Кани бона Бәрнама Щьвине, Бьжин у Хьзмәт кьн
5-11 ЧЬЛӘЙЕ
ФЬКЬРЕД ԚИМӘТ ЖЬ ХӘБӘРА ХԜӘДЕ ИШАЙА 17-20
Чь Ԝе Бе Сәре Ԝан, йед кӧ Мә Дьзериньн
(Ишайа 17:12, ИМ)
12 Һәйԝах, хьрәщьра гәләк мьләта мина хӧшина . . . [бәʹре] йә. Һәйԝах, хьрәщьра . . . [мьләта] мина хӧшина авед . . . [ԛәԝи] йә.
(Ишайа 17:13, 14, ИМ)
13 [Щьмәʹт] . . . мина ава рʹабуйи бьхӧшьн жи, гава Хԝәде . . . [ԛӧрʹәбуна] ԝан бьшкенә ԝе дур бьрʹәвьн. Мина һурька кайа чʹийайа ль бәр байе бькʹәвьн, мина тʹоза . . . [кӧ рʹуньштийә жь бо баки ԛәԝи дьфьрʹә]. 14 Дәма еваре, ва йә тьрс у саԝ! [Пешийа] . . . кӧ бьбә сьбәһ, тʹӧнә бун. Әв ә пʹара кәсед мә тʹалан дькьн, пʹьшька кәсед мә бьшелиньн.
ip-1 198 ¶20
Пʹехәмбәртийа Йаһоԝа Дәрһәԛа Мьләта
20 Ишайа дьбежә: «Дәма еваре, ва йә тьрс у саԝ! [Пешийа] . . . кӧ бьбә сьбәһ, тʹӧнә бун. Әв ә пʹара кәсед мә тʹалан дькьн, пʹьшка кәсед мә бьшелиньн» (Ишайа 17:14, ИМ). Гәләк мәрьв щьмәʹта Йаһоԝа ‹дьшелиньн› йан жи дьзериньн, демәк һьндава ԝанда сәрт у бе ԛәдьр ьн. Мәсиһийед рʹаст пʹара религийед ве дьнйайе ниньн, у нәжи дьхԝазьн тʹәви ԝан бьбьнә йәк, ләма жи мәрьвед кӧ мьԛабьли ԝан дәртен, ԝана ча кәсед сьст һʹәсаб дькьн, кʹижана кӧ һеса йә бьшкеньн. Ле щьмәʹта Хԝәде баԝәр ә кӧ зутьрәке ԝе «бьбә сьбәһ», демәк һьндьк майә кӧ Хԝәде ԝана жь һʹәму зерандьна хьлаз кә (2 Тʹесалоники 1:6-9; 1 Пәтрус 5:6-11).
Хьзна Кʹьтеба Пироз
(Ишайа 18:1, 2, ИМ)
1 Ԝәй ль ԝәлате кӧ вьзина пʹәре кӧлийа же те, ль ԝи ԝәлате ль алийе дьнә чʹәмед Куше! 2 Ԝәлате бь . . . [ԛәйикед жь папирусе] һатьнә чекьрьн у Нилерʹа ԛасьда дьшинә. Йа ԛасьдед бь ләз у бәз! Һәрʹьн бал мьләтәки бәжьндьреж у чʹәрмһьлу, бал ԝи . . . [мьлете] кӧ дур у незик же дьтьрсьн, мьләтәки гәләки . . . [ԛәԝи] кӧ бьн льнгада дьпʹәрчʹьԛинә у ԝәлате ԝи, чʹәма жь һәв вәдьԛәтинә.
