Кани бона Бәрнама Щьвине, Бьжин у Хьзмәт кьн
© 2025 Watch Tower Bible and Tract Society of Pennsylvania
5-11 ГӦЛАНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ МӘТʹӘЛОК 12
(Мәтʹәлок 12:11)
11 Йе әʹрде хԝә бещәр дькә, ԝе нане хԝә тʹер бьхԝә, ле йе дьдә пәй тьште пʹучʹ, әԝа йәки беһʹьш ә.
(Мәтʹәлок 12:24)
24 Дәсте мәрьве хирәт сәрԝерийе дькә, ле хԝәрʹанәдити борщдар ә.
(Мәтʹәлок 12:14)
14 Мәрьв бь бәре дәве хԝә хер-хьзнева тʹер дьбә у ԝәкә кьред дәста әԝ пʹара хԝә дьстинә.
Хәбата бь Хирәт, Те Кʹәрәмкьрьне
Хьзна Кʹьтеба Пироз
(Мәтʹәлок 12:16)
16 Ахмах перʹа-перʹа һерса хԝә дьдә кʹьфше, ле йе аԛьл шашийе вәдьшерә.
8 Ле һәгәр мәрьвәк бона хԝәхатийа хԝә, илаһи бона мала хԝә хәм накә, әԝи баԝәри инкʹар кьрийә у жь нәбаԝәра жи хьрабтьр ә.
12-18 ГӦЛАНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ МӘТʹӘЛОК 13
(Мәтʹәлок 13:9)
9 Чʹьра мәрьвед рʹаст ԝе шәԝԛ бьдә, ле чʹьра йе нәпʹака ԝе весә.
(Мәтʹәлок 13:20)
20 Һәвале сәрԝахта сәрԝахт дәрте, һәвале ахмаха хьраб дәрте.
(Мәтʹәлок 13:25)
25 Йе рʹаст дьхԝә чʹәʹве ԝи хԝарьнеда наминә, ле зьке йе нәпʹак ньзанә тʹербун чи йә.
Жь «Чʹьра йе Нәпʹака» Нәйе Хапандьне
it-2 196 ¶2-3
Чʹьра
Хәбьтандьна бь Щурʹед Майин. Чʹьра те һʹәсабе әв йәк, чь кӧ мәрьв дьдә хәбате, ԝәки рʹийа хԝә рʹонайи кә. Мәсәлә, кʹьтеба Мәтʹәлок 13:9-да, кʹидәре кӧ мәрьвед рʹаст һьмбәри йед нәрʹаст дьбьн, ӧса те готьне: «Чʹьра мәрьвед рʹаст ԝе шәԝԛ бьдә, ле чʹьра йе нәпʹака ԝе весә». Чʹьра мәрьвед рʹаст һеди-һеди дьһа шәԝԛ дьдә, ле чʹьра мәрьвед хьраб чьԛас рʹонайе бьдә жи, демәк рʹийа ԝана чьԛас пешдачуйи бе кʹьфше жи, йәкә Хԝәде ԝе ӧса бькә, кӧ ахьрийеда әԝана ԝе бькʹәвьнә тәʹрийе, кʹидәре ԝе әʹсәйи бьшьмьтьн. Әв йәк ԝе бе пешийа ԝан мәрьва, йед кӧ хьрабийе де-баве хԝәрʹа дьхԝазьн (Мтʹл. 20:20).
Гава те готьне кӧ «чʹьра йе нәпʹака ԝе весә», әв те һʹәсабе кӧ ахьрийа ԝи ԝе нәбаш бә. Мәтʹәлокәкә дьнда жи ӧса те готьне: «Чьмки хера ахьрийа йе хьраб тʹӧнә, чʹьра йе нәпʹак ԝе весә» (Мтʹл. 24:20).
