³ Ԝә бьһистийә кӧ һатийә готьне: ‹Һәвале хԝә һʹьз бькә у бьжәнә дьжмьне хԝә›. ⁴⁴ Ле әз ԝәрʹа дьбежьм, дьжмьнед хԝә һʹьз бькьн у бона ԝан дӧа бькьн, йед кӧ ԝә дьзериньн, ⁴⁵ ԝәки һун бьбьнә зарʹед Баве хԝәйи Әʹзмана. Чьмки әԝ тәʹва хԝә дәрдьхә һьн сәр ԛәнща, һьн жи сәр хьраба у баране дьбаринә һьн сәр рʹаста, һьн жи сәр нәрʹаста. ⁴⁶ Һәгәр һун һʹьзкьред хԝә һʹьз бькьн, һуне чь һәԛ бьстиньн? Нә хәрщгьр жи ӧса дькьн? ⁴⁷ У һәгәр һун тʹәне сьлаве бьдьнә бьред хԝә, иди һун чь тьшти жь әԝед дьн зедәтьр дькьн? Нә пʹутпʹарьст жи ӧса дькьн? ⁴⁸ Аԝа кʹамьл бьн, чаԝа кӧ Баве ԝәйи Әʹзмана кʹамьл ә.

23-29 ЩОТМӘҺЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | ИБО 8-10

«Һʹьзкьрьна Хԝәдейә Амьн, Мә жь Дәрәԝед Мире-щьна Хԝәй Дькә»

ԝ15 1/7 12 ¶3

Гәло бь Рʹасти Әм Дькарьн Хԝәде Хԝәш бен?

Ибо пәй һәв рʹасти гәләк кӧл-дәрда һат, ле әԝ һежайи ван кӧл-дәрда нибу. Ибо дьфькьри кӧ Хԝәдерʹа йәкә, әԝ Ԝирʹа амьн ә, йан на (Ибо 9:20-22). Ибо ӧса амьнийа хԝәда баԝәр бу, кӧ ӧса дьһатә кʹьфше, ԝәки әԝ хԝә жь Хԝәде һәԛтьр дәрдьхә (Ибо 32:1, 2; 35:1, 2).

ԝ21.11 6 ¶14

Һʹьзкьрьна Йаһоԝайә Амьн Тәрʹа Чь Кʹаре Тинә?

¹⁴ Һʹьзкьрьна Хԝәдейә амьн мә алийе рʹӧһʹанива дьпарезә. Даԝьд Йаһоԝарʹа ӧса дӧа кьрьбу: «Сьтаргәһа мьн Тӧ йи, жь тәнгасийе Тӧ мьн хԝәй дьки, бь стьранед азадийе Тӧ дора мьн дьгьри . . . Һʹӧба амьн ԝе бьгьрә дора ԝан, кʹижана гӧмана хԝә данә сәр Хӧдан» (Зәбур 32:7, 10). Чаԝа ԝәʹде бәре, бажар бь сура дьһатьн парастьн, һʹьзкьрьна Йаһоԝайә амьн жи дора мә дьгьрә у мә жь тьштед кӧ дькарьн амьнийа мә ӧнда бькьн, хԝәй дькә. Ӧса жи, жь бо һʹьзкьрьна амьн, Йаһоԝа мә дькʹьшинә бал хԝә (Йерәмийа 31:3).

Хьзна Кʹьтеба Пироз

ԝ10 15/10 6-7 ¶19-20

«Кʹе Нет-Фькьра Хӧдан Пе Һʹәсийа»

¹⁹ Әм дәрһәԛа «нет-фькьра Хӧдан» чь һин бунә? Сәва кӧ әм нет-фькьред Йаһоԝа фәʹм бькьн, әм гәрәке Кʹьтеба Пироз леколин кьн у бьһельн ԝәки әԝ сәр мә һʹӧкӧм кә. Әм гәрәке нәфькьрьн, кӧ Йаһоԝа мина мә синоркьри йә, у әм гәрәке ль гора ньһерʹандьн у фькьред хԝә Ԝи сущдар нәкьн. Ибо гот: «[Хԝәде] мина мьн нә мьров ә кӧ әз бәрсьве бьдьм ԝи у әм һәврʹа һәрʹьн дадгәһе [диԝане]» (Ибо 9:32). Гава әм дәстпедькьн нет-фькьред Йаһоԝа фәʹм бькьн, әм жи мина Ибо дькарьн бежьн, ԝәки һәр тьшт чь кӧ әм дәрһәԛа ԝи пеһʹәсийанә, «ԛәраха рʹейед ԝи нә» у дәрһәԛа ԝи тʹәне пʹьстә-пʹьст те бьһистьн (Ибо 26:14).

