Кани бона Бәрнама Щьвине, Бьжин у Хьзмәт кьн
© 2023 Watch Tower Bible and Tract Society of Pennsylvania
1-7 ЧЬЛӘЙЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ИБО 32-33
Бәрдьлийе Бьдьнә Ԝан, Йед кӧ Чәтьнайада ньн
it-1 710
Әлиһу
Әлиһу фьрԛи нәдькьрә ортʹа мәрьва у тʹӧ кәси бь сәрнавед бьльнд рʹумәт нәдькьр. Әԝи фәʹм дькьр, кӧ әԝ жи мина Ибо жь халийе һатийә чекьрьне, у Йе һәри Һьмзор Әʹфьрандаре ԝи йе. Әлиһу нәдьхԝәст Ибо бьдә тьрсандьне. Әԝи наве Ибо һьлдьда у һьндава ԝида һәваләки амьн бу, ле Әлифаз, Билдад у Зофар ӧса нибун (Иб. 32:21, 22; 33:1, 6).
ԝ14 15/6 25 ¶8-10
Һун сәр Мәрьвед Сьст ӧса Дьньһерʹьн Ча Йаһоԝа?
8 Мәрʹа ԝе дьһа һеса бә һьндава хушк-бьра дьлрʹәмийе бьдьнә кʹьфше, һәрге әм бир нәкьн, ԝәки әԝана жь бо чәтьнайед жийине сьст бунә. Һьнәк жь бо нәхԝәшийа дьчәрчьрьн, нәфәред һьнәка нәбаԝәрмәнд ьн у һьнәк жи депресийа ԝан һәйә. Һәр кәс жь мә жи дькарә рʹасти дәрәщед ӧса бе. Чахе Исраели Мьсьреда дьжитьн, әԝ щьмәʹтәкә сьст у кʹәсиб бу. Пешийа кӧ әԝана бькʹәтана Әʹрде Создайи, ԝанрʹа диса һатә готьне ԝәки һьндава хушк-бьред хԝәйә кӧ тәнгасийада ньн, дьлрʹәʹм бьн. Йаһоԝа һивийе бу кӧ Исраели ԝе һʹәсаб нәкьн, ԝәки мәрьвед кʹәсиб һежайи аликʹарийе ниньн (Ԛн.Дщ. 15:7, 11; Ԛн.Кʹһ. 25:35-38).
9 Әм гәрәке ԝан мәрьва, йед кӧ кʹәтьнә дәрәщед чәтьн, сущдар нәкьн у ԝанда дӧдьли нәбьн. Дәԝсе, әм гәрәке бәр дьле ԝанда бен у ԝана бьшьдиньн (Иб. 33:6, 7; Мт. 7:1). Мәсәлә, һәрге кәсәк пе мотосиклете бькʹәвә ԛәзийе у ԝи бьвьнә нәхԝәшхане, гәло һʹәким ԝе лекʹолин кьн кӧ әԝ нәһәԛ ә, йан на? Һәмьки на! Әԝана ԝе дәрберʹа аликʹарийе бьдьнә ԝи. Һʹәма бь ԝи щурʹәйи, һәрге хушк йан бьре мә жь бо чәтьнайа сьст буйә, бәри пешьн әм гәрәке рʹӧһʹанида али ԝан бькьн (Бьхунә 1 Тʹесалоники 5:14).
10 Һәрге әм сәр дәрәщед хушк-бьра бьфькьрьн, әв йәк ԝе али мә бькә бь щурʹәк майин сәр сьстбунед ԝан бьньһерʹьн. Бьфькьрьн дәрһәԛа ԝан хушка, йед кӧ гәләк сал жь бо пәйкʹәтьнед малбәте сәбьр дькьн. Һьнәк жь ԝан дьбәкә шәрмокә у сьст тенә кʹьфше, ле бь рʹасти баԝәри у дьле ԝан гәләк ԛәԝи йә. Чахе хушкәк, кӧ зарʹед хԝә тʹәне мәзьн дькә, тʹьме ԝана тʹәви хԝә тинә щьвате, гәло һун баԝәри у хирәта ԝерʹа фьрнаԛ набьн? Ле һун хирәта ԝан щаһьла дьвиньн, йед кӧ хԝә ль рʹастийе дьгьрьн, һәла һе һьнге жи, гава щаһьлед дьн хьраб сәр ԝан һʹӧкӧм дькьн? Бь рʹасти әԝ хушк-бьред кӧ сьст тенә кʹьфше, дьԛәԝьмә «бь баԝәрийе дәԝләти» нә, мина ԝан хушк-бьра, дәрәщед кʹижана кӧ дьһа баш ә (Аԛб. 2:5).
ԝ20.03 23 ¶17-18
Кʹәнге йә Ԝәхте Хәбәрдане?
17 Һәвале чара Әлиһу, кӧ һатә щәм Ибо, мәрьве Бьраһим бу. Әԝи гӧһ да һьн Ибо һьн жи се һәвалед майин. Ча те кʹьфше, әԝи рʹьнд гӧһ дьда хәбәрдана ԝан, чьмки әԝи бь нәрми у дьлшәԝати Ибо ширәт кьр, сәва әԝ ньһерʹандьна хԝәйә нәрʹаст бьгӧһезә (Иб. 33:1, 6, 17). Бона Әлиһу йа лапә фәрз әԝ бу кӧ Йаһоԝа рʹумәт кә, нә кӧ хԝә йан кәсәки дьн (Иб. 32:21, 22; 37:23, 24). Жь мәсәла Әлиһу әм һин дьбьн, ԝәки ԝәхте һьшбуне һәйә, демәк гәрәке хԝә кәрʹ кьн у гӧһ бьдьнә мәрьва (Аԛуб 1:19). Әм ӧса жи һин дьбьн, ԝәки чахе әм дьхԝазьн кәсәкирʹа ширәте бьдьн, нета сәрәкә гәрәке әԝ бә, кӧ Йаһоԝа һӧрмәт кьн, нә кӧ хԝә.
18 Һәрге әм ширәта жь Кʹьтеба Пироз биньн сери, кӧ кʹәнге у ча хәбәр дьн, ӧса әме нишан кьн, ԝәки әм пʹешкʹеша хәбәрдане ԛимәт дькьн. Сьлеман Пʹадша кӧ билан бу, жь бина бәр Хԝәде ньвиси: «Готьнәкә щида мина сева зерʹин ә ль сәр зив ԛашкьри» (Мәтʹлк. 25:11). Бәле, һәрге әм рʹьнд гӧһ бьдьнә мәрьва у пешийа тьштәки бежьн, бьфькьрьн, ԝе гьлийед мә мина севед зерʹин бьн, һьн ԛимәт, һьн жи бәдәԝ. У ида фьрԛи тʹӧнә әм зәʹф хәбәр дьн йан кем, хәбәрдана мә ԝе мәрьва бьшьдинә у гәш кә, у Йаһоԝа жи ԝе мәрʹа фьрнаԛ бә (Мәтʹлк. 23:15; Әфәс. 4:29). Бь ве йәке әме нишан кьн, кӧ әм гәләк ԛимәт дькьн әԝе пʹешкʹеша жь Хԝәде!
Хьзна Кʹьтеба Пироз
ԝ13 15/1 19 ¶10
Бәрдәԝам кьн Незики Йаһоԝа бьн
10 Ӧса жи әм гәрәке дина хԝә бьдьне, кӧ рʹува әм чаԝа ньн. Ле нәлазьм ә бь зедәйи хәм кьн бона ԝан тьшта, чь кӧ салед әʹмьр пешда тиньн. Ве йәкеда дькарә әʹйан бә гьһиштибун, рʹумәт у бәдәԝбуна дьл. Мәсәлә, Кʹьтеба Пирозда те готьне: «Рʹу-гӧлийе сьпи кʹофийа рʹумәте йә, кӧ әԝ нава рʹийа рʹастийеда йә» (Мтʹл. 16:31). Йаһоԝа бәдәԝбуна ви щурʹәйи дьвинә у әм жи гәрәке бь ньһерʹандьна ԝи сәр хԝә бьньһерʹьн (Бьхунә 1 Пәтрус 3:3, 4). Ләма жи бьфькьрә, гәло ԝе бь билани бә әʹмьре хԝә бькьнә бьн хофе, у операсийа йан жи проседуред медисинайе бькьн, сәва кӧ рʹува дьһа бәдәԝ бьн. Фьрԛи тʹӧнә кӧ мәрьв чәнд сали йә у сьһʹәт-ԛәԝат ә йан на, канийа бәдәԝбуна рʹаст, йа кӧ жь дьле мәрьва те, «шабуна Хӧдан» ә (Нм. 8:10). Тʹәне дьнйа тʹәзәда әме бь тʹәмами сьһʹәт-ԛәԝат бьн у диса ӧса бәдәԝ бьн, чаԝа щаһьлтийеда (Иб. 33:25; Иш. 33:24) Ле һʹәта һьнге, билани у баԝәри ԝе али мә бькьн незики Йаһоԝа бьн, у әм чь дәрәщада бьн жи, гәрәке шабуна хԝә ӧнда нәкьн (1 Тим. 4:8).
(Ибо 33:25, ИМ)
25 Гоште [бәдәна] ԝи ԝәк гоште зарʹока ну дьбә у вәдьгәрʹә рʹожед хортанийа хԝә.
8-14 ЧЬЛӘЙЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ИБО 34-35
Чахе Рʹасти Нәһәԛийе Тен
wp19.1 8 ¶2
Хԝәде Йәки Чаԝа нә?
Хԝәде тʹьме ԝе йәке дькә, чь кӧ рʹаст ә. Бь рʹасти наԛәԝьмә, ԝәки Хԝәдайе Һьмзор хьрабийе у нәһәԛийе бькә (Ибо 34:10). Диԝана ԝи бь һәԛи йә, у зәбурбеж жи дәрһәԛа Йаһоԝа ӧса дьбежә: «Чьмки тӧ бь рʹастийе» диԝана мьләта дьки (Зәбур 67:4). «Хӧдан ль дьл дьнерʹә», ләма жи тʹӧ тьшт у тʹӧ кәс нькарә ԝи бьхальфинә, чьмки әԝ рʹастийе дьвинә у бь һәԛийе диԝане дькә (1 Самуйел 16:7). Хенщи ԝе йәке, Хԝәде һʹәму нәрʹасти у нәһәԛийа дьвинә, кӧ ль сәр әʹрде тенә кьрьне у соз дьдә, ԝәки зутьрәке «нәпʹаке жь сәр рʹуйә әʹрде ӧнда бьн һәрʹьн» (Мәтʹәлок 2:22).
Пʹадшатийа Хԝәде Ԝе Чь Бьдә Һьлдане?
