Кани бона Бәрнама Щьвине, Бьжин у Хьзмәт кьн
© 2023 Watch Tower Bible and Tract Society of Pennsylvania
4-10 АДАРЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ЗӘБУР 16-17
«Йаһоԝа бона Мьн Канийа Ԛәнщийе йә»
ԝ18.12 26 ¶11
Щаһьлно, Һун Дькарьн Әʹмьре Хԝәрʹа Ша бьн
ҺӘВАЛЕД РʹАСТ ХԜӘРʹА ԚАЗАНЩ КЬН
11 Бьхунә Зәбур 16:3. Даԝьд заньбу чаԝа һәвалед рʹаст хԝәрʹа бьвинә. Әԝи хԝәрʹа ча һәвал мәрьвед ӧса дьжбарт, йед кӧ Йаһоԝа һʹьз дькьрьн. Әԝи ԝана нав кьр «пироз», чьмки әԝана нав-намус у һʹәлал бун. Зәбурбежәки дьн жи дәрһәԛа бьжартьна һәвала гьлийед ӧса гот: «Әз һогьре хофкʹешед Тә мә, кӧ хԝәй дькьн ԛанунед Тә» (Зәб. 119:63). Чаԝа мә готара пешийа веда дит, һун жи дькарьн гәләк һәвалед баш хԝәрʹа бьвиньн, йед кӧ Йаһоԝа дьтьрсьн у гӧрʹа ԝи дькьн. Ле фәʹмдари йә, һун дькарьн нә тʹәне нава щаһьлада һәвала хԝәрʹа бьжберьн.
ԝ14 15/2 29 ¶4
«Тʹьме Ԛәнщийа Йаһоԝа Бьвиньн»
Даԝьд дьгот: «Хӧдан ә пʹара мьнә жьбарә у рʹьсԛе мьн, дәсте Ԝида йә ахьри-аԛубәта мьн. Щи-ԝаред рʹьнд пʹара мьн кʹәтьн» (Зб. 16:5, 6). Даԝьд «рʹьсԛе» хԝә ԛимәт дькьр, демәк һәләԛәтийа хԝәйә баш тʹәви Йаһоԝа у ӧса жи дьшекьранд кӧ ԛәдьрәки мәзьн жерʹа һатийә дайине ԝәки Ԝирʹа хьзмәт кә. Рʹаст ә, мина Даԝьд әм жи дькарьн рʹасти гәләк чәтьнайа бен, ле йәкә әм рʹӧһʹанида гәләк тенә кʹәрәмкьрьне! Ләма жи ԝәрә әм тʹьме хьзмәтийеда шабуне бьстиньн у тʹьме «һʹәйра Пʹарьстгәһа» Ԝийә рʹӧһʹанида бьн.
ԝ08 15/2 3 ¶2-3
Тʹьме Дина Хԝә Бьдә сәр Йаһоԝа
2 Һәр кәс жь мә дькарә гәләк тьшт һин бә жь хьзмәткʹаред Йаһоԝайә навдар ча Бьраһим, Сәра, Муса, Рʹутʹ, Даԝьд, Әстәр, Паԝлосе шанди у гәләк кәсед дьн. Ле әм дькарьн жь сәрһатийед кәсед нә ӧса навдар жи кʹаре бьстиньн. Һәрге әм дәрһәԛа сәрһатийед Кʹьтеба Пироз бьфькьрьн, әв йәк ԝе али мә бькә, ль гора ван гьлийед зәбурбеж кʹар бькьн: «Хӧдан һәр тʹьм бәр чʹәʹве мьн ә, Әԝ ль мьле мьни рʹасте йә, нәфса мьне нәлькʹӧмә» (Зб. 16:8). Әв гьли чь тенә һʹәсабе?
3 Әскәр пе дәсте рʹасте шур дьгьрт, ләма жи мьле ԝийи рʹасте хԝәйкьри нибу, чьмки мәртʹал дәсте ԝийи чʹәпеда бу. Ле һәвале ԝийи амьн, йе кӧ алийе рʹасте бу, дькарьбу ԝи хԝәй кә. Һәрге Йаһоԝа тʹьме бира мәда йә у әм һәр тьшти ль гора хԝәстьна ԝи дькьн, әԝе мә хԝәй кә. Ԝәрә әм дина хԝә бьдьне, кӧ чаԝа Хәбәра Хԝәде дькарә баԝәрийа мә ԛәԝи кә, ԝәки Йаһоԝа «һәр тʹьм бәр чʹәʹве» мә бә.
Хьзна Кʹьтеба Пироз
it-2 714
Бибок
Сәр зьмане Ибрани, чахе хәбәра ишон (Ԛн.Дщ. 32:10; Мтʹл. 7:2) тʹәви хәбәра айин (чʹәʹв) те хәбьтандьне, әв рʹастә-рʹаст те һʹәсабе «мәрьве бьчʹук йе чʹәʹв», ле чахе тʹәви хәбәра бат те хәбьтандьне, кӧ Луринед Йерәмйа 2:18-да һатийә ньвисаре, ԝи чахи әв те һʹәсабе «ԛиза чʹәʹв», демәк һәр дӧ жи бибока чʹәʹв тенә һʹәсабе. Әв хәбәр Зәбура 17:8-да һатьнә хәбьтандьне, кӧ бьдьнә кʹьфше ԝәки әв йәк рʹастә-рʹаст те һʹәсабе «мәрьве бьчʹук, ԛиза чʹәʹв». Ча кʹьфш ә, әв хәбәр ве йәкева гьредайи нә, кӧ мәрьв дькарә хԝә чʹәʹве мәрьве дьнда бьвинә.
Чʹәʹв пʹара бәдәнейә назьк ә у һеса дькарә зийане бьстинә. Чахе бьжанг йан тʹоз дькʹәвә чʹәʹве мәрийа, мәрьв дәрберʹа әʹщьз дьбә. Мәрьв гәрәке пʹәрʹда чʹәʹве хԝә бьбә хԝәйи, йа кӧ сьпика чʹәʹв хԝәй дькә. Чьмки һәрге әв зийане бьстинә, йан жи жь бо нәхԝәшике шелу бә, рʹонайа чʹәʹв дькарә хьраб бә у мәрьв дькарә һәла һе кор бә жи. Чахе Кʹьтеба Пирозда хәбәра бибока чʹәʹв те хәбьтандьне, әв тьштәки назьк дьдә кʹьфше у фәрзбуна ве йәке, кӧ фьлан тьшт гәрәке бе хԝәйкьрьне. Һʹәма бь ви щурʹәйи әм гәрәке Ԛануна Хԝәде хԝәй кьн (Мтʹл. 7:2). Чахе Муса дәрһәԛа хәмкьрьна Йаһоԝа һьндава Исраелийа дьгот, әԝи гот кӧ Хԝәде мина «рʹонайийа чʹәʹвед хԝә» мьԛати ԝан дьбу (Ԛн.Дщ. 32:10). Даԝьд дӧа дькьр, ԝәки Хԝәде ԝи бьпʹарезә у бона ԝи хәм бькә, мина «рʹонайийа чʹәʹва» (Зб. 17:8). Әԝи дьхԝәст ԝәки Хԝәде дәрберʹа бе һәԝара ԝи, чахе дьжмьн һʹьщуми сәр ԝи кьн (Бәрамбәр кә Зәк. 2:8, кʹидәре кӧ хәбәред Ибрани тенә хәбьтандьне бават айин, демәк бибока чʹәʹв. Бьньһерʹә ЧʹӘʹВ).
(Зәбур 17:8)
8 Мина рʹонайийа чʹәʹва Тӧ мьн хԝәй кә, бьн сийа пʹәрʹе Хԝәда мьн бьньхемә,
1 Һьнге жь Оршәлиме, Ферьси у ԛанунзан һатьнә бал Иса, у жь ԝи пьрсин: 2 «Чьма шагьртед тә әʹдәтед кал-бава әʹрде дьхьн? Мәсәлә, әԝана пешийа нанхԝарьне дәстед хԝә нашон». 3 Иса щаба ԝан да: «Ле һун чьма бона хатьре әʹдәтед хԝә тʹәмийа Хԝәде әʹрде дьхьн? 4 Мәсәлә, Хԝәде готийә ‹Ԛәдьре де у баве хԝә бьгьрә› у ‹Кәсе кӧ тьштед хьраб де йан баве хԝәрʹа бежә, гәрәке бе кӧштьне›. 5 Ле һун дьбежьн, ‹Кʹи кӧ де йан баве хԝәрʹа дьбежә: «Һәр тьшт, бь чь жи мьн дькарьбу аликʹари бьда тә, мьн соз дайә ԝәки Хԝәдерʹа ԛӧрбан кьм», 6 әԝ ида борщдар нинә ԛәдьре баве хԝә бьгьрә›. Бь ви аԝайи, ԝә хәбәра Хԝәде бона хатьре әʹдәтед хԝә пʹучʹ у бәтал кьрийә. 7 Дӧрʹуно, Ишайа пʹехәмбәр сәр ԝә чьԛас рʹаст гот: 8 ‹Әв щьмәʹт бь заре хԝә рʹумәте дьдә мьн, ле дьле ԝан жь мьн дур ә. 9 Әԝана бадиһәԝа мьн дьһʹәбиньн, чьмки һинкьрьнед ԝан сәр һʹиме тʹәмийед мәрьва нә›». 10 Һьнге Иса гази хәлԛе кьр у ԝанрʹа гот: «Рʹьнд гӧһ бьдьн у фәʹм бькьн. 11 Нә кӧ тьште дькʹәвә дәве мерьв, ԝи дьһʹәрʹьминә, ле тьште кӧ жь дәве мерьв дәрдькʹәвә, әԝ ԝи дьһʹәрʹьминә». 12 Паше шагьртед Иса һатьнә бал ԝи у ԝирʹа готьн: «Тӧ зани ԝәки Ферьси жь бо готьнед тә әʹщьз бун?» 13 Иса щаба ԝан да: «Һәр дара кӧ Баве мьни әʹзмана данәчʹькандийә, ԝе кʹокева бе рʹакьрьне. 14 Жь ԝан вәгәрʹьн. Әԝана рʹебәред кор ьн. Һәрге йе кор рʹебәрийе йәки кор бькә, һәр дӧ жи ԝе бькʹәвьнә чʹәʹле». 15 Пәтрус ԝирʹа гот: «Ве мәсәле мәрʹа шьровәкә».
11-17 АДАРЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ЗӘБУР 18
«Хӧдан ә . . . Хьлазкьре Мьн»
ԝ09 1/5 14 ¶4-5
Шабуна Йаһоԝа Ԛәԝата Мә йә
Кʹьтеба Пироз Йаһоԝа ӧса жи бәрамбәри тьштед нәбинбәр дькә. Әԝ те навкьрьне ча «Зьнаре Исраил», «Кәла» у «Ԛәйа» (2 Самуйел 23:3; Зәбур 18:2; Ԛануна Дӧщари 32:4). Гәло чьрʹа әв бәрамбәркьрьн лайиԛи Йаһоԝа йә? Чьмки чаԝа кӧ ԛәйа ԛәԝи йә у щийе хԝә наләԛә, ӧса жи Йаһоԝа дькарә бона мә бьбә сьтʹаргәһа ԛәԝи.