²⁰ Әм чь гәрәке бькьн, чахе Ньвисаред Пирозда пʹарәке дьхуньн у мәрʹа чәтьн ә нет-фькьра Йаһоԝа фәʹм бькьн? Һәрге паши леколине диса жи әм щабәкә зәлал дәрһәԛа ве пьрсе настиньн, әм дькарьн һʹәсаб кьн, кӧ итʹбарийа мә һьндава Йаһоԝа те щерʹьбандьне. Әм гәрәке бир нәкьн, ԝәки ван дәрәщада ԝе бе кʹьфше һәла әм заньн, кӧ чь хәйсәт-һʹӧнӧред Йаһоԝа һәнә. Ле ԝәрә әм бь мьлукти ве йәке жи ԛәбул кьн, ԝәки әм нькарьн бь тʹәмами һәр тьштед кӧ Йаһоԝа дькә, фәʹм бькьн (Ԝаиз 11:5). Ӧса әме тʹәви Паԝлосе шанди ԛайил бьн, кӧ гот: «Чьԛаси кʹур ьн дәԝләмәндти, сәрԝахти у занәбуна Хԝәде! Ԛьраред ԝи чьԛаси жь һʹьш-аԛьла дур ьн у кәс сәрәдәрийе жь рʹийед ԝи накә! Чаԝа ньвисар ә: ‹Кʹе нета Хӧдан пе һʹәсийа? Йан кʹе бу ширәткʹаре ԝи? Йан кʹе пешда тьштәк дайә ԝи, ԝәки әԝ диса ль ԝан вәгәрʹинә?› Чьмки һәр тьшт жь ԝи, бь ԝи у бона ԝи нә. Шькьр жь ԝирʹа һʹәта-һʹәтайе. Амин» (Рʹом. 11:33-36).

(Ибо 9:32) Әԝ мина мьн нә мьров ә кӧ әз бәрсьве бьдьм ԝи у әм һәврʹа һәрʹьн дадгәһе [диԝане].

(Мәтта 6:1-12) Һаш жь хԝә һәбьн, кӧ һун ԛәнщийед хԝә бәр мәрьва нәкьн, ԝәки жь ԝан бенә кʹьфше. Йан на, һун жь Баве хԝәйи әʹзмана һәԛ настиньн. ² Аԝа чахе тӧ хера дьки, пешийа хԝә борʹийе нәхә, чаԝа дӧрʹу кʹьништ у кʹучада дькьн, ԝәки мәрьв пәсьне ԝан бьдьн. Әз рʹаст ԝәрʹа дьбежьм, кӧ ԝана һәԛе хԝә иди стандийә. ³ Ле чахе тӧ хера дьки, бьра дәсте чʹәпе ньзаньбә дәсте рʹасте чь хер кьр, ⁴ кӧ херед тә дьзива бьн. У Баве тәйи тьштед кӧ тӧ дьзива дьки дьбинә, ԝе һәԛе тә бьдә тә. ⁵ Гава һун дӧа дькьн, мина дӧрʹуйа нәбьн. Әԝ һʹьз дькьн кʹьништ у мәйданада бьсәкьньн дӧа бькьн, кӧ бәр мәрьва бенә кʹьфше. Әз рʹаст ԝәрʹа дьбежьм, иди ԝана һәԛе хԝә стандийә. ⁶ Ле чахе тӧ дӧа дьки, бькʹәвә ода хԝә, дәри ль хԝә бьгьрә у Баве хԝәрʹа кӧ найе дитьне дӧайе хԝә бькә. У Баве тәйи тьштед кӧ тӧ дьзива дьки дьбинә, ԝе һәԛе тә бьдә тә. ⁷ Гава кӧ һун дӧа дькьн, мина пʹутпʹарьста пʹьрʹхәбәр нәбьн. Ԝана тʹьре бона пʹьрʹ хәбәрдана ԝан дӧайед ԝане бенә бьһистьне. ⁸ Һун мина ԝан нәбьн, чьмки бәри хԝәстьна ԝә, Баве ԝә занә чь ԝәрʹа лазьм ә. ⁹ Ле һун аһа дӧа бькьн: ‹Баве мәйи әʹзмана! Наве тә пироз бә, ¹⁰ Пʹадшатийа тә бе, әʹмьре тә бә, чаԝа ль әʹзмен, ӧса жи ль сәр әʹрде. ¹¹ Нане мәйи рʹоже рʹож бь рʹож бьдә мә. ¹² Дәйнед мә бьбахшинә, чаԝа кӧ әм дьбахшиньнә дәйндаред хԝә.

