Дьвиньн Рʹийа Бәхтәԝарийе

ТӦ ХԜӘ ҺʹӘСАБ ДЬКИ ЙӘКИ БӘХТӘԜАР? Дьԛәԝьмә те бежи бәле. Ле чь тә бәхтәԝар дькә? Малбәта тә, хәбата тә, йан религийа тә? Дьԛәԝьмә тӧ ԝе йәкева һьзрәт и, чь кӧ ԝе тә бәхтәԝар кә, мәсәлә мәкʹтәбе хьлаз ки, хәбатәки баш бьвини, йан жи авте тʹәзә бькʹьри.

Гәләк мәрьв хԝә бәхтәԝар тʹәхмин дькьн, чахе дьгьһижнә нетед хԝә йан чахе ԛазанч дькьн тьштед кӧ ԝана дьхԝәст. Ле чьԛас ԝәхт бәхтәԝарийа ԝан дькʹьшинә? Гәләк щар бәхтәԝарийа ԝан ԝәʹдәлу йә, у пашԝәхтийе жи әԝана дьлтәнг дьбьн.

Бәхтәԝари әв һәйә һәсте ләзәтстандьне у рʹазибуне, йа кӧ дьреж дькʹьшинә. Нава ве йәкеда гәләк һәст дькʹәвьн, дәстпебуйи жь ләзәтстандьне һʹәта шабуна мәзьн, у мәрьв дьхԝазә ԝәки хьлазийа ԝе йәке тʹӧнә бә.

Сәва кӧ бәхтәԝар бьжин, әʹсәйи нинә ԝәки һʹәму тьштед мә һәбьн, ле дәԝсе әм гәрәке һин бьн рʹази бьн бь тьштед кӧ щәм мә ида һәнә. Чахе әм дьбежьн: «Әзе бәхтәԝар бьм, һәрге әв тьшт щәм мьн һәбә, йан һәрге әзе әԝе бькьм», ӧса әме тʹӧ щар нькарьбьн бәхтәԝар бьжин.

Ԝәрен әм бәхтәԝарийе бәрамбәри сьһʹәт-ԛәԝата баш бькьн. Ча әм дьгьһижнә сьһʹәт-ԛәԝата баш? Әм хԝә ль щурʹе жийинейә рʹаст дьгьрьн, хԝарьна лайиԛ дьхԝьн, мәшԛ дькьн у тьштед дьн, чь кӧ дәст дьдә ԝәки әм сахләм у бәхтәԝар бьн. Анәгори ԝе йәке әм дькарьн бежьн, ԝәки бәхтәԝари жь тьштәки те. Демәк чахе әм рʹаст дьжин у принсипед керһати дьдьнә хәбате, әв йәк дәст дьдә, кӧ әм бәхтәԝар бьн.

Чь принсип йан хәйсәт аликʹарийе дьдьн, кӧ әм бәхтәԝар бьн? Тьштед жере готи роләкә фәрз дьгьрьн:

• РʹАЗИБУН У МӘРʹДАНИ

• СЬҺʹӘТ-ԚӘԜАТ У ХԜӘГЬРТЬН

• ҺʹЬЗКЬРЬН

• БАХШАНДЬН

• НЕТА ЖИЙИНЕ

• ҺЕВИ

Кʹьтебәкә лап хԝәйиԛәдьрда йа кӧ бь биланийе тʹьжә йә, ӧса те готьне: «Хԝәзи бь ԝан кӧ рʹийа ԝан паԛьж ә» (Зәбур 119:1, ИМ). Ԝәред әм ньһа шеԝьр кьн.