Кани бона Бәрнама Щьвине, Бьжин у Хьзмәт кьн
© 2024 Watch Tower Bible and Tract Society of Pennsylvania
6-12 ЧЬЛӘЙЕ
ФЬКЬРЕД ԚИМӘТ ЖЬ ХӘБӘРА ХԜӘДЕ ЗӘБУР 127-134
(Зәбур 127:1, 2)
1 Һәгәр Хӧдан мале ченәкә, бадиһәԝа авакьр дьхәбьтьн. Һәгәр Хӧдан бажер хԝәй нәкә, бадиһәԝа нобәдар бехәԝ дьминә. 2 Бадиһәԝа һун зу жь хәԝе рʹадьбьн у дәрәнг һун пʹал дьдьн, рʹадьзен, нане хԝә жи кʹәсьри дьхԝьн. Хәԝеда жи Хӧдан дьдә дәлалед Хԝә.
(Зәбур 127:3)
3 Әԝләд пʹешкʹешед Хӧдан ьн, бәре зька дайина Ԝи йә.
(Зәбур 127:4)
4 Чаԝа тир дәсте мере мерхасда, ӧса жи зарʹ щаһьлтийа баведа.
Де-Бавно Тʹьме бона Зарʹед Хԝә Хәм Бькьн
Хьзна Кʹьтеба Пироз
(Зб. 128:3, ИМ)
3 Зарʹокед [кӧрʹед, ДТʹ] тә, ԝе ԝәк шахед зәйтʹуне ль дора сьфре бьщьвьн.
it-1 543
Шинкайед Кʹьтеба Пирозда
Гава зәбурбеж бәʹса дара зәйтʹуне дькьр, әԝи ӧса соз да мәрьвед кӧ Йаһоԝа дьтьрсийан: «Зарʹокед [кӧрʹед, ДТʹ] тә, ԝе ԝәк шахед зәйтʹуне ль дора сьфре бьщьвьн» (Зб. 128:1-3, ИМ). Сәва кӧ дара зәйтʹунейә тʹәзә дачʹкиньн, гәләк щар шах, демәк чʹьԛьлед дара мәзьн дьбьрʹьн у дадьчʹкиньн. Хенщи ԝе йәке дара кәвьн жи дькарә тʹәзәда шин бә у чʹьԛьлед тʹәзә сәр кʹока ве дәрен, бь сайа чь жи бах бәрдәԝам дькә бьжи. Анәгори ԝан чʹьԛьла, кӧрʹ жи дора баве дьгьрьн, у малбәта хԝә дьһа бәхтәԝар дькьн.
13-19 ЧЬЛӘЙЕ
ФЬКЬРЕД ԚИМӘТ ЖЬ ХӘБӘРА ХԜӘДЕ ЗӘБУР 135-137
(Зәбур 135:5, 6)
5 Әз заньм кӧ Хӧдан мәзьн ә, Хԝәйе мә сәр һʹәму хԝәдейарʹа йә. 6 Хӧдан ча дьхԝазә ӧса дькә, әʹрд у әʹзменда, нава бәʹра, ӧса жи һʹәму кʹурайийада.
(Дәркʹәтьн 14:29-31)
29 Ле зарʹед Исраел, бәʹреда сәр зьһайерʹа чубун, ав ль алийе ԝани чʹәп у рʹастева ԝанрʹа бьбу диԝар. 30 У ԝе рʹоже Хӧдан исраели жь дәсте мьсьрийа хьлаз кьрьн. исраелийа дәве бәʹре мьсьри мьри дитьн. 31 Исраел ԛәԝата ԝи дәсти дит, кʹижан кӧ Хӧдан сәр мьсьрийа да кʹьфше. Щьмәʹт жь Хӧдан тьрсийа у баԝәрийа хԝә Хӧдан у хӧламе ԝи Муса анин.
(Зәбур 135:14)
14 Чьмки Хӧдане һәԛийе щьмәʹта Хԝә бькә у чʹәʹве рʹәʹме хӧламед Хԝә бьньһерʹә.
(Зәбур 136:23)
23 Йе бәләнгазийа мәда мә бир тинә, чьмки һʹӧба Ԝи һʹәта-һʹәтайе йә.