Кʹьтеба Зәбурда гәләк хәбәред симболик һәнә, кʹижан кӧ щурʹә-щурʹә һʹӧнӧред Йаһоԝа дьдьнә кʹьфше. Зәбура 84:11-да те готьне, кӧ Йаһоԝа рʹо у «мәртʹал ә». Әв те һʹәсабе кӧ Хԝәде канийа рʹонайе у жийине йә, у һьм жи әԝ пьштгьрийа мә дькә у мә дьпʹарезә. Ле Зәбура 121:5-да те готьне, кӧ «Хӧдан сийа сәр тә йә, ль мьле тәйи рʹасте йә». Чаԝа си бона мә дьбә сьтʹаргәһ у жь гәрмайе мә хԝәй дькә, ӧса жи Йаһоԝа ԝәʹде хәзәба дькарә бона хьзмәткʹаред хԝә бьбә сьтʹаргәһ, у бьн сийа дәсте хԝәда, йан «бьн сийа пʹәрʹе» хԝәда ԝана вәшерә (Ишайа 51:16; Зәбур 17:8; 36:7).
it-2 1161 ¶7
Дәнг
Хԝәде дәнге хьзмәткʹаред хԝә дьбьһе. Кәсед кӧ бь рʹӧһʹ у рʹастийе Хԝәдерʹа хьзмәт дькьн, дькарьн жерʹа дӧа бькьн у баԝәр бьн, ԝәки әԝе дәнге ԝан бьбьһе, фьрԛи тʹӧнә сәр чь зьмани әԝана жерʹа дӧа дькьн. Һәла һе гава мәрьв дьле хԝәда дӧа дькә у ԛә дәнге хԝә накә жи, Хԝәдейе кӧ дьле мәрьва занә, дӧайед ӧса дьбьһе у пьшт гӧһе хԝәва навежә (Зб. 66:19; 86:6; 116:1; 1 См. 1:13; Нм. 2:4). Хԝәде дәнге һесир у бәләнгаза дьбьһе, йед кӧ һәԝар-газийа ԝи дькьн. Әԝ ӧса жи дәнге ԝан мәрьва дьбьһе, йед кӧ мьԛабьли ԝи у хьзмәткʹаред ԝи дәртен, у әԝ нет-мәрәмед ԝан занә (Дсп. 21:17; Зб. 55:18, 19; 69:33; 94:9-11; Йер. 23:25).
ԝ22.04 3 ¶1
Тӧ Ча Дькари бәр Хәмед Хԝә Сәбьр ки?
2. Бинә бира хԝә: Те бира тә кӧ бь сайа аликʹарийа Йаһоԝа, тә чаԝа бәр һьнә тәнгасийа сәбьр кьрьбу? Гава әм тиньн бира хԝә кӧ Йаһоԝа чаԝа пьштгьрийа мә у хьзмәткʹаред хԝәйә бәре кьрийә, ԛәԝата мә зедә дьбә, у әм дьһа зедә хԝә дьсперьн ԝи (Зәбур 18:17-19). Рʹуспики бь наве Щошуа ӧса дьбежә: «Мьн хԝәрʹа башԛә щабед дӧайед хԝә ньвисийә. Әв йәк али мьн дькә ԝәки әз биньм бира хԝә кӧ чаԝа Йаһоԝа әв тьшт дабу мьн, чь кӧ мьнрʹа лазьм бу». Бәле, һәгәр әм сәр тьштед кӧ Йаһоԝа ида бона мә кьрийә, кʹур бьфькьрьн, әме тʹәзәда ԛәԝате бьстиньн ԝәки бәр дьлтәнгийе сәбьр кьн.
Хьзна Кʹьтеба Пироз
it-1 432 ¶2
Херуб
Һьнә мәрьв дьфькьрьн, ԝәки әв шькьл һатьбунә чекьрьне мина тьштед хофә тьрс пе пʹәрʹ, бәр кʹижана мьләтед пʹутпʹарьст сәре хԝә датанин, ле бь рʹасти ӧса нинә. Чаԝа кӧ ньвисаред Щьһуйайә бәреда һатийә ньвисаре (Кʹьтеба Пирозда найе готьне), рʹуйе ԝан херуба мина йа мәрьва бу. Әв нәԛьшкьрьнед гәләк бәдәԝ бун, сәр кʹижана кӧ мәләкед гәләк бәдәԝ нәԛьшкьри бун, у әԝана «хут ӧса» һатьбунә чекьрьне, чаԝа кӧ Йаһоԝа Мусарʹа нәхш нишан кьрьбу (Дркʹ. 25:9). Паԝлосе шанди гот, кӧ «сәр сьндоԛе, херубед рʹумәта Хӧдан . . . дькьрьнә си» (Ибр. 9:5). Әԝ херуб дьданә кʹьфше, кӧ ча бежи Йаһоԝа ԝедәре йә: «Әзе ԝьра рʹасти тә бем тʹәви тә хәбәр дьм, жь сәр ԛалпʹахе бахшандьне нава һәр дӧ херубед кӧ сәр Сьндоԛа Шәʹдәтийе нә» (Дркʹ. 25:22; Жм. 7:89). Ләма жи дәрһәԛа Йаһоԝа те готьне, кӧ әԝ сәр херуба рʹуньштийә, йан жи «нав херубада тʹәхте хԝә данибу, ИМ» (1 См. 4:4; 2 См. 6:2; 2 Пʹд. 19:15; 1 Др. 13:6; Зб. 80:1; 99:1; Иш. 37:16). Бь симболик херуб дьһатьнә һʹәсабе әʹрәбә, сәр кʹижани кӧ Йаһоԝа сийар дьбу (1 Др. 28:18), ле пʹәрʹед ԝан бона ләзайа рʹеԝитийе у пʹарастьне бун. Ләма жи стьрана поетикида Даԝьд гот, кӧ гава Йаһоԝа һатә һәԝара ԝи, Әԝ «херубәки сийар бу у фьрʹийа, ль сәр баскед байе бьльнд бу, ИМ» (2 См. 22:11; Зб. 18:10).
(Зәбур 18:10)
10 Херуб сийар бу у фьрʹи, сәр баскед бе Әԝ сьльли.
16 Иса ԝанрʹа гот: «Һун жи һәла һе фәʹм накьн? 17 Чьма һун ньзаньн, һәр тьште кӧ дькʹәвә дев, зькрʹа дәрбаз дьбә у паше дәрте дәр? 18 Ле тьштед кӧ жь дев дәртен, жь дьл тен, у һәма әв тьшт мерьв дьһʹәрʹьминьн. 19 Мәсәлә, фькьред хьраб, кӧштьн, ԛави, зьнекʹари, дьзти, шәʹдәтийа дәрәԝ у кʹьфьр жь дьл дәрдькʹәвьн. 20 Әв һʹәму тьшт мерьв дьһʹәрʹьминьн, ле хԝарьна бь дәстед нәшушти мәрьва наһʹәрʹьминә». 21 Иса жь ԝедәре чу һәрема Сур у Сайдайе. 22 Жьнәкә жь Финикйайе, йа кӧ ԝедәре дьжит, һат у кьрә гази: «Хӧдан, Кӧрʹе Даԝьд, гӧне хԝә мьн бинә. Ԛиза мьн щьна кʹәтийә, гәләк дьчәрчьрә». 23 Ле Иса ԛә щаба ԝе нәда. Һьнге шагьртед ԝи һатьнә бал ԝи у готьн: «Ле бьшинә, бьра һәрʹә, чьмки әԝ пәй мә те у дькә ԛарʹә-ԛарʹ». 24 Иса щаб да: «Әз тʹәне бона пәзед Исраелейә ӧндабуйи һатьмә шандьне». 25 Ле әв жьньк һат, бәр Иса кʹәтә сәр чока у гот: «Хӧдан, али мьн бькә!» 26 Иса щаба ԝе да: «Нә рʹаст ә нане бәр зарʹа һьлдьн у бавежьнә бәр тʹула». 27 Әԝе жи гот: «Бәле, Хӧдан, ле тʹулә жи һурькед кӧ жь сьфра хԝәйед ԝан дькʹәвьн әʹрде, дьхԝьн». 28 Һьнге Иса жьнькерʹа гот: «Баԝәрийа тә чьԛас мәзьн ә! Бьра анәгори хԝәстьна тә тәрʹа бә». Һәма ԝе дәме ԛиза ԝе ԛәнщ бу. 29 Иса жь ԝедәре чу у незики Бәʹра Щәлиле бу. Әԝ һьлкʹьшийа сәр чʹийе у ԝедәре рʹуньшт. 30 Гәләк мәрьв һатьнә бал ԝи. Нав ԝанда, кәсед тʹопал, сәԛәт, кор, лал у гәләк нәхԝәшед дьн жи һәбун. Ԝана әԝ анин, данә бәр пʹийед Иса у әԝи һʹәму ԛәнщ кьрьн. 31 Гава мәрьва дитьн ԝәки йед лал хәбәр дьдьн, сәԛәт ԛәнщ дьбьн, тʹопал рʹе дьчьн у кор дьвиньн, гәләк әʹщебмайи ман, у пәсьне Хԝәдайе Исраеле дан. 32 Иса гази шагьртед хԝә кьр у гот: «Гӧне мьн ве әʹлаләте те. Ида 3 рʹож ә әԝана тʹәви мьн ьн у хԝарьна ԝан нәмайә. Әз нахԝазьм ԝана бьрʹчи бьшиньм, чьмки әԝана рʹеда дькарьн ԛьдум кʹәвьн».
18-24 АДАРЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ЗӘБУР 19-21
«Әʹзман бона Рʹумәта Хԝәде Дьбежьн»
ԝ04 1/1 8 ¶1-2
Бьра Һʹәму Дәрһәԛа Рʹумәта Йаһоԝа Бежьн
ДАԜЬД, кӧрʹе Йеша, жь бьчʹуктайе һәрема Бәйтләһʹме пәз дьчʹеранд. Гава әԝи пәзед баве хԝә дьчʹеранд, дьԛәԝьмә шәв чахе дәнге һәр тьшти дьсәԛьрʹи, гәләк щар әԝи дина хԝә дьда стәйркед әʹзмана. Бе шьк, әԝ һәр тьшт бира ԝида бу, гава әԝи жь бина бәр Хԝәде кʹьлам бәр хԝә дәрдьхьст у Зәбура 19 дьстьра: «Әʹзман бона рʹумәта Хԝәде дьбежьн, әʹрше әʹзмен шьхӧлед дәсте Ԝи кʹьфш дькьн. Ле шәʹдәтийа ԝан бәла дьбә тʹәмамийа әʹрде у готьнед ԝан дьгьһижьнә сәре дьне» (Зәбур 19:1, 4).
2 Әʹзман, чекьрьна дәсте Йаһоԝа йә, әв бе зар-зьман шәв у рʹож Йаһоԝа рʹумәт дькә. Бәле, әʹфрин тʹьме рʹумәта Йаһоԝа әʹйан дькьн у мә дькʹәвә бь мьлукти дина хԝә бьдьне, кӧ чаԝа шәʹдәтийа ԝанә бе зар-зьман сәр «тʹәмамийа әʹрде» дьгьһижә һʹәму бьнәлийа. Ле тʹәне шәʹдәтийа әʹфрина бәс нинә, гәрәке дәнге мәрьвед амьн жи бе бьһистьне. Зәбурбежәки хьзмәткʹаред амьнрʹа жь бина бәр Хԝәде ӧса гот: «Бьдьнә Хӧдан рʹумәт у ԛӧдрәт. Шькьрийе бьдьнә рʹумәта наве Хӧдан» (Зәбур 96:7, 8). Достед Йаһоԝа бь шабуне ве тʹәглифе ԛәбул дькьн. Ле гәло чь те һʹәсабе рʹумәте бьдьнә Хԝәде?
ԝ04 1/6 11 ¶8-10
Әʹфьрин Рʹумәта Йаһоԝа Әʹйан Дькьн!