5 Йаһоԝа ԝе чь бькә? Ньһа Йаһоԝа мәщале дьдә һәр мәрьвәки хьраб, ԝәки бенә гӧһастьне (Иша. 55:7). Рʹаст ә әв дьнйа ԝе зутьрәке бе кʹӧтакьрьне, ле Хԝәде диԝана ԝанә хьлазийе һе нәкьрийә. Ле чь ԝе бьбә тʹәви ԝан мәрьва, йед кӧ нахԝазьн бенә гӧһастьне у һʹәта дәстпебуна тәнгасийа мәзьн диса жи пьштгьрийа ве дьнйайе бькьн? Йаһоԝа соз да ԝәки ԝе ԛьрʹа мәрьвед хьраб бинә. (Бьхунә Зәбур 37:10.) Әԝ мәрьвед хьраб дьбәкә бьфькьрьн ԝәки жь диԝана Хԝәде ԝе хьлаз бьн. Ве дьнйайеда әԝана һин бунә кьред хԝә вәшерьн, у щәза хԝә настиньн (Иб. 21:7, 9). Ле Кʹьтеба Пироз мәрʹа дьбежә: «Чʹәʹвед [Хԝәде] ль сәр рʹейед зьлам ьн у һʹәму гавед ԝи дьвинә. Тәʹри нинә у сийа мьрьне нинә кӧ, . . . йед хьрабийе кьрьбьн хԝә ль ԝьр вәшерьн» (Иб. 34:21, 22). Бәле, тʹӧ кәс нькарә хԝә жь Йаһоԝа Хԝәде вәшерә. Тʹӧ мәрьве һʹьләкʹар нькарә ԝи бьхапинә. Тʹӧ щики ӧса тʹӧнә кӧ чʹәʹве Хԝәде нәвиньн чь дьԛәԝьмә. Паши Һармәгәдоне, дьбәкә әм бьгәрʹьн кʹа мәрьвед хьраб кʹидәре нә, ле әме ԝана нәвиньн. Әԝана ԝе һʹәта-һʹәтайе ӧнда бьн һәрʹьн (Зәб. 37:12-15).
ԝ21.05 7 ¶19-20
Гәло Тӧйе Сәва Иса Бьлькʹӧми?
19 Гәло әв проблем иро жи һәйә? Бәле. Гәләк кәс мә һʹьз накьн, чьмки әм тʹәвнәбуйине хԝәй дькьн у нәкʹәвьнә нава шьхӧлед политики. Әԝана дьхԝазьн кӧ әм жи дь һьлбьжартьнед политикда пьштгьрийа партийәке йан сәрԝерәки бькьн. Ле әԝед кӧ инсана ча һʹӧкӧмдаред хԝә һьлдьбьжерьн бь рʹасти Йаһоԝа инкʹар дькьн (1 Самуйел 8:4-7). Ӧса жи, гәләк кәс дьфькьрьн кӧ гәрәке әм мәкʹтәб у нәхԝәшхана ава бькьн у тьштед дьнда али мәрьва бькьн. Әԝана фәʹм накьн кӧ әм чьрʹа тьштәки накьн кӧ проблемед дьнйайе сафи бькьн, ле һәри зедә дина хԝә дьдьн бәлакьрьна мьзгине.
20 Сәва кӧ әм нәлькʹӧмьн, гәрәке әм чь бькьн? (Мәтта 7:21-23 бьхунә). Гәрәке әм жь һәр тьшти зедәтьр дина хԝә бьдьн шьхӧле кӧ Иса Мәсиһ тʹәсмили мә кьрийә (Мәтта 28:19, 20). Гәрәке әм изне нәдьнә хԝә кӧ бькʹәвьнә нава проблемед политики у сосйали. Әм һәмьки инсана һʹьз дькьн у бона ԝана хәм дькьн, ле әм заньн кӧ аликʹарийа һәри баш әв ә ԝәки әм ԝанрʹа бәʹса Пʹадшатийа Хԝәде бькьн у али ԝан бькьн кӧ әԝана бьбьн достед Йаһоԝа.
Хьзна Кʹьтеба Пироз
Бьра Шьхӧлед Ԝәйи Рʹәзәдьли Шькьрийе Бьдьнә Йаһоԝа
3 Әлиһу йе кӧ гӧһ дьда хәбәрдана ԝан, дәрһәԛа Йаһоԝа пьрс да Ибо: «Һәрге тӧ рʹаст и, тӧ чь дьди ԝи [Хԝәде]? Йан жи әԝ чь дьстинә жь дәсте тә?» (Иб. 35:7, ДТʹ). Гәло бь ԝан гьлийа Әлиһу дьхԝәст бьгота ԝәки щәфе мә кӧ әм бона шьхӧле Хԝәде дькьн бадиһәԝа йә? На. Ләма жи бона ԝан гьлийа Йаһоԝа сәр ԝи һерс нәкʹәт, ча сәр Әлифаз у Билдад, чьмки Әлиһу бь ԝан гьлийа да кʹьфше кӧ Хԝәде һʹәԝще хьзмәтийа мә нинә. Әԝ тʹам ә у һʹәԝще тʹӧ тьшти нинә. Әм нькарьн ԝи һе дәԝләти кьн йан жи һе ԛәԝат кьн. Ле дәԝсе һәр һʹӧнӧр, фәрәсәт у ԛәԝат әм жь Хԝәде дьстиньн, у әԝ дина хԝә дьдә кӧ әм ча ԝан пʹешкʹеша дьдьнә хәбате.
(Ибо 35:7, ДТʹ)
7 Һәрге тӧ рʹаст и, тӧ чь дьди ԝи? Йан жи әԝ чь дьстинә жь дәсте тә?
15-21 ЧЬЛӘЙЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ИБО 36-37
Чьрʹа Тӧ Дькари Итʹбарийа Хԝә Созе Хԝәде Дәрһәԛа Әʹмьре Һʹәта-Һʹәтайе Бини?
ԝ15 1/10 13 ¶1-2
Гәло Әм Дькарьн бь Рʹасти Хԝәде Нас кьн?
ХԜӘДЕ ҺʹӘТА-ҺʹӘТАЙЕ ЙӘ: Кʹьтеба Пироз дьбежә, кӧ Хԝәде жь «бедәстпеки һʹәта бедаԝитийе» йә (Зәбур 90:2, ИМ). Демәк, дәстпебуна Хԝәде у хьлазийа ԝи тʹӧнә. Бь ньһерʹандьна мәрьва «леколин ль һәжмара салед ԝива набә» (Ибо 36:26).
Һун чь кʹаре дьстиньн: Хԝәде ԝәрʹа жийина һʹәта-һʹәтайе соз дьдә, һәрге һун бь рʹасти ԝи нас дькьн (Йуһʹәнна 17:3). Гәло әԝ соз ԝе чьԛас нәбуйи бьбуйа һәрге хԝәха Хԝәде һʹәта-һʹәтайе нәжита? Тʹәне «Пʹадшайе һʹәта-һʹәтайе», дькарә әԝи сози бинә сери (1 Тимотʹейо 1:17).
ԝ20.05 22 ¶6
Тӧ Пʹешкʹешед жь Хԝәде Дьшекьрини?
6 Ав сәр әʹрде һәйә, чьмки планета мә щики ӧсада йә, кӧ жь тәʹве нә гәләк дур ә, нә жи гәләк незик ә. Һәрге әв һәма һьнәки незики тәʹве буйа, ава сәр әʹрде ԝе зьһа буйа, әʹрд ԝе гәрм у һʹьшк буйа, у жийин ԝе сәр тʹӧнә буйа. Ле һәрге әʹрд һәма һьнәки жь тәʹве дур буйа, тʹәмамийа ава сәр әʹрде ԝе ӧса бьԛәрʹьмийа, кӧ әʹрд бьбуйа тʹопәкә бузе. Ле Йаһоԝа әʹрд данийә щики лапи баш, ләма жи сәр әʹрде зьвьрʹока аве һәйә, кʹижан кӧ әʹмьр хԝәй дькә. Тәʹв ава окйануса у һʹәму авед сәр әʹрде гәрм дькә у дькә һӧлм сәва әʹԝьр чебьн. Һәр сал ава кӧ тәʹв дькә һӧлм, жь ава һʹәму голед сәр әʹрде, зедәтьр ә. Паше әԝ һӧлма аве, ԝәкә дәһ рʹожа һәԝеда дьминә, дьбә бәрф йан баран у дьбарә сәр әʹрде. Әв ав ахьрийеда пашда вәдьгәрʹә окйануса у щурʹә-щурʹә гол у канийед ава, у ӧса әв зьвьрʹок бәрдәԝам дьбә. Йаһоԝа әв зьвьрʹок ӧса саз кьрийә, сәва сәр әʹрде һәртʹьм ав һәбә. Әԝ йәк рʹасти жи биланийа ԝи у ԛәԝата ԝи әʹйан дькә (Иб. 36:27, 28; Ԝаиз 1:7).
ԝ22.10 28 ¶16
Бьра Һевийа Тә Һәртʹьм Ԛәԝи бә
16 Һевийа жийина һәрһәйи пʹешкʹешәкә гәләк ԛимәт ә, кӧ Хԝәде дайә мә. Бәле, ахьрикә гәләк хԝәш һивийа мә йә! Әм баԝәр ьн кӧ әме пекһатьна созед Хԝәде бьвиньн. Мина ләнгәре, әв һеви али мә дькә ԝәки әм ль һьмбәри тәнгаси, пәйкʹәтьн у һәла һе мьрьне жи сәбьр кьн у амьн бьминьн. Мина кʹӧмзьрьһʹе, һевийа мә һʹьше мә дьпарезә, ԝәки әм бькарьбьн тьштед хьраб инкʹар кьн у тьштед рʹаст бькьн. Һевийа мә али мә дькә ԝәки әм дьһа незики Хԝәде бьн у фәʹм бькьн кӧ әԝ мә чьԛас һʹьз дькә. Ләма жи, гәләк фәрз ә кӧ һевийа мә һәртʹьм ԛәԝи бә.
Хьзна Кʹьтеба Пироз
it-1 492
Бәлакьрьна Информасийайе
Бәре, ԝан ԝәлатада дәрһәԛа кʹижана кӧ Кʹьтеба Пирозда те готьне, информасийа у ньһерʹандьна мәрьва, бь щурʹә-щурʹә метода дәрбази һәв дькьрьн. Һʹәчʹи зәʹф әʹламәтийед һәррʹожи у дәнг-бәʹсед жь ԝәлатед дьн, бь гьликьрьна мәрьва бәла дькьрьн (2 См. 3:17, 19; Иб. 37:20). Рʹеԝийед кӧ бь карԝана дькʹәтьнә рʹеԝитийе у ԝан шәһәр у гӧндарʹа дәрбаз дьбун, кʹидәре кӧ рʹийа карԝана һәбу, дәрһәԛа ԝәлатед дур гьли дькьрьн, гава щики дьсәкьнин ԝәки хԝарьне бькʹьрʹьн у ӧса жи аве у тьштед дьн һьлдьн. Палестина щийе гәләк башда бу, әԝ ортʹа Асийа, Африка у Әԝропайеда бу, кʹидәрерʹа гәләк карԝан дәрбаз дьбун. Бь сайа ве йәке, бьнәлийед Палестинайе тʹьме һаш жь дәнг-бәʹсед тʹәзә һәбун, кӧ ԝәлатед дьнда дьԛәԝьмин. Гәләк щар мәрьв базарада педьһʹәсийан, кӧ ԝәлате ԝанда у щийед дьн чь дьԛәԝьмә.