«Хԝәйе Мә сәр Һʹәму Хԝәдейарʹа йә»
it-2 661 ¶4-5
Ԛәԝат, Кьред Зор
Хԝәде ԛәԝата тʹәбйәте контрол дькә. Сәва кӧ Йаһоԝа избат кә, ԝәки әԝ Хԝәдайе рʹаст ә, әԝ дькарә һʹӧкӧмтийа хԝә сәр әʹфринед хԝәрʹа ӧса бьдә хәбате, ԝәки әв йәк наве ԝива гьредайи бә (Зб. 135:5, 6). Тәʹв, һив, планет у стәйрк ль гора трайекторийа хԝә дьзьвьрʹьн, у просесед атмосфера әʹрде (чь кӧ ба, баран у ԛәԝьмандьнед дьн пешда тиньн) бьн һʹӧкӧме ԝан ԛанунада ньн, йед кӧ бона ван һатьнә кʹьфшкьрьне. Чʹьвик у кӧли жи, ль гора просесед атмосфере, жь щики дьфьрʹьн щики дьн. Әв һʹәму избати у гәләк тьштед дьн, чь кӧ Хԝәде бона пирозкьрьна наве хԝә дьдә хәбате, бәси ԝан мәрийа нинә, йед кӧ мьԛабьли Ԝи дәртен у хӧданед ԛәлп дьһʹәбиньн.
Ләма жи Йаһоԝа Хԝәде гәләк щар ӧса дькьр, сәва кӧ әʹфрин у ԛәԝьмандьнед тʹәбийәте ԛәԝата ԝи әʹйан кьн у избат кьн, ԝәки әԝ ә Хԝәдайе рʹаст. Әԝи ԛәԝьмандьнед ӧса бь нетәкә мәхсус, бь щурʹе нәбуйи у гәләк щар ԝәʹде кʹьфшкьрида дьда хәбате. Һәрге ԛәԝьмандьнед ӧса ча һʹьшки, лейи йан жи тьштед ви щурʹә мәхсус нибуна жи, әԝана дьбунә мәхсус, чахе ль гора пʹехәмбәртийа Йаһоԝа дьһатьнә сери (Бәрамбәр кә 1 Пʹд. 17:1; 18:1, 2, 41-45). Гәләк щара әв ԛәԝьмандьн мәхсус бун жь бо ԛәԝата хԝә (Дркʹ. 9:24), йан жь бо ԝе йәке кӧ әԝана бь щурʹе әʹщеб дьԛәԝьмин, йан жи әԝана нә ԝәʹде хԝәда дьԛәԝьмин (Дркʹ. 34:10; 1 См. 12:16-18).
Хьзна Кʹьтеба Пироз
(Зәбур 135:1)
1 Һалелуйа! Пәсьне наве Хӧдан бьдьн, пәсьне бьдьне, гәли хӧламед Хӧдан,
(Зәбур 135:5)
5 Әз заньм кӧ Хӧдан мәзьн ә, Хԝәйе мә сәр һʹәму хԝәдейарʹа йә.
it-1 1248
Йаһ
Форма наве Хԝәдейә кьн, Йаһ, һьнге дьданә хәбате, гава һәстед ԛәԝи пәсьндайинеда, кʹьламада у дӧа-дьрозгада әʹйан дькьрьн. Гәләк щар әв контекстед ӧсада те хәбьтандьне, кʹидәре кӧ шабуна бона сәркʹәтьне у азакьрьне те әʹйанкьрьне, йан жи кʹидәре ԛәԝата Йаһоԝайә мәзьн те рʹумәткьрьне. Мәсәлед ви щурʹәйи дәрһәԛа хәбьтандьна ве форма кьн, гәләк ьн. Зәбурада әв гьли, «Пәсьне Хӧдан [Йаһ, ДТʹ] бьдә, нәфса мьн!» (Һалелуйа) ча доксоложийа, демәк ча пәсьндайин Хԝәдерʹа һатийә дайине. Щара пешийе әм әве йәке Зәбур 104:35-да дьвиньн. Һьнә Зәбурада әԝ тʹәне дәстпекеда нә (Зб. 111; 112), һьнә щийада әв ортʹеда нә (135:3), һьнәкада жи тʹәне хьлазийеда нә (Зб. 104, 105; 115-117), ле гәләк щара жи һьм дәстпекеда һәйә, һьм жи хьлазийеда (Зб. 106, 113, 135, 146-150). Кʹьтеба Әʹйантида те кʹьфше, кӧ чахе әʹфринед әʹзмани пәсьне Йаһоԝа дьдьн, әԝана чәнд щара әви гьли-готьни дьдьнә хәбате (Әʹнт. 19:1-6).
