4. Гәло Ԛьрара Хԝәде Әԝ бу кӧ Әм Бьчәрчьрьн?

Чьма Әв Йәк Фәрз ә

Щаба ве пьрсе һʹӧкӧм дьбә сәр ньһерʹандьна мә һьндава жийине.

Дәрһәԛа ве йәке Бьфькьрьн

Гәло әв йәк логики йә, ԝәки Хԝәдайе кӧ һәр тьшт ӧса бәдәԝ әʹфьрандийә, бона мә кӧл-дәрд ԛьрар кьрийә?

Мәрьвед бебаԝәр дьбежьн, ԝәки кӧл-дәрд избаткьрьна ԝе йәке йә, кӧ Хԝәде бона мә хәм накә. Ль гора ньһерʹандьна ԝан, кӧл-дәрд әʹйан дькьн, ԝәки (1) жь ԛәԝата Хԝәде дәр ә кӧл-дәрда бьдә сәкьнандьне, (2) хәма Хԝәде нинә әве йәке бьдә һьлдане, йан жи (3) Хԝәде тʹӧнә.

Ле гәло әв йәк рʹаст ә?

Кʹьтеба Пироз Чь Дьбежә

Хԝәде әм нә әʹфьрандьнә бона кӧл-дәрда.

Әԝ дьхԝазә кӧ әм жь жийина хԝә ләзәте бьвиньн.

«Бона ԝан жь кʹефхԝәшибуне у һʹәта кӧ рʹожед ԝан һәнә баши кьрьне һин жи ԛәнщтьр тьштәки нинә. Һьм жи хԝарьн у вәхԝарьна һәр зьлами у жь һʹәмуйа кʹәда хԝә ԛәнщи дитьн, дайина Хԝәде йә» (ԜАИЗ 3:12, 13).

Хԝәде һәр тьшт дабу мәрьвед пешьн, ԝәки бе кӧл-дәрд бьжин.

Хԝәде ԛьрар нәкьрьбу, кӧ мәрьвед пешьн у зӧрʹәтед ԝан бьчәрчьрьн.

«Хԝәде ԝанрʹа гот: ‹Шин бьн у ль һәв зедә бьн, әʹрде тʹьжи кьн у хԝәйитийе ле бькьн›» (ДӘСТПЕБУН 1:28).

Мәрьвед пешьн нәхԝәстьн гӧрʹа Хԝәде бькьн у сафи кьрьн хԝәсәрихԝә бьжин.

Рʹуйе ве йәкеда ԝана хԝәрʹа у һʹәму зӧрʹәтед хԝәрʹа кӧл-дәрд анин.

«Чаԝа бь мәрьвәки гӧнә кʹәтә дьне у жь гӧнә жи мьрьн һат, ӧса жи мьрьн сәр һʹәму мәрьва бәла бу, чьмки һʹәмуйа жи гӧнә кьр» (РʹОМАЙИ 5:12).a

Хԝәде мәрьв ӧса нәәʹфьрандийә, кӧ бькарьбә рʹебәрийе әʹмьре хԝә бькә.

Мәрьв ӧса нәһатийә әʹфьрандьне, ԝәки сәрԝертийе сәр мәрьвед дьн бькә, анәгори ԝе йәке кӧ мәрьв нькарьн бьн аведа бьжин.

«Гавед хԝә рʹасткьрьн, нә дь дәсте мьрове кӧ дьмәшә дә йә» (ЙЕРӘМЙА 10:23).

Хԝәде нахԝазә әм бьчәрчьрьн.

Хԝәде дьхԝазә әм ӧса бьжин, кӧ бькарьбьн хԝә жь проблема дур бьгьрьн.

«Хԝәзика тә әʹмьред мьн баш гӧһдари бькьрана! Де ԝе гава сәламәта тә мина чʹәм у . . . мина ләһийед бәһре бьбуна» (ИШАЙА 48:18).