(Ибо 37:20, ИМ)
20 Гәло мьров жерʹа бежә кӧ әз дьхԝазьм бьпәйьвьм [хәбәр дьм]? Кʹи дьхԝазә бе даԛӧртандьн?!
22-28 ЧЬЛӘЙЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ИБО 38-39
Тӧ Ԝәʹдә Дьвини ԝәки Дина Хԝә Бьди Әʹфрина?
ԝ21.08 9 ¶7
Гәло Тӧйе бь Сәбьр Һивийа Йаһоԝа Бьсәкьни?
7 Кʹьтеба Пироз дьбежә кӧ гава Йаһоԝа Әʹрд әʹфьранд, әԝи «пиванед ԝе», «бьнгәһед ԝе» у «кәвьре ԝе» дани (Ибо 38:5, 6). Йаһоԝа һәла һе ԝәʹдә вәдьԛәтанд, ԝәки сәр кьред дәсте хԝә бьньһерʹә (Дәстпебун 1:10, 12). Бинә бәр чʹәʹве хԝә мәләк чьԛас ша дьбун гава Йаһоԝа тьштәки тʹәзә чедькьр. Кʹьтеба Пироз дьбежә ԝәки ԝана бь шабуне ‹банг дькьр› (Ибо 38:7). Әԝ йәк чь мә һин дькә? Бь һʹәзара сал лазьм бун ԝәки Йаһоԝа әʹфьрандьне хьлаз кә, у гава Йаһоԝа сәр һʹәму кʹаред дәсте хԝә ньһерʹи, әԝи гот кӧ «әԝ гәләки ԛәнщ бун» (Дәстпебун 1:31).
ԝ20.08 14 ¶2
Рʹабуна Мьрийа Һʹьзкьрьн, Билани у Сәбра Хԝәде Әʹйан Дькә
2 Сәрида, Йаһоԝа Кӧрʹе хԝә Иса әʹфьранд кӧ тʹәви ԝи кʹар бькә. Паше, әԝи бь дәсте ви Кӧрʹе пешьн бь милйона мәләк у һʹәму тьштед дьн әʹфьрандьн (Колс. 1:16). Иса жь кʹаркьрьна тʹәви Баве хԝә шабун дьстанд (Мәтʹлк. 8:30). Мәләк жи пʹьрʹ кʹефхԝәш бун. Гава ԝана дит кӧ Йаһоԝа у Иса әʹрд у әʹзман чаԝа чекьрьн, ԝана «бь кʹефхԝәшийева банг дькьр». Ӧса жи, гава Йаһоԝа тьштед дьн әʹфьрандьн – илаһи гава ԝи инсан әʹфьрандьн – мәләк пʹьрʹ ша бун (Иб. 38:7; Мәтʹлк. 8:31). Һʹәму тьштед әʹфьранди һʹьзкьрьн у биланийа Йаһоԝа әʹйан дькьн (Зәб. 104:24; Рʹом. 1:20).
ԝ23.03 17 ¶8
Бь Сайа Әʹфрина Дәрһәԛа Йаһоԝа Пебьһʹәсә
8 Йаһоԝа һежа йә кӧ әм баԝәрийа хԝә ԝи биньн. Йаһоԝа али Ибо кьр, ԝәки әԝ дьһа зедә баԝәрийа хԝә ԝи бинә (Ибо 32:2; 40:6-8). Ԝәʹде хәбәрдана тʹәви Ибо, Йаһоԝа дина ԝи кʹьшандә сәр стәйрк, әʹԝр у бьруске. Ӧса жи, Йаһоԝа ԝирʹа бәʹса һʹәйԝана кьр, мәсәлә гайе бәйани у һәсп (Ибо 38:32-35; 39:9, 19, 20). Әв һʹәму тьшт нә тʹәне ԛәԝата Хԝәде, ле һʹьзкьрьн у биланийа ԝи жи дьдьнә кʹьфше. Паши ве хәбәрдане, Ибо дьһа зедә итʹбарийа хԝә Йаһоԝа ани (Ибо 42:1-6). Бь ви щурʹәйи гава әм дина хԝә дьдьнә әʹфрина, әв йәк тинә бира мә, ԝәки билани у ԛәԝата Йаһоԝа сәр йа һәр кәсирʹа йә. Әԝ ӧса жи дькарә һʹәму проблемед мә сафи кә у ԝе һәма ӧса жи бькә. Занәбуна ве йәке али мә дькә, ԝәки әм дьһа зедә итʹбарийа хԝә Йаһоԝа биньн.
Хьзна Кʹьтеба Пироз
it-2 222
Ԛанундар
Йаһоԝа Ԛанундар ә. Тʹәмамийа гәрдунеда тʹәне Йаһоԝа Ԛанундаре рʹаст ә. Әԝи ԛанунед физики саз кьрийә, йед кӧ һʹӧкӧм дькьн сәр әʹфринед нәбинбәр (Иб. 38:4-38; Зб. 104:5-19), у жийина һʹәйԝана (Иб. 39:1-30). Мәрьв жи ча әʹфринед Йаһоԝа, бьн һʹӧкӧме ԛанунед физикида ньн. Ле жь бәр кӧ мәрьв әʹфринед сәрԝахт ьн, у тʹәне ԝан дькʹәвә нормед нав-намусийе хԝәй кьн, сәр тьшта бьфькьрьн у һʹәԝщед хԝәйә рʹӧһʹани фәʹм бькьн, ләма жи әԝана гәрәке ԛанунед нав-намусийе жи хԝәй кьн, йед кӧ Хԝәде дайә (Рʹм. 12:1; 1 Кр. 2:14-16). Ԛанунед Йаһоԝа сәр әʹфринед ԝийи рʹӧһʹани жи һʹӧкӧм дькьн, демәк сәр мәләка (Зб. 103:20; 2 Пт. 2:4, 11).
Ԛанунед Йаһоԝайә физики найенә бәтавәкьрьне (Йер. 33:20, 21). Тʹәмамийа Гәрдунеда ԛанунед Ԝийә физики ӧса рʹаст дьхәбьтьн у найенә гӧһастьне, ԝәки зандар ль гора ван ԛануна дькарьн бь сәнийа һʹәсаб кьн щигӧһастьна һиве, планета у бәдәнед әʹзманийә дьн. Кʹе мьԛабьли ԛанунед физики дьчә, зийане дьстинә. Ԛанунед Йаһоԝайә нав-намусийе жи найенә гӧһастьне, у кәсед кӧ ван ԛануна дьтʹәрʹьбиньн, ахьрийа хьраб дьстиньн. Әв ԛанун тʹьме жи дьгьһижьнә нета хԝә, ле щарна дьԛәԝьмә кӧ жь бо тʹәрʹьбандьна ван ԛануна, мәрьв дәрберʹа рʹасти щәзакьрьне нәйе. Кʹьтеба Пирозда те готьне: «Хԝәде набә пекʹәни. Чьмки мәрьв чь дьчинә, ԝе жи дьчьнә» (Гл. 6:7; 1 Тим. 5:24).
(Ибо 38:8-10)
8 Йан жи кʹи бь дәрийава бәʹра гьрт; гава жь рʹәʹма дайьке дәркʹәт пәжьԛи. 9 Гава мьн әʹԝьра ԝерʹа кьрьн кʹьнщ у рʹәш тәʹрийе ԝерʹа кьрьн ԛәвдьк, 10 у гава синора хԝә жерʹа же кьрьм, дәри у зәнде даним.
29 ЧЬЛӘЙЕ–4 СЬБАТЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ИБО 40-42
Дәрсед кӧ Әм Дькарьн жь Сәрһатийа Ибо Бьстиньн
ԝ10 15/10 3-4 ¶4-6
«Кʹе Нет-Фькьра Хӧдан Пе Һʹәсийа»?
4 Чахе әм дәрһәԛа кьред Йаһоԝа дьфькьрьн, әм гәрәке ль гора ньһерʹандьна мәрьва кьред Ԝи сущдар нәкьр. Ле әԝ хәйсәт нав мәрьвада һәйә у дәрһәԛа ве йәке Йаһоԝа кʹьтеба Зәбур 50:21-да дьбежә: «Тә тʹьре Әзи мина тә мә». Лекʹолинкʹарәки Кʹьтеба Пироз, зедәтьри 175 сал пешда, ӧса гот: «Мәрьв ль гора ньһерʹандьна хԝә Хԝәде сущдар дькьн у дьбежьн, кӧ Әԝ жи гәрәке гӧрʹа ԝан ԛануна бькә, кʹижан кӧ әԝана гәрәке хԝәха биньн сери».
5 Әм гәрәке фәсал бьн, ԝәки ньһерʹандьна мә дәрһәԛа Йаһоԝа сәр һʹиме хԝәстьн у ньһерʹандьна мәйә шәхси нибә. Ле чьрʹа әв йәк фәрз ә? Чахе әм Кʹьтеба Пироз лекʹолин дькьн, әм ча мәрьвед ԛьсурдар у фькьрандьна хԝәда синоркьри, дькарьн бьфькьрьн, ԝәки һьнә кьред Йаһоԝа нәрʹаст ьн. Исраелед бәре һәма ӧса фькьрин у һʹәсаб кьрьн, кӧ йан чь Йаһоԝа һьндава ԝанда һәԛ нибу. Дина хԝә бьдьне, кӧ Йаһоԝа чь готә ԝан: «Ле бәле һун: Рʹийа Хӧдан нә рʹаст ә, дьбежьн. Йа мала Исраеле, ньһа гӧһдари бькьн: Гәло рʹийа мьн нә рʹаст ә? Ма йед нә рʹаст нә рʹейед ԝә нә?» (Һәзԛл. 18:25).
6 Сәва кӧ бь ньһерʹандьна хԝә Йаһоԝа сущдар нәкьн, әм гәрәке биньн сәр хԝә, кӧ щурʹе фькьрандьна мә синор кьри йә у щара хальфанди йә жи. Ибо ве йәке сәр хԝә тʹәхмин кьр. Ԝәʹде чәтьнайа, Ибо һьмбәри дьлтәнгийе шәрʹ дькьр у бь зедәйи дькʹәтә һʹәйра хԝә. Әԝи дина хԝә нәда пьрсед лапә фәрз. Ле Йаһоԝа али ԝи кьр, бь щурʹәки майин сәр ве дәрәще бьньһерʹә. Йаһоԝа зедәтьри 70 щурʹә-щурʹә пьрс да Ибо, сәр кʹижана әԝи нькарьбу һʹәма щабәки жи бьда. Бь ԝан пьрса Йаһоԝа ԝирʹа да кʹьфше, ԝәки фәʹмкьрьна ԝи синоркьри йә. Ибо бь мьлукти ньһерʹандьна хԝә гӧһаст (Бьхунә Ибо 42:1-6).