Дәрәщед дьнда «Йаһ» ӧса жи кʹьламед пәсьндайинеда у дӧа-дьрозгада тенә хәбьтандьне. Мәсәлә, кʹьлама Муса дәрһәԛа хьлазбунеда (Дркʹ. 15:2). Ԝан кʹьламада, кʹижана кӧ Ишайа ньвисибу, те хәбьтандьне дӧ формед наве Хԝәде, «Йаһ Йаһоԝа», у бь ве йәке фәрзбуна ве дьһа әʹйан дьбә (Иш. 12:2; 26:4). Гава Һьзԛийа бь кʹәрәмәти һатә ԛәнщкьрьне у жь мьрьне хьлаз бу, әԝи бь шабун у бь форма поетики һәстед хԝә бь сайа ԝәкʹьландьна хәбәра «Йаһ» әʹйан кьр (Иш. 38:9, 11). Бь ве йәке щӧдәбунәкә мәзьн те кʹьфше, ортʹа мьрийед кӧ нькарьн пәсьне Йаһ бьдьн, у ԝан мәрьва, йед кӧ тʹәмамийа әʹмьре хԝәда һазьр ьн бь хирәт пәсьне ԝи бьдьн (Зб. 115:17, 18; 118:17-19). Зәбурада «Йаһ» ӧса жи те хәбьтандьне, ԝәʹде дӧайед рʹазибуне сәва хьлазбуне, пʹарастьне у рʹасткьрьне (Зб. 94:12; 118:5, 14).
20-26 ЧЬЛӘЙЕ
ФЬКЬРЕД ԚИМӘТ ЖЬ ХӘБӘРА ХԜӘДЕ ЗӘБУР 138-139
(Зәбур 138:1)
1 Хӧдан, әз дьл у щан шькьрийе дьдьмә Тә, ль бәр хԝәдейа дьстьрем әшԛи наве Тә.
(Зәбур 138:3)
3 Рʹожа кӧ мьн гази Тә кьр, һьнге бьһист Тә дәнге мьн, ԛәԝат кьрьм, ԛӧдум да мьн.
(Зәбур 138:6)
6 Рʹаст ә Хӧдан бьльнд ә, ле йед ньмьзә бәләнгаз дьбинә, кʹӧбара жи дурва нас дькә.
Нәһельн ԝәки Бәрхԝәкʹәтьн Рʹийа Ԝә Бьгьрә
Хьзна Кʹьтеба Пироз
(Зәбур 139:21, 22)
21 Хӧдан, әз ча нәжәньмә йед дьжәньнә Тә? Ча зьвер нәбьм, жь рʹабәред һьмбәри Тә? 22 Әз ԝан бәр чʹәʹве хԝә лап давежьм, әз ԝан хԝәрʹа дьжмьн һʹәсаб дькьм.
it-1 862 ¶4
Бахшандьн
Хенщи ԝе йәке, жь Мәсиһийа те дәʹԝакьрьне кӧ бьбахшиньн мәрьва, һәла һе ԝи чахи жи, гава гәләк щар дьле ԝан дешиньн (Лԛ. 17:3, 4; Әф. 4:32; Кл. 3:13). Хԝәде набахшинә ԝан мәрийа, йед кӧ нахԝазьн бьбахшиньнә кәсед дьн (Мт. 6:14, 15). Гава мәрьв бона гӧнәки гьран жь щьвате те дәрхьстьне, ԝәʹдә шунда әԝ дькарә бе бахшандьне, һәрге әԝ бь дьл у щан гӧнед хԝә бинә рʹийе хԝә у тʹобә кә. Һьнге һʹәму әндәмед щьвате дькарьн һʹәзкьрьна хԝәда ԝи бьдьнә баԝәркьрьне (1 Кр. 5:13; 2 Кр. 2:6-11). Ле Мәсиһи борщдар ниньн бьбахшиньнә ԝан мәрьва, йед кӧ ԛәста гӧнә дькьн у тʹобә накьн. Мәрьвед ӧса дьбьнә дьжмьнед Хԝәде (Ибр. 10:26-31; Зб. 139:21, 22).