12-18 ЧЬЛӘЙЕ
ФЬКЬРЕД ԚИМӘТ ЖЬ ХӘБӘРА ХԜӘДЕ ИШАЙА 21-23
Әм жь Сәрһатийа Шәбна Чь Һин Дьбьн
(Ишайа 22:15-19, ИМ)
15 Рʹәб Хӧдане Кариндар ӧса дьбежә: «Рʹабә һәрʹә бал ԝи кәйайи, бал Шәбнайе бәрпьрсийаре ԛәсьре у жерʹа бежә: 16 ‹Чь кʹаре тә ль вьр һәйә? Мәрьве тә ль вьр һәйә кӧ тә ль вьр хԝәрʹа горʹ кʹола? Тә ль дәра жор хԝәрʹа горʹ кʹола, зьнаре бьльндщида хԝәрʹа . . . [мәзәл чекьр]. 17 Мерхасо! Ԝе Хӧдан тә бь . . . [һерс] бавежә. Ԝе тә бьгьрʹә у бьгӧвешә, 18 тә диса-диса бьзьвьрʹинә у мина . . . [тʹопе] бавежә дийарәки фьрә. Ԝедәре те бьмьри, ԝедәре ԝе әʹрәбед тә йед бь рʹумәт бьминьн. Те шәрма мала хԝәйе хԝә би. 19 Әзе тә жь бәрпьрсийарийа тә бавежьм, жь дәра кӧ тӧ ле йи тә биньм хԝаре.
(Ишайа 36:3, ИМ)
3 Елйаԛиме кӧрʹе Һилԛийайе кӧ бәрпьрсийаре ԛәсьре бу, Шәбнайе ньвискʹар у Йоаһе дирокньвисе кӧрʹе Асаф, чун пешийа ԝи.
Хьзна Кʹьтеба Пироз
(Ишайа 22:13, ИМ)
13 Ле ԝә кʹефа хԝә кьр у һун ша бун. Ԝә гот: «Әм бьхԝьн у вәхԝьн, чьмки әме сьбеһ бьмьрьн» ԝә пәз у дәԝар сәрже кьрьн, гошт хԝар, шәрав вәхԝар.
19-25 ЧЬЛӘЙЕ
ФЬКЬРЕД ԚИМӘТ ЖЬ ХӘБӘРА ХԜӘДЕ ИШАЙА 24-27
«Хԝәдайе Мә Әв ә!»
(Ишайа 25:9, ИМ)
9 Ԝе рʹоже ԝе бежьн, «Ва йә, Хԝәдайе мә әв ә! Әм . . . [һивийа] ԝи ман кӧ мә . . . [хьлаз] кә. Хӧдане мә әв ә кӧ әм . . . [һивийа] ԝи ман. Әм бь . . . [хьлазкьрьна] ԝи ша у кʹефхԝәш бьн».
(Ишайа 25:6, ИМ)
6 Ԝе Хӧдане Кариндар бона һʹәму . . . [мьләта], ль ви чʹийайи . . . [сьфьрәкә] хԝарьнед дәԝләмәнд бьдә. Ԝе . . . [сьфьра] жь шәравед кәвьн, жь хԝарьнед дәԝләмәнд йед бь рʹун тʹьжә, жь шәравед . . . [парзункьри] йед кәвьн бьдә.
(Ишайа 25:7, 8, ИМ)
7 Ль ви чʹийайи ԝе хелийа кӧ һʹәму . . . [мьләта] дьньхемә у . . . [ләʹһиф] бь сәр һʹәму мьләтава һатийә кʹьшандьн рʹакә. 8 Бәле ԝе мьрьн һәр у һәр даԛӧртинә. Ԝе Рʹәб Хӧдан һесьред чʹәʹва, жь һʹәму рʹуйа паԛьж кә. Ԝе шәрма . . . [щьмәʹта] хԝә, жь тʹәвайа дьнйайе рʹакә. Чьмки Хӧдан ӧса готийә.
cl 15 ¶21
«Хԝәдайе Мә Әв ә!»
21 Тә ԛә зарʹәкә бьчʹук дитийә, йа кӧ баве хԝә нишани һәвалед хԝә дькә у дьбежә, «Әва баве мьн ә»? Гәләк мәʹнийед хьзмәткʹаред Хԝәде жи һәнә, ԝәки бь ви щурʹәйи Йаһоԝарʹа фьрнаԛ бьн. Кʹьтеба Пирозда һатийә пʹехәмбәртикьрьне кӧ ԝе бе ԝәʹдә чахе мәрьвед амьн ԝе бь сәрбьльнди бежьн: «Хԝәдайе Мә Әв ә!» (Ишайа 25:8, 9, ИМ). Чьԛас дьһа зедә тӧ дәрһәԛа һʹӧнӧред Йаһоԝа пебьһʹәси, һаԛас һе зедә те избат би кӧ әԝ Бавә һәри баш ә.