30 ЩОТМӘҺЕ–5 МЬЖДАРЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | ИБО 11-12

«Се Тьшт кӧ Чаԝа Биланийе Ԛазанщ кьн у Кʹаре Бьстиньн»

ԝ09 15/4 6 ¶17

Ибо Наве Йаһоԝа Рʹумәт Дькьр

¹⁷ Ибо бь аликʹарийа чь амьнийа хԝә хԝәй дькьр? Бешьк, пешийа кӧ әԝ рʹасти кӧл-дәрда бьһата, достийа ԝи тʹәви Йаһоԝа ида ԛәԝи бу. Әм ньзаньн Ибо һаш пе һәбу кӧ Мире-щьна Йаһоԝа нәһәԛ дькьр йан на, ле диса жи әԝи сафи кьрьбу Йаһоԝарʹа амьн бьминә. Әԝи гот: «Һʹәта кӧ әз һьлма хԝәйә даԝин бьдьм, әзе бесущийа хԝә жь хԝәва нәԛәтиньм!» (Иб. 27:5). Гәло ча Ибо һәләԛәтийа хԝә тʹәви Йаһоԝа ӧса ԛәԝи кьр? Бешьк әԝи гәләк ԛимәт дькьр занәбуна ве йәке, кӧ Йаһоԝа чаԝа бу һьндава Бьраһим, Исһаԛ у Аԛуб, кʹижан кӧ мәрьвед ԝийи дур бун. Ӧса жи гава Ибо дина хԝә дьда әʹфрина, әԝи гәләк һʹӧнӧред Йаһоԝа дьдит (Бьхунә Ибо 12:7-9, 13, 16).

ԝ21.06 10 ¶10-12

Йаһоԝа Тә Тʹӧ Щара Тʹәне Наһелә

¹⁰ Тʹәви хушк у бьред амьн һәвалтийе бькә. Щьватеда хушк у бьред жь щурʹә-щурʹә кʹок у култура һәнә. Һьнә жь ԝан щаһьл ьн, һьнә жи әʹмьрда мәзьн ьн. Тӧ дькари жь ԝан һәр кәса тьштәки һин би. Мәсәлә, тӧ дькари жь биланийа хушк у бьред кӧ жь тә мәзьнтьр ьн, һин бьби (Ибо 12:12). Ӧса жи, тӧ дькари жь йед кӧ тә бьчʹуктьр ьн жи гәләк тьшта һин бьби. Даԝьд жи жь Йонатʹан бьчʹуктьр бу, ле әԝана бунә достед һәв (1 Самуйел 18:1). Даԝьд у Йонатʹан али һәвдӧ дькьрьн кӧ нава тәнгасийед гьранда жи Йаһоԝарʹа хьзмәт бькьн (1 Самуйел 23:16-18). Хушкәкә бь наве Ирина, йа кӧ малбәта хԝәда тʹәк Шәʹда Йаһоԝа йә, дьбежә: «Хушк у бьред мә бь рʹасти дькарьн бьбьн малбәта мә йа рʹӧһʹани. Бь сайа ԝан, Йаһоԝа дькарә бе һәԝара мә».

¹¹ Һьнә кәс шәрмокә нә, у ԝанрʹа һеса нинә кӧ хԝәрʹа һәвалед тʹәзә бьвиньн. Хушкәкә шәрмокә бь наве Ратна, йа кӧ гава бу Шәʹда Йаһоԝа рʹасти мьԛабьлибуне һат, ӧса дьбежә: «Мьн фәʹм кьр кӧ әз һʹәԝще пьштгьри у аликʹарийа хушк у бьра мә». Рʹаст ә, щарна дьбәкә зор ә дьле хԝә кәсәкирʹа вәки, ле бьзаньбә кӧ әв йәк дькарә рʹийа тә бона достикә незик вәкә. Дост у һәвалед тә һьлбәт һазьр ьн кӧ дьле тә ԛәԝи кьн у пьштгьрийа тә бькьн, ле гәрәке тӧ ԝанрʹа бежи кӧ әԝ чаԝа дькарьн ве йәке бькьн.