27 ЧЬЛӘЙЕ–2 СЬБАТЕ
ФЬКЬРЕД ԚИМӘТ ЖЬ ХӘБӘРА ХԜӘДЕ ЗӘБУР 140-143
(Зәбур 141:5)
5 Бьра йе рʹаст мьн ширәт кә, әԝ йәк ширьнайи йә, бьра мьн һьле, әԝ йәк рʹуне хас ә у бьра сәре мьн тʹәхсир нәкә, ле дӧайед мьн, мьԛабьли кьре мәрьвед хьраб ә.
(Зәбур 143:5)
5 Рʹожед бьһӧри әз бир тиньм, сәр һʹәму кьрьнед Тә дьфькьрьм, сәр кьред дәсте Тә әз кʹур дьбьм.
(Зәбур 143:10)
10 Мьн һин кә, кӧ әʹмьре Тә бьԛәдиньм, чьмки Тӧ Хԝәдейе мьн и, бьра Рʹӧһʹе Тәйи ԛәнщ рʹебәре мьн бә мьн бьбә әʹрде мерг у чиман.
Ль Гора Дӧа-Дьрозгед Хԝәйә бона Аликʹарийе, Һәрәкʹәт Бькьн
ԝ10 15/3 32 ¶4
Зәмане Гьранда Дьле Хԝә Тʹәмьз Хԝәй кьн
Пәйкʹәтьн алийе дьжмьнада, проблемед пʹәрава гьредайи у нәхԝәшийед гьран гәләк хьраб сәр хьзмәткʹаред Хԝәде һʹӧкӧм дьбьн. Щарна ӧса дьбә кӧ әв йәк хьраб сәр дьле ԝан жи һʹӧкӧм дьбә. Һәла һе Даԝьд Пʹадша жи рʹасти дәрәщед ви щурʹәйи һатьбу. Әԝи гот: «Рʹӧһʹе мьн мьнда тәмьри, дьл нав мьнда рʹьщьфи» (Зәб. 143:4). Гәло чь али ԝи дькьр, кӧ дәрәщед ӧсада тәйах кә? Даԝьд дькьрә бира хԝә, кӧ Хԝәде һьндава хьзмәткʹаред хԝәда чаԝа хԝә дьда кʹьфше у чаԝа әԝ жи хьлаз кьрьбу. Әԝ дәрһәԛа ԝе йәке дьфькьри, кӧ Йаһоԝа сәва хатьре наве хԝә чь кьрьбу. Әԝ ӧса жи дәрһәԛа кьред Хԝәде дьфькьри (Зәб. 143:5). Анәгори ве йәке, чахе әм дәрһәԛа Әʹфьрандаре хԝә дьфькьрьн у дәрһәԛа ве йәке кӧ әԝи чь кьрийә у бәрдәԝам дькә бона мә чь бькә, әв йәк дькарә али мә бькә, кӧ пәйкʹәтьнада тәйах кьн.
Хьзна Кʹьтеба Пироз
(Зәбур 140:3)
3 Мина мәʹра зьмане хԝә туж дькьн, жәʹра мәʹре тәйар бьн левед хԝәда хԝәй дькьн.
it-2 1151
Жәʹр
Мәʹна Вейә Симболики. Гава кәсәк дәрәԝа дькә у бӧхдана давежә кәсәки, ԝәки наве ԝи хьраб кә, кьре ԝийи ӧса бәрамбәри жәʹра мәʹра дьбьн (Зб. 58:3, 4). Кʹьтеба Пирозда дәрһәԛа бӧхданбежа ӧса те готьне: «Жәʹра мәʹре тәйар бьн левед хԝәда хԝәй дькьн» (Зб. 140:3; Рʹм. 3:13). Жәʹра мәʹре тәйар бь рʹасти пьшт левед ԝийә жорьнда ньн. Гава бәндә зьмане хԝә дьдә хәбате, ԝәки дәрәԝа бькә, бӧхдана бавежә кәсәки, һинкьрьнед ԛәлп бәла кә, йан жи бь щурʹе майин зийане бьдә мәрьва, сәр ԝи те готьне, кӧ әԝ бь «жәʹра мәʹрава дагьрти йә» (Аԛб. 3:8).