8 Даԝьд паше диса гьли дькә дәрһәԛа әʹфринәки Йаһоԝайә һʹӧжмәкʹар: «Хԝәде әʹзменда бона тәʹве конәк вәгьрт, мина зәʹвайе жь бьн пʹәрʹде кӧ дәрте, мина мерхасәки кӧ пе рʹәва хԝә ша йә. Әԝ жь алики әʹзмен дәрте, дьчә һʹәта алийед дьне у жь гәрма ԝе тʹӧ тьшт найе вәшартьне» (Зәбур 19:4-6).
9 Һьмбәри стәйркед дьн, чапа тәʹве мәзьн нинә. Бәле, әԝ стәйркәкә мәхсус ә, у чапа ԝе һьмбәри планетед кӧ дора ԝе дьзьвьрʹьн, дьһа мәзьн ә. Ль гора кʹьтебәке, гьранийа тәʹве «2 милйарде, милйарде милйарда йә», чь кӧ дькә 99.9 % гьранийа тʹәмамийа система тәʹве! Бь сайа дәшта гравитасийа тәʹве, әʹрд ль сәр доргәһа хԝә дьминә, у 150 милйон километр дури тәʹве йә, у әԝ нә дури тәʹве дькʹәвә у нә жи дькʹәвә сәр тәʹве. Тʹәне нив милйард енержийа тәʹве дьгьһижә планета мә, у әԝ бәс ә ԝәки жийин сәр планета мә һәбә.
10 Зәбурбеж дәрһәԛа тәʹве бь зьмане бәдәԝ у симболик хәбәр дьдә, у тәʹв бәрамбәри «мерхасәки» кьр, йе кӧ нава рʹожеда сәр әʹзмен жь ньчʹәки дьрʹәвә ньчʹе дьн, ле чахе тәʹри дькʹәвә әʹрде, әԝ дькʹәвә «коне» хԝә. Гава тәʹв дьчә ава, бьнәлийед әʹрдерʹа ӧса те кʹьфше, кӧ те бежи әԝ кʹәтә «коне» хԝә, кӧ һеса бә. Шәбәԛе гава сьбәһ сафи дьбә, тәʹв диса мина «зәʹвайе жь бьн пʹәрʹде . . . дәрте». Даԝьд шьван бу, ләма әԝи заньбу кӧ шәв дькарә чьԛас сар бә (Дәстпебун 31:40). Әԝи дькьрә бира хԝә, кӧ ча тәʹв дәрберʹа ԝи у әʹрд гәрм дькьр. Әшкәрә йә, кӧ тәʹв жь «рʹеԝитийа» хԝә нәдьԝәстийа у мина «мерхасәки» һазьр бу ча бежи рʹеԝитийа хԝә дӧбарә кә, жь рʹоһьлате һʹәта рʹоавайе.
g95 11/8 7 ¶3
Нәԛьшкʹаре Һәри Биркьри Ԝәʹде Мәда
Чахе әм кʹур фәʹм дькьн, кӧ тʹәбийәт чьԛас бәдәԝ у рʹәнг-рʹәнги һатийә нәԛьшкьрьне, әԝ йәк али мә дькә ԝәки дьһа баш Әʹфьрандаре хԝә нас кьн, чьмки әԝ һәр тьшт чекьрьна дәсте ԝи йә. Щарәке Иса шагьртед хԝәрʹа гот, ԝәки әԝана дина хԝә бьдьнә кӧлиркед дәштед Щәлиле. Иса гот: «Жь сосьнед чоле һин бьн, кӧ әԝана чаԝа шин дьбьн. Әԝана нә дьхәбьтьн у нә жи кʹьнща дьдьрун. Ле әз ԝәрʹа дьбежьм: Һәла һе Сьлеман Пʹадша жи тʹәмамийа хер-хьзна хԝәда мина йәки жь ԝан, кʹьнщ ль хԝә нәдькьр» (Мәтта 6:28, 29). Бәдәԝийа ван сосьнед чоле тиньн бира мә, ԝәки Хԝәде бона һʹәԝщед мәрьва хәм дькә.
Хьзна Кʹьтеба Пироз
it-1 1073
Ибрани, II
Форма дьн әԝ һәйә паралелизма синтетики (йан структури), кʹидәреда пʹара дӧда йа щьмле, нә кӧ фькьра пешьн дьԝәкʹьлинә, йан жи фьрԛи нишан дькә, ле дәԝсе фькьр һе вәдькә у зедә дькә. Мәсәлә, дина хԝә бьдьнә Зәбур 19:7-9:
Һинкьрьна Хӧдан кʹамьл ә,
мерьв әԝ нуйәжийин дькә.
Тʹәмийед Хӧдан бехельф ьн,
садәйа әԝ сәрԝахт дькьн.
Ԛанунед Хӧдан рʹаст ьн,
дьле мерьв ша дькьн.
Фәрманед Хӧдан зәлал ьн,
чʹәʹвед мерьв рʹонайи дькьн.
Хофа Хӧдан хальс ә,
һʹәта-һʹәтайе дьминә.
Ԛьраред Хӧдан һәԛ ьн,
тʹәмамийа хԝәва әԝ рʹаст ьн.
Әм дькарьн тедәрхьн, ԝәки пʹара дӧда йа щьмләки, фькьра пʹара вейә пешьн тʹәмам дькә. Бь ви щурʹәйи дәрте кӧ шер бь тʹәмами әв һәйә һәвгьредана дӧ компонента. Тʹәне бь сайа пʹара дӧда йед щьмла, мәсәлә «мәрьв әԝ нуйәжийин дькә» у «садәйа әԝ сәрԝахт дькьн» дьһа фәʹмдари йә кӧ чь щурʹәйи «һинкьрьна Хӧдан кʹамьл ә» у «тʹәмийед Хӧдан бехельф ьн». Паралелизма синтетикида ортʹа пʹара дӧда йа щьмле у пʹара вейә пешьнда пауза ритмики чедьбә. Бь сайа ве йәке кӧ текст ӧса һатийә сазкьрьне, нә кӧ тʹәне фькьра ве зәлал дьбә, ле ӧса жи структура рʹезе те хԝәйкьрьне, демәк паралелизма форма ве. Ләма жи паралелизма ви щурʹәйи щара те навкьрьне формали йан структури.
(Зәбур 19:7-9)
7 Һинкьрьна Хӧдан кʹамьл ә, мерьв әԝ нуйәжийин дькә. Тʹәмийед Хӧдан бехельф ьн, садәйа әԝ сәрԝахт дькьн. 8 Ԛанунед Хӧдан рʹаст ьн, дьле мерьв ша дькьн. Фәрманед Хӧдан зәлал ьн, чʹәʹвед мерьв рʹонайи дькьн. 9 Хофа Хӧдан хальс ә, һʹәта-һʹәтайе дьминә. Ԛьраред Хӧдан һәԛ ьн, тʹәмамийа хԝәва әԝ рʹаст ьн.
1 Мәгәданеда, Ферьси у Садуԛи һатьн бал Иса, ԝәки ԝи бьщерʹьбиньн, у же хԝәстьн кӧ нишанәке жь әʹзмана нишани ԝан кә. 2 Иса щаба ԝан да: «Гава рʹож дьчә ава, һун дьбежьн, ‹Ԝе һәԝа хԝәш бә, чьмки әʹзман сор ә›. 3 Сәре сьбәһе жи һун дьбежьн, ‹Иро ԝе һәԝа хьраб бә у баране бьбарә, чьмки әʹзман сор ә, ле әʹԝрайи йә›. Һун ль әʹзмен дьньһерʹьн у тедәрдьхьн һәԝа ԝе чаԝа бә, ле мәʹна нишанед кӧ ньһа дьԛәԝьмьн һун тедәрнахьн. 4 Ньсьләки хьраб у нәамьн тʹьме нишанәке дьгәрʹә, ле хенщи нишана Уньс пʹехәмбәр, жерʹа тʹӧ нишан ԝе нәйе дайине». Паши ве йәке, Иса әԝ һиштьн у чу. 5 Шагьртед ԝи дәрбази алийе бәʹрейи дьн бун, ле бир кьрьн нан хԝәрʹа һьлдьн. 6 Иса ԝанрʹа гот: «Һаш жь хԝә һәбьн у хԝә жь һәвиртьрʹшке Ферьси у Садуԛийа хԝәй кьн». 7 Әԝана нав хԝәда фькьрин у готьн: «Дьбәкә мә нан хԝәрʹа һьлнәдайә, ләма әԝ ӧса дьбежә». 8 Иса заньбу әԝ чь дьбежьн у жь ԝан пьрси: «Кембаԝәрно, һун чьма нав һәвда хәбәр дьдьн, кӧ нане ԝә тʹӧнә? 9 Һун һе фәʹм накьн? Найе бира ԝә кӧ чаԝа бь 5 нана 5 000 мер тʹер бун, у ԝә чьԛас сәвәт бәрмайи тʹьжә кьрьн? 10 Йан найе бира ԝә, кӧ чаԝа пе 7 нана 4 000 мер тʹер бун у ԝә чәнд сәвәтед мәзьн жи тʹьжә кьрьн? 11 Һун ча фәʹм накьн, ԝәки мьн бона нан ԝәрʹа нәгот? Ле әз дьхԝазьм, ԝәки һун хԝә жь һәвиртьрʹшке Ферьси у Садуԛийа хԝәй кьн». 12 Һьнге ԝана фәʹм кьр, кӧ Иса нәдьхԝәст бьгота ԝәки хԝә жь һәвиртьрʹшке нан дур бьгьрьн, ле әԝи гот кӧ хԝә жь һинкьрьнед Ферьси у Садуԛийа дур бьгьрьн. 13 Гава Иса гьһиштә һәрема Ԛәйсәрйа Филипойе, әԝи жь шагьртед хԝә пьрси: «Хәлԛ чь дьбежә? Кӧрʹе инсен кʹи йә?»
25-31 АДАРЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ЗӘБУР 22
Һьнә Пʹехәмбәртийед Дәрһәԛа Мьрьна Иса
ԝ11 15/8 15 ¶16
Ԝана Мәсиһ Дит!
16 Ӧса дьһатә кʹьфше ԝәки Хԝәде Иса инкʹар кьрьбу (Бьхунә Зәбур 22:1). Ль гора пʹехәмбәртийе «Сьһʹәта сьсийа [нивро незики сьһʹәта сьсийа] Иса бь дәнгәки бьльнд кьрә ԛирʹин у гот: ‹Елойи, Елойи, лама сабахтани?›» кӧ те һʹәсабе: «Хԝәдейе мьн, Хԝәдейе мьн, тә чьма әз һьштьм?» (Маркос 15:34). Иса баԝәрийа хԝә һьндава Баве хԝәйи әʹзмана ӧнда нәкьр. Хԝәде Иса нәпʹараст у изьн да ԝәки дьжмьн ԝи бьгьрьн, кӧ беԛьсуртийа ԝи бь тʹәмами бе щерʹьбандьне. Чахе Иса пешийа мьрьна хԝә гази Хԝәде кьр, бь ве йәке пʹехәмбәртийа жь Зәбур 22:1 һатә сери.
ԝ11 15/8 15 ¶13
Ԝана Мәсиһ Дит!
