Кани бона Бәрнама Щьвине, Бьжин у Хьзмәт кьн

© 2023 Ԝатщһ Тоԝәр Бьблә анд Тращт Сощьәтй оф Пәннсйлваньа

6-12 МЬЖДАРЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | ИБО 13-14

«Һәгәр Мәрьв Бьмьрә, Гәло Дькарә Диса Бьжи?»

ԝ99 15/10 3 ¶1-3

Мәрьв Дьхԝазьн Әʹмьре Дьреж Ԛазанщ кьн

ИРО һʹәчʹи зәʹф мәрьв ԝе тʹәви ԝан гьлийа ԛайил буна, кʹижан кӧ ԝәкә 3 500 сал пешда һатьбун ньвисаре, чьмки иро жи әʹмьр зу дәрбаз дьбә. Гава мәрьв анщах дәстпедькә тәʹма жийине фәʹм кә, әв кал-пир дьбә у дьмьрә. Ләма жи әʹщебмайи нинә кӧ мәрьв бь ԛьрʹна пәй ве йәке кʹәтьнә, ԝәки әʹмьре хԝә дьреж кьн.

Һена Ибода, Мьсьрийа органед щьнси йед һʹәйԝанед нерин дьхԝарьн, чьмки әԝана дьфькьрьн, кӧ бь ве йәке ԝе диса щаһьл бьн. Нета алхимикайә сәрәкә әв бу кӧ елексира жийине ԛазанщ кьн. Гәләка жь ԝан баԝәр дькьрьн, кӧ һәрге ԝана бь аликʹарийа химийайе, жь металед дьн зерʹ чекьра, әв йәк ԝе әʹмьре мәрьва дьреж кьра, у ӧса жи һәрге мәрьв жь фьраԛед зерʹ хԝарьн бьхԝарана ԝе бь әʹмьрәки дьреж бьжитана. Бәре Чинеда, мәрьвед кӧ пьштгьрийа һинкьрьнед Таоизме дькьрьн, баԝәр дькьрьн, кӧ бь сайа медитасийайе, бинкʹьшандьна рʹаст у дийетайе ԝе бькарьбьн сәр просеса хәбьтандьна навдьл һʹӧкӧм кьн, бь сайа чь жи ԝе бькарьбьн әʹмьре нәмьри ԛазанщ кьн.

Лекʹолинкʹарәки Испани бь наве Хоан Понсе де Леон, пәй ве йәке кʹәтьбу кӧ канийа щаһьлтийе дәст хә. Ԛьрʹна 18-да дохдьрәки кʹьтеба хԝәда (Hermippus Redivivus), тʹәми дабу ԝәки ԛизед бькʹьр бькьнә одәкә бьчʹук у паше һӧлма бинкʹьшандьна ԝан дәрданада тʹоп кьн у бьдьнә хәбате, сәва кӧ әʹмьре хԝә дьреж кьн. Һәмьки әв һʹәму методед ԝан кери тʹӧ тьшти нәдьһатьн.

ԝ15 15/4 32 ¶1-2

Гәло Дара Бьрʹи Дькарә Диса Шин бә?

ҺЬМБӘРИ дара Әʹрзе йа Лӧбнане, дара зәйтʹунейә жь щьсне гьре [Olea europaea], нә һаԛас бәдәԝ ә. Ле әв бах дькарә бәр һәԝайа гәләк сәрт жи сәбьр кә. Һәнә даред зәйтʹунейә ӧса, кӧ ԝәкә 1 000 сали нә. Кʹока ԝан дькарә һәла һе һьнге жи шин бә, һәрге бах бенә бьрʹине жи. Һʹәта кӧ кʹока даре сахләм ә, әв дькарә диса шин бә.

Ибойе амьн баԝәр бу, кӧ һәрге әв бьмьрә жи, ԝе диса бькарьбә бьжи (Ибо 14:13-15). Әԝи мәсәла даре ани, дьԛәԝьмә әв дара зәйтʹуне бу, ԝәки баԝәрийа хԝә һьндава ве йәке бьдә кʹьфше, кӧ ԛәԝата Хԝәде һәйә, диса ле вәгәрʹинә жийине. Әԝи гот кӧ һәла һе «жь бо дарәке һеви һәйә, бе бьрʹин жи, диса зил [чʹил] дьдә». Чахе паши зьһайе баран те, кочʹе баха зәйтʹунейә зьһа диса дькарә чʹьԛла бьдә. Ԝи чахи әԝе мина баха тʹәзә дачʹьканди, чʹьԛле хԝә бәрʹдә (Ибо 14:7-9).

ԝ11 1/3 22 ¶5

«Те Бира Әʹфьрандьнед Дәстед Хԝә Бьки»

Жь гьлийед Ибо те кʹьфше кӧ Йаһоԝа Хԝәдеки чьԛас дьлрʹәʹм ә: Әԝ һʹәзкьрьне дьдә кʹьфше һьндава ԝан мәрьвада, йед кӧ мина Ибо хԝә тʹәсмили ԝи дькьн у дьхԝазьн кӧ Әԝ рʹебәрийа ԝан бькә (Ишайа 64:8). Йаһоԝа хьзмәткʹаред хԝәйә амьн гәләк ԛимәт дькә. Әԝ гәләк бира ԝан хьзмәткʹаред хԝә дькә, йед кӧ мьрьнә. Чаԝа кӧ зандарәк дьбежә, хәбәра Ибрани «бира кәсәки бьки» емосийа у хԝәстьна лапә ԛайим дьдә кʹьфше. Бәле, Йаһоԝа нә тʹәне хьзмәткʹаред хԝә бира хԝәда хԝәй дькә, ле әԝ һʹьзрәта ве йәке йә, кӧ ԝана диса вәгәрʹинә жийине.

Хьзна Кʹьтеба Пироз

it-1 191

Кʹози

Кʹози жи симбола тьштәки бекер у бе ԛимәт бу. Гава Бьраһим тʹәви Йаһоԝа хәбәр дьда әԝи гот «Әз кӧ тʹоз у кʹози мә» (Дсп. 18:27; ӧса жи бьньһерʹә Иш. 44:20; Иб. 30:19). Ле Ибо сәр мәрьвед кӧ бәрдьлийа ԛәлп дьдан гот, ԝәки гьлийед ԝан «мәтʹәлокед жь хԝәлийе» нә (Иб. 13:12).

(Ибо 13:12) Тьштед кӧ һун бира хԝәда тиньн мәтʹәлокед жь хԝәлийе нә, кәләһед ԝә жи кәләһед жь һʹәрийе нә.

(Мәтта 7:1-15) Лома нәкьн, кӧ ломә ль ԝә нәбьн. ² Һун чь лома бькьн, әԝ ломә жи ԝе ль ԝә бьбьн у һун бь чь чапе бьпивьн, бь ԝе чапе жи ԝәрʹа ԝе бе пиване. ³ Тӧ чьма ԛьршьке чʹәʹве бьре хԝәда дьбини, ле кʹеране чʹәʹве хԝәда набини? ⁴ Йан жи чаԝа тӧ дькари бежи бьре хԝә: ‹Бьһелә кӧ әз ԛьршьк жь чʹәʹве тә дәрхьм›, ле ва йә кʹеран чʹәʹве тәда һәйә? ⁵ Дӧрʹу! Пешийе кʹеране чʹәʹве хԝә дәрхә. Паше те ԛәнщ бьбини кӧ чаԝа ԛьршьк жь чʹәʹве бьре хԝә дәрхи. ⁶ Тьште бӧһӧрти нәдьнә са у нә жи дӧрʹед хԝә бавежьнә бәр бәраза. Һәгәр на, бәразе ԝан бьн ньгед хԝәда пʹепәс кьн у сәйе жи вәгәрʹьн ԝә бьдьрʹиньн. ⁷ Бьхԝазьн һуне бьстиньн, бьгәрʹьн һуне бьбиньн, дәри хьн ԝе бәр ԝә вәбә. ⁸ Чьмки кʹи кӧ дьхԝазә дьстинә, кʹи кӧ дьгәрʹә дьбинә у кʹи кӧ дәри дьхә бәр вәдьбә. ⁹ Жь ԝә кʹижан ә әԝ мәрьв, кӧ кӧрʹе ԝи нан же бьхԝазә, әԝ кәвьр бьде? ¹⁰ Йан жи мәʹси бьхԝазә, әԝ мәʹр бьде? ¹¹ Һун кӧ хьраб ьн, заньн тьштед ԛәнщ бьдьнә зарʹед хԝә, ле Баве ԝәйи әʹзмана ԝе чьԛас тьштед ԛәнщ бьдә әԝед кӧ жь ԝи дьхԝазьн. ¹² Һәр чь кӧ һун дьхԝазьн мәрьв бона ԝә бькьн, һун жи ӧса ԝанарʹа бькьн. Әв ә мәʹна һинкьрьна Ԛануне у пʹехәмбәра. ¹³ Дәре тәнгрʹа бькʹәвьнә һьндӧрʹ, чьмки фьрә йә әԝ дәри у бәр ә әԝ рʹийа кӧ дьбә бәрбь ӧндабуне у гәләк ьн әԝед кӧ ԝеда дьчьн. ¹⁴ Ле гәләки тәнг ә әԝ дәри у зәʹмәт ә әԝ рʹийа кӧ дьбә бәрбь жийине у һьндьк ьн әԝед кӧ ԝе рʹейе дьбиньн. ¹⁵ Һʹәвза хԝә жь пʹехәмбәред дәрәԝ бькьн. Әԝе бь пʹосте пез бенә щәм ԝә, ле һьндӧрʹва гӧред пʹәрʹани нә.

13-19 МЬЖДАРЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | ИБО 15-17

«Бәрдьлийеда Чʹәʹв Нәдьнә Әлифаз»

ԝ05 15/9 26 ¶4-5

Фькьред Хьраб Инкʹар кьн!

Һәр се хәбәрдана Әлифазда фькьрәкә ӧса дәрбаз дьбә, кӧ йан чь Хԝәде тьштед ӧса жь мәрьва дәʹԝа дькә, ԝәки тʹӧ кәс нькарә бинә сери, кӧ бькарьбә ле рʹази кә. Әԝи дәрһәԛа Хԝәде ӧса готә Ибо: «Бьнерʹьн, әԝ бь хӧламед хԝә нә әԝлә йә, мьлйакʹәтед хԝәда жи шашийа дьвинә» (Иб. 4:18, ИМ). Паше әԝи ӧса гот: «Хԝәде жь пирозед хԝәрʹа әԝлә нинә, һʹәта әʹзман жи чʹәʹве ԝида нә паԛьж ьн» (Иб. 15:15). У әԝи пьрси: «Һәгәр тӧ рʹаст би, гәло ԝе дьле Кариндар хԝәш бә?» (Иб. 22:3, ИМ). Билдад тʹәви ньһерʹандьна Әлифаз ԛайил бу, ләма жи ӧса гот: «Ль гори ԝи бьрьԛина һиве жи тʹӧнәйә, стәйрк ль бәр чʹәʹве [Хԝәде] нәпаԛьж ьн» (Иб. 25:5, ИМ).