3-9 СЬБАТЕ
ФЬКЬРЕД ԚИМӘТ ЖЬ ХӘБӘРА ХԜӘДЕ ЗӘБУР 144-146
(Зәбур 144:11-15)
11 Жь шуре хьраб мьн азад кә, жь дәсте хәриба хьлаз кә, жь дәве кʹижана бәтали дәрте, дәсте ԝани рʹасте, дәсте дәрәԝийе йә. 12 Бьра хортед мә, щаһьлтийа хԝәда рʹьнд шин бьн мина дара, ԛизед мә бьбьнә мина стунед әʹнишке кӧ ԛәсьрада тенә нәԛьшандьне. 13 Бьра әʹмбаред мә дагьрти бьн, бь һәр хӧрәкива тʹьжи бьн у пәзед мә мергед мәда бь һʹәзара, бе һʹәсаб ль һәв зедә бьн, 14 дәԝаред мә жи кʹокә хӧрт бьн. Бьра тәрк ле нәкʹәвьн, бәр нәвежьн, ԛарʹә-ԛарʹ жи ль кʹучед мә нәкʹәвьн. 15 Хԝәзи ль ԝи мьләти, кӧ ви һʹалида йә. Хԝәзи ль ԝи мьләти, кӧ Хӧдане ԝан Хԝәде йә.
(Зәбур 146:5)
5 Хԝәзи ль ԝи, кӧ пьштоване ԝи Хԝәдейе Аԛуб ә, гӧмана ԝи ль сәр Хӧдан, Хԝәде ԝи йә.
(Зәбур 146:10)
10 Хӧдане пʹадшатийе бькә һʹәта-һʹәтайе, Хԝәдейе тә, һәй Сийон, ԛӧрʹнә-ԛӧрʹнә ԝе бькә. Һалелуйа!
Хԝәзи ль Ԝи Мьләти, Хԝәдейе Кʹижани Йаһоԝа йә
Хьзна Кʹьтеба Пироз
(Зәбур 145:15, 16)
15 Чʹәʹве гьшка ль дәсте Тә йә у Тӧ ԝәʹдәда хӧрәке ԝан дьди. 16 Тӧ дәсте Хԝә вәдьки, һʹәму бинбәри гора дьле ԝан тʹер дьки.
(Зәбур 32:8)
8 «Әзе тә аԛьл у сәрԝахт кьм у рʹийа кӧ теда һәрʹи бәр тә вәкьм, чʹәʹве Мьне ль сәр тә бә, тә ширәт кьм.
it-1 111 ¶9
Һʹәйԝан
Кʹьтеба Пироз һин дькә, ԝәки һьндава һʹәйԝанада һәԛ у рʹәʹм бьн. Бь рʹасти Йаһоԝа хԝәха ве йәкеда мәсәләкә баш дьдә мә, чьмки әԝ бь һʹәзкьрьне бона һʹәԝщед һʹәму щурʹә һʹәйԝана хәм дькә (Мтʹл. 12:10; Зб. 145:15, 16). Ль гора Ԛануна Муса мәрьва гәрәке бона һʹәйԝанед мале ча лазьм ә хәм кьрана. Һәрге мәрьв һʹәйԝане малейә ӧндакьри бьдита, гәрәке бьвьра бьда хԝәйе ԝи. Һәрге һʹәйԝанәк бьне нирда бькʹәта, әԝ гәрәке бьһата вәкьрьне (Дркʹ. 23:4, 5). Демәк чахе һʹәйԝан бона тьштәки дьданә хәбате, гәрәке бәр кʹәтана (Ԛн.Дщ. 22:10; 25:4). Чаԝа кӧ мәрьв рʹожа Шәмийе һеса дьбун, ӧса жи һʹәйԝан (Дркʹ. 20:10; 23:12; Ԛн.Дщ. 5:14). Мәрьв гәрәке мьԛати һʹәйԝанед һар буна, йан жи әԝ бькӧштана (Дсп. 9:5; Дркʹ. 21:28, 29). Ԛәдәхәкьри бу, ԝәки һʹәйԝанәки тʹәви һʹәйԝанәки щурʹәки майин кәл кьрана (Ԛн.Кʹһ. 19:19).
10-16 СЬБАТЕ
ФЬКЬРЕД ԚИМӘТ ЖЬ ХӘБӘРА ХԜӘДЕ ЗӘБУР 147-150
(Зәбур 147:3, 4)
3 Дьлшкәстийа ԛәнщ дькә у бьринед ԝан дьпʹечʹә. 4 Әԝ һʹәсабе стәйрка кʹьфш дькә, бь һәр навәки ԝан гази дькә.
(Зәбур 147:5)
5 Хӧдане мә мәзьн ә, хԝәйе ԛӧдрәта пʹьрʹ ә, занәбуна Ԝи бе синор ә.