Хьзна Кʹьтеба Пироз
(Ишайа 26:3, ДТʹ)
3 Тӧйе хԝәй ки ԝана йед кӧ бь тʹәмами хԝә тә дьгьрьн, тӧйе ԝанрʹа әʹдьлайа дьреж бьди, чьмки әԝана итʹбарийа хԝә тә тиньн.
26 ЧЬЛӘЙЕ–1 СЬБАТЕ
ФЬКЬРЕД ԚИМӘТ ЖЬ ХӘБӘРА ХԜӘДЕ ИШАЙА 28-29
Нә кӧ Тʹәне бь Зар-Зьмане Хԝә, ле бь Дьле Хԝә жи Йаһоԝа Рʹумәт кьн
(Ишайа 29:13, ИМ)
13 Әв . . . [щьмәʹт] бь дәве хԝә незики мьн дьбә у бь левед хԝә рʹумәте дьдә мьн. Ле дьле ԝан жь мьн дур ә. Тьрса ԝанә жь мьн жи, тʹәне . . . [тʹәмийед] мәрьва нә кӧ жь ԝан һин бунә.
ip-1 299 ¶23
Ишайа Дәрһәԛа Кьред Йаһоԝайә Әʹщебмайи Пʹехәмбәрти Дькә
23 Сәрԝеред религи йед Щьһудайе хԝә ча мәрьвнә билан у рʹӧһʹани дьданә кʹьфше, ле бь рʹасти ԝана пьшта хԝә дабу Йаһоԝа. Әԝана ван тьшта мәрьва һин дькьрьн, чь бәр чʹәʹве ԝан рʹаст бу, нә кӧ бәр чʹәʹве Хԝәде. У бь сайа ве йәке ԝана кьред хԝәйә хьраб у бенамусийа хԝә һәԛ дәрдьхьстьн, у ӧса һерса Хԝәде сәр хԝәда дьанин. Ле сәва ве дӧрʹутийа ԝан, Йаһоԝа ԝе щабе жь ԝан бьхԝазә. Әԝ дьбежә: «Әв . . . [щьмәʹт] бь дәве хԝә незики мьн дьбә у бь левед хԝә рʹумәте дьдә мьн. Ле дьле ԝан жь мьн дур ә. Тьрса ԝанә жь мьн жи, тʹәне . . . [тʹәмийед] мәрьва нә кӧ жь ԝан һин бунә. Ләма әзе щарәкә дьн кʹәрәмәта нишани ви . . . [щьмәʹти] бькьм, әре әзе кʹарәки . . . [әʹщебмайи у гьринг] бькьм. Ԝе . . . [биланийа билана] нәминә, фәʹмдарийа фәʹмдара бе вәшартьн» (Ишайа 29:13, 14, ИМ). Билани у фәʹмдарийа ԛәлп йед сәрԝеред религийә Щьһудайе ви чахи кʹӧта бу, гава Йаһоԝа дәрәщә ӧса гӧһаст, кӧ Империйа Бабилонейә Һʹәмдьнйайе һʹьщуми сәр Щьһуйед рʹабәр кьр у ԛьрʹа ԝан ани. Әв йәк һатә сәре сәрԝеред религийә ԛьрʹна йәкеда жи, йед кӧ хԝә билан һʹәсаб дькьрьн, у щьмәʹт жь рʹийа рʹаст дәрдьхьстьн. Тьштәки ви щурʹәйи ԝе бе сәре сәрԝеред религи, йед рʹожед мәда жи (Мәтта 15:8, 9; Рʹомайи 11:8).