13 Даԝьд пʹехәмбәрти кьр, ԝәки Иса ԝе бе беһӧрмәткьрьне (Бьхунә Зәбур 22:7, 8). Иса һатә беһӧрмәткьрьне, чахе әԝ сәр стуна щәфайе дьчәрчьри, чаԝа кӧ Мәттада те готьне: «Кәсед кӧ бәр ԝирʹа дәрбаз дьбун, ԝи беһӧрмәт дькьрьн, сәре хԝә дьһʹәжандьн, у дьготьн: «Нә тәйе пʹарьстгәһ һьлшанда у се рʹожада чекьра? Дә хԝә хьлаз кә! Һәрге тӧ кӧрʹе Хԝәде йи, дә жь ве стуне бәржер бә!». Ӧса жи кʹаһинед мәзьн, ԛанунзан у рʹуспи пе дькʹәнийан у дьготьн: «Әԝи хәлԛ хьлаз кьрьн, ле нькарә хԝә хьлаз кә! Әԝ Пʹадше Исраеле йә, дә бьра ньһа жь стуне бәржер бә, у әме ԝи баԝәр кьн. Әԝи гӧмана хԝә дайә сәр Хԝәде, һәрге Хԝәде жь ԝи рʹази йә, дә бьра ԝи хьлаз кә. Чьмки әԝи дьгот: ‹Әз Кӧрʹе Хԝәде мә›» (Мәт. 27:39-43). Ле әв һәр тьшт Иса нәшкенанд. Әԝи мәрʹа мәсәләкә баш һишт!
ԝ11 15/8 15 ¶14
Ԝана Мәсиһ Дит!
14 Сәва кʹьнще Мәсиһ ԝе пʹәшк бе авитьне. Зәбурбеж ньвиси: «Кʹьнщед мьн нава хԝәда бәла дькьн у сәр кʹьнща мьн пʹәшк давежьн» (Зб. 22:18). Әв йәк ԛәԝьми «Чахе [әскәред Рʹоме] [Иса] сәр стуне мьх кьр, сәр кʹьнщед ԝи пʹәшк авитьн у нав хԝәда пʹарәвәкьрьн» (Мәт. 27:35; бьхунә Йуһʹәнна 19:23, 24).
Хьзна Кʹьтеба Пироз
ԝ06 1/11 29 ¶7
Ԛәдьр Һьндава Щьвинед Пироз Дьдьнә Кʹьфше
7 Әм дькарьн ԛәдьр һьндава щьвинед мә бьдьнә кʹьфше. Гәло чаԝа? Мәсәлә әм дькарьн сәр щьвата кʹьлама бьстьрен. Гәләк жь ԝан кʹьлама, дькарьн бежьн ча дӧа нә у ләма жи гәрәке бь ԛәдьр бенә стьране. Чахе Паԝлос Зәбура 22 дьԝәкʹьланд, әԝи дәрһәԛа Иса гот: «Дәрһәԛа наве тәда әзе хушк-бьрайед хԝәрʹа бежьм, щьвинеда әзе пәсьне тә бьдьм» (Ибрани 2:12). Әм гәрәке хԝәрʹа нет дайньн, ԝәки пешда щийе хԝә бьгьрьн, һʹәта кӧ бьра һе кʹьлам әʹлам нәкьрийә, у паше бьстьрен у бь тʹәмами дина хԝә бьдьнә гьлийед кʹьламе. Бьра стьрандьна ԝәда хут әв йәк бе кʹьфше, чь кӧ зәбурбеж сәр хԝә тʹәхмин дькьр: «Әзе бь дьл шькьрийе бьдьмә Хӧдан, нава щьвата рʹаста у щьмәʹтеда» (Зәбур 111:1). Кʹьламед кӧ әм бона пәсьндайина Йаһоԝа дьстьрен, гәләк фәрз ьн, ләма жи әм гәрәке ԝәʹдәда бенә сәр щьвате у һʹәта хьлазийе бьминьн.
ԝ03 1/9 20 ¶1
«Щьвата Мәзьнда» Пәсьне Йаһоԝа Бьдьн
Рʹожед мәда, чаԝа бәре, әм дькарьн щьватеда баԝәрийа хԝә бьдьнә кʹьфше. Чахе ԝәʹде щьвате пьрс тенә дайине, ԝи чахи бал һәр кәса мәщал һәйә кӧ щаба хԝә бьдә. Әм гәрәке тʹӧ щар нәфькьрьн кӧ кʹара ве йәке тʹӧнә. Мәсәлә, щабед ӧса кӧ чаԝа чәтьнайа алт кьн у хԝә жь проблема хԝәй кьн, али хушк-бьра дькьн, ԝәки әʹмьре хԝәда принсипед Кʹьтеба Пироз бьдьнә хәбате. Чахе әм рʹезед абзаседа шьровәдькьн, ситатед кʹижана нәһатьнә дайине, йан жи ван фькьра дьбежьн, йед кӧ мә ԝәʹде һинбуна шәхси лекʹолин кьрийә, әв йәк дькарә гӧһдара һелан кә, кӧ бь хирәт Кʹьтеба Пироз лекʹолин кьн.
(Зәбур 22:22)
22 Әзе наве Тә бьратийа хԝәрʹа сальх кьм, нава щьвинеда пәсьне Тә бьдьм.
14 Ԝана щаба ԝи да: «Һьнәк дьбежьн Йуһʹәннайе Ньхӧмдар, һьнәкед дьн дьбежьн Елйас, ле һьнәкед майин жи дьбежьн Йерәмйа йан жи йәк жь пʹехәмбәра». 15 Иса жь ԝан пьрси: «Ле һун чь дьфькьрьн, әз кʹи мә?» 16 Шьмһʹун Пәтрус щаба ԝи да: «Тӧ Мәсиһ и, Кӧрʹе Хԝәдайе сах». 17 Иса ԝирʹа гот: «Тӧ чьԛас бәхтәԝар и, Шьмһʹуне кӧрʹе Уньс, чьмки әв йәк нә кӧ мәрьва, ле Баве мьни әʹзмана тәрʹа әʹйан кьр. 18 У әз тәрʹа дьбежьм: Тӧ Пәтрус и, у әзе щьвата хԝә сәр ви зьнари ава кьм, у дәргәһед Горʹе ԝе нькарьбьн ле бьндәст кьн. 19 Әзе кʹьлитед Пʹадшатийа әʹзмана бьдьмә тә. Һәр тьште кӧ тӧ сәр рʹуйе әʹрде гьреди, әԝ ида ль әʹзмана ԝе гьредайи бә. У һәр тьште кӧ тӧ сәр рʹуйе әʹрде вәки, әԝ ида ль әʹзмана ԝе вәкьри бә». 20 Паше әԝи тʹәми да шагьртед хԝә, ԝәки әԝана тʹӧ кәсирʹа нәбежьн кӧ әԝ Мәсиһ ә. 21 Жь ԝи чахи, Иса дәстпекьр шагьртед хԝәрʹа шьровәкә, кӧ әԝ гәрәке һәрʹә Оршәлиме у жь дәсте рʹуспийа, сәрокед кʹаһина у ԛанунзана гәләк щәфа бькʹьшинә, бе кӧштьне у рʹожа 3 жь мьрьне бе рʹакьрьне. 22 Һьнге Пәтрус әԝ бьрә алики у газьн ԝи кьр, гот: «Һьндава хԝәда ԛәнщ бә, Хӧдан! Әв һʹәму тьшт ԝе нәйе сәре тә». 23 Ле Иса пьшта хԝә да Пәтрус у ԝирʹа гот: «Жь мьн дур кʹәвә, Шәйтʹан! Тӧ бона мьн кәвьре лькʹӧмандьне йи, чьмки тӧ нә кӧ мина Хԝәде дьфькьри, ле мина инсана». 24 Паше Иса шагьртед хԝәрʹа гот: «Һәрге йәк жь ԝә бьхԝазә пәй мьн бе, әԝ ида гәрәке бона хԝә нәжи. Әԝ гәрәке стуна хԝәйә щәфе һьлгьрә у пәй мьн бе. 25 Чьмки йе кӧ дьхԝазә әʹмьре хԝә хьлаз кә, әԝе ӧнда кә. Ле йе кӧ әʹмьре хԝә бона мьн ӧнда кә, әԝе диса бьвинә. 26 Һәрге мәрьв тʹәмамийа дьнйайе ԛазанщ кә, ле әʹмьре хԝә ӧнда кә, кʹара ԝи чь йә? Йан жи мәрьв чь дькарә бьдә, ԝәки әʹмьре хԝә ԛазанщ кә? 27 Чьмки Кӧрʹе инсен ԝе рʹумәта Баве хԝәда тʹәви мәләкед хԝә бе, у һьнге ԝе һәр кәсирʹа анәгори кьред ԝи бьде. 28 Әз рʹаст ԝәрʹа дьбежьм: Ньһа нав ԝәда һьнә мәрьв һәнә, йед кӧ ԝе нәмьрьн, һʹәта нәвиньн кӧ Кӧрʹе инсен Пʹадшатийа хԝәда те».
1-7 НИСАНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ЗӘБУР 23-25
«Хӧдан Шьване Мьн ә»
ԝ11 1/5 31 ¶3
«Хӧдан Шьване Мьн ә»
Йаһоԝа рʹебәрийа пәзед хԝә дькә. Пәз дькарьн һеса бе шьван ӧнда бьн. Әм жи һʹәԝще аликʹарийе нә, ԝәки рʹийа рʹаст бьвиньн (Йерәмйа 10:23). Чаԝа кӧ Даԝьд шьровәкьр, Йаһоԝа хьзмәткʹаред хԝә дьбә щийед «мергед шин» у «сәр авед нәрмә әʹдьл». Әԝ ԝана «шьвәрʹийед рʹастийеда» дьбә (рʹезед 2, 3). Әв мәсәлә мә дьдә баԝәркьрьне, кӧ әм дькарьн бь тʹәмами итʹбарийа хԝә Хԝәде биньн. Һәрге әм пәй рʹебәрийа Йаһоԝа дьчьн, йа кӧ Кʹьтеба Пирозда ньвисар ә, ԝи чахи әме ләзәте жь әʹмьре хԝә бьстиньн у хԝә бехофийеда тʹәхмин кьн.
ԝ11 1/5 31 ¶4
«Хӧдан Шьване Мьн ә»
Йаһоԝа пәзед хԝә дьпʹарезә. Пәз гәләк тьрсонәк ьн у нькарьн хԝә бьпʹарезьн, илаһи чахе шьван кʹеләка ԝан нинә. Йаһоԝа хьзмәткʹаред хԝәрʹа дьбежә, кӧ әԝана гәрәке һәла һе һьнге жи нәтьрсьн, гава «гәлийе сийа мьрьнеда» дәрбаз бьн, демәк чахе әԝана бькʹәвьнә һʹале гьран у бечʹарә (рʹеза 4). Дина Йаһоԝа тʹьме сәр ԝан ә у әԝ һазьр ә али ԝан бькә. Әԝ дькарә билани у ԛәԝате бьдә ԝан, кӧ әԝана бькарьбьн чәтьнайада сәбьр кьн (Филипи 4:13; Аԛуб 1:2-5).
ԝ11 1/5 31 ¶5
«Хӧдан Шьване Мьн ә»
Йаһоԝа пәзед хԝә тʹер дькә. Чаԝа пәз нькарьн бе шьван хԝәрʹа хӧрәке дәстхьн, ӧса жи әм нькарьн бе аликʹарийа Йаһоԝа һʹәԝщед хԝәйә рʹӧһʹани рʹази кьн (Мәтта 5:3). Йаһоԝа бь мәрʹдани сьфьра рʹӧһʹани бәр хьзмәткʹаред хԝә рʹаст дькә (рʹеза 5). Кʹьтеба Пироз у әʹдәбйәтед бона лекʹолинкьрьне, хԝарьна рʹӧһʹани йә, бь сайа кʹижана әм фәʹм дькьн нета жийине чь йә у ԛьрара Хԝәде сәва мә чь йә.