¹² Сәва кӧ тӧ хԝәрʹа һәвалед тʹәзә бьвини, тʹәви хушк у бьра дәркʹәвә хьзмәте. Карол ӧса дьбежә: «Чьмки мьн тʹәви хушка хьзмәтеда у шьхӧлед рʹӧһʹанида ԝәхт дәрбаз дькьр, мьн гәләк достед баш ԛазанщ кьрьнә. Гәләк сала, Йаһоԝа бь сайа ван доста пьштгьрийа мьн кьрийә». Бь рʹасти жи гәләк фәрз ә кӧ әм тʹәви хушк у бьред амьн һәвалтийе бькьн, чьмки Йаһоԝа дькарә бь сайа достед ӧса мерхасийе бьдә мә у али мә бькә кӧ әм хԝә тʹәне тʹәхмин нәкьн (Мәтʹәлок 17:17).

it-2 1190 ¶2

Билани

Биланийа Хԝәде. Тʹәне биланийа Йаһоԝа тʹам ә (Рʹм. 16:27; Әʹнт. 7:12). Занәбун әв ә, кӧ һаш һьнә избатийа һәбьн. Йаһоԝа Әʹфьрандаре «жь һәр-һәйе һʹәта-һʹәтайе» йә (Зб. 90:1, 2), Әԝ дәрһәԛа гәрдуне һәр тьшти һур бь һур занә. Әԝи һʹәму ԛанун у нормед физики саз кьрьнә, бь аликʹарийа кʹижана мәрьв леколина дькьн у тьшта чедькьн, бе ве йәке мәрьв ԝе нькарьбуна пешда бьчуна (Иб. 38:34-38; Зәб. 104:24; Мәтʹлк. 3:19; Йерәм. 10:12, 13). Ле бь рʹасти бона мәрьва нормед Йаһоԝайә нав-намусийе дьһа фәрз ьн, чьмки бе ван норма әʹмьре мәрьва ԝе пʹучʹ, бе нет у нәбаш буйа (Ԛан. Дщр. 32:4-6; бьньһерʹә ЙАҺОԜА [Хԝәде у нормед ԝийә нав-намусийе]). Йаһоԝа һәр тьшти занә (Иша. 40:13, 14). Щарна Йаһоԝа дьһелә ԝәки һьнә тьштед мьԛабьли нормед ԝи, пешда һәрʹьн у бенә сери. Ле һәр тьшт дәсте ԝида йә, әԝ ча бьхԝазә ԝе ӧса бә у чь кӧ әԝи соз дайә ԝе әʹсәйи бе сери (Иша. 55:8-11; 46:9-11).

Хьзна Кʹьтеба Пироз

ԝ08 1/8 11 ¶5

Чаԝа Щаһьларʹа Зьман Бьвиньн

▪ Гәло әз фәʹм дькьм кӧ зарʹа мьн бь рʹасти чь дьхԝазә бежә? Ибо 12:11-да те готьне: «Чаԝа дәв, тәʹма тьште дьхԝә һьлтинә, гәло гӧһ жи готьне ӧса нащерʹьбинә?, ИМ». Гәрәке тедәрхи ԝәки кӧрʹ йан ԛиза тә чь дьхԝазә бежә. Мәсәлә, әԝана дькарьн гьлийед ӧса бежьн: «Тӧ тʹьме мьн дәԝса зарʹа датини!» йан жи «Тӧ ԛә гӧһ нади мьн!» Дәԝса кӧ зарʹа хԝәрʹа шәрʹ ки, кӧ чьрʹа әԝ ӧса дьбежә, ԝе баш бә фәʹм бьки кӧ бь ԝан гьлийа әԝ чь дьхԝазә бежә. Бәʹса хәбәре, гьлийед ԝи «Тӧ тʹьме мьн дәԝса зарʹа датини!» дькарә бе һʹәсабе «Әз тедәрдьхьм, ԝәки тӧ итʹбарийа хԝә мьн найни», ле хәбәра «Тӧ ԛә гӧһ нади мьн!» дькарә бе һʹәсабе «Мьн фәʹм бькә». Ӧса бькьн, кӧ һун фәʹм кьн, ԝәки бь рʹасти зарʹа ԝә чь дьхԝазә бежә.

(Ибо 12:11, ИМ) Чаԝа дәв, тәʹма тьште дьхԝә һьлтинә, гәло гӧһ жи готьне ӧса нащерʹьбинә?