Дина Хԝә Бьдьн сәр Пьрсәкә Лапә Фәрз
12 Гәло әм дькарьн бежьн, ԝәки ширәткьрьна Йаһоԝа сәрт бу, чьмки Ибо һаԛас дәрд дит? На, Хԝәде ԛә сәрт нибу у нә жи Ибо ӧса фькьри. Рʹаст ә әԝи кӧл-дәрдед гьран дит, ле ахьрийеда әԝи рʹазибуна хԝә да кʹьфше Хԝәдерʹа. Әԝи һәла һе жи гот: «Әз хԝә бьчʹук дьвиньм у дь хԝәли у тʹозеда тʹобә кьрьнеда мә!» (Иб. 42:1-6). Бәле, ширәткьрьна Йаһоԝа баш һʹӧкӧм бу сәр Ибо. Пешийа ԝе йәке, Әлиһу жи Ибо ширәт кьр, ԝәки әԝ рʹаст бьфькьрә (Иб. 32:5-10). Ибо ширәтед Йаһоԝа ԛәбул кьр, у Йаһоԝа дит кӧ Ибо фькьред хԝә гӧһаст. Паши ве йәке, Йаһоԝа мәрьвед дьнрʹа гот кӧ әԝ Ибо ԛәбул дькә, чьмки әԝ ԝәʹде кӧл-дәрда Хԝәдерʹа амьн ма (Иб. 42:7, 8).
ԝ22.06 25 ¶17-18
Һевийа Хԝә Йаһоԝа Бинә
17 Ибо нава тәнгасийед гьранда ԛәԝи у мерхас ма, ле диса гәләк хьзмәткʹаред Йаһоԝа һәбун, йед кӧ мина ԝи, Хԝәдерʹа амьн ман. Нәʹмәкә хԝәда, Паԝлосе шанди бәʹса гәләк кәсед дьн кьр у ԝана нав кьр ча «әʹлаләта шәʹдайә гьран» (Ибрани 12:1). Әԝана гьшк рʹасти тәнгасийед гьран һатьн, ле Йаһоԝарʹа амьн ман (Ибрани 11:36-40). Гәло сәбьр у хирәта ԝан бадиһәԝа бу? Һәмьки на! Рʹаст ә, ԝана пекһатьна һʹәму созед Хԝәде бь чʹәʹве хԝә нәдитьн, ле ԝана диса жи һевийа хԝә Йаһоԝа дьани. Ӧса жи, ԝана заньбу кӧ Йаһоԝа жь ԝан рʹази йә, ләма жи дӧдьли нәдьбун кӧ ԝе пе чʹәʹве хԝә бьвиньн чаԝа созед Ԝи, ԝе бенә сери (Ибрани 11:4, 5). Амьнийа ԝан дькарә мә һелан кә, ԝәки әм жи һевийа хԝә һьндава Йаһоԝа ӧнда нәкьн.
18 Иро һʹале дьнйайе чьԛас дьчә дьһа хьраб дьбә (2 Тимотʹейо 3:13). Рʹож бь рʹож, Мире-щьна хьзмәткʹаред Хԝәде дьщерʹьбинә. Чь жи һәбә, ԝәрә әм бь дьл у щан Йаһоԝарʹа хьзмәт кьн у дӧдьли нәбьн, ԝәки «әм гӧмана хԝә ль Хԝәдейе сах тиньн» (1 Тимотʹейо 4:10). Сәрһатийа Ибо нишан дькә кӧ Йаһоԝа бь рʹасти жи «гәләк дьлован у тʹьжә рʹәʹм ә» (Аԛуб 5:11, ИМ). Ԝәрә әм жи Йаһоԝарʹа амьн бьминьн у баԝәр бьн кӧ әԝе «ԝан хәлат кә, кʹижан кӧ ль ԝи дьгәрʹьн!» (Ибрани 11:6 бьхунә).
Хьзна Кʹьтеба Пироз
it-2 808
Ԛәрфкьрьн
Ибо мәрьвәки рʹаст бу у әԝи һәла һе һьнге жи беԛьсуртийа хԝә хԝәй кьр, гава ԛәрфед хԝә ԝи дькьрьн. Ле щәм Ибо ньһерʹандьна нәрʹаст пешда һат, жь бо чь жи әԝи хԝә нәрʹаст да кʹьфше у ләма жи һʹәԝще рʹасткьрьне бу. Әлиһу дәрһәԛа ԝи гот: «Кʹижан мьров ԝәк Әйуб ә [Ибо]? Әԝ тьназа ԝәк аве вәдьхԝә» (Иб. 34:7, ИМ). Ибо һʹәчʹи зәʹф дькʹәтә һʹәйра ԝе йәке, ԝәки хԝә һәԛ дәрхә, нә кӧ Хԝәде, у хԝә дьһа рʹаст һʹәсаб дькьр, нә кӧ Хԝәде (Иб. 35:2; 36:24). Һʹәму ԛәрфед се «һәвален» хԝә, Ибо һʹәсаб дькьр кӧ һʹәма ԝи дькʹәтьн, нә кӧ Хԝәде. Ӧса дьһатә кʹьфше, кӧ те бежи Ибо жь ԛәрфед һәвалед хԝә, ләзәте дьстанд, ча жь авәкә хԝәш. Һьнә ԝәхт шунда Хԝәде Иборʹа шьровәкьр, ԝәки бь ԝан ԛәрфа дәрһәԛа Ԝи нәрʹасти дьһатә готьне (Иб. 42:7). Тьштәки ԝи щурʹәйи Йаһоԝа Самуйел пʹехәмбәррʹа гот, чахе Исраелийа жь ԝи дәʹԝа кьр, ԝәки сәр ԝанрʹа пʹадшаки кʹьфш кә. Әԝи гот: «Чьмки нә тӧ, ле әз жь алийе ԝанва һатьмә рʹәдкьрьн [инкʹаркьрьн]» (1 См. 8:7, ИМ). Иса жи тьштәки ӧса шагьртед хԝәрʹа гот: «Бона наве мьн [нә кӧ наве хԝә] һуне бәр чʹәʹве һʹәму мьләта рʹәш бьн» (Мт. 24:9). Һәрге әм ве йәке бира хԝәда хԝәй кьн, әме бь ньһерʹандьна рʹаст һʹәму ԛәрфа сәбьр кьн у ахьрийеда бона амьнийа хԝә бенә хәлаткьрьне (Лԛ. 6:22, 23).
(Ибо 42:7, ИМ)
7 Пьшти кӧ әԝи Әйубрʹа [Иборʹа] ӧса гот, Хӧдан Елифазе Теманирʹа гот: «Һерса мьн ль дьжи тә у һәрдӧ һәвалед тә йә. Чьмки ԝә ԝәки Әйуб нәкьр у ль сәр мьн йа рʹаст нәгот.
5-11 СЬБАТЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ЗӘБУР 1-4
Пьштгьрийа Пʹадшатийа Хԝәде Бькә
ԝ21.09 15 ¶8
«Әзе Һʹәму Мьләта Бьһʹәжиньм»
8 Йазьх гәләк мәрьв гӧһ надьн ве әʹламәтийе (Зәбур 2:1-3 бьхунә). Мьләтед дьнйайе, Сәрԝере кӧ Йаһоԝа кʹьфш кьрийә, ԛәбул накьн, у мьзгинийа Пʹадшатийе ча мьзгинийа хере навиньн. Сәрда жи, һьнә дәԝләт шьхӧле бәлакьрьна мьзгине ԛәдәхә кьрьнә. Гәләк сәрԝер хԝә ча мәрьвед хԝәденас нишан дькьн, ле әԝана нахԝазьн ԛәԝат у һʹӧкӧме хԝә ӧнда кьн. Ләма жи мина сәрԝеред рʹожед Исада, сәрԝеред иройин жи мьԛабьли Пʹадше кʹьфшкьри рʹадьбьн у һʹьщуми хьзмәткʹаред Йаһоԝа дькьн (Кʹаред Шандийа 4:25-28).
ԝ16.04 29 ¶11
Тʹәвнәбуйине Хԝәй кьн
11 Һәбунһʹьзи. Һәрге әм һәбунһʹьз бьн, мәрʹа дькарә чәтьн бә тʹәвнәбуйине хԝәй кьн. Рʹутʹ, кӧ Малавйайеда дьжи, гьли дькә кӧ чаԝа сала 1970 һьнә Шәʹдед Йаһоԝа жь бо һәбуне тʹәвнәбуйин хԝәй нәкьрьнә. Әԝ тинә бира хԝә: «Ԝана нькарьбу жийина хԝәйә комфорт бьһишта. Һьнәк тʹәви мә чунә лагере, ле паше кʹәтьнә партийакә политикайе у вәгәрʹийанә мала хԝә. Мәʹни әԝ бу кӧ ԝан хԝәш нәдьһат дискомфорта жийина лагереда». Ле һʹәчʹи зәʹф жь щьмәʹта Хԝәде тʹәвнәбуйин хԝәй кьрьн ԝәʹде проблемед пʹәрава гьредайи, у һәла һе жи чахе һʹәму һәбуна хԝә ӧнда кьрьн (Ибрн. 10:34).
Хьзна Кʹьтеба Пироз
it-1 425
Ка
Әԝ һәйә ԛалчʹьке щә у гәньм, демәк бәрмайе ԝәʹде һерандьн у тʹәмьзкьрьна гәньм у тʹохьмед дьн. Рʹаст ә, Кʹьтеба Пирозда хәбәра «ка» тʹәне бь симболик те хәбьтандьне, ле бь сайа ве йәке әм педьһʹәсьн, кӧ бәре чаԝа гәньм дьһеран. Паши нандьруне, әв ԛалчʹьке гәньме ԛимәт, бона хԝарьне найе хәбьтандьне у кери тʹӧ тьшти найе. Ләма жи әв бь симболик бона тьштед пʹучʹ у бекер дьһатә хәбьтандьне, йа кӧ гәрәке жь тьште баш бьһата башԛәкьрьне у кʹӧтакьрьне.
Серида ԝәʹде һерандьне, гәньм жь ка тʹәмьз дькьрьн. Паше, чахе гәньм дьданә бе, ба мина тʹозе ка дьбьр, чьмки әв сьвьк бу (Бьньһерʹә БЕ ХЬСТЬН). Әв мәсәлә әʹйан дькә, кӧ ча Йаһоԝа щьмәʹта хԝә жь рʹабәра тʹәмьз дькә, ӧса жи нәпʹака у дьжмьна кʹӧта дькә (Иб. 21:18; Зб. 1:4; 35:5; Иш. 17:13; 29:5; 41:15; Һс. 13:3). Пʹадшатийа Хԝәде ԝе бь симболик дьжмьнед хԝә ӧса һур һури кә, кӧ ба ԝе бькарьбә һеса ԝана мина кʹа бьвә (Дн. 2:35).
Кайе бекер, дьһатә тʹопкьрьне у шәԝьтандьне, сәва кӧ ба әв ка пашда вәнәгәрʹанда у диса нәкьра нава гәньме тʹәмьзкьри, йед кӧ ԛучʹкьри бун. Йуһʹәннайе Ньхӧмдар пʹехәмбәрти кьр, дәрһәԛа ԛьркьрьна әндәмед религийа ԛәлп, у бь ве йәке да кʹьфше, ԝәки Иса Мәсиһ ԝе гәньм бькә әʹмбара, «ле кайе ԝе бь агьре кӧ натәмьрә бьшәԝьтинә» (Мт. 3:7-12; Лԛ. 3:17; бьньһерʹә ҺЕРАНДЬН).