Хьзна Кʹьтеба Пироз
ԝ11 15/2 24 ¶1-3
Бь Тʹәмамийа Дьле Хԝә Рʹастийе Һʹәз Бькьн
ЙАҺОԜА бь сайа Хәбәра хԝә у рʹӧһʹе пироз, щьмәʹта хԝә «шьвәрʹийед рʹастийеда» дьбә (Зб. 23:3). Ле жь бо ве йәке кӧ әм мәрьвнә гӧнәкʹар ьн, мәрʹа һеса нинә хԝә рʹастийе бьгьрьн. У сәва кӧ пашда вәгәрʹьн сәр ве рʹе ԛәԝат у хирәт лазьм ә. Ле чь дькар ве йәкеда али мә бькә? Мина Иса әм гәрәке ве йәке һʹәз бькьн чь кӧ рʹаст ә (Бьхунә Зәбур 45:7).
2 Чь те һʹәсабе «шьвәрʹийед рʹастийеда» бьмәшьн? Әв те һʹәсабе хԝә ль нормед рʹаст бьгьрьн, йед кӧ Йаһоԝа саз кьрьнә. Сәр зьмане Ибрани у Йунани хәбәра ‹рʹасти› те һʹәсабе «чь кӧ һәԛ у рʹаст ә» у ӧса жи те һʹәсабе кӧ һʹәму принсипед нав-намусийе гәрәке бенә хԝәйкьрьне. Кʹьтеба Пирозда те готьне, кӧ Йаһоԝа сьтʹара рʹастийе йә, ләма жи хьзмәткʹаред ԝи рʹебәрийе жь ԝи дьхԝазьн, ԝәки бькарьбьн рʹийа рʹаст бьвиньн, сәр кʹижани әԝана гәрәке һәрʹьн (Йер. 50:7).
3 Тʹәне ԝи чахи Хԝәде ԝе бь тʹәмами жь мә рʹази бә, һәрге әм бь дьл у щан ль гора нормед ԝийә рʹаст бьжин (Ԛан. Дщр. 32:4). Бона ве йәке, бәри пешьн әм гәрәке дәрһәԛа Йаһоԝа жь Хәбәра ԝи гәләк тьшт пебьһʹәсьн. Чьԛас зедә әм ԝи нас кьн, һаԛас зәʹф әме незики ԝи бьн у рʹастийа ԝи һʹәз кьн (Аԛуб 4:8). У чахе әм сафикьрьнед фәрз дькьн, әм гәрәке принсипед жь Хәбәра Ԝи һьлдьн һʹәсаб.
(Зәбур 23:3)
3 нәфса мьн Әԝ нуйәжийин дькә. Шьвәрʹийед рʹастийеда Әԝ мьн дьбә, бона хатьре ԝи наве Хԝә.
1 Паши 6 рʹожа, Иса тʹәви хԝә Пәтрус, Аԛуб у бьре ԝи Йуһʹәнна һьлдан у һьлкʹьшийа сәр чʹийаки бьльнд. Ль ԝьр әԝана тʹәне бун. 2 У бәр чʹәʹве ԝан Иса рʹува һатә гӧһастьне. Сьфәте ԝи мина тәʹве шәԝԛ да, у кʹьнщед ԝи мина рʹонайе чил-ԛәрԛаш бун. 3 Ньшкева Муса у Елйас ԝанва хӧйа бун у тʹәви ԝи хәбәр дьдан. 4 Пәтрус Исарʹа гот: «Хӧдан, ча баш ә кӧ әм вьра нә! Һәрге тӧ бьхԝази, әзе 3 һʹолька чекьм, йәке бона тә, йәке бона Муса у йәке жи бона Елйас». 5 Һе әԝи хәбәр дьда, әʹԝрәки рʹонайи сәр ԝан кьрә си, у дәнгәк жь ви әʹԝри һат у гот: «Әв ә Кӧрʹе мьни дәлал, йе кӧ дьле мьн ша дькә. Гӧһ бьдьнә ԝи». 6 Гава шагьрта әв йәк бьһист, тьрсәкә мәзьн кʹәтә дьле ԝан, у ԝана хԝә дәвәрʹу авитьнә әʹрде. 7 Ле Иса незики ԝан бу, дәсте хԝә да ԝан у гот: «Рʹабьн, нәтьрсьн». 8 Гава ԝана сәре хԝә бьльнд кьр, хенщи Иса тʹӧ кәс нәдитьн. 9 Чахе әԝана жь чʹийе дакʹәтьн, Иса тʹәми да ԝан у гот: «Һʹәта Кӧрʹе инсен жь мьрьне нәйе рʹакьрьне, тьштед кӧ ԝә дитьн тʹӧ кәсирʹа нәбежьн». 10 Шагьрта жь Иса пьрси: «Чьма ԛанунзан дьбежьн, кӧ пешийе Елйас гәрәке бе?» 11 Иса щаба ԝан да: «Елйас бь рʹасти те, у әԝе һәр тьшти тʹәзәда чекә. 12 Ле әз ԝәрʹа дьбежьм, Елйас ида һатийә, ле ԝана әԝ нас нәкьр. Дьле ԝан ча хԝәст, ӧса сәре ԝи кьрьн. Һәма ӧса, Кӧрʹе инсен жи ԝе жь дәсте ԝан бьчәрчьрә». 13 Һьнге шагьрта фәʹм кьр, кӧ Иса дәрһәԛа Йуһʹәннайе Ньхӧмдар гот. 14 Гава әԝана незики әʹлаләте бун, мәрьвәк һатә бал Иса, кʹәтә сәр чока у ԝирʹа гот: 15 «Хӧдан, гӧне хԝә кӧрʹе мьн бинә. Әԝ бь епилепсийе нәхԝәш ә у һʹале ԝи гьран ә. Әԝ гәләк щара дькʹәвә нав агьр йан жи нав аве.
8-14 НИСАНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ЗӘБУР 26-28
Даԝьд Чаԝа Беԛьсуртийа Хԝә Хԝәй Дькьр
ԝ04 1/12 14 ¶8-9
Сәр Рʹийа Беԛьсур Бьмәшьн
8 Даԝьд дӧа дькьр: «Мьн әʹнәнә кә Хӧдан у мьн бьщерʹьбинә, нет у дьле мьн Тӧ парзун кә» (Зәбур 26:2). Гӧрʹчʹьк бәдәна мәрьвда щийе кʹурда нә. Әв бь симболик фькьр у һәстед кʹур әʹйан дькьн. Ле ‹дьл› те һʹәсабе кӧ әм һьндӧрʹда мәрьвнә чь щурʹәйи нә, демәк нет, һәст у фькьред мә. Чахе Даԝьд готә Йаһоԝа, ԝәки ԝи бьщерʹьбинә, әԝи дьхԝәст кӧ Йаһоԝа рʹьнд ԝи әʹнәнә кә у фькьр у һәстед ԝийә кʹур пебьһʹәсә.
9 Даԝьд жь Йаһоԝа лава дькьр, ԝәки әԝ гӧрʹчʹьк у дьле ԝи тʹәмьз кә. Гәло Йаһоԝа ча навдьле мәйә симболик тʹәмьз дькә? Даԝьд дьстьра: «Пәсьне Тә әзе бьдьм, Хӧдане ширәткʹар, һʹәта шәв жи дьл нав мьнда дьбә дәрсдар» (Зәбур 16:7). Гәло әв чь те һʹәсабе? Әв те һʹәсабе ԝәки ширәтед Хԝәде дьгьһиштә кʹурайа дьле Даԝьд, ԝи ширәт дькьрьн, фькьр у һәстед ԝи рʹаст дькьрьн. Әм жи дькарьн ве йәке сәр хԝә тʹәхмин кьн, һәрге бь рʹазибуне сәр ширәтед жь Хәбәра Хԝәде дьфькьрьн у бь дьл у щан ширәтед Ԝи жь бьред щабдар у тʹәшкиләта Ԝи ԛәбул дькьн. Ԝәрә әм тʹьме жь Йаһоԝа лава кьн, кӧ әԝ дьле мәйә симболик әʹнәнә кә у тʹәмьз кә, ԝәки әм бькарьбьн беԛьсуртийа хԝә хԝәй кьн.
ԝ04 1/12 15 ¶12-13
Сәр Рʹийа Беԛьсур Бьмәшьн
12 Даԝьд гот кӧ диса чь али ԝи дькьр, ԝәки беԛьсуртийе хԝәй кә: «Әз тʹәви дәрәԝина рʹунаним у тʹәви дӧрʹуйа рʹе начьм. Әз дьжәньмә щьвата хьраба у тʹәви нәпʹака рʹунаним» (Зәбур 26:4, 5). Даԝьд тʹәви нәпʹака рʹунәдьньшт у рʹәх хьраба нәдькʹәт.
13 Ле дәрһәԛа хԝә әм чь дькарьн бежьн? Дьбәкә әм бь сайа бәрнамед телевизийоне, филма, малпәред Интернете у бь щурʹед дьн, тʹәви нәпʹака рʹудьнен? Гәло әм хԝә жь мәрьвед ӧса дур дьгьрьн, йед кӧ кьред хԝә вәдьшерьн? Һьнә мәрьв мәкʹтәбеда йан жи сәр хәбате дькарьн хԝә ӧса бьдьнә кʹьфше, кӧ йан чь һәвалед мә нә, ле бь рʹасти нетед ԝан дькарьн хьраб бьн. Гәло әм дьхԝазьн һәвалтийа незик тʹәви мәрьвед ӧса бькьн, йед кӧ сәр рʹийа рʹаст ниньн? Ӧса жи мәрьвед рʹабәр һәнә, йед кӧ хԝә ӧса дьдьнә кʹьфше, те бежи әԝана мәрьвнә һʹәлал ьн, ле бь рʹасти дьхԝазьн мә жь рʹийа рʹаст дәрхьн. Ле чь дькарьн бежьн дәрһәԛа ԝан мәрьва, йед кӧ һьм тенә щьвата, һьм жи бь әʹмьре дӧрʹу дьжин. Әԝан жи рʹуйе хԝәйә рʹаст вәдьшерьн. Щаһьлтийеда һәвалед Щейсон, йе кӧ ча бәрдәстийе щьвате хьзмәт дькьр, һәма ӧса бун. Әԝ дьбежә: «Щарәке йәк жь ԝан мьнрʹа гот: ‹Фәрз нинә әм иро ча дьжин, чьмки гава дьнйа тʹәзә бе, йәкә әме сах нәминьн, әме ӧса жи фәʹм нәкьн кӧ мә чь ӧнда кьр›. Гьлийед ԝи әз һʹьшйар кьрьм, мьн нә дьхԝәст бьмьрьм гава дьнйа тʹәзә бе». Щейсон сафикьрьна рʹаст кьр у һәләԛәтийа хԝә тʹәви ван щаһьла бьрʹи. Паԝлосе шанди гот: «Нәхапьн! ‹Һәвалтийа хьраб мәрьве хԝәйипʹәргал хьраб дькә›» (1 Корьнтʹи 15:33). Бәле, гәләк фәрз ә хԝә жь мәрьвед хьраб дур бьгьрьн!
ԝ04 1/12 16 ¶17-18
Сәр Рʹийа Беԛьсур Бьмәшьн
17 Исраеледа щийе сәрәкә бона һʹәбандьна Йаһоԝа, коне пироз у ԛӧрбангәһ бу. Даԝьд бь һʹӧжмәкʹари дьгот: «Хӧдано! Әз һʹьз дькьм Хана Тә, әԝ щийе майина рʹумәта Тә» (Зәбур 26:8).
