Тӧйе Чаԝа Бона Евара Биранине Хԝә Һазьр ки?

Дәстпебуйи жь ве сале, һе зедә ԝәʹде мә ԝе һәбә, бона Евара Биранина Мәсиһ рʹьнд һазьр бьн. Һәрге Евара Биранине ԝе бькʹәвә рʹожед жь Дӧшәме һʹәта Инийе, һьнге Щьват Бьжин у Хьзмәт кьн ль ве һʹәфтийе ԝе дәрбаз нәбә. Ле һәрге әԝе бькʹәвә рʹожа Шәʹмийе йан Ләʹде, һьнге готар у һинбуна Бьрща Ԛәрәԝьлийе ԝе тʹӧнә бә. Әви ԝәʹдәйи тӧ дькари бьди хәбате, кӧ һе зедә хьзмәт ки. Анәгори ԛьрна йәке, бона ве ԛәԝьмандьна мәхсус гәрәке һʹәму тьшт рʹьнд һазьркьри бә (Лԛ. 22:7-13; km 3/15 1). Ле һәр кәс жь мә гәрәке дьле хԝә бона ве йәке һазьр кә. Ле чь щурʹәйи?

• Бьфькьрә, кӧ чьԛас фәрз ә бейи сәр ве ԛәԝьмандьне (1 Кр. 11:23-26).

• Дӧа бькә у бьфькьрә дәрһәԛа һәләԛәтийа хԝә тʹәви Йаһоԝа (1 Кр. 11:27-29; 2 Кр. 13:5).

• Бьхунә у бьфькьрә сәр ԝе информасийайе, кʹидәре кӧ те шьровәкьрьне дәрһәԛа мәʹна Евара Биранине (Йн. 3:16; 15:13).

Һьнә хьзмәткʹар дьхуньн у дьфькьрьн сәр рʹезед Кʹьтеба Пироз, кʹижан кӧ дькʹәвьн ԝәʹде Евара Биранине, у тенә һьлдане жь брошура «Һәр Рʹож Ньвисаред Пироз Леколин Бькьн». Йед дьн дьхуньн бәрнама ԝан рʹеза, кʹижан кӧ жере кʹьфш кьринә. Һәнә йед ӧса жи, кӧ леколин дькьн готаред «Бьрща Ԛәрәԝьлийе» кʹидәре кӧ дәрһәԛа Евара Биранине те шеԝьркьрьне ӧса жи дәрһәԛа һʹьзкьрьна Йаһоԝа у Иса кӧ әԝана һьндава мәда данә кʹьфше. Фьрԛи тʹӧнә тӧйе чь бьжбери бона леколина шәхси, фәрз ә ԝәки әв йәк тә һе незики Йаһоԝа у Кӧрʹе ԝи кә.