(Зәбур 1:4)
4 Ле нәпʹакә нә ӧса нә, әԝә мина пачʹа кайе нә, кӧ ба ле дьхә дажо дьбә.
12-18 СЬБАТЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ЗӘБУР 5-7
Амьн Бьминә у Гӧһ Нәдә Кьред Мәрьвед Дьн
ԝ21.03 15 ¶7-8
Әм Чаԝа Дькарьн жь Кʹьтеба Пироз Ԛәԝате Бьстиньн?
7 Ԛәт дост йан мәрьвәки тә дьле тә ешандийә? Ча әме ньһа бьвиньн, тьштәки ӧса һатьбу сәре Даԝьд Пʹадша жи. Кӧрʹе ԝи Абшалом нәмами ль ԝи кьр у дьхԝаст пʹадшатийе жь дәсте ԝи бьгьрә (2 Самуйел 15:5-14, 31; 18:6-14). Гәло тӧ дькари жь ве сәрһатийе чь дәрса һин би?
8 (1) Дӧа бькә. Мина Даԝьд Пʹадша, дьле хԝә Йаһоԝарʹа вәкә у ԝирʹа бежә кӧ тӧ чьма хәмгин и (Зәбур 6:6-9). Паше, жь Йаһоԝа рʹәща бькә кӧ әԝ али тә бькә ԝәки тӧ ԝан принсипа бьвини, йед кӧ дькарьн рʹебәрийа тә бькьн.
ԝ20.07 8-9¶3-4
Дӧдьли Нәбә кӧ Тӧ Чь Баԝәр Дьки Әԝ Һәйә Рʹасти
3 Баԝәрийа мә гәрәке нә тʹәне сәр һʹиме һʹьзкьрьна һьндава щьмәʹта Хԝәде бә. Чьрʹа? Чьмки һәрге баԝәрийа мә тʹәне сәр һʹиме ве һʹьзкьрьне бә, әм дькарьн һеса баԝәрийа хԝә ӧнда кьн. Мәсәлә, дьбәкә әм бьлькʹӧмьн у хьзмәтийа хԝә Йаһоԝарʹа бьдьнә сәкьнандьне һәрге хушкәк йан бьрак, йан жи һәла һе рʹуспи йан пешәнг, гӧнәки гьран бькә. Әм ӧса жи дьбәкә бьлькʹӧмьн, һәрге кәсәк дьле мә бешинә йан жи бьбә рʹабәр у бежә кӧ баԝәрийа мә нә рʹаст ә. Ләма жи һәрге һун дьхԝазьн баԝәрийа ԝә ԛәԝи бә, әԝ гәрәке сәр һʹиме һәләԛәтийа ԝәйә баш тʹәви Йаһоԝа бә. Ле һәрге ԝә баԝәрийа хԝә сәр һʹиме кьред мәрьва ава кьрийә, ԝи чахи баԝәрийа ԝә ԝе сьст бә. Бәле, баԝәрийа мә гәрәке нә кӧ тʹәне сәр һʹиме һәст у емосийа бә, ле ӧса жи сәр һʹиме избаткьрьнед һʹимгьрти. Һун гәрәке сәд сәләфи баԝәр бьн, ԝәки Кʹьтеба Пироз рʹастийе дәрһәԛа Йаһоԝа һин дькә (Рʹом. 12:2).
4 Иса гот кӧ һьнә мәрьв ԝе «бь әшԛ у ша» рʹастийе ԛәбул кьн, ле гава әԝана рʹасти чәтьнайа бен, баԝәрийа ԝан ԝе сьст бә. (Бьхунә Мәтта 13:3-6, 20, 21.) Мәсәлә, дьбәкә әԝ мәрьв нә жи дьфькьрьн, кӧ һәрге бьбьнә шагьртед Мәсиһ, ԝе рʹасти чәтьнайа бен (Мәт. 16:24). Йан жи дьбәкә әԝана дьфькьрьн, кӧ һәрге бьбьнә Мәсиһи, проблемед ԝан ԝе тʹӧнә бьн, демәк ԝе бь әʹмьрәки пе кʹәрәмәта у бе чәтьнайи бьжин. Ле әм заньн ԝәки ве дьнйа гӧнәкʹарда проблем ԝе һәбьн. Әʹмьре мәда дькарә тьштәк бе гӧһастьне у әм ԝәʹдәлу шабуна хԝә ӧнда кьн (Зәб. 6:6; Ԝаиз 9:11).
Хьзна Кʹьтеба Пироз
it-1 995
Тʹьрб
Паԝлосе шанди Рʹомайи 3:13-да, гьлийед жь Зәбур 5:9 ԝәкʹьланд, у гәԝрийа мәрьвед нәпʹак, бәрамбәри «тʹьрба вәкьри» кьр. Чаԝа кӧ тʹьрба вәкьрида мәйтʹе мьрийа һәйә, кӧ ида бин кʹәтийе, гәԝрийа мәрьвед хьраб жи, бь хәбәред ӧса тʹьжә йә, йед кӧ дьһʹәрʹьминьн у бәрбь мьрьне дьбьн (Бәрамбәр кә Мт. 15:18-20).
(Зәбур 5:9)
9 Чьмки заре ԝанда рʹасти тʹӧнә, дьле ԝанда хьрабкьрьн ә, гәԝрийа ԝанә тʹьрба вәкьри йә, зьмане ԝанда һʹьләкʹари йә.
19-25 СЬБАТЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ЗӘБУР 8-10
«Шькьрийе Бьдьмә Тә, Хӧдан»!
ԝ21.08 3 ¶6
Щийе Хԝә Малбәта Йаһоԝада Ԛимәт кә
6 Йаһоԝа маләкә хԝәш дайә мә. Пешийа кӧ Йаһоԝа мәрьвед пешьн әʹфьранд, әԝи әʹрд бона ԝан һазьр кьр (Ибо 38:4-6; Йерәмйа 10:12). Йаһоԝа йәки хәмкʹеш у мәрʹд ә, ләма жи әԝи гәләк тьштед баш әʹфьрандьнә, ԝәки әм бәхтәԝар бьн (Зәбур 104:14, 15, 24). Гава Хԝәде сәр кьред дәсте хԝә ньһерʹи, әԝи дит кӧ һәр кьред ԝи «гәләки ԛәнщ бун» (Дәстпебун 1:10, 12, 31). Йаһоԝа мәрьва ль сәр һʹәму әʹфьринарʹа «сәрԝер дани» (Зәбур 8:6). Гәло әв йәк ԛәдьрәки мәзьн нинә? Нета Хԝәде әв ә, ԝәки мәрьвед беԛьсур һʹәта-һʹәтайе тʹәбийәте хԝәй кьн у жь ԝе ләзәте бьстиньн. Гәло тӧ рʹазибуна хԝә бона ве созе Йаһоԝа һәр тʹьм әʹйан дьки?
ԝ20.05 23 ¶10
Тӧ Пʹешкʹешед жь Хԝәде Дьшекьрини?
10 Әме нишан кьн кӧ пʹешкʹеша хәбәрдане дьшекьриньн, һәрге ԝан мәрьварʹа йед кӧ еволусийайе баԝәр дькьн, шьровәкьн ԝәки әʹфьрандаре һәр тьшти Хԝәде йә (Зәб. 9:1; 1 Пәт. 3:15). Мәрьвед кӧ еволусийайе баԝәр дькьн, дьхԝазьн мә бьдьнә баԝәркьрьне, кӧ әʹрд у һʹәму тьштед сах хԝәха пешда һатьнә. Пе Кʹьтеба Пироз у һьнә фькьред кӧ мә ве готареда шеԝьр кьр, әм дькарьн Баве хԝәйи әʹзмана бьпарезьн, у ԝан мәрьварʹа йед кӧ гӧһ дьдьнә мә, шьровәкьн чьрʹа әм баԝәр дькьн, ԝәки Йаһоԝа Әʹфьрандаре әʹрд у әʹзмана йә (Зәб. 102:25; Иша. 40:25, 26).
ԝ22.04 7 ¶13
Тӧ Хәбәрданеда Мәсәләкә Баш и?
13 Кʹьлама бь дьл у щан бьстьре. Гава әм щьватада кʹьлама дьбежьн, гәрәке нета мәйә сәрәкә әв бә, кӧ әм пәсьне Йаһоԝа бьдьн. Хушкәкә бь наве Сара хԝә ча странбежәкә баш һʹәсаб накә. Диса жи, әԝ дьхԝазә пе кʹьлама пәсьне Йаһоԝа бьдә. Ләма жи чахе әԝ хԝә бона щьвате һазьр дькә, әԝ кʹьлама жи һазьр дькә. Әԝ кʹьлама дьбьһе, дьстьре у дина хԝә дьде кӧ готьнед кʹьлама чаԝа тʹема щьвинева гьредайи йә. Әԝ дьбежә: «Бь сайа ве йәке, әз дькарьм дьһа баш дина хԝә бьдьмә готьнед кʹьлама, у ида һаԛас бәрхԝә накʹәвьм кӧ дәнге мьн хԝәш ә йан на».
Хьзна Кʹьтеба Пироз
it-1 832
Тʹьли
Бь зьмане симболик дәрһәԛа Хԝәде те готьне, ԝәки Әԝ гәләк тьшт пе «тʹьли» йан пе «тʹьлийед» хԝә дькә. Мәсәлә, пе «тʹьлийа(ед)» хԝә әԝи Дәһ Тʹәми сәр сәлед кәвьр ньвиси (Дркʹ. 31:18; Ԛн.Дщ. 9:10), кʹәрәмәт дькьрьн (Дркʹ. 8:18, 19), у әʹзман чекьр (Зб. 8:3). Әв йәк кӧ тʹьлийед Хԝәде, бь сайа чь жи Әԝи дьәʹфьранд, рʹӧһʹе пирозва гьредайи йә, демәк ԛәԝата ԝива, те кʹьфше жь әʹламәтийа дәрһәԛа әʹфьрандьна дьнйайе, йа кӧ кʹьтеба Дәстпебунда ньвисар ә. Ԝедәре те готьне, ԝәки ԛәԝата Хԝәде (руах, демәк «рʹӧһʹ») «сәр рʹуйе аве дьгәрʹийа» (Дсп. 1:2). Ньвисаред Пирозә Йунани, али мә дькьн һәвгьредана ве йәке бьвиньн. Мәсәлә, Мәтта ньвиси, ԝәки Иса бь рʹӧһʹе Хԝәдейә пироз, щьн дәрдьхьстьн, ле Луԛа дьгот, кӧ әԝи бь сайа «тʹьлийа Хԝәде, ИМ» әв йәк дькьр (Мт. 12:28; Лԛ. 11:20).
(Зәбур 8:3)
3 Гава әз дина хԝә дьдьмә ль әʹзмана, кьред тʹьли-печʹийед Тә, һиве у стәйрка, кʹижан кӧ Тә щи-ԝар кьрьнә,
26 СЬБАТЕ–3 АДАРЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ЗӘБУР 11-15
Бьдә Бәр Чʹәʹве Хԝә ԝәки Тӧ Дьнйа Тʹәзәда ни
ԝ06 15/5 18 ¶3
Фькьред Сәрәкә жь Пʹарәкә Кʹьтеба Зәбур
11:3—Гәло кʹижан һʹим һатьнә ԝеранкьрьне? Әв һәнә һʹиме сәр кʹижана инсанәт авакьри йә, демәк ԛанун, тʹәрбәти у һәԛи. Һәрге әв һʹим бьләԛьн, ԝи чахи тʹәвльһәвбун ԝе пешда бен у һәԛи ԝе бәтавәбә. Дәрәщед ӧсада мәрьве рʹаст гәрәке бь тʹәмами итʹбарийа хԝә Хԝәде бинә (Зәбур 11:4-7).