18 Гәло мә хԝәш те тʹәвайи тʹоп бьн, ԝәки һе зедә дәрһәԛа Йаһоԝа пебьһʹәсьн? Рʹожед мәда щийе сәрәкә бона һʹәбандьна Йаһоԝа, Одед Щьватед мә нә, ԝәʹде кʹижана әм һинкьрьна рʹӧһʹани дьстиньн. Хенщи ве йәке, һәр сал щьватед мәзьн дәрбаз дьбьн. Сәр ван щьвина әм жь Йаһоԝа ширәта дьстиньн. Һәрге әм тʹәмийед Хԝәде гәләки һʹәз дькьн, әме бь дьл у щан һәрʹьнә сәр щьвинед мә у рʹьнд гӧһ бьдьнә бәрнаме (Зәбур 119:167). Әм чьԛас ша нә, кӧ дькарьн тʹәви хушк-бьра тʹоп бьн, йед кӧ жь дьл бона мә хәм дькьн у али мә дькьн хԝә ль рʹийа рʹаст бьгьрьн! (Ибрани 10:24, 25)
Хьзна Кʹьтеба Пироз
ԝ06 15/7 28 ¶15
Йаһоԝа Мәрьвед Дьлтәнг Хьлаз Дькә
15 Даԝьде зәбурбеж ӧса дьстьра: «Һәгәр дийа мьн у баве мьн, әԝ дәст жь мьн бькʹьшиньн, ле Хӧдан ԝе ԛәбул кә мьн» (Зәбур 27:10). Дьле мә чьԛас рʹьһʹәт ә кӧ әм заньн, ԝәки һʹәзкьрьна Йаһоԝа жь һʹәзкьрьна де-бава зедәтьр ә. Һәрге де-бав һьндава тәда сар у сәрт бун жи, йан жи тә һиштьнә, йәкә дьле Йаһоԝа сәр тә дьшәԝьтә у әԝ бона тә хәм дькә (Рʹомайи 8:38, 39). Бир нәкә, Йаһоԝа ԝан мәрьва дькʹьшинә бәрбь хԝә, кʹижана кӧ һʹәз дькә (Йуһʹәнна 3:16; 6:44). Фьрԛи тʹӧнә мәрьв һьндава тәда чь щурʹәйи нә, Баве тәйи әʹзмана тә гәләки һʹәз дькә!
(Зәбур 27:10)
10 Һәгәр дийа мьн у баве мьн, әԝ дәст жь мьн бькʹьшиньн, ле Хӧдан ԝе ԛәбул кә мьн.
1 Ԝи чахи шагьрт һатьн бал Иса у жь ԝи пьрсин: «Пʹадшатийа әʹзманада кʹи йә йе һәри мәзьн?» 2 Иса гази зарʹәке кьр, әԝ нав ԝанда да сәкьнандьне, 3 у гот: «Әз рʹаст ԝәрʹа дьбежьм: Һәрге һун хԝә нәгӧһерʹьн у нәбьнә мина зарʹа, һуне тʹӧ щара нәкʹәвьнә Пʹадшатийа әʹзмана. 4 Ләма, кʹи хԝә мина ве зарʹе мьлук кә, Пʹадшатийа әʹзманада әԝ ә йе һәри мәзьн. 5 У кʹи кӧ зарʹәкә ӧса бона хатьре наве мьн ԛәбул кә, әԝ мьн жи ԛәбул дькә. 6 Ле кʹи бьбә сәбәб ԝәки йәки жь ван бьчʹука, йе кӧ баԝәрийа хԝә мьн тинә, жь рʹе дәре, бона ԝи һе баш ә ԝәки кәвьрәки мәзьн стуйе ԝива бе гьредане у бәʹреда бьхәньԛә. 7 Ԝәй ль дьнйайе, чьмки әԝ мәрьва жь рʹе дәрдьхә! Һәмьки әв тьшт ԝе һәбә, ле ԝәй ль ԝи, йе кӧ дьбә сәбәб кӧ мәрьв жь рʹе дәрдькʹәвьн! 8 Һәрге дәст йан ньге тә, тә жь рʹе дәрдьхә, ԝи жекә у бавежә. Дьһа баш ә тӧ пе дәстәки йан пе ньгәки жийине ԛазанщ ки, нә кӧ бь һәр дӧ дәстед хԝә, йан бь һәр дӧ ньгед хԝә бейи авитьне нав агьре һʹәта-һʹәтайе. 9 У һәрге чʹәʹве тә, тә жь рʹе дәрдьхә, ԝи дәрхә у бавежә. Дьһа баш ә тӧ бь чʹәʹвәки жийине ԛазанщ ки, нә кӧ бь һәр дӧ чʹәʹва бейи авитьне нава агьре Геһенайе. 10 Һаш жь хԝә һәбьн, кӧ һун йәки жь ԝан бьчʹука беһӧрмәт нәкьн. Чьмки әз ԝәрʹа дьбежьм, ль әʹзмана мәләкед ԝан тʹьме рʹуйе Баве мьни әʹзмана дьвиньн. 11 —— 12 Һун ча дьфькьрьн? Һәрге 100 пәзед мәрьвәки һәбьн у 1 жь кәри дур кʹәвә у ӧнда бә, гәло әԝе 99 пәзед хԝә нав чʹийада нәһелә у нәчә, кӧ пәза ӧндабуйи бьгәрʹә? 13 Әз рʹаст ԝәрʹа дьбежьм, һәрге әԝ пәза ӧндабуйи бьвинә, әԝе бона ԝе һе зедә ша бә, нә кӧ бона 99 пәзед дьнә кӧ ӧнда нәбунә. 14 Ӧса жи Баве мьни ль әʹзмана нахԝазә, кӧ йәк жь ван бьчʹука ӧнда бә. 15 Һәрге бьре тә һьмбәри тә гӧнә бькә, жерʹа бежә шашийа ԝи чьда нә, гава һун һәр дӧ тʹәне нә. Һәрге әԝ гӧһ бьдә тә, тә бьре хԝә ԛазанщ кьр.
15-21 НИСАНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ЗӘБУР 29-31
Ширәткьрьн, Әʹйанкьрьна Һʹәзкьрьна Хԝәде йә
it-1 802 ¶3
Сьфәт
Хәбәра «рʹуйе Хԝә вәшарт», чәнд щурʹә тьшт те һʹәсабе. Чахе Йаһоԝа рʹуйе хԝә вәдьшарт, бь ве йәке әԝи дьда кʹьфше, кӧ әԝ фьлан кәси ԛәбул накә у пьштгьрийа ԝи накә. Әԝи ӧса дькьр, гава кәсәк йан жи кʹомәк, мәсәлә щьмәʹта ԝи, гӧрʹа ԝи нәдькьр (Иб. 34:29; Зб. 30:5-8; Иш. 54:8; 59:2). Һьнә дәрәщада әв йәк дьһатә һʹәсабе, кӧ Йаһоԝа тʹӧ тьшт нәдькьр, йан нәдьгот у һивийе бу һʹәта ԝәʹде ве йәке бе (Зб. 13:1-3). Чахе Даԝьд готә Хԝәде «пьшта Хԝә бьдә гӧнәйед мьн», бь ве йәке әԝи жь Хԝәде лава дькьр, ԝәки гӧнед ԝи бьбахшинә ԝи (Зб. 51:9; бәрамбәр кә Зб. 10:11).
ԝ07 1/3 19 ¶1
Бь Шабуне Һивийа Йаһоԝа нә
Кʹара ширәткьрьна Йаһоԝа мина емише йә, йа кӧ һеди-һеди шин дьбә у дьгьһижә. Дәрһәԛа ширәткьрьна Йаһоԝа Кʹьтеба Пирозда те готьне: «Йед кӧ бь ԝе һинбуйи нә, бәре әʹдьлайийе жь жийина рʹаст дьчьньн» (Ибрани 12:11). Чаԝа кӧ бона емиш ԝәʹдә лазьм ә ԝәки бьгьһижә, ӧса жи мәрʹа ԝәʹдә лазьм ә, сәва кӧ һинкьрьна Йаһоԝа ԛәбул кьн у ньһерʹандьна хԝә бьгӧһезьн. Мәсәлә, һәрге жь бо кьред хԝәйә нәрʹаст әм һьнә щабдарийед хԝә щьватеда ӧнда кьн, ԝи чахи һазьрбуна мә, кӧ һивийа Йаһоԝа бьн ԝе али мә бькә, ԝәки дьлтәнг нәбьн у шабуна хԝә ӧнда нәкьн. Дәрәщед ӧсада, әв гьлийед Даԝьд йед кӧ әԝи жь бина бәр Хԝәде ньвиси, ԝе мә ԛәԝи кьн: «Һерса [Хԝәде], чаԝа чʹәʹв бьгьри-вәки, ле ширьнайа Ԝи тʹәмамийа әʹмьр ә, еваре шин ә у гьри йә, ле сьбәһе зу әшԛ у шайи йә» (Зәбур 30:5). Һәрге әм бь ньһерʹандьна рʹаст һивийа Йаһоԝа нә у ширәтед жь Хәбәра ԝи у тʹәшкиләта ԝи ԛәбул дькьн, ԝи чахи ԝе дьле мәда «әшԛ у шайи» бә.
ԝ21.10 6 ¶18
Чь йә бь Рʹасти Тʹобәкьрьн?
18 Һәгәр кәсе кӧ жь щьвате һатийә дәрхьстьне дьхԝазә нишан кә, ԝәки әԝ жь дьл тʹобә дькә, гәрәке әԝ һәрә һʹәму щьвина у ль гора ширәта рʹуспийа тʹьме дӧа бькә у Кʹьтеба Пироз лекʹолин бькә. Ӧса жи, гәрәке әԝ хԝә жь тьштед ӧса дур бьгьрә, йед кӧ дькарьн ԝи диса бәрбь гӧна бьвьн. Һәгәр әԝ хирәт бькә достийа хԝә тʹәви Йаһоԝа тʹәзәда ава бькә, Йаһоԝа ԝе бь тʹәмами бьбахшинә ԝи у рʹуспи ԝе ԝи вәгәрʹиньн щьвате. Һьлбәт лазьм ә кӧ рʹуспи бир нәкьн, ԝәки дәрәща һәр кәси жь һәв щӧдә дьбә у гәрәке әԝана сәрт диԝане нәкьн.
Хьзна Кʹьтеба Пироз
ԝ06 15/5 19 ¶13
Фькьред Сәрәкә жь Пʹарәкә Кʹьтеба Зәбур
31:23—Чь щурʹәйи хәзәб сәр мәрьвед бабахда дьбарә? Хәзәб те һʹәсабе щәзакьрьн. Йаһоԝа мәрьвед рʹаст, йед кӧ бе һʹәмде хԝә шашийа дькьн, бь ве йәке щәза дькә, кӧ ԝана ширәт дькә. Ле мәрьвед бабах, йед кӧ нахԝазьн бенә рʹасткьрьне, Йаһоԝа «хәзәбе сәр ԝанда дьбаринә», демәк сәрт ԝана щәза дькә (Мәтʹәлок 11:31; 1 Пәтрус 4:18).
(Зәбур 31:23)
23 Хӧдан һʹьз кьн, һʹәму амьнед Ԝи, Хӧдан ширһʹәлала хԝәй дькә, ле йед хԝә бабахийе гьртьнә, хәзәбе сәр ԝанда дьбаринә.