(Зәбур 147:19, 20)
19 Әԝ хәбәра Хԝә Аԛубрʹа дьбежә, ԛанун у ԛьраред Хԝә жи Исраелрʹа. 20 Бона тʹӧ мьләти Хӧдан аһа нәкьр, ԝан ԛьраред Ԝи нас нәкьрьн. Һалелуйа!
Гәләк Мәʹнийед Мә Һәнә, кӧ Пәсна Бьдьнә Йаһ
Хьзна Кʹьтеба Пироз
(Зәбур 148:1)
1 Һалелуйа! Шькьрийе бьдьнә Хӧдан, жь әʹзмен, шькьрийе бьдьнә Ԝи, жор жь бьльндайе.
(Зәбур 148:10)
10 дәʹвә у һʹәму һʹәйԝан, шульки у һʹәму тәйрәдә,
cl 54 16
Һʹәму Бинбәр
Зәбур 148:10-да жи дәрһәԛа тәйрәда те готьне. Һәла дәрһәԛа щурʹед тәйрәда бьфькьрә! Йаһоԝа дина Ибо дабу сәр тәйрәдәке, әв һәбу һештьрмә, йа кӧ сәр «һәсп у сийаре ԝи дькʹәнә». Бьльндайа ԝе дьгьһижә дӧ метр нива. Рʹаст ә әв тәйрәдә нькарә бьфьрʹә, ле щарна сьһʹәтәкеда әԝ ләзайа хԝә мәзьн дькә һʹәта 64 километра. У чапа һәр гавәкә ԝе дьгьһижә чар метр нива! (Ибо 39:13, 18) Ле тәйрәдә Албатрос һʹәчʹи зәʹф жийина хԝә һәԝеда сәр бәʹрерʹа дәрбаз дькә. Гава әԝ пʹәрʹед хԝә вәдькә, дьрежайа ԝан дьгьһижә ԝәкә се метра. Әв бь һостәти дьфьрʹә. Албатрос дькарә бь сьһʹәта һәԝеда бә у пʹәрʹед хԝә нәбә-нәйнә. Чʹьвика Калибри лапә бьчʹук ә дьнйайеда, у дьрежайа ԝе бь тʹәмами дьгьһижә 5 сантиметра! Әԝ сәникеда 80 щара пʹәрʹед хԝә дьбә-тинә! Калибри йед кӧ мина кәвьред бьрԛок ьн, дькарьн мина фьрʹьнде хԝә һәԝеда бьгьрьн у нәкʹәвьн, у һәла һе пашопе жи бьфьрʹьн.
17-23 СЬБАТЕ
ФЬКЬРЕД ԚИМӘТ ЖЬ ХӘБӘРА ХԜӘДЕ МӘТʹӘЛОК 1
(Мәтʹәлок 1:8)
8 Лаԝе мьн, ширәта баве хԝә ԛәбул кә у һинкьрьна дийа хԝә пʹепәс нәкә.
(Мәтʹәлок 1:10)
10 Лаԝе мьн! Гава йед гӧнәкʹар бьхԝазьн тә жь рʹе дәрхьн, тӧ гӧһ нәдә ԝан.
(Мәтʹәлок 1:15)
15 Лаԝе мьн! Тʹәви ԝан ԝе рʹейеда нәчә, ньгед хԝә жь шьвәрʹийед ԝан пашда бьгьрә.
Щаһьлно, Һуне Гӧрʹа Кʹе Бькьн?
ԝ05 15/2 19-20 ¶11-12
Тʹьме Бира Хԝәда Хԝәй кә, ԝәки Тӧ Мәсиһи йи
11 Хирәт бькә кӧ Хԝәде хԝәш бейи, нә кӧ мәрьва. Бь рʹасти, бьхԝази мәрьва хԝәш бейи тьштәки хьраб ве йәкеда тʹӧнә. Һәр кәс жь мә һʹәԝще һәвала йә, у мә хԝәш те гава мәрьв һьндава мәда баш ьн. Щаһьлтийеда у әʹмьре мәзьнда жи, әм дькарьн бькʹәвьн бьн һʹӧкӧме мәрьва, һеса бәр байе ԝан кʹәвьн у бьхԝазьбьн ль гора хԝәстьна ԝан, һьм жи мина ԝан һәрәкʹәт бькьн. Ле бир нәкә, ԝәки һәвал у мәрьв ԝе тʹьме бона һʹалхԝәшийа тә нәфькьрьн. Щарна ԝанарʹа һәвал лазьм ьн, кӧ тьштед хьраб бькьн (Мәтʹәлок 1:11-19). Гәләк щар гава Мәсиһик дькʹәвә бәр байе һәвалед хьраб, әԝ ньһерʹандьна хԝә вәдьшерә (Зәбур 26:4). Паԝлосе шанди гот: «Нәкʹәвьнә кьрасе бәнде ве дьнйайе» (Рʹомайи 12:2). Йаһоԝа дькарә мә ԛәԝи кә, сәва кӧ әм нәкʹәвьнә бәр байе һәвалед хьраб (Ибрани 13:6).