Гәло Дьбә Ԝәки Дьнйа Бе Зӧлми Бә?
Кʹьтеба Пироз соз дьдә кӧ Хԝәде ԝе зутьрәке әʹрде жь зӧлмийе паԛьж кә. Әв дьнйа тʹәви шьхӧле хԝәйи зӧлм «бона Рʹожа Ахрәте тенә һьштьне, кʹижанеда мәрьвед нәпʹак ԝе ӧнда бьн һәрʹьн» (2 Пәтрус 3:5-7). Ида жь бо мәрьвед зӧлм, йед дьн ԝе нәчәрчьрьн. Жь кʹӧ әм заньн, ԝәки Хԝәде дьхԝазә зӧлмийе педа бьдә сәкьнандьне?
Кʹьтеба Пироз дьбежә: Хԝәде «жь кәсед хьраб у йед кӧ зордарийе һʹәз дькьн, нәфрʹәте дькә» (Зәбур 11:5, ДО). Әʹфьрандаре мә, әʹдьлайе у һәԛийе һʹьз дькә (Зәбур 33:5; 37:28). Ләма жи әԝ һʹәта-һʹәтайе ԝе мәрьвед зӧлм тәйах нәкә.
Бь Сәбьр Һивийе бә
15 Ле чьрʹа Даԝьд бь сәбьр һивийе бу? Щаба ве пьрсе әԝ хԝәха зәбура хԝәда дьдә, кʹидәре кӧ чар щара пьрсәкә ӧса дайә: «Һʹәта кʹәнге?» Әԝ дьбежә: «Мьн хԝә спартийә амьнийа Тә, дьле мьне ша бә, бь хьлазкьрьна Тә. Әзе бьстьрем әʹшԛи Хӧданә, бона ԛәнщийа кӧ ль мьн кьрийә» (Зәб. 13:5, 6). Даԝьд заньбу ԝәки Йаһоԝа амьн ә у ԝи һʹьз дькә. Әԝ дьфькьри кӧ чаԝа Йаһоԝа али ԝи дькьр, у әԝ бь дьл һивийа хьлазкьрьна хԝә бу. Бәле, Даԝьд заньбу ԝәки әԝ бадиһәԝа һивийе нинә.
kr 236 ¶16
Пʹадшати Ԝе Ԛьрара Хԝәде сәр Әʹрде Бинә Сери
16 Бехофи. Шькьр, созед кӧ дьле мә ша дькьн, йед кӧ кʹьтеба Ишайа 11:6-9 ньвисар ьн, ԝе рʹастә-рʹаст бенә сери! Һьм мер, һьм жьн, һьм жи зарʹ кʹӧда жи һәрʹьн, ԝе хԝә бехофийеда тʹәхмин кьн. У ида нә мәрьв нә жи һʹәйԝан, ԝе тʹӧ кәсирʹа зьраре нәйньн. Бьдьнә бәр чʹәʹве хԝә, ԝе бе ԝәʹдә, кʹәнге сәр тʹәмамийа дьне, һуне хԝә ча мала хԝәда тʹәхмин кьн. Һуне тʹӧ тьшти у тʹӧ кәси нәтьрсьн, у бькарьбьн чʹәм, гол у бәʹрада хԝә аве хьн, һьлкʹьшьнә чʹийа у дәшт-зозанада бьгәрʹьн. У һәла һе шәв жи һуне нәтьрсьн. Гьлийед жь Һәзәԛел 34:25 ԝе бенә сери у хьзмәткʹаред Хԝәде ԝе «чоледа әԝләкʹарийеда рʹуньн [бехофийеда бьжин] у ԝе дарьстанада рʹакʹәвьн».
Хьзна Кʹьтеба Пироз
ԝ13 15/9 19 ¶12
Тӧ Бәрдәԝам Дьки Бейи Гӧһастьне?
12 Йазьх дор-бәре мә мәрьвед ӧса һәнә, йед кӧ ԝан һʹӧнӧра дьдьнә кʹьфше, дәрһәԛа кʹижана Паԝлосе шанди ньвиси бу. Дьԛәԝьмә әԝана дьфькьрьн ԝәки хԝә ль норм у принсипа бьгьрин әв тьштәк кәвьн у пашдамайи йә. Гәләк дәрсдар у де-бав, зарʹа һелан дькьн, ԝәки фькьрандьнеда аза бьн. Бәле, ԝанрʹа һәр тьшт йәкә. Һәла һе әв мәрьвед кӧ хԝә баԝәрмәнд һʹәсаб дькьн жи, дьфькьрьн ԝәки әԝана аза нә ван тьшта бькьн, чь кӧ бәр чʹәʹве ԝан рʹаст ә, у борщдар ниньн гӧрʹа Хԝәде у тʹәмийед ԝи бькьн (Зб. 14:1). Дьшьрмишбуна ви щурʹәйи, дькарә зьрарәкә мәзьн Мәсиһийед рʹастрʹа бинә. Һәрге мәрьв һаш жь хԝә тʹӧнә бә, әԝ һеса дькарә, ван фькьр у ньһерʹандьна ԛәбул кә, у дәстпекә мьԛабьл нормед Хԝәде дәре. Мәсәлә, әԝ дькарә нә бь дьл у щан гӧрʹа рʹебәрийед щьвате бькә у һәла һе сәр ван тьшта жи бькә кӧтә-кӧт, чь кӧ ԝи хԝәш найен. Йан жи әԝ дькарә нә бь тʹәмами ван ширәтед жь Кʹьтеба Пироз ԛәбул кә, йед кӧ дәрһәԛа ԝәʹдәдәрбазкьрьне, Интернете у һинбуна бьльнд ьн.
(Зәбур 14:1)
1 Беаре-бефәʹм дьле хԝәда дьбежә: «Хԝәде тʹӧнә». Шуна рʹәшва дьчә, һʹәрамийе дькә, кәсәк тʹӧнә кӧ ԛәнщийе бькә.
1 Һьнге рʹожа Шәмийе Иса нава зәвийарʹа дәрбаз бу. Шагьртед wи бьрʹчи бун у дәстпекьрьн сьмбьлед гәньм бьчьньн у бьхwьн. 2 Гава Ферьсийа әв йәк дит, Исарʹа готьн: «Бьньһерʹә! Шагьртед тә ве йәке дькьн, чь кö qәдәхә йә рʹожа Шәмийе бькьн». 3 Әwи wанрʹа гот: «Wә нәхwәндийә Даwьд чь кьр, чахе әw у йед тʹәви wи, бьрʹчи бун? 4 Нә әw кʹәтә мала Хwәде у wана нане пироз хwар? Ле әw нан бона wи у йед тʹәви wи qәдәхә бу, чьмки әw тʹәне бона кʹаһина бу. 5 Йан жи wә Qанунеда нәхwәндийә, кö рʹожед Шәмийе, кʹаһин пʹарьстгәһеда шьхöл дькьн у диса жи бесущ дьминьн? 6 Ле әз wәрʹа дьбежьм: Йәки жь пʹарьстгәһе мәзьнтьр, вьра йә. 7 Һәрге wә фәʹм кьра чь те һʹәсабе, ‹Әз рʹәʹме дьхwазьм, нә кö qöрбане›, wәйе кәсед бесущ сущдар нәкьра. 8 Чьмки Кöрʹе инсен Хöдане рʹожа Шәмийе йә». 9 Чахе Иса жь wедәре чу, кʹәтә кʹьништа wан. 10 Wедәре мәрьвәк һәбу, дәстәки wи кʹьшийайи бу. Wана жь Иса пьрси: «Изьн ә кö мәрьв рʹожа Шәмийе нәхwәша qәнщ кә?» Wана мәʹни дьгәрʹийа, wәки wи сущдар кьн. 11 Иса wанрʹа гот: «Һәрге пәзәкә wә һәбә у әв рʹожа Шәмийе бькʹәвә чʹәʹле, гәло кʹи жь wә wе нәчә у пәза хwә дәрнәхә? 12 Ле мәрьв жь пез чьqас qимәттьр ә! Ләма жи изьн һәйә, wәки рʹожа Шәмийе qәнщийе бькьн». 13 Паше Иса wи мәрьвирʹа гот: «Дәсте хwә дьреж кә». Әwи жи дәсте хwә дьреж кьр, у дәсте wи qәнщ бу. 14 Ле Ферьси дәркʹәтьн дәрва у ль һәв шеwьрин, кö чаwа wи бьдьнә кöштьне.
15 Гава Иса дәрһәqа ве йәке пеһʹәсийа, жь wедәре чу. Гәләк мәрьв жи пәй wи чун, у әwи гьшк qәнщ кьрьн. 16 Ле әwи сәрт тʹәми да wан, кö дәрһәqа wи нәкьнә дәнги, 17 wәки әв готьна Ишайа пʹехәмбәр, бе сери: 18 «Ва йә хьзмәткʹаре мьн, кʹижан кö мьн бьжартийә, дәлале мьн, йе кö бь дьле мьн ә! Әзе рʹöһʹе хwә дайньм сәр wи, у әwе мьләтарʹа әшкәрә кә, wәки һәqи чь йә. 19 Әwе нәкʹәвә дәʹwе, нәкә qирʹин, у тʹö кәс wе дәнге wи ль мәйдана нәбьһе. 20 Әwе qамише зийанкʹәти нәпʹәрчʹьqинә, у фьтила кö ду дькә нәтәмьринә, һʹәта кö һәqийе бинә. 21 Бәле, һʹәму мьләт wе гöмана хwә бьдьнә сәр наве wи». 22 Һьнге щьнакʹәтики кор у лал анинә бал Иса. У Иса әw qәнщ кьр, öса кö әwи һьм дит, һьм жи хәбәр да. 23 Тʹәмамийа әʹлаләте зәндәгьрти ма у гот: «Дьбәкә әв ә Кöрʹе Даwьд?» 24 Гава Ферьсийа әв йәк бьһист, готьн: «Әw тʹәне бь сайа сәрwере щьна Бәлзәбул, щьна дәрдьхә». 25 Ле Иса заньбу кö әwана чь дьфькьрьн у wанрʹа гот: «Һәр пʹадшатийа кö нав хwәда һатийә пʹарәвәкьрьн, wеран дьбә. У һәр бажар у малбәта кö нав хwәда һатийә пʹарәвәкьрьн, wе нәминә. 26 Ви щурʹәйи, һәрге Шәйтʹан, Шәйтʹан дәрдьхә, wәки öса нә әw нав хwәда һатийә пʹарәвәкьрьн. Ижа пʹадшатийа wи wе чаwа бьминә? 27 Һәрге әз щьна бь сайа Бәлзәбул дәрдьхьм, ле шагьртед wә бь сайа кʹе щьна дәрдьхьн? Ләма жи әwе бьбьн һʹакьмед wә. 28 Ле һәрге әз щьна бь сайа рʹöһʹе Хwәде дәрдьхьм, ида Пʹадшатийа Хwәде һатийә у wә тедәрнәхьстийә. 29 Йан жи, гәло кәсәк дькарә бькʹәвә мала мерхасәки у һәбука wи тʹалан кә, һәрге пешийе wи мерхаси гьренәдә? Чахе гьредә, тʹәне һьнге wе бькарьбә мала wи тʹалан кә. 30 Кʹи кö алийе мьн нинә, мьqабьли мьн ә. У кʹи кö тʹәви мьн тʹоп накә, һәв бәла дькә.