Хьзна Кʹьтеба Пироз
(Ишайа 28:7, ИМ)
7 Кәсед жь бәр шәраве дьшәԝьшьн у жь бәр мәйе дьтʹәрпьльн жи әв ьн, кʹаһин у пʹехәмбәр жь бәр мәйе дьшәԝьшьн, жь бәр шәраве тʹәвльһәв дьбьн, жь бәр мәйе дьтʹәрпьльн. Гава дитьнок дьвиньн, дьшәԝьшьн. Гава . . . [диԝане] дькьн, дьтʹәрпьльн.
2-8 СЬБАТЕ
ФЬКЬРЕД ԚИМӘТ ЖЬ ХӘБӘРА ХԜӘДЕ ИШАЙА 30-32
Бьн Пʹәрʹе Йаһоԝада Сьтʹаре Бьвинә
(Ишайа 31:5, ИМ)
5 Чаԝа кӧ тәйр дьфьрʹьн, ԝе Хӧдане Кариндар Оршәлиме ӧса бьпʹарезә. Ԝе бьпʹарезә у аза кә, сәр ԝерʹа дәрбаз бә у . . . [хьлаз] кә».
(Ишайа 32:1, 2, ИМ)
1 Ва йә, ԝе пʹадшәк бь һәԛийе пʹадшатийе бькә, ԝе сәрок бь . . . [һәԛийе] сәрԝерти бькьн. 2 Ԝе һәр йәки жь ԝан мина дәрәкә мәрьв хԝә жь байе вәдьшерә, мина сьтʹара . . . [жь фьртоне], мина . . . [канийед] аве йед дәра зьһа, мина сийа зьнаре бьльнд ль дәра ԝәстайийа бә.
ԝ01 15/11 16 ¶7
Йаһоԝа Сьтʹара Мә йә
7 Йаһоԝа сьтʹара мә йә, у әм бәрдьлийе дьстиньн жь ван гьлийа: «Әԝе пе пʹәрʹе Хԝә тә бьньхемә, бьне баске Ԝида те бьсьтʹьри, рʹастийа Ԝийе тәрʹа бьбә мәртʹал у сур» (Зәбур 91:4). Мина тәйрәдәки кӧ пе пʹәрʹед хԝә щущукед хԝә дьпʹарезә, Хԝәде жи мә дьпʹарезә (Ишайа 31:5). Тәйрәдә пе пʹәрʹед хԝә щущукед хԝә дьньхеминә, сәва кӧ ԝана жь тәрәԝьла хԝәй кә. Әм жи ча бежи мина щущука бьн пʹәрʹед Йаһоԝада бехофийеда ньн, чьмки мә тʹәшкиләта ԝида сьтʹар дитийә (Рʹутʹ 2:12; Зәбур 5:1, 11).
Хьзна Кʹьтеба Пироз
(Ишайа 30:20, 21, ИМ)
20 Рʹәб нане тәнгасийе у ава щәфе бьдә тә жи ԝе Мамостәйе тә ида хԝә вәнәшерьн. Чʹәʹвед тә Мамостәйе ԝә бьвиньн. 21 Гава тӧ бәрбь алийе рʹасте йан алийе чʹәпева авәрʹе дьби, ԝе гӧһед тә жь пашва, ве готьне бьбьһизьн: ‹Рʹе әв ә, ве рʹерʹа һәрʹьн!›
9-15 СЬБАТЕ
ФЬКЬРЕД ԚИМӘТ ЖЬ ХӘБӘРА ХԜӘДЕ ИШАЙА 33-35
Йаһоԝа Сьтʹара Мә йә
Хьзна Кʹьтеба Пироз
(Ишайа 35:8, ИМ)
8 Ԝе ль ԝьр рʹекә мәзьн һәбә, ԝе жерʹа «Рʹийа Пироз» бежьн. Ԝе зьламе нәпʹак ԝедәрерʹа дәрбаз нәбә, ԝе йа кәсед рʹийа Хӧдан бә. Кәсед ԝе рʹерʹа дәрбаз дьбьн, . . . [бефәʹм] бьн жи, ԝе же авәрʹе нәбьн.
