3. Гәло Чьма Мәрьвед Ԛәнщ Дьчәрчьрьн?

Чьма Әв Йәк Фәрз ә

Чахе дьвини кӧ мәрьве ԛәнщ дьчәрчьрә, ида дьфькьри ԝәки бадиһәԝа йә ԛәнщийе бьки.

Дәрһәԛа ве йәке Бьфькьрьн

Һьнә мәрьв дьфькьрьн, ԝәки кӧл-дәрдед ԝан йазийа ԝан ә. Әԝана дьбежьн, кӧ Хԝәде бь кӧл-дәрда ԝана щәза дькә сәва кьред ԝани хьраб. Һьнәк жи дьбежьн, ԝәки Хԝәде сәбәбе кӧл-дәрдед мәрийа йә, чьмки баԝәрийа ԝан дьщерʹьбинә. Әԝана дьбежьн: «Әва дьнйа бона щерʹьбандьне йә», у ԝәки Хԝәде кʹижана һʹьз дькә һәма ԝана жи дьһа зәʹф дькә нава кӧл-дәрда. Ле . . .

• Һәрге һәр тьшт йази йә, әм чьма гәрәке мьԛати сьһʹәт-ԛәԝата хԝә бьн у хԝә жь тьштед хьраб дур бьгьрьн?

• Гәло ӧса дьбә, ԝәки Хԝәдейе ԛәнщ у рʹәʹм, пе кӧл-дәрда мәрьва бьщерʹьбинә?

  ҺЕ ЗЕДӘ ПЕБЬҺʹӘСЬН

  Бьньһерʹьн видео «Чьма Хԝәде Дьһелә Ԝәки Әм Бьчәрчьрьн?», кӧ сәр малпәра jw.org һәйә.

Кʹьтеба Пироз Чь Дьбежә

Кӧл-дәрдед мә щәзакьрьна жь Хԝәде нинә.

Сәбәбе гәләк кӧл-дәрдед мә, әв һәйә ԝәʹдә у ԛәԝьмандьн.

«Пешбази нә бона мьровед кӧ льнгед ԝан ләз ьн у щәнг нә бона әʹгидан ә, нан жи нә бона занйаран ә, дәԝләмәнди жи нә бона зьламед фәʹмкʹар, дьруди жи нә бона зьламед бь занин ьн; жь бәр кӧ ԝәхт у дӧһәм [ԛәԝьмандьн] пʹергинийа вана һʹәмуйан дькьн» (ԜАИЗ 9:11).

Сәбәбе кӧл-дәрдед мә гӧнәкʹарийа мә йә.

Гәләк щар хәбәра «гӧнә» дьдьнә хәбате һьндава кьред хьраб. Ле Кʹьтеба Пироз әве хәбәре дьдә хәбате, кӧ бьдә кʹьфше ԝәки гӧнә дәрбази сәр тʹәмамийа инсанәте буйә.

«Бәле әзи нәһәԛийева дьне кʹәтьмә әз жь зькмакийеда гӧнәкʹар бумә» (ЗӘБУР 51:5).

Гӧнә зьрарәкә мәзьн дайә инсанәте.

Гӧнә нә кӧ тʹәне һәләԛәтийа мә тʹәви Әʹфьрандаре мә хьраб кьр, ле ӧса жи тʹәви әʹфринед дьн. Жь бо ве йәке тʹәмамийа инсанәте дьчәрчьрә.

«Гава дьхԝазьм кӧ ԛәнщийе бькьм, бе һʹәмде мьн дьбә хьраби» (РʹОМАЙИ 7:21).

«Һʹәму әʹфьрин һʹәта ньһа бь һәврʹа дькьнә зарә-зар» (РʹОМАЙИ 8:22).