31 Ләма жи әз wәрʹа дьбежьм, һәр щурʹә гöнә у кʹьфьр wе мәрьварʹа бе бахшандьн, ле йе кö кʹьфьрийа рʹöһʹе Хwәде дькә, ль wи найе бахшандьне. 32 Мәсәлә, һәрге кәсәк тьштәки мьqабьли Кöрʹе инсен бежә, әwе бе бахшандьне, ле һәрге кәсәк тьштәки мьqабьли рʹöһʹе пироз бежә, әwе нәйе бахшандьне, нә ньһа, у нә жи ахьрийеда. 33 Һәрге дара wә qәнщ бә, бәре wе жи wе qәнщ бә, ле һәрге дара wә хьраб бә, бәре wе жи wе хьраб бә. Чьмки һәр дар бь бәре хwә те наскьрьне. 34 Зöрʹәта мәʹред жәʹрдар! Һун чаwа дькарьн тьштед qәнщ хәбәр дьн, һәрге һун хьраб ьн? Дьл бь чь тʹьжә йә, зьман әве жи дьбежә. 35 Мәрьве qәнщ тьштед qәнщ дьбежә, чьмки дьле wи бь тьштед qәнщ тʹьжә йә. Ле мәрьве хьраб тьштед хьраб дьбежә, чьмки дьле wи бь тьштед хьраб тʹьжә йә. 36 Әз wәрʹа дьбежьм: Рʹожа Диwане, мәрьв wе бона һәр готьнәкә хwәйә бекер, һʹәсаб бьдә. 37 Чьмки һуне бь хәбәред хwә рʹаст бенә һʹәсабе у бь хәбәред хwә бенә сущдаркьрьне». 38 Һьнге һьнә qанунзан у Ферьсийа Исарʹа готьн: «Дәрсдар, әм дьхwазьн нишанәке жь тә бьвиньн». 39 Иса щаба wан да: «Ньсьле хьраб у нәамьн һәртʹьм нишанәке дьхwазә, ле хенщи нишана Уньс пʹехәмбәр, wанрʹа тʹö нишан wе нәйе дайине. 40 Чаwа кö Уньс 3 рʹож у 3 шәва зьке мәʹсики мәзьнда ма, Кöрʹе инсен жи wе 3 рʹож у 3 шәва дьле әʹрдеда бьминә. 41 Мәрьвед Нинәwайе wе Рʹожа Диwане тʹәви wи ньсьли рʹабьн у ви ньсьли сущдар кьн, чьмки wана гöһ да хәбәра Уньс у тʹобә кьрьн. Ле ва йә, йәки жь Уньс мәзьнтьр вьра йә. 42 Рʹожа Диwане пʹадшайа башуре wе тʹәви ви ньсьли рʹабә у ви ньсьли сущдар кә. Чьмки әw жь сәре дьне һат, wәки гöһ бьдә сәрwахтийа Сьлеман. Ле ва йә, йәки жь Сьлеман мәзьнтьр вьра йә. 43 Гава щьнәк жь мәрьвәки дәрдькʹәвә, әw щийед беавда дьгәрʹә wәки щики рʹьһʹәт бьвинә, ле щики öса навинә. 44 Һьнге әw хwәрʹа дьбежә: ‹Кʹа әз вәгәрʹьм мала хwә, йа кö әз же дәркʹәтьмә›. Гава әw те, дьвинә кö мал вала йә, һәвдайи у хәмьланди йә. 45 Паше әw дьчә у һʹәфт щьнед дьнә жь хwә хьрабтьр тʹәви хwә тинә, әw дькʹәвьн һьндöрʹ у wедәре дьжин. Ида һʹале wи мәрьви жь һʹале wийи бәре хьрабтьр дьбә. Һʹале ви ньсьле хьраб жи wе һәма öса бә». 46 Иса һе хәлqерʹа хәбәр дьда, дийа wи у бьред wи дәрва сәкьни бун, у wана дьхwәст тʹәви wи хәбәр дьн.
1 Wе рʹоже, Иса жь мале дәркʹәт у чу бәр бәре рʹуньшт. 2 Ль дора wи һаqас мәрьв тʹоп бун, кö әw кʹәтә qәйике у теда рʹуньшт, ле әв һʹәму мәрьв бәр дәве бәре сәкьни бун. 3 Иса дәстпекьр бь мәсәла гәләк тьшт wана һин кә: «Щоткʹарәк дәркʹәт кö тʹохьм бьчинә. 4 Гава әwи тʹохьм дьрʹәшанд, һьнә тʹохьм кʹәтьнә сәр рʹе, чʹьвик һатьн у хwарьн. 5 Һьнә тʹохьм кʹәтьнә сәр әʹрде кәвьри, кʹидәре кö хwәли кем бу. У тʹохьм зу шин бу, чьмки хwәли кʹур нибу. 6 Ле гава тʹәв дәркʹәт, әw чʹил чʹьлмьсин у һʹьшк бун, чьмки кʹокед wан тʹöнә бун. 7 Һьнә тʹохьм жи кʹәтьнә нава стьрийа, стьри дәркʹәтьн у нәһиштьн әw мәзьн бьн. 8 Ле һьнә тʹохьм кʹәтьнә сәр әʹрде баш у дәстпекьрьн бәр бьдьн, йәки 100 щара зедәтьр, йе дьн 60 у йе майин жи 30 щара. 9 Гöһед кʹе һәнә, бьра бьбьһе». 10 Шагьртед Иса һатьн бал wи у же пьрсин: «Тö чʹьра бь мәсәла wанрʹа хәбәр дьди?» 11 Әwи wанрʹа гот: «Wәрʹа һатийә дайине wәки һун сöрʹед пироз йед Пʹадшатийа әʹзмана фәʹм бькьн, ле wанрʹа нәһатийә дайине. 12 Чьмки бал кʹе һәйә, әwе һе зедә бьстинә, у жь wи wе кем нәбә. Ле бал кʹе тʹöнә йә, тьште кö бал wи һәйә жи, wе жь wи бе стандьне. 13 Әз бона wе йәке бь мәсәла тʹәви wан хәбәр дьдьм, чьмки әwана дьньһерʹьн, ле навиньн, әwана дьбьһен, ле гöһе хwә надьнә сәр у мәʹна готьна жи фәʹм накьн. 14 Сәр wана пʹехәмбәртийа Ишайа те сери, кö дьбежә: ‹Һун бьбьһен жи, ле һуне тö щар фәʹм нәкьн. Һун бьньһерʹьн жи, ле һуне тʹö щар нәвиньн.
15 Чьмки дьле ви мьләти һʹьшк буйә, wана бь гöһе хwә бьһист, ле һәрәкʹәт нәкьр, у wана чʹәʹвед хwә гьртьнә, wәки тʹö щар нәвиньн, у бь гöһед хwә нәбьһен у бь дьле хwә фәʹм нәкьн у вәнәгәрʹьн бал мьн, кö әз wана qәнщ кьм›. 16 Ле һун бәхтәwар ьн, чьмки чʹәʹвед wә дьвиньн у гöһед wә дьбьһен. 17 Әз рʹаст wәрʹа дьбежьм, гәләк пʹехәмбәр у мәрьвед рʹаст һʹьзрәта дитьна ван тьшта бун чь кö һун дьвиньн, ле нәдитьн, у һʹьзрәта бьһистьна ван тьшта бун чь кö һун дьбьһен, ле нәбьһистьн. 18 Ньһа гöһ бьдьн шьровәкьрьна мәсәла щоткʹар. 19 Мәʹна тʹохьмед кö кʹәтьнә сәр рʹе әв ә: Гава кәсәк хәбәра дәрһәqа Пʹадшатийе дьбьһе, ле мәʹна wе фәʹм накә, Мире-щьна те у тьштед кö дьле wида һатьнә чандьне, дәрдьхә. 20 Мәʹна тʹохьмед кö кʹәтьнә сәр әʹрде кәвьри, әв ә: Кәсәк ве хәбәре дьбьһе у дәрберʹа бь шабун qәбул дькә, 21 ле чьмки дьле wида кʹок тʹöнә, әв хәбәр тʹәне дәмәке дьминә. У чахе әw жь бо ве хәбәре рʹасти тәнгасийа у зерандьне те, әw дәрберʹа баwәрийа хwә öнда дькә. 22 Мәʹна тʹохьмед кö кʹәтьнә нав стьрийа, әв ә: Кәсәк ве хәбәре дьбьһе, ле хәмед ве дьнйайе у дәwләмәндтийа хапинок әве хәбәре дьфәтьсиньн, у әw бе бәр дьминә. 23 У мәʹна тʹохьмед кö сәр әʹрде баш һатьнә чандьне әв ә: Кәсәк ве хәбәре дьбьһе, мәʹна wе фәʹм дькә у бәр дьдә, йәк 100 щара зедәтьр, йе дьн 60 у йе майин жи 30 щара». 24 Иса бәʹса мәсәләкә дьн жи кьр у гот: «Пʹадшатийа әʹзмана мина ви мәрьви йә, йе кö тʹохьме баш әʹрде хwәда чанд. 25 Ле гава гьшк рʹазайи бун, дьжмьне wи һат нав гәньмда зиwан чанд у чу. 26 Гава гәньм гьһишт у бәр да, зиwан жи хöйа бун. 27 Хöламед хwәйе әʹрде һатьнә бал wи у wирʹа готьн: ‹Ахайе мә, нә тә әʹрде хwәда тʹохьмед баш чандьбу? Ле әв зиwан жь кö һатьн?› 28 Әwи wанрʹа гот: ‹Дьжмьнәки әв йәк кьр›. Хöлама жь wи пьрси: ‹Дьхwази әм һәрʹьн wана рʹакьн?› 29 Әwи гот: ‹На, чьмки гава һун зиwане рʹакьн, дьбәкә һун гәньм жи перʹа рʹакьн. 30 Бьһельн, бьра һәр дö һʹәта дәма дьруне һәврʹа бьгьһижьн. Wи чахи әзе хәбаткʹарарʹа бежьм: Пешийе зиwане рʹакьн у бона шәwьтандьне гöрʹз-гöрʹз гьредьн. Паше гәньм тʹоп кьн у бькьнә әʹмбара мьн›».