16-22 СЬБАТЕ
ФЬКЬРЕД ԚИМӘТ ЖЬ ХӘБӘРА ХԜӘДЕ ИШАЙА 36-37
Нәтьрсә жь Ԝан Тьшта Чь кӧ Дьбьһейи
(Ишайа 36:1, 2, ИМ)
1 Чардәһ салийа пʹадшатийа Һьзԛийайе Пʹадшада Санһәрибе Пʹадше Ашуре ль дьжи һʹәму бажаред бь сур йед Щьһудайе дәркʹәт у әԝ стандьн. 2 Пʹадше Ашуре фәрмандаре хԝә бь . . . [ордийа] мәзьнрʹа жь Лахише шанд Оршәлиме бал Һьзԛийа Пʹадша. Фәрмандар һат у ль бәр Зәвийа Кʹьнщшуштьне ль бәр . . . [канийа] ль бал Һʹәԝза Жорьн сәкьни.
ip-1 387 ¶10
Баԝәрийа Пʹадша Һатә Хәлаткьрьне
10 Рабшак дина Щьһуйа дькʹьшинә сәр ве йәке кӧ ордийа ԝан һьмбәри ордийа Асурийа гәләк сьст ә. Рабшак ԛәрфе хԝә ԝан дькә: «Һәрге тӧ бькарьби сийара . . . [дәст хи], әзе дӧ һʹәзар һәспа бьдьмә тә» (Ишайа 36:8, ИМ). Ле гәло фәрз бу кӧ чьԛас һәсп у сийаред Щьһуйа һәбун? На, чьмки хьлазбуна ԝан ве йәкева гьредайи нибу. Мәтʹәлок 21:31-да ӧса те готьне: «Һәсп бона шерʹ те һазьркьрьне, ле сәркʹәтьн бь дәсте Хӧдан ә». Паше Рабшак дьбежә, кӧ Йаһоԝа Асурийа кʹәрәм дькә, нә кӧ Щьһуйа. Әԝи әв гьлийед хԝә бь ве йәке избат кьр, кӧ гот ԝәки бь щурʹе майин ԝана ԝе нькарьбуйа ӧса кʹур бькʹәтана әʹрде Щьһуйа (Ишайа 36:9, 10).
ip-1 388 ¶13-14
Баԝәрийа Пʹадша Һатә Хәлаткьрьне
13 Гәләк избатийед Рабшак һәбун у әԝ диса бәʹса йәке дькә. Әԝ дьбежә ԝәки Щьһу баԝәрийа хԝә Һьзԛийа нәйньн, гава әԝ бежә ԝан: «Ԝе Хӧдан мә . . . [хьлаз] кә». Рабшак ани бира Щьһуйа, кӧ хӧданед Самәрйа нькарьбун дәһ бәрәка жь Асурийа хьлаз кьрана. Ле чь дькарьн бежьн дәрһәԛа хӧданед мьләтед дьн, йед кӧ Асурийа ԝан алт кьрьн? Әԝ дьбежә: «Кʹа . . . [хӧданед] Һама у Арпаде ль кʹӧ нә? Кʹа . . . [хӧданед] Сәфарԝайиме ль кʹӧ нә? Гәло ԝана Самәрйа жь дәсте мьн . . . [хьлаз] кьрийә?» (Ишайа 36:18-20, ИМ).
14 Һәмьки Рабшаке кӧ сәре хԝә бәр хӧданед ԛәлп датани, һаж пе тʹӧнә бу кӧ фьрԛикә чьԛас мәзьн һәйә ортʹа Самәрийайә рʹабәр у Оршәлиме, кʹидәре кӧ Һьзԛийа сәрԝерти дькьр. Хӧданед Самәрийайейә ԛәлп нькарьбун дәһ бәрәк хьлаз кьрана (2 Пʹадшати 17:7, 17, 18). Ле бьнәлийед Оршәлиме бьн сәрԝертийа Һьзԛийада тʹәрка хӧданед ԛәлп дабун у диса Йаһоԝарʹа хьзмәт дькьрьн. Меред Щьһу нә жи дәстпекьрьн ве йәке Рабшакрʹа избат кьн. «Ԝана дәнге хԝә нәкьр у . . . [щаба] ԝи нәда. Чьмки . . . [тʹәмийа] пʹадша ӧса бу: ‹[Щаба] . . . ԝи нәдьн›» (Ишайа 36:21, ИМ). Елийаким, Шәбна, у Йоаһ чунә щәм Һьзԛийа у һәр тьшт жерʹа гьли кьрьн, чь кӧ Рабшак готә ԝан (Ишайа 36:22).