12 Гава әм хирәт дькьн, кӧ нәкʹәвьнә бәр байе мәрьва, әм гәрәке бир нәкьн, кӧ гәләк фәрз ә Хԝәдерʹа амьн бьминьн. Бона мә фәрз нинә, кӧ мәрьв дәрһәԛа мә чь дьфькьрьн, у ве дьнеда мәрьв ча дьжин. Принсипа жь Дәркʹәтьн 23:2 мә хԝәй дькә, кʹидәреда кӧ те готьне: «Дәсте пʹьрʹанийева нәчә». Гава шьк кʹәтә дьле һʹәчʹи зәʹф Исраелийа, кӧ Йаһоԝа дькарә созед хԝә бинә сери, Кʹаләб бь мерхаси инкʹар кьр пәй пʹьрʹанийе һәрʹә. Әԝи баԝәр дькьр, ԝәки созед Хԝәде бь итʹбар ьн, у сәва ԝе йәке әԝ һатә кʹәрәмкьрьне (Жьмар 13:30; Йешу 14:6-11). Ле тӧ һазьр и бь мерхаси мьԛабьли ньһерʹандьна бәлабуйи дәрейи, сәва кӧ һәләԛәтийа хԝә тʹәви Хԝәде хԝәй ки?
Хьзна Кʹьтеба Пироз
(Мәтʹәлок 1:22)
22 «Гәли беһʹьша, һʹәта кʹәнге һуне беһʹьшийе һʹьз бькьн? Һʹәта кʹәнге ԛәрфе ль ԛәрфкьра хԝәш бе? У ахмахе бьжәньнә заньстийе?
it-1 846
Беһʹьш
Хәбәра «беһʹьш», кʹижан кӧ Кʹьтеба Пирозда те хәбьтандьне, найе һʹәсабе мәрьве һʹьшда сьвьк, ле дәрһәԛа ви мәрьви йә, йе кӧ һʹәму сәрԝахтийе инкʹар дькә, хԝә ль нормед нав-намусийе нагьрә у мьԛабьли нормед Хԝәдейә рʹаст дьчә. Зьмане Ибрани у Йунанида чәнд хәбәр һатьнә хәбьтандьне, кӧ дьдьнә кʹьфше ԝәки мәрьвед ӧса чь щурʹәйи нә. Хәбәред Ибрани кесил те һʹәсабе ‹беһʹьш› (Мтʹл. 1:22), еԝил ‹беаԛьл› (Мтʹл. 12:15), навал ‹ахмах› (Мтʹл. 17:7), летс ‹пекʹәни› (Мтʹл. 13:1). Хәбәред Йунани афрон те һʹәсабе ‹бефәʹм› (Лԛ. 12:20), аноетос ‹кемаԛьл› (Гл. 3:1) у морос те һʹәсабе ‹бефәʹм› (Мт. 23:17; 25:2).
24 СЬБАТЕ–2 АДАРЕ
ФЬКЬРЕД ԚИМӘТ ЖЬ ХӘБӘРА ХԜӘДЕ МӘТʹӘЛОК 2
(Мәтʹәлок 2:3, 4)
3 һәгәр гази аԛьл ки у дәнг бьди билантийе 4 у тӧ ԝе бьгәрʹи чаԝа зив у пәйкʹәви бьбини мина хьзне,
(Мәтʹәлок 2:5-7)
5 те һьнге хофа Хӧдан фәʹм бьки у хԝәденаскьрьне бьзаньби. 6 Чьмки Хӧдан ә йе сәрԝахтийе дьдә, заньсти, биланти жи жь дәве Ԝи дәртен. 7 Әԝ бона рʹаста ачьхийе хԝәй дькә, Әԝ мәртʹал ә бона йед рʹеда беләкʹә нә.