31 Иса бәʹса мәсәләкә дьн жи кьр у гот: «Пʹадшатийа әʹзмана мина тʹохьме хәрдале йә, йе кö мәрьвәки әʹрде хwәда чандьбу. 32 Рʹаст ә, әw нав һʹәму тʹохьмада йе һәри бьчʹук ә, ле гава әw мәзьн дьбә, әw жь шинкайед бахчә мәзьнтьр дьбә. Әw дьбә дарәкә öса, кö чʹьвикед әʹзмана сәр чʹьqьлед wе һелунед хwә чедькьн». 33 Әwи мәсәләкә дьн жи wанрʹа гот: «Пʹадшатийа әʹзмана мина һәвиртьрʹшк ә, кö кʹöлфәтәке һьлда у кьрә нава 3 чап ар, һәвир стьра, һʹәта кö тʹәмамийа һәвир һьлат». 34 Иса әв һʹәму тьшт бь мәсәла әʹлаләтерʹа гот. Әwи бе мәсәлә тʹö тьшт wанарʹа нәдьгот, 35 сәва әв готьнед пʹехәмбәр бенә сери: «Әзе бь мәсәла wанрʹа хәбәр дьм. Әзе әшкәрә кьм wан тьшта, чь кö жь бәреда вәшарти бун». 36 Паше Иса әʹлаләт шанд у чу кʹәтә мале. Шагьртед wи һатьн бал wи у wирʹа готьн: «Мәʹна мәсәла зиwанед зәвийеда мәрʹа шьровәкә». 37 Иса щаб да: «Йе кö тʹохьме баш чанд Кöрʹе инсен ә, 38 зәви дьнйа йә, тʹохьме баш кöрʹед Пʹадшатийе нә, ле зиwан кöрʹед Мире-щьна нә. 39 У дьжмьне кö әw чандьн Мире-щьна йә. Дьрун рʹожед хьлазийа ве дьнйайе нә, ле хәбаткʹар жи мәләк ьн. 40 У чаwа кö зиwан те тʹопкьрьне у нава агьрда те шәwьтандьне, рʹожед хьлазийа ве дьнйайе жи wе öса бьн. 41 Кöрʹе инсен wе мәләкед хwә бьшинә у әwана wе жь Пʹадшатийа wи һʹәмуйед кö мәрийа жь рʹе дәрдьхьн у хьрабийе дькьн, тʹоп кьн. 42 У әwе wана бавежьнә нава агьрәки мәзьн. Wедәре әwана wе бьгьрин у чʹьркә-чʹьрка дьране wан бә. 43 Һьнге йед рʹаст wе Пʹадшатийа Баве хwәда мина тәʹве шәwq бьдьн. Гöһед кʹе һәнә, бьра бьбьһе. 44 Пʹадшатийа әʹзмана мина хьзнәкә әʹрдеда вәшарти йә, кʹижан кö мәрьвәк дьвинә у диса вәдьшерә. Паше әw бь шабун дьчә, һʹәму мал-мьлкʹе хwә дьфьрошә у wи әʹрди дькьрә.
45 Диса Пʹадшатийа әʹзмана мина базьрганәки йә, йе кö кәвьред qимәт дьгәрʹә. 46 Чахе әwи кәвьрәки qимәт дит, бь ләз чу, һʹәму мал-мьлкʹе хwә фьрот у әw кәвьр кьри. 47 Диса Пʹадшатийа әʹзмана мина тʹорʹәке йә, йа кö һатийә авитьне нава бәʹре у щурʹә-щурʹә мәʹси дькʹәвьне. 48 Гава тʹор тʹьжә дьбә, мәʹсигьр дькʹьшиньн бәр дәве бәʹре, рʹудьнен у мәʹсийед баш дькьнә дәрдана, ле йед нәбаш давежьн. 49 Рʹожед хьлазийа ве дьнйайеда жи wе öса бә. Мәләк wе бен у wе мәрьвед хьраб жь мәрьвед рʹаст вәqәтиньн. 50 У йед хьраб wе бенә авитьне нава агьрәки мәзьн. Wедәре әwана wе бьгьрин у чʹьркә-чʹьрка дьране wан бә. 51 Иса жь шагьртед хwә пьрси: «Гәло wә нета ван һʹәму тьшта фәʹм кьр?» Wана гот: «Әре». 52 Паше әwи wанрʹа гот: «Дә бьзаньбьн, wәки һәр дәрсдарәк, йе кö дәрһәqа Пʹадшатийа әʹзмана һин буйә, мина мәрьвәки хwәйимьлкʹ ә, йе кö жь хьзна хwә тьштед тʹәзә у кәвьн дәрдьхә». 53 Чахе Иса әв мәсәлә хьлаз кьрьн, жь wедәре чу. 54 Әw гьһиштә бажаре хwә у дәстпекьр кʹьништа wанда һин кә. Хәлq әʹщебмайи дьма у дьгот: «Гәло әwи сәрwахти у qәwата кö ван кʹәрәмәта бькә, жь кʹö стандийә? 55 Нә әв кöрʹе нәщар ә? Нә наве дийа wи Мәрйәм ә, у Аqуб, Усьв, Шьмһʹун у Щьһуда бьред wи нә? 56 Нә һʹәму хушкед wи нав мәда дьжин? Ижа, әв һʹәму тьшт wирʹа кö һат?» 57 Ләма wана нәхwәст wи баwәр кьн. Ле Иса wанарʹа гот: «Пʹехәмбәр һʹәму щийа хwәйиqәдьр ә, хенщи мала хwә у бажаре хwәда». 58 Әwи wедәре гәләк кʹәрәмәт нәкьрьн, чьмки баwәрийа wан тʹöнә бу.
1 Һьнге сәрwере Щәлиле Һеродәс, дәрһәqа Иса бьһист 2 у хöламед хwәрʹа гот: «Әв кәс Йуһʹәннайе Ньхöмдар ә. Әw жь мьрьне рʹабуйә у ләма жи дькарә кʹәрәмәта бькә». 3 Пешийа ве йәке, Һеродәс рʹуйе Һеродийайеда, демәк рʹуйе жьна бьре хwә Филипода, Йуһʹәнна гьредабу у авитьбу кәле. 4 Чьмки Йуһʹәнна wирʹа дьгот: «Ль гора qануне тö нькари Һеродийайе бьстини». 5 Һеродәс дьхwәст wи бькöжә, ле жь щьмәʹте дьтьрсийа, чьмки wана Йуһʹәнна мина пʹехәмбәр qәбул дькьр. 6 Ле рʹожа буйина Һеродәс, qиза Һеродийайе бәр мевана рʹәqьси. Әв йәк дьле Һеродәс гәләк хwәш һат, 7 у әwи сонд хwар кö һәр хwәстьнәкә кәчʹьке бинә сери. 8 Кәчʹьк алийе дийа хwәда һатьбу ширәткьрьне, у Һеродәсрʹа гот: «Сәре Йуһʹәннайе Ньхöмдар сәр сьнийе бьдә мьн». 9 Пʹадша хәмгин бу, ле фәрман да wәки хwәстьна wе биньн сери, чьмки бәр меванед кö тʹәви wи бәр сьфре рʹуньштьбун, сонд хwарьбу. 10 Ләма жи әwи мәрьв шанд у кәледа сәре Йуһʹәнна да жекьрьне. 11 Сәре wи сәр сьнийе анин, данә кәчʹьке. Әwе жи дийа хwәрʹа бьр. 12 Һьнге шагьртед Йуһʹәнна һатьн, щьнийазе wи бьрьн у чʹәл кьрьн. Паше әw чун бал Иса у һәр тьшт wирʹа гьли кьрьн. 13 Гава Иса әв йәк бьһист, бь qәйике чу щики öса, кʹидәре тʹö кәс тʹöнә бу, wәки тʹәне бьминә. Ле хәлq жь щурʹә-щурʹә бажара дәрһәqа ве йәке пеһʹәсийан у ньга чун кö бьгьһижьнә wи. 14 Чахе Иса жь qәйике дәркʹәт, әʹлаләтәкә мәзьн дит, дьле wи сәр wан шәwьти, у мәрьвед wани нәхwәш qәнщ кьрьн. 15 Гава бу евар, шагьртед Иса һатьн бал wи у готьн: «Вьра щики хьки-хwәли йә у ида дәрәнг ә. Бьһелә бьра щьмәʹт һәрʹә гöнда у хwәрʹа хwарьне бькʹьрʹә». 16 Ле Иса wанрʹа гот: «Нәлазьм ә кö әwана һәрʹьн. Һун хwарьне бьдьнә wан».
17 Wана wирʹа гот: «Хенщи 5 нана у 2 мәʹсийа, бал мә тьштәк тʹöнә». 18 Иса гот: «Wан нан у мәʹсийа биньн щәм мьн». 19 Әwи мәрьварʹа гот wәки сәр чʹере рʹунен. Паше әwи әв 5 нан у 2 мәʹси һьлдан, ль әʹзман ньһерʹи у дöа кьр. Паши ве йәке, әwи нан кәр кьр у да шагьртед хwә, wана жи мәрьварʹа бәла кьр. 20 Һʹәмуйа хwар у тʹер бун. Чахе wана нанед бәрмайи тʹоп кьр, 12 сәвәт тʹьжә бун. 21 Йед кö хwарьн, хенщи жьн у зарʹа, wәкә 5 000 мер бун. 22 Паши ве йәке, дәрберʹа Иса шагьртед хwәрʹа гот, wәки әwана бькʹәвьнә qәйике у пешийа wи һәрʹьн алийе бәʹрейи дьн, ле хwәха wедәре ма, wәки хәлqе вәрʹекә. 23 Гава Иса хәлq вәрʹекьрьн, әw тʹәне һьлкʹьшийа сәр чʹийе, wәки дöа бькә. Чахе бу евар, әw wедәре тʹәне бу. 24 Ле qәйик ида бь сәда метра жь дәве бәре дур кʹәтьбу у вьрда-wеда пʹела дькʹәт, чьмки ба мьqабьли qәйике бу. 25 Незики сәре сьбәһе, Иса сәр аверʹа дьчу бал шагьртед хwә. 26 Гава wана дит кö Иса сәр аверʹа дьмәшә, тьрс кʹәтә дьле wан, у готьн: «Әв хәйал ә!» У жь тьрса кьрьнә qирʹин. 27 Ле wе дәме Иса wанрʹа гот: «Qәwи бьн! Әз ьм, нәтьрсьн!» 28 Пәтрус wирʹа гот: «Хöдан, һәрге тö йи, тʹәмийе бьдә wәки әз сәр аверʹа бемә щәм тә». 29 Иса готе: «Wәрә!» Пәтрус жь qәйике пәйа бу, сәр аверʹа чу кö һәрә щәм Иса. 30 Ле гава чʹәʹве wи чу сәр фьртоне, тьрс кʹәтә дьле wи. У чахе әw ида дькʹәтә бьн аве, кьрә qирʹин: «Хöдан, мьн хьлаз кә!» 31 Иса дәрберʹа дәсте хwә дьрежи wи кьр, әw гьрт у жерʹа гот: «Кембаwәро! Тö чьрʹа дöдьли буйи?» 32 Гава әwана кʹәтьнә qәйике, фьртонә сәкьни. 33 Һьнге әwед кö qәйикеда бун, бәр wи кʹәтьнә сәр чока у готьн: «Рʹасти жи тö Кöрʹе Хwәде йи».