(Мәтта 6:13-34) У мә нәбә щерʹьбандьне, ле мә жь йе хьраб хьлаз кә, чьмки пʹадшати, ԛәԝат у рʹумәт йед тә нә, һʹәтаһʹәтайе. Амин›. ¹⁴ Һәгәр һун нәһәԛийед мәрьвайә һьндава ԝәда кӧ дькьн бьбахшиньн, Баве ԝәйи Әʹзмана жи ԝе ԝә бьбахшинә. ¹⁵ Ле һәгәр һун нәһәԛийед мәрьва нәбахшиньн, Баве ԝә жи нәһәԛийед ԝә набахшинә. ¹⁶ Гава кӧ һун рʹожи дьгьрьн, мина дӧрʹуйа мәʹдәкьри нибьн. Әԝ мәʹде хԝә дькьн, ԝәки мәрьв бьзаньбьн кӧ әԝ рʹожи нә. Әз рʹаст ԝәрʹа дьбежьм, кӧ ԝана һәԛе хԝә стандийә. ¹⁷ Ле чахе тӧ рʹожи дьгьри, сәрчʹәʹве хԝә бьшо, сәре хԝә шә кә, ¹⁸ ԝәки мәрьв ньзаньбьн кӧ тӧ рʹожи йи, ле тʹәне Баве тәйи кӧ найе дитьне заньбә. У Баве тәйи тьштед кӧ тӧ дьзива дьки дьбинә, ԝе һәԛе тә бьдә тә. ¹⁹ Ль сәр дьне хьзне хԝәрʹа нәщьвиньн. Ль ве дәре зәнг у бьзуз хьраб дькьн у дьз дәрәвәдькьн дьдьзьн. ²⁰ Ле хьзне хԝәрʹа ль әʹзмен бьщьвиньн. Ль ԝе дәре зәнг у бьзуз хьраб накьн у дьз жи дәрәвәнакьн надьзьн. ²¹ Чьмки хьзна тә кʹидәре бә, дьле тә жи ԝе ль ԝе дәре бә. ²² Чʹьра бәдәне чʹәʹв ә. Һәгәр чʹәʹве тә пʹак ә, тʹәмамийа бәдәна тәйе рʹонайи бә. ²³ Ле һәгәр чʹәʹве тә хьраб ә, тʹәмамийа бәдәна тәйе тәʹри бә. Аԝа һәгәр әԝ рʹонайа кӧ нав тәда йә тәʹри йә, тәʹри ԝе чьԛас зедә бә! ²⁴ Тʹӧ кәс нькарә дӧ ахарʹа хӧламтийе бькә, чьмки йан ԝе һʹиле ԝи жь йәки һәрʹә у йе дьне һʹьз бькә, йан жи ԝе ԛәдьре йәки бьгьрә у йе дьне беһӧрмәт кә. Һун нькарьн һьн Хԝәдерʹа, һьн жи һәбукерʹа хӧламтийе бькьн. ²⁵ Ләма әз ԝәрʹа дьбежьм, бона әʹмьре хԝә хәма нәкьн, кӧ һуне чь бьхԝьн у чь вәхԝьн, нә жи бона бәдәна хԝә, кӧ һуне чь ль хԝә кьн. Нә әʹмьр жь хԝарьне ԛимәттьр ә у бәдән жи жь кʹьнща? ²⁶ Дина хԝә бьдьнә тәйрәдед әʹзмен. Әԝана нә дьрʹәшиньн, нә дьдьрун у нә жи әʹмбарада дьщьвиньн, ле Баве ԝәйи Әʹзмана рʹьсԛе ԝан дьгьһинә. Нә һун жь ԝан ԛимәттьр ьн? ²⁷ Иди жь ԝә кʹи дькарә бь хәмед хԝә дәԛәке сәр әʹмьре хԝәда зедә кә? ²⁸ У бона кʹьнща һун чьма хәм дькьн? Дина хԝә бьдьнә сосьнед чоле, чаԝа шин дьбьн, нә дьхәбьтьн у нә жи дьрʹесьн. ²⁹ Ле әз ԝәрʹа дьбежьм, кӧ Сьлеман жи ль нава тʹәмамийа ԝе хер-хьзна хԝәда мина жь ԝан йәке хԝә нәкьр. ³⁰ Һәгәр гиһайе чоле, кӧ иро һәйә у сьбе давежьнә нава егьр, Хԝәде ӧса дьхәмьлинә, ле чьԛас зедә ԝе ль ԝә кә, кембаԝәрно? ³¹ Иди хәм нәкьн у нәбежьн: ‹Әме чь бьхԝьн?› йан: ‹Чь вәхԝьн?› йан жи: ‹Чь ль хԝә кьн?› ³² Пʹутпʹарьст ль пәй ԝан һʹәму тьшта дькʹәвьн, ле Баве ԝәйи әʹзмана занә кӧ һун һʹәԝще ԝан һʹәму тьшта нә. ³³ Ле бәре пешьн ль Пʹадшатийа Хԝәде бьгәрʹьн у бькьн кӧ рʹастийа ԝи бьԛәдиньн у әԝ һʹәмуйе ԝәрʹа бенә дайине. ³⁴ Иди бона рʹожа сьбе хәма нәкьн, чьмки рʹожа сьбе ԝе бона хԝә хәма бькә. Хәмед рʹоже бәси ԝе нә.