1. Гәло Сәбәбе Кӧл-Дәрдед Мә Хԝәде йә?
Чьма Әв Йәк Фәрз ә
Гәләк мәрьв Хԝәде инкʹар дькьн, чьмки дьфькьрьн ԝәки Хԝәде йә сәбәбе кӧл-дәрдед ԝан.
Дәрһәԛа ве йәке Бьфькьрьн
Сәрԝеред гәләк религийа һин дькьн, ԝәки Хԝәде йә сәбәбе кӧл-дәрдед мә. Мәсәлә, һьнәк жь ԝан тьштед ӧса һин дькьн:
Тʹәшԛәлед тʹәбийәте щәзакьрьна жь Хԝәде йә.
Хԝәде мәрьвед ԛәнщ дьбә щәм хԝә ль әʹзмен.
Хԝәде пьштгьрийа шәрʹ-дәʹԝа дькә, чь кӧ мәʹнийа кӧл-дәрдед мәзьн ә.
Ле гәло сәрԝеред религийа дькарьн тьштед нәрʹаст дәрһәԛа Хԝәде һин кьн? Ле Хԝәде әԝ сәрԝер инкʹар нәкьрьнә?
ҺЕ ЗЕДӘ ПЕБЬҺʹӘСЬН
Бьньһерʹьн видео, «Чьрʹа Һин бьн Кʹьтеба Пироз?», кӧ сәр малпәра jw.org һәйә.
Кʹьтеба Пироз Чь Дьбежә
Хԝәде сәбәбе кӧл-дәрдед мә нинә.
Һәрге Хԝәде сәбәбе кӧл-дәрдед мә буйа, әв йәк ԝе мьԛабьли хәйсәт-һʹӧнӧред ԝи буйа, йед кӧ Кʹьтеба Пирозда әʹйан дьбьн. Мәсәлә:
«Һʹәму рʹийед ԝи [Хԝәде] һәԛи нә. . . . әԝ һәԛ ә у ль сәр һәԛийе йә» (ԚАНУНА ДӦЩАРИ 32:4).
«Һʹәша кӧ Хԝәде хәрабийе бькә у Йе кӧ һеза ԝи тʹера һәр тьшти дькә, нәһәԛийе пек бинә!» (ИБО 34:10).
«Йе кӧ һеза ԝи тʹера һәр тьшти дькә, йа рʹаст хԝар накә» (ИБО 34:12).
Хԝәде инкʹар дькә ԝан религийа, йед кӧ тьштед нәрʹаст дәрһәԛа ԝи һин дькьн.
Демәк инкʹар дькә ԝан религийа, йед кӧ һин дькьн, ԝәки Хԝәде йә сәбәбе кӧл-дәрдед мә, ӧса жи әԝед кӧ тʹәви шәрʹ-дәʹԝа у зӧлмийе дьбьн.
«Пʹехәмбәра бь наве мьн ве пʹехәмбәрийа дәрәԝин дькьн; ԝан нәшандьм у әʹмьр ль ԝан нәкьрьм; пʹехәмбәртийа кӧ ль ԝә дькьн, хәԝн у хәйаләки дәрәԝин . . . фәнәкийа дьлед ԝан ьн!» (ЙЕРӘМЙА 14:14).
Иса дӧрʹутийа религийа сущдар дькьр.
«Нә кӧ әԝе мьнрʹа дьбежә: ‹Хӧдан! Хӧдан!› ԝе бькʹәвә Пʹадшатийа Әʹзмана, ле әԝе бькʹәве, йе кӧ әʹмьре Баве мьни Әʹзмана дьԛәдинә. Ԝе Рʹоже гәләке мьнрʹа бежьн: ‹Хӧдан! Хӧдан! Нә мә бь наве тә пʹехәмбәрти кьрьн у бь наве тә щьн дәрхьстьн у бь наве тә гәләк кʹәрәмәт кьрьн?› Һьнге әзе ашкәра ԝанрʹа бежьм: ‹Жь мьн дур кʹәвьн, нәһәԛно! Мьн һун тʹӧ щар нас нәкьрьнә›» (МӘТТА 7:21-23).