Әм гәрәке жь фькьред ӧса хԝә дур бьгьрьн, чьмки әме дәстпекьн бьфькьрьн, кӧ Хԝәде тьштед жь ԛәԝата мә дәр жь мә дәʹԝа дькә. Фькьред ӧса дькарьн һәләԛәтийа мәйә баш тʹәви Йаһоԝа хьраб кьн. Һәрге әм ӧса бьфькьрьн, гәло әме хԝә ча бьдьнә кʹьфше, гава кәсәк ширәт бьдә мә? Дәԝса кӧ ширәте ԛәбул кьн, дьԛәԝьмә дьле мә «һьндава Хӧданда бинтәнг дьбә», демәк әм дәстпекьн сәр Хԝәде нәԛайил бьн (Мтʹл. 19:3). Гәло ԝи чахи рʹӧһʹанийа мә ԝе чь һʹалида бә!

ԝ15 15/2 9 ¶16

Чʹәʹв Бьдьнә Иса Мьлукти у Дьлшәԝатийеда

¹⁶ Хәбәред мәйә дьлшәԝат. Дьлшәԝати мә һелан дькә, ԝәки әм пе хәбәред хԝә бәр дьле мәрьвед дьлтәнгда бен (1 Тʹесалоники 5:14). Ле чь әм дькарьн бежьн ԝәки ԝана дьлгәрм кьн? Әм дькарьн ԝанарʹа бежьн, кӧ әм чьԛас бона ԝан хәм дькьн. Әм дькарьн пʹайе ԝан бьдьн, у али ԝан бькьн кӧ әԝана бьвиньн һʹӧнӧр у фәрәсәтед хԝәйә баш. Әм дькарьн биньнә бира ԝан, кӧ Йаһоԝа әԝана анинә сәр рʹийа рʹаст у әԝана гәрәке жь Йаһоԝа рʹази бьн (Йуһʹәнна 6:44). Әм дькарьн ԝана бьдьнә баԝәркьрьне, кӧ Йаһоԝа гәләк хәм дькә бона һʹәму ԛӧльхкʹаред хԝә, йед кӧ дьлшкәсти нә (Зәбур 34:18). Хәбәред мәйә дьлшәԝат бь рʹасти жи дькарьн дьлгәрм кьн ԝан, йед кӧ һʹәԝще бәрдьлийе нә (Мәтʹәлок 16:24).

Хьзна Кʹьтеба Пироз

ԝ06 15/3 14 ¶11

Фькьред Сәрәкә жь Кʹьтеба Ибо

7:9, 10; 10:21; 16:22—Гәло әԝ гьлийед Ибо тенә һʹәсабе, кӧ әԝи баԝәрийа хԝә рʹабуна мьрийа нәдьани? Вьра Ибо дәрһәԛа ве йәке дьгот, чь кӧ зӧтьрәки гәрәке бьһата сәре ԝи. Дьԛәԝьмә әԝи дьхԝәст бьгота, кӧ һәрге әԝ бьмьрә, мәрьвед кӧ рʹожед ԝида дьжитьн, ԝе ида нькарьбуна ԝи бьдитана. Һәрге бь ньһерʹандьна ԝан мәрьва бьньһерʹьн, Ибо тʹӧ щар ԝе пашда вәнәгәрʹийа мала хԝә у тʹӧ кәс ԝе һаш жь ԝи тʹӧнәбуйа, һʹәта рʹожа кӧ Хԝәде кʹьфш кьрьбу. Дьбәкә Ибо ӧса жи дьхԝәст бьгота, кӧ тʹӧ кәс бь хԝәстьна хԝә ԝе нькарьбә жь дийаре мьрийа вәгәрʹә. Әв йәк кӧ Ибо баԝәрийа хԝә рʹабуна мьрийа дьани, те кʹьфше жь гьлийед ԝи, кӧ Ибо 14:13-15-да ньвисар ьн.

(Ибо 16:22) Жь бәр кӧ чәнд сал дәрбаз бьбә, әзе һәрʹьм рʹийа кӧ әз же вәнагәрʹьм.

(Мәтта 8:1-12) Паше Иса жь чʹийе һатә хԝаре, әʹлаләтәкә гьран да пәй ԝи чу. ² Һьнге йәки кʹоти һат хԝә авитә бәр ԝи у готе: «Хӧдан! Һәгәр бьхԝази, тӧ дькари мьн паԛьж ки». ³ Иса дәсте хԝә дьреж кьре ле кʹәт у готе: «Әз дьхԝазьм. Паԛьж бә!» У дәстхԝәда әԝ жь кʹотибуне паԛьж бу. ⁴ Һьнге Иса жерʹа гот: «Бьньһерʹә, тʹӧ кәсирʹа тьштәки нәбежи, ле һәрʹә хԝә нишани кʹаһин кә у һʹәдийа кӧ Муса тʹәми дайә бьдә, ԝәки һʹәмуйарʹа бьбә шәʹдәти, кӧ тӧ паԛьж буйи». ⁵ Гава Иса кʹәтә Кәфәрнаһуме, сәрсәдәк һатә щәм ԝи, һиви же кьр у готе: ⁶ «Хӧдан, хӧламе мьн шьлушәʹт малда пʹалдайә, гәләки щәфе дьбинә». ⁷ Иса готә ԝи: «Әзе бем ԝи ԛәнщ кьм». ⁸ Сәрсәд ле вәгәрʹанд у готе: «Хӧдан, әз нә һежа мә кӧ тӧ бейи мала мьн. Ле тʹәне хәбәрәке бежә у хӧламе мьне бь ԝе хәбәре ԛәнщ бә. ⁹ Әз хԝәха жи мәрьвәки бьн һʹӧкӧмда мә у бьн дәсте мьнда жи әскәр һәнә. Әз йәкирʹа дьбежьм: ‹Һәрʹә›, дьчә, йәки дьнрʹа дьбежьм: ‹Ԝәрә›, те у хӧламе хԝәрʹа дьбежьм: ‹Ви тьшти бькә›, дькә». ¹⁰ Гава Иса әв йәк бьһист, зәндәгьрти ма у готә әԝед кӧ пәй ԝи дьчун: «Әз рʹаст ԝәрʹа дьбежьм, Исраеледа жи мьн баԝәрикә аһа йәкида нәдитийә. ¹¹ Әз ԝәрʹа дьбежьм, кӧ гәләке жь рʹоһьлате у жь рʹоавайе бен у шайийа Пʹадшатийа Әʹзманада тʹәви Бьраһим, Исһаԛ у Аԛуб рʹунен, ¹² ле зарʹед Пʹадшатийе ԝе бенә авитьне тәʹрийа дәрва. Ль ԝьр ԝе бьбә гьри у чʹьркә-чʹьрка дьрана».

20-26 МЬЖДАРЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | ИБО 18-19

«Тʹӧ Щар Хушк-Бьред Хԝә Нәһелә»

ԝ22.01 16 ¶9

Дәрсед кӧ Әм жь Һесьред Иса Һин Дьбьн

⁹ Дьлбинийе бьдә кәсед кӧ шине дькьн. Хенщи ве йәке кӧ Иса тʹәви Мәртʹа у Мәрйәме гьрийа, әԝи гӧһ да ԝан у бәр дьле ԝанда һат. Ԝе баш бә кӧ әм жи бәр дьле ԝан мәрьвада бен, йед кӧ шине дькьн. Рʹуспики бь наве Дан, йе кӧ ль Австралйайе дьжи, дьбежә: «Чахе мьн жьна хԝә ӧнда кьрьбу, әз һʹәԝще бәрдьлийе бум. Чәнд бьра тʹәви жьнед хԝә һазьр бун шәв у рʹож гӧһ бьдьн мьн. Әԝана сәва һесьред чʹәʹвед мьн әʹщьз нәдьбун у нәдьготьн кӧ ида бәс ә. Ӧса жи, ԝана гәләк али мьн дькьр. Мәсәлә, гава мьн хԝә бетʹаԛәт тʹәхмин дькьр, ԝана әʹрәба мьн дьшушт, бона мьн дьчунә дькʹане у хԝарьн һазьр дькьрьн. Ӧса жи, ԝана гәләк щара тʹәви мьн дӧа дькьр. Әԝана рʹасти жи ‹бона рʹожа охьрме гьран› мьнрʹа бун дост у бьра» (Мәтʹәлок 17:17).

ԝ21.09 30 ¶16

Гава Мәрьвәки Мә Йаһоԝа Дьһелә

¹⁶ Бәрдәԝам кә пьштгьрийа малбәтед ӧса бькә. Һʹьзкьрьн у дьлгәрмийа тә ԝанрʹа гәләк лазьм ә (Ибрани 10:24, 25). Щарна, гава кәсәк жь щьвате те дәрхьстьне, һьнә хушк-бьра хԝә жь малбәта ԝи жи дур дьгьрьн, те бежи әԝана жи жь щьвате һатьнә дәрхьстьне. Тʹӧ щар ве шашийе нәкьн! Илаһи хушк-бьред щаһьл, де-баве кʹижана Йаһоԝа һиштьн, һʹәԝще пʹайи у дьлбинийе нә. Мариа, мере кʹижане һьм жь щьвате һатьбу дәрхьстьн һьм жи малбәта хԝә һишт, дьбежә: «Һьнә һәвалед мьн дьһатьн мала мьн кӧ хԝарьне мәрʹа чекьн у али мә бькьн ԝәки тʹәви зарʹа ԛӧльхкьрьна малбәте дәрбаз кьм. Ԝана еша мьн фәʹм дькьр, у әԝана тʹәви мьн дьгьрийан. Гава тьштед нәрʹаст дәрһәԛа мьн бәла дькьрьн, ԝана хԝә кәрʹ нәдькьрьн у бәр мәрьва әз дьпарастьм. Ԝана бь рʹасти гәләк ԛәԝат дьданә мьн!» (Рʹомайи 12:13, 15).

ԝ90 1/9 22 ¶20

Гәло Тӧ Хирәт Дьки кӧ Щабдарийа Бьстини?