ԝ12 15/7 12 ¶3
Хԝәдайе Азайерʹа Хьзмәт кә
3 Һәрге Мире-щьна карьбу дӧ мәрьвед беԛьсур у илаһи гәләк мәләка жи бьхальфинә, ԝәки әԝана мьԛабьли сәрԝертийа Хԝәде дәрен, һәмьки әԝе бькарьбә мә жи бьхальфинә. Әԝ диса жи ван метода дьдә хәбате, чь кӧ бәре дьда хәбате. Әԝ дьхԝазә мә бьдә баԝәркьрьне, ԝәки нормед Хԝәде баргьран ьн у рʹуйе ве йәкеда әм шабун у ләзәте настиньн (1 Йуһʹәнна 5:3). Һәрге әм тʹьме тʹәви мәрьвед ӧса һәвалтийе дькьн, йед кӧ ӧса дьшьрмиш дьбьн, ньһерʹандьна ԝан дькарә сәр мә жи һʹӧкӧм кә. Хушкәкә мәйә 24 сали, йа кӧ бенамуси кьрьбу, дьбежә: «Һәвалтийа тʹәви ван мәрьва, йед кӧ хьраби дькьрьн, гәләк сәр мьн һʹӧкӧм дькьр, чьмки әз дьтьрсийам кӧ ньһерʹандьна мьн ԝе жь йа һәвалед мьн щӧдә бә». Дьԛәԝьмә һун жи рʹасти тьштәки ӧса һатьнә.
ԝ04 15/7 31 ¶6
«Һәр Кәсе Аԛьл бь Заньстийе Дькә»
Мәрьве рʹаст у сәрԝахт, йе кӧ бь занәбуна рʹаст һәрәкʹәт дькә, ԝе бе кʹәрәмкьрьне. Сьлеман гот: «Йе рʹаст дьхԝә чʹәʹве ԝи хԝарьнеда наминә, ле зьке йе нәпʹак ньзанә тʹербун чи йә» (Мәтʹәлок 13:25). Йаһоԝа занә кӧ чь бона мә дьһа баш ә малбәтеда, хьзмәтийеда, чахе ширәта дьдьнә мә у ӧса жи бона һәләԛәтийа мәйә тʹәви мәрьва. Һәрге әм ширәтед жь Хәбәра ԝи әʹмьре хԝәда бьдьнә хәбате, әме сәр рʹийа лапә рʹаст бьмәшьн.
Хьзна Кʹьтеба Пироз
(Мәтʹәлок 13:24)
24 Йе шьва ширәте надә хәбате, әԝ зарʹа хԝә һʹьз накә, ле йе һʹьз дькә, әԝ зарʹотийеда бь тʹәрбәт ширәт дькә.
it-2 276 ¶2
Һʹәзкьрьн
Һʹәзкьрьн дькарә бь щурʹе нәрʹаст жи бе әʹйанкьрьне. Мәрьв тʹәне ви чахи дькарә бь щурʹе рʹаст һʹәзкьрьне бьдә кʹьфше, гава рʹебәрийа рʹӧһʹе пироз дьгәрʹә у ӧса жи чахе занәбуна жь Хәбәра Хԝәде ԛазанщ дькә у әʹмьре хԝәда дьдә хәбате. Мәсәлә, һәрге баве кӧ зарʹа хԝә һʹәз дькә, сәр һʹиме һәстед хԝә һʹәму тьшти изьне бьдә зарʹа хԝә, һьнге һʹәзкьрьна ԝи ԝе нәрʹаст бе әʹйанкьрьне. Бав ԝе һʹӧкӧме хԝә нәрʹаст бьдә хәбате у зарʹа хԝә ча лазьм ә ширәт нәкә, у һәла һе ви чахи жи ԝи щәза нәкә, гава лазьм ә (Мтʹл. 22:15). Әв йәк һʹәзкьрьна рʹаст нинә, ле әʹйанкьрьна бабахийе у хԝәһʹәзийе йә. Кʹьтеба Пирозда те готьне, кӧ ве дәрәщеда бав нә кӧ һʹәзкьрьне дьдә кʹьфше, ле нәфрʹәтийе, чьмки әв ве йәке накә, чь кӧ ԝе әʹмьре зарʹа ԝи хьлаз кә (Мтʹл. 13:24; 23:13, 14).
19-25 ГӦЛАНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ МӘТʹӘЛОК 14
(Мәтʹәлок 14:15)
15 Мәрьве сахьке дьле хԝә һәр готьне баԝәр дькә, ле йе аԛьл дина хԝә дьдә гавед хԝә.