16 Ле һәрге әԝ гӧһ нәдә тә, йәк йан дӧ кәса хԝәрʹа бьвә, сәва кӧ һәр тьшт бь дәве 2 йан 3 шәʹда бе избаткьрьне. 17 Һәрге әԝ нәхԝазә гӧһ бьдә ԝан, щьватерʹа бежә, у һәрге әԝ гӧһ нәдә щьвате жи, бьра әԝ ида бона тә бьбә мина кәсәки жь мьләтед дьн, йан жи мина хәрщгьр. 18 Әз рʹаст ԝәрʹа дьбежьм, һәр тьште кӧ һун сәр рʹуйе әʹрде гьредьн, әԝе ида ль әʹзмана гьредайи бә. У һәр тьште кӧ һун сәр рʹуйе әʹрде вәкьн, әԝе ида ль әʹзмана вәкьри бә. 19 Диса әз рʹаст ԝәрʹа дьбежьм: Һәрге 2 кәс жь ԝә сәр рʹуйе әʹрде һәврʹа бьшеԝьрьн, ԝәки бона пьрсәкә фәрз дӧа бькьн, Баве мьни ль әʹзмана ԝе әве йәке бинә сери. 20 Чьмки кʹидәре 2 йан 3 кәс бь наве мьн тʹәвайи тʹоп бьн, әзе жи ԝедәре нава ԝанда бьм». 21 Паше Пәтрус һатә бал Иса у жь ԝи пьрси: «Хӧдан, һәрге бьре мьн һьмбәри мьн гӧнә дькә, әз чәнд щара гәрәке бьбахшиньмә ԝи? Һʹәта 7 щара?» 22 Иса щаба ԝи да: «Әз тәрʹа дьбежьм, нә кӧ 7 щара, ле 77 щара. 23 Чьмки Пʹадшатийа әʹзмана мина пʹадшаки йә, йе кӧ жь хӧламед хԝә дәйнед хԝә хԝәст. 24 Гава пʹадша дәстпекьр дәйнед хԝә тʹоп кә, йәк анинә щәм ԝи, кӧ 10 000 тәлант дәйндаре ԝи бу. 25 Ле чьмки әԝи мәрьви нькарьбу дәйне ԝи бьдә, пʹадша фәрман да кӧ әԝ, жьна ԝи, зарʹед ԝи у һʹәму мал-мьлкʹе ԝи бенә фьротане, сәва кӧ дәйне ԝи бе дайине. 26 Ләма әв хӧлам бәр пʹадше кʹәтә сәр чока у жь ԝи рʹәща кьр: ‹Һьнәк ԝәʹдә бьдә мьн, әзе һʹәму дәйне тә бьдьм›. 27 Дьле пʹадша сәр ԝи шәԝьти, әԝи әԝ бәрʹда у дәйне ԝи бахшанде. 28 Ле гава әв хӧлам дәркʹәтә дәрва, әԝи хӧламәки дьн дит, йе кӧ 100 динара дәйндаре ԝи бу. Әԝи дәст кьрә хәнәԛа ԝи у гот: ‹Дәйне мьн бьдә!› 29 Һьнге әви хӧлами, хԝә авитә ньгед ԝи у рʹәща кьр: ‹Һьнәк ԝәʹдә бьдә мьн, әзе дәйне тә бьдьм›. 30 Ле әԝи нәхԝәст гӧһ бьде, чу у әԝ авитә кәле, һʹәта кӧ әԝ дәйне хԝә бьдә.
22-28 НИСАНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ЗӘБУР 32-33
Чьрʹа Гәрәке Гӧне Гьран Бьдьнә Рʹуйе Хԝә?
ԝ93 15/3 9 ¶7
Рʹәʹма Йаһоԝа Мә жь Дьлтәнгийе Хԝәй Дькә
7 Һәрге мә мьԛабьл ԛануна Хԝәде гӧне гьран кьрийә, дьԛәԝьмә мәрʹа чәтьн ә гӧне хԝә бьдьнә рʹуйе хԝә, һәла һе Йаһоԝарʹа жи. Гәло дәрәщед ӧсада чь дькарә бьԛәԝьмә. Зәбура 32-да Даԝьд ани сәр хԝә: «Гава мьн гӧнәйе хԝә нәда рʹуйе хԝә, һәстуйед мьн һʹәлийан-машийан, жь дәст заринийа мьнә тʹәмамийа рʹоже. Чьмки шәв у рʹож дәсте Тә сәр мьн гьран бу, тәрʹайийа мьн бу мина зьһайа һавине» (рʹезед 3, 4). Чахе Даԝьд дьхԝәст гӧне хԝә вәшерә у гӧһ нәдьда исафа хԝә, йа кӧ ԝи дьчәрчьранд, әԝ ԛьдум кʹәт. Әԝ һаԛас бәр хԝә дькʹәт, кӧ ԛәԝат ԝида нәма у әԝ бу мина дарәкә зьһа у бе ав. Ча кʹьфш ә, әв йәк алийе физики у емосийалида ԝи сьст дькьр. Чь жи һәбу, әԝи шабуна хԝә ӧнда кьр. Һәрге кәсәк жь мә бькʹәвә дәрәщәкә ӧса, гәло әм гәрәке чь бькьн?
cl 262 ¶8
Хԝәдейе кӧ Һазьр ә Бьбахшинә
8 Даԝьд гӧне хԝә да рʹуйе хԝә у гот: «Һьнге мьн гӧнәйе хԝә Тәва әʹйан кьр у нәһәԛийа хԝә вәнәшарт. . . . У Тә нәһәԛийа гӧнәйе мьн бахшанд» (Зәбур 32:5). Хәбәра Ибрани йа кӧ һатийә ԝәлгәрʹандьне ча «бахшанд», һʹәчʹи зәʹф те һʹәсабе «һьлгьриньн» йан жи «бьвьн». Ве дәрәщеда әв те һʹәсабе «гӧнә, шаши, у нәпʹаки бьвьн». Йаһоԝа ча бежи гӧне Даԝьд һьлда у бьр. Бе шьк, паши ве йәке исафа Даԝьд ида һаԛас ле нәдьчәрчьранд (Зәбур 32:3). Әм дькарьн баԝәр бьн, ԝәки Хԝәде ԝе гӧнед мә жи бьвә, һәрге әм баԝәрийа хԝә ԛӧрбана Иса тиньн у жь Ԝи лава дькьн, ԝәки гӧнед мә бьбахшинә мә (Мәтта 20:28).
ԝ01 1/6 30 ¶1
Тʹобәкьрьн Ԛәнщ Дькә
Чахе Даԝьд гӧне хԝә да рʹуйе хԝә, әԝи ида хԝә бекер һʹәсаб нәдькьр. Жь зәбуред ԝи те кʹьфше, кӧ чахе әԝи гӧне хԝә да рʹуйе хԝә, дьле ԝи рʹьһʹәт бу у әԝи сафи кьр бь амьни Хԝәдерʹа хьзмәт кә. Ԝәрә әм дина хԝә бьдьнә Зәбура 32. Рʹеза 1-да те готьне: «Хԝәзи ль ԝи бәндәйи, кӧ нәһәԛийед ԝи һатьнә афукьрьне у гӧнәйед ԝи һатьнә бахшандьне!» Гӧне мәрьв чьԛас гьран бә жи, әԝ дькарә шабуне бьстинә, һәрге бь һʹәлали гӧне хԝә бьдә рʹуйе хԝә. Мәрьв дькарә һʹәлалийе бьдә кʹьфше, һәрге һазьр ә ахьрийа кьред хԝәйә хьраб бькʹьшинә, чаԝа Даԝьд (2 Самуйел 12:13). Әԝи бәр Йаһоԝа хԝә һәԛ дәрнәдьхьст у гӧнед хԝә нә давитә сәр кәсед дьн. Рʹеза 5-да те готьне: «Һьнге мьн гӧнәйе хԝә Тәва әʹйан кьр у нәһәԛийа хԝә вәнәшарт, мьн гот: ‹Әзе шашийа хԝә ль бәр Хӧдан бьдьмә рʹуйе хԝә›. У Тә нәһәԛийа гӧнәйе мьн бахшанд». Чахе мәрьв бь һʹәлали гӧне хԝә дьдә рʹуйе хԝә, бина ԝи фьрә дьбә у ида исафа ԝи бона гӧнед ԝийи бәре ле начәрчьринә.
Хьзна Кʹьтеба Пироз
ԝ06 15/5 20 ¶1
Фькьред Сәрәкә жь Пʹарәкә Кʹьтеба Зәбур
33:6—Чь те һʹәсабе «бина бәр» Йаһоԝа? Әв һәйә ԛәԝата Йаһоԝа йан жи рʹӧһʹе пироз, бь сайа чь жи Әԝи әʹзман әʹфьранд (Дәстпебун 1:1, 2). Әв һатийә навкьрьне «бина бәр» Хԝәде, чьмки әв мина рʹӧһʹәки ԛәԝи дькарә бе шандьне ԝедәре, кʹидәре лазьм бә, кӧ ԛьрара Хԝәде бинә сери.
(Зәбур 33:6)
6 Бь хәбәра Хӧдан әʹзман әʹфьрин, бь бина бәр Ԝи һʹәму әʹршед ԝан.
1 Гава Иса готьнед хԝә хьлаз кьрьн, әԝ жь Щәлиле дәркʹәт у һатә синоре Щьһустане, алийе дьнә Чʹәме Урдӧне. 2 Гәләк мәрьв жи пәй ԝи чун, у әԝи ԝедәре әԝана ԛәнщ кьрьн. 3 Ферьси һатьнә бал Иса, сәва кӧ ԝи бьщерʹьбиньн. Ләма ԝана жь ԝи пьрси: «Гәло ль гора ԛануне изьн ә, ԝәки мер бона һәр мәʹнике, жьна хԝә бәрʹдә?» 4 Иса щаб да у гот: «Ԝә ԛә нәхԝәндийә, ԝәки йе кӧ әԝ әʹфьрандьнә, сәре серида әԝ ча жьн у мер әʹфьрандьн, 5 у гот: ‹Ләма жи, мер ԝе де у баве хԝә бьһелә у тʹәви жьна хԝә бьжи, у һәр дӧ ԝе бьбьнә йәк›? 6 Аԝа ида әԝана нә дӧдӧ нә, ле йәк ьн. Ләма йед кӧ Хԝәде әԝ кьрьнә йәк, бьра инсан жь һәвдӧ нәԛәтинә». 7 Һьнге Ферьсийа жь Иса пьрси: «Ле Муса чьма тʹәми да, кӧ гәрәке мер кʹахаза һәвԛәтандьне бьдә жьна хԝә у ле бәрʹдә?» 8 Иса ԝанрʹа гот: «Жь бо дьлкәвьрийа ԝә Муса изьн да, ԝәки һун жьнед хԝә бәрʹдьн, ле дәстпекеда ӧса нибу. 9 Әз ԝәрʹа дьбежьм: Кʹи кӧ бейи сәбәбийа зьнекʹарийе жьна хԝә бәрʹдә у кәсәки дьн бьстинә, ԛавийе дькә». 10 Шагьрта Исарʹа гот: «Һәрге ӧса нә, һе баш ә мәри ԛә нәзәԝьщә». 11 Иса щаба ԝан да: «Һәр кәс нькарә ӧса бьжи. Ле тʹәне әԝ, кʹижанарʹа ча пʹешкʹеш һатийә дайине. 12 Һьнә кәс ӧса һатьнә буйине кӧ нькарьн бьзәԝьщьн, һьнә кәс жь дәсте мәрьва ӧса бунә, у һьнә кәсед дьн жи бона хатьре Пʹадшатийа әʹзмана назәԝьщьн. Йе кӧ дькарә ӧса бьжи, бьра ӧса бьжи». 13 Һьнге мәрьва зарʹед бьчʹук анин бал Иса, сәва кӧ әԝ ԝана кʹәрәм кә у бона ԝан дӧа бькә, ле шагьртед ԝи рʹийа ԝан дьгьртьн. 14 Ләма жи Иса ԝанрʹа гот: «Бьһельн бьра зарʹ бенә бал мьн, рʹийа ԝан нәгьрьн. Чьмки Пʹадшатийа әʹзмана ԝе бона йед мина ԝан бә». 15 Әԝи зарʹ кʹәрәм кьрьн у жь ԝедәре чу.