²⁰ Кʹома рʹуспийа гәрәке фәʹм бькә, кӧ чахе бәрпьрсийар йан жи аликʹарчийе щьвате щабдарийа хԝә ӧнда дькә, әԝ йәк бона ԝан стресәкә мәзьн ә, һәла һе һьнге жи, һәрге әԝ бьра хԝәха сафи кьрийә әве щабдарийе бьһелә. Һәрге әԝ мәрьв жь щьвате нәһатийә дәрхьстьне у рʹуспи тедәрдьхьн кӧ әԝ дьлтәнг ә, әԝана гәрәке бәр дьле ԝида бен у рʹӧһʹанида али ԝи бькьн (1 Тʹесалоники 5:14). Әԝана гәрәке ԝирʹа бьдьнә кʹьфше, кӧ әԝ щьватерʹа лазьм ә. Һәла һе һәрге ԝирʹа ширәт һатьбу дайине жи, йәкә мәрьве мьлук у шекьрдар ԝе диса бькарьбә щьватеда щабдарийа бьстинә.

Хьзна Кʹьтеба Пироз

ԝ94 1/10 32

Ԛәԝата Хәбәра Ԛәнщ

Чахе Ибо һʹәԝще бәрдьлийе бу, әԝи жь Әлифаз у дӧ һәвалед ԝи, тʹӧ хәбәрәкә ԛәнщ нәбьһист. Ԝана дьготе ԝәки әԝ хԝәха нәһәԛ ә, кӧ кʹәтийә ԝи һʹали, чьмки дьбәкә дьзикава хьраби кьрийә (Ибо 4:8). Фәрһәнгәкә Кʹьтеба Пирозда ӧса те готьне: «Ибо һʹәԝще бәрдьлийе йә, ле дәԝса ве йәке, әԝ чәнд гьлийед религийә бәдәԝ дьбьһе, йед кӧ йан чь ‹рʹаст› ьн». Ибо жь гьлийед ԝан ӧса тʹәвльһәв бу, кӧ гот «Гәло һуне һʹәта кʹәнге мьн әʹщьз бькьн у бь готьна мьн бьпʹәрчʹьԛиньн?» (Ибо 19:2)

Әм гәрәке тʹӧ щар изьне нәдьнә хԝә, ԝәки рʹийе гьлийе мәда, хьзмәткʹаре Хԝәде дьлтәнг бә у бьгьри (Бәрамбәр кә Ԛануна Дӧщари 24:15). Кʹьтеба Пирозда ӧса те готьне: «Мьрьн у жийин дәсте зьмен ьн, йе кӧ же һʹьз дькьн жь бәред ԝи дьхԝьн» (Мәтʹәлок 18:21).

(Ибо 19:1, 2, ИМ) Әйуб [Ибо] ле вәгәрʹанд у гот: ² «Гәло һуне һʹәта кʹәнге мьн әʹщьз бькьн у бь готьна мьн бьпʹәрчʹьԛиньн?

(Мәтта 8:13-34) Паше Иса сәрсәдрʹа гот: «Һәрʹә! Бьра ль гора баԝәрийа тә тәрʹа бә». У ԝе дәме хӧламе ԝи ԛәнщ бу. ¹⁴ Гава Иса һатә мала Пәтрус, хԝәсийа ԝи тʹайеда пʹалдайи дит. ¹⁵ Әԝи дәсте хԝә да дәсте ԝе у тʹайе же бәрʹда, рʹабу бәрдәсти ԝирʹа кьр. ¹⁶ Гава рʹо чу ава, гәләк щьнакʹәти анинә щәм ԝи. Әԝи бь хәбәре рʹӧһʹед һʹәрам дәрхьстьн у һʹәму нәхԝәш ԛәнщ кьрьн. ¹⁷ Әв аһа бу, кӧ әԝ готьна бь заре Ишайа пʹехәмбәр бе сери, кӧ ньвисар ә: «Әԝи нәхԝәшийед мә һьлдан у ешед мә бьрьн». ¹⁸ Чахе Иса әʹлаләт дора хԝә дит, әʹмьр ль шагьрта кьр кӧ һәрʹьнә ԝи бәри голе. ¹⁹ Һьнге ԛанунзанәк незики ԝи бу у готе: «Дәрсдар! Тӧ кʹӧда жи һәрʹи, әзе пәй тә бем». ²⁰ Иса готә ԝи: «Рʹувийарʹа ԛӧл һәнә, тәйрәдед әʹзменрʹа жи һелин, ле бона Кӧрʹе Инсан щик тʹӧнә кӧ сәре хԝә ле дайнә». ²¹ Шагьртәки ԝи готе: «Хӧдан! Изьне бьдә мьн кӧ әз пешийе һәрʹьм баве хԝә дәфьн кьм». ²² Ле Иса жерʹа гот: «Тӧ пәй мьн ԝәрә. Бьра мьри мьрийе хԝә дәфьн кьн». ²³ Гава Иса кʹәтә ԛәйьке^, шагьртед ԝи тʹәви ԝи чун. ²⁴ Ньшкева фьртонәкә мәзьн ль голе рʹабу, ӧса кӧ ԛәйьк пелада ӧнда дьбу. Ле әԝ рʹазайи бу. ²⁵ Һьнге шагьрт незики ԝи бун, әԝ һʹьшйар кьрьн у готьне: «Хӧдан! Мә хьлаз кә! Әм ӧнда дьбьн!» ²⁶ Иса готә ԝан: «Чьма һун ӧса тьрсонәк ьн кембаԝәрно?» Ԝе дәме рʹабу ль байе у голе һьлат у һʹәму тьшт сәԛьрʹин. ²⁷ Мәрьвед тʹәви ԝи әʹщебмайи ман у готьн: «Әв кʹи йә, кӧ ба у гол жи ельми ԝи дьбьн?» ²⁸ Гава Иса дәрбази ԝи алийе тʹопрахед Гәрдарине бу, дӧ щьнакʹәти жь нав горʹьстана дәркʹәтьн у рʹасти ԝи һатьн. Әԝ ӧса һар бун, кӧ кәсәк нькарьбу ԝе рʹерʹа дәрбаз буйа. ²⁹ Ԝана кьрә ԛирʹин у готьн: «Тӧ чь жь мә дьхԝази, Кӧрʹе Хԝәде? Жь ԝәхт зутьр һати щәфе бьди мә?» ³⁰ Жь ԝана ԝедатьр сурики бәразайи мәзьн дьчʹерийа. ³¹ Щьна рʹәща жь ԝи дькьр у дьготьне: «Һәгәр тӧ мә дәрдьхи, бьһелә әм һәрʹьн бькʹәвьнә нава сурийе бәраза». ³² Әԝи готә ԝан: «Һәрʹьн!» Әԝ жи дәркʹәтьн чун кʹәтьнә нава бәраза у әԝ сури пева жорда рʹәви, хԝә жь кәнделда авитьнә голе у хәньԛин. ³³ Бәразван рʹәвин чунә бажер, чь кӧ һатьбу сәре щьнакʹәтийа готьн. ³⁴ Һьнге һʹәму мәрьвед бажер дәркʹәтьнә пешийа Иса у гава әԝ дитьн, рʹәща жь ԝи кьрьн кӧ жь әʹрде ԝан һәрʹә.

27 МЬЖДАРЕ–3 КАНУНА ПЕШЬН

ФЬКЬРЕД ԚИМӘТ ЖЬ ХӘБӘРА ХԜӘДЕ | ИБО 20-21

«Амьни Һәбукева Гьредайи Нинә»

ԝ07 1/8 29 ¶12

Гәло Тӧ Бәр Хԝәде Дәԝләти йи?

¹² Иса хԝәстьна кӧ бәр чʹәʹве Хԝәде дәԝләти бьн, бәрамбәри ԛазанщкьрьна һәбуне кьр. Бь ве йәке Иса дьхԝәст бьгота, ԝәки йа һәрә фәрз әʹмьре мәда гәрәке ԛазанщкьрьна һәбуке нибә у нә жи ләзәта жь ԝан тьшта, чь кӧ дьбәкә бал мә һәйә. Әм гәрәке чь кӧ щәм мә һәйә ӧса бьдьнә хәбате, ԝәки һәләԛәтийа хԝә тʹәви Йаһоԝа ԛәԝи кьн у бь ве йәке әʹмьре хԝә дәԝләти кьн. Ӧса әме бәр чʹәʹве Хԝәде дәԝләти бьн. Гәло чьрʹа? Чьмки Әԝе кʹәрәмед мәзьн сәр мәда бьбаринә. Кʹьтеба Пирозда те готьнә: «Дӧайе Хӧдан һәбуке дьдә у кʹәдәре сәрда зедә накә» (Мәтʹәлок 10:22).

Хьзна Кʹьтеба Пироз

ԝ95 1/1 9 ¶19

Сәркʹәтьна Һьмбәри Мире-щьна у Кьред Ԝи

¹⁹ Ибо һьмбәри «фькьред» кӧ ԝи дьлтәнг дькьрьн, шәрʹ дькьр, йед кӧ Мире-щьна бь сайа Әлифаз у Зофар дәрбази ԝи дькьрьн (Ибо 4:13-18; 20:2, 3). Жь бо дәрде гьран, Ибо дәстпекьр дәрһәԛа ԝан тьшта ԛал-бал хәбәр дә, чь кӧ һʹьш-аԛьле ԝи алт кьрьбун (Ибо 6:2-4; 30:15, 16). Әлиһу рʹьнд гӧһ да Ибо у али ԝи кьр, ԝәки әԝ сәр дәрәща хԝә бь чʹәʹве Йаһоԝа бьньһерʹә, биланийа кʹижани бе синор ә. Иро жи рʹуспийед дьлшәԝат бона хушк-бьра хәм дькьн у кәсед дьлтәнг баргьран накьн. Ле әԝана чʹәʹв дьдьнә Әлиһу у бь сәбьр гӧһ дьдьнә ԝан, у жь Хәбәра Хԝәде бәрдьлийе дьдьнә ԝан (Ибо 33:1-3, 7; Аԛуб 5:13-15). Ләма жи һʹәму мәрьвед дьлтәнг, фьрԛи тʹӧнә жь чь дьлтәнг бунә, дькарьн щьватеда жь Хәбәра Хԝәде дьлбинийе бьстиньн, у һәла һе мәрьвед ӧса жи, йед кӧ мина Ибо жь «хәԝн у хәйала» дьтьрсьн (Ибо 7:14; Аԛуб 4:7).

(Ибо 20:2, ИМ) Фькьред мьн дькьн кӧ әз бәрсьве бьдьм, жь бәр ве йәке кʹәләщана [бәр хԝә кʹәтьна] мьн пʹьрʹ ә.

