Әʹрд ԝе Бьбә Щьнәт
Йаһоԝа Хԝәде ԝе бь тʹәмами кʹӧта кә һʹәму зӧлмийе, кʹижан кӧ Шәйтʹан Мире-щьна ани. Йаһоԝа, Иса Мәсиһ кьрә Пʹадшә ль сәр тʹәмамийа дьнйайе. Бьн сәрԝертийа Иса әʹрд ԝе бьбә щьнәт (Данийел 7:13, 14; Луԛа 23:43).
Әв ьн созед Йаһоԝа:
ХԜАРЬН ԜЕ ТʹЕР-ТʹЬЖӘ БӘ: «Рʹуйе әʹрде ԝе заде [бәре] хԝә бьдә у Хԝәдайе мә, Йаһоԝа, мә Пироз бькә». «Ль сәр рʹуйе әʹрде гәньм зедә бьбә у бьльндийа ԝе ль сәр сәре чʹийанрʹа бавежә. У дәхьле ԝе, бьла мина Лӧбнане бьбәр бьбә у йен кӧ жь бажер ьн жи, мина гийайе ль сәр әʹрде шин бьбьн у зедә бьбьн» (Зәбур 67:6; 72:16, АБ).
ШӘРʹ ԜЕ ИДА ТʹӦНӘ БЬН: «Ԝәрьн у кʹарен Йаһоԝа бьбиньн, хәракьрьнен кӧ ԝи анинә сәре щиһане [дьнйайе]. Әԝ, ль тʹәваһийа һаԝьрдора щиһане, щәнган дьдә рʹаԝәстандьн [сәкьнандьн]; кәване һур дькә у рʹьман дьшкинә у әʹрәбәйен щәнге, дь егьрда дьшәԝьтинә» (Зәбур 46:8, 9, АБ).
МӘРЬВЕД ХЬРАБ ԜЕ ТʹӦНӘ БЬН: «Жь бәр кʹӧ кәсен хәраб ԝе жь ричькева, бенә ԛӧткьрьн у аветьн; ле йен кӧ һевийа хԝә бь Йаһоԝа, гьре данә, ԝе рʹуйе әʹрде бь мираси бьстиньн. У дь дәмәки незикда, ԝе даԝи ль йен хәраб бе у һʹәта кӧ, тӧ ль щьһе ԝан бьгәри жи, әԝе нәйен дитьн» (Зәбур 37:9, 10, АБ).
НӘХԜӘШИ, КӦЛ-ДӘРД У МЬРЬН ԜЕ ТʹӦНӘ БЬН: «Де ԝе гаве чʹавен коран вәбьн, гӧһен кәрран жи вәбьн. Ԝе гаве ... зьламе ԛоп [тʹӧпʹал] мина аске [гакʹуви] һол бьбә у ... зьмане йе лал бьстьре» (Ишайа 35:5, 6).
«Әԝана ԝе бьбьнә щьмәʹта ԝи у Хԝәде жи ԝе тʹәви ԝан бьминә ... Әԝе жь чʹәʹвед ԝан һʹәму һесьред ԝан паԛьж кә у иди мьрьне тʹӧнәбә, нә шин, нә гьри, нә еш-ешук, чьмки тьштед бәре дәрбаз бун» (Әʹйанти 21:3, 4).
Шәйтʹан у щьнед ԝи мәрьва дьхапиньн, ле Йаһоԝа Хԝәде мәрьва нахапинә. Һʹәму тьшт чь кӧ Хԝәде соз дьдә, ԝе әʹсәйи бе сери (Луԛа 1:36, 37). Йаһоԝа тә һʹьз дькә у дьхԝазә, ԝәки тӧ дь щьнәтеда ль сәр әʹрде бьжийи. Бежә Шәʹдед Йаһоԝа бьра тәрʹа гьли кьн дәрһәԛа рʹастийед пʹьрʹ баш, йед кӧ дь Кʹьтеба Пирозда ньвисар ьн. Һәгәр тӧ ль гора ван рʹастийа бьжийи, тӧйе аза би жь дилтийа дәрәԝийе, жь баԝәрийа ԛәлп у жь нәзанәбуне. Ԝәʹдә шунда жи, тӧйе жь дилтийа гӧнә у мьрьне аза би. Иса гот: «Һуне рʹастийе нас кьн у рʹастийе ԝә аза кә» (Йуһʹәнна 8:32).