29 НИСАНЕ–5 ГӦЛАНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ЗӘБУР 34-35
«Һәр Гав Пәсьне Йаһоԝа Бьдьн»
ԝ07 1/3 22 ¶11
Ԝәрә Әм Тʹәвайи Пәсьне Йаһоԝа Бьдьн
11 «Һәр гав пәсьне Хӧдан әзе бьдьм, шькьрдайин ԝе жь заре мьн кем нәбә» (Зәбур 34:1). Жь бо ве йәке кӧ Даԝьд тʹьме дьрʹәвийа, ԝәки әʹмьре хԝә хьлаз кә, дьԛәԝьмә әԝ жь алийе материалида һʹәԝще гәләк тьшта бу. Ле жь гьлийед ԝи әʹйан ә, ԝәки хәмед һәррʹожи хԝәстьна ԝи кем нәдькьрьн, кӧ пәсьне Йаһоԝа бьдә. Чахе әм рʹасти чәтьнайа тен әм дькарьн чʹәʹв бьдьнә мәсәла ԝийә баш. Фьрԛи тʹӧнә әм кʹидәре нә, мәкʹтәбеда, сәр хәбате, тʹәви хушк-бьра йан жи хьзмәтийеда, хԝәстьна мәйә сәрәкә әв ә, кӧ пәсьне Йаһоԝа бьдьн. Дә бьдьнә һʹәсабе хԝә чьԛас мәʹни бона ве йәке һәнә! Мәсәлә әм дькарьн тʹьме дина хԝә бьдьнә әʹфринед Йаһоԝа у жь ве йәке шабуне бьстиньн. Бьфькьрә дәрһәԛа ве йәке кӧ бь сайа тʹәшкиләта хԝәйә сәр әʹрде Әԝ чьԛас тьшт дькә! Рʹаст ә, мәрьвед ве тʹәшкиләтеда нәԛәданди нә, ле диса жи рʹожед мәда Йаһоԝа бь сайа ԝан хьзмәткʹаред хԝәйә амьн шьхӧлед мәзьн дькә. Гәло әм дькарьн кьред ван мәрьва, пәсьне кʹижана ве дьнеда дьдьн, бәрамбәри кьред Хԝәде бькьн? Әм бь тʹәмами тʹәви ван гьлийед Даԝьд рʹази нә, йе кӧ гот: «Хӧдано, нава хԝәдейада йәки мина Тә тʹӧнә, нә жи мина кьред Тә, кьр һәнә» (Зәбур 86:8).
ԝ07 1/3 22 ¶13
Ԝәрә Әм Тʹәвайи Пәсьне Йаһоԝа Бьдьн
13 «Нәфса мьн пе Хӧдан дьфьрʹә, бьра йед мьлук бьбьһен у ша бьн» (Зәбур 34:2). Даԝьд хԝә бь пешдачуйина хԝә ԛӧрʹә нәдькьр. Мәсәлә, әԝи хԝә ԛӧрʹә нәдькьр бь ве йәке, кӧ чаԝа әԝи пʹадше Гате хапанд. Әԝи фәʹм дькьр, ԝәки һʹәта кӧ әԝ Гатеда бу, Йаһоԝа ԝи дьпʹараст у әԝ бь сайа Йаһоԝа хьлаз бу (Мәтʹәлок 21:1). Бәле, Даԝьд нә кӧ пәсьне хԝә дьда, ле пәсьне Йаһоԝа. Жь бо ве йәке мәрьвед мьлук һелан дьбун, кӧ незики Йаһоԝа бьн. Иса жи наве Йаһоԝа рʹумәт дькьр у әв йәк мәрьвед мьлук, йед кӧ һазьр бун һин бьн, дькʹьшандә бәрбь Хԝәде. Иро жи мәрьвед дьлсах у мьлук жь щурʹә-щурʹә мьләта, тʹәви щьвата Мәсиһийед бь рʹӧһʹ кʹьфшкьри дьбьнә йәк, Сәрԝере кʹижани кӧ Иса Мәсиһ йә (Колоси 1:18). Гава мәрьвед ӧса дьбьһен, кӧ чаԝа хьзмәткʹаред Хԝәде йед мьлук наве Ԝи рʹумәт дькьн, у чахе әԝана мьзгинийе дьбьһен у бь сайа рʹӧһʹе пироз фәʹм дькьн, әв йәк дьле ԝан дьгьрә (Йуһʹәнна 6:44; Кʹаред Шандийа 16:14).
ԝ07 1/3 23 ¶15
Ԝәрә Әм Тʹәвайи Пәсьне Йаһоԝа Бьдьн
15 «Әз Хӧдан гәрʹийам у Әԝи щаба мьн да, әз жь һʹәму хоф-тьрса хьлаз кьрьм» (Зәбур 34:4). Даԝьд бира хԝәда хԝәй дькьр кӧ Хԝәде бона ԝи чь кьрьбу у әв йәк ԛимәт дькьр. Әԝи гот: «Әви фәԛири кьрә гази, Хӧдан бьһист у әԝ жь һʹәму тәнгасийед ԝи хьлаз кьр» (Зәбур 34:6). Чахе әм тʹәви хушк-бьра хәбәр дьдьн, гәләк мәщалед мә һәнә кӧ һәврʹа гьли кьн, ԝәки Йаһоԝа чәтьнайада ча али мә кьр у бь ве йәке һәвдӧ һелан кьн у ԛәԝи кьн. Әв йәк баԝәрийа хушк-бьред мә һʹәма ӧса дьшьдинә, чаԝа кӧ гьлийед Даԝьд баԝәрийа пьштгьред ԝи ԛәԝи дькьр. Пьштгьред Даԝьд, «йед кӧ [Йаһоԝа] дьньһерʹьн дьбьрьԛьн, у рʹуйед ԝане шәрма сор нәбьн» (Зәбур 34:5). Рʹаст ә ԝана хԝә жь Шаԝул Пʹадша вәдьшарт, ле ԝана шәрм нәдькьр. Әԝана баԝәр бун, кӧ Йаһоԝа пьштгьрийа Даԝьд дькьр у рʹуйе ԝан дьбьрьԛин, демәк шәԝԛ дьдан. Һʹәма бь ԝи щурʹәйи, кәсед кӧ тʹәзә рʹастийе педьһʹәсьн у мәрьвед кӧ гәләк ԝәхт сәр рʹийа рʹастийе нә, Йаһоԝа «дьньһерʹьн», демәк аликʹарийе жь ԝи дьхԝазьн. Сьфәтед ԝан шәԝԛ дьдьн бь ве йәке, кӧ әԝана һазьр ьн Йаһоԝарʹа амьн бьминьн, чьмки аликʹарийа Ԝи сәр хԝә тʹәхмин кьрьнә.
Хьзна Кʹьтеба Пироз
ԝ06 15/5 20 ¶2
Фькьред Сәрәкә жь Пʹарәкә Кʹьтеба Зәбур
35:19—Чьрʹа Даԝьд жь Хԝәде лава дькә, ԝәки дьжмьнед ԝи «чʹәʹва һәврʹа нәкьн», демәк чʹәʹве хԝә һәвдӧрʹа нәԛӧрчʹиньн? Чахе дьжмьнед Даԝьд чʹәʹве хԝә һәврʹа дьԛӧрчʹандьн, әв йәк дьһатә һʹәсабе ԝәки нетед ԝанә хьраб һьндава Даԝьд дьһатьнә сери, у әԝана ша дьбун кӧ зӧлмийе ԝи дькьрьн. Даԝьд лава дькьр, ԝәки әв йәк нәԛәԝьмә.
(Зәбур 35:19)
19 Бьра дьле хԝә мьн ша нәкьн, йед бе сәбәб бунә дьжмьн, бьра бь чʹәʹва һәврʹа нәкьн, йед щийе ами-тʹам дьжәньнә мьн.
16 Һьнге кәсәк һатә щәм Иса у готе: «Дәрсдар, әз гәрәке чь ԛәнщийе бькьм, ԝәки жийина һʹәта-һʹәтайе бьстиньм?» 17 Иса щаба ԝи да: «Тӧ чьма жь мьн дьпьрси, кӧ чь йә ԛәнщи? Тʹәне Хԝәде ԛәнщ ә. Һәрге тӧ дьхԝази жийине бьстини, һәр гав тʹәмийед Хԝәде бинә сери». 18 Әԝи пьрси: «Кʹижан тʹәмийа?» Иса щаба ԝи да: «Нәкӧжә, ԛавийе нәкә, нәдьзә, шәʹдәтийа дәрәԝ нәдә, 19 ԛәдьре де-баве хԝә бьгьрә, у мәрьва һʹәз бькә чаԝа тӧ хԝә һʹәз дьки». 20 Әԝи хорти жерʹа гот: «Әз ван һʹәму тьшта дькьм, диса чь мьн кем ә?» 21 Иса щаба ԝи да: «Һәрге тӧ дьхԝази бекемаси би, һәрʹә мал-мьлкʹе хԝә бьфьрошә у бьдә кʹәсиба. Һьнге ԝе хьзна тә ль әʹзмана һәбә. У паше пәй мьн ԝәрә». 22 Гава әԝи хорти әв йәк бьһист, гәләк хәмгин бу у чу, чьмки мал-мьлкʹе ԝи гәләк бу. 23 Һьнге Иса шагьртед хԝәрʹа гот: «Әз рʹаст ԝәрʹа дьбежьм, бона мәрьве дәԝләти ԝе чәтьн бә бькʹәвә Пʹадшатийа әʹзмана. 24 Диса әз ԝәрʹа дьбежьм, дәвә ԝе ԛӧла дәрзийерʹа дьһа һеса дәрбаз бә, нә кӧ йе дәԝләти бькʹәвә Пʹадшатийа Хԝәде». 25 Гава шагьрта әв йәк бьһистьн, гәләк әʹщебмайи ман у готьн: «Ида кʹи дькарә бь рʹасти хьлаз бә?» 26 Иса ль ԝан ньһерʹи у гот: «Бона мәрьва әв тьштәки нәбуйи йә, ле бона Хԝәде һәр тьшт дьбә». 27 Һьнге Пәтрус жерʹа гот: «Аԝа мә һʹәму тьшт һиштьнә у пәй тә һатьнә. Ле әме чь бьстиньн?» 28 Иса ԝанрʹа гот: «Әз рʹаст ԝәрʹа дьбежьм, ԝәʹде тʹәзәкьрьна һәр тьшти, гава Кӧрʹе инсен сәр тʹәхте хԝәйи рʹумәт рʹуне, һун йед кӧ пәй мьн һатьн, һуне сәр 12 тʹәхта рʹунен у бьбьнә һʹакьмед 12 әʹширед Исраеле. 29 У һәр кәсе кӧ бона хатьре наве мьн мал, йан хушк, йан бьра, йан де, йан бав, йан зарʹ, йан әʹрде хԝә һиштийә, әԝе 100 щари зедәтьр бьстинә у жийина һʹәта-һʹәтайе ԝар бә. 30 Ле гәләк кәсед пешьн ԝе бьбьнә йед пашьн, у кәсед пашьн ԝе бьбьнә йед пешьн.