(Мәтта 9:1-14) Иса кʹәтә ԛәйьке пашда вәгәрʹийа һатә бажаре хԝә. ² Ԝе дәре шьлушәʹтәк ньвинеда пʹалдайи анинә щәм. Гава Иса баԝәрийа ԝан дит, готә йе шьлушәʹт: «Лаԝо, сәр хԝә бә! Гӧнед тә һатьнә бахшандьне». ³ Ле жь ԛанунзана һьнәк нав хԝәда фькьрин: «Әва кʹьфьрийа дькә». ⁴ Фькьред ԝан Исава әʹйан бун у гот: «Һун чьма дьле хԝәда тьште хьраб дьфькьрьн? ⁵ Кʹижан рʹьһʹәт те готьне: ‹Гӧнед тә һатьнә бахшандьне›, йан ‹Рʹабә у бьгәрʹә›? ⁶ Ле ԝәки һун бьзаньбьн кӧ һʹӧкӧме Кӧрʹе Инсан һәйә ль сәр дьне гӧна бьбахшинә», һьнге готә йе шьлушәʹт: «Рʹабә ньвина хԝә һьлдә, һәрʹә мала хԝә!» ⁷ Әԝ жи рʹабу чу мала хԝә. ⁸ Гава әʹлаләте әв йәк дит, хофе әԝ гьртьн у шькьри данә Хԝәде, кӧ әв һʹӧкӧм дайә мәрьва. ⁹ Иса жь ԝьр пешда чу, йәки кӧ наве ԝи Мәтта бу ль щийе хәрщһьлдане рʹуньшти дит у готе: «Пәй мьн ԝәрә». Әԝ жи рʹабу пәй Иса чу. ¹⁰ Гава Иса мала Мәттада сәр сьфре рʹуньштьбу, гәләк хәрщгьр у гӧнәкʹаред дьн һатьн тʹәви Иса у шагьртед ԝи рʹуньштьн. ¹¹ Чахе ферьсийа әв йәк дит, шагьртед ԝирʹа готьн: «Чьма дәрсдаре ԝә тʹәви хәрщгьр у гӧнәкʹара дьхԝә у вәдьхԝә?» ¹² Ле гава Иса әв йәк бьһист ԝанарʹа гот: «Сахләм нә һʹәԝще һʹәким ьн, ле нәхԝәш. ¹³ Һәрʹьн мәʹна ван хәбәра һин бьн: ‹Әз рʹәʹме дьхԝазьм, нә кӧ ԛӧрбане›. Әз нәһатьмә гази йед рʹаст кьм, ле гази гӧнәкʹара». ¹⁴ Һьнге шагьртед Йуһʹәнна һатьнә щәм ԝи у готьне: «Чьма әм у ферьси гәләк щара рʹожи дьгьрьн, ле шагьртед тә рʹожи нагьрьн?»

4-10 КАНУНА ПЕШЬН

ФЬКЬРЕД ԚИМӘТ ЖЬ ХӘБӘРА ХԜӘДЕ | ИБО 22-24

«Гәло Мәрьв Дькарә Кери Хԝәде Бе?»

ԝ05 15/9 27 ¶1-3

Фькьред Хьраб Инкʹар кьн!

Әв фькьр кӧ Хԝәде йәки сәрт ә, мина ве йәке йә, кӧ мәрьв бәр чʹәʹве Ԝи кери тьштәки найен. Хәбәрдана хԝәйә сьсийада Әлифаз пьрси: «Гәло мәрьв дькарә кери Хԝәде бе? Йан жи йәки фәʹмкʹар дькарә кʹаре бьдә ԝи?» (Ибо 22:2, ДТʹ). Бь ньһерʹандьна Әлифаз, мәрьв бона Хԝәде тʹӧ тьшт ниньн. Билдад жи фькьрәкә ӧса гот: «Гәло мьров чаԝа ль һьзура Хԝәде дькарә рʹаст бә? Йе жь жьнәке чедьбә, чаԝа дькарә пʹак бә?» (Ибо 25:4, ИМ). Бь гьлийед хԝә, әԝи Ибо сущдар дькьр, кӧ чаԝа әԝ, мәрьвәки кӧ ԝе бьмьрә, изьне дьдә хԝә ԝәки бәр Хԝәде хԝә рʹаст һʹәсаб кә?

Иро һьнә мәрьв дьлтәнг ьн, чьмки әԝана хԝә кери тʹӧ тьшти һʹәсаб накьн. Дьбәкә сәр ԝан һʹӧкӧм кьрийә щурʹе мәзьнкьрьна ԝан, һʹале жийина ԝан, йан жи щӧдәбуна ортʹа мьләт у раса. Ле Мире-щьна у щьнед ԝи шабуне дьстиньн, гава мәрьв тенә ньмьзкьрьне у дьлтәнг ьн. Һәрге мәрьв дәрәԝе Мире-щьна баԝәр кә, кӧ әԝ бадиһәԝа ԛәԝате хәрщ дькә, ԝәки Хԝәде рʹази кә, әԝ дькарә дьлтәнг бә у сьст бә. Ԝәʹдә шунда әԝ мәрьв дькарә бьхальфә у һәла һе пьшта хԝә жи бьдә Хԝәде (Ибрани 2:1; 3:12).

Чахе мәрьв мәзьн дьбә у сьһʹәт-ԛәԝата ԝи ида сьст дьбә, әԝ дькарә бьфькьрә ԝәки чь кӧ әԝ ньһа бона Хԝәде дькә, тʹӧ тьшт нинә һьмбәри ве йәке, чь кӧ әԝи щаһьлтийеда дькьр, гава һе сьһʹәт-ԛәԝат у сәр хԝә бу. Бәле, гәләк фәрз ә бир нәкьн, кӧ бь рʹасти Мире-щьна у щьнед ԝи дьхԝазьн ԝәки әм баԝәр кьн, кӧ хирәта мә бәр Хԝәде бош-бәтал ә. Әм гәрәке дәрберʹа фькьред ӧса жь һʹьше хԝә дәрхьн!

ԝ95 15/2 27 ¶6

Дәрс кӧ Ча Проблема Сафи кьн

Гава се һәвалед Ибо хәбәр дан, ԝана нә кӧ биланийа Хԝәде әʹйан кьр, ле фькьред хԝә ԝирʹа готьн, чь кӧ Ибо дьһа дьлтәнг кьрьн. Әлифаз һәла һе гот, кӧ Хԝәде «бь хӧламед хԝә нә әԝлә йә», демәк итʹбарийа хԝә хьзмәткʹаред хԝә найнә, у хәма Йаһоԝа нинә, кӧ Ибо жерʹа амьн ә йан на (Ибо 4:18, ИМ; 22:2, 3). Гәло жь ԝан гьлийа хьрабтьр ԛә тьштәк һәйә, кӧ дьле мәрийа бешинә! Ләма жи әʹщебмайи нинә, кӧ ԝәхт шунда Йаһоԝа Әлифаз у һәвалед ԝи сущдар кьрьн, чьмки ԝана бӧхдан авитә Ԝи. Йаһоԝа готә ԝан, ԝә «сәр мьн йа рʹаст нәгот» (Ибо 42:7, ИМ). Ле паше, ԝана дьһа тьштед әʹщеб гот.

ԝ03 15/4 14-15 ¶10-12

Щаһьлед кӧ Дьле Йаһоԝа Ша Дькьн

¹⁰ Чаԝа кӧ Кʹьтеба Пирозда те готьне, Мире-щьна нә кӧ тʹәне амьнийа Ибо кьрә бьн шьке, ле һʹәму хьзмәткʹаред Хԝәде, у тә жи. Әԝи дәрһәԛа һʹәму мәрьва готә Йаһоԝа: «Мьров [нә тʹәне Ибо ле һʹәму мәрьв] жь бо щане хԝә һәр тьшти дьдә» (Ибо 2:4, ИМ). Ле әв пьрса фәрз ча тә жи дькʹәвә? Чаԝа кӧ Мәтʹәлок 27:11-да те готьне, Йаһоԝа дьбежә, ԝәки тӧ дькари тьштәки бьди ԝи. Гәло әԝ чь йә? Һәла бьфькьрә, Хԝәдайе Һьмзор тә тʹәглиф дькә, ԝәки тӧ пьрса лапә фәрз дьнйалькеда, кʹар бьки. Әԝ йәк щабдари у ԛәдьрәки гәләк мәзьн ә! Гәло тӧйе бькарьби бини сери, чь кӧ Йаһоԝа жь тә дәʹԝа дькә? Ибо ани сери (Ибо 2:9, 10). Иса жи ани сери, у нава тʹәрихийеда беһʹәсаб мәрьв жи әв дәʹԝакьрьна Хԝәде анинә сери, нав ԝанда гәләк щаһьл жи һәбун (Филипи 2:8; Әʹйанти 6:9). Баԝәр бә кӧ тӧ жи дькари. Ле бир нәкә, ве пьрседа мәрьв нькарә тʹәне дина хԝә бьде, кӧ әԝ пьрс ԝе ча сафи бә. Ве пьрседа әм гәрәке бь кьред хԝә бьдьн кʹьфше, кӧ әм пьшта кʹе дьгьрьн, йа Йаһоԝа йан Мире-щьна. Ле тӧйе чь бьжбери?

Йаһоԝа бона Тә Хәм дькә!

¹¹ Гәло бона Йаһоԝа фәрз ә кӧ тӧйе чь бьжбери? Гәло бәс нинә кӧ ида һаԛас мәрьв Хԝәдерʹа амьн манә, ԝәки щаба пьрса Мире-щьна бьдьн? Мире-щьна дьгот кӧ тʹӧ кәс жь бо һʹәзкьрьне Йаһоԝарʹа хьзмәт накә, у ида һатийә избаткьрьне кӧ әԝ готьна ԝи дәрәԝ ә. Ле диса жи Йаһоԝа дьхԝазә ԝәки тӧ ве пьрседа алийе ԝи бьгьри, чьмки әԝ хут бона тә хәм дькә. Иса гот: «Баве ԝәйи әʹзмана нахԝазә кӧ жь ван бьчʹука йәк ӧнда бә» (Мәтта 18:14).

¹² Бәле, бона Йаһоԝа фәрз ә кӧ тӧйе кʹижан рʹе бьжбери. Кʹьтеба Пирозда те готьне, ԝәки һьм кьред мәрьвайә баш, һьм жи йед хьраб сәр Йаһоԝа һʹӧкӧм дькьн. Мәсәлә, чахе Исраели гәләк щар мьԛабьли Йаһоԝа дәрдькʹәтьн, бь ве йәке ԝана Ԝи «бинтәнг дькьрьн» (Зәбур 78:40, 41). Ԝәʹде Нӧһ, пешийа Селаве, «хьрабийа мәрьва ль сәр әʹрде зедә» бьбу, у жь бо ве йәке Йаһоԝа «гәләки дьлтәнг бу» (Дәстпебун 6:5, 6). Бьфькьрә әв йәк чь те һʹәсабе. Һәрге тӧ рʹийа хьраб бьжбери, тӧйе дьле Әʹфьрандаре хԝә бешини. Әв йәк найе һʹәсабе ԝәки Хԝәде бь зедәйи тьшта һьлдьдә дьле хԝә, йан жи дькʹәвә бәр байе емосийа. Дәԝсе, әв тә һʹәз дькә у бона һʹалхԝәшийа тә хәм дькә. У чахе тӧ тьштед рʹаст дьки, бь ве йәке дьле Йаһоԝа ша дьбә. У Әԝ нә тʹәне бона ве йәке ша дьбә, кӧ дькарә щаба Мире-щьна бьдә, ле чьмки мәщал жерʹа те дайине, ԝәки тә кʹәрәм кә. Бәле, Әԝ гәләк дьхԝазә ве йәке бькә (Ибрани 11:6). Дә бьдә һʹәсабе хԝә, Баве тәйи Әʹзмана, Йаһоԝа, йәки чьԛас бь һʹәзкьрьне тʹьжә йә!