Хьзна Кʹьтеба Пироз
(Ишайа 37:33-37, ИМ)
33 «Хӧдан сәр Пʹадше Ашуре ӧса дьбежә: «‹Ԝе нәкʹәвә ви бажари у тира навеже. Ԝе бь мәртʹала незики бажер нәбә у бәр суред ԝе пʹал ченәкә. 34 Ԝе бәре ԝи бьдә рʹийа кӧ же һатийә у нәйе ви бажари›. Әв ә готьна Хӧдан. 35 «‹Әзе жь бо хԝә у жь бо хатьре хӧламе хԝә Даԝьд ви бажари бьпʹарезьм у . . . [хьлаз] бькьм›». 36 Мьлйакʹәте Хӧдан дәркʹәт у жь . . . [зома] Ашуре сәд у һʹәштепенщ һʹәзар кәс кӧштьн. Сәре сьбе тʹәне . . . [щьнйаз] һәбун. 37 Санһәрибе Пʹадше Ашуре . . . [ордийа] хԝә бәрда, рʹәвийа Нинәԝайе у ль ԝьр ма.
(Ишайа 36:4, ИМ)
4 Фәрмандар ԝанрʹа гот: «Һьзԛийарʹа бежьн: ‹Пʹадше Мәзьн, Пʹадше Ашуре ӧса дьбежә: Тӧ бь чь . . . [итʹбар] и?
23 СЬБАТЕ–1 АДАРЕ
ФЬКЬРЕД ԚИМӘТ ЖЬ ХӘБӘРА ХԜӘДЕ ИШАЙА 38-40
«Ԝе Кәрийе Хԝә Мина Шьванәки Бьчʹеринә»
(Ишайа 40:8, ИМ)
8 Гийа һʹьшк дьбә, кӧлилк дьчʹьлмьсьн, ле готьна Хԝәдайе мә һәр у һәр дьминә».
(Ишайа 40:11, ИМ)
11 Ԝе кәрийе хԝә мина шьванәки бьчʹеринә, бь зәнде хԝә бәрха бьдә һәв. Һʹәмеза хԝәда һьлгьрә у мийед бь бәрх һеди-һеди бажо.
(Ишайа 40:26-29, ИМ)
26 Чʹәʹвед хԝә бьдьн бьльндщийа у бьвиньн! Гәло кʹе әв әʹфьрандьн? Йе кӧ артеша стера дәрдьхә у бь наве ԝан гази һәр йәки жь ԝан дькә. Жь бәр мәзьнаийа тʹаԛәта ԝи, жь бәр . . . [ԛәԝата ԝийә мәзьн], йәк жь ԝан жи кем набә. 27 Йа Аԛуб! Йа Исраел! Чьма тӧ дьбежи: «Рʹийа мьн жь Хӧдан вәшартийә у һәԛе мьн бәр Хԝәдерʹа дәрбаз дьбә у дьчә?» 28 Гәло тӧ пе ньзани? Гәло тә нәбьһистийә? Хԝәдайе һәрһәйи, Хӧдан ә! Ԝи бьне дьнйайе әʹфьранд! Әԝ нә дьԝәстә, нә жи . . . [ԛьдум дькʹәвә] у фәʹмдарийа ԝи ԛәт найе занин. 29 Әԝ . . . [ԛәԝате] дьдә ԝәстайийа, ԛәԝата бетʹаԛәта зедә дькә.
Хьзна Кʹьтеба Пироз
(Ишайа 40:3, ИМ)
3 Дәнгәки гази дькә у дьбежә: «Ль бәрʹийе рʹийа Хӧдан . . . [һазьр] бькьн, ль чоле жь бо Хԝәдайе мә рʹекә мәзьн рʹаст бькьн.