(Мәтʹәлок 2:11, 12)
11 һьнге фьрасәте тә хԝәй кә у аԛьле мьԛатийе ль тә бькә, 12 ԝәки тә жь рʹийа хьраб у ԝан мәрьвед мьхәнәтә дәрәԝин хьлаз кә,
Чьрʹа Һинбуна Шәхси Гәрәке бь Дьл Дәрбаз кьн?
Хьзна Кʹьтеба Пироз
(Мәтʹәлок 2:7)
7 Әԝ бона рʹаста ачьхийе хԝәй дькә, Әԝ мәртʹал ә бона йед рʹеда беләкʹә нә.
(Дәстпебун 4:2-4)
2 Паше бьре ԝи Һабил бу. Һабил бу шьване пез, ле Ԛайин хԝә дабу әʹрдбещәркьрьне. 3 У хеләке шунда, Ԛайин жь бәред әʹрде Хӧданрʹа һʹәди ани. 4 Һабил хԝәха жи чәнд һʹәб жь ньхӧрийед кәрийе пәзе хԝә, бәзед ԝанва һʹәди анин. Хӧдан бәре хԝә да Һабил у һʹәдийа ԝи,
4 Бь баԝәрийе Һабил һʹәдикә жь һʹәдийа Ԛайин четьр да Хԝәде. Бь ԝе баԝәрийе әԝ һатә бәгәмкьрьне чаԝа йәки рʹаст, чьмки һʹәдийед ԝи ль Хԝәде хԝәш һатьн. Рʹаст ә Һабил мьр, ле бь баԝәрийа хԝә һе хәбәр дьдә.
it-1 1211 ¶4
Амьни
Мәрьв дькарә амьнийа хԝә хԝәй кә, нә кӧ бь сайа ԛәԝата хԝә, ле бь сайа баԝәрийа хԝәйә ԛәԝи һьндава Йаһоԝа (Зб. 25:21). Кәсед кӧ амьнийа хԝә хԝәй дькьн, Хԝәде соз дьдә ԝан, ԝәки ԝе бона ԝан бьбә «мәртʹал» у ԛәйа, демәк ԝе ԝана хԝәй кә (Мтʹл. 2:6-8; 10:29; Зб. 41:12). Гава мәрьв тʹьме хирәт дькә, ԝәки Хԝәде хԝәш бе, жийина ԝи һеса дьбә, у әв йәк али ԝи дькә бьгьһижә нета хԝә (Зб. 26:1-3; Мтʹл. 11:5; 28:18). Ибо бь дьлтәнги гот, кӧ мәрьвед амьн жь бо сәрԝертийа йед нәһәԛ дьчәрчьрьн у мина нәһәԛа дьмьрьн. Ле Йаһоԝа мә дьдә баԝәркьрьне, ԝәки әԝ һаж мәрьвед амьн һәйә у соз дьдә кӧ ньсьле мәрьвед ӧса ԝе бе хԝәйкьрьне у ахьрийа ԝан ԝе бь әʹдьлайе тʹьжә бә (Иб. 9:20-22; Зб. 37:18, 19, 37; 84:11; Мтʹл. 28:10). Чаԝа жь мәсәла Ибо те кʹьфше, нә кӧ һәбук мерьв бәр чʹәʹве Хԝәде бьльнд дькә, ле амьнийа ԝи. Хенщи ве йәке, әԝ бь амьнийа хԝә һежайи ԛәдьргьртьне дьбә (Мтʹл. 19:1; 28:6). Зарʹед мәрьве ӧса бәхтәԝар ьн (Мтʹл. 20:7), чьмки әԝана нас ьн, ча зарʹед ԝи кәси, кʹижан кӧ бь щурʹе жийина хԝә наве баш у ԛәдьр бәр Хԝәде ԛазанщ кьрийә.
(Ишайа 43:1, 2, ИМ)
1 Ле ньһа йа Аԛуб, Әʹфьрандаре тә, йа Исраил, Хӧдане шькьл дайә тә аһа дьбежә: «Нәтьрсә, чьмки мьн тӧ рьзгар кьри. Мьн бь наве тә гази тә кьр, тӧ йе мьн и. 2 Гава тӧ аварʹа дәрбаз бьби, Әзе бь тәрʹа бьм. Гава тӧ чʹәмарʹа дәрбаз бьби жи, ԝе сәр тәрʹа нәԛәльбьн. Гава тӧ нав егьррʹа дәрбаз бьби, те нәшәԝьти у ԝе пʹета егьр тә нәшәԝьтинә.