Хьзна Кʹьтеба Пироз

ԝ04 15/7 21-22

Бьра Нетед Тәйә Рʹӧһʹани Әʹфьрандаре Тә Рʹумәт кьн

Ԝәрә әм шеԝьр кьн кӧ ча Йаһоԝа гәрдун дьәʹфьранд, демәк нета хԝә дәрһәԛа әʹрде дьани сери. Бь ван гьлийа «у бу евар у сьбәһ», Йаһоԝа ԝәхтед әʹфьрандьне, кӧ пәй һәв дьһатьн, жь һәв щӧдә кьр (Дәстпебун 1:5, 8, 13, 19, 23, 31). Әʹфьрандаре мә, дәстпека һәр ԝәхте әʹфьрандьне, заньбу кӧ нета ԝи чь йә, демәк ве рʹоже әԝи чь дьхԝәст бькьра. Паше Әԝи ида дәстпедькьр бьәʹфьринә (Әʹйанти 4:11). Ибо дәрһәԛа Йаһоԝа гот кӧ «щане ԝи чь бьхԝазә ԝи дькә» (Ибо 23:13, ИМ). Ча кʹьфш ә, гава Йаһоԝа «дина хԝә да һʹәму кьрьна хԝә», әԝ ша бу, чьмки әԝана «гәләки ԛәнщ бун» (Дәстпебун 1:31).

Сәва кӧ нетед мә бенә сери, хԝәстьна мә жи гәрәке ԛәԝи бә. Ле чь дькарә али мә бькә, ԝәки хԝәстьнәкә ӧса пешда биньн? Чахе әʹрд «бещурʹә у вьки-вала бу», Йаһоԝа дьда бәр чʹәʹве хԝә, кӧ ахьрийеда чахе нета ԝи бе сери, әʹрд ԝе чьԛас бәдәԝ бә, ԝе бьбә мина мьрщанәкә хас космоседа, у ԝе наве ԝи һӧрмәт-рʹумәт кә. Һәрге әм жи дәрһәԛа ахьрийа нета хԝә бьфькьрьн, кӧ әв йәк ԝе чь кʹаре бинә, ԝи чахи хԝәстьна мә ԝе дьһа зедә бә, кӧ бьгьһижьнә нета хԝә. Тонийе 19 сали һәма ӧса жи кьр. Чахе Тони щара пешьн чу филиала Шәʹдед Йаһоԝа йа Әԝропайа Рʹоавайе, әԝ зәндәгьрти ма. Жь ви чахива жь һʹьше ԝи дәрнәдькʹәт, кӧ жийин у хьзмәтийа ԝедәре чьԛас хԝәш ә! Тони тʹьме дәрһәԛа ве нете дьфькьри у бәрдәԝам дькьр бьгьһижә нета хԝә. Әԝ чьԛас бәхтәԝар бу, чахе чәнд сал шунда ԝи тʹәглифи Бәйтʹәле кьрьн!

(Ибо 23:13, ИМ) Әԝ бь тʹәна сәре хԝә йә, кʹи дькарә ԝи бьзьвьрʹинә? Щане ԝи чь бьхԝазә ԝи дькә.

(Мәтта 9:15-38) Иса готә ԝан: «Ԛәт дьбә кӧ хԝәндийед дәʹԝате шине бькьн, һʹәта кӧ зәʹва тʹәви ԝан ә? Ле рʹоже бен, гава зәʹва жь ԝан бе һьлдане, һьнге ԝе рʹожи бьгьрьн. ¹⁶ Кәсәк пе пʹарчʹе ну кʹьнща кәвьн пʹинә накә, чьмки пʹарчʹе кʹьнща кәвьнва дьрути ԝе зоре ль кʹьнща кәвьн бькә у щийе ԛәльши ԝе һе ль бәр һәв һәрʹә. ¹⁷ Нә жи шәрава ну дькьнә мәшкед кәвьн. Һәгәр ӧса бә, мәшке бьтʹәԛьн, шәраве бьрʹьжә у мәшке жи хьраб бьн. Ле шәрава ну дькьнә мәшке ну у һәр дӧ жи тенә хԝәйикьрьне». ¹⁸ Гава Иса һе әв йәка ԝанарʹа дьгот, сәрԝерәк һат хԝә авитә бәр ньге ԝи у готе: «Ԛиза мьн һежа мьрийә. Ле ԝәрә дәсте хԝә дайнә сәр ԝе у әԝе бьжи». ¹⁹ Иса рʹабу тʹәви шагьртед хԝә да пәй ԝи чу. ²⁰ Кʹӧлфәтәкә нәхԝәш, кӧ донздәһ салед ԝе бун сәр хуне вәбьбу, пьштева һат у рʹишийед кʹьнще Иса кʹәт. ²¹ Әԝе нета хԝәда данибу: «Һәгәр әз тʹәне кʹьнще ԝи кʹәвьм, әзе ԛәнщ бьм». ²² Иса сәр мьле хԝәва вәгәрʹийа әԝ дит у готе: «Әʹвде! Сәр хԝә бә! Баԝәрийа тә тӧ ԛәнщ кьри». У ԝе дәме әԝ кʹӧлфәт ԛәнщ бу. ²³ Гава Иса гьһиштә мала сәрԝер, дина хԝә дайе, ԝе әʹлаләт тʹәвиһәв буйә у бьлурван жи зәлули ле дьхьн ²⁴ у готә ԝан: «Дәркʹәвьн! Ԛизьк нәмьрийә, ле һеньжийә». Ԝана ԛәрфе хԝә пе дькьрьн. ²⁵ Ле гава щьмәʹт дәрхьстьнә дәрва, Иса чу һьндӧрʹ дәсте ԝе гьрт у ԛизьк рʹабу сәр хԝә. ²⁶ Әва дәнг-бәʹса тʹәмамийа ԝи ԝәлатида бәла бу. ²⁷ Гава Иса жь ԝьр дәркʹәт чу, дӧ мәрьвед кор данә пәй ԝи кьрьнә ԛирʹин у готьн: «Кӧрʹе Даԝьд! Мә ԝәрә рʹәʹме!» ²⁸ Гава кӧ гьһиштьнә мале, әԝ һәр дӧ кор һатьнә щәм ԝи. Иса жь ԝан пьрси у гот: «Һун баԝәр дькьн, кӧ әз дькарьм али ԝә бькьм?» Ԝана гот: «Бәле Хӧдан». ²⁹ Һьнге Иса дәсте хԝә да чʹәʹвед ԝан у гот: «Ль гора баԝәрийа ԝә ԝәрʹа бә». ³⁰ Ԝе дәме чʹәʹвед ԝан вәбун. Иса һʹьшк тʹәми ль ԝан кьр у гот: «Һаш жь хԝә һәбьн, кӧ тʹӧ кәс ве йәке нәһʹәсә». ³¹ Ле әԝ дәркʹәтьн, тʹәмамийа ԝи ԝәлатида нав у дәнге ԝи бәла кьрьн. ³² Чахе әԝана дәркʹәтьн чун, һьнәка щьнакʹәтики лал ани щәм Иса. ³³ Гава әԝи щьн дәрхьст, йе лал хәбәр да. Әʹлаләт әʹщебмайи ма у гот: «Ль Исраеле жи тьштәки аһа тʹӧ щар нәԛәԝьмийә». ³⁴ Ле ферьсийа дьгот: «Әԝ бь һʹӧкӧме сәрԝере щьна щьна дәрдьхә». ³⁵ Иса һʹәму гӧнд у бажара дьгәрʹийа, кʹьништед ԝанда һин дькьр, Мьзгинийа Пʹадшатийе даннасин дькьр у ль нав щьмәʹте һʹәму щурʹә нәхԝәши ԛәнщ дькьрьн. ³⁶ Гава әԝи әʹлаләт дит, гӧне ԝи ль ԝан һат, чьмки әԝана мина пәзе бе шьван, бәрʹәдайи у бәлабуйи бун. ³⁷ Һьнге әԝи шагьртед хԝәрʹа гот: «Нандьрун гәләк ә, ле пʹалә һьндьк ьн. ³⁸ Аԝа һиви жь хԝәйе дьруне бькьн, ԝәки пʹала нандьруна хԝәрʹа бьшинә».

11-17 КАНУНА ПЕШЬН

ФЬКЬРЕД ԚИМӘТ ЖЬ ХӘБӘРА ХԜӘДЕ | ИБО 25-27

«Амьни Найе Һʹәсабе Беԛьсурти»

it-1 1210 ¶4

Амьни

Ибо. Дәрһәԛа Ибо, йе кӧ ортʹа ԝәʹде мьрьна Усьв у дәстпека хьзмәтийа Муса дьжит, те готьне кӧ әԝ «мьровәки кʹамьл [Ибрани, тʹам] у дьлрʹаст бу. Жь Хԝәде дьтьрсийа у хԝә жь хьрабийе дур дьхьст» (Ибо 1:1, ИМ; бьньһерʹә ИБО). Әв йәк кӧ пьрса дәрһәԛа амьнийа мәрьва дькʹәвә нава пьрса кӧ Мире-щьна пешда ани, әшкәрә те кʹьфше жь хәбәрдана Мире-щьна тʹәви Йаһоԝа, гава ԝана дәрһәԛа Ибо хәбәр дьда. Әв йәк һьнге ԛәԝьми, чахе Мире-щьна һатә сәр щьвина мәләка тʹәви Хԝәде. Мире-щьна бӧхдан авитә Ибо, кӧ йан чь әԝ бона кʹара хԝә Хԝәдерʹа хьзмәт дькә, нә кӧ жь бо амьнийе. Ӧса әви амьнийа Ибо кьрә бьн шьке. Рʹаст ә Хԝәде изьн да Мире-щьна, ԝәки һәбуке, у һәла һе зарʹед Ибо жи жь ԝи бьстинә, йәкә Мире-щьна нькарьбу зоре Ибо бькә, кӧ әԝ Хԝәдерʹа амьн нәминә (Ибо 1:6–2:3). Паше Мире-щьна гот, кӧ рʹаст ә Ибо һәбук у зарʹед хԝә ӧнда кьр, ле һʹәта зийан нәгьһижә щане ԝи, әԝе амьн бьминә (Ибо 2:4, 5). Ле һәла һе нәхԝәшийа гьран, кӧтә-кӧта жьна ԝи, кӧ пьшта хԝә бьдә Хԝәде, тәʹн у сущдаркьрьна һәвалед ԝи, йед кӧ норм у нетед Хԝәде дькьрьнә бьн шьке, сәр Ибо һʹӧкӧм нәкьрьн, у әԝ Хԝәдерʹа амьн ма (Ибо 2:6-13; 22:1, 5-11). Әԝи гот: «Һʹәта нәфәса хԝә йа даԝи, әзе дәв жь кʹамьлийа хԝә бәрʹнәдьм. Әзе рʹастийа хԝә бьгьрьм у бәрʹнәдьм, һʹәму рʹожа, ԝе дьле мьн, мьн сущдар нәкә» (Ибо 27:5, 6, ИМ). Бь сайа амьнийа хԝә, Ибо избат кьр, ԝәки Дьжмьне Хԝәде дәрәԝин ә.