(Мәтʹәлок 14:12)
12 Рʹе һәйә кӧ мерьврʹа рʹаст хӧйа дькә, ле хьлазийа ԝе рʹийа мьрьне йә.
(Мәтʹәлок 14:7)
7 Жь мәрьве ахмах дур кʹәвә, тӧ занәбуне дәве ԝида набини.
Ԝәʹде Ԛәзийа Гавед Рʹаст Бавежьн
Хьзна Кʹьтеба Пироз
(Мәтʹәлок 14:15)
15 Мәрьве сахьке дьле хԝә һәр готьне баԝәр дькә, ле йе аԛьл дина хԝә дьдә гавед хԝә.
26 ГӦЛАНЕ–1 ҺʹӘЗИРАНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ МӘТʹӘЛОК 15
(Мәтʹәлок 15:15)
15 Хԝәйе дьле кӧл һәр рʹож шинеда йә, ле хԝәйе дьле ша һәр тʹьм шайеда йә.
(Мәтʹәлок 15:17)
17 Ԛәнщ ә хԝарьна пʹьнщарʹе бь һʹьзкьрьне, нә кӧ гайе дәрмаликьри бь кʹин-бох.
(Мәтʹәлок 15:23)
23 Мәрьв пе щабдайина хԝәйә рʹаст ша дьбә, чьԛас хԝәшә һәр хәбәр ԝәхте хԝәда!
(Мәтʹәлок 15:30)
30 Рʹонаийа чʹәʹва дьл ша дькә, мьзгинийа хер жи һәстуйа дьшьдинә.
Али Мәрьва Бькьн Шабуне Бьстиньн
ԝ10 15/11 31 ¶16
Әм Гәрәке Беԛьсуртийе Хԝәй кьн!
16 Ибо мәрьвәки меванһʹәз бу (Иб. 31:31, 32). Дьԛәԝьмә әм мәрьвнә дәԝләти ниньн, ле диса жи әм дькарьн меванһʹәзийе бьдьнә кʹьфше (Рʹом. 12:13). Мәсәлә, әм дькарьн тьштәки сьвьк бьдьнә бәр мевана у бир нәкьн, кӧ дьһа баш ә «хԝарьна пʹьнщарʹе бь һʹьзкьрьне, нә кӧ гайе дәрмаликьри бь кʹин-бох» (Мәтʹлк. 15:17). Чахе әм тʹәви хушк-бьра тʹоп дьбьн у бь һʹәзкьрьне ԝәʹдә дәрбаз дькьн, ви чахи һәла һе хԝарьнәкә сьвьк жи мәрʹа шабуне тинә у әм рʹӧһʹанида һәвдӧ ԛәԝи дькьн.
Хьзна Кʹьтеба Пироз
(Мәтʹәлок 15:22)
22 Бе ширәт мәрәм у тʹьвдир бәтал дьбьн, ле бь сайа гәләк ширәткʹара әԝ тенә сери.
ijwbq 39 ¶3
Гәло Мәсиһи Дькарә Аликʹарийа Медисинайе Ԛәбул кә?
2. Гәло лазьм ә ньһерʹандьна дохдьред дьн жи пебьһʹәсьм? Бәле, ширәтед «гәләк ширәткʹара» дькарә кʹарәкә мәзьн бинә, илаһи гава мәрьв һʹаләки гьранда нә (Мәтʹәлок 15:22).
2-8 ҺʹӘЗИРАНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ МӘТʹӘЛОК 16
(Мәтʹәлок 16:3)
3 Шьхӧле хԝә бьдә дәсте Хӧдан у те бьгьһижи нет-мәрәме хԝә.
(Мәтʹәлок 16:20)
20 Кʹи шьхӧле хԝә бь сәрԝахтийе дькә кʹаре дькʹәвә у йе кӧ хԝә дьсперә Хӧдан хԝәзьли йә.
(Мәтʹәлок 16:7)
7 Гава Хӧдан рʹийа йәки бәгәм дькә, һʹәта дьжмьне ԝи жи тʹәви ԝи ль һәв тинә.
(Мәтʹәлок 16:25)
25 Рʹе һәйә кӧ мерьврʹа рʹаст хӧйа дькә, ле хьлазийа ԝе рʹийа мьрьне йә.
Се Пьрс кӧ Али Мә Дькьн Сафикьрьнед Рʹаст Бькьн
ԝ14 15/1 19-20 ¶11-12
Щаһьлно, Сафикьрьнед Билан Бькьн
11 Гава әм Йаһоԝарʹа хьзмәт дькьн, әв йәк шабунәкә гәләк мәзьн мәрʹа тинә (Мәтʹлк. 16:20). Бәргьре Йерәмйа, Барук, ԝәхтәки дәрһәԛа ве йәке бир кьр у жь хьзмәтийе шабун нәдьстанд. Йаһоԝа готә ԝи: «Ԛәй тӧ ль пәй тьштед мәзьн и? Нәдә пәй ван тьшта! Чьмки һьндьк майә кӧ әз хьрабийе сәр һʹәму бәшәрева [мәрьва] биньм . . . ль һәр дәра кӧ тӧ һәрʹи, әзе щане тә жь тәрʹа бькьм мале тʹален» (Йерәм. 45:3, 5, ИМ). Һун ча дьфькьрьн, чь дькарьбу дьле Барук ша кьра? Тьштед мәзьн, кӧ әԝ пәй дькʹәт, йан әв йәк, кӧ ԝәʹде ԝеранкьрьна Оршәлиме әԝ сах ма? (Аԛуб 1:12)
12 Бьраки мә бь наве Рамиро жь хьзмәтийе шабуне дьстинә. Әԝ дьбежә: «Әз малбәтәкә кʹәсибда мәзьн бумә. Ләма жи чахе бьре мьни мәзьн готә мьн, кӧ әзе һәрʹьм университете у әԝе пʹәре һинбуна мьн бьдә, әв йәк мьнрʹа һʹәԝас һатә кʹьфше. Ле чәндәк пешийа ве йәке, әз һатьмә ньхӧмандьне у мәщаләкә дьн мьнрʹа һатьбу дайине. Пешәнгәки әз тʹәглиф кьрьм, ԝәки тʹәви ԝи һәрʹьм бажарәки бьчʹукда хьзмәт кьм. Әз чумә ԝедәре, һин бум кӧ пʹорʹа бьбьрʹьм у мьн дәстпекьр пʹорʹе мера бьбьрʹьм. Мә мәрьварʹа дәрһәԛа һинбуна Кʹьтеба Пироз дьгот у ԝана жи бь шабуне ԛәбул дькьр. Паше мьн дәстпекьр ве щьватеда хьзмәт кьм, йа кӧ тʹәзә һатьбу сазкьрьне у сәр зьмане бьнәлийед ԝи щийи дьһатә дәрбазкьрьне. Әва ида 10 сал ә, кӧ әз ча хьзмәткʹаре һәртʹьм хьзмәт дькьм. Тʹӧ шьхӧл ԝе шабунәкә ӧса мәзьн мьнрʹа нәанийа, чаԝа кӧ әз жь хьзмәтийе дьстиньм у али мәрьва дькьм сәр зьмане хԝә рʹастийе пебьһʹәсьн».
ԝ13 15/9 17 ¶1-3
Гәло Һун Тенә Гӧһастьне?
СӘР мә һәр кәси һʹӧкӧм дькә әв йәк, кӧ әм кʹидәре мәзьн бунә у дьжин. Әв йәк кӧ әм чь кʹьнща ль хԝә дькьн, ча хԝә дьдьнә кʹьфше, чь хԝарьне һʹәз дькьн, гәләк щар дәрәщед әʹмьре мәва у мәрьвед дәр-доре мәва гьредайи нә.
2 Ле бь рʹасти тьштед дьһа фәрз һәнә, нә кӧ хԝарьн у кʹьнщхԝәкьрьна мә. Мәсәлә, жь бьчʹуктайеда әм һин дькьрьн, кӧ фьлан тьшт рʹаст ә у изьн һәйә бькьн, ле фьлан тьшт жи на. Бәле, әв йәк сафикьрьн у ньһерʹандьна мәрьвва гьредайи йә. У гәләк щар бьжартьнед мә исафа мәва гьредайи нә. Кʹьтеба Пирозда те готьне кӧ гәләк щар мәрьвед жь мьләтед дьн «кӧ Ԛануна ԝан тʹӧнә, . . . бе һʹәмде хԝә хԝәстьнед Ԛануне дьԛәдиньн» (Рʹом. 2:14). Ле гәло әв те һʹәсабе кӧ гава бона һьнә пьрса рʹастә-рʹаст ԛанун нәһатийә дайине, әм ида дькарьн бь ньһерʹандьна хԝә сафи кьн, чьмки әм ӧса һатьнә мәзьнкьрьне, йан жи әв ньһерʹандьн мьһала мәда бәлабуйи йә?
3 Кеми-кем дӧ мәʹни һәнә, кӧ шьровәдькьн ԝәки чьрʹа Мәсиһи ӧса дьшьрмиш набьн. Йа пешьн Кʹьтеба Пирозда те готьне кӧ: «Рʹе һәйә кӧ мерьврʹа рʹаст хӧйа дькә, ле хьлазийа ԝе рʹийа мьрьне йә» (Мәтʹлк. 16:25). Жь бо ве йәке кӧ әм мәрьвнә гӧнәкʹар ьн, әм нькарьн бь тʹәмами рʹаст рʹебәрийа гавед хԝә бькьн (Мәтʹлк. 28:26; Йерәм. 10:23). У йа дӧда жи, Мире-щьна, йе кӧ «хԝәдайе ве дьнйайе» йә, нормед ве дьнйайе контрол дькә (2 Корн. 4:4; 1 Йуһʹн. 5:19). Ләма жи һәрге әм дьхԝазьн, ԝәки Йаһоԝа мә ԛәбул кә у кʹәрәм кә, әм гәрәке гӧһ бьдьнә ве ширәта жь кʹьтеба Рʹомайи 12:2 (Бьхунә).
Хьзна Кʹьтеба Пироз
(Мәтʹәлок 16:22)
22 Һʹьш, бона хԝәйиһʹьша канийа жийине йә, ле бона беһʹьша ширәт ахмахти йә.
it-1 629
Ширәткьрьн
Чахе Ширәте Ԛәбул Дькьн, йан жи Инкʹар Дькьн. Чахе мәрьвед хьраб, ахмах у йед кӧ нормед нав-намусийе хԝәй накьн, ширәтед Йаһоԝа ԛәбул накьн, бь ве йәке әԝана дьдьнә кʹьфше, ԝәки ширәтед ԝи нәфрʹәт дькьн (Зб. 50:16, 17; Мтʹл. 1:7). Жь бо ве йәке әԝана зьрарәкә мәзьн дьстиньн, демәк щәзакьрьнәкә сәрт. Мәтʹәлокеда те готьне: «Бона беһʹьша ширәт ахмахти йә» (Мтʹл. 16:22). Мәрьвед ӧса хԝәха хәзәбе сәр хԝәда тиньн, демәк әԝана дьбьнә рʹобәт, кʹәсиб, нәхԝәш дькʹәвьн у дьмьрьн. Ча әм жь сәрһатийа мьләте Исраеле педьһʹәсьн, гава мәрьв ширәта инкʹар дькә, әв зьрарәкә мәзьн дьстинә. Исраелийа гӧһ нәдьданә тʹәми у ширәтед пʹехәмбәра. Чахе Йаһоԝа ԝана нәдьпʹараст у кʹәрәм сәр ԝанда нәдьбаранд, диса жи ԝана гӧһ нәдьда ширәтед ԝи. Ахьрийеда, чаԝа кӧ пʹехәмбәра дьгот, Исраели һатьнә щәзакьрьне, дьжмьна әԝ алт кьрьн у бьрьнә дилтийе (Йер. 2:30; 5:3; 7:28; 17:23; 32:33; Һс. 7:12-16; 10:10; Сф. 3:2).
9-15 ҺʹӘЗИРАНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ МӘТʹӘЛОК 17
(Мәтʹәлок 17:1)
1 Ԛәнщ ә пәʹри нане һʹьшк бь әʹдьлайе, нә кӧ маләкә тʹерә-тʹьжи бь шәрʹ-дәʹԝ.
(Мәтʹәлок 17:9)
9 Йе хьрабийе дьньхемә һәвалкʹар ә, ле йе дькә дәнги һәвалдәр ә.
(Мәтʹәлок 17:14)
14 Дәстпебуна шерʹ мина авбәрʹдане йә, һе шәрʹ кӧ гьран нәбуйә же дур кʹәвә.
Жь Әʹдьлайа Зәԝащеда Шабуне Бьстинә
g 9/14 11 ¶2
Ча Хәйде жь Дьле Хԝә Дәрхьн
Бь һʹәлали дьле хԝә лекʹолин кьн. Кʹьтеба Пирозда те готьне, кӧ һьнә мәрьв һерс дькʹәвьн у тʹәвльһәв дьбьн (Мәтʹәлок 29:22). Гәло тӧ жи? Мәсәлә, пьрсед ӧса бьдә хԝә: «Гәло әз хәйде дьле хԝәда хԝәй дькьм? Гәло әз зу дьхәйидьм? Гәло әз мешәки дькьмә гамешәки?» Кʹьтеба Пирозда те готьне: «Йе хьрабийе дьньхемә һәвалкʹар ә, ле йе дькә дәнги һәвалдәр ә» (Мәтʹәлок 17:9; Ԝаиз 7:9). Ве йәке дькарьн дәрһәԛа зәԝаще жи бежьн. Һәрге һун зу дьхәйидьн, жь хԝә бьпьрсьн: «Гәло әз дькарьм дьһа зедә сәбьре һьндава һәвалзәԝаще хԝә бьдьмә кʹьфше?» (Принсипа Кʹьтеба Пироз: 1 Пәтрус 4:8).
ԝ08 1/5 10 ¶6–11 ¶1
Сафикьрьна Проблема
1. Ԝәʹдә бьвиньн, кӧ дәрһәԛа проблеме хәбәр дьн. «Ԝәхте һәр тьшти һәйә, . . . дәма һьшбуне у дәма пәйьвине [хәбәрдане] һәйә» (Ԝаиз 3:1, 7, ИМ). Һьнә чәтьнайи дькарьн һерсе пешда биньн. Һәрге тьштәки ӧса бьԛәԝьмә, хԝәгьртьне бьдьнә кʹьфше у биньн бира хԝә кӧ «дәма һьшбуне» һәйә. Һивийе нибьн һʹәта емосийед ԝә бьн контроле дәрен. Һәләԛәтийа ԝә ԝе зийане нәстинә, һәрге һун гӧһ бьдьнә ве ширәта Кʹьтеба Пироз: «Дәстпебуна шерʹ мина авбәрʹдане йә, һе шәрʹ кӧ гьран нәбуйә же дур кʹәвә» (Мәтʹәлок 17:14).
Ле ԝәʹде хәбәрдане жи һәйә. Проблем мина зиԝане нә, һәрге вана кʹокева дәрнәхьн, ԝе зу жь һәв зедә бьн. Һәрге ԝә хәбәрдана һәвалзәԝаще хԝә бьрʹи, ԛәдьр һьндава ԝи бьдьнә кʹьфше у соз бьдьн, кӧ һуне паше диса дәрһәԛа ве проблеме хәбәр дьн. Проблеме пьшт гӧһе хԝәва нәвежьн, чьмки проблем ԝе хԝәха нәйе сафикьрьне. Әв йәк ԝе али ԝә бькә ль гора ве ширәта жь Кʹьтеба Пироз бьжин: «Бьра рʹо сәр һерса ԝәрʹа нәчә ава» (Әфәси 4:26). Паше әʹсәйи созе хԝә биньн сери.
Хьзна Кʹьтеба Пироз
(Мәтʹәлок 17:24)
24 Сәрԝахти ль бәр чʹәʹве фәʹмдара йә, ле чʹәʹвед ахмаха вьрда-ԝеда дьньһерʹьн.
it-1 790 ¶2
Чʹәʹв
Һәстед мәрьв бь сайа чʹәʹвед ԝи тенә әʹйанкьрьне. Пе чʹәʹве мәрьв дькарә бе кʹьфше, һәла әԝ гӧне хԝә кәсәки тинә йан на (Ԛн.Дщ. 19:13). Мәрьвед кӧ ԛәрфед хԝә кәсәки дькьн йан жи дьхԝазьн дина мәрьва бькʹьшиньн сәр тьштәки, чʹәʹве хԝә һәвдӧрʹа дьԛӧрчʹиньн (Зб. 35:19; Мтʹл. 6:13; 16:30). Дәрһәԛа ви мәрьви, йе кӧ йан чь тедәрнахә йан жи нахԝазә али кәсәки бькә, те готьне кӧ әԝ чʹәʹве хԝә сәр ве йәке дадьдә йан жи вәдьшерә (Мт. 13:15; Мтʹл. 28:27). Дәрһәԛа мәрьве ахмах те готьне, кӧ чʹәʹвед ԝи «вьрда-ԝеда дьньһерʹьн» у фькьред ԝи һәр дәра нә, нә кӧ сәр тьштед фәрз ьн (Мтʹл. 17:24). Ӧса жи пе чʹәʹве мәрьв те кʹьфше, кӧ әԝ сьһʹәт-ԛәԝат ә йан на, йәки сәр хԝә йә у бәхтәԝар ә йан на (1 См. 14:27-29; Ԛн.Дщ. 34:7; Иб. 17:7; Зб. 6:7; 88:9). Йәһошәфат Пʹадша готә Йаһоԝа: «Чʹәʹвед мә ль сәр тә нә!» (2 Др. 20:12).
16-22 ҺʹӘЗИРАНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ МӘТʹӘЛОК 18
(Мәтʹәлок 18:4)
4 Готьнед дәве мерьв авед кʹур ьн, жь канийа сәрԝахтийе чʹәм дькʹьшьн.
(Мәтʹәлок 18:13)
13 Йе һе нәбьһисти щабе дьдә, әԝ беһʹьш у ԛара ԝи йә.
(Мәтʹәлок 18:24)
24 Мәрьве хԝәйе гәләк һәвал, бәла сәре ԝи йә, ле һәвал жи һәнә жь бьраки четьр ьн.
Бәрдьлийе Бьдә Ԝан Мәрьва, Йед кӧ Нәхԝәш ьн
Хьзна Кʹьтеба Пироз
(Мәтʹәлок 18:18)
18 Пʹәшк-авитьн шәрʹ-дәʹԝа дьдә сәкьнандьне у йед зор ль һәв дьдә рʹуньштандьне.
it-2 271-272
Пʹәшк
Ԝәʹде бәре сәва кӧ пьрсәке сафи кьрана, пʹәшк давитьн. Кәвьред бьчʹукә гьровәр, йан жи щурʹә-щурʹә кьдоред жь дар у кәвьр, ча пʹәшк дьданә хәбате. Пʹәшк дькьрьнә пʹеша хԝә, йан жи дәрданәке у һәв дьхьстьн. Әв мәрьв, пʹәшка кʹе дәрдькʹәт йан жи дәрдьхьстьн, бона тьштәки дьһатә бьжартьне. Мина сондхԝарьне, пʹәшк-авитьн жи дӧава гьредайи бу. Дӧа йан бь дәнге бьльнд дьһатә готьне, йан жи хԝәха пʹәшк-авитьн дьһатә һʹәсабе дӧа. Паши авитьна пʹәшк мәрьв һивийе бун, ԝәки Йаһоԝа ԝе ԛьрара хԝә зәлал бьдә кʹьфше. Хәбәра пʹәшк (бь Ибрани горал) чаԝа рʹастә-рʹаст ӧса жи бь симболик дьданә хәбате у әв дьһатә һʹәсабе ‹пʹар› у ‹рʹьсԛ› (Йеш. 15:1; Зб. 16:5; 125:3; Иш. 57:6; Йер. 13:25).
Ча дьһатә хәбьтандьне. Мәтʹәлок 16:33-да те готьне, ԝәки пʹәшк давежьнә пʹеша кʹьнщәки, ле һʹәму сафикьрьнед кӧ бь сайа ве тенә кьрьне, жь Йаһоԝа нә. Исраеледа пʹәшк дьданә хәбате ԝәки шәрʹ-дәʹԝа бьдьнә сәкьнандьне. Мәтʹәлок 18:18-да те готьне: «Пʹәшк-авитьн шәрʹ-дәʹԝа дьдә сәкьнандьне у йед зор ль һәв дьдә рʹуньштандьне». Ле пʹәшк нәдьданә хәбате сәва хӧмарбазийе, йан жи сәва кӧ ԝәʹде хԝә дәрбаз кьн у пʹәра ԛазанщ кьн. Әв нә бона кʹара пʹарьстгәһе йан жи кʹаһина дьһатә хәбьтандьне, нә жи ԝәки кʹомәке бьдьнә кʹәсиба. Ле әскәред Рʹомайи, йед кӧ бона кʹьнщед Иса пʹәшк авитьн, чаԝа кӧ Зәбур 22:18-да һатьбу пʹехәмбәртикьрьне, бона кʹара хԝә ве йәке кьрьн (Мт. 27:35).
23-29 ҺʹӘЗИРАНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ МӘТʹӘЛОК 19
(Мәтʹәлок 19:11)
11 Фәʹме ԛәнщ мерьв жь һерсе пашда дехә у рʹуспитийа ԝи ԛӧсур-нәньһерʹандьн ә.
(Мәтʹәлок 19:17)
17 Йе кӧ аликʹарийа кʹәсиб дькә, әԝ дәйн дьдә Хӧдан у Хӧдане жь бәр дайина ԝива, ԝи хәлат кә.
(Мәтʹәлок 19:22)
22 Ԛәнщ ә мәрьв һʹәйра ԛәнщикьрьнеда бә, мәрьве кʹәсиб жь йе дәрәԝин четьр ә.
Бона Хушк-Бьра Һәваләки Амьн бә
Хьзна Кʹьтеба Пироз
(Мәтʹәлок 19:21)
21 Дьле мерьвда гәләк мәрәм һәнә, ле тʹәне хԝәстьна Хӧдан те сери.
it-1 515
Ширәт, Ширәткʹар
Йаһоԝа Хԝәдайе биланийе йә, у ләма жи әԝ һʹәԝще тʹӧ ширәта нинә (Иш. 40:13; Рʹм. 11:34). Кӧрʹе ԝи «Ширәткʹаре Пʹьрʹ Баш» ә, йе кӧ рʹебәрийе дьдә, чьмки әԝи гӧһ дьда ширәтед Баве хԝә у ль гора ве йәке дьжит, у ӧса жи рʹӧһʹе Хԝәде сәр ԝи йә (Иш. 9:6, ДТʹ; 11:2; Йн. 5:19, 30). Ләма жи сәва кӧ әм ширәтәкә баш бьдьн, әм гәрәке ньһерʹандьна Йаһоԝа һьлдьн һʹәсаб. Һʹәму ширәтед кӧ мьԛабьли ԛьрара Хԝәде нә, бекер ьн у әв нә жи тенә һʹәсабе ширәт (Мтʹл. 19:21; 21:30).
30 ҺʹӘЗИРАНЕ–6 ТИРМӘҺЕ
ФЬКЬРЕД ԚИМӘТ ЖЬ ХӘБӘРА ХԜӘДЕ МӘТʹӘЛОК 20
(Мәтʹәлок 20:24, 25)
24 Гаве мәрьв жь Хӧданда тенә авитьне, иди рʹийа хԝә чаԝа дькарә әԝ фәʹм бькә? 25 Бәри создайина дийарийа хԝә, тӧ рʹьнд бьдә аԛьле хԝә, кӧ пʹошман нәби у бькʹәви тʹәла хԝә.
(Мәтʹәлок 20:18)
18 Мәрәм бь шеԝьре те әʹсәйикьрьне, бь рʹедитьне шәрʹ бьдә кьрьне.
(Мәтʹәлок 20:5)
5 Мәрәме дьле мерьв авед кʹур ьн, ле мәрьвед билан ԝан һьлдьчʹьньн.
Ширәтед бона Һәвдӧнаскьрьне
Хьзна Кʹьтеба Пироз
(Мәтʹәлок 20:11)
11 Һʹәта ԛәнщи йан хьрабийа хәйсәте зарʹе жи бь кьред ԝи кʹьфш дьбьн.