ԝ19.02 3 ¶3-5

Беԛьсуртийа Хԝә Хԝәй кьн!

³ Чь щурʹәйи хьзмәткʹаред Хԝәде беԛьсуртийе дьдьнә кʹьфше? Әԝана бь тʹәмамийа дьле хԝә Йаһоԝа һʹьз дькьн у жерʹа амьн дьминьн, у тʹьме пе кьред хԝә дьле ԝи ша дькьн. Дина хԝә бьдьне, хәбәра беԛьсур чь те һʹәсабе. Кʹьтеба Пирозда хәбәра кӧ һатийә ԝәлгәрʹандьне «беԛьсур», те һʹәсабе «тʹам» йан жи «бекемаси». Бәʹса хәбәре, чахе Исраелийа Йаһоԝарʹа һʹәйԝан ԛӧрбан дькьрьн, Ԛануне жь ԝан дәʹԝа дькьр, ԝәки һʹәйԝан бекемаси бьн (Ԛан. Кʹаһ. 22:21, 22). Щьмәʹта Хԝәдерʹа изьн тʹӧнә бу, ԝәки һʹәйԝанед ӧса ԛӧрбан кьрана, кʹижан мәсәлә, беньг, бегӧһ, бечʹәʹв буна, йан нәхԝәш буна. Бона Йаһоԝа гәләк фәрз бу, ԝәки әԝ һʹәйԝан тʹам у сах-сьламәт буна (Малх. 1:6-9). Әм дькарьн Йаһоԝа фәʹм кьн, кӧ чьрʹа бона ԝи әԝ йәк фәрз бу. Чахе әм дьхԝазьн тьштәки бькʹьрʹьн, мәсәлә емиш, кʹьтеб, йан жи һащәтәке, әм нахԝазьн кемасийа ԝи тьшти һәбә, йан ԛӧл йан жи хьраббуйи бә. Әм дьхԝазьн әԝ тьшт тʹам у рʹьнд бә. Йаһоԝа жи дьхԝазә, ԝәки һʹьзкьрьн у амьнийа мә һьндава ԝида, тʹам у бекемаси бә.

⁴ Ле гәло сәва беԛьсур бьн, әм гәрәке бегӧнә бьн? Нә әм гәләк шашийа дькьн у кемасийед мә һәнә! Дина хԝә бьдьнә дӧ мәʹнийа, кӧ чьрʹа әʹсәйи нинә әм бегӧнә бьн, сәва бәр чʹәʹве Хԝәде беԛьсур бьн. Йа пешьн, Йаһоԝа дина хԝә надә сәр шашийед мә. Хәбәра ԝи дьбежә: «Хӧдан, һәгәр дина Хԝә бьди гӧнәйед мә, кʹи ԝе бькарьбә бәр Тә бьсәнә, Хԝәйо?» (Зәб. 130:3). Әԝ занә ԝәки әм гӧнәкʹар ьн у кемасийед мә һәнә, ле йәкә әԝ бь мәрʹдани мә дьбахшинә (Зәб. 86:5). Йа дӧда, Йаһоԝа занә синоред мә, у әԝ жь мә һаԛас дәʹԝа накә чьԛас әм нькарьн. (Бьхунә Зәбур 103:12-14.) Ԝәки ӧса нә, чь те һʹәсабе чʹәʹве ԝида тʹам у бекемаси бьн?

⁵ Сәва хьзмәткʹаред Йаһоԝа беԛьсур бьн, һʹьзкьрьн гәләк фәрз ә. Һʹьзкьрьна мә у амьнийа мә һьндава Баве мәйи әʹзмана, гәрәке тʹам у бекемаси бә. Һәрге ԝәʹде щерʹьбандьна у тәнгасийа әм һʹьзкьрьна хԝә һьндава ԝи ӧнда накьн, әԝ те һʹәсабе ԝәки әм беԛьсур ьн (1 Дир. 28:9; Мәт. 22:37). Дина хԝә диса бьдьнә сәр се дәрәщед Шәʹдед Йаһоԝа, бәʹса кʹижана мә жоре кьр. Бьфькьрьн, ԝана чьрʹа ӧса кьр. Фәʹмдари йә, ԝе ԛизьке хԝәш нәһата, ԝәки мәкʹтәбеда пекʹәни бә, әԝ гәде щаһьл жи нәдьхԝәст бәр дәри шәрми бә, у малхе мале жи нәдьхԝәст, ԝәки хәбата хԝә ӧнда кә. Ле ԝана принсипед Йаһоԝайи рʹаст заньбун, у һʹьш-аԛьле ԝан тʹәне сәр ве йәке бу, кӧ дьле Баве хԝәйи әʹзмана ша кьн. Һʹьзкьрьна ԝан һьндава Хԝәде, ԛәԝат да ԝан, ԝәки ԝи сәр һʹәму тьштирʹа бьгьрьн. Ԝи щурʹәйи ԝана избат кьр, ԝәки беԛьсур ьн.

Хьзна Кʹьтеба Пироз

ԝ16.11 9 ¶3

Щьмәʹта Хԝәде Тʹәрбәт ә, Чьмки Гӧһ Дьдә Хәбәра Хԝәде

³ Әʹфрин избат дькьн ԝәки Хԝәде тʹәрбәт у пʹәргал ә. Кʹьтеба Пироз дьбежә: «Хӧдан, бьнгәһа дьне бь занийарева авет у әʹзмана бь аԛьлива щиһ кьр» (Мәтʹлк. 3:19). Әм тʹәне дәрһәԛа «ԛәрахед рʹейед [Хԝәде]» заньн у «тʹәне пʹьстә-пʹьст те бьһистьн дәрһәԛа ԝи» (Иб. 26:14, ДТʹ). Рʹаст ә әм һьнәки заньн дәрһәԛа планета, стәйрка, галактика, ле һәла һе әԝ һьнә тьшт жи рʹьнд дьдьнә кʹьфше, ԝәки гәрдунеда һәр тьшт ча тʹәрбәти у щи-ԝар ә (Зәб. 8:3, 4). Нава галактикада бь милйона стәйрк һәнә, у әԝана гьшк жи бь тʹәрбәти щигӧһасти дьбьн. Планетед кӧ нава система тәʹведа һәнә, әԝ жи бь тʹәрбәти дора тәʹве дьзвьрʹьн. Бәле, әм әʹйан дьвиньн ԝәки Йаһоԝа ча бь һостәти у билани әʹрд у әʹзман чекьр, у әԝ һежа йә кӧ әм пәсьна бьдьнә ԝи, ԝирʹа амьн бьн у ԝи бьһʹәбиньн (Зәб. 136:1, 5-9).

(Ибо 26:14, ИМ) Әв тʹәне кәвийа [ԛәрахед] кʹаред ԝи нә у тьшта мә же бьһистийә пʹьстенәкә бьчʹук ә! Ле кʹи дькарә гӧрмина һеза ԝи фәʹм бькә?»

(Мәтта 10:1-15) Иса һәр донздәһ шагьрт гази щәм хԝә кьрьн у һʹӧкӧм да ԝан кӧ рʹӧһʹед һʹәрам дәрхьн, һʹәму еш у нәхԝәшийа жи ԛәнщ кьн. ² Наве һәр донздәһ шандийа әв ьн: Йе пешьн Шьмһʹун, кӧ Пәтрус те готьне у бьре ԝи Әндраԝьс, Аԛубе Зәбәди у бьре ԝи Йуһʹәнна, ³ Филипо у Бәртоломәйо, Тʹума у Мәттайе хәрщгьр, Аԛубе Һалфаԝо у Тәдайо ⁴ Шьмһʹуне ԝәлатпʹарьст у Щьһудайе Исхәрйоти, әԝе кӧ нәмамийа Иса кьр. ⁵ Иса әв һәр донздәһ шандьн, тʹәми ль ԝан кьр у гот: «Нәчьнә нава нәщьһуйа у нәкʹәвьнә бажаред Самәрйайе. ⁶ Ле пешийе һәрʹьнә нав пәзед мала Исраелейә ӧндабуйи. ⁷ Гава һун һәрʹьн, даннасин кьн у бежьн: ‹Пʹадшатийа Әʹзмана незик буйә›. ⁸ Нәхԝәша ԛәнщ кьн, мьрийа сах кьн, кʹотийа паԛьж кьн, щьна дәрхьн. Ԝә беһәԛ стандийә, беһәԛ жи бьдьн. ⁹ Ль бәр пьшта хԝәда тʹӧ тьшти һьлнәдьн: Нә зерʹ, нә зив, нә сьфьр, ¹⁰ нә турьк бона рʹе, нә дӧ дәст кьрас, нә чарьх, нә шьвдар, чьмки пʹалә һежайи рʹьсԛе хԝә йә. ¹¹ Чь бажар йан гӧнде кӧ һун бькʹәвьне, маләкә һежа бьбиньн у ль ԝьр бьминьн, һʹәта кӧ һун жь ԝьр дьчьн. ¹² Гава һун һәрʹьнә мале, сьлаве бьдьнә ԝе у бежьн: ‹Әʹдьлайи ве малерʹа›. ¹³ У һәгәр әԝ мал һежа йә, бьра сьлава ԝә ль сәр ԝе бә, ле һәгәр нә һежа йә, бьра сьлава ԝә ль ԝә вәгәрʹә. ¹⁴ Ле кʹи кӧ ԝә ԛәбул нәкә у гӧһдарийа хәбәред ԝә нәкә, гава кӧ һун жь ԝе мале, йан жи жь ԝи бажари дәрдькʹәвьн, тʹоза ньгед хԝә даԝшиньн. ¹⁵ Әз рʹаст ԝәрʹа дьбежьм, Рʹожа Ахрәте һʹале ԝәлате Содом у Гоморайе ԝе жь йа ԝи бажари четьр бә.

18-24 КАНУНА ПЕШЬН

ФЬКЬРЕД ԚИМӘТ ЖЬ ХӘБӘРА ХԜӘДЕ | ИБО 28-29

«Гәло Тӧ Чʹәʹв Дьди Ибо?»

ԝ02 15/5 22 ¶19

Дьлрʹәʹм Бьн Һьндава Ԝан Мәрьвада Кʹи Кӧ Һʹәԝще Аликʹарийе нә

¹⁹ Жь ԝан сәрһатийед Кʹьтеба Пироз кӧ мә дина хԝә дайе, те кʹьфше ԝәки дьлрʹәʹми һьндава ԝан мәрьвада жи дьдьнә кʹьфше, йед кӧ һʹәԝще аликʹарийе нә. Сәва кӧ зӧрʹәта Бьраһим бәрдәԝам буйа, әԝ һʹәԝще аликʹарийа Бетуел бу. Ле Аԛуб һʹәԝще аликʹарийа Усьв бу, сәва кӧ әԝ әʹрде Кәнанеда бьһата чʹәʹлкьрьне. Наһоми жи нькарьбу бе аликʹарийа Рʹутʹ бьбуйа хԝәйе зӧрʹәт. Нә Бьраһим, нә Аԛуб у нә жи Наһоми бе аликʹарийа кәсед дьн нькарьбун. Иро жи, илаһи ԝан мәрьварʹа гәрәке дьлрʹәмийе бьдьнә кʹьфше, йед кӧ һʹәԝще аликʹарийе нә (Мәтʹәлок 19:17). Әм гәрәке чʹәʹв бьдьнә Ибо, йе кӧ бона ԝан мәрьва хәм дькьр, кʹе кӧ дьчәрчьри, «сеԝийе кӧ бе аликʹар ә хьлаз дькьр» у али ԝан дькьр, әʹмьре кʹижана бьн хофеда бу. Ибо ӧса жи «дьле жьнәби, бь кʹефе ша дькьр» у «корарʹа чʹәʹв, кӧләкарʹа пʹи» бу (Ибо 29:12-15).

it-1 655 ¶10

Кʹьнщ

Кʹьтеба Пирозда хәбәра кʹьнщ гәләк щар бь симболик те хәбьтандьне. Пе кʹьнщед мәрьв дькарьн тедәрхьн, кӧ әԝ пʹара кʹижан тʹәшкиләте йә, йан жи пьштгьрийа чь дькә. Ӧса жи бь сайа кʹьнщед симболик, дәрһәԛа кʹижан кӧ Кʹьтеба Пирозда те готьне, дькарьн тедәрхьн кӧ фьлан мәрьв пьштгьрийа чь дькә, у кьред ԝи чь избат дькьн, чаԝа кӧ мәтʹәлока Исада дәрһәԛа кʹьнщхԝәкьрьна сәр дәʹԝате һатийә готьне (Мәтта 22:11, 12; бьньһерʹә ПʹАПʹАХ; СӘНДӘЛ). Кʹьтеба Әʹйанти 16:14, 15-да Иса гот кӧ Мәсиһи дькарә рʹӧһʹанида хәԝрʹа һәрʹә у кʹьнщед хԝәйә симболик ӧнда кә, бь сайа кʹижани әԝ чаԝа шәʹде Хԝәдейе рʹаст жь кәсед дьн щӧдә дьбә. Һәрге әԝ кʹьнщед хԝә ӧнда кә, әԝе ԝәʹде «шәрʹе ԝе Рʹожа Мәзьнә Хԝәдейе Һʹәму Зорайийе», бе ԛьрʹкьрьне.

ԝ09 1/2 15 ¶3-4

Наве Мәрьв Чь Әʹйан Дькә?

Чахе мәрьв те буйине, әԝ нькарә хԝәха хԝәрʹа нав бьжберә. Ле һәр кәс жь мә дькарә хԝәха һʹӧкӧм кә сәр ве йәке, кӧ әԝе чь нав ԛазанщ кә, демәк әԝе мәрьвәки чь щурʹәйи бә (Мәтʹәлок 20:11). Пьрсәки ӧса бьдьнә хԝә: «Һәрге мәщала Иса у шагьрта һәбуйа, ԝана ԝе чь нав бьда сәр мьн? Кʹижан нав ԝе әʹйан кьра, кӧ әз мәрьвәки чь щурʹәйи мә у хԝәйе кʹижан һʹӧнӧра мә?»

Әԝ пьрсәкә гәләк фәрз ә. Гәло чьрʹа? Сьлеман, йе кӧ Пʹадшаки билан бу, ӧса гот: «Наве ԛәнщ жь һәбука пʹьрʹ ԛәнщтьр ә» (Мәтʹәлок 22:1). Бәле, наве баш бәр чʹәʹве мәрьва гәләк ԛимәт ә. Ле һәрге әм бәр Хԝәде навәки баш ԛазанщ кьн, жь ве йәке ԛимәттьр тʹӧ тьшт тʹӧнә. Чьрʹа әм дькарьн ӧса бежьн? Чьмки Хԝәде соз дьдә, кӧ навед ԝан мәрьва, йед кӧ жь Ԝи хоф дькьн, ԝе ль «пʹьртукәк биранине» бенә ньвисаре у Әԝе әʹмьре һʹәта-һʹәтайе бьдә ԝан (Малахи 3:16; Әʹйанти 3:5; 20:12-15).

Хьзна Кʹьтеба Пироз

g00 7/8 11 ¶3

Дәвкʹән бьн, Әԝ бона Ԝә Кʹар ә!

Гәло тьштәк те гӧһастьне чахе һун дькʹәньн? Ԛә бал ԝә ӧса ԛәԝьми йә гава дәвкʹәнийа кәсәки, дьле ԝә һеса у рʹьһʹәт кьрийә? Йан жи дьбәкә ӧса ԛәԝьми йә, ԝәки жь бо ве йәке кӧ мәрьв дәвкʹән нибу, ԝә хԝә рʹьһʹәт тʹәхмин нәдькьр у әʹщьз дьбун? Бәле, дәвкʹәни бь рʹасти жи гәләк тьшт дькарә бьгӧһезә. Әв йәк һʹӧкӧм дькә һьм сәр ԝи мәрьви кʹе дәвкʹән ә, һьм жи сәр ԝи, кʹерʹа дькʹәньн. Мәрьвәки бь наве Ибо дьжмьнед хԝәрʹа ӧса гот: «Әԝ нәбаԝәр бун, әз бь ԝанрʹа дькʹәнийам у нькарьбун зәлалийа ԝәще мьн шело бькьн», демәк ԝана нькарьбу бәшәра ԝийә хԝәш хьраб кьра (Ибо 29:24). «Зәлалийа» сәрчʹәʹве Ибо дьда кʹьфше, кӧ әԝ мәрьвәки дәвкʹән у бь бәшәра хԝәш бу.

(Ибо 29:24) Һьн әԝ нә баԝәр бун, ле бәле әз бь ԝанрʹа дькʹәнийам у нькарьбун зәлалийа ԝәще мьн шело бькьн.

(Мәтта 10:16-31) Аԝа әз ԝә дьшиньм чаԝа пәз нава гӧра. Иди мина мәʹра сәрԝахт бьн у мина кәвотка дьлсах. ¹⁷ Ле һʹәвза хԝә жь мәрьва бькьн, әԝе ԝә бьбьнә бәр диԝана у кʹьништед хԝәда ԝә бьдьнә бәр ԛамчийа. ¹⁸ Рʹуйе мьнда ԝе ԝә бьбьнә бәр ԝәлийа у пʹадша, кӧ һун бәр ԝан у нәщьһуйа шәʹдәтийе бьдьн. ¹⁹ Ле чахе ԝә бьбьнә бәр диԝана, хәм нәкьн кӧ һуне чаԝа йан чь хәбәр дьн. Тьштед кӧ һуне хәбәр дьн, ԝе дәме ԝәрʹа ԝе бе дайине. ²⁰ Чьмки нә кӧ һуне хәбәр дьн, ле Рʹӧһʹе Баве ԝәйи кӧ нава ԝәда йә ԝе хәбәр дә. ²¹ Бьра ԝе бьре хԝә бьдә кӧштьне, баве жи кӧрʹе хԝә у зарʹ жи ԝе һьмбәри де у баве хԝә рʹабьн у ԝан бьдьнә кӧштьне. ²² Бона наве мьн һуне бәр чʹәʹве һʹәмуйа рʹәш бьн. Ле кʹи кӧ һʹәта хьлазийе сәбьр кә әԝе хьлаз бә. ²³ У гава нав ви бажарида ԝә бьзериньн, бьрʹәвьнә бажарәки дьн. Әз рʹаст ԝәрʹа дьбежьм, һʹәта һатьна Кӧрʹе Инсан, һун һʹәму бажаред Исраеле перʹа нагьһиньн бьгәрʹьн. ²⁴ Шагьрт жь дәрсдаре хԝә нә мәстьр ә у нә жи хӧлам жь ахайе хԝә. ²⁵ Бәси шагьрт ә, ԝәки мина дәрсдаре хԝә бә у хӧлам жи мина ахайе хԝә бә. Һәгәр малхе малерʹа ‹Бәлзәбул› готьн, һьнге нәфәред ԝирʹа ԝе чь бежьн? ²⁶ Аԝа иди тʹӧ щар жь мәрьва нәтьрсьн. Тьштәки дьзива тʹӧнә кӧ дәрнәйе у нә жи вәшарти кӧ кʹьфш нәбә. ²⁷ Чь кӧ әз тәʹрийеда ԝәрʹа дьбежьм, әԝи нав рʹонайеда бежьн у чь кӧ һун гӧһада дьбьһен, сәр бана бькьн дәнги. ²⁸ У жь ԝан нәтьрсьн йед кӧ бәдәне дькӧжьн, ле нькарьн рʹӧһʹ бькӧжьн. Ле һун жь ԝи бьтьрсьн, йе кӧ дькарә рʹӧһʹ у бәдәне щәʹньмеда ӧнда кә. ²⁹ Нә дӧ чʹьвик бь дьравәки чарԛӧрʹуше тенә фьротане? Ле йәк жи жь ԝан бейи әʹмьре Баве ԝә накʹәвә әʹрде. ³⁰ Ле чь ль ԝә дькʹәвә, һәр тʹеләки пʹорʹед сәре ԝә жьмарти нә. ³¹ Иди нәтьрсьн. Һун жь гәләк чʹьвика ԛимәттьр ьн.

25-31 КАНУНА ПЕШЬН

ФЬКЬРЕД ԚИМӘТ ЖЬ ХӘБӘРА ХԜӘДЕ | ИБО 30-31

«Ибо Чаԝа Амьн Ма»

ԝ10 15/4 21 ¶8

Чʹәʹве Хԝә Жь Тьштед Нәщайиз Дур хә!

⁸ Мәсиһийед рʹаст жь дьлһавьжийе у чʹәʹвһавьжийе хԝәйкьри ниньн. Ләма жи Хәбәра Хԝәде мә һелан дькә фәсал бьн һьндава ве йәке, кӧ әм чь дьньһерʹьн у чь дьхԝазьн (1 Корьнтʹи 9:25, 27; бьхунә 1 Йуһʹәнна 2:15-17). Ибойе амьн фәʹм дькьр, ԝәки әв йәк кӧ мәрьв сәр чь дьньһерʹә, хԝәстьна ԝива гьредайи йә. Әԝи гот: «Мьн бь чʹәʹве хԝәрʹа пәйманәке чекьр, гәло әзе чаԝа ль кәчʹькәке бьнерʹьм?» (Ибо 31:1, ИМ). Ибо сафи кьрьбу ԝәки нә кӧ тʹәне бь щурʹе нәщайиз дәсте хԝә нәдә кʹӧлфәтәке, ле һәла һе изьне жи нәдә хԝә дәрһәԛа ве йәке бьфькьрә. Иса да кʹьфше, ԝәки мәрьв гәрәке һʹьш-аԛьле хԝә жь фькьред бенамус тʹәмьз хԝәй кә, чахе гот: «Кʹи бь тәме хьраб жьнәке бьньһерʹә, әԝи дьле хԝәда иди тʹәви ԝе зьнекʹари кьр» (Мәтта 5:28).

ԝ08 1/9 11 ¶4

Дәрһәԛа Ахьрийа Кьред Хԝә Бьфькьрьн

Пешийа кӧ рʹекерʹа һәрʹьн, ԝе баш бә жь хԝә бьпьрсьн: «Әԝ рʹе мьн дьбә кʹидәре?» Щара сәва кӧ хԝә жь тьштед хьраб хԝәй ки, тӧ дькари бьсәкьни у бьфькьри, ԝәки кьред тә ԝе чь ахьри тәрʹа биньн. Әԝед кӧ бь һʹәмде хԝә тьштед нәрʹаст дькьн, әʹмьре хԝә хьраб дькьн у гәләк чәтьн дькьн. Мәсәлә, әԝана нәхԝәшийа AIDS (СПИД) у щурʹә-щурʹә нәхԝәшийед дьн дькʹәвьн, йед кӧ жь һәләԛәтийа сексуали пешда тен. Әԝана ӧса жи рʹасти һʹәмләбуна бе хԝәстьн, аборт у һәләԛәтийа хьраб тен, у һьм жи исафа нәтʹәмьз ԝана дьчәрчьринә. Паԝлосе шанди рʹастә-рʹаст гот, кӧ чь һивийа ԝи мәрьви йә, йе кӧ бь әʹмьрәки бенамус дьжи, демәк әԝе «Пʹадшатийа Хԝәде ԝе ԝар нәбә» (1 Корьнтʹи 6:9, 10).

ԝ10 15/11 5-6 ¶15-16

Щаһьлно, Пәй Рʹебәрийа Хԝәде Һәрʹьн

¹⁵ Ча тӧ дьфькьри, амьнийа тә кʹәнге дьһа те щерʹьбандьне, гава мәрьв дәр-дора тә һәнә, йан чахе тӧ тʹәне йи? Чахе тӧ мәкʹтәбеда йи йан сәр хәбате, дьбәкә тӧ рʹӧһʹанида һʹьшйар и. Тӧ һазьр и бона ве йәке, һәрге ньшкева амьнийа тә бе щерʹьбандьне. Ле ԝәʹде һесабуне тӧ хԝә рʹьһʹәт тʹәхмин дьки у һьнге һеса дькари бейи щерʹьбандьне.

¹⁶ Чьрʹа гава тӧ тʹәне йи, ԝи чахи жи гәрәке гӧрʹа Йаһоԝада бьмини? Бир нәкә, тӧ дькари йан дьле Йаһоԝа ша ки, йан жи бешини (Дәстпебун 6:5, 6; Мәтʹәлок 27:11). Бона Йаһоԝа рʹабун-рʹуньштьна тә фәрз ә, чьмки Кʹьтеба Пирозда те готьне кӧ «әԝ бона ԝә хәм дькә» (1 Пәтрус 5:7). Әԝ дьхԝазә ԝәки тӧ гӧһ бьди ԝи, чьмки әв йәк бона кʹара тә йә (Ишайа 48:17, 18). Һьнә хьзмәткʹаред Хԝәде Исраела бәреда, тʹәмийед ԝи пьшт гӧһе хԝәва давитьн у әв йәк дьле ԝи дешанд (Зәбур 78:40, 41). Ле Хԝәде Данийел пʹехәмбәр гәләк һʹәз дькьр. Әв йәк те кʹьфше жь ве йәке, чахе мәләке Йаһоԝа дәрһәԛа Данийел гот, «зьламе кӧ гәләк же һатийә һʹәзкьрьн» (Данийел 10:11, ИМ). Гәло чьрʹа? Данийел Хԝәдерʹа амьн бу нә кӧ тʹәне һьнге гава мәрьв дәр-дора ԝи һәбун, ле ӧса жи гава тʹәне бу (Бьхунә Данийел 6:10).

Хьзна Кʹьтеба Пироз

ԝ05 15/11 11 ¶3

Гӧһдайина бь Һʹәзкьрьне

Һәвалед Ибо гәләк щар готьнед ԝи дьбьһистьн, ле диса жи Ибо гот «Ах! Хԝәзи кәсе гӧһдарийа мьн дькә һәбә!» (Ибо 31:35). Гәло чьрʹа әԝи ӧса гот? Чьмки рʹаст ә ԝана гӧһ дьданә Ибо, ле әԝи тʹәхмин нәдькьр, кӧ әԝана һьндава ԝида дьлшәԝат ьн. Ԝана бона ԝи хәм нәдькьр у нә жи һәстед ԝи һьлдьданә һʹәсаб. Ле Пәтрусе шанди ширәтәкә ӧса да: «Һʹәму жи сәр нетәке бьн, сәр һәв шәԝат бьн, һәв һʹьз бькьн, рʹәʹм у шкәсти бьн» (1 Пәтрус 3:8). Гәло әм ча дькарьн дьлшәԝатийе бьдьнә кʹьфше? Мәщаләк кӧ ча әм дькарьн ве йәке бькьн әв ә, ԝәки мәрьврʹа бьдьнә кʹьфше, кӧ әм һәстед ԝи һьлдьдьн һʹәсаб у алийе хԝәда һәр тьшти дькьн, ԝәки ԝи фәʹм бькьн. Мәсәлә, әм дькарьн бь гьлийед ӧса бәр дьле ԝанда бен у бежьн, «дьбәкә тәрʹа нәһеса йә», йан жи «дьԛәԝьмә дьле тә дешә, кӧ тә фәʹм накьн», у бь ве йәке бьдьнә кʹьфше, ԝәки дьле мә сәр ԝана дьшәԝьтә. Ӧса жи әм дькарьн бь гьлийед хԝә фькьред ԝи мәрьви бьԝәкʹьлиньн у бь ве йәке бьдьнә кʹьфше кӧ әм ԝи фәʹм дькьн. Бь һʹәзкьрьне гӧһ бьдьнә кәсәки, те һʹәсабе нә тʹәне дина хԝә бьдьн сәр нета хәбәред ԝи, ле ӧса жи бь сайа хәбәред ԝи, һәстед ԝи фәʹм бькьн.

(Ибо 31:35, ИМ) Ах! Хԝәзи кәсе гӧһдарийа мьн дькә һәбә! Ва йә мора мьн, бьра Кариндар бәрсьва мьн бьдә! Хԝәзи ньвиса доза кӧ дьжмьне мьн ньвисийә дәсте мьнда бә!

(Мәтта 11:1-15) Чахе Иса тʹәмийед кӧ данә һәр донздәһ шагьртед хԝә хьлаз кьрьн, жь ԝи щийи чу нав бажаред ԝан, кӧ һин кә у даннасин кә. ² Гава Йуһʹәнна кәледа бона шьхӧлед Мәсиһ бьһист, чәнд шагьртед хԝә шандьнә щәм ԝи ³ у же пьрсин: «Тӧ әԝ и, йе кӧ гәрәке бьһата, йан әм һивийа йәки дьн бьн?» ⁴ Иса щаба ԝан да у гот: «Һәрʹьн, чь кӧ һун дьбиньн у дьбьһен Йуһʹәннарʹа бежьн. ⁵ Кор дьбиньн, сәԛәт дьгәрʹьн, кʹоти паԛьж дьбьн, кәрʹ дьбьһен, мьри рʹадьбьн у фәԛирарʹа жи Мьзгини те дайине. ⁶ У хԝәзи ль ԝи, кӧ мьнда шьк накʹәвә». ⁷ Гава әԝана чун, Иса бона Йуһʹәнна әʹлаләтерʹа дәстпекьр гот: «Һун дәркʹәтьнә бәрʹийе чь бьбиньн? Ԛамишәки кӧ жь байе дьһʹәжә? ⁸ Йан һун дәркʹәтьн чь бьбиньн? Мәрьвәки кʹьнще назьк ль хԝә кьри? Нә әԝед кӧ кʹьнще назьк ль хԝә дькьн, әԝ малед пʹадшада нә? ⁹ Йан һун дәркʹәтьн чь бьбиньн? Пʹехәмбәрәки? Бәле әз ԝәрʹа дьбежьм, жь пʹехәмбәрәки жи мәстьр ә. ¹⁰ Әва әԝ ә, бона кʹижани ньвисар ә: ‹Ва йә әзе ԛасьде хԝә пешийа тәва бьшиньм. Әԝе рʹийа тә пешийа тәва һазьр кә›. ¹¹ Әз рʹаст ԝәрʹа дьбежьм, жь нава әԝед кӧ жь кʹӧлфәта дьне кʹәтьнә, тʹӧ кәс жь Йуһʹәннайе ньхӧмдар мәстьр нәбуйә. Ле Пʹадшатийа Әʹзманада йе һәри бьчʹук жь ԝи мәстьр ә. ¹² Жь рʹожед Йуһʹәннайе ньхӧмдар һʹәта ньһа Пʹадшатийа Әʹзмана бь зорбәтийе те һʹьщумкьрьне у йед зорбә дькьн кӧ зәфти хԝә кьн. ¹³ Чьмки һʹәму пʹехәмбәра у Ԛануне һʹәта Йуһʹәнна бона Пʹадшатийа Әʹзмана шәʹдәти дан. ¹⁴ У һәгәр һун дьхԝазьн ве йәке ԛәбул кьн, әԝ ә Елйасе кӧ гәрәке бьһата. ¹⁵ Гӧһе кʹейи бьһистьне һәйә